Adhyaya 9

Couplet 1

ସୂତ ପୌରାଣିକ କହନ୍ତିଶୁଣ ଶୌନକ ଆଦି ଯତି

Couplet 2

ଏହି ପ୍ରକାରେ ମାର୍କଣ୍ଡେୟକଲେ ବହୁ ସ୍ତୁତି ବିନୟ

Couplet 3

ନର ନାରାୟଣ ତା' ଶୁଣିସନ୍ତୋଷ ଭାବେ କହି ବାଣୀ

Couplet 4

ହେ ବ୍ରହ୍ମଋଷି ତପୋନିଷ୍ଠସମାଧି ଯୋଗେ ଜ୍ଞାନୀ ଅଟ

Couplet 5

ତେଣୁ ତୁମ୍ଭେ ସିଦ୍ଧ ହୋଇଲନିଶ୍ଚଳ ଭକ୍ତିରେ ଭଜିଲ

Couplet 6

ମୋ'ଠାରେ ତପଜ୍ଞାନବଳେବେଦାଧ୍ୟୟନ ସଂଯମରେ

Couplet 7

ଆମ୍ଭେ ଯେ ସନ୍ତୋଷ ହୋଇଲୁବ୍ରତ-ଆଚାର-ତପ ବଳୁ

Couplet 8

ଏବେ ହୋ ବର ମାଗ ତୁମ୍ଭେଯାହା ମାଗିବ ଦେବୁ ଆମ୍ଭେ

Couplet 9

ମନୋରଥ ପୂର୍ଣ୍ଣ କରିଣକୁଶଳେ ବର ମାଗି ଘେନ

Couplet 10

ବିଷ୍ଣୁ ବଦନୁଁ ଏହା ଶୁଣିକହନ୍ତି ମାରକଣ୍ଡ ମୁନି

Couplet 11

ହେ ଦେବ ଦେବ ନାରାୟଣସକଳ ଜଗତ କାରଣ

Couplet 12

ଶରଣାପନ୍ନ ତାପ ହରବିପତ୍ତି ପାପ କ୍ଷୟ କର

Couplet 13

ପରମପଥ ଦେଖାଇଲକୃତାର୍ଥ ପ୍ରଭୁ ମୋତେ କଲ

Couplet 14

ବରେ ମୋ' କିବା ପ୍ରୟୋଜନଯେଣୁ ଦେଖିଲି ତୋ' ଚରଣ

Couplet 15

ତୁମ୍ଭର ଚରଣକୁ ଧ୍ୟାୟିଶ୍ରୀପଦେ ଆତ୍ମାକୁ ମିଶାଇ

Couplet 16

ତୁମ୍ଭ ଦର୍ଶନ ପାଇଲଇଁଅନ୍ୟ କି ବର ମାଗିବଇଁ

Couplet 17

ଅଷ୍ଟାଙ୍ଗଯୋଗ ଧାରଣାରେଦେଖନ୍ତି ଦେହର ଭିତରେ

Couplet 18

ଯାହାର ଚରଣକୁ ଧ୍ୟାୟିପରମପଦ ବ୍ରହ୍ମା ପାଇ

Couplet 19

ସେ ତୁମ୍ଭେ ମୋ ଚକ୍ଷୁ ଗୋଚରେଦର୍ଶନ ଦେଲ ସାକ୍ଷାତରେ

Couplet 20

ହେ ପଦ୍ମନେତ୍ର ଚକ୍ରପାଣିହେ ପୁଣ୍ୟଶ୍ଳୋକ ଶିଖାମଣି

Couplet 21

ତୁମ୍ଭର ଅନୁଗ୍ରହ ହେବମାୟା ମହିମା ଦେଖାଇବ

Couplet 22

ଯେ ମାୟା ସକଳ ଲୋକରେଲୋକପାଳାଦି ବଶ କରେ

Couplet 23

ସୂତ କହନ୍ତି ମୁନି ଆଗେମାର୍କଣ୍ଡ ବିନୟ ଯେ ଭାବେ

Couplet 24

ପ୍ରସନ୍ନେ କହି ଭଗବାନଏ ତୋ'ର ବାଞ୍ଛା ହେଉ ପୂର୍ଣ୍ଣ

Couplet 25

ମାୟା ମହିମା ମୋର ଦେଖଏ ଅନ୍ତେ ଲଭ ସର୍ବ ସୁଖ

Couplet 26

ଏମନ୍ତ କହି ବଦ୍ରିସ୍ଥାନେବିଜୟ ନରନାରାୟଣେ

Couplet 27

ତହୁଁ ମାର୍କଣ୍ଡେୟ ଆଶ୍ରମେରହିଲେ ବାସୁଦେବ ଧ୍ୟାନେ

Couplet 28

ଜଳ ପବନ ଯେ ଆକାଶଭୂ ଅଗ୍ନି ପଞ୍ଚଭୂତେ ବାସ

Couplet 29

ସ୍ଥାବର ଜଙ୍ଗମ ପତଙ୍ଗକୀଟାଦି ଚାରିଖାନି ଅଙ୍ଗ

Couplet 30

ସବୁ ବାସୁଦେବ ସ୍ୱରୂପେଧ୍ୟାନ କରନ୍ତି ଲୟ କଳ୍ପେ

Couplet 31

ଭାବଯୁକ୍ତ ହୋଇ ମନରେଭାବଦ୍ରବ୍ୟେ ପୂଜେ ବିଷ୍ଣୁରେ

Couplet 32

କେବେ ବା ପ୍ରେମେ ବିହ୍ୱଳିତହୋଇ ଭୁଲଇ ପୂଜା ଅର୍ଥ

Couplet 33

ବାସୁଦେବ ଚରଣେ ଲୟେଧ୍ୟାନରେ ନିମଗ୍ନ ସେ ହୋଏ

Couplet 34

ଆପଣା ଆଶ୍ରମରେ ଥାଇକିଛିଦିନ ଯେ ଶେଷ ହୋଇ

Couplet 35

ପୁଷ୍ପଭଦ୍ରାନଦୀ ତଟରେସ୍ନାନ ସନ୍ଧ୍ୟା ସାରି ତ୍ରିକାଳେ

Couplet 36

ଯୋଗଧ୍ୟାନରେ ବସିଛନ୍ତିବାସୁଦେବଙ୍କୁ ହୃଦେ ଚିନ୍ତି

Couplet 37

ଏମନ୍ତେ ପ୍ରଚଣ୍ଡ ପବନବହେ ମହାଘୋର ଶବ୍ଦେଣ

Couplet 38

ଆକାଶେ ମହାଭୟଙ୍କରମେଘେ ଉଠିଲେ ଶୀଘ୍ରତର

Couplet 39

ରଥ ଅଖର ପରକାରେଧାରା ବୃଷ୍ଟି କଲେ ଶୂନ୍ୟରେ

Couplet 40

ବିଦ୍ୟୁତ୍ ଝଟକ ଶବଦବଜ୍ର ନିର୍ଘାତ ଇନ୍ଦ୍ରାୟୁଧ

Couplet 41

ସେ ଜଳେ ଭୂମିପୂର୍ଣ୍ଣ ହୋଇସମୁଦ୍ରେ ଲାଗି ଉଚ୍ଛୁଳଇ

Couplet 42

ସର୍ବେ ଏକାର୍ଣ୍ଣବ ହୋଇଲେତରଙ୍ଗ ଲହରୀ ଉଠିଲେ

Couplet 43

ପବନ ବଳେ ଜଳମାନେଉଲ୍ଲୋଳେ ଲାଗିଲେ ଗଗନେ

Couplet 44

କଚ୍ଛପ କୁମ୍ଭୀର ମକରମତ୍ସ୍ୟ ଆଦି ଯେ ଜଳଚର

Couplet 45

ଏମାନେ ଭାସିଣ ଗର୍ଜିଲେସର୍ବେ ଜଳରେ ଲୀନ ହେଲେ

Couplet 46

ସପ୍ତସମୁଦ୍ର ସପ୍ତଦୀପହୋଇଲା ଏକଖଣ୍ଡ ଆପ

Couplet 47

ବ୍ରହ୍ମାଣ୍ଡଯାକ ପୂର୍ଣ୍ଣ ହୋଇନିର୍ଘାତ ଶବଦେ ଚଳଇ

Couplet 48

ଏ ଭାବେ ସମସ୍ତେ ବୁଡ଼ିଲେଯେଣୁ ସେ ବିଷ୍ଣୁ ମାୟା କଲେ

Couplet 49

ମୁନି ଆପଣା ସଙ୍ଗତରେଜୀବଙ୍କୁ ଭିତରେ ବାହାରେ

Couplet 50

ଦେଖି ଜଳରେ ନିମଗନବିଜୁଳି ତେଜେ ଖେଦମନ

Couplet 51

ପୃଥିବୀ ଜଳମଗ୍ନ ଦେଖିଭୟେ ହୋଇଲେ ମହାଦୁଃଖୀ

Couplet 52

ଜଳ ଏକାର୍ଣ୍ଣବ ହୋଇଣଆକାଶ ପର୍ଯ୍ୟନ୍ତ ଲାଗିଣ

Couplet 53

ଜଗତ ଅନ୍ତର୍ଦ୍ଧାନ ହେଲାପୃଥ୍ୱୀ ଆକାଶ ନ ଦିଶିଲା

Couplet 54

ସ୍ୱର୍ଗେ ନକ୍ଷତ୍ର ଗ୍ରହଗଣଜ୍ୟୋତିଷ ଚକ୍ର ସମେତେଣ

Couplet 55

ସବୁ ଜଳେ ଏକ ହୋଇଲାସମସ୍ତ ଜଳରେ ବୁଡ଼ିଲା

Couplet 56

ସେ ମୁନି ଯୋଗମାୟାବଳେଭାସିଲେ ପ୍ରଳୟ ଜଳରେ

Couplet 57

ଜଟାମଣ୍ଡଳ ଫିଟି ଭାସେଅନ୍ଧାର ପଥ ପ୍ରାୟ ଦିଶେ

Couplet 58

କ୍ଷୁଧା ତୃଷାରେ ପୀଡ଼ା ପାଇପବନେ ତରଙ୍ଗେ ଭାସଇ

Couplet 59

ମକର ତିମି ଜନ୍ତୁଗଣେପୀଡ଼ିତ ହୋଇ ଋଷି ଭ୍ରମେ

Couplet 60

ଅନ୍ଧାରେ ଦିଗ ହିଁ ନ ଦିଶେବୁଡ଼ି ଜୀବନ ମାତ୍ର ଶେଷେ

Couplet 61

ମହା ଆବର୍ତ୍ତେ ପଡ଼ି କାହିଁସେ ମୁନି ମୋହିତ ହୁଅଇ

Couplet 62

କାହିଁ ତରଙ୍ଗେ ବୁଡ଼ିଯା'ନ୍ତିଲହରୀମାନଙ୍କେ ଉଠନ୍ତି

Couplet 63

କୁମ୍ଭୀର ମକରେ ବା କାହିଁସାନକୁ ବଡ଼ ଯେ ଗିଳଇ

Couplet 64

ତା'ଙ୍କ ତହୁଁ ବଳି ପଡ଼ନ୍ତିଶୋକେ ଦୁଃଖେ ମୋହେ ମଜ୍ଜନ୍ତି

Couplet 65

କେବେ ତାହାଙ୍କ ଭକ୍ଷ୍ୟ ହୋନ୍ତିକାହିଁବା ଶୋକ ଭୟ ପା'ନ୍ତି

Couplet 66

ବ୍ୟାଧି ଦୁଃଖ ପାଇ ମରନ୍ତିଆତ୍ମା ପୀଡ଼ିତେ ମୋହ ଯା'ନ୍ତି

Couplet 67

ଏମନ୍ତେ ଅୟୁତ ଲକ୍ଷେଣଗଲା ବତ୍ସର ଦିନମାନ

Couplet 68

ଅତି ଆରତେ ମାରକଣ୍ଡଜାଣିଲେ ନିଶ୍ଚେ ଯିବ ପିଣ୍ଡ

Couplet 69

ବିଷ୍ଣୁର ମାୟାମୋହେ ପୁଣିଭାସନ୍ତି ମାରକଣ୍ଡ ମୁନି

Couplet 70

ବିଷ୍ଣୁମାୟାରେ ଏକଦିନେଭାସି ଲାଗିଲେ ଉଚ୍ଚସ୍ଥାନେ

Couplet 71

ବ୍ରହ୍ମାଣ୍ଡ ମଧ୍ୟେ ଜମ୍ବୁଦ୍ୱୀପନବଖଣ୍ଡରେ ସେ ସଂକ୍ଷେପ

Couplet 72

ଭାରତବରଷ ମଧ୍ୟରେଆର୍ଯ୍ୟାବର୍ତ୍ତ ନାମ ବିସ୍ତାରେ

Couplet 73

ଉତ୍କଳ ନାମକ ଦେଶରେଆର୍ଯ୍ୟାବର୍ତ୍ତ ଅଗ୍ନିକୋଣରେ

Couplet 74

ଦକ୍ଷିଣ ମହୋଦଧି ତଟସମୁଦ୍ର ଉତ୍ତରେ ପ୍ରକଟ

Couplet 75

ନାମ ଯା' ଶ୍ରୀପୁରୁଷୋତ୍ତମସକଳ କ୍ଷେତ୍ର ଯହୁଁ ଜନ୍ମ

Couplet 76

ନୀଳାଚଳ ଗିରି ଶିଖରେଅକ୍ଷୟ କଳ୍ପବଟ ପରେ

Couplet 77

କ୍ଷେତ୍ରବଟ ସମେତ ହୋଇପ୍ରଳୟ ଜଳରେ ଭାସଇ

Couplet 78

ପବନ ବଳରେ ନ ଚଳେସଳଖେ ଜନଲୋକେ ମିଳେ

Couplet 79

ପଞ୍ଚକୋଶ ବିସ୍ତାର ହୋଇବେଢିଣ ଜ୍ୟୋତିର୍ମୟ ଦେହୀ

Couplet 80

ଜଳ ଉପରେ ତା ପଲ୍ଲବଫଳ ପଲ୍ଲବେ ଶୋଭା ଦିବ୍ୟ

Couplet 81

ସେ ଯେଉଁ ବୃକ୍ଷ ତିନିଡ଼ାଳପୂର୍ବ ଐଶାନ୍ୟ ଯେ ଉତ୍ତର

Couplet 82

ପୂର୍ବ ଉତ୍ତର ମଧ୍ୟେ ଶାଖାଐଶାନ୍ୟ ଡ଼ାଳ ମଧ୍ୟେ ଦେଖା

Couplet 83

ନବ ପଲ୍ଲବ ବଟପୁଟେଏକ ପୁରୁଷ ଜବାଙ୍ଗୁଷ୍ଠେ

Couplet 84

ସେ ବଟପୁଟରେ ଶୟନମାର୍କଣ୍ଡ କଲେ ତା' ଦର୍ଶନ

Couplet 85

ଅଙ୍ଗୁଷ୍ଠ ପ୍ରମାଣେ ପୁରୁଷଆପଣା ପ୍ରଭାରେ ସେ ଦୃଶ୍ୟ

Couplet 86

ପ୍ରଳୟ-ଅନ୍ଧାର ଛେଦନମହାମର୍କତ ମଣି ଶ୍ୟାମ

Couplet 87

ମୁଖ ଲୋଚନ ପାଣି କର୍ଣ୍ଣପ୍ରକାଶ କମଳ ଯେସନ

Couplet 88

କଣ୍ଠରେ ଶଙ୍ଖରେଖା ଅଛିଶ୍ରୀବତ୍ସଚିହ୍ନ ହୃଦେ ଗଚ୍ଛି

Couplet 89

ହୃଦୟ ବିସ୍ତାର ସୁନ୍ଦରବ୍ରହ୍ମାଣ୍ଡ ସର୍ଜନ ସଂହାର

Couplet 90

ନାସିକା ଅତ୍ୟନ୍ତ ସୁନ୍ଦରଭ୍ରୂଲତା ଧନୁ କନ୍ଦର୍ପର

Couplet 91

ନିଃଶ୍ୱାସ ପବନ ଚଞ୍ଚଳଚଳନ୍ତି କର୍ଣ୍ଣର କୁଣ୍ଡଳ

Couplet 92

ପକ୍ୱ ଡ଼ାଳିମ୍ବ ବୀଜ ପ୍ରାୟେଦନ୍ତପନ୍ତି ଯେ ଶୋଭାପାଏ

Couplet 93

ପ୍ରବାଳ ଅରୁଣ ଅଧରଦରହାସରେ ସେ ସୁନ୍ଦର

Couplet 94

ଅରୁଣପଦ୍ମ ଯେ ଲୋଚନକଟାକ୍ଷ କୋଣେ ବିଲୋକନ

Couplet 95

ନାଭି ଉପରେ ବଳିମାନନିଃଶ୍ୱାସ ପବନେ କମ୍ପନ

Couplet 96

ଦୁଇ ହସ୍ତେ ପାଦ ଅଙ୍ଗୁଳିଧରି ଚୁମ୍ବନ୍ତି ମୁଖେ ତୋଳି

Couplet 97

ଚରଣାମ୍ବୁଜ ମକରନ୍ଦମୁଖେ ଭରିଣ ସେ ଆନନ୍ଦ

Couplet 98

ବାଳକ ରୂପରେ ଶୟନମାର୍କଣ୍ଡ ବିସ୍ମୟ ଦେଖିଣ

Couplet 99

ଦର୍ଶନେ ଶ୍ରମ ଦୂର ଗଲାଆନନ୍ଦେ ରୋମ ପୁଲକିଲା

Couplet 100

ପଦ୍ମପ୍ରାୟେ ଚକ୍ଷୁ ବିକାଶିପୁଲକ ରୋମାବଳୀ ରାଶି

Couplet 101

ତା'ଙ୍କ ନାମ ପୁଛିବା ଅର୍ଥେମାର୍କଣ୍ଡ ବିଚାରିଲେ ଚିତ୍ତେ

Couplet 102

ବାଳକ ନିକଟେ ପ୍ରବେଶିଉଭା ହୋଇଲେ ସେହି ଋଷି

Couplet 103

ବାଳକ ନିଃଶ୍ୱାସ ପବନବାଜେ ମାରକଣ୍ଡ ଦେହେଣ

Couplet 104

ମୁଖ ବିସ୍ତାର କରି ହରିଗିଳିଲେ ମଶା ପ୍ରାୟ କରି

Couplet 105

ହୃଦୟ ଭିତରେ ପଶିଲେତହିଁରେ ବୁଲିଣ ଦେଖିଲେ

Couplet 106

ପୂର୍ବ ପରାୟେ ସୃଷ୍ଟି ଅଛିଦେଖିଲେ ମୃକଣ୍ଡର ବତ୍ସି

Couplet 107

ପୃଥ୍ୱୀମଣ୍ଡଳ ସ୍ୱର୍ଗ ଆଦିଆକାଶ ସାଗର ପ୍ରସିଦ୍ଧି

Couplet 108

ଗ୍ରହ ନକ୍ଷତ୍ର ତାରାଗଣବରଷ ସପ୍ତଦ୍ୱୀପମାନ

Couplet 109

ପର୍ବତ ଦେଶ ଭୂମି ବନନଗର କ୍ଷେତ୍ର ଯେ ଆଶ୍ରମ

Couplet 110

ଦେବ ଅସୁର ଜନ୍ତୁ ଯେତେନଦୀ ସରୋବର ସହିତେ

Couplet 111

ବ୍ରଜ ଆଶ୍ରମ ବୃତ୍ତି ବର୍ଣ୍ଣଯେତେକ ଜୀବଜନ୍ତୁମାନ

Couplet 112

ପଞ୍ଚମହାଭୂତ ଶବଦସ୍ପରଶ ରସ ରୂପ ଗନ୍ଧ

Couplet 113

ଚତୁର୍ଦ୍ଦଶ ଭୁବନ ଗତିଯେ କାଳ ଯୁଗ କଳ୍ପ ହୋ'ନ୍ତି

Couplet 114

ବ୍ରହ୍ମାଦି କୀଟ ପରିଯନ୍ତେସର୍ବ ଦେଖିଲେ ଆଚମ୍ବିତେ

Couplet 115

ହିମାଳୟ ଯେ ପରବତପୁଷ୍ପଭଦ୍ରା ନଦୀ ସହିତ

Couplet 116

ଆପଣା ଆଶ୍ରମ ଦେଖିଲେସମସ୍ତ ଋଷିଙ୍କର ମେଳେ

Couplet 117

ଏଭାବେ ବୁଲୁଁ ମୁନିବରଗଲା ଅନେକ ସମ୍ବତ୍ସର

Couplet 118

ଦେଖି ମାର୍କଣ୍ଡ ଶ୍ରମଭାଗୀଭେଦି ନ ପାରି ମହାଯୋଗୀ

Couplet 119

ସଂସାର ଦେଖିଣ ବିସ୍ମୟମିଥ୍ୟା ମଣିଲେ ସେ ପ୍ରଳୟ

Couplet 120

ଏମନ୍ତେ ପୁଣି ବିଷ୍ଣୁମାୟାପ୍ରକାଶ କଲେ ବିଶ୍ୱକାୟା

Couplet 121

ଆପଣା ନିଃଶ୍ୱାସରେ ପୁଣବାହାର କଲେ ତତ୍କ୍ଷଣ

Couplet 122

ପ୍ରଳୟ ଜଳେ ପକାଇଲେପୁଣି ସେ ଜଳରେ ଭାସିଲେ

Couplet 123

ପୂର୍ବର ଯାହା ଅନୁଭବପାଇଲେ ସେହି ପରାଭବ

Couplet 124

ପୁଣ ସେ ବଟ ତଳେ ଲାଗିତା' ଆହାଲ୍ଲାଦେ ସୁଖଭାଗୀ

Couplet 125

ସେ ବଟପତ୍ରପୁଟେ ଶୋଇବାଳକ ଚରଣ ଚୁମ୍ବଇ

Couplet 126

ଦରହସିତ ମୁଖ ତା'ରଅପାଙ୍ଗ ଦୃଷ୍ଟି ମନୋହର

Couplet 127

ଲାଗିଣ ଆଶ୍ୱାସନା ପାଇଋଷି ସେ ବାଳକକୁ ଚାହିଁ

Couplet 128

ହୃଦରେ ତା'ଙ୍କୁ ଧ୍ୟାନ କଲେମନେ ଆଲିଙ୍ଗନ ବାଞ୍ଛିଲେ

Couplet 129

ଏମନ୍ତ ଜାଣିଣ ମୁକୁନ୍ଦଯେ ସ୍ଥିତି ହୃଦୟର ମଧ୍ୟ

Couplet 130

ଏମନ୍ତେ ପାଶ୍ୱର୍ରେ ଲାଗିଲେଦେଖି ଅନେକ ସ୍ତୁତି କଲେ

Couplet 131

ସେ କୃଷ୍ଣ ଅନ୍ତର୍ଦ୍ଧାନ ଗଲେଆପଣା ମାୟା ଦେଖାଇଲେ

Couplet 132

ବିଷ୍ଣୁ ହୁଅନ୍ତେ ଅନ୍ତର୍ଦ୍ଧାନପ୍ରଳୟ ଅନ୍ତଃ ତତକ୍ଷଣ

Couplet 133

କ୍ଷଣ ମାତ୍ରକେ ସର୍ବ ଗଲେମାର୍କଣ୍ଡ ଲୋଚନେ ଦେଖିଲେ

Couplet 134

ପୂର୍ବେ ଆପଣା ଆଶ୍ରମରେଯେଉଁ ଭାବରେ ବସିଥିଲେ

Couplet 135

ଆତ୍ମାରେ ଯୋଗଧ୍ୟାନ କରିଚିତ୍ତରେ ଚିନ୍ତି ନରହରି

Couplet 136

ଆସନେ ବସିଛନ୍ତି ପୁଣଏମନ୍ତ ମାୟାର ଭିଆଣ

Couplet 137

ଦେଖିଣ ମାରକଣ୍ଡ ଋଷିଆଶ୍ଚର୍ଯ୍ୟ ମଣି ମନେ ତୋଷି

Couplet 138

ସେ ବିଷ୍ଣୁମାୟାର ତଦନ୍ତକେ ଅବା ଜାଣିବ ଏମନ୍ତ

Couplet 139

କହଇ ଜଗନ୍ନାଥ ଦାସକୃଷ୍ଣଚରଣେ କରି ଆଶ