Adhyaya 8

Couplet 1

ଶୌନକ ପୁଛେ ତୋଷମନେସୂତମୁନିଙ୍କ ସନ୍ନିଧାନେ

Couplet 2

ହେ ସୂତ ହୁଅ ଚିରଞ୍ଜୀବୀପରମ ସାଧୁଗୁଣ ସେବି

Couplet 3

ପୁରାଣବକ୍ତା ତୁମ୍ଭେ ଶ୍ରେଷ୍ଠଆମ୍ଭେ ମାୟାରେ ପଡ଼ି ନଷ୍ଟ

Couplet 4

ଅପାର ସମୁଦ୍ରେ ଭ୍ରମିଲୁଅନ୍ଧକାରେ ପଡ଼ି ମଜ୍ଜିଲୁ

Couplet 5

ଏଥୁଁ ଆମ୍ଭଙ୍କୁ ଉଦ୍ଧରିବସଂସାର ପାର ଦେଖାଇବ

Couplet 6

ମାର୍କଣ୍ଡେୟ ଆୟୁଷ ବାଣୀଜଗତ ଜନମୁଖୁଁ ଶୁଣି

Couplet 7

କଳ୍ପାନ୍ତେ ପ୍ରଳୟ ଜଳରେକେମନ୍ତେ ରକ୍ଷା ସେ ପାଇଲେ

Couplet 8

ଜଗତ ଯେଉଁ ବିଷ୍ଣୁଠାରେଜନ୍ମ ଉତ୍ପତ୍ତି ଲୟ ଧରେ

Couplet 9

ସେ ବିଷ୍ଣୁ ଦର୍ଶନ କେମନ୍ତେପାଇଲେ ମାର୍କଣ୍ଡେୟ ଅନ୍ତେ

Couplet 10

ସେ ଆମ୍ଭ ଭୃଗୁଋଷି ବଂଶେଜନମ ମୃକଣ୍ଡଙ୍କ ଅଂଶେ

Couplet 11

ତା'ଙ୍କ ଜନମ ଦିନୁ ପୁଣପ୍ରଳୟ ନାହିଁ ସଂସାରେଣ

Couplet 12

କେଉଁ ପ୍ରଳୟ ଅନୁଭବକଲେ ସେ ମୃକଣ୍ଡସମ୍ଭବ

Couplet 13

ସେ ଏକାର୍ଣ୍ଣବଜଳେ ପୁଣଏକାକୀ କଲେ ସନ୍ତରଣ

Couplet 14

ଏକ ପୁରୁଷ ବଟପୁଟେଦେଖିଲେ ଆପଣା ନିକଟେ

Couplet 15

ଅଙ୍ଗୁଷ୍ଠ ପ୍ରମାଣେ ପୁରୁଷସେ ବଟପତ୍ର ପୁଟେ ବାସ

Couplet 16

ଏହାଙ୍କ ନାମ ଧରି ରାଇଲାଗିଲେ ତା'ଙ୍କ ପାଶେ ଯାଇ

Couplet 17

ବାଳକ ଗର୍ଭର ଭିତରେଋଷି ପଶିଲେ ପ୍ରଳୟରେ

Couplet 18

ସେ ପ୍ରଳୟରୁ ରକ୍ଷା ପାଇଗର୍ଭେ ଅନେକ ଦିନ ରହି

Couplet 19

ବାଳକରୂପୀ ଯେ ପୁରୁଷତା'ଙ୍କର ନାମ ଗୁଣ କିସ

Couplet 20

ଆମ୍ଭର ମନରେ ସଂଶୟସେ କଥା ଆମ୍ଭ ଆଗେ କହ

Couplet 21

ଏ ମାୟା କୁତୂହଳ କଥାକହିଣ ଛେଦ ମନବ୍ୟଥା

Couplet 22

ତୁମ୍ଭେ ପରମଯୋଗୀ ଯେଣୁକୁଶଳ ପୁରାଣରେ ତେଣୁ

Couplet 23

ଏମନ୍ତ ଶୌନକଙ୍କ ବାଣୀସୂତ କହନ୍ତି ତାହା ଶୁଣି

Couplet 24

ହେ ମହାଋଷିମାନେ ଶୁଣପୁଛିଲ ଯେ ଅବା ପ୍ରଶନ

Couplet 25

ପ୍ରାଣୀଙ୍କି ସୁଧା ଯେଉଁ ବାଣୀକରନ୍ତି ଶ୍ରମ ଦୂର ପୁଣି

Couplet 26

ନାରାୟଣର କଥାମାନଯହିଁରେ ହୋଇଛି ବଖାଣ

Couplet 27

କଳିଯୁଗର ମୋହ ନାଶେତାହା କହିବା ଶୁଣ ତୋଷେ

Couplet 28

ବ୍ରହ୍ମାଙ୍କ ପୁତ୍ର ଭୃଗୁମୁନିଧାତା ବିଧାତା ସୁତ ବେନି

Couplet 29

ବିଧାତା ସୁତ ଯେ ମୃକଣ୍ଡଏହାଙ୍କ ସୁତ ମାରକଣ୍ଡ

Couplet 30

ଜନ୍ମଲଭିଲେ ଏ ସଂସାରେଆୟୁଷ ନବ ବରଷରେ

Couplet 31

ବ୍ରାହ୍ମଣ କର୍ମରେ ସଂସ୍କାରପିତା ତା କଲେ ତପୀବର

Couplet 32

ବେଦମାନଙ୍କୁ ସେ ପଢିଲେବ୍ରହ୍ମଚର୍ଯ୍ୟେ ପିତୃସେବିଲେ

Couplet 33

ପିତୃସେବା ସକାଶୁ ପୁଣଆୟୁ ସପତକଳ୍ପ ଜାଣ

Couplet 34

ବ୍ରହ୍ମଚର୍ଯ୍ୟ ବ୍ରତ ସେ କଲେଶାନ୍ତ ସମଚିତ୍ତ ଭଜିଲେ

Couplet 35

ଜଟାଧାରୀ ବକ୍କଳ ପିନ୍ଧିହସ୍ତେ କମଣ୍ଡଳୁ ତ୍ରିଦଣ୍ଡି

Couplet 36

ଯଜ୍ଞୋପବୀତ କନ୍ଧେ ଶୋହେକୁଶ ମେଖଳା କଟୀ ମୋହେ

Couplet 37

କନ୍ଧେ କୃଷ୍ଣାଜିନ ଉତ୍ତରୀରୁଦ୍ରାକ୍ଷ କଣ୍ଠ ହସ୍ତେ ଭରି

Couplet 38

ହସ୍ତରେ କୁଶ ଯେ ପବିତ୍ରଏମନ୍ତେ ବ୍ରହ୍ମଚର୍ଯ୍ୟ ବ୍ରତ

Couplet 39

ଅଗ୍ନି ସୂର୍ଯ୍ୟ ଗୋରୁ ବ୍ରାହ୍ମଣଗୁରୁ ବିଷ୍ଣୁପାଦେ ସେବିଣ

Couplet 40

ସାୟଂ ପ୍ରାତଃ ଦୁଇ ସନ୍ଧ୍ୟାରେଗୁରୁଙ୍କ ପାଦ ସେବାକଲେ

Couplet 41

ଭିକ୍ଷାଅନ୍ନ ଗୁରୁଙ୍କ ପାଶେଆଣି ସେ ଦିଅନ୍ତି ସନ୍ତୋଷେ

Couplet 42

ସେ ଅନ୍ନ ଗୁରୁଆଜ୍ଞା ପାଇଭୋଜନ କରେ ତୋଷ ହୋଇ

Couplet 43

ଏ ରୂପେ ବେଦ ଯେ ଅଭ୍ୟାସିଅନ୍ୟଥା ହୁଏ ଉପବାସୀ

Couplet 44

ବେଦାଧ୍ୟୟନ ଏହିମତେବତ୍ସର ଦଶକୋଟି ଗତେ

Couplet 45

ସେ ବାସୁଦେବ ଆରାଧନାଧ୍ୟାନେ ଧଇଲେ ଏ ଧାରଣା

Couplet 46

ଏମନ୍ତେ ମୃତ୍ୟୁକୁ ଜିଣିଲେଯେଣୁ ନାରାୟଣ ଜାଣିଲେ

Couplet 47

ବ୍ରହ୍ମା ମହେଶ ଭୃଗୁ ଦକ୍ଷପିତୃ ଭୂତାଦି ଗଣ ରକ୍ଷ

Couplet 48

ବ୍ରହ୍ମପୁତ୍ର ଦେବ ମନୁଷ୍ୟଯେ ତପୀ ବ୍ରହ୍ମଚାରୀ ଅଂଶ

Couplet 49

ଦେଖିଣ ବିସ୍ମୟ ହୋଇଲେମନରେ ଭୟ ଜାତ କଲେ

Couplet 50

ବ୍ରହ୍ମଚର୍ଯ୍ୟ ବ୍ରତ ଧରିଣତପସ୍ୟା ବେଦ ଅଧ୍ୟୟନ

Couplet 51

ମନ ପବନ ଯୋଗବଳେରହିଲେ ଆସନ ନିଶ୍ଚଳେ

Couplet 52

ସଂଯମେ ରହି ବିଷ୍ଣୁପାଦେଯୋଗ ଅଭ୍ୟାସେ ଧ୍ୟାନେ ହୃଦେ

Couplet 53

ଅନ୍ତରାତ୍ମାରେ ଧ୍ୟାନ କଲେସକଳ କ୍ଳେଶ ପାସୋରିଲେ

Couplet 54

ଏମନ୍ତ ପ୍ରକାରରେ ପୁଣବାସୁଦେବଙ୍କୁ କଲେ ଧ୍ୟାନ

Couplet 55

ଏମନ୍ତେ ଷଟ ମନ୍ୱନ୍ତରେବୈବସ୍ୱତମନୁ ସପ୍ତରେ

Couplet 56

ତା'ଙ୍କ ସମୟେ ପୁରନ୍ଦରନାମ ଯେ ଅଟଇ ଇନ୍ଦ୍ରର

Couplet 57

ମାରକଣ୍ଡେୟ ତପ ଦେଖିଶଙ୍କା ମନରେ ହୋଇ ଦୁଃଖୀ

Couplet 58

ଏ ବିଚାରରେ ପୁରନ୍ଦରରାଇ ଗନ୍ଧର୍ବ ପଞ୍ଚଶର

Couplet 59

ଅପ୍ସରାଗଣଙ୍କୁ ଡ଼କାଇକହେ କନ୍ଦର୍ପ ମୁଖ ଚାହିଁ

Couplet 60

ବସନ୍ତ ମଳୟପବନଷଡ଼ଋତୁଙ୍କ ସମେତେଣ

Couplet 61

ଲୋଭ ମୋହ ମଦ ମତ୍ସରସଙ୍ଗେ ଘେନି ଚଳ ସତ୍ୱର

Couplet 62

ତାଙ୍କର ତପ ଭଗ୍ନକରଆଜ୍ଞା ପ୍ରମାଣେ ଚଳେ ମାର

Couplet 63

ମାର୍କଣ୍ଡ ଆଶ୍ରମେ ପ୍ରବେଶହିମବନ୍ତ ଉତ୍ତରପାଶ

Couplet 64

ନଦୀର ପୁଷ୍ପଭଦ୍ରା ନାମଚିତ୍ରଶିଳା ନାମେ ଯେ ସ୍ଥାନ

Couplet 65

ଆଶ୍ରମ ମାର୍କଣ୍ଡେୟ ତହିଁସେ ସ୍ଥାନେ କିଛି ଭୟ ନାହିଁ

Couplet 66

ସେ ଋଷି ଆଶ୍ରମ ମହିମାଅଶେଷ ସୁଖାଳୟ ସୀମା

Couplet 67

ପୂର୍ଣ୍ଣ ସେ ବୃକ୍ଷଲତାଦିରେବେଷ୍ଟିତ ସୁଗନ୍ଧ ପୁଷ୍ପରେ

Couplet 68

ପୁଷ୍ପଶ୍ରେଣୀର ଶୋଭା ଘେନିନିର୍ମଳଜଳ ପୁଷ୍କରିଣୀ

Couplet 69

ମତ୍ତଭ୍ରମରେ ପୁଷ୍ପବାସେମକରନ୍ଦପାନ ହରଷେ

Couplet 70

ମତ୍ତ-କୋକିଳ କରେ ଧ୍ୱନିମତ୍ତ-ମୟୂର ନୃତ୍ୟେ ଭ୍ରମି

Couplet 71

ଉନ୍ମତ୍ତେ ନାନା ପଶୁଗଣେସର୍ବେ ଆନନ୍ଦ ସେହୁ ବନେ

Couplet 72

ଏମନ୍ତେ ଇନ୍ଦ୍ରଦୂତମାନେମିଳିଲେ ଋଷି-ତପସ୍ଥାନେ

Couplet 73

ପବନ ମଦଗନ୍ଧ ଘେନିଶୀତଳ ହିମଜଳ ଆଣି

Couplet 74

ପୁଷ୍ପବାସରେ ଯୁକ୍ତ ହୋଇବହଇ ମଳୟ ପୂରାଇ

Couplet 75

କାମ ଉଦିତ ନାନାମତେଆଚ୍ଛନ୍ନକଲେ ଇନ୍ଦ୍ରଦୂତେ

Couplet 76

ପୂର୍ଣ୍ଣ ଚନ୍ଦ୍ରମା ଉଦେ ହୋଇନବପଲ୍ଲବେ ଶୋଭା ପାଇ

Couplet 77

ବସନ୍ତ ଆଦି ଷଡ଼ଋତୁଏ ସର୍ବେ ତପଭଗ୍ନ ହେତୁ

Couplet 78

ଗନ୍ଧର୍ବ ଅପସରା ଆଦିକନ୍ଦର୍ପ ପୁଷ୍ପବାଣ ସନ୍ଧି

Couplet 79

ଲୋଭ ମୋହ ଅଙ୍ଗେ ଭେଦିଲାରତିସଙ୍କେତ ଦେଖାଇଲା

Couplet 80

ମାରକଣ୍ଡେୟ ସନ୍ଧ୍ୟା ସାରିଅଗ୍ନିହୋତ୍ରରେ ସେବାକରି

Couplet 81

ଯୋଗଧ୍ୟାନରେ ବସିଛନ୍ତିଏମନ୍ତେ କନ୍ଦର୍ପେ ଭେଦନ୍ତି

Couplet 82

ସେ ମାରକଣ୍ଡ ଯୋଗଧ୍ୟାନେଚିନ୍ତେ ବାସୁଦେବ ଚରଣେ

Couplet 83

ଅତ୍ୟନ୍ତ ଯେ ଜାଜ୍ୱଲ୍ୟମାନଅଗ୍ନିମୂର୍ତ୍ତିରେ ଶୋଭାବନ

Couplet 84

ସେ ଋଷିଆଗେ ଇନ୍ଦ୍ରଦୂତେଆଚ୍ଛନ୍ନ କଲେ ଯେଝାମତେ

Couplet 85

ଗନ୍ଧର୍ବ ଅପସରା ନୃତ୍ୟମୃଦଙ୍ଗ ବୀଣା ନାନାଯନ୍ତ୍ର

Couplet 86

ପୁଷ୍ପଧନୁରେ ପଞ୍ଚଶରକାମ ଭେଦେ ଋଷିହୃଦର

Couplet 87

ମଧୁ ମାଧବାଦି ଯେତେକତପଭଗ୍ନେ ଇନ୍ଦ୍ର ସେବକ

Couplet 88

ପୁଞ୍ଜିକସ୍ଥଳୀ ଅପସରାସାରଣୀ ଘେନି ଖେଳୁଥିଲା

Couplet 89

କବରୀ ଫିଟିଲା ତାହାରସାରଣୀ ଖସିଗଲା ଦୂର

Couplet 90

ବାମ ଡ଼ାହାଣେ ଚକ୍ଷୁ ଢାଳିକବରୀ ବାନ୍ଧେ ଭୁଜ ତୋଳି

Couplet 91

ପିନ୍ଧିଲା ବସ୍ତ୍ର ଖସି ତଳେପବନ ଉଡ଼ାଇ ତା' ନେଲେ

Couplet 92

ଏମନ୍ତ ସମୟେ ମଦନପୁଷ୍ପଶର ମାରେ ବେଗେଣ

Couplet 93

ଏ ସର୍ବ ବିଅର୍ଥ ହୋଇଲେଋଷି ଅଙ୍ଗରେ ନ ଭେଦିଲେ

Couplet 94

ଯେଣୁ ସେ ବିଷ୍ଣୁପାଦ ଧ୍ୟାୟିଏକାଗ୍ରଚିତ୍ତେ ଲୟେ ରହି

Couplet 95

ଋଷିଙ୍କ ଅପକାର ଭାବେଦଗ୍ଧ ସେ ହୁଅନ୍ତି ସ୍ୱଭାବେ

Couplet 96

ଏଣୁ ସତ୍ୱରେ ଲେଉଟିଲେଇନ୍ଦ୍ରର ଭୁବନେ ମିଳିଲେ

Couplet 97

ସର୍ପକୁ ଚାଳିଣ ଯେସନେବାଳକେ ପଳାଅନ୍ତି ଛନ୍ନେ

Couplet 98

ଏ ଭାବେ ଇନ୍ଦ୍ରଦୂତେ ମୋହିସେ ଗୁଣେ ମୁନିଖେଦ ନାହିଁ

Couplet 99

ଗୋବିନ୍ଦଚରଣ ଧ୍ୟାନରେଲେଶମାତ୍ରକ ନ ଛାଡ଼ିଲେ

Couplet 100

ଯା' ନାମ ହୃଦୟରେ ଭାବିଜନ୍ମ ମୃତ୍ୟୁ ଭୟ ନ ଲଭି

Couplet 101

ଯେ ତାଙ୍କୁ ନିମଗ୍ନେ ଭଜଇସଂସାର-ଦୁସ୍ତରୁ ତରଇ

Couplet 102

ତା' ପାଦ ହୃଦେ ଧ୍ୟାୟୁଥିଲେଏଣୁ ସେ ବିଘ୍ନେ ନ ବାଧିଲେ

Couplet 103

ଏ ବଡ଼ ବିଚିତ୍ର ନୁହଇଯା' ଚିତ୍ତ ବିଷ୍ଣୁପାଦେ ଥାଇ

Couplet 104

କାମାଦି ଯେତେ ଦେବଗଣକହିଲେ ଇନ୍ଦ୍ରର ଆଗେଣ

Couplet 105

ଇନ୍ଦ୍ର ତା ଶୁଣିଣ ଜାଣିଲେବଡ଼ ବିସ୍ମୟ ମନେ କଲେ

Couplet 106

ଏମନ୍ତ ପ୍ରକାରେ ସେ ଋଷିବାସୁଦେବେ ଚିତ୍ତ ନିବେଶି

Couplet 107

ତପସାଧନ ସଂଯତରେସମଭାବ ବହି ମନରେ

Couplet 108

ଏମନ୍ତ ଭକ୍ତି ତା'ର ଜାଣିସେ ବାସୁଦେବ ଚକ୍ରପାଣି

Couplet 109

ତାହାଙ୍କୁ ଅନୁଗ୍ରହ କଲେନରନାରାୟଣ ହୋଇଲେ

Couplet 110

ଦର୍ଶନ ମାରକଣ୍ଡେ ଦେଲେଶୁକ୍ଳ କୃଷ୍ଣ ଦୁଇ ବର୍ଣ୍ଣରେ

Couplet 111

ନବୀନ ପଦ୍ମ ପ୍ରାୟ ଅକ୍ଷଚତୁର୍ଭୁଜ ହୃଦେ ଶ୍ରୀବତ୍ସ

Couplet 112

ବକଳ କୃଷ୍ଣାଜିନ ପିନ୍ଧିତପଚାରୀ ବେଶେ ଆନନ୍ଦୀ

Couplet 113

ଉତ୍ତରୀ କନ୍ଧେ ସୁଶୋଭନହସ୍ତରେ ପବିତ୍ର ଗ୍ରହଣ

Couplet 114

ତ୍ରିଗୁଣ ପଇତା କନ୍ଧେଣକମଣ୍ଡଳୁ ହସ୍ତେ ଶୋଭନ

Couplet 115

ବେଣୁର ତ୍ରିଦଣ୍ଡ କନ୍ଧରେପଦ୍ମ ରୁଦ୍ରାକ୍ଷ ହୃଦୟରେ

Couplet 116

ବିଦ୍ୟୁତ ପ୍ରାୟ ଜଟା ଶିରେସ୍ୱଭାବେ ତପସ୍ୱୀ ବେଶରେ

Couplet 117

ଆଜାନୁ ଲମ୍ବେ ବେନିଭୁଜଏମନ୍ତ ରୂପେ ଦେବରାଜ

Couplet 118

ଦେବତାଗଣରେ ପୂଜିତପ୍ରବେଶ ମାର୍କଣ୍ଡ ଅଗ୍ରତ

Couplet 119

ସେ ନରନାରାୟଣେ ଦେଖିମାର୍କଣ୍ଡ ଆସନ ଉପେକ୍ଷି

Couplet 120

ସାଷ୍ଟାଙ୍ଗେ ପ୍ରଣମି ଚରଣେଦଣ୍ଡବତ ସ୍ତୁତିବଚନେ

Couplet 121

ତା'ଙ୍କ ଦର୍ଶନେ ଆନନ୍ଦରେରୋମପୁଲକ ପ୍ରେମଭରେ

Couplet 122

ଆତ୍ମା ଇନ୍ଦ୍ରିୟଗଣ ମନଚକ୍ଷୁ ଲୋତକେ ହୋଏ ପୂର୍ଣ୍ଣ

Couplet 123

ତା'ଙ୍କ ଜ୍ୟୋତିର ତେଜ ଦେଖିସମର୍ଥ ନୁହଇ ଯେ ଆଖି

Couplet 124

ମନ ଉତ୍ସୁକେ କୃତାଞ୍ଜଳିଆଲିଙ୍ଗନ ପ୍ରାୟ ପ୍ରସାରି

Couplet 125

ବଚନେ ନମୋନମୋ ସ୍ତୁତିଗଦଗଦେ ବାଣୀ ଭାଷନ୍ତି

Couplet 126

ଉତ୍ତମ ଆସନେ ବସାଇଚରଣ ଧୋଇଣ ପିଅଇ

Couplet 127

ସିଞ୍ଚନ ଶିରଗାତ୍ରେ କରିଷଡ଼ଅର୍ଘ୍ୟେ ପୂଜା ଆଚରି

Couplet 128

ଚନ୍ଦନ ଧୂପ ଦୀପ ପୁଷ୍ପପୂଜିଲେ ମୃକଣ୍ଡଙ୍କ ଶିଷ୍ୟ

Couplet 129

ସନ୍ତୋଷେ ପ୍ରସନ୍ନ ବଦନହୋଇଲେ ନରନାରାୟଣ

Couplet 130

ମୁନି ଯେ ଦଣ୍ଡବତ ପୁଣିବିଷ୍ଣୁ ତୋଷିଣ ସ୍ତୁତି ଭଣି

Couplet 131

ହେ ପ୍ରଭୁ ତୁମ୍ଭର ମହିମାମୁଁ କିସ ବର୍ଣ୍ଣିବି ଯେ ସୀମା

Couplet 132

ଯାହାର ଅଂଶୁ ପ୍ରାଣୀମାନେପ୍ରବେଶ ସୃଷ୍ଟି ସରଜନେ

Couplet 133

ଯେ ଦେହେ ପ୍ରବେଶ ହୋଇଣମନ ଇନ୍ଦ୍ରିୟଗଣମାନ

Couplet 134

ସଂସାର ଚେଷ୍ଟା କରୁଛନ୍ତିସର୍ବ ଅନୁଭବ କରନ୍ତି

Couplet 135

ଯହିଁ ଜୀବରୂପେ ଥାଇଣଅନୁଭବ ତୁମ୍ଭ ଭାବେଣ

Couplet 136

ଏ ଦୁଇ ଲୋକ ଯେ ତୁମ୍ଭରତ୍ରୈଲୋକ୍ୟ ମଙ୍ଗଳ ଈଶ୍ୱର

Couplet 137

ପ୍ରାଣୀ ଜନ୍ମମୃତ୍ୟୁ ନାଶନେବସିଛ ବଦରିକାଶ୍ରମେ

Couplet 138

ନାନା ରୂପେ ପ୍ରାଣୀ ସର୍ଜନକରିଣ ସବୁଠାରୁ ଭିନ୍ନ

Couplet 139

ଉର୍ଣ୍ଣନାଭ ସୂତ୍ରେ ଯେସନସଂହରେ ଗୃହ କରି ପୁଣ

Couplet 140

ଏ ଭାବେ ଜଗତ ପ୍ରଚରିମାୟା ଘେନି ତହିଁ ବିହରି

Couplet 141

ସଂସାରେ ଥାଇ ଯେଉଁମାନେନିତ୍ୟେ ଭଜନ୍ତି ତୋ' ଚରଣେ

Couplet 142

ଏକାଗ୍ରେ ତୋ' ପାଦେ ସେବନ୍ତିଜନ୍ମ ମୃତ୍ୟୁରୁ ତରିଯା'ନ୍ତି

Couplet 143

ଯେ ତୁମ୍ଭ ମାୟା ପାର ହୋଇସେ ତୁମ୍ଭ ଚରଣେ ଭଜଇ

Couplet 144

ତୋର ଚରଣ ଆଶ୍ରେ ବିନୁନ ତରେ ଏଭବ ବନ୍ଧନୁ

Couplet 145

ଅଜ୍ଞାନ ସଂସାର ନିରତଜାଣି ଭଜିଲେ ଯୋଗୀପଥ

Couplet 146

ତୁମ୍ଭ ଦେଲାରୁ ଚତୁର୍ମୁଖଭୋଗ କରଇ ବ୍ରହ୍ମସୁଖ

Couplet 147

ଦୁଇପରାର୍ଦ୍ଧ ଆୟୁ ପାଇତା' ଶିରେ କାଳ ବସିଛଇଁ

Couplet 148

ସମୟେ ତା'କୁ ସଂହାରଇଏମନ୍ତ ବନ୍ଧ ମାୟାମୟୀ

Couplet 149

ଏଥେ ଯେ ପ୍ରାଣୀ ଜଡ଼ିଛନ୍ତିତୋତେ ଅଜ୍ଞାନେ ନ ଜାଣନ୍ତି

Couplet 150

ଯେ ଭଜେ ତୋ' ଚରଣ ଆଶେସେ ମାୟା ବନ୍ଧନେ ନ ମିଶେ

Couplet 151

ଏମନ୍ତ ଚରଣରେ ମୁହିଁନିରତେ ଭଜନ କରଇ

Couplet 152

ତୋ' ମାୟା ମୋର ମନେ ଥାଇଦେହାଦି ଅଭିମାନ ବହି

Couplet 153

ମୋ' ଦେହ ଜନ୍ମ ସେ କରିଛିସେ ମାୟା ମୋ'ର ମନୁ ଲେଛି

Couplet 154

ଚରଣାରବିନ୍ଦେ ଲଗାଅତୁମ୍ଭ ମାୟାରୁ ଫେଡ଼ିଦିଅ

Couplet 155

ସତ୍ତ୍ୱ ରଜ ତମ ତ୍ରିଗୁଣେବ୍ରହ୍ମା ବିଷ୍ଣୁ ମହେଶ ଜନ୍ମେ

Couplet 156

ସେ ରୂପ ବହିଣ ସଂସାରସୃଷ୍ଟି ସ୍ଥିତି ପ୍ରଳୟକର

Couplet 157

ଏ ମାୟା ଲୀଳାର ବିହାରକେବଳ ତୋ'ର ଖେଳଘର

Couplet 158

ତୁମ୍ଭେ ଯେ କରୁଣାସାଗରତେଣୁ ଶରଣ ଅଟ ମୋ'ର

Couplet 159

ତୁମ୍ଭେ ଯେ ଶୁଦ୍ଧ ଶୁକ୍ଳ ବର୍ଣ୍ଣନିର୍ଗୁଣରୂପୀ ନରୋତ୍ତମ

Couplet 160

ଯେ ପ୍ରାଣୀ ତୁମ୍ଭଙ୍କୁ ଭଜନ୍ତିତ୍ରିଗୁଣ ବନ୍ଧନୁ ତରନ୍ତି

Couplet 161

ମୁକ୍ତ ହୋଇ ଚରଣେ ଲୀନବୈକୁଣ୍ଠେ ସୁଖେ ଲଭେ ସ୍ଥାନ

Couplet 162

ବ୍ରହ୍ମା ସମ୍ପଦେ ସୁଖ ନାହିଁତୋର ଚରଣ ରସ ପାଇ

Couplet 163

ଭକତ ପୁରୁଷ ଉତ୍ତମପରମଗୁରୁ ବିଶ୍ୱଧାମ

Couplet 164

ନାରାୟଣ ଯେ ନରୋତ୍ତମନିଗମେଶ୍ୱର ନିରୁପମ

Couplet 165

ହେ ପ୍ରଭୁ ଯୋଗାରୂଢବରତୁମ୍ଭଙ୍କୁ ମୋର ନମସ୍କାର

Couplet 166

ଉପନିଷଦେ ବ୍ରହ୍ମଭାଗବେଦବଚନେ ହବିର୍ଭାଗ

Couplet 167

ଦେବେ ଯା' ନାମ ଭଜୁଛନ୍ତିଭାବେଣ ଯଶକର୍ମ ସ୍ତୁତି

Couplet 168

ସାକ୍ଷାତ ଗୁରୁ ଜଗତରଯେ ନାରାୟଣ ଅବତାର

Couplet 169

ଇନ୍ଦ୍ରିୟ ହୃଦ ଦୃଷ୍ଟିପଥେମୋହିତ ତୁହି ଅବିରତେ

Couplet 170

ତୋ'ର ମାୟାରେ ମୂଢମତିତୋ'ତେ ସେ ଜାଣି ନ ପାରନ୍ତି

Couplet 171

ତୋ' ବେଦପଥ ଆଶ୍ରେ କଲେଜାଣି ପାରନ୍ତି ତୋତେ ଭଲେ

Couplet 172

ଯାହାର ଦରଶନ ଭାବେବେଦ ତତ୍ତ୍ୱଭାବେଣ ସେବେ

Couplet 173

ଦେଖିବା ଅର୍ଥେ ମୋହି ହେଲେଅର୍ଥବାଦେ ସୂକ୍ଷ୍ମେ ବିଭୋଳେ

Couplet 174

ତୁମର ସ୍ୱରୂପ ରହସ୍ୟବେଦରେ ହୋଇଛି ପ୍ରକାଶ

Couplet 175

କବିମାନେ ପାଦେ ନିମଜ୍ଜିଆଗମେ ନ ପାରନ୍ତି ହେଜି

Couplet 176

ଅଷ୍ଟାଙ୍ଗଯୋଗ ସାଧନରେଦର୍ଶନ ଅର୍ଥେ ଯତ୍ନ କରେ

Couplet 177

ମୋହିତ ହୁଅନ୍ତି ତମରେଦର୍ଶନ ନ ପାରି ସୂକ୍ଷ୍ମରେ

Couplet 178

ସକଳ ବେଦବାକ୍ୟଶୀଳତୁମ୍ଭେ ଯେ ନିର୍ଗୁଣ ଶରୀର

Couplet 179

ହେ ମହା ପରମପୁରୁଷସର୍ବ ଆତ୍ମାରୂପେ ପ୍ରକାଶ

Couplet 180

ଦର୍ଶନ ଦେଇଣ ସାକ୍ଷାତେନମସ୍କାର ତୋ' ପାଦଗତେ

Couplet 181

ସେ ମାରକଣ୍ଡ ମହାମୁନିଅନେକ ସ୍ତୁତିବାକ୍ୟ ଭଣି

Couplet 182

ନମଇଁ ବିପ୍ର ଜଗନ୍ନାଥଉଦ୍ଧର ଶଙ୍ଖଚକ୍ରହସ୍ତ

Couplet 183

ତୁମ୍ଭର ଚରଣକମଳେମୋ ମନ ରହୁ ସୁନିଶ୍ଚଳେ