Skandha 12
Adhyaya 10
Couplet 1
ସୂତ ପୌରାଣିକ ଯେ କହିଶୌନକ ଆଦି ମୁନି ଚାହିଁ
Couplet 2
ସେ ମାରକଣ୍ଡ ଋଷି ପୁଣବିଷ୍ଣୁ ନିର୍ମିତ ମାୟାରେଣ
Couplet 3
ମାୟା ବିଭୂତି ଅନୁଭବିସେ ବିଷ୍ଣୁ ଚରଣରେ ସେବି
Couplet 4
ସେ ବିଷ୍ଣୁ ଚରଣରେ ସ୍ତୁତିନିରତେ ଧ୍ୟାନେ କରୁଛନ୍ତି
Couplet 5
ଶ୍ରୀବାସୁଦେବ ନମୋସ୍ତୁତେଶରଣାଗତ ହେଲି ତୋତେ
Couplet 6
ତୁମ୍ଭ ପଦାରବିନ୍ଦ ଗୁଣଅଭୟଦାତା ପରିପୂର୍ଣ୍ଣ
Couplet 7
ବ୍ରହ୍ମା ଆଦି ଦେବତାମାନେସେବନ୍ତି ଜ୍ଞାନ ପରାୟଣେ
Couplet 8
ତୁମ୍ଭ ଚରଣେ ଭଜୁଛନ୍ତିମାୟାରେ କେ ମୋହି ନୁହଁନ୍ତି
Couplet 9
ଏ ଭବ ସଂସାର-ସାଗରେତୋ' ବିନୁ କେ ଉଦ୍ଧରି ପାରେ
Couplet 10
ଏମନ୍ତ ସ୍ତୁତି ବାସୁଦେବେମନ ଲଗାଇ ପାଦେ ସେବେ
Couplet 11
ଆତ୍ମା ବାସୁଦେବେ ନିବେଶିସର୍ବ ଜୀବେ ଏକ ପ୍ରକାଶି
Couplet 12
ଜଗତ ବାସୁଦେବ ଜାଣିସର୍ବେ ଏକତ୍ୱ ପରିମାଣି
Couplet 13
ଏମନ୍ତ ସମୟେ ମହେଶପାର୍ବତୀ ଶିବଗଣ ଶିଷ୍ୟ
Couplet 14
ଏମାନେ ବେଷ୍ଟିତ ହୋଇଣକରି ବୃଷଭ ଆରୋହଣ
Couplet 15
କୈଳାସ ପର୍ବତରୁ ଖସିହିମବନ୍ତ ଉତ୍ତରେ ଆସି
Couplet 16
ପୁଷ୍ପଭଦ୍ରା ନଦୀ ତଟରେମାର୍କଣ୍ଡ ଆଶ୍ରମେ ମିଳିଲେ
Couplet 17
ମାର୍କଣ୍ଡେୟଙ୍କୁ ସେ ଦେଖିଲେପାର୍ବତୀ ମହେଶେ ଭାଷିଲେ
Couplet 18
ହେ ଦେବ ଦେଖ ଋଷିଧ୍ୟାନସାଧନ କରେ ବ୍ରହ୍ମଜ୍ଞାନ
Couplet 19
ନିଶ୍ଚଳମନଆତ୍ମା କରିସକଳ ଇନ୍ଦ୍ରିୟ ନିବାରି
Couplet 20
ସଂଯମ କରି ମନ ପ୍ରାଣପରମେ ଆତ୍ମା ନିବେଦନ
Couplet 21
ତନ୍ମୟେ ପବନ ନିରୋଧିଯେସନେ ନିଶ୍ଚଳ ବାରିଧି
Couplet 22
ନିର୍ବାତ ଦେଶେ ଦୀପ ଯେହ୍ନେଋଷିତପସ୍ୟା ସିଦ୍ଧ ତେହ୍ନେ
Couplet 23
ପାଇ ବିଷ୍ଣୁ ମାୟାନୁଭବସଂସାର ଦେହ ମିଥ୍ୟାଭାବ
Couplet 24
ହରି ଦର୍ଶନେ ସିଦ୍ଧ ହୋଇବସିଛି ଯୋଗରୂଢ ହୋଇ
Couplet 25
ଏହାଙ୍କ ତପ ସିଦ୍ଧଫଳେତୁମ୍ଭେ ପ୍ରବେଶ ଋଷିଆଳେ
Couplet 26
ଯୋଗ ସିଦ୍ଧିର ଫଳ ଦିଅବିଷ୍ଣୁ ବୈଷ୍ଣବେ ଯଶ ପାଅ
Couplet 27
ପାର୍ବତୀଠାରୁ ଏହା ଶୁଣିଶିବ କହନ୍ତି ମଞ୍ଜୁବାଣୀ
Couplet 28
ଏ ଋଷି ବରେ ଇଚ୍ଛା ନାହିଁଚତୁର୍ବିଧ ମୁକ୍ତି ନ ଚାହିଁ
Couplet 29
ଧର୍ମାର୍ଥ କାମ ମୋକ୍ଷମାନଏଣେ ଋଷିର ନାହିଁ ଧ୍ୟାନ
Couplet 30
କେବଳ ବାସୁଦେବେ ପ୍ରୀତିପଦାରବିନ୍ଦରେ ଭକତି
Couplet 31
ମାୟାବିଭୂତିଭାବ ଜାଣିସକଳ ମିଥ୍ୟା ପରିମାଣି
Couplet 32
ରହିଛି ବାସୁଦେବ ଲୟେବଚନେ ସମସ୍ୟା ନ ଦିଏ
Couplet 33
ତେବେ ସେ ଭକତ ଆମ୍ଭରିଏହାଙ୍କୁ ସମ୍ଭାଷଣ କରି
Couplet 34
ନର ଦେହରେ ସାଧୁସଙ୍ଗପରମ ଲାଭ ମୋକ୍ଷଯୋଗ
Couplet 35
ଏମନ୍ତ କହିଣ ଶଙ୍କରସକଳ ଭୂତେ ଯେ ଈଶ୍ୱର
Couplet 36
ହରପାର୍ବତୀ ଦୁଇ ଯାଇଋଷିଙ୍କ ଆଗେ ଉଭା ହୋଇ
Couplet 37
ଈଶ୍ୱରେ ଋଷି ଦୃଷ୍ଟି ନାହିଁଶିବଗଣଙ୍କୁ ନ ଦେଖଇ
Couplet 38
ଆପଣା ଦେହକୁ ନ ଜାଣିଏମନ୍ତ ଜାଣି ଶୂଳପାଣି
Couplet 39
ଯୋଗମାୟା ବଳେ ମହେଶମାର୍କଣ୍ଡ ହୃଦେ ପରବେଶ
Couplet 40
ପବନ ପ୍ରାୟ ହୋଇ ପଶିନ ଜାଣେ ମାର୍କଣ୍ଡେୟ ଋଷି
Couplet 41
ଏମନ୍ତ ରୂପି ମହେଶ୍ୱରଜଟାଝଟକ ବିଜୁଳିର
Couplet 42
ଚନ୍ଦ୍ର ସୂର୍ଯ୍ୟ ଅଗ୍ନିଲୋଚନଶିରରେ ଚନ୍ଦ୍ର ଶୋଭାବନ
Couplet 43
ପାଉଛି ଦଶଭୁଜ ଶୋଭାଆଜାନୁଲମ୍ବି ବାହୁପ୍ରଭା
Couplet 44
ଭସ୍ମରେ ଅତି ଶୋଭା ପାଇସୂର୍ଯ୍ୟର ପ୍ରାୟ ତେଜୋମୟୀ
Couplet 45
ବ୍ୟାଘ୍ରର ଚର୍ମ ପରିଧାନପନ୍ନଗ ଦେହେ ଆଭରଣ
Couplet 46
ଡ଼ମ୍ବରୁ ଧନୁ ଯେ ତ୍ରିଶୁଳକାଣ୍ଡ ଖଡ୍ଟ ଚର୍ମ କପାଳ
Couplet 47
ପରଶୁ ରୁଦ୍ରାକ୍ଷର ମାଳୀଅଭୟବର ହସ୍ତେ ଧରି
Couplet 48
ଏମନ୍ତ ରୂପ ହୃଦେ ଚାହିଁମାର୍କଣ୍ଡ ବିସ୍ମିତ ଯେ ହୋଇ
Couplet 49
ମହେଶରୂପ ମୋ' ହୃଦୟେକାହୁଁ ଏ ଦରଶନ ହୋଏ
Couplet 50
ଚିତ୍ତ ମୋ' ଅଛି ବିଷ୍ଣୁ ତହିଁମହେଶରୂପ ତ ଦେଖଇ
Couplet 51
ବିଚାରି ଚକ୍ଷୁ ଫେଇ ବେଗେହରପାର୍ବତୀ ଦେଖେ ଆଗେ
Couplet 52
ସହିତେ ରୁଦ୍ରଗଣ ଚାହିଁମାର୍କଣ୍ଡେୟ ସଂଭ୍ରମ ହୋଇ
Couplet 53
ସାଷ୍ଟାଙ୍ଗେ ପ୍ରଣାମ ସେ କଲେମହାଦେବଙ୍କ ପାଦତଳେ
Couplet 54
ପାର୍ବତୀ ରୁଦ୍ରଗଣ ମେଳେମାନସଭାବେ ପୂଜା କଲେ
Couplet 55
ସ୍ୱାଗତ ଆସନ ଯେ ପାଦ୍ୟଅର୍ଘ୍ୟ ଧୂପ ଦୀପ ସୁଗନ୍ଧ
Couplet 56
ପୁଷ୍ପ ନୈବିଦ୍ୟ ପୂଜା କରିଆତ୍ମାରେ ସ୍ତୁତି ସେ ଆଚରି
Couplet 57
ତୁମ୍ଭେ ଯେ ଅଟ ପୂର୍ଣ୍ଣକାମଜଗତେ ବରଦାତା ନାମ
Couplet 58
ଜଗତ ନିର୍ମାଣ ତୋ' ରୂପହେ ଦେବଦେବ ବିଶ୍ୱରୂପ
Couplet 59
ସତ୍ତ୍ୱ ରଜ ତମ ଗୁଣକମୃତ୍ୟୁରୂପ ପବିତ୍ରାତ୍ମକ
Couplet 60
ତୁମ୍ଭଙ୍କୁ ମୋର ନମସ୍କାରତୁମ୍ଭେ ଯେ ଅବ୍ୟକ୍ତ ଈଶ୍ୱର
Couplet 61
କହନ୍ତି ସୂତମୁନି ଧୀରେଶୌନକ ମୁନିଙ୍କ ଆଗରେ
Couplet 62
ସେ ଯେ ମହେଶ ଦେବଦେବସାଧୁମାନଙ୍କ ଗତିଭାବ
Couplet 63
ଏ ସ୍ତୁତି ଶୁଣିଣ ହରଷକୋମଳେ କହନ୍ତି ମହେଶ
Couplet 64
ହେ ମୁନି ମାଗ ବର ମୋତେପ୍ରସନ୍ନ ହୋଇଲି ମୁଁ ତୋତେ
Couplet 65
ବ୍ରହ୍ମା ବିଷ୍ଣୁ ମହେଶ ତିନିଅଭେଦ ଏକମୂର୍ତ୍ତି ଘେନି
Couplet 66
ତିନିହେଁ ବରେ ଅଧିକାରୀମାଗ ହେ ମନ ଇଚ୍ଛା କରି
Couplet 67
କଠୋରେ ବିଷ୍ଣୁବଶ କରିଶୁଣ ମାର୍କଣ୍ଡ ତପଚାରୀ
Couplet 68
ତ୍ରିବର୍ଗ ଆମ୍ଭ ଦରଶନେମୁକତି ବିଷ୍ଣୁର ପ୍ରସନ୍ନେ
Couplet 69
ସାଧୁସନ୍ଥଙ୍କ ସଙ୍ଗ ଯେହିଭକତ ବତ୍ସଳ ବା ହୋଇ
Couplet 70
ଏକାନ୍ତଭକ୍ତି ଆମ୍ଭଠାରେସମଦରଶୀ ନିର୍ବଇରେ
Couplet 71
ଏ ଗୁଣେ ବ୍ରାହ୍ମଣେ ଭଜିଲେବ୍ରହ୍ମେ ପ୍ରବେଶ ହୋ'ନ୍ତି ଭଲେ
Couplet 72
ସକଳ ଲୋକପାଳମାନତା'ଙ୍କୁ କରନ୍ତି ଉପାସନ
Couplet 73
ବ୍ରହ୍ମା ବିଷ୍ଣୁ ଯେ ମୁଁ ମହେଶତିନିହେଁ ତା'ର ହେଉ ବଶ
Couplet 74
ଆମ୍ଭର ଲେଶେ ଭିନ୍ନ ନାହିଁତୁମ୍ଭର ଭାବ ମୁଁ ଜାଣଇ
Couplet 75
ତୁମ୍ଭେ ପରମ ଭାଗବତବିଷ୍ଣୁରେ ଧ୍ୟାନ ଅବିରତ
Couplet 76
ତେଣୁ ତୁମ୍ଭଙ୍କୁ ଦରଶନଦେଲଇଁ ହୋଇଣ ପ୍ରସନ୍ନ
Couplet 77
ଯେ ଜଳମୟ ତୀର୍ଥସ୍ଥାନପାଷାଣମୟ ଦେବଗଣ
Couplet 78
ପବିତ୍ର ବହୁଦିନେ କରେତୁମ୍ଭ ଦର୍ଶନମାତ୍ରେ ତରେ
Couplet 79
ବ୍ରାହ୍ମଣ ଜନେ ନମସ୍କାରସମଦରଶୀ ଭାବ ଯା'ର
Couplet 80
ଆମ୍ଭ ରୂପ ତ୍ରିଗୁଣ ଭେଦଋକ ଯଜୁ ଯେ ସାମବେଦ
Couplet 81
ଆପଣା ସମାଧି ଯୋଗରେତପ ସାଧନ୍ତି ସଂଯମରେ
Couplet 82
ନାନା ଭାବରେ ବିହରନ୍ତିଜଗତ ପବିତ୍ର କରନ୍ତି
Couplet 83
ଯା ନାମ ଶ୍ରବଣ କଲାରୁଦର୍ଶନ ସେବା କିବା କରୁ
Couplet 84
ମହାପାତକୀ ଅନ୍ତ୍ୟ ଜାତିଏମାନେ ପବିତ୍ର ହୁଅନ୍ତି
Couplet 85
ବିଶୁଦ୍ଧ ବିଷ୍ଣୁର ଭକତନିର୍ଗୁଣବ୍ରହ୍ମେ ଯା'ର ଚିତ୍ତ
Couplet 86
ସେ ସାଧୁ ବ୍ରାହ୍ମଣ ସଙ୍ଗତେସଙ୍ଗ ହୁଅନ୍ତି ଯେବା ନିତ୍ୟେ
Couplet 87
କିପାଇଁ ପବିତ୍ର ନୋହିବେସେ କିପାଁ ସଂସାରେ ପଡ଼ିବେ
Couplet 88
ସୂତ କହେ ଶୌନକ ଶୁଣସେ ଚନ୍ଦ୍ରଶେଖର ବଚନ
Couplet 89
ଗୁପତ ଧର୍ମଯୁକ୍ତ ବାଣୀଅମୃତ ଆପ୍ୟାୟନେ ମୁନି
Couplet 90
ତା' ମନ ତୃପତ ନ ହୋଇମହେଶ ଭାବେ ମନ ଦେଇ
Couplet 91
ସୁଧାବଚନ କର୍ଣ୍ଣେ ପିଇଅଜ୍ଞାନକ୍ଳେଶ ଦୂର ହୋଇ
Couplet 92
ଶିବ ପୀୟୁଷବାଣୀ ଶୁଣିକହଇ ମାରକଣ୍ଡ ମୁନି
Couplet 93
ଭୋ ପ୍ରଭୁ ତୁମ୍ଭର ମହିମାଦେହଧାରୀଙ୍କୁ ସେ ଅଜଣା
Couplet 94
ଯା'ର ମାୟା ମୋହିତ ହୋଇବ୍ରହ୍ମା ବିଷ୍ଣୁ ଶିବ ଅଛଇ
Couplet 95
ସେମାନେ ଜଗତ ଈଶ୍ୱରଯେଝା ମାର୍ଗେ ସେ ଦ୍ୟନ୍ତି ବର
Couplet 96
ତ୍ରିଗୁଣ ପାଶେ ଯେ ବନ୍ଧନମାୟାର ମୋହେ ହୋନ୍ତି ଛନ୍ନ
Couplet 97
ଯେଉଁ ପ୍ରକାରେ ତା'ଙ୍କୁ ମାୟାପ୍ରବର୍ତ୍ତି କରେ ବିଷ୍ଣୁ ଏହା
Couplet 98
ସେ ମାର୍ଗେ ପ୍ରବର୍ତ୍ତି ଅଛନ୍ତିଧର୍ମ ଅଧର୍ମ ମାର୍ଗେ ଯା'ନ୍ତି
Couplet 99
ପ୍ରାଣୀଏ ସଂସାର କାରଣେମନ୍ୱାଦି ଧର୍ମଶାସ୍ତ୍ରମାନେ
Couplet 100
ଏ ଭାବେ ସଂସାର ରଚନାଏ ସର୍ବ ବିଷ୍ଣୁ ପ୍ରଭାବନା
Couplet 101
ଧର୍ମରେ ଯେ ଲୋକ ଅଛନ୍ତିଆତ୍ମାରେ ବିଷ୍ଣୁଙ୍କୁ ଜାଣନ୍ତି
Couplet 102
ତା'ଙ୍କୁ ଦେଖିଣ ଜନମାନେସ୍ତୁତି କରନ୍ତି ଯଶଗୁଣେ
Couplet 103
ଯେ ଅଟେ ଜଗତ ଈଶ୍ୱରସେ ପୁଣି କରେ ନମସ୍କାର
Couplet 104
ଏ ବଡ଼ ଲୋକଙ୍କର ଗୁଣଲୋକଶିକ୍ଷାର ପାଇଁ ପୁଣ
Couplet 105
ଅଳପଲୋକେ ଦ୍ୟନ୍ତି ମାନସ୍ତୁତି କରନ୍ତି ଯଶଗୁଣ
Couplet 106
ଏଥେ ନ ଯାଏ ବଡ଼ପଣକୁହୁକ ଏ ଚକ୍ଷୁହରଣ
Couplet 107
ହେ ପ୍ରଭୁ ମୋର ବାଞ୍ଛା ଏତେତୁମ୍ଭ ମାୟାରେ ଏ ଜଗତେ
Couplet 108
ମାୟା-ଚେଷ୍ଟାରେ ପ୍ରାଣୀ ଭ୍ରମିଯେତେ ହୁଅନ୍ତି ପଥଶ୍ରମୀ
Couplet 109
ଏ କଥା ଯେମନ୍ତ ନୋହଇତେମନ୍ତ କର ଊମାସାଇଁ
Couplet 110
ଏ ଚକ୍ଷୁହରଣ କୁହୁକପ୍ରତ୍ୟକ୍ଷେ ଦେଖାଇ ଅନେକ
Couplet 111
ହରନ୍ତି ଯେମନ୍ତ ପ୍ରକାରେତେମନ୍ତ ଭାବ ଜଗତରେ
Couplet 112
କର୍ମବନ୍ଧନ ତୁମ୍ଭେ ହରଚରଣେ ନିମଗ୍ନ ତୁମ୍ଭର
Couplet 113
ଆପଣା ମନରୁ ଭିଆଇଯେ ସୃଷ୍ଟି ମଧ୍ୟେ ପ୍ରବେଶଇ
Couplet 114
ସ୍ୱପ୍ନ ଦେଖନ୍ତା ପ୍ରାୟ ରହିକର୍ତ୍ତା ସ୍ୱରୂପେ ପ୍ରତେ ହୋଇ
Couplet 115
ସ୍ୱପ୍ନେ ଦେଖିଲା କଥା ଯେହ୍ନେମିଥ୍ୟା ସେ ନିଦ୍ରାର ଭଞ୍ଜନେ
Couplet 116
ତେମନ୍ତ ସଂସାର ବନ୍ଧନମାୟା କର୍ମରେ ସେ ସର୍ଜନ
Couplet 117
ସେ ଯେ ଭଗବତ ପୁରୁଷବାସୁଦେବ ନିର୍ଗୁଣ ଅଂଶ
Couplet 118
ତ୍ରିଗୁଣେ ସଂଯୁତ କେବଳନାହିଁ ତାହାର ଆଦିମୂଳ
Couplet 119
ସକଳ ଜଗତର ଗୁରୁସେ ଯେ ଅଟନ୍ତି ମହାମେରୁ
Couplet 120
ତୁମ୍ଭେ ଯେ ବ୍ରହ୍ମମୂର୍ତ୍ତି ହରତୁମ୍ଭଙ୍କୁ ମୋ'ର ନମସ୍କାର
Couplet 121
ଆଜ୍ଞା ହୋଇଲା ମାଗ ବରକି ବର ମାଗିବି ଆବର
Couplet 122
ଯାହାର ଦରଶନେ ପୁଣିପୂର୍ଣ୍ଣ ଯେ କାମ ତତକ୍ଷଣି
Couplet 123
ତୁମ୍ଭ ଦର୍ଶନେ ସେ ସକଳପୂର୍ଣ୍ଣ କାମ ହୋଇ ସଫଳ
Couplet 124
ତଥାପି ତୁମ୍ଭର ବଚନମାଗୁଛି ଏକବର ପୁଣ
Couplet 125
ତୁମ୍ଭେ ଯେ ପୂର୍ଣ୍ଣକାମଦାତାଈଶ୍ୱରମୟ ସର୍ବଭୂତା
Couplet 126
ତୁମ୍ଭର ଚରଣାରବିନ୍ଦେଭକ୍ତି ମୋ' ରହିବ ଆନନ୍ଦେ
Couplet 127
ସେ ବାସୁଦେବ ନାରାୟଣସକଳ ପ୍ରାଣୀଙ୍କ ଜୀବନ
Couplet 128
ତା'ଙ୍କ ଚରଣରେ ଭକତିଅବିଘ୍ନେ ରହିବ ମୋ' ମତି
Couplet 129
ବୈଷ୍ଣବ ଜନମାନଙ୍କରେବିଶ୍ୱାସ ଭକ୍ତି ରହୁ ମୋରେ
Couplet 130
ସୂତ କହେ ଶୌନକ ମୁନିମହେଶ ତା'ଙ୍କ ସ୍ତୁତି ଶୁଣି
Couplet 131
ମୁନିଙ୍କ ସୁକୋମଳ ବାଣୀସନ୍ତୋଷମନେ ଶୂଳପାଣି
Couplet 132
ପାର୍ବତୀ ସହିତ ଆନନ୍ଦେଋଷିଙ୍କୁ କହେ ଆଶୀର୍ବାଦେ
Couplet 133
ହେ ମହାଋଷି ବାଞ୍ଛା ତୋ'ରସିଦ୍ଧି ହୋଇଲା ଯେ ନିକର
Couplet 134
ବାସୁଦେବ ଚରଣେ ଭକ୍ତିଅବିଘ୍ନେ ଲଭ ସେହୁ ଗତି
Couplet 135
ସାତକଳପ ପରିଯନ୍ତେଅଜ୍ରାମର ହୁଅ ନିଶ୍ଚିନ୍ତେ
Couplet 136
ପ୍ରାପତ ହେଉ ଯଶପୁଣ୍ୟଭୂତ ଭବିଷ୍ୟ ବର୍ତ୍ତମାନ
Couplet 137
ଅକ୍ଷୟ ତିନିକାଳେ ଜ୍ଞାନଆତ୍ମାରେ ପରମାତ୍ମା ଚିହ୍ନ
Couplet 138
ଲଭ ବୈରାଗ୍ୟ ବ୍ରହ୍ମଜ୍ଞାନହେଉ ତୋ' ବ୍ରହ୍ମତେଜ ପୁଣ
Couplet 139
ପୁରାଣକର୍ତ୍ତା ତୁମ୍ଭେ ହୁଅଯାହାର ନାମ ମାର୍କଣ୍ଡେୟ
Couplet 140
ସୂତ କହେ ନୈମିଷାରଣ୍ୟେଶୌନକ ମୁନି ସନ୍ନିଧାନେ
Couplet 141
ଏମନ୍ତ ବର ହର ଦେଇଗଲେ ସେ ଅନ୍ତର୍ଦ୍ଧାନ ହୋଇ
Couplet 142
ସେ ମାୟା ଅନୁଭବ ପୁଣକହିଲେ ପାର୍ବତୀ ଆଗେଣ
Couplet 143
ଯୋଗ ମହିମା ଋଷି ପାଇଆପଣା ଆଶ୍ରମରେ ରହି
Couplet 144
ସିଦ୍ଧ ସ୍ୱରୂପ ଧ୍ୟାନେ ରହିବାସୁଦେବେ ନିମଗ୍ନ ହୋଇ
Couplet 145
ସାତକଳପ ଚିରଞ୍ଜିବୀଧ୍ୟାନେ ରହିଲେ ବିଷ୍ଣୁସେବି
Couplet 146
ସେ ଏବେ ଅନ୍ତର୍ଦ୍ଧାନେ ରହିତପ-ଧ୍ୟାନରେ ବସିଛଇଁ
Couplet 147
ସେ ଯେ ମାର୍କଣ୍ଡ ମହାଋଷିଏହାଙ୍କ ମହିମା ବିଶେଷି
Couplet 148
ବର୍ଣ୍ଣନା କରି ତୁମ୍ଭ ଆଗେକହିଲୁ ଯଥାବିଧିଭାଗେ
Couplet 149
ବାସୁଦେବ ମାୟାନୁଭବଅଦ୍ଭୂତ ଅଟେ ଯେଉଁ ଭାବ
Couplet 150
ପଣ୍ଡିତମାନେ ଏ ସଂସାରେପଡ଼ି ଏ ମାୟା ବନ୍ଧନରେ
Couplet 151
ନାନା ପ୍ରକାରେ ମୋହି ହୋ'ନ୍ତିବାସୁଦେବଙ୍କୁ ନ ଜାଣନ୍ତି
Couplet 152
ସେ କୃଷ୍ଣଚରଣାରବିନ୍ଦେଯେ ନିତ୍ୟ ସେବନ୍ତି ଆନନ୍ଦେ
Couplet 153
ସେହୁ ସେ ପଣ୍ଡିତ ବୋଲାନ୍ତିଏ ମାୟା ସେମାନେ ତରନ୍ତି
Couplet 154
ସୂତ କହନ୍ତି ହେ ଶୌନକତୁ ଭୃଗୁଶ୍ରେଷ୍ଠ ପୁଣ୍ୟାତ୍ମକ
Couplet 155
ଏ ବାସୁଦେବର ବର୍ଣ୍ଣନକହିଲୁ ତୁମ୍ଭର ଆଗେଣ
Couplet 156
ସେ ବାସୁଦେବ ଚକ୍ରଧରଚକ୍ରରେ କାଟେ ମାୟାଘୋର
Couplet 157
ତା'ଙ୍କ ମହିମା ଯେଉଁମାନେଶୁଣନ୍ତି ଶୁଣାନ୍ତି ଗାୟନେ
Couplet 158
ତାଙ୍କର କର୍ମବନ୍ଧ ନାହିଁସଂସାର ମାୟା ନ ଲାଗଇ
Couplet 159
ଅନ୍ତେ ସେ ବଇକୁଣ୍ଠ ପା'ନ୍ତିସକଳ ପାପରୁ ତରନ୍ତି
Couplet 160
କହଇ ବିପ୍ର ଜଗନ୍ନାଥଦ୍ୱାଦଶସ୍କନ୍ଧେ ଭାଗବତ