Adhyaya 5

Couplet 1

କହେ ପରୀକ୍ଷ ନୃପମଣିଭୋ ମୁନି ଶୁଣ ମୋର ବାଣୀ

Couplet 2

ଏ ତୋର ମୁଖୁଁ ଜ୍ଞାନମାନଶୁଣି ଶ୍ରୁତିରେ କଲି ପାନ

Couplet 3

ଘୋର ସଂସାରୁ ଉଦ୍ଧାରିଲବିଷ୍ଣୁର ଚରିତ କହିଲ

Couplet 4

ଏବେ ସନ୍ଦେହ ମୋର ମନତକ୍ଷକ କରିବ ଦଂଶନ

Couplet 5

ଏ କାଳରୂପୀ ମହାସର୍ପହରିବ ମୋର ଏଡେ଼ ଦର୍ପ

Couplet 6

ଦଂଶିବ ଲୋଚନେ ଦେଖିବିକେମନ୍ତ ଦେହ ସମର୍ପିବି

Couplet 7

ଏଣୁ ମୋ' ଚିତ୍ତେ ଭୟ ପାଇତୁମ୍ଭ ଛାମୁରେ କହିଲଇଁ

Couplet 8

ଦୁଃସହ-ସଙ୍କଟ କଷଣଏଥିରୁ କର ପରିତ୍ରାଣ

Couplet 9

ଏମନ୍ତ ରାଜା ମୁଖୁଁ ଶୁଣିକହନ୍ତି ଶୁକ ମହାମୁନି

Couplet 10

ଶୁକ କହନ୍ତି ଶୁଣ ରାୟଶ୍ରୀଭାଗବତର ନିର୍ଣ୍ଣୟ

Couplet 11

ଏ ଭାଗବତ ଆଦିଅନ୍ତବିଶ୍ୱାତ୍ମା ହରିର ଚରିତ

Couplet 12

ଭଗବାନ ପରଂପୁରୁଷଅମୀୟ ରୂପେ ପରକାଶ

Couplet 13

ଯାହାର ଅନୁଗ୍ରହ କରିବ୍ରହ୍ମା ଜନମି ସୃଷ୍ଟି କରି

Couplet 14

ଯାହାର ସ୍ୱରୂପ ହୋଇଣସତ୍ତ୍ୱଗୁଣରୁ ବିଷ୍ଣୁଜନ୍ମ

Couplet 15

ଜନ୍ମି ସଂସାର ପ୍ରବର୍ତ୍ତନ୍ତିପାଳିଣ ରଚନା କରନ୍ତି

Couplet 16

ଯାହାର କ୍ରୋଧୁ ଜାତ ହୋଇରୁଦ୍ର ଜଗତ ସଂହାରଇ

Couplet 17

ଶୁଣ ପରୀକ୍ଷ କ୍ଷିତିପତିମରିବୁ ବୋଲି ଯେଉଁ ଭୀତି

Couplet 18

ପ୍ରାଣୀ ତା' ଅଜ୍ଞାନେ କରନ୍ତିତୁ ଏବେ ଛାଡ଼ ଏହି ଭ୍ରାନ୍ତି

Couplet 19

ଜନମ କଉଣସି ଦିନନୋହିଛ ତୁମ୍ଭେ ତ ରାଜନ

Couplet 20

ଆଗରେ ଜନମ ନୋହିବବର୍ତ୍ତମାନରେ ନ ମରିବ

Couplet 21

ଐହିକେ ଜାତ ନୋହିଅଛଜନମ ନୋହିଥିଲ ପଛ

Couplet 22

ଉତ୍ପତ୍ତି ସ୍ଥିତି ଯା'ର ନାହିଁବିନାଶ ହୋଇବ କିପାଇଁ

Couplet 23

ପୁତ୍ର ପୌତ୍ରାଦି ଏ ତୋହରକେହି ଯେ ନୁହଁନ୍ତି କାହାର

Couplet 24

ସମ୍ପତ୍ତି ଅଇଶ୍ୱର୍ଯ୍ୟ-ମତ୍ତବାସୁଦେବ ମାୟା ସଞ୍ଚିତ

Couplet 25

ଯେମନ୍ତେ ବୀଜରୁ ଅଙ୍କୁରତହୁଁ ବୃକ୍ଷାଦି ଅବତାର

Couplet 26

ସେ ଫଳ ଫଳଇ ପ୍ରତ୍ୟକ୍ଷେବୀଜ ଅଙ୍କୁରି ପୁଣି ବୃକ୍ଷେ

Couplet 27

ତେମନ୍ତ ନୋହେ ପିତାପୁତ୍ରସମ୍ବନ୍ଧ ଜାଣ ପରୀକ୍ଷିତ

Couplet 28

ଏହା ସେ କହିବା ବୁଝାଇଯେହ୍ନେ କାଷ୍ଠରେ ଅଗ୍ନି ଥାଇ

Couplet 29

ଅରଣି କରି ତା' ମନ୍ଥିଲେଅଗ୍ନି ପ୍ରକାଶ ହୋଏ ଭଲେ

Couplet 30

ପ୍ରତ୍ୟକ୍ଷେ ଦର୍ଶନ ଦିଅଇଅରଣି ଭସ୍ମ ସେ କରଇ

Couplet 31

ଆପଣେ ଅନ୍ତର୍ଦ୍ଧାନେ ଯାଇଏ ଭାବେ ଦେହେ ମାୟା ଥାଇ

Couplet 32

ଯୋଗ ଅଭ୍ୟାସରେ ମନ୍ଥିଲେଦର୍ଶନ ପାଇ ତା'କୁ ଭଲେ

Couplet 33

ସେ କର୍ମବନ୍ଧନ ଶରୀରଦଗ୍ଧ କରି ହୁଏ ଅନ୍ତର

Couplet 34

ସ୍ୱପ୍ନେ ଯେ ମୁଣ୍ଡକାଟ ଯାଇପ୍ରାଣତ୍ୟାଗ ହୋଇଣ ଥାଇ

Couplet 35

ନିଦ୍ରାଭଙ୍ଗରେ ମିଥ୍ୟା ହୋଇଏ ଭାବେ ଜନ୍ମ ମୃତ୍ୟୁ ଦୁଇ

Couplet 36

ଏ ଆତ୍ମା ଶରୀରୁ ବିଲଗଜନ୍ମ ମରଣେ ନାହିଁ ସଙ୍ଗ

Couplet 37

ଘଟର ଭିତରେ ଆକାଶସେ ଘଟ ଯେବେ ହୋଏ ନାଶ

Couplet 38

ଆକାଶ ପୂର୍ଣ୍ଣମୟ ଦିଶେଘଟ ବିଯୋଗେ ରହେ ଶେଷେ

Couplet 39

ସେ ଭାବେ ଦେହ ନାଶ ଗଲେଜୀବ ମିଶଇ ବ୍ରହ୍ମ ତୁଲେ

Couplet 40

ଘଟର ବିନାଶ ହୁଅଇଜନ୍ମ ମରଣ ତା'ର ନାହିଁ

Couplet 41

ଜୀବ ଅବିନାଶୀ ବୋଲାଇପୁଣି ଶରୀରେ ପ୍ରକାଶଇ

Couplet 42

ମନ ହିଁ ଦେହ ଗୁଣ କର୍ମଆପଣେ କରଇ ସୃଜନ

Couplet 43

ସେ ମନ ମାୟାରୁ ସମ୍ଭବତେଣୁ ଜନମ ମୃତ୍ୟୁ ଲାଭ

Couplet 44

ମାୟା ଦେହର ଅଧିଷ୍ଠାନଦେହ ସଂଯୋଗ ବିଯୋଗେଣ

Couplet 45

ଘୃତ ବଳିତା ଯୋଗ ପାଇଯେସନେ ପ୍ରଦୀପ ଜଳଇ

Couplet 46

ତାହାକୁ ଅସଂଯୋଗ କଲେଅଗ୍ନି ଅଦୃଶ୍ୟ ହୋଏ ଭଲେ

Couplet 47

ଏମନ୍ତ ଜୀବ କର୍ମଯୋଗେଦେହରେ ସଂଯୋଗ ବିଯୋଗ

Couplet 48

ଦେହ ଦର୍ଶନ ଭସ୍ମଭୋଗଏ ସର୍ବ ମାୟାର ସଂଯୋଗେ

Couplet 49

ଦୀପରେ ଅଗ୍ନି ଯେହ୍ନେ ଥାଇଦୀପବଳିତା ନାମ ବହି

Couplet 50

ତା' ଗଲେ ବଇଠା ବୋଲାଇସଂଯୋଗେ ଏ ଜୀବ କୁହାଇ

Couplet 51

ଜୀବ ମୃତ୍ୟୁକର୍ମେ ବିଯୋଗଦେହ ରଜଗୁଣେ ସଂଯୋଗ

Couplet 52

ତମ ଗୁଣରେ ନାଶ ଯାଇସତ୍ତ୍ୱଗୁଣରେ ସେ ବଢ଼ଇ

Couplet 53

ଦେହେ ଆତ୍ମା ଲାଗି ନ ଥାଇଆତ୍ମା ଯେ ଜ୍ୟୋତି ସ୍ୱରୂପ ହିଁ

Couplet 54

ବ୍ୟକ୍ତ ଅବ୍ୟକ୍ତ ପରାପରଆକାଶ ପ୍ରାୟ ତା' ସଞ୍ଚାର

Couplet 55

ସର୍ବବ୍ୟାପୀ ଯେ ନିର୍ବିକାରଅନ୍ତଉପମା ନାହିଁ ଯା'ର

Couplet 56

ଜଗତ ଆଶ୍ରୟ ଯେ ଭୂତସର୍ବବ୍ୟାପୀ ନିଶ୍ଚଳ ମତ

Couplet 57

ଅମୃତଫଳ ସେ ଫଳନ୍ତିଯୋଗ ଅଭ୍ୟାସେ ଉତପତ୍ତି

Couplet 58

ଏହି ପ୍ରକାରେ ଆତ୍ମା ଜାଣିଆତ୍ମାକୁ ଆତ୍ମାଭାବେ ମଣି

Couplet 59

ଅନୁଭବ ବୁଦ୍ଧି ବିଚାରବାସୁଦେବଙ୍କୁ ଚିନ୍ତାକର

Couplet 60

ଚିତ୍ତ ତନ୍ମୟ ହୋଇ ଧରମନକୁ ଭ୍ରୁମଧ୍ୟରେ ଭର

Couplet 61

ବାସୁଦେବରେ ଆତ୍ମା ଲୀନଧ୍ୟାନେ ଦେଖ ତୁ ନିରଞ୍ଜନ

Couplet 62

ନିର୍ବାଣ ମୁକତି ପାଇବତକ୍ଷକ ବାଧା ନ ଲାଗିବ

Couplet 63

ତକ୍ଷକ ବ୍ରାହ୍ମଣ ଶାପରେଦଂଶିବ ତୁମର ଶରୀରେ

Couplet 64

ମାୟା-ଦେହକୁ ସେ ଦଂଶିବବିଷଜ୍ୱାଳାରେ ଭସ୍ମ ହେବ

Couplet 65

ଜୀବ ଥିବା ଯାଏ ତୁମ୍ଭରଦଗ୍ଧ ନ କରିବ ଶରୀର

Couplet 66

ଏମାନ ମୃତ୍ୟୁକାଳେ ପୁଣଭୋଗ ନୋହେ ତୁମ୍ଭ ଦେହେଣ

Couplet 67

ତୁମ୍ଭେ ଯେ ମୃତ୍ୟୁର ଈଶ୍ୱରଅବିନାଶୀ ଜୀବ ତୁମ୍ଭର

Couplet 68

ତେଣୁ ତୁ ମୃତ୍ୟୁକୁ ନ ଡ଼ରଜନ୍ମିଲେ ମରଣ ନିକର

Couplet 69

ପରମବ୍ରହ୍ମ ନିରାକାରେଜ୍ୟୋତି ସ୍ୱରୂପେ ଲୀନ କରେ

Couplet 70

ତେବେ ଆପଣାକୁ ଚିହ୍ନଇପରମବ୍ରହ୍ମ ମୁଁ ଅଟଇ

Couplet 71

ନିରାକାର ବ୍ରହ୍ମସ୍ୱରୂପୀପରମ ପଦେ ଅଛି ବ୍ୟାପୀ

Couplet 72

ଏ ରୂପ ଚିନ୍ତି ଆତ୍ମଧ୍ୟାନେଲୟ ଲଗାଅ ନିରଞ୍ଜନେ

Couplet 73

ଆତ୍ମା ଆତ୍ମାଭାବ ଜାଣଇସୂକ୍ଷ୍ମରେ ବ୍ରହ୍ମଭାବ ପାଇ

Couplet 74

ସେ ନିରାକାରେ ଲୀନ ହୋଇଚାରିପ୍ରଳୟେ ଶଙ୍କା ନାହିଁ

Couplet 75

ଶୁଣ ରାଜନ ପୁଣ୍ୟଦେହାକହିବା ତୁମ୍ଭ ଆଗେ ଏହା

Couplet 76

ତକ୍ଷକ ବ୍ରହ୍ମଶାପେ ଆସିତୁମ୍ଭର ଚରଣରେ ଦଂଶି

Couplet 77

ସେ ବିଷଅଗ୍ନିରେ ଏ ଦେହଦହି ହୋଇବ ଭସ୍ମମୟ

Couplet 78

ତୁମ୍ଭେ ଯେ ତା'ଙ୍କୁ ନ ଦେଖିବତୁମ୍ଭ ଦେହେ ଜୀବ ନ ଥିବ

Couplet 79

ଯୋଗ ଅଗ୍ନିରେ ତୋ' ଶରୀରପ୍ରକୃତି ଜିଣିଣ ସତ୍ୱର

Couplet 80

ପରମପଦେ ଯାଇଥିବଏ ମାୟାଦେହ ନ ଦେଖିବ

Couplet 81

ଏମନ୍ତ ତକ୍ଷକ ସ୍ୱଭାବେଋଷିବାକ୍ୟ ପ୍ରତିପାଳିବେ

Couplet 82

ଏଣୁ ତୁମ୍ଭ ଚରଣେ ଘାତତକ୍ଷକ କରିବ ନିୟତ

Couplet 83

ମାୟା ଶରୀର ନାଶଯିବଜଗତ ପ୍ରତ୍ୟକ୍ଷେ ଦେଖିବ

Couplet 84

ତୁମ୍ଭର ଦେହୁ ଆତ୍ମା ଯିବନିରାକାରରେ ଲୀନ ହେବ

Couplet 85

ଯା' ମୋତେ ତୁମ୍ଭେ ପୁଚ୍ଛା କଲକହିଲୁଁ ତୁମ୍ଭଙ୍କୁ ସକଳ

Couplet 86

ସର୍ବ ଆତ୍ମା ଯେ ବାସୁଦେବା ଏବେ ଧ୍ୟାନରେ ତା'ଙ୍କୁ ଭାବାା

Couplet 87

ମଉନବ୍ରତ ହୋଇ ବସପଦାରବିନ୍ଦେ ମନ ରସ

Couplet 88

ମନ ଲଗାଅ ତନ୍ମନରେପଶ ନିର୍ବାଣ ମୁକ୍ତିଦ୍ୱାରେ

Couplet 89

ଏଥିରେ ନାହିଁ ଯେ ସଂଶୟକି ଇଚ୍ଛା ଏବେ ନୃପ କହ

Couplet 90

ଏମନ୍ତ ଶୁକ ମୁଖୁଁ ବାଣୀବୋଲଇ ପରୀକ୍ଷିତ ଶୁଣି

Couplet 91

ଚିତ୍ତ ଆନନ୍ଦେ ପୁଲକିତକୃଷ୍ଣଚରଣେ ଦେଇ ଚିତ୍ତ

Couplet 92

ହେ ପ୍ରଭୁ ପରମ ପୁରୁଷମହିମା ନ ଜାଣଇ ଶେଷ

Couplet 93

ତୁମ୍ଭର ଭାବ ତୁମ୍ଭେ ଜାଣତୋ' ବିନୁ ନାହିଁ ପରିତ୍ରାଣ

Couplet 94

ତୁମ୍ଭ ଚରଣେ ମନ ମୋ'ରକାଳେ ରଖିବ ଚକ୍ରଧର

Couplet 95

ଆଶା-ବିଶ୍ରାମ ବାନା ତୋ'ରମୋ' ଆଶା ରଖ ତୋ' ପୟର

Couplet 96

ନମସ୍ତେ ଦେବ ନାରାୟଣଭବଜଳରୁ କର ତ୍ରାଣ

Couplet 97

କହଇ ଦାସ ଜଗନ୍ନାଥତ୍ରାହି କରିବେ ପଦ୍ମନେତ୍ର