Adhyaya 4

Couplet 1

ଶୁକ କହନ୍ତି ପରୀକ୍ଷିତଶୁଣ ହେ କାଳର ଚରିତ

Couplet 2

କାଳର ନିର୍ଣ୍ଣୟ ଯେ ଗତିତା' ସୂକ୍ଷ୍ମ କେହି ନ ଜାଣନ୍ତି

Couplet 3

ପରମଅଣୁଠାରୁ ମୁହିଁକାଳ ଗଣନା କହିଛଇଁ

Couplet 4

ଦୁଇ ପରାର୍ଦ୍ଧ ପରିଯନ୍ତେବ୍ରହ୍ମାର ପରମାୟୁ ଯେତେ

Couplet 5

ଯୁଗ ନିର୍ଣ୍ଣୟ ଆଦି ମୁହିଁତୃତୀୟସ୍କନ୍ଧେ କହିଛଇଁ

Couplet 6

ଏବେ କଳ୍ପ ପ୍ରଳୟ ଚାରିତୁମ୍ଭଙ୍କୁ କହିବା ବିସ୍ତାରି

Couplet 7

ନୈମିତ୍ତିକ ଯେ ପ୍ରାକୃତିକନିତ୍ୟ ଆବର ଆତ୍ୟନ୍ତିକ

Couplet 8

ଏ ଚାରି ପ୍ରଳୟର ଗୁଣରାଜନ ତୋଷମନେ ଶୁଣ

Couplet 9

ସହସ୍ର ଚାରିଯୁଗ ଶେଷେବ୍ରହ୍ମାର ହୁଅଇ ଦିବସେ

Couplet 10

ଚଉଦମନୁ ଉତପନ୍ନତାହାର ନାମ କଳ୍ପ ଜାଣ

Couplet 11

ଏହି ପ୍ରମାଣେ ରାତ୍ର ହୋଇଯହିଁ ତ୍ରିଲୋକ ନାଶ ଯାଇ

Couplet 12

ଏଥିରେ ବିଶ୍ୱସ୍ରଷ୍ଟା ପୁଣବିଶ୍ୱ କରନ୍ତି ସଂହାରଣ

Couplet 13

ତିନିଭୁବନ ଆଦି କରିନାଭିକମଳେ ବ୍ରହ୍ମା ଭରି

Couplet 14

ବିଷ୍ଣୁ ସହିତେ ଥାଏ ଶୋଇପ୍ରଳୟ ନୈମିତ୍ତିକ ହୋଇ

Couplet 15

ଏ ଭାବେ ଶତେକ ବରଷବ୍ରହ୍ମାର ପରମାୟୁ ଶେଷ

Couplet 16

ଦୁଇ ପରାର୍ଦ୍ଧ ପୂର୍ଣ୍ଣ ହୋଇବ୍ରହ୍ମା ପ୍ରଳୟ ତେବେ କହି

Couplet 17

ପଞ୍ଚତନମାତ୍ର ସହିତେମହତ ଅହଙ୍କାର ଯେତେ

Couplet 18

ପ୍ରକୃତି ପ୍ରଳୟ ହୁଅଇତେଣୁ ପ୍ରାକୃତ ସେ ବୋଲାଇ

Couplet 19

ଶୁଣ ରାଜନ ପରୀକ୍ଷିତଯେ ଭାବେ ପ୍ରଳୟ ପ୍ରାକୃତ

Couplet 20

ସେ କାଳେ ଦ୍ୱାଦଶ ଆଦିତ୍ୟଉଦୟେ ହୋନ୍ତି ତେଜବନ୍ତ

Couplet 21

ବ୍ରହ୍ମାଣ୍ଡଭାଣ୍ଡ ତା ତେଜେଣଦଗ୍ଧ ହୋଏ ତତକ୍ଷଣ

Couplet 22

ପ୍ରଥମେ ଦେବଙ୍କ ବରଷେଶତେବରଷ ନ ବରଷେ

Couplet 23

ତେଣୁ ଅନାବୃଷ୍ଟି ହୁଅଇତହୁଁ ସକଳ ନାଶ ଯାଇ

Couplet 24

ଅନ୍ନ ବିହୁନେ ଭୋକେ ଲୋକେଭକ୍ଷନ୍ତି ଏକକୁ ଆରକେ

Couplet 25

ସର୍ବ ରଚନା କ୍ଷୟ ଯାଇକାଳ ତା ସକଳ ହରଇ

Couplet 26

ସମ୍ବର୍ତ୍ତ ନାମେ ରବି ତହୁଁପ୍ରଚଣ୍ଡେ ଉଦେ ହୁଏ ଯହୁଁ

Couplet 27

ତେଜ ପ୍ରଳୟାଗ୍ନି ଲାଗିଣସମୁଦ୍ର ପୃଥ୍ୱୀ ଜଳମାନ

Couplet 28

ପ୍ରାଣୀ ଦେହରୁ ରସ ଜଳସବୁ ଶୁଖାଏ ମହାନଳ

Couplet 29

ତହୁଁ ସମ୍ବର୍ତ୍ତ ନାମେ ଅଗ୍ନିସଙ୍କର୍ଷଣଙ୍କ ମୁଖୁଁ ଜନ୍ମି

Couplet 30

ପବନ ବେଗେ ମହାତେଜକରଇ ସକଳ ଦହିଜ

Couplet 31

ସେ ସର୍ବ ଭୂମିର ବିବରଶୂନ୍ୟ ପାତାଳ ଚରାଚର

Couplet 32

ଗ୍ରାସ କରଇ ମହାନଳଅଧ ଉର୍ଦ୍ଧ୍ୱରେ ଯେତେ ସ୍ଥଳ

Couplet 33

ବ୍ରହ୍ମାଣ୍ଡ ଏହି ଅଗ୍ନି ଦହିସୂର୍ଯ୍ୟ ଶିଖା ଯାଏ ଲାଗଇ

Couplet 34

ଶୁଷ୍କ ଗୋମୟ ଭସ୍ମ ପ୍ରାୟେସଞ୍ଚା ମାତ୍ରକ ଦିଶୁଥାଏ

Couplet 35

ତହୁଁ ପ୍ରଚଣ୍ଡବାତ ବହିସମ୍ବର୍ତ୍ତ ନାମ ସେ ବୋଲାଇ

Couplet 36

ସଙ୍କରଷଣ ମୁଖୁଁ ଜାତବରଷ ଅଷ୍ଟୋତ୍ତରଶତ

Couplet 37

ଦେବଙ୍କ ବରଷରେ ଜାଣବହଇ ଅବିଶ୍ରାନ୍ତ ପୁଣ

Couplet 38

ଆକାଶ ମଧ୍ୟେ ଧୂମବର୍ଣ୍ଣଭସ୍ମରେ କରେ ଆଚ୍ଛାଦନ

Couplet 39

ସଙ୍କର୍ଷଣର ମୁଖୁଁ ପୁଣଜାତ ସମ୍ବର୍ତ୍ତ ମେଘମାନ

Couplet 40

ଦେବଙ୍କ ବରଷରେ ପୁଣଶତେ ବରଷ ପରିମାଣ

Couplet 41

ମୁଷଳଧାରା ପରମାଣେବୃଷ୍ଟି ସେ କରନ୍ତି ଗର୍ଜନେ

Couplet 42

ସେ ଦିନେ ବ୍ରହ୍ମାଣ୍ଡ ପ୍ରଳୟପୃଥ୍ୱୀରେ ଯେତେକ ସଞ୍ଚୟ

Couplet 43

ଗନ୍ଧଗୁଣାଦି ଲୀନ ହୋଏହୁଅଇ ସର୍ବ ଜଳମୟେ

Couplet 44

ସେ ଜଳ ଅଗ୍ନି କରେ କ୍ଷୟେଜଳ ତେଜରେ ଲୀନ ହୋଏ

Couplet 45

ପବନ ତେଜରୂପ ହରେପବନ ରୂପ ଲୀନ କରେ

Couplet 46

ଆକାଶ ବାୟୁଗୁଣ ହରେପବନ ଆକାଶେ ସଞ୍ଚରେ

Couplet 47

ଆକାଶ ଶବଦତା ଗୁଣତାମସ ଅହଙ୍କାରେ ଲୀନ

Couplet 48

ଅହଙ୍କାର ଯେ ଏକାଦଶଇନ୍ଦ୍ରିୟ ଦେବତା ବିଶେଷ

Couplet 49

ମହତ୍ତତ୍ତ୍ୱରେ ପ୍ରକାଶିବମାୟାରେ ସର୍ବ ଲୀନ ହେବ

Couplet 50

ମହତ୍ତତ୍ତ୍ୱ ଯେ ତିନିଗୁଣକାଳରେ ପ୍ରବେଶଇ ପୁଣ

Couplet 51

ତ୍ରିଗୁଣ କାଳ ଆଦି ହୋଇପରମାଣୁରେ ପ୍ରକାଶଇ

Couplet 52

ମାୟାରେ ସର୍ବ ଲୀନ ଯାଇମହାପ୍ରକୃତି ରୂପ ସେହି

Couplet 53

ମାୟା ଅବ୍ୟକ୍ତ ପୁରୁଷେଣଲୀନ ସତ୍ତ୍ୱାଦି ଗୁଣମାନ

Couplet 54

ଅନାଦି ପୁରୁଷ ଅବ୍ୟକ୍ତତାହାର ନାହିଁ ଆଦି ଅନ୍ତ

Couplet 55

ନିତ୍ୟ ସ୍ୱରୂପ ନିରଞ୍ଜନଅବ୍ୟୟ ଜଗତ କାରଣ

Couplet 56

ତାହାର ପ୍ରଳୟ ଯେ ନାହିଁଶୁଣ ରାଜନ ମନ ଦେଇ

Couplet 57

ମନବଚନ ତିନିଗୁଣପ୍ରାଣ ବୁଦ୍ଧି ଇନ୍ଦ୍ରିୟମାନ

Couplet 58

ମହତଆଦି ଯେତେ ଛନ୍ତିଏମାନେ ତା'କୁ ନ ଜାଣନ୍ତି

Couplet 59

ଏ ଲୋକ ସମୂହ କାରଣଯା' ମାୟା କଳ୍ପନା ଭିଆଣ

Couplet 60

ସ୍ୱପ୍ନ ଜାଗ୍ରତ ଯା'ର ନାହିଁସୁଷୁପ୍ତି ଭେଦ ହିଁ ନ ଥାଇ

Couplet 61

ପୃଥ୍ୱୀ ଜଳ ଅଗ୍ନି ପବନଆକାଶ ଚନ୍ଦ୍ର ସୂର୍ଯ୍ୟ ମାନ

Couplet 62

ଏମାନେ ଯହିଁ ଭେଦ ନୋହିଁଅଲେଖ ଚିହ୍ନ ବର୍ଣ୍ଣ କାହିଁ

Couplet 63

ଅନୁଭବୀ ତର୍କୀ ନ ପାଇମୂଳ ବ୍ରହ୍ମସ୍ୱରୂପ ସେହି

Couplet 64

ତାଠାରେ ଯୋଗମାୟା ଲୀନବ୍ରହ୍ମାଣ୍ଡ ସମେତ ହୋଇଣ

Couplet 65

ଏହି ପ୍ରକାରେ ଲୟ ହୋଏପ୍ରାକୃତ ପ୍ରଳୟ ବୋଲାଏ

Couplet 66

ବୁଦ୍ଧି ଇନ୍ଦ୍ରିୟ ଅର୍ଥମାନଜ୍ଞାନରେ ଯେବେ ହୋନ୍ତି ଲୀନ

Couplet 67

ଏ ଯେ ପ୍ରଳୟ ଆତ୍ୟନ୍ତିକଅପର ନାମ ତା'ର ମୋକ୍ଷ

Couplet 68

ବ୍ରହ୍ମାଣ୍ଡ ସମେତ ହୋଇଣତା' ଲୋମକୂପେ ହୋନ୍ତି ଲୀନ

Couplet 69

ଏ ଯେ ପୁରୁଷ ନିରଞ୍ଜନଯୋଗ ମାୟାଦି ସମେତେଣ

Couplet 70

ଆପଣା ସ୍ୱଗୁଣରୁ କରିପ୍ରଭାକୁ ଆକାଶେ ବିସ୍ତାରି

Couplet 71

ଲୀନ ହୁଅଇ ସେ ଇଚ୍ଛାକୁମହାପ୍ରଳୟ ବୋଲି ତା'କୁ

Couplet 72

ନିରାକାର ଯେ ନିରଞ୍ଜନତାହାର ନାହିଁ ଦରଶନ

Couplet 73

ଆକାଶ ପ୍ରାୟ ଶୂନ୍ୟ ରୂପୀସ୍ୱଇଚ୍ଛା ଗୁଣେ ସର୍ବବ୍ୟାପି

Couplet 74

ଦୀପ ଚକ୍ଷୁ ରୂପ ଯେସନଜ୍ୟୋତିରୁ ନୁହଁନ୍ତି ଏ ଭିନ୍ନ

Couplet 75

ଇଚ୍ଛାରେ ଏମାନ ହୁଅଇତାହାର ଭେଦବୁଦ୍ଧି ନାହିଁ

Couplet 76

ବୁଦ୍ଧି ଇନ୍ଦ୍ରିୟ ପଞ୍ଚଭୂତଶବଦ ଆଦି ପଞ୍ଚମାତ୍ର

Couplet 77

ନିରାକାରରେ ଲଗ୍ନ ହୋଇପ୍ରକୃତି ପୁରୁଷର ତହିଁ

Couplet 78

ବୁଦ୍ଧି ଇନ୍ଦ୍ରିୟ ଯେ ବିଷୟବ୍ରହ୍ମସ୍ୱରୂପ ଜ୍ଞାନମୟ

Couplet 79

ସୁସୁପ୍ତି ସ୍ୱପ୍ନ ଜାଗରଣବୁଦ୍ଧିର ଏହି ତିନିଧର୍ମ

Couplet 80

ଏମାନେ ମାୟାର ସ୍ୱରୂପୀଜୀବ ଆଚ୍ଛାଦି ଥା'ନ୍ତି ବ୍ୟାପି

Couplet 81

ଯେମନ୍ତ ହୋଇ ମେଘମାନେପବନ ସକାଶୁ ଗଗନେ

Couplet 82

ଘୋଟନ୍ତି ପୁଣି ଛାଡ଼ିଯା'ନ୍ତିତେମନ୍ତ ହୋଇ ମାୟାଗତି

Couplet 83

ମାୟା ସକାଶୁ ଏ ବ୍ରହ୍ମାଣ୍ଡଉତ୍ପତ୍ତି କ୍ଷୟ ପୁଣି ରୁଣ୍ଡ

Couplet 84

ଯେମନ୍ତ ସୂତାଖିଅ ହୋଇଓତଃପ୍ରୋତଃ ବସ୍ତ୍ର ହୁଅଇ

Couplet 85

ସେ ବସ୍ତ୍ର ଫିଟିଲେ ସେ ସୂତ୍ରଏମନ୍ତ ଈଶ୍ୱରର ଯନ୍ତ୍ର

Couplet 86

ତେମନ୍ତ ବିକାର ମାୟାରବ୍ରହ୍ମଟି ବୋଲାଏ ସଂସାର

Couplet 87

ଯୋଗମାୟା ପୁରୁଷଠାରେକାର୍ଯ୍ୟକାରଣ ଯେ ଆବୋରେ

Couplet 88

ଅନ୍ୟୋନ୍ୟେ ଆଶ୍ରୟ ସେ କରେସଂଯୋଗ ବିଯୋଗ ପ୍ରକାରେ

Couplet 89

ଏଣୁ ସେ ଭ୍ରମ ହେଉଅଛିସଂସାର ଜଡ଼ ଆବୋରିଛି

Couplet 90

ଏ ଯେତେ ଆତଯାତ ହୋନ୍ତିମାୟାକୁ ଧରି ସେ ଜନ୍ମନ୍ତି

Couplet 91

ଏ ମାୟାବିକାର କାରଣବ୍ରହ୍ମାଣ୍ଡ ବିଷ୍ଣୁଦେହୁଁ ଜନ୍ମ

Couplet 92

ବ୍ରହ୍ମସ୍ୱରୂପ ତେଣୁ ନାମଅନାଦି ପରମ କାରଣ

Couplet 93

ସେ ଅବିନାଶୀ ଯେ ପୁରୁଷବିକାର ଭେଦେ ଅପ୍ରକାଶ

Couplet 94

ଯାହାର ରୂପରେଖ ନାହିଁତାହାର ବର୍ଣ୍ଣଭେଦ କାହିଁ

Couplet 95

ତାହାର ମାୟାର ରଚନାନାନା ରୂପ କରେ ସର୍ଜନା

Couplet 96

ଯେମନ୍ତେ ଠୁଳ ସୁବର୍ଣ୍ଣାଦିକାରଣ କାର୍ଯ୍ୟ କୁଣ୍ଡଳାଦି

Couplet 97

ନାନା ଅଳଙ୍କାର ଗଢାଇବହୁ ବିଚିତ୍ର ନାମ ଦେଇ

Couplet 98

ତା' ପୁଣି ଭାଙ୍ଗି ଦଗଧିଲେଏକ ହୁଅଇ ଯେ ପ୍ରକାରେ

Couplet 99

ମାୟାରୁ ଜୀବ ଏ ବେଭାରେବ୍ରହ୍ମାଣ୍ଡ କଳ୍ପେ ଏ ପ୍ରକାରେ

Couplet 100

ଦେହ ଯେ ହୁଅଇ ବିନାଶନାମ ଯଶ ରହେ ବିଶେଷ

Couplet 101

ଏ ଭାବେ ବାସୁଦେବ ଲୀଳାଜ୍ୟୋତି ପ୍ରଭାବ ଅଂଶ କଳା

Couplet 102

ବାସନା ପ୍ରବେଶ କରିଣନାମ-ରୂପ-ବର୍ଣ୍ଣ ଭେଦେଣ

Couplet 103

ବେଦପୁରାଣେ ତା'ଙ୍କୁ ଚିନ୍ତିମହିମା ବ୍ୟାଖ୍ୟାନ କରନ୍ତି

Couplet 104

ବ୍ରହ୍ମାଦି ଯେତେ ଋଷିମାନେଯାକୁ ଚିନ୍ତନ୍ତି ଯୋଗଧ୍ୟାନେ

Couplet 105

ମେଘ ସୂର୍ଯ୍ୟ-ତେଜୁଁ ଜନ୍ମଇଆକାଶେ ସୂର୍ଯ୍ୟଙ୍କୁ ଘୋଡ଼ାଇ

Couplet 106

ସୂର୍ଯ୍ୟ-ତେଜୁଁ ଚକ୍ଷୁ ଜନ୍ମଇମେଘରେ ସୂର୍ଯ୍ୟ ନ ଦିଶଇ

Couplet 107

ବ୍ରହ୍ମରୁ ଜନ୍ମ ଏ ପ୍ରକାରତ୍ରିଗୁଣମୟ ଅହଙ୍କାର

Couplet 108

ଆତ୍ମଦର୍ଶନ ବିରୋଧଇମାୟାରେ ଉହାଡ଼ କରଇ

Couplet 109

ସେ ମେଘ ପୁଣି ନାଶ ଗଲେସୂର୍ଯ୍ୟ ପ୍ରକାଶ ହୋଏ ଭଲେ

Couplet 110

ସେ ଗଲେ ଚକ୍ଷୁ ସୂର୍ଯ୍ୟ ଦେଖେଅଜ୍ଞାନ ତେହ୍ନେ ଜୀବ ପାଖେ

Couplet 111

ଆତ୍ମା ଅହଙ୍କାର ଅଜ୍ଞାନଯେବେ ଦୂରକରେ ଏମାନ

Couplet 112

ଜୀବ ପରମ ତେବେ ପାଇଅଜ୍ଞାନ ତମକୁ ନାଶଇ

Couplet 113

ଆତ୍ମା ବିବେକ ଜ୍ଞାନମୟମାୟା ଅହଙ୍କାର ନିର୍ଣ୍ଣୟ

Couplet 114

ପାଶବନ୍ଧନ ଜ୍ଞାନ ଖଡ଼୍ଗେଯେବେ ନ ଛେଦେ ମତିଭଙ୍ଗେ

Couplet 115

ଅଜ୍ଞାନ ଭ୍ରମ ସେ ଭ୍ରମଇଆତ୍ମାକୁ ଦର୍ଶନ ନ ପାଇ

Couplet 116

ଯେବେ ସେ ମାୟାକୁ ଛେଦଇବ୍ରହ୍ମଶରୀରେ ଲୀନ ହୋଇ

Couplet 117

ସାଯୁଜ୍ୟ ମୁକ୍ତି ସେ ଲଭଇମାତୃଗର୍ଭରେ ଲୀନ ହୋଇ

Couplet 118

ତେବେ ଆତ୍ୟନ୍ତିକ ପ୍ରଳୟକହିବି ଯେ ନିତ୍ୟ ପ୍ରଳୟ

Couplet 119

ନିତ୍ୟ ବ୍ରହ୍ମାଦିମାନଙ୍କରଉତ୍ପତ୍ତି ପ୍ରଳୟ ସଞ୍ଚାର

Couplet 120

ହୁଅଇ ପୁଣି ନିତିନିତିସୂକ୍ଷ୍ମଜ୍ଞାନୀଏ କହିଥା'ନ୍ତି

Couplet 121

କାଳ ସିନ୍ଧୁସ୍ରୋତ ବେଗରେବ୍ରହ୍ମାଦି ପ୍ରାଣୀ ଏ ସଂସାରେ

Couplet 122

ଭାସି ଯାଇ ପୁଣି ଉଠିଣପଡ଼ନ୍ତି ସେ ସ୍ରୋତ ଧାରେଣ

Couplet 123

ପରିଣାମେ ନାନାବସ୍ଥାରେଭୋଗ କରେ କଳ୍ପମାନରେ

Couplet 124

ଏ ଅନୁଭବ କରୁଛନ୍ତିକେହି ତା' ନ ଜାଣନ୍ତି ଗତି

Couplet 125

ଏ ଯେ କାଳ ଈଶ୍ୱର ମୂର୍ତ୍ତିନାହିଁ ତା' ଆଦିଅନ୍ତ ସ୍ଥିତି

Couplet 126

ଲଭଇ ନାନା ପରିଣାମଯେହ୍ନେ ଆକାଶେ ଜ୍ୟୋତିର୍ଗଣ

Couplet 127

ତେମନ୍ତ କାଳର ମହିମାଯା' ଅନ୍ତ ନ ଜାଣନ୍ତି ବ୍ରହ୍ମା

Couplet 128

କୋଟି କୋଟି ବ୍ରହ୍ମାଣ୍ଡମାନଉତ୍ପତ୍ତି ସ୍ଥିତି ଅବସାନ

Couplet 129

କାଳର ଅନ୍ତ ନାହିଁ ରୂପଯେଣୁ ବାସୁଦେବ ସ୍ୱରୂପ

Couplet 130

ମାୟାର ଅଗୋଚର ଯେଣୁଚାରି ପ୍ରଳୟ କରେ ତେଣୁ

Couplet 131

ଏ ନିତ୍ୟ ନୈମିତ୍ତିକ ଦୁଇପ୍ରାକୃତ ଆତ୍ୟାନ୍ତିକ ହୋଇ

Couplet 132

କାଳ ଏ ପ୍ରଳୟ କରଇଈଶ୍ୱର ଦେହେ ଲୀନ ହୋଇ

Couplet 133

ହେ କୁରୁଶ୍ରେଷ୍ଠ ପରୀକ୍ଷିତନାରାୟଣ ଜଗତ ତାତ

Couplet 134

ବିଧାତା ସ୍ୱରୂପ ସେ ପୁଣିତହିଁ ଆଶ୍ରିତ ସର୍ବପ୍ରାଣୀ

Couplet 135

ଏଥେ ସଂଯୋଗ ମାୟାରୂପେଯା' ଅବତାର କଳ୍ପେ କଳ୍ପେ

Couplet 136

ଲୀଳାବତାରଙ୍କର ସୀମାସଂକ୍ଷେପି କହୁଛି ମହିମା

Couplet 137

କେ ବା ବିସ୍ତାରି କହୁ ଅର୍ଥବ୍ରହ୍ମାଦି ନୋହିବେ ସମର୍ଥ

Couplet 138

ସଂସାର-ସମୁଦ୍ର ଦୁସ୍ତରତାରଣେ ବିଷ୍ଣୁ କର୍ଣ୍ଣଧାର

Couplet 139

ବାସୁଦେବ-ପଦାରବିନ୍ଦଯେବେ ନ ଧରେ ହୃଦମଧ୍ୟ

Couplet 140

ସେ କାହିଁ ତରିବ ସଂସାରବୁଡ଼ଇ ତମ-ମହାଘୋର

Couplet 141

ବୋଇତ ଆଶ୍ରେ ବିନା ପ୍ରାଣୀବାଣିଜ୍ୟେ ସମୁଦ୍ର ନ ଜିଣି

Couplet 142

ତା' ଲୀଳା ଅବତାର କଥାଶୁଣିଲେ ଖଣ୍ଡେ ଭବବ୍ୟଥା

Couplet 143

ପଡ଼ି ଗାୟନ କଲେ ପ୍ରାଣୀତରେ ସଂସାର ତରଙ୍ଗିଣୀ

Couplet 144

ଶ୍ରୀଭାଗବତ ପୁରାଣରେଅମୃତ ପୂରିଛି ବିସ୍ତାରେ

Couplet 145

ଏ ତତ୍ତ୍ୱ ଭାଗବତ ଯେଣୁପୁରାଣ ଭାଗବତ ତେଣୁ

Couplet 146

ଏ ଯେ ପୁରାଣରସ ଗୀତାପ୍ରଥମେ ଏକାକ୍ଷର କଥା

Couplet 147

ବୈକୁଣ୍ଠନାଥ ମୁଖୁଁ ଜାତପ୍ରଣବ ସ୍ୱରୂପେ ସମ୍ଭୂତ

Couplet 148

ତା'କୁ ଯେ ତିନି ଅକ୍ଷରେଣଅନନ୍ତେ ଉପଦେଶ ପୁଣ

Couplet 149

ପୁଣ ଚଉବିଂଶ ଅକ୍ଷରେଅନନ୍ତ ବ୍ରହ୍ମାଙ୍କୁ ଯେ ଦେଲେ

Couplet 150

ବ୍ରହ୍ମାଠାରୁ ଚାରିଶ୍ଳୋକେଣପାଇଲେ ନରନାରାୟଣ

Couplet 151

ନାରଦେ ନରନାରାୟଣଦଶଶ୍ଳୋକେଣ ଦେଲେ ପୁଣ

Couplet 152

ନାରଦ ବ୍ୟାସେ ଉପଦେଶଶତଶ୍ଳୋକରେ ପରକାଶ

Couplet 153

ସେ ବ୍ୟାସମୁନି ବିଚକ୍ଷଣଅଠର ସହସ୍ର ଶ୍ଳୋକେଣ

Couplet 154

ଆମ୍ଭେ ଯେ ଶୁକ ତା'ଙ୍କ ଶିଷ୍ୟଆମ୍ଭଙ୍କୁ ଦେଲେ ଉପଦେଶ

Couplet 155

ଏବେ ଏ ଗଙ୍ଗାର ତୀରରେବ୍ରହ୍ମଋଷି ସଭା ମଧ୍ୟରେ

Couplet 156

ତୁମ୍ଭଙ୍କୁ କହି ଏ ପୁରାଣଆମ୍ଭେ ଯେ ହୋଇଲୁ କାରଣ

Couplet 157

ଏହି ପୁରାଣ ତୁମ୍ଭେ ଶୁଣିଲଭିବ ବିଷ୍ଣୁଅଙ୍ଗ ପୁଣି

Couplet 158

ଏ ଭାଗବତ ଧର୍ମସାରଚାରିବେଦୁଁ ଅର୍ଥ ବାହାର

Couplet 159

ଏବେ ଏ ଗଙ୍ଗାପାଶେ ଜାଣସମ୍ବାଦ ତୁମ୍ଭ ଆମ୍ଭ ପୁଣ

Couplet 160

ସୂତ ପୌରାଣିକ ଶୁଣିଲେସକଳ ଜ୍ଞାନ ସମ୍ପାଦିଲେ

Couplet 161

ଏ ପୁଣି ନୈମିଷ ଅରଣ୍ୟେଶୌନକ ଆଦି ଋଷିଜନେ

Couplet 162

ଯଜ୍ଞ ଆରମ୍ଭେ ତୋଷମନେକହିବେ ସଭା ସନ୍ନିଧାନେ

Couplet 163

ହରି ଚରିତ କରି ପାନକାଳ ଖଣ୍ଡିବେ ମୁନିଜନ

Couplet 164

କହଇ ଦାସ ଜଗନ୍ନାଥକୃଷ୍ଣଚରଣେ ଦେଇ ଚିତ୍ତ