Adhyaya 4

Couplet 1

ବୋଲନ୍ତି ନିମି ପୁଣ୍ୟଦେହାଜଗମୋହିନୀ ବିଷ୍ଣୁମାୟା

Couplet 2

କି ରୂପେ ସଂସାର ପ୍ରଚରେପ୍ରାଣୀ ତା' କେମନ୍ତେ ନିସ୍ତରେ

Couplet 3

ତାହା ଜାଣିତେ ମୋର ଇଚ୍ଛାକହି ପୂରାଅ ମନ ବାଞ୍ଛା

Couplet 4

ଗୋବିନ୍ଦ କଥା ସୁଧାପାନଶୁଣି ସନ୍ତୋଷ ନୋହେ ମନ

Couplet 5

ବିଷ୍ଣୁମାୟାରେ ମୁହିଁ ଭ୍ରମିଜନ୍ମମରଣ ପଥଶ୍ରମୀ

Couplet 6

ସେ ତାପେ ତାପିତ ମୋ’ ଦେହଅମୃତପାନ ମୋତେ ଦିଅ

Couplet 7

ହରିକଥନେ ମୋତେ ରଖତା' ଶୁଣି ବୋଲେ ଅନ୍ତରୀକ୍ଷ

Couplet 8

ଶୁଣ ରାଜନ ଶୁଦ୍ଧଚେତାଏ ବିଷ୍ଣୁମାୟାର ବ୍ୟବସ୍ଥା

Couplet 9

କେ ଜାଣିପାରେ ତା’ ସଂସାରେଶୁଣ କହିବା କିଛି ତୋରେ

Couplet 10

ଅନାଦି ପୁରୁଷ ଅନନ୍ତଯେମନ୍ତେ ସର୍ଜିଲେ ଜଗତ

Couplet 11

ନିର୍ଲେପ ପ୍ରଭୁ ଭଗବାନମାୟାର ପରମ କାରଣ

Couplet 12

ସଂସାର କ୍ରୀଡ଼ା ଇଚ୍ଛା କରିଭାବେ ଈଶ୍ୱର ରୂପ ଧରି

Couplet 13

ଈଶ୍ୱର ତେଜେ ଅନ୍ତରାଳତକ୍ଷଣେ ଉପୁଜିଲା କାଳ

Couplet 14

କାଳ ଶରୀରୁ ଆତ୍ମା ଜାତସେ ନୋହେ ବିଷ୍ଣୁମାୟା ଗ୍ରସ୍ତ

Couplet 15

ଆତ୍ମା ସମୀପେ ଆଶ୍ରା କରିଜୀବ ଉପୁଜେ ମାୟା ଧରି

Couplet 16

ସେ ଜୀବ ଈଶ୍ୱର ଆୟତ୍ତତ୍ରିଗୁଣ ମାୟାରେ ଯନ୍ତ୍ରିତ

Couplet 17

ସେ ମାୟା ଜୀବ ଦେହେ ଥାଇପ୍ରକୃତି ରୂପେ ସମ୍ଭବଇ

Couplet 18

ସେ ମାୟା ପୁଣ ମହଦାଦିଜଗତ କାରଣ ପ୍ରସିଦ୍ଧି

Couplet 19

ସେ ମାୟା ଜୀବକୁ ଅନାଇଈଶ୍ୱର ବଶେ କ୍ଷୋଭ ପାଇ

Couplet 20

ଯେସନେ ଜଳବିମ୍ବ ଜଳେରୂପ ପ୍ରକାଶେ ବାୟୁବଳେ

Couplet 21

ସେ ରୂପେ ବିରାଟ ପୁରୁଷଈଶ୍ୱର ମାୟାରେ ପ୍ରବେଶ

Couplet 22

ତାହାର ମଧ୍ୟେ ଆତ୍ମା ରୂପେଜୀବ ଭ୍ରମଇ ମାୟାକଳ୍ପେ

Couplet 23

ଜୀବ ବିଷୟଭୋଗ ଅର୍ଥେନାନା ପ୍ରପଞ୍ଚ ଏ ଜଗତେ

Couplet 24

ଯେ ଉଚ୍ଚନୀଚ୍ଚ ଦେହଧାରୀଏ ପଞ୍ଚ ମହାଭୂତେ କରି

Couplet 25

ସୃଷ୍ଟି କରଇ ଭଗବାନସେ ମାୟା ପ୍ରକାଶେ ପ୍ରଧାନ

Couplet 26

ଜୀବର ଭୋଗା ଭୋଗ ପାଇଁଦଶଇନ୍ଦ୍ରିୟ ମନ ହୋଇ

Couplet 27

ପ୍ରବେଶ କରେ ତା'ର ମଧ୍ୟେବିବିଧ ବିଷୟଙ୍କ ସଧେ

Couplet 28

ବସଇ ଜୀବର ସମୀପେନିର୍ଲେପ ନିରଞ୍ଜନ ରୂପେ

Couplet 29

ଜୀବକୁ ଭୁଞ୍ଜାଇ ଭୁଞ୍ଜଇଅନ୍ତରେ ସାକ୍ଷୀରୂପେ ଥାଇ

Couplet 30

ଜୀବ ମଣଇ ମୋର ଦେହତେଣୁ ପଶଇ ମାୟା ମୋହ

Couplet 31

କରେ କରାଏ ସର୍ବକର୍ମଯେ ବେଦବିଧି ନିଜ ଧର୍ମ

Couplet 32

ସଙ୍ଗ ନୁହଇ କର୍ମଫଳେନଳିନୀଦଳ ଯେହ୍ନେ ଜଳେ

Couplet 33

ଜୀବ ଈଶ୍ୱର ବଶ ହୋଇଇନ୍ଦ୍ରିୟ ଅର୍ଥେ ଭୋଗ ପାଇଁ

Couplet 34

ଦେହରେ କରେ ଅହଙ୍କାରବୋଲଇ ସର୍ବକର୍ମ ମୋର

Couplet 35

ଏଣୁ ସେ କର୍ମର ଅଧୀନେପଡ଼ଇ ଶରୀର ବନ୍ଧନେ

Couplet 36

ବୋଲଇ କରୁଅଛି ମୁହିଁମୋ ତହୁଁ କର୍ତ୍ତା ଭିନ୍ନ ନାହିଁ

Couplet 37

ଦେହ ବନ୍ଧନେ ହୋଇ ଭ୍ରମକରଇ ନାନାମତେ କର୍ମ

Couplet 38

ଭବବନ୍ଧନେ ଏହି ମତେଭ୍ରମଇଁ ଦୁଃଖସୁଖ ପଥେ

Couplet 39

ଦେହ ବିଯୋଗେ କର୍ମ ଘେନିଜନ୍ମ ଲଭଇ ନାନା ଯୋନି

Couplet 40

ଅଶେଷ ଦେହେ କର୍ମ ଭୁଞ୍ଜେଦୁର୍ଗମ ଦୁଃଖସୁଖ ବୁଝେ

Couplet 41

ଯାବତ ମାୟା ନୋହେ ହତତାବତ ସୁଖଦୁଃଖେ ଗ୍ରସ୍ତ

Couplet 42

ଭବସଙ୍କଟେ ଏହି ମତେଭ୍ରମଇଁ ଦୁଃଖ ସୁଖ ପଥେ

Couplet 43

ଏ ବିଷ୍ଣୁମାୟାର ବିଧାନଶୁଣ ହେ ବିଦେହ ରାଜନ

Couplet 44

ଯେ ନିରାକାର ଆଦିକନ୍ଦନିର୍ଗୁଣ ନିତ୍ୟ ସୁଖାନନ୍ଦ

Couplet 45

ଅନାଦି ନିଧନ ସେ ହରିସୃଷ୍ଟି ପ୍ରଳୟ ଅଧିକାରୀ

Couplet 46

ଏ ସୃଷ୍ଟି ତା'ର ଦେହଗତେପ୍ରବେଶ ହେବା ଯେବେ ଚିନ୍ତେ

Couplet 47

ପ୍ରଳୟକାଳେ ତେଜରାଶିବେଗେ ବ୍ରହ୍ମାଣ୍ଡ ମଧ୍ୟେ ପଶି

Couplet 48

ଶତେବରଷ ଦେବମତେଜଳ ନ ବରଷେ ଜଗତେ

Couplet 49

ଦ୍ୱାଦଶସୂର୍ଯ୍ୟ ଶୂନ୍ୟେ ରହେତିନିଭୁବନ ତେଜେ ଦହେ

Couplet 50

ଅନନ୍ତ ମୁଖୁଁ ଅଗ୍ନି ଜାତଦହଇ ପାତାଳ ସମସ୍ତ

Couplet 51

ଦହନ ଅନ୍ତେ ମେଘମାଳେମିଳନ୍ତି ଗଗନମଣ୍ଡଳେ

Couplet 52

ସମ୍ବର୍ତ୍ତ ନାମ ସେ ବହନ୍ତିଶତେ ବରଷ ବରଷନ୍ତି

Couplet 53

ଧାରା ବରଷେ ଘୋରବାୟେପ୍ରମାଣ ହସ୍ତୀଶୁଣ୍ଢ ପ୍ରାୟେ

Couplet 54

ଜଳ ବହୁଳେ ସୃଷ୍ଟି ନାଶତା' ଦେଖି ବିରାଟ ପୁରୁଷ

Couplet 55

ତକ୍ଷଣେ ତେଜି ତ୍ରିଭୁବନବ୍ରହ୍ମଶରୀରେ ହୋଏ ଲୀନ

Couplet 56

ଭୂତ ବିକାରେ ପଞ୍ଚଗୁଣତ୍ରିଗୁଣ ଅହଙ୍କାର ପୁଣ

Couplet 57

ମହତ ଦେହେ ବିଶ୍ରାମଇପ୍ରଳୟ ନ ପାରଇ ସହି

Couplet 58

ସେ ପୁଣି ମାୟା ଅବସାନେପ୍ରକୃତି ତହିଁ ହୋଏ ଲୀନେ

Couplet 59

ପ୍ରକୃତି ପ୍ରଳୟର ତ୍ରାସେମିଳେ ପରମଆତ୍ମା ପାଶେ

Couplet 60

ଏ ମାୟା ଜଗତମୋହିନୀଖେଳଇ ଜୀବ ଆତ୍ମା ଘେନି

Couplet 61

ଏ ବିଷ୍ଣୁ ମାୟାର କାରଣସୃଷ୍ଟି ପାଳନ ସଂହରଣ

Couplet 62

ଏମନ୍ତ ଅନ୍ତରୀକ୍ଷ ବାଣୀଜନକ ବୋଲେ ତାହା ଶୁଣି

Couplet 63

ଦୁର୍ବୋଧ୍ୟ ଈଶ୍ୱରର ମାୟାମୂଢ କେମନ୍ତେ ଜାଣେ ତାହା

Couplet 64

ସେ ମାୟା ନିସ୍ତରି କେମନ୍ତେଉପାୟ ଥିଲେ କହ ମୋତେ

Couplet 65

ପ୍ରବୁଦ୍ଧ ବୋଲେ ଶୁଣ ରାୟକହିବା ତହିଁର ଉପାୟ

Couplet 66

ଦୁଃଖ ବିନାଶି ସୁଖ ପାଇଅଖଣ୍ଡ ଭୋଗ ଭୁଞ୍ଜିବଇଁ

Couplet 67

ଏମନ୍ତ ଚିନ୍ତି ଗୃହବାସେକର୍ମ କରଇ ଫଳ ଆଶେ

Couplet 68

କାମିନୀ ସଙ୍ଗେ କରେ ଭାବକେବଳ ଦୁଃଖମାତ୍ର ଲାଭ

Couplet 69

ମରଣ-ପଥ-ହେତୁ ଧନତା'ର ଅର୍ଜନେ ନିତ୍ୟେ ମନ

Couplet 70

ଅନେକ ଦୁଃଖେ ତା’ ସଞ୍ଚଇନିଶି ଦିବସେ ମନ ଦେଇ

Couplet 71

ନିରତେ ହୃଦୟ ନିର୍ଦ୍ଦୟଏଣୁଟି ଧନ ଦୁଃଖମୟ

Couplet 72

ଦୁଃଖେ ସଞ୍ଚିତ ଯେତେ ଧନସେ ନୋହେ ସୁଖେ ପ୍ରୟୋଜନ

Couplet 73

ପଶୁ ତନୟ ଦାରା ଦାସଏ ସର୍ବ ବିଜୁଳି ପ୍ରକାଶ

Couplet 74

ଏହାଙ୍କ ସ୍ନେହେ ବନ୍ଦୀ ହୋଇପୋଷଇ ଦୁଃଖଭାର ବହି

Couplet 75

ସେ ପୁଣି ଯା'ନ୍ତି ଯେଝା ପଥେଶୋକ ସନ୍ତାପ ଦେଇ ଚିତ୍ତେ

Couplet 76

ଏହାଙ୍କ ସଙ୍ଗଫଳ ଏହିଏ ଭାବ ମୂଢ ନ ଜାଣଇ

Couplet 77

ଉଭୟଲୋକ କରେ ନାଶଏହି କାରଣେ ଗୃହବାସ

Couplet 78

ଭୁଞ୍ଜଇ ନିଜ କର୍ମଫଳସେ ପୁଣି ନୁହଁଇ ନିଶ୍ଚଳ

Couplet 79

ଗୃହୀ ସ୍ୱଭାବେ ପୁଣ୍ୟ କରିସ୍ୱର୍ଗେ ବସଇ ଦେହ ଧରି

Couplet 80

କ୍ରମେ ସେ ଭୋଗ କ୍ଷୀଣ ହୋଇକର୍ମ ସରିଲେ ଭୋଗ କାହିଁ

Couplet 81

ପୁଣି ପଡ଼ଇ ଘୋରତମେଗତ ଆଗତ ପଥ ଶ୍ରମେ

Couplet 82

ଏ କଥା ବୁଝି ଗୁରୁପାଦେଆଶ୍ରେ କରିବ ଅପ୍ରମାଦେ

Couplet 83

ଉତ୍ତମଗୁରୁ ଆଶ୍ରେ କରିତା'ଙ୍କ ବଚନ ଶିରେ ଧରି

Couplet 84

ଯେ ଗୁରୁ ଜାଣେ ବେଦତତ୍ତ୍ୱନିର୍ଗୁଣ ଆତ୍ମଜ୍ଞାନେ ରତ

Couplet 85

ସମଦରଶୀ ନିଷ୍ଠାପରତପ କଷଣ ସହେ ଧୀର

Couplet 86

ନିରତେ ଥାଇ ପରହିତେଈଶ୍ୱର ମାୟା ଜାଣି ଚିତ୍ତେ

Couplet 87

ଏମନ୍ତ ଗୁରୁପାଦ ଭଜିହିଂସା କପଟ ଦୂରେ ତେଜି

Couplet 88

ସେବା କରିବ ଦୃଢଚିତ୍ତେଯେ ଗୁରୁଶିଷ୍ୟ ଭାବମତେ

Couplet 89

ଏଣେ ପ୍ରସନ୍ନ ନାରାୟଣକରନ୍ତି ଆତ୍ମଜ୍ଞାନ ଦାନ

Couplet 90

ପ୍ରଥମେ ବିଷୟ ଅସଙ୍ଗୀପ୍ରେମ ପୁଲକ ତନୁ ଭଙ୍ଗୀ

Couplet 91

ମନ ନ ଥିବ ଅନ୍ୟସଙ୍ଗେଚିତ୍ତ ନିବେଶି ଗୁରୁଅଙ୍ଗେ

Couplet 92

ସାଧୁସଙ୍ଗତେ ଥିବ ନିତ୍ୟେଜନ୍ତୁକୁ ଦୟା ହୃଦଗତେ

Couplet 93

ନିରତେ ପ୍ରେମ ମିତ୍ରଭାବଏ ଆଦି ଯତନେ ସାଧିବ

Couplet 94

ଶଉଚ ତପ ଦୟାଗୁଣମଉନ ବେଦ ଅଧ୍ୟୟନ

Couplet 95

ଅହିଂସା ସୁଖ-ଦୁଃଖେ ସମଯେ ବ୍ରହ୍ମଚର୍ଯ୍ୟ ଆଦି କର୍ମ

Couplet 96

ଏ ଆଦି ଧର୍ମମାନ ଯେତେଶିକ୍ଷା କରିବ ଯଥୋଚିତ୍ତେ

Couplet 97

ଜଗତ ବିଷ୍ଣୁଭାବେ ଚାହିଁଉଦାସମତେ ଦେହ ବହି

Couplet 98

ନିର୍ଲେପେ ସର୍ବସଙ୍ଗେ ଥିବସ୍ୱଭାବ କର୍ମ ହିଁ କରିବ

Couplet 99

ଗୃହଆରମ୍ଭୀ ଗୃହୀ ମେଳେନ ପଶି ରହିବ ନିରୋଳେ

Couplet 100

କର୍ମେ ଈଶ୍ୱର ଯାହା ଦେବସନ୍ତୋଷେ ଉଦର ପୋଷିବ

Couplet 101

ପରମଶାସ୍ତ୍ର ଭାଗବତଅଭ୍ୟାସ କରୁଥିବ ନିତ୍ୟ

Couplet 102

ଅନ୍ୟଶାସ୍ତ୍ରର ଗୁଣ ଦୋଷମୁଖେ ନ କରିବ ପ୍ରକାଶ

Couplet 103

ମନ ବଚନ ଯେଣେ ଦମିସେ ଶାସ୍ତ୍ରେ ହେଉଥିବ ଶ୍ରମୀ

Couplet 104

ସତ୍ୟ କହିବ ନିତ୍ୟେ ତୁଣ୍ଡେକେବେହେଁ ନ ଥିବ ପାଷଣ୍ଡେ

Couplet 105

କୃଷ୍ଣର ଜନ୍ମକର୍ମ ଗୁଣନିରତେ ପଠନ ଶ୍ରବଣ

Couplet 106

ଦେହ ସ୍ୱଭାବେ କରି କର୍ମବେଦ ବଚନେ କୁଳଧର୍ମ

Couplet 107

ସକଳ କୃଷ୍ଣେ ସମର୍ପିବନିଷ୍କାମ ଚିତ୍ତେ ନିତ୍ୟେ ଥିବ

Couplet 108

ସ୍ୱଧର୍ମ ତପ ଜପ ଦାନଯେ ଆତ୍ମପ୍ରିୟ ବସ୍ତୁମାନ

Couplet 109

ଯେ ଦାରା ସୁତ ଗୃହ ପ୍ରାଣକୃଷ୍ଣେ କରିବ ସମର୍ପଣ

Couplet 110

ସର୍ବ ସମ୍ପଦ କୃଷ୍ଣେ ଦେଇଉଦାସ ମତେ ଦେହ ବହି

Couplet 111

ଯତ୍ନ କରିବ ଦୃଢଚିତ୍ତେକୃଷ୍ଣ ସନ୍ତୋଷ ଭାବ ମତେ

Couplet 112

ଗୁରୁବଚନ ଶିରେ ଧରିସୁସାଧୁସନ୍ଥ ସେବା କରି

Couplet 113

ସେବିବ ଜଙ୍ଗମ ସ୍ଥାବରେପୁଣି ମହାତ୍ମା ସାଧନରେ

Couplet 114

କୃଷ୍ଣର କଥା ଅନ୍ୟୋଅନ୍ୟେନିରତେ ଶ୍ରବଣ କୀର୍ତ୍ତନେ

Couplet 115

ସେବା କରିବ ବିଷ୍ଣୁଜନେପବିତ୍ର ବିନୟ ବଚନେ

Couplet 116

କୃଷ୍ଣଚରିତ ସାଧୁଜନେସ୍ମରଣ ଶ୍ରବଣ ପ୍ରସନ୍ନେ

Couplet 117

ନିର୍ମଳ କୃଷ୍ଣର ଚରିତଯେ ନାମେ ଜଗତ ପବିତ୍ର

Couplet 118

ଆନନ୍ଦେ ଦୁଃଖ ଛାଡ଼ି ମନେଗୋଷ୍ଠୀ କରିବ ବିଷ୍ଣୁଜନେ

Couplet 119

ଦିନ ବଞ୍ଚିବ ଭକ୍ତିସଧେବିଷ୍ଣୁଭକତଜନ ମଧ୍ୟେ

Couplet 120

କଣ୍ଠ କୁଣ୍ଠିତ ଜଡ଼ମତିପୁଲକ ଦେହ ରୋମପନ୍ତି

Couplet 121

ଚିତ୍ତେ ଗୋବିନ୍ଦ ନାମ ସ୍ମରେରୋଦନ କରେ ଉଚ୍ଚସ୍ୱରେ

Couplet 122

କ୍ଷଣେ ହସଇ କ୍ଷଣେ ନାଚେଘୋର ଗର୍ଜନ କରେ ଉଚ୍ଚେ

Couplet 123

କ୍ଷଣକେ ଗାଏ ଗୁଣଗାଥାକହଇ ଅଲୌକିକ କଥା

Couplet 124

କ୍ଷଣକେ କୃଷ୍ଣଗୁଣ ଗୁଣିଚକ୍ଷୁ ବୁଜଇ ହୋଇ ତୁନି

Couplet 125

ଏ ଭାଗବତ ଧର୍ମ ଦୀକ୍ଷାଗୁରୁବଚନେ ପାଇ ଶିକ୍ଷା

Couplet 126

ନିଶ୍ଚଳ ଚିତ୍ତେ କୃଷ୍ଣପାଦେଭକତି ଲଭେ ଅପ୍ରମାଦେ

Couplet 127

ସେ ନାରାୟଣ ପରାୟଣଏମନ୍ତେ ଅବିଦ୍ୟାହରଣ

Couplet 128

ଏ ଭାବେ ଶୁଣି କୃଷ୍ଣରସରାଜନ ହୋଇ ମନେ ତୋଷ

Couplet 129

ଆନନ୍ଦେ ଶିରେ କର ଦେଇବୋଲଇ ମୁନିଗଣ ଚାହିଁ

Couplet 130

ଅନାଦି ପ୍ରଭୁ ନାରାୟଣସଂସାର ପରମ କାରଣ

Couplet 131

ଏକ ଅନେକ ରୂପ ଧରିସଂସାରେ ଖେଳେ ନରହରି

Couplet 132

ତୁମ୍ଭେ ଯେ ମୋତେ ଦୟା ବହସେ ନାରାୟଣ ରୂପ କହ

Couplet 133

ଦେଖି ରାଜାର ସାଧୁପଣପିପ୍ପଳାୟନ ବୋଲେ ଶୁଣ

Couplet 134

ସେ ନାରାୟଣ ବର୍ଣ୍ଣ ଚିହ୍ନକେ ମୁଖେ କହିତେ ଭାଜନ

Couplet 135

ଯା ମାୟା ସଂସାର କାରଣସୃଷ୍ଟି ପାଳନ-ସଂହରଣ

Couplet 136

ସ୍ୱୟଂ ଅହେତୁ ଯେ ବୋଲାଇସେ ନାରାୟଣ ଜାଣ ତୁହି

Couplet 137

ସ୍ୱପ୍ନ ଜାଗ୍ରତ ସୁଷୁପ୍ତିରେକି ଅବା ସମାଧିକାଳରେ

Couplet 138

ବାହ୍ୟ ଅନ୍ତରେ ଯେ ଅଛଇତାହାକୁ ବ୍ରହ୍ମ ବୋଲି କହି

Couplet 139

ଦେହ ଇନ୍ଦ୍ରିୟ ପଞ୍ଚପ୍ରାଣଯେ ଅବା ଅନ୍ତର କାରଣ

Couplet 140

ଯାହାର ଆଶ୍ରେୟ ଜୀଅଁନ୍ତିଯେଣେ ବିଷୟେ ସଞ୍ଚରନ୍ତି

Couplet 141

ତା'ଙ୍କୁ ପରମଆତ୍ମା ଜାଣିଅପରେ ଶୁଣ ନୃପମଣି

Couplet 142

ବ୍ରହ୍ମାଣ୍ଡ କୋଟିକୋଟି ମାତ୍ରେଘଟଣ କରେ ନିଜ ଗାତ୍ରେ

Couplet 143

ଭୂତ ଭବିଷ୍ୟ ବର୍ତ୍ତମାନେଯାହାର ଶକ୍ତି ଅନୁମାନେ

Couplet 144

ସମ୍ପୂର୍ଣ୍ଣେ ସର୍ବଜୀବେ ବସେକାହାରି ସଙ୍ଗେ ସେ ନ ମିଶେ

Couplet 145

ମନ ବଚନ ଯା'ର ଦେହେପଶି ନ ପାରନ୍ତି ଉପାୟେ

Couplet 146

ନୟନ ଯାହା ନ ଦେଖଇଇନ୍ଦ୍ରିୟଗଣେ ଭେଦ କାହିଁ

Couplet 147

ଜୀବର ମନ ବୁଦ୍ଧି ପ୍ରାଣଯାହାର ତହୁଁ ହୋନ୍ତି ଜାଣ

Couplet 148

ସେ କାହୁଁ ପାରିବ ତା’ ଚିନ୍ତିଅନେକ ଦୂରେ ସେ ରହନ୍ତି

Couplet 149

ଅଗ୍ନିକଣିକା ବାୟୁବଳେଯେହ୍ନେ ଉଡ଼ନ୍ତି ଅନ୍ତରାଳେ

Couplet 150

ପବନେ ଦଶଦିଗେ ଯା’ନ୍ତିପୁଣି ଅନଳେ ନ ମିଶନ୍ତି

Couplet 151

କୋଟି ବ୍ରହ୍ମାଣ୍ଡ ଏହି ମତେଯାହାର ଦେହୁ ହୋନ୍ତି ନିତ୍ୟେ

Couplet 152

ଏମନ୍ତ ମହିମା ଯାହାରତା'କୁ କେ କରିବ ଗୋଚର

Couplet 153

ଶବଦବ୍ରହ୍ମ ଥାଇ ଦୂରେସେ ପୁଣି ବେଦ ଅନୁସାରେ

Couplet 154

ନାନା ପ୍ରପଞ୍ଚ ଏ ଜଗତେବିଧି ନିଷେଧ ବେନିପଥେ

Couplet 155

ଜଗତ ଭ୍ରମାଇଁ ଭ୍ରମଇଁସେ ତା'କୁ ତତ୍ତ୍ୱେ ନ ଜାଣଇ

Couplet 156

ପ୍ରଥମେ ଏକ ବ୍ରହ୍ମ ଥିଲାଦ୍ୱିତୀୟେ ପ୍ରକୃତି ହୋଇଲା

Couplet 157

ପ୍ରକୃତି ତହୁଁ ସୂତ୍ର ଜାତତାହାକୁ ବୋଲି ମହତତ୍ତ୍ୱ

Couplet 158

ତାହାର ତହୁଁ ଅହଙ୍କାରଯେ ଜୀବ ଆତ୍ମାର ଆଧାର

Couplet 159

ତା'ର ସମୀପେ ଜୀବ ଜାତସେ ଜୀବ କର୍ମର ଆୟତ୍ତ

Couplet 160

ଇନ୍ଦ୍ରିୟ ଅର୍ଥ ଦେବଗଣଫଳେ ଏ ସର୍ବ ନାରାୟଣ

Couplet 161

ତୁ ଯେବେ ବୋଲୁ ବ୍ରହ୍ମ ଏକସେ ପୁଣି ପ୍ରକାଶେ ଅନେକ

Couplet 162

ଏକଇ ଆତ୍ମା ନରହରିମାୟାରେ ନାନାଶକ୍ତି ଧରି

Couplet 163

ଖେଳଇ ନାନାରୂପ ଧରିସ୍ଥୂଳ ସୂକ୍ଷ୍ମରେ ମୋଦ ଭରି

Couplet 164

କ୍ରୀଡ଼ାର ଅନ୍ତେ ସର୍ବନାଶେକି ରୂପେ ରହେ ଅବଶେଷେ

Couplet 165

କିପାଁ ନୁହଇ ବ୍ରହ୍ମବଧଆଗମ ନିଗମେ ପ୍ରସିଦ୍ଧ

Couplet 166

ଏମନ୍ତ କରୁ ଯେବେ ମନେଶୁଣ କହିବା ସାବଧାନେ

Couplet 167

ନିତ୍ୟ ନିର୍ଗୁଣ ନାରାୟଣସେ ନୋହେ ଆଦି ଅବସାନ

Couplet 168

ଯାହାର କ୍ଷୟ ବୃଦ୍ଧି ନାହିଁଅଳପ ବହୁତ ନୁହଇ

Couplet 169

ଯେ ନିତ୍ୟେ ଏକରୂପେ ଥାଇଆଧି ଉପାଧି ଯା'ର ନାହିଁ

Couplet 170

ନିତ୍ୟ ଆନନ୍ଦମୟୀ ସାକ୍ଷୀଯାହାକୁ ଚିତ୍ତେ ମାତ୍ର ଲକ୍ଷ୍ୟି

Couplet 171

ମନର କଳ୍ପନା ଜଗତଏଣୁ ସେ ଦିଶେ ନାନାମତ

Couplet 172

କୀଟ ପତଙ୍ଗ ତରୁ ତୃଣେବସଇ ଶରୀର ପ୍ରମାଣେ

Couplet 173

ସମେ ବସଇ ସର୍ବଦେହେସ୍ଥୂଳ ନୟନେ ଭେଦ ନୋହେ

Couplet 174

ଏ ରୂପେ ବ୍ରହ୍ମ ପରିମାଣିଯାହା ନୟନେ ଦେଖି ଶୁଣି

Couplet 175

ମନ ଗୋଚରେ କରି ଯେତେସତ୍ୟ ନୁହଁନ୍ତି ଏ ସମସ୍ତେ

Couplet 176

ଏଣୁ ଏ ଆତ୍ମା ନିର୍ବିକାରଉପାଧି ଗୁଣେ ସେ ବିକାର

Couplet 177

ଆଧି ଉପାଧି ଯେବେ ଯାଇସେ ନିତ୍ୟେ ଏକରୂପ ହୋଇ

Couplet 178

ନିତ୍ୟ ଆନନ୍ଦମୟ ସାକ୍ଷୀସୁଷୁପ୍ତି ବୋଧେ ମାତ୍ର ଲକ୍ଷ୍ୟି

Couplet 179

ଏମନ୍ତ ରୂପ ନାରାୟଣତୁ ଅବା ବିଚାରୁ ଏସନ

Couplet 180

ପୁଣ ସଂସାର କିପାଁ ହୋଇମାୟା ସଂସ୍କାର ଯେଣୁ ଥାଇ

Couplet 181

ସେ ମାୟା ନାଶ ଯାଇ ଯେଣେଶୁଣ କହିବା ଏକମନେ

Couplet 182

ସେ ନାରାୟଣ ପଦ୍ମପାଦହରଇ ବିଷୟ ବିଷାଦ

Couplet 183

ସକଳ ଛାଡ଼ି ସେ ଚରଣଯେ ଭଜେ ଏକତ୍ୱ କରିଣ

Couplet 184

ସେ ପାଦ ଯା'ରେ ଦୟା କରେଭକ୍ତି ଜନ୍ମଇ ତା’ ହୃଦରେ

Couplet 185

ଘୋର କଳୁଷ ହେଳେ ନାଶେନିର୍ମଳ ହୃଦୟ ପ୍ରକାଶେ

Couplet 186

ଦର୍ପଣେ ରବିବିମ୍ବ ଯେହ୍ନେବ୍ରହ୍ମ ପ୍ରକାଶ ତା'ର ମନେ

Couplet 187

ଏମନ୍ତ ରୂପ ନାରାୟଣତୁ ଏବେ ଶୁଦ୍ଧମନେ ଶୁଣ

Couplet 188

ଶୁଣ ଯାଦବ ଚୁଡ଼ାମଣିଏକଥା ଶୁଦ୍ଧମନେ ଶୁଣି

Couplet 189

ନରକୁ ତରିଯାନ୍ତି ନରହୃଦେ ସାନନ୍ଦ ନୃପବର

Couplet 190

ଜନକ ଶୋକ ଗଦଗଦେମନ ସାନନ୍ଦେ ଋଷିପାଦେ

Couplet 191

ବୋଲଇ ଶିରେ ଦେଇ କରକୋମଳ ବଚନ ଗଭୀର

Couplet 192

ଭୋ ମୁନି କହ କର୍ମଯୋଗଯେଣେ ଖଣ୍ଡଇ ଭବରୋଗ

Couplet 193

ଯେ କର୍ମ ସର୍ବକର୍ମ ନାଶେପରମବ୍ରହ୍ମ ପରକାଶେ

Couplet 194

ଜୀବ ନିସ୍ତରେ ଯାହା କରିଅନ୍ତେ ଲଭଇ ନରହରି

Couplet 195

ସେ ଯୋଗ କହ ମୁନିଗଣନମଇଁ ତୁମ୍ଭର ଚରଣ

Couplet 196

ଏ କଥା ପିତାଙ୍କୁ ମୁଁ ପୂର୍ବେସ୍ନେହେ ପୁଚ୍ଛିଲି ପୁତ୍ରଭାବେ

Couplet 197

ସେ ମୋତେ ନ ଦେଲେ ଉତ୍ତରଏବେ ସୁଦୟା ତୁମ୍ଭେ କର

Couplet 198

ଆବିରହୋତ୍ର ତାହା ଶୁଣିବୋଲନ୍ତି ଶୁଣ ନୃପମଣି

Couplet 199

ଯେ କର୍ମ ଅକର୍ମ ବିକର୍ମଏ ତିନି କହନ୍ତି ନିଗମ

Couplet 200

ଈଶ୍ୱର ବାକ୍ୟ ତିନିବେଦବ୍ରହ୍ମାଶଙ୍କର ନୋହେ ଭେଦ

Couplet 201

ଏଣେ ମୋହିତ ସର୍ବଜନନ ବୁଝି ବେଦର ବଚନ

Couplet 202

ପରୋକ୍ଷ ଧର୍ମ ବେଦ କହେପୁତ୍ରକୁ ଯେହ୍ନେ ବାପମାଏ

Couplet 203

ଔଷଧ କଟୁ ତିକ୍ତ ଆଣିକହନ୍ତି ନାନା ଚାଟୁବାଣୀ

Couplet 204

ମଧୁର ବସ୍ତୁ ଥୋଇ ତଳେଲୋଭେ ଭୁଞ୍ଜାନ୍ତି ତା'କୁ ବଳେ

Couplet 205

ସେ ଯେହ୍ନେ ହରେ ତା'ର ରୋଗଆନନ୍ଦେ କରେ ସୁଖଭୋଗ

Couplet 206

ବେଦ ବଚନ ଏହିମତେକରାନ୍ତି କର୍ମ ମୋକ୍ଷଅର୍ଥେ

Couplet 207

କହନ୍ତି ନାନାମତେ ବାଣୀକର୍ମର ଫଳ ପରିମାଣି

Couplet 208

ଯେ ଫଳ ଲୋଭେ କରେ କର୍ମକର୍ମେ ତା ହୁଏ ମତିଭ୍ରମ

Couplet 209

ଏହାକୁ କର୍ମ ବୋଲି ଜାଣଯେ ଧର୍ମ ନିଗମ ପ୍ରମାଣ

Couplet 210

ଅଜିତଇନ୍ଦ୍ରିୟ ଯେ ପ୍ରାଣୀସେ ନ କରଇ ବେଦବାଣୀ

Couplet 211

କରନ୍ତି ମୂର୍ଖଙ୍କର ରୀତିବିକର୍ମେ ଜନ୍ମ ମୃତ୍ୟୁ ପାନ୍ତି

Couplet 212

ଏହା ବିକର୍ମ ବୋଲି ଜାଣିଅକର୍ମ ଶୁଣ ନୃପମଣି

Couplet 213

ନାନାପ୍ରକାର ଧର୍ମ ଶୁଣିବେଦ ବଚନ ନ ପ୍ରମାଣି

Couplet 214

ଭେଦ କରନ୍ତି ବେଦପଥେପାଷଣ୍ଡ ଗୁରୁବାକ୍ୟ ମତେ

Couplet 215

ନିନ୍ଦନ୍ତି ବେଦବାକ୍ୟ ନିତ୍ୟେପାଷଣ୍ଡବାଦ ଅନୁମତେ

Couplet 216

ଉଭୟଲୋକ ତା'ଙ୍କ ନାହିଁନିରାଶେ ଥା'ନ୍ତି ଦୁଃଖ ସହି

Couplet 217

ଅକର୍ମ ମତ ଏ ବିଚାରଏବେ ହୋ ଶୁଣ ନୃପବର

Couplet 218

ଯେ ଧର୍ମ କହେ ବେଦମତେଆନନ୍ଦେ ଧରି ତାହା ଚିତ୍ତେ

Couplet 219

କର୍ମ ସମ୍ପାଦି କର୍ମଫଳଯେ ଭାବେ ହୃଦୟ ନିର୍ମଳ

Couplet 220

ସେ ଫଳ କୃଷ୍ଣପାଦେ ଦେଇଚିତ୍ତେ ଭକତିଭାବ ବହି

Couplet 221

ତାହାଙ୍କୁ ବୋଲି ମହାମତିଦୁର୍ଲ୍ଲଭମୁକ୍ତି ସେ ଲଭନ୍ତି

Couplet 222

ଏ ବେଦ ଈଶ୍ୱରର ବାଣୀବ୍ରହ୍ମାର ବଚନେ ପ୍ରମାଣି

Couplet 223

ବେଦେ ଧରନ୍ତି ଶ୍ରୁତିଫଳସେ ଆଦିଧର୍ମ ବୃକ୍ଷମୂଳ

Couplet 224

ଏଣୁ ଏ ବେଦମାର୍ଗେ ତରିଏ ଜ୍ଞାନେ ବିଷ୍ଣୁଆଶ୍ରେ କରି

Couplet 225

ଗୁରୁଭକତି ପରିମାଣେବିଷ୍ଣୁଭକତି ତୀକ୍ଷ୍‌ଣବାଣେ

Couplet 226

ଏଣେ ଯେ ମାୟାଜାଲ ଛେଦିଚିତ୍ତୁ ସଂଶୟଗ୍ରନ୍ଥି ଭେଦି

Couplet 227

ନିର୍ଭୟେ ସଂସାରେ ଭ୍ରମନ୍ତିବିଷ୍ଣୁମାୟାରୁ ସେ ତରନ୍ତି

Couplet 228

ଏବେ ହୋ ଶୁଣ ନରନାଥଭକ୍ତିଲକ୍ଷଣ ପରମାର୍ଥ

Couplet 229

ଗୁରୁବଚନ ଧରି ଶିରେଈଶ୍ୱରରୂପ ଅନୁସାରେ

Couplet 230

ପ୍ରତିମା କରି ନାନାମତେଯେ ବିଧିବିଧାନ ଭକତେ

Couplet 231

ଦାରୁ ପାଷାଣ ଧାତୁମୟୀଲେପ ଲେଖନ ଯେତେ ହୋଇ

Couplet 232

ଏ ଆଦି ଦୀକ୍ଷା ଅନୁମାନେଆଗମ ନିଗମ ବିଧାନେ

Couplet 233

ଏମନ୍ତ ପ୍ରତିମା କରାଇଉତ୍ତମ ଶୁଭସ୍ଥାନେ ଥୋଇ

Couplet 234

ନିର୍ମଳଜଳ ନଦୀକୂଳେନିରୁପଦ୍ରବ ଭୂମିସ୍ଥଳେ

Couplet 235

ନିର୍ମଳ କଳ୍ପିତ ଆସନେସ୍ଥାପି ବସିବ ଶୁଦ୍ଧମନେ

Couplet 236

ନିଶ୍ଚଳ କରି ନିଜାସନକୁଶ ପୀଠକ ବସ୍ତ୍ର ଚର୍ମ

Couplet 237

ଏ ଆଦି ନିଗମ ବଚନେଯେବା ମିଳିବ ବର୍ତ୍ତମାନେ

Couplet 238

ପ୍ରଥମେ ପବନ ନିରୋଧିଯେ ବିଧିମତେ ଭୂତଶୁଦ୍ଧି

Couplet 239

ପଞ୍ଚାଶବର୍ଣ୍ଣେ ଦେହନ୍ୟାସଶ୍ରୀଗୁରୁ ବଚନେ ପ୍ରକାଶ

Couplet 240

ବାମ ପାରୁଶେ ଗୁରୁଧ୍ୟାୟିଦକ୍ଷିଣେ ଆଚାର୍ଯ୍ୟ ବସାଇ

Couplet 241

ପୂର୍ବେ ଦୁର୍ଗାଙ୍କୁ ନମସ୍କାରଗଙ୍ଗା ଯମୁନା ଗଣେଶ୍ୱର

Couplet 242

ଏହାଙ୍କୁ ନମସ୍କାର ମାଥେଦୂର୍ବା ଅକ୍ଷତ ଘେନି ହସ୍ତେ

Couplet 243

କରିବ ଦଶଦିଗ ରକ୍ଷାଦିଗ ବନ୍ଧନ ମନ୍ତ୍ରଦୀକ୍ଷା

Couplet 244

ପୂଜାର ଉପହାର ଭାବେଯେବା ମିଳିବ ଯଥାଲାଭେ

Couplet 245

ପ୍ରଣବେ ଅର୍ଘ୍ୟଜଳ କରିଶଙ୍ଖେ ଅକ୍ଷତ ପୁଷ୍ପ ଭରି

Couplet 246

ଅଙ୍ଗ ମେଦିନୀ ଦ୍ରବ୍ୟମାନସେ ଜଳେ କରିବ ପ୍ରୋକ୍ଷଣ

Couplet 247

ଆଧାର ଶକ୍ତି ଆଦି ଧ୍ୟାନେପୂଜିବ ନିଶ୍ଚଳ ଆସନେ

Couplet 248

ହୃଦୟ ପଦ୍ମ ଅଧିଷ୍ଠାନେପୁଷ୍ପେ ପୂଜିବ ମନ୍ତ୍ରଧ୍ୟାନେ

Couplet 249

ଧର୍ମାଦି ଚତୁର ଚରଣେପୂଜିବ ପାରିଷଦଗଣେ

Couplet 250

ମଧ୍ୟେ କମଳଦଳ ଯେତେକର୍ଣ୍ଣିକା କେଶର ସହିତେ

Couplet 251

ସ୍ୱମନ୍ତ୍ରେ ରବି ସୋମାନଳପୂଜିବ ତୃତୀୟ ମଣ୍ଡଳ

Couplet 252

ସତ୍ତ୍ୱାଦିଗୁଣେ ନ୍ୟାସ କରିଭାବେ ପୂଜିବ ଆତ୍ମା ଚାରି

Couplet 253

ଚତୁର ଆତ୍ମା ଶକ୍ତିନବପୂର୍ବାଦି ଦିଗେ ତା’ ପୂଜିବ

Couplet 254

କେଶରେ ମୂଳମନ୍ତ୍ର ସ୍ମରିଧ୍ୟାନେ ପୂଜିବ ମୁଦ୍ରା ଧରି

Couplet 255

ପ୍ରତିମା ଦେହେ ନିଜଅଙ୍ଗେନ୍ୟାସ କରିବ ମନ୍ତ୍ରଭାଗେ

Couplet 256

ହୃଦୟେ ମନ୍ତ୍ରନ୍ୟାସ କରିଧ୍ୟାନେ ନିରୋପି ନରହରି

Couplet 257

ପାଦାର୍ଘ୍ୟ ଆଚମନ ଆଦିସ୍ନାନ ଭୂଷଣ ବାସ ବିଧି

Couplet 258

ଧୂପ ଦୀପ ପୁଷ୍ପ ଚନ୍ଦନଭୋଜନ ଦ୍ରବ୍ୟ ସମର୍ପଣ

Couplet 259

ଅଙ୍ଗ ଉପାଙ୍ଗ ଆଦି ଯେତେପୂଜିବ ପାରିଷଦ ମତେ

Couplet 260

ବସ୍ତ୍ର ଭୂଷଣ ଆଦି ଯେତେମନ୍ତ୍ରେ ସମର୍ପି ଶୁଦ୍ଧଚିତ୍ତେ

Couplet 261

ଏମନ୍ତେ ପୂଜି ନରହରିପ୍ରଣାମ ଦଣ୍ଡବତ କରି

Couplet 262

କୃଷ୍ଣଙ୍କୁ ଈଶ୍ୱର ପ୍ରତ୍ୟକ୍ଷେମଣି ନମିବ ପୁଣ ପଛେ

Couplet 263

ଧ୍ୟାନେ କୃଷ୍ଣଙ୍କୁ ଶିରେ ଧରିମନ୍ତ୍ରେ ହୃଦୟପଦ୍ମେ ଭରି

Couplet 264

ଏମନ୍ତେ ନିତ୍ୟେ ପୂଜା କରିଶେଷ ନିର୍ମାଲ୍ୟ ଶିରେ ଧରି

Couplet 265

ପ୍ରତିମା ନ ପାରିବ ଯେବେଶୁଣ କହିବା ପୂଜା ଭାବେ

Couplet 266

ସୂର୍ଯ୍ୟ ଅନଳ କିବା ଜଳେଅଥବା ହୃଦୟ କମଳେ

Couplet 267

ଯେବେ ନ ପାରି ଏତେ ମତଗୃହେ ଯେ ଅତିଥି ଆଗତ

Couplet 268

ତାହାଙ୍କୁ ବିଷ୍ଣୁଭାବେ ମଣିପୂଜିବ ଦେଇ ଅନ୍ନପାଣି

Couplet 269

ଏମନ୍ତେ ବିଷ୍ଣୁପୂଜା କରିଏ ଭବଜଳୁଁ ଯା'ନ୍ତି ତରି

Couplet 270

କୃଷ୍ଣର ଭାବେ ଦୃଢବୁଦ୍ଧିକରି ଲଭନ୍ତି ସର୍ବସିଦ୍ଧି

Couplet 271

ଏଭାବେ ଈଶ୍ୱରର ବାଣୀଯେ ଏହା ଏକାଦଶେ ଶୁଣି

Couplet 272

କୃଷ୍ଣେ କରନ୍ତି ଦୃଢଚିତ୍ତନୁହଁନ୍ତି ମାୟାରେ ମୋହିତ

Couplet 273

ଖଣ୍ଡଇ ଭବଭୟ ତ୍ରାସକହଇ ଜଗନ୍ନାଥ ଦାସ

Couplet 274

ନିର୍ମଳ ଭାଗବତ ବାଣୀଶୁଣି ସଂସାରୁ ତର ପ୍ରାଣୀ