Adhyaya 3

Couplet 1

ଏମନ୍ତେ ବିଦେହ ରାଜନମନେ ବିଚାରି ତତ୍ତ୍ୱଜ୍ଞାନ

Couplet 2

ଆନନ୍ଦେ ଶିରେ କର ଦେଇବୋଲଇ ନିସ୍ତରିଲି ମୁହିଁ

Couplet 3

ତୁମ୍ଭେ ନିର୍ମଳ ଯୋଗୀଗଣକହିବା ଭକତ ଲକ୍ଷଣ

Couplet 4

କି ରୂପେ ଭ୍ରମନ୍ତି ଜଗତକୃଷ୍ଣଭଜନ ଅନୁମତେ

Couplet 5

କିବା କହନ୍ତି ବାକ୍ୟସାରକି ଧର୍ମ କରନ୍ତି ଆଚାର

Couplet 6

ତାହାଙ୍କୁ ଜାଣିବା କେମନ୍ତକହ ସଂଶୟ ମୋର ଚିତ୍ତେ

Couplet 7

ହରି ବୋଲନ୍ତି ତାହା ଶୁଣିଶୁଣ ବିଦେହ ନୃପମଣି

Couplet 8

କୃଷ୍ଣଭକତ ଏ ସଂସାରେପ୍ରଚରେ ତ୍ରିବିଧ ପ୍ରକାରେ

Couplet 9

ଉତ୍ତମ ମଧ୍ୟମ ପ୍ରାକୃତଯାହାର ଲକ୍ଷଣ ଯେମନ୍ତ

Couplet 10

ତାହା କହିବା ଶୁଣ ଏବେରାଜନ ପଚାରିଲୁ ଯେବେ

Couplet 11

ସକଳ ଦେହେ ନାରାୟଣବସନ୍ତି ଅନାଦି କାରଣ

Couplet 12

ସେ ନାରାୟଣ ଦେହଗତେବସନ୍ତି ଭାବ ଅନୁମତେ

Couplet 13

ଏ ଭାବେ ଦୃଢ ଯା'ର ମନସେ ପ୍ରାଣୀ ଭକତ ଉତ୍ତମ

Couplet 14

ଈଶ୍ୱରଠାରେ ପ୍ରେମ କରେମିତ୍ରଭାବନା ସାଧୁଠାରେ

Couplet 15

କରୁଣା ଅଜ୍ଞାନ ଲୋକରକରେ ଉପେକ୍ଷା ଶତ୍ରୁଠାରେ

Couplet 16

ସେ ଭକ୍ତ ମଧ୍ୟମ ଅଟଇଯେଣୁ ସେ ଭେଦକୁ ଦେଖଇ

Couplet 17

ପ୍ରତିମାଠାରେ ଶ୍ରଦ୍ଧା ବହିହରିପୂଜାକୁ ଯେ କରଇ

Couplet 18

ନ ସେବେ ବିଷ୍ଣୁର ସେବକଇତର ମଣେ ଅନ୍ୟଲୋକ

Couplet 19

ତା'କୁ ପ୍ରାକୃତ ବୋଲି କହିତଥାପି ଭକ୍ତ ସେ ବୋଲାଇ

Couplet 20

ଇନ୍ଦ୍ରିୟ ଦ୍ୱାରେ ଅର୍ଥମାନଗ୍ରହଣ କଲେ ହେଁ ଯେ ଜନ

Couplet 21

କାହାକୁ ଦ୍ୱେଷ ନ କରଇକିଛି ହିଁ ହରଷ ନୁହଇ

Couplet 22

ସକଳ ବିଷ୍ଣୁମାୟା ମଣିଉତ୍ତମଭକ୍ତେ ତାକୁ ଗଣି

Couplet 23

ଦେହର ଜନ୍ମ ମୃତ୍ୟୁ ଦୁଇସଂସାର ଧର୍ମ ଏ ବୋଲାଇ

Couplet 24

ଇନ୍ଦ୍ରିୟମାନଙ୍କର ଶ୍ରମପ୍ରାଣର କ୍ଷୁଧା ତୃଷା ଧର୍ମ

Couplet 25

ମନର ଭୟ ବୁଦ୍ଧି ଧର୍ମତୃଷ୍ଣା ଏଣେ ଯେ ନୋହି ଭ୍ରମ

Couplet 26

ହରିଙ୍କୁ ସ୍ମରଣ କରଇଉତ୍ତମ ଭାଗବତ ସେହି

Couplet 27

ଯାହାର କାମ କର୍ମ ବେନିବାସନା ମିଶି ହୁଏ ତିନି

Couplet 28

ଚିତ୍ତରେ ନୁହଇ ସମ୍ଭବଆଶ୍ରୟ ଏକା ବାସୁଦେବ

Couplet 29

ଉତ୍ତମ ଭକ୍ତ ସେ ବୋଲାଇଶୁଣ ରାଜନ ମନ ଦେଇ

Couplet 30

ଜନ୍ମ କରମେ ଯା'ର ମନଏ ଘେନେ ଦେହେ ଅଭିମାନ

Couplet 31

ସ୍ୱଜାତି କୁଳ ଧର୍ମ ବର୍ଣ୍ଣଏ ଅହଙ୍କାରେ ନୋହେ ଛନ୍ନ

Couplet 32

ଉତ୍ତମ ଲକ୍ଷଣ ଏ ଜାଣିଭକତ ମଧ୍ୟେ ପରିମାଣି

Couplet 33

ଯାହାର ସୁତ ବିତ୍ତ ଦେହେପର ଆପଣା ବୁଦ୍ଧି ନୋହେ

Couplet 34

ସକଳ ଜୀବେ ସମବୁଦ୍ଧିଉତ୍ତମଭାବ ଏ ପ୍ରସିଦ୍ଧି

Couplet 35

ସିଦ୍ଧ ଯୋଗୀନ୍ଦ୍ର ମୁନିଗଣସେବନ୍ତି ଯେ ହରିଚରଣ

Couplet 36

ଭବ ବିରଞ୍ଚି ଯା'ର ପାଦେଧ୍ୟାନେ ଚିନ୍ତନ୍ତି ଅପ୍ରମାଦେ

Couplet 37

ସେ ପ୍ରଭୁପାଦ ନିତ୍ୟେ ଚିନ୍ତିଲବ ନିମିଷ ନ ଛାଡ଼ନ୍ତି

Couplet 38

ଏ ତିନିଭୁବନ ସମ୍ପତ୍ତିହେଲେ ହେଁ ତହୁଁ ନ ଚଳନ୍ତି

Couplet 39

ନୁହଁନ୍ତି ମାୟାରେ ମୋହିତସେ ପ୍ରାଣୀ ମହାଭାଗ୍ୟବନ୍ତ

Couplet 40

ବିଷ୍ଣୁ ଭକତେ ସେ ପ୍ରଧାନନିସ୍ତରେ ତା'କୁ ଦେଖି ଜନ

Couplet 41

କେବେହେଁ ନୋହେ ମତିଭ୍ରମସେ ପ୍ରାଣୀ ନାରାୟଣ ସମ

Couplet 42

କୃଷ୍ଣର ପାଦ-ନଖପନ୍ତିଚନ୍ଦ୍ରକିରଣ ପ୍ରାୟ ଜ୍ୟୋତି

Couplet 43

ସେ ଯାର ହୃଦରେ ପ୍ରକାଶେଅଶେଷ ଘୋରତମ ନାଶେ

Couplet 44

ସେ ଭକ୍ତ ଉତ୍ତମ ଲକ୍ଷଣମଧ୍ୟମ ଭାବ କହୁଁ ଶୁଣ

Couplet 45

ଈଶ୍ୱର ପାଦେ ଆଶ୍ରେ କରିଭକତେ ସମବୁଦ୍ଧି କରି

Couplet 46

ସଂସାର ମଧ୍ୟେ ଯେତେ ଜନସମସ୍ତ ହୃଦେ ଭଗବାନ

Couplet 47

ସଦ ଅସଦେ କ୍ରୀଡ଼ା କରିଭାବ ଅଭାବ ନ ବିଚାରି

Couplet 48

ସେ ପ୍ରାଣୀଭାବେ ଦୟାକରେଅହଂ ପଣ୍ଡିତ ହେତୁ ଧରେ

Couplet 49

ସେ ପ୍ରିୟାପ୍ରିୟ ଶତ୍ରୁମିତ୍ରଏ ସର୍ବ କୃଷ୍ଣର ଚରିତ

Couplet 50

ଏଣେ ନ ହୋଇ ଅହଙ୍କାରୀମନରେ ଗୁଣ ଦୋଷ ଧରି

Couplet 51

ମିତ୍ରେ ନ ଧରେ ଗୁଣ ଦୋଷଘେନି ଆପଣା ଶ୍ରେଷ୍ଠ ଅଂଶ

Couplet 52

କର୍ମ କରଇ ବିଧିମତେଫଳ ଆକାଙ୍‌କ୍ଷା କରି ଚିତ୍ତେ

Couplet 53

ବସ୍ତୁ ଭେଦରେ କରେ ଶ୍ରମଏଣୁ ସେ ବୋଲାଇ ମଧ୍ୟମ

Couplet 54

ପ୍ରାକୃତଭାବ ଏବେ ଶୁଣଯେବେ ସେବଇ ନାରାୟଣ

Couplet 55

କେବଳ ଲଉକିକ ମତେଶ୍ରଦ୍ଧା ନ ଥାଇ ଅନ୍ତର୍ଗତେ

Couplet 56

ନ ସେବେ ବିଷ୍ଣୁର ସେବକଇତର ଦେଖେ ଅନ୍ୟଲୋକ

Couplet 57

ମନରେ ଅହଙ୍କାର ଭରିଦଣ୍ଡେ ବିଚାରେ ଭକ୍ତି କରି

Couplet 58

ଏହା ପ୍ରାକୃତ ବୋଲି କହିତଥାପି ଭକ୍ତ ସେ ବୋଲାଇ

Couplet 59

ଏଣୁ ଯେ ଚିତ୍ତେ ଭାବେ ଭଜେହରି ତା ହୃଦୟ ନ ତେଜେ

Couplet 60

ସେହି ରଜ୍ଜୁରେ ତା’ ଚରଣହୃଦରେ କରଇ ବନ୍ଧନ

Couplet 61

ଚିତ୍ତେ ଚିନ୍ତିଲେ କ୍ଷଣମାତ୍ରହରଇ ଅଶେଷ ଦୁରିତ

Couplet 62

ସେ ହରିପାଦ ହୃଦେ ଧରିଭକତ ଦୁସ୍ତରୁ ନିସ୍ତରି

Couplet 63

ଶୁଣ ବିଦେହ ନରପତିତ୍ରିବିଧ ବଇଷ୍ଣବ ଗତି

Couplet 64

ଏକାଦଶରେ କୃଷ୍ଣରସକହଇ ଦାସ ଜଗନ୍ନାଥ