Adhyaya 2

Couplet 1

ଶୁଣ ପରିକ୍ଷ ମନସ୍ଥିରେଅଦ୍ଭୂତ ଦ୍ୱାରକା ନଗରେ

Couplet 2

ଗୋବିନ୍ଦ ଭୂଜଦଣ୍ଡବଳେଯାଦବେ ଥା'ନ୍ତି ସୁଖଭୋଳେ

Couplet 3

ଯହିଁ ନାରଦ ଥା'ନ୍ତି ନିତିକୃଷ୍ଣଭକତି ହୃଦେ ଚିନ୍ତି

Couplet 4

ମର୍ତ୍ତ୍ୟେ ମନୁଷ୍ୟ ଦେହ ଧରିକେ କୃଷ୍ଣଭାବ ପରିହରି

Couplet 5

ବାସବ ଆଦି ଦେବଗଣଯା'କୁ ସେବନ୍ତି ଅନୁକ୍ଷଣ

Couplet 6

ଭବ ବିରଞ୍ଚି ଯା'ର ପାଦେସେବନ୍ତି ନିତ୍ୟେ ଅପ୍ରମାଦେ

Couplet 7

ନାରଦମୁନି ଏକଦିନେଗଲେ ବସୁଦେବ ଭୁବନେ

Couplet 8

ନାରଦ ଆଗମନ ଭାବଦେଖି ମିଳିଲେ ବସୁଦେବ

Couplet 9

ପବିତ୍ର ଜଳେ ପାଦଧୋଇଆସନେ ବସାଇଲେ ନେଇ

Couplet 10

ଚରଣେ କରି ନମସ୍କାରଭାବେ ବୋଇଲେ ଯଦୁବୀର

Couplet 11

ଧନ୍ୟ ଜୀବନ ଆଜ ମୋରଦେଖିଲି ଚରଣ ତୁମ୍ଭର

Couplet 12

ତୁମ୍ଭେ ଯେ ଲୋକ-ପରିତ୍ରାଣେବ୍ରହ୍ମାଣ୍ଡେ ବୁଲ ଅନୁକ୍ଷଣେ

Couplet 13

ପିତାମାତାଙ୍କ ଆଗମନପୁତ୍ରଙ୍କୁ କଲ୍ୟାଣ ଯେସନ

Couplet 14

ବିଷ୍ଣୁ-ଭକତଜନ ଦେଖିନିର୍ମଳ ହୋଏ ଚର୍ମ ଆଖି

Couplet 15

ଜନ୍ତୁଙ୍କୁ ଦେବଙ୍କ ଚରିତସାଧଇ ଦୁଃଖ ସୁଖ ଅର୍ଥ

Couplet 16

ତୁମ୍ଭର ପ୍ରାୟ ସାଧୁ ଯେତେକେବଳ ପ୍ରାଣୀ ସୁଖ ଅର୍ଥେ

Couplet 17

ସାଧବେ ବିଷ୍ଣୁଭାବେ ଥା'ନ୍ତିଏଣୁ ପ୍ରାଣୀଙ୍କ ହିତ ଚିନ୍ତି

Couplet 18

ଦେବଙ୍କ ଚରିତ ପ୍ରମାଦକରଇ ହରଷ ବିଷାଦ

Couplet 19

ମନୁଷ୍ୟେ ସୁଖଭୋଗ ଚିନ୍ତିକେ ଅବା ଦେବଙ୍କୁ ପୂଜନ୍ତି

Couplet 20

ଦେବେ ତାହାଙ୍କ ଉପକାରେଭଜନ୍ତି ଭକ୍ତି ଅନୁସାରେ

Couplet 21

ସ୍ୱଭାବେ ଦେବେ ଛାୟାବତବସନ୍ତି କର୍ମର ଆୟତ୍ତ

Couplet 22

ତେଣୁ ସେ କର୍ମ ଅନୁସାରେପ୍ରାଣୀଙ୍କି ତୋଷୁଥା'ନ୍ତି ବରେ

Couplet 23

ସେ କର୍ମଫଳ ଅନୁମତେପ୍ରାଣୀ ଭୁଞ୍ଜନ୍ତି ଏ ଜଗତେ

Couplet 24

ବିଷ୍ଣୁ ଭକତ ପ୍ରାଣୀଙ୍କରଜଗତେ ନାହିଁ ଆତ୍ମାପର

Couplet 25

ଦୟା କରନ୍ତି ସର୍ବଲୋକେଦିନ ହରନ୍ତି ଦୁଃଖସୁଖେ

Couplet 26

ଆଜ ମୁଁ ଦେଖି ତୁମ୍ଭପଦଲଭିଲି ସକଳ ସମ୍ପଦ

Couplet 27

ତଥାପି ବୈଷ୍ଣବର ଧର୍ମବିଷ୍ଣୁ ପ୍ରସନ୍ନେ ଯେତେ କର୍ମ

Couplet 28

ତାହା ଶୁଣିତେ ମୋର ଇଚ୍ଛାପୁଚ୍ଛଇ କହ ଧର୍ମଦୀକ୍ଷା

Couplet 29

ଯେ ଧର୍ମ କଥନ ଶ୍ରବଣସକଳ ଭୟ ନିବାରଣ

Couplet 30

ପୂର୍ବେ ମୁଂ ତପଯୋଗବଳେସେବିଲି ବିଷ୍ଣୁ ପାଦ ମୂଳେ

Couplet 31

ବିଷ୍ଣୁ ଯାଚିଲେ ମୋତେ ବରମୋର ଅଦୃଷ୍ଟ ବଳୀୟାର

Couplet 32

ମୋକ୍ଷ ନ ମାଗି ପୁତ୍ରକାମେପଡ଼ିଲି ମାୟା ମୋହ ଭ୍ରମେ

Couplet 33

ଏବେ ଉପାୟ ତୁମ୍ଭେ କରଯେମନ୍ତେ ତୁଟେ ଭ୍ରମ ମୋର

Couplet 34

ବସୁଦେବର ବାକ୍ୟ ଶୁଣିମନଆନନ୍ଦେ ବ୍ରହ୍ମମୁନି

Couplet 35

ବୋଲନ୍ତି ଶୁଣ ଯଦୁବୀରଧନ୍ୟ ବଚନ ଏ ତୋହର

Couplet 36

ତୋ ଚିତ୍ତ ଭାଗବତଧର୍ମେକଳ୍ପିଲା ପୂର୍ବ ପୁଣ୍ୟକର୍ମେ

Couplet 37

ଶୁଣ ସେ ଧର୍ମର ମହିମାକେ କହିପାରେ ଗୁଣ ସୀମା

Couplet 38

ଯେବେ ଶ୍ରବଣେ ଏହା ଶୁଣିମନ ବଚନେ ପରିମାଣି

Couplet 39

ଯଦ୍ୟପି ଦେବ-ବିଶ୍ୱଦ୍ରୋହୀଅନ୍ୟ ପତିତ ଯେବେ ହୋଇ

Couplet 40

ସେ ଧର୍ମେ ଯେବେ ମନ ପଶେସର୍ବ କଳୁଷ ବେଗେ ନାଶେ

Couplet 41

ଧନ୍ୟ ଯାଦବ ତୋ' ଜୀବନକୃଷ୍ଣରେ ନିବେଶିଲୁ ମନ

Couplet 42

କୃଷ୍ଣର ଶ୍ରବଣ କୀର୍ତ୍ତନଅଶେଷ ଦୁରିତ ଦହନ

Couplet 43

କହିବା ଶୁଣ ସାବଧାନେଯେ ଇତିହାସ ପୁରାତନେ

Couplet 44

ପୂର୍ବେ ଯେ ବିଦେହମଣ୍ଡଳେନିମି ରାଜାର ଯଜ୍ଞକାଳେ

Couplet 45

ଦିବ୍ୟ ପୁରୁଷ ନବଋଷିମିଳିଲେ ଯଜ୍ଞଶାଳେ ଆସି

Couplet 46

ସେ ନବଋଷି ମହାଜନଶୁଣ ହେ ତାହାଙ୍କ ବିଧାନ

Couplet 47

ବ୍ରହ୍ମାର ଶରୀରୁ ସମ୍ଭବଯେ ମନୁ ନାମ ସ୍ୱାୟମ୍ଭୁବ

Couplet 48

ତା'ର ତନୟ ପ୍ରିୟବ୍ରତସୁଗୁଣ ସାଧୁ ଶୁଚିବନ୍ତ

Couplet 49

ପ୍ରିୟବ୍ରତର ସୁତ ଯେହିଆଗ୍ନୀଧ୍ର ବୋଲି ନାମ ହୋଇ

Couplet 50

ଆଗ୍ନୀଧ୍ରସୁତ ନାଭି ନାମସୁନ୍ଦର ସର୍ବଗୁଣଧାମ

Couplet 51

ଋଷଭ ତାହାର କୁମରସେ ବିଷ୍ଣୁଅଂଶେ ଅବତାର

Couplet 52

ତା'ର ମହିମା ଗୁଣ ଯେତେଅନ୍ତ କେ କରୁ ତ୍ରିଜଗତେ

Couplet 53

ଅଶେଷ ମହିମା ଯାହାରଭରତ ତାହାର କୁମର

Couplet 54

ଶତେକ ପୁତ୍ରେ ଶ୍ରେଷ୍ଠ ସେହିଅପରେ ଊନଶତ ଭାଇ

Couplet 55

ସକଳେ ବେଦବିଦ୍ୟା ସାରପବିତ୍ରମୟ କଳେବର

Couplet 56

ଭରତ ଥାଇ ପୁଣ୍ୟକର୍ମେଭାରତ ଭୂମି ଯା'ର ନାମେ

Couplet 57

ଭୁବନେ ରାଜଭୋଗ ଭୁଞ୍ଜିବନେ ପଶିଲା ରାଜ୍ୟ ତେଜି

Couplet 58

ତପେ ତୋଷିଲା ଭାବଗ୍ରାହୀଜାତିସ୍ମର ସେ ଜନ୍ମୁ ହୋଇ

Couplet 59

ଏମନ୍ତେ ତିନିଜନ୍ମ ଅନ୍ତେପଶିଲା ବିଷ୍ଣୁପାଦଗତେ

Couplet 60

ଅଶେଷଦୁଃଖ ନାଶ ଗଲାଜନ୍ମ ମରଣୁଁ ନିସ୍ତରିଲା

Couplet 61

ଆର ଯେ ଊନଶତ ଭାଇତା'ଙ୍କ ମହିମା ଶୁଣ ତୁହି

Couplet 62

ତାହାଙ୍କ ମଧ୍ୟେ ନବସୁତସାଧୁ ସୁଗୁଣ ବଳବନ୍ତ

Couplet 63

ହୋଇଲେ ନବଦ୍ୱୀପେ ରାଜାସୁଖେ ପାଳିଲେ ଜନପ୍ରଜା

Couplet 64

ଏକ ଅଧିକେ ଅଶୀ ସୁତେବେଦ ଅଭ୍ୟାସି ଦୃଢଚିତ୍ତେ

Couplet 65

ତପେ ଆରାଧି ନାରାୟଣଜଗତେ ହୋଇଲେ ବ୍ରାହ୍ମଣ

Couplet 66

ଶେଷ ଯେ ନବସୁତ ଥିଲେନିର୍ଗୁଣ ଯୋଗ ଅଭ୍ୟାସିଲେ

Couplet 67

ସେ ଆତ୍ମାଜ୍ଞାନୀ ସାଧୁ ଧୀରଜଟା ବିଭୂତି ଦିଗମ୍ବର

Couplet 68

ମିତ୍ର ଅଇରି ପକ୍ଷ ସମଶୁଣ ହେ ତାହାଙ୍କର ନାମ

Couplet 69

ସେ କବି ହରି ଅନ୍ତରୀକ୍ଷଏ ତିନି ଜ୍ଞାନେ ଧ୍ୟାନେ ଦକ୍ଷ

Couplet 70

ପ୍ରବୁଦ୍ଧ ଯେ ପି‌ପ୍ପଳାୟନଷଷ୍ଠରେ ଆବିର୍ହୋତ୍ର ନାମ

Couplet 71

ଦ୍ରୁମିଳ ଚମସ ଏ ଦୁଇକରଭାଜନ ନବଭାଇ

Couplet 72

ଏମନ୍ତେ ନବ ସହୋଦରେଆନନ୍ଦେ ଭ୍ରମନ୍ତି ସଂସାରେ

Couplet 73

ତାହାଙ୍କ ମନ କୃଷ୍ଣଦେହେକପଟ ତେଜି ଏକସ୍ନେହେ

Couplet 74

ଦେଖନ୍ତି ସର୍ବଜୀବ ଦେହେଏକା ଗୋବିନ୍ଦ ଆନ ନୋହେ

Couplet 75

ପରମଆତ୍ମା ଭାବେ ମଜ୍ଜିଏକା ଗୋବିନ୍ଦ ପାଦେ ଭଜି

Couplet 76

ସେ ଅବ୍ୟାହତ ଇଷ୍ଟଗତିଏମନ୍ତେ ନବବିପ୍ରେ ଥା'ନ୍ତି

Couplet 77

ସିଦ୍ଧ ଗନ୍ଧର୍ବ ସୁରମେଳେଯକ୍ଷକିନ୍ନର ରସାତଳେ

Couplet 78

ଶିବ ସୁରଭିପୁରେ ଥା'ନ୍ତିବ୍ରହ୍ମାର ଭୁବନେ ମିଳନ୍ତି

Couplet 79

ଏ ଆଦି ନାନା ଦେଶ ପୁରେଭ୍ରମନ୍ତି ନବସହୋଦରେ

Couplet 80

ସେ ନବମୁନି ଏକଦିନେମିଳିଲେ ନିମି ଯଜ୍ଞସ୍ଥାନେ

Couplet 81

ତାହାଙ୍କୁ ଯଜ୍ଞଶାଳେ ଦେଖିଜନକ ଆସନ ଉପେକ୍ଷି

Couplet 82

ଦେଖିଲେ ଦିବ୍ୟତେଜୋମୟେରବିଶଶାଙ୍କ ସମ ନୋହେ

Couplet 83

ଅଗ୍ନି ଯେ କୁଣ୍ଡମଧ୍ୟେ ଥିଲେବିପ୍ରଙ୍କ ସଙ୍ଗତେ ଉଠିଲେ

Couplet 84

ଜାଣିଲେ ବିଦେହରାଜନଏ ସର୍ବେ କୃଷ୍ଣପରାୟଣ

Couplet 85

ଆନନ୍ଦମନେ ନୃପବରପୂଜିଲେ ମୁନିଙ୍କ ପୟର

Couplet 86

ପ୍ରଣାମ କରି ତା'ଙ୍କ ପାଦେଆସନେ ବସାଇ ଆନନ୍ଦେ

Couplet 87

ଦେଖଇ ରୂପ ତାହାଙ୍କରଯେସନେ ବ୍ରହ୍ମାଙ୍କ କୁମର

Couplet 88

କରଯୁଗଳ ଶିରେ ଦେଇବୋଲଇ ନିସ୍ତରିଲି ମୁହିଁ

Couplet 89

ତୁମ୍ଭ ଚରଣଯୁଗ ଦେଖିନିର୍ମଳ କଲି ଚର୍ମଆଖି

Couplet 90

ତୁମ୍ଭେ ଯେ ନବ ବିପ୍ରବରନିଶ୍ଚୟେ କୃଷ୍ଣ ଅନୁଚର

Couplet 91

ସଂସାରେ ତୁମ୍ଭର ଭ୍ରମଣଅଶେଷ ଲୋକ ପରିତ୍ରାଣ

Couplet 92

ଏ ଯେ ମନୁଷ୍ୟ କଳେବରଦୁର୍ଲ୍ଲଭ କ୍ଷଣିକ ଭଙ୍ଗୁର

Couplet 93

ତଥାପି ମନୁଷ୍ୟ ଶରୀରେଯେ ଭଜେ ଗୋବିନ୍ଦ ପୟରେ

Couplet 94

ତାହାଙ୍କୁ ଦେଖନ୍ତି ଯେ ପ୍ରାଣୀତରନ୍ତି ଭବତରଙ୍ଗିଣୀ

Couplet 95

କ୍ଷଣେ ନିମିଷେ ଲବେ ଲେଶେଯେବେ ସେ ସାଧୁଜନ ପାଶେ

Couplet 96

ଚିତ୍ତେ ଚିନ୍ତଇ କୃଷ୍ଣଭାବତାହାକୁ ବୋଲି ନିଧିଲାଭ

Couplet 97

ସେ ଲାଭ ତୁମ୍ଭର ବଚନମୁଁ ଯେବେ ଶୁଣିତେ ଭାଜନ

Couplet 98

ଯେ ଧର୍ମ ଆଚରଣେ ପ୍ରାଣୀନିଶ୍ଚେ ଲଭନ୍ତି ଚକ୍ରପାଣି

Couplet 99

ସେ ହରି ତା'ଙ୍କ ବଶେ ଥାଇଏ ମାୟା ତା'ଙ୍କୁ ନ ଲାଗଇ

Couplet 100

ଏମନ୍ତେ ନିମିବାକ୍ୟ ଶୁଣିବୋଲନ୍ତି ନବମହାମୁନି

Couplet 101

ଶୁଣ ହେ ରାଜା ଏକ ଚିତ୍ତେଯାହା କହିଲେ ଭାଗବତେ

Couplet 102

କବି ବୋଲନ୍ତି ରାୟେ ଶୁଣଯେ ଭାଗବତ ଧର୍ମ ଗୁଣ

Couplet 103

ନାନା ପ୍ରକାରେ ହରିପାଦେଯାହାର ଚିତ୍ତ ଅପ୍ରମାଦେ

Couplet 104

ଭଜଇ ଜାଣି ବିଷ୍ଣୁମାୟାସେ ହରି ତା'ରେ କରେ ଦୟା

Couplet 105

ବିଷ୍ଣୁର ଅଭୟ ଚରଣମଙ୍ଗଳ କୁଶଳ କାରଣ

Couplet 106

ଅଶେଷ ଦୁଃଖ ନାଶକରେଯେ ନିତ୍ୟେ କୃଷ୍ଣନାମ ଧରେ

Couplet 107

ଦେହ ସମ୍ପଦ ଦାରା ସୁତଏଣେ ମୋହିତ ଯା'ର ଚିତ୍ତ

Couplet 108

କାମ ସଙ୍କଳ୍ପ ଦିନେ ଦିନେବଢ଼ଇ ବିଷୟ-ଚିନ୍ତନେ

Couplet 109

ମାୟାରେ ମନ ଆଗୋଚରେଭ୍ରମଇ ଅଶେଷ ପ୍ରକାରେ

Couplet 110

କୃଷ୍ଣର ଅଭୟ ଚରଣଅଶେଷ ଦୁଃଖ ନିବାରଣ

Couplet 111

ହରି ଚରଣ ଲାଭ ଅର୍ଥେନାନା ଉପାୟ ଶାସ୍ତ୍ରଗତେ

Couplet 112

ଯାହା କହିଲେ ଚକ୍ରଧରସେ ଭାଗବତ ଧର୍ମସାର

Couplet 113

ଭାବେ ଅଭାବେ ମନେ ଗୁଣିମୂର୍ଖ ହିଁ ତରେ ଯାହା ଶୁଣି

Couplet 114

ଏଣେ ଯେ ଚିନ୍ତେ କୃଷ୍ଣପାଦତାହାକୁ ନ ଲାଗେ ପ୍ରମାଦ

Couplet 115

ହୃଦେ ଗୋବିନ୍ଦପାଦ ଧ୍ୟାୟିନୟନ ବୁଜି ଯେବେ ଧାଇଁ

Couplet 116

ପଥ ନ ଜାଣି ଯେବେ ହୁଡ଼େସେ ପ୍ରାଣୀ କେବେହେଁ ନ ପଡ଼େ

Couplet 117

ବେଦବଚନ ଧର୍ମଶାସ୍ତ୍ରଏ ବେନି ବିପ୍ରଙ୍କର ନେତ୍ର

Couplet 118

ଏକ ନ ଥିଲେ କାଣ ହୋଇଦୁଇ ଆଭାବେ ଅନ୍ଧ ସେହି

Couplet 119

ଏମନ୍ତ ବିପ୍ର ଯେବେ ଚିତ୍ତେକୃଷ୍ଣଙ୍କୁ ଭଜେ ଅବିରତେ

Couplet 120

ତାହାର ଅମଙ୍ଗଳ ନାହିଁସକଳ ପାପୁ ସେ ତରଇ

Couplet 121

ଏ ଧର୍ମ ଭାଗବତ ମତଈଶ୍ବର ବଚନ ନିର୍ମିତ

Couplet 122

ଏହା ଯେ ନ କରନ୍ତି ପ୍ରାଣୀଧର୍ମ-ସଂଶୟ ମନେ ଗୁଣି

Couplet 123

କେବେ ହେଁ ନାହିଁ ସୁଖଲେଶଉଭୟ ଲୋକେ ସେ ନିରାଶ

Couplet 124

ମନ ବଚନ ଦେହ ଚିତ୍ତଅବା ଇନ୍ଦ୍ରିୟ ବୁଦ୍ଧିକୃତ

Couplet 125

କିବା ସ୍ୱଭାବ ଅନୁସାରେଯେ କର୍ମ କରି ଏ ସଂସାରେ

Couplet 126

ତା' ନାରାୟଣେ ସମର୍ପିବଜୀବର ସ୍ୱଧର୍ମ ଏ ଭାବ

Couplet 127

ଏ ଭାଗବତ ଧର୍ମ ଗୁଣଈଶ୍ୱର ବଚନ ପ୍ରମାଣ

Couplet 128

ଏଣେ ସକଳ ଜ୍ଞାନ ପାଇଅଜ୍ଞାନତମ ନାଶ ଯାଇ

Couplet 129

ଶୁଣ ବିଦେହ ମହୀପତିଯେ ହରିଭାବ ନ ଜାଣନ୍ତି

Couplet 130

ନାନା ପ୍ରକାରେ ତପ କରେସେ ପ୍ରାଣୀ ସଂସାରୁ ନ ତରେ

Couplet 131

ହରି ବିମୁଖ ପ୍ରାଣୀ ଯେତେସେ ଥା'ନ୍ତି ପଶୁଙ୍କ ସଙ୍ଗତେ

Couplet 132

ତାହାଙ୍କ ମୋହେ ବିଷ୍ଣୁମାୟାବିଷୟା ରସେ ବଢ଼େ ସ୍ପୃହା

Couplet 133

ଦେହକୁ ବସ୍ତୁପ୍ରାୟ ମଣେବଇରୀ ମିତ୍ର ପରିମାଣେ

Couplet 134

ଭ୍ରମଇଁ ଶୋକ ମୋହ ପଥେଅଜ୍ଞାନ ବୁଦ୍ଧି ଭ୍ରମ ଗ୍ରସ୍ତେ

Couplet 135

ତେଣୁ ସଂସାର ମୋହେ ଜଡିଦୁଃଖ ସଙ୍କଟେ ଥା'ନ୍ତି ପଡ଼ି

Couplet 136

ଯା'ର ମାୟାରେ ଏତେ ଗତିତା' ଭାବ ବୁଧଜନେ ଚିନ୍ତି

Couplet 137

କୃଷ୍ଣ ଭଜନ୍ତି ଏକମନେନିର୍ମଳ ଧ୍ୟାନେ ଆତ୍ମାଜ୍ଞାନେ

Couplet 138

ଗୁରୁଙ୍କୁ ଇଷ୍ଟଦେବ ଭାବେମନେ ଚିନ୍ତନ୍ତି ଜ୍ଞାନଲାଭେ

Couplet 139

ଜୀବ ଅଜ୍ଞାନଭାବ ଦେଖଦୁଃଖକୁ ମଣେ ମହାସୁଖ

Couplet 140

ଯେସନେ ସ୍ୱପ୍ନ ମନୋରଥେଭ୍ରମଇଁ ନିଦ୍ରାର ଆୟତ୍ତେ

Couplet 141

ମଣଇଁ ସତ୍ୟପ୍ରାୟ ତାହାମନ ବିଳାସ ମାତ୍ର ମାୟା

Couplet 142

ଏ ମନ କୃଷ୍ଣପାଦେ ଦେଲେଏ ମାୟା ନ ଲାଗଇ ଭଲେ

Couplet 143

ଦୁର୍ଗମ ପଥ ଏ ଭଜନଭୟେ ଭାଜିଲେ ଯୋଗୀଜନ

Couplet 144

ଏବେ କହିବା ଶୁଣ ରାୟସେ ହରି ଭଜନ ଉପାୟ

Couplet 145

କୃଷ୍ଣର ଜନ୍ମକର୍ମ ଯେତେନାନା ଚରିତ ଏ ଜଗତେ

Couplet 146

ଶ୍ରବଣ ସ୍ମରଣ କୀର୍ତ୍ତନତାରଇ ଅଶେଷ ଭୁବନ

Couplet 147

ସେ ନାମଭାବେ ଚିତ୍ତ ଜଡିହୃଦରୁ ଲାଜଭୟ ଏଡି

Couplet 148

କାମାଦି ସଙ୍ଗ ଦୂର କରିଏ ଘୋର ସଂସାରେ ବିହରି

Couplet 149

ଉଚ୍ଚେ ଡ଼ାକିବ କୃଷ୍ଣ ନାମଶୁଭିବ ସକଳ ଶ୍ରବଣ

Couplet 150

ଆନନ୍ଦେ ତୋଳି ବେନିକରକଷ୍ଠ ଗର୍ଜନ ଉଚ୍ଚସ୍ୱର

Couplet 151

ଉନ୍ମତ୍ତ ପ୍ରାୟ ନୃତ୍ୟ କରେଲୋଭ ବେଭାର ପରିହାରେ

Couplet 152

ଗଗନ ସମୀରଣ ଜ୍ୟୋତିଯେ ଅବା ସଲିଳ ଧରିତ୍ରୀ

Couplet 153

ନଦୀ ସାଗର ତରୁଗଣପର୍ବତ ସ୍ଥାବର ଜଙ୍ଗମ

Couplet 154

ଜନ୍ତୁଙ୍କ ବାହ୍ୟ ଅଭ୍ୟନ୍ତରଏ ସର୍ବ କୃଷ୍ଣର ଶରୀର

Couplet 155

ନିଶ୍ଚୟ ଜାଣି ଏକଚିତ୍ତେପ୍ରଣାମ କରୁଥିବ ନିତ୍ୟେ

Couplet 156

ଅମୃତ ବିନୟ ବଚନକହି ତୋଷିବ ପ୍ରାଣୀମନ

Couplet 157

ଏ ଭାବେ ଲଭି କୃଷ୍ଣପାଦହରିବ ବିଷୟା ବିଷାଦ

Couplet 158

ଶୁଣ ରାଜନ ପୁଣ୍ୟଦେହାତୁ ଅବା ପଚାରିବୁ ଏହା

Couplet 159

ଯୋଗୀଏ ଯୋଗତପବଳେଭ୍ରମନ୍ତି ଭାରତ ମଣ୍ଡଳେ

Couplet 160

ନିର୍ମଳ ଜ୍ଞାନେ ହୃଦଗତେଯାହା ଚିନ୍ତନ୍ତି ଏକଚିତ୍ତେ

Couplet 161

ଅନେକ ଜନେ ଯାହା ସାଧିବହୁ ଦୁର୍ଲ୍ଲଭ ଯେଉଁ ସିଦ୍ଧି

Couplet 162

ଶ୍ରୀକୃଷ୍ଣ ନାମର କୀର୍ତ୍ତନେକେମନ୍ତେ ଲଭେ ଏକ ଜନ୍ମେ

Couplet 163

ଶୁଣ ହେ ରାଜା ମନ ଦେଇଉତ୍ତମ ଶିଷ୍ୟେ ଏହା କହି

Couplet 164

ଯେ ଭକ୍ତିଯୋଗ ପ୍ରାଣୀଙ୍କରଶ୍ରବଣ କୀର୍ତ୍ତନ ଗୋଚର

Couplet 165

ଏଣୁ ସେ ତତ୍ତ୍ୱଜ୍ଞାନ ସ୍ପୁରେବିଷୟ ରସ ନ ସୁମରେ

Couplet 166

ଏ ତିନି ଏକକାଳେ ହୋଇପରମ ପ୍ରେମକୁ ଲଭଇ

Couplet 167

ବଢଇ ଦିନେ ଦିନେ ଜ୍ଞାନଜନ୍ତୁଙ୍କୁ ଭୋଜନ ଯେସନ

Couplet 168

ଅନ୍ନ ଭୋଜନେ ପ୍ରତିଗ୍ରାସକ୍ଷୁଧା ପିପାସା କରେ ନାଶ

Couplet 169

ସନ୍ତୋଷେ ତୁଷ୍ଟି ପୁଷ୍ଟି ଲଭେସୁଖ ଉଦୟ ହୁଏ ତେବେ

Couplet 170

କୃଷ୍ଣ ଭଜନ ଏହିମତେଜ୍ଞାନୀ ସାଧନ୍ତି ଏ ଜଗତେ

Couplet 171

ଜନ୍ମଇଁ ବିଷୟ ବୈରାଗ୍ୟମାୟା ଜଡ଼ିତ ସୁଖ ତ୍ୟାଗ

Couplet 172

ଅଜ୍ଞାନ ହରେ ଦିବ୍ୟଜ୍ଞାନଏ ଅନୁଭବ ଅଭ୍ୟାସନେ

Couplet 173

ଆନନ୍ଦ ରସ ପାଇ ନିତିଚିତ୍ତେ ପ୍ରବେଶ ହୋଏ ଶାନ୍ତି

Couplet 174

ଶାନ୍ତି ଭଜଇ ସୁଖଭରେତ୍ରିଗୁଣ ତାପୁଁ ସେ ନିସ୍ତରେ

Couplet 175

ଏମନ୍ତେ କବିର ବଚନଜନକ ଶୁଣି ତୋଷମନ

Couplet 176

ସୁଖ ସଙ୍କଳ୍ପେ କୃତକୃତ୍ୟବୋଲଇ ଦାସ ଜଗନ୍ନାଥ

Couplet 177

ପୁରାଣ କହିଲଇଁ ଗୀତେସୁଜନ ଜନଙ୍କର ହିତେ