Adhyaya 32

Couplet 1

ଏବେ ହୋ ପରୀକ୍ଷିତ ଶୁଣବିଧାତା ଆଦି ଦେବଗଣ

Couplet 2

ରଜନୀମୁଖେ ଦିନ ଅନ୍ତେମିଳିଲେ କୃଷ୍ଣର ଅଗ୍ରତେ

Couplet 3

ତ୍ରିଦଶନାଥ ପୁରନ୍ଦରମିଳିଲେ ଗଉରୀଶଙ୍କର

Couplet 4

ସିଦ୍ଧ ଗନ୍ଧର୍ବ ପିତୃଗଣପିଶାଚ କିନ୍ନର ଚାରଣ

Couplet 5

ଯକ୍ଷ ଗୁହ୍ୟକ ବିଦ୍ୟାଧରଘେନାଇ ନାନା ଉପହାର

Couplet 6

କୃଷ୍ଣଗମନ ଖେଳା ଦେଖିମିଳିଲେ ଭୁବନ ଉପେକ୍ଷି

Couplet 7

କୃଷ୍ଣର ଜନ୍ମକର୍ମମାନଆନନ୍ଦେ କରନ୍ତି ଗାୟନ

Couplet 8

ଦିବ୍ୟକୁସୁମ ବରଷନ୍ତିଜୟଶବଦେ କରି ସ୍ତୁତି

Couplet 9

ନିକଟେ ଦେଖି ଦେବଗଣମନେ ଚିନ୍ତିଲେ ନାରାୟଣ

Couplet 10

ଦେବଙ୍କ ମନ୍ଦିରେ ମୋ' ବାସଏଣୁ ଏ ମୋହର ବିଶ୍ୱାସ

Couplet 11

ଏହାଙ୍କ ଅର୍ଥେ ଅବତରିମୁହିଁ ଧରଣୀଭାର ହରି

Couplet 12

ମୁହିଁ ମୋହର ମହୀତଳେବିହରେ ନାନା ଯୋଗବଳେ

Couplet 13

ମୋତେ ନ ପାରେ କେହି ଲକ୍ଷ୍ୟିଯେଣୁ ମୁଁ ସର୍ବଭୂତେ ସାକ୍ଷୀ

Couplet 14

ମୁଁ ଆଜ ସମାଧି ପ୍ରବେଶେଶରୀର ଛାଡ଼ି ନିଜ ଅଂଶେ

Couplet 15

ପଶିବି ଦେଖନ୍ତୁ ଏ କ୍ଷଣଏତେ ବିଚାରି ନାରାୟଣ

Couplet 16

ଦୟାସାଗର ଭଗବାନତକ୍ଷଣେ ବୁଜିଲେ ନୟନ

Couplet 17

ସମାଧି ବସି ଦୃଢାସନେପ୍ରାଣ ସଂଯମନ ପବନେ

Couplet 18

ଧାରଣା ଅଗ୍ନି ସନ୍ଦୀପନେଦେବସମୂହ ଅବଧାନେ

Couplet 19

ନିଜ ଭୁବନେ ଗଲେ ହରିଜୟଶବଦେ ଦିଗ ପୂରି

Couplet 20

ଶ୍ୟାମସୁନ୍ଦର କଳେବରଅଶେଷଜନ୍ତୁ ସୁଖ ଘର

Couplet 21

ଧ୍ୟାନ-ଧାରଣା-ସ୍ତୁତିସ୍ଥାନ୍ମହୀମଙ୍ଗଳ ଅଭିରାମ

Couplet 22

ସଂସାର ତରେ ଯାହା ଦେଖିହରି ଚଳିଲେ ତା ଉପେକ୍ଷି

Couplet 23

ଦୁନ୍ଦୁଭି ବାଜେ ସୁରପୁରୀନୃତ୍ୟ କରନ୍ତି ଅପସରୀ

Couplet 24

ଆନନ୍ଦେ ପାରିଜାତମାଳାଦେବେ ବରଷି କଲେ ଖେଳା

Couplet 25

ଶୂନ୍ୟ ଶବଦ ଶୁଣି କର୍ଣ୍ଣେଦେବେ ବୋଲନ୍ତି ଅନ୍ୟଅନ୍ୟେ

Couplet 26

ଚାଲ ହେ ଏହିପଥେ ଯିବାକୃଷ୍ଣର ଚରଣେ ପୂଜିବା

Couplet 27

ଏମନ୍ତ କରି ସେ ବିଚାରଘେନାଇ ନାନା ଉପହାର

Couplet 28

କୃଷ୍ଣର ପଥେ ଯା'ନ୍ତି ଦେବେପୂରିତ ଆନନ୍ଦ ଉତ୍ସବେ

Couplet 29

ଯେବଣ ପଥେ କୃଷ୍ଣ ଗଲେକେବେହେଁ ଦେବେ ନ ଜାଣିଲେ

Couplet 30

ପରମଜ୍ୟୋତି ଶୂନ୍ୟେ ମିଶେମେଘେ ବିଜୁଳି ଯେହ୍ନେ ଦିଶେ

Couplet 31

ନ ଦେଖି କୃଷ୍ଣର ପୟରମନେ ପାଇଲେ ଚମତ୍କାର

Couplet 32

ଭବ ବିରଞ୍ଚି ଆଦି ସୁରେଶୂନ୍ୟେ ଚଳିଲେ ଯେଝାପୁରେ

Couplet 33

ଜୀବ ଯେ ସର୍ବଭୂତେ ଥାଇତାହାକୁ କେହି ନ ଦେଖଇ

Couplet 34

ହରିଙ୍କି ଦେଖିବେ ସେ କାହିଁଯାହାର ଆଦିଅନ୍ତ ନାହିଁ

Couplet 35

ଆତ୍ମାକୁ ଆପଣେ ସୃଜଇଆତ୍ମାରେ ଆତ୍ମା ପ୍ରବେଶଇ

Couplet 36

ଆତ୍ମାରେ ଆତ୍ମାଭାବେ ରହେଜନ୍ତୁଗୋଚର ଆତ୍ମା ନୋହେ

Couplet 37

ଆତ୍ମାକୁ ଆତ୍ମବଳେ ବହେଏଣୁ ସକଳ ଆତ୍ମାମୟେ

Couplet 38

ଏଣୁ ଏ ଜନ୍ମ-ସ୍ଥିତି ମୃତ୍ୟୁଯାହାର ମାୟା ଅଟେ ହେତୁ

Couplet 39

ନଟର ପ୍ରାୟ କ୍ରୀଡ଼ା କରେଦେଖାଇ ପୁଣି ତା' ସଂହରେ

Couplet 40

ଶୁଣ ହୋ ପରୀକ୍ଷିତ ତୁହିଯମର ଘରୁ ଭାବଗ୍ରାହୀ

Couplet 41

ଗୁରୁକୁମର ଆଣି ଦେଲେତୋତେ ହେଁ ଗର୍ଭେ ସେ ରଖିଲେ

Couplet 42

ଯେ ହର ଅନ୍ତେ ଅନ୍ତଃ କରେପ୍ରଳୟ କରେ ଯେ ସଂସାରେ

Couplet 43

ସମରେ ହେଳେ ତାକୁ ଜିଣିମହାମହିମ ଚକ୍ରପାଣି

Couplet 44

ଚରଣେ ବିନ୍ଧିଲା ଯେ ବ୍ୟାଧଖଣ୍ଡିଲେ ତା'ର ଅପରାଧ

Couplet 45

ଦେଖାଇ ଦରଶନ ଗତିତାହାକୁ ଦେଲେ ସ୍ୱର୍ଗେ ସ୍ଥିତି

Couplet 46

ଏମନ୍ତ ମହିମା ଯାହାରସେ ନୋହେ ନରଅବତାର

Couplet 47

ଆପଣା ତନୁ ସେ ନ ରଖେଏ କଥା ମୂର୍ଖଜନ ଲେଖେ

Couplet 48

ସୃଷ୍ଟି ପାଳନ ସଂହାରଣଏ ଲୀଳା ଯାହାର ଭିଆଣ

Couplet 49

ଏ ଲୀଳା ଖେଳା ମାତ୍ର କରେତେଣୁ ଅଶେଷ ଶକ୍ତି ଧରେ

Couplet 50

ତଥାପି ଯଦୁବଂଶ ମାରିଧରଣୀଭାର ହେଳେ ତାରି

Couplet 51

ବିଚାରେ କାହିଁ ପ୍ରୟୋଜନତେଣୁ ସେ ଗଲେ ନିଜ ସ୍ଥାନ

Couplet 52

ଅନାଦି ପ୍ରଭୁ ନାରାୟଣଯେ ବିଷ୍ଣୁ ପରମକାରଣ

Couplet 53

ସେ ଦେବଦେବଙ୍କର ପତିଦେଖାଇ ତାଙ୍କୁ ଦିବ୍ୟଜ୍ୟୋତି

Couplet 54

ଯେସନେ ନଟ ଳୀଳା କରେସେ ନିଜ ମାୟାରେ ବିହରେ

Couplet 55

ଏମନ୍ତେ ଗୋବିନ୍ଦର ଗତିଏବେ ହୋ ଶୁଣ ନରପତି

Couplet 56

ତା'ର ଚରିତ ଏ ଶୟଳେଯେ ପ୍ରାଣୀ ଉଠି ପ୍ରାତଃକାଳେ

Couplet 57

କରଇ ଶ୍ରବଣ କୀର୍ତ୍ତନଭାବେ ଭକତିବଳେ ପୁଣ

Couplet 58

ସୁମରି ଗୋବିନ୍ଦର ଗତିନିର୍ମଳ ହୁଏ ତା'ର ମତି

Couplet 59

ସଂସାର ତାପ ନ ଲାଗଇଅନ୍ତେ ପରମଗତି ପାଇ

Couplet 60

ଏବେ ହୋ ଶୁଣ କୃଷ୍ଣଲୀଳାଦାରୁକ ଦ୍ୱାରକା ଯେ ଗଲା

Couplet 61

ରୋଦନ କରି ଉଚ୍ଚସ୍ୱରେପଶିଲା ଦ୍ୱାରକା ନଗରେ

Couplet 62

ଦେବକୀ ବସୁଦେବ ପାଦେପଡ଼ିଲା ଦୁଃଖଶୋକନାଦେ

Couplet 63

ଶୁଣି ମିଳିଲା ଉଗ୍ରସେନଦେଖି ଦାରୁକ ଆଗମନ

Couplet 64

ଦାରୁକ କହି ଶୋକନାଦେପଡ଼ିଲା ଉଗ୍ରସେନ ପାଦେ

Couplet 65

ଯାଦବବଳ ନାଶ କଥାରାମ ଗୋବିନ୍ଦଙ୍କ ବ୍ୟବସ୍ଥା

Couplet 66

ଦାରୁକ ମୁଖୁଁ ତାହା ଶୁଣିକୃଷ୍ଣର ଯେତେକ କାମିନୀ

Couplet 67

ଶୋକେ ହୋଇଲେ ମୂରୁଛିତଧରଣୀ ପଡ଼ି ମୋହଗତ

Couplet 68

ସକଳେ ମିଳି ଏକସ୍ଥାନେରୋଦନ କରି ଉଚ୍ଚସ୍ୱନେ

Couplet 69

ଶିରେ ବଦନେ କର ତାଡ଼ିକାନ୍ଦନ୍ତି ମହୀତଳେ ପଡ଼ି

Couplet 70

ରାମ ଗୋବିନ୍ଦ ତନୁତ୍ୟାଗେପ୍ରାଣ କେ ଧରେ ହୃଦଭାଗେ

Couplet 71

ଦେବକୀ ରୋହିଣୀର କୋଳେହା ହା ଗୋବିନ୍ଦ ବୋଲି ଭୋଳେ

Couplet 72

ପଡ଼ି ଛାଡ଼ିଲେ ନିଜ ପ୍ରାଣଦେଖି ବସୁଦେବ ତକ୍ଷଣ

Couplet 73

ଚକିତେ ଚଉଦିଗେ ଚାହିଁକାତରେ କମ୍ପେ ତା'ର ଦେହୀ

Couplet 74

ଡ଼ାକିଲା ତୋଳି ବେନିକରଆସ ଗୋବିନ୍ଦ ହଳଧର

Couplet 75

ଦେଖାଅ ସୁନ୍ଦର ବଦନବୋଲି ଛାଡ଼ିଲା ନିଜ ପ୍ରାଣ

Couplet 76

ବସୁଦେବର ଯେତେ ନାରୀସ୍ୱାମୀ ଚରଣ ଦୃଢେ ଧରି

Couplet 77

ଅନଳେ ହୋଇଲେ ଦହନଗଲେ ସେ ବୈକୁଣ୍ଠ ଭୁବନ

Couplet 78

ରେବତୀ ରାମମାର୍ଗ ଚିନ୍ତିଅଗ୍ନିରେ ଦଗଧ ହୁଅନ୍ତି

Couplet 79

କୃଷ୍ଣନନ୍ଦନ ନାରୀଗଣେଅଗ୍ନିପ୍ରବେଶ ଜଣେ ଜଣେ

Couplet 80

କୃଷ୍ଣର ଶ୍ରେଷ୍ଠ ଅଷ୍ଟନାରୀରୁକ୍ମିଣୀଦେବୀ ଆଦିକରି

Couplet 81

ତୁଣ୍ଡେ ଉଚ୍ଚାରି ଭଗବାନଅନଳେ ହୋଇଲେ ଦହନ

Couplet 82

ଅର୍ଜୁନ ଦେଖି ତା' ନୟନେସୁମରି କୃଷ୍ଣକଥା ମନେ

Couplet 83

ଅନିତ୍ୟ ଦେଖି ଏ ସଂସାରଚିନ୍ତି ହୃଦୟ କଲା ସ୍ଥିର

Couplet 84

କୃଷ୍ଣ ନ ଦେଖି ବନ୍ଧୁଗଣେପ୍ରାଣ ଛାଡ଼ିଲେ ଜଣେ ଜଣେ

Couplet 85

ଅର୍ଜୁନ ନେଇ ତା' ଅନଳେଦହନ କଲା ସିନ୍ଧୁକୂଳେ

Couplet 86

ଯେ ଅବା ରହିଲେ ଜୀବନେକୃଷ୍ଣର ଯେତେ ନାରୀଗଣେ

Couplet 87

ତାହାଙ୍କୁ ଘେନାଇ ଅର୍ଜୁନପୁରେ ଯେ ଥିଲେ ପ୍ରଜାଜନ

Couplet 88

ସକଳ ଘେନି ଏକମେଳେତୀରେ ମିଳିଲେ ରାତ୍ରକାଳେ

Couplet 89

ଦେଖନ୍ତି ସର୍ବଲୋକ ତୁଲେତକ୍ଷଣେ ସମୁଦ୍ର ଉଲ୍ଲୋଳେ

Couplet 90

ବୁଡ଼ିଲା ଦ୍ୱାରକା ନଗରଛାଡ଼ି କୃଷ୍ଣର ନିଜ ପୁର

Couplet 91

ଯେଣୁ ସେ କୃଷ୍ଣ-ସନ୍ନିଧାନେରହେ ପ୍ରଳୟ ଅବସାନେ

Couplet 92

ଏଣୁ ସେ ଦ୍ୱାରକା ନଗରସୁପୁଣ୍ୟ ଈଶ୍ୱର ମନ୍ଦିର

Couplet 93

ପରମ ପବିତ୍ର ମଙ୍ଗଳଯହିଁ ବିଜୟ ଆଦିମୂଳ

Couplet 94

ଶୁଣ ସୁମନେ ପରୀକ୍ଷିତଥିଲା ଯେ ଅନିରୁଦ୍ଧ ସୁତ

Couplet 95

ବାଳକ ବଜ୍ର ତା'ର ନାମସୁନ୍ଦର ତନୁ ଗୁଣଧାମ

Couplet 96

ତାହାକୁ କଲେ ତହିଁ ରାଜାସୁଖେ ପାଳିଲା ଜନପ୍ରଜା

Couplet 97

ଅର୍ଜୁନ ଛତ୍ର ଦେଇ ଶିରେସେ ରାଜା ଦ୍ୱାରକା ନଗରେ

Couplet 98

ମଙ୍ଗଳ ଅଭିଷେକ କରିକୃଷ୍ଣ ବିଧବା ଯେତେ ନାରୀ

Couplet 99

ସକଳ ପାରିଷଦ ଯୁତେଅର୍ଜୁନ ଗଲା ଇନ୍ଦ୍ରପ୍ରସ୍ଥେ

Couplet 100

ପଥେ ସେ ଗଲା ଦୁଃଖଶୋକେକୃଷ୍ଣ-ବିଚ୍ଛେଦେ ଅଶ୍ରୁମୁଖେ

Couplet 101

ଶୁଣ ହୋ ରାଜା ପରୀକ୍ଷିତଅର୍ଜୁନଠାରୁ ବନ୍ଧୁହତ

Couplet 102

ଶୁଣି ତୋ' ପିତାମହଗଣେରାଜ୍ୟ ଛାଡ଼ିଲେ ତତକ୍ଷଣେ

Couplet 103

ତୋ' ଶିରେ ଅଭିଷେକ କରିତୁ ଯେ ପାଣ୍ଡବ ବଂଶଧାରୀ

Couplet 104

ଉତ୍ତରେ ହିମଗିରି ଗଲେଅନ୍ତେ ସେ ବୈକୁଣ୍ଠେ ବସିଲେ

Couplet 105

ଶୁଣ ହୋ ଅଭିମନ୍ୟୁବଳାଯେତେ କହିଲି କୃଷ୍ଣଲୀଳା

Couplet 106

କୃଷ୍ଣର ଯଶଗୁଣଗାଥାନିରତେ ଯେ କରନ୍ତି ଚିନ୍ତା

Couplet 107

ଏହା ଯେ ଶ୍ରଦ୍ଧାକରି ଜନକରନ୍ତି ଶ୍ରବଣ କୀର୍ତ୍ତନ

Couplet 108

ସେ ନର ତ୍ରିଭୁବନେ ଧନ୍ୟଦେବେ କରନ୍ତି ତା'କୁ ମାନ୍ୟ

Couplet 109

ହେଳେ ତରଇ ଭବବାରିଜଗତମଧ୍ୟେ ଯଶ ପୂରି

Couplet 110

ଅତି ପତିତ ଦୁରାଚାରଯେ ଅବା ପାପିଷ୍ଠ ପାମର

Couplet 111

ସେ ହରିକଥା କର୍ଣ୍ଣେ ଶୁଣିତରନ୍ତି ଭବତରଙ୍ଗିଣୀ

Couplet 112

ଶ୍ରଦ୍ଧା ବିହୀନେ ଅବହେଳେଯେ ପ୍ରାଣୀ ଶୁଣେ ଏକବେଳେ

Couplet 113

ଭକତି ଲଭେ କୃଷ୍ଣପାଦେନ ପଡେ଼ ଭବ-ପରମାଦେ

Couplet 114

ପ୍ରାଣ ବିଯୋଗେ ବ୍ରହ୍ମମୟେପଶଇ ନାରାୟଣ ଦେହେ

Couplet 115

ପରୀକ୍ଷେ କହେ ବ୍ୟାସସୁତଶ୍ରୀଏକାଦଶେ ଭାଗବତ

Couplet 116

ଏଣେ ଜୀବର ପରିତ୍ରାଣସୁଜନେ ନିତ୍ୟେ ଏହା ଶୁଣ

Couplet 117

ଭକତି କୃଷ୍ଣପାଦେ ଲଭମନୁଷ୍ୟ-ଜନ୍ମର ଏ ଲାଭ

Couplet 118

ବୋଲଇ ଦାସ ଜଗନ୍ନାଥମୁଁ ତୁମ୍ଭ ଭୃତ୍ୟଙ୍କର ଭୃତ୍ୟ