Adhyaya 31

Couplet 1

ପରୀକ୍ଷ ଶୁକମୁନି ଚାହିଁବୋଲଇ ଶିରେ କର ଦେଇ

Couplet 2

ଉଦ୍ଧବ କୃଷ୍ଣର ବଚନେଗଲେ ଯେ ବଦରିକାଶ୍ରମେ

Couplet 3

ପୁଣି କି କଲେ ଚକ୍ରପାଣିବିସ୍ତାରି କହ ମୁନିମଣି

Couplet 4

ଯେ କାଳରୂପେ ଅବତରେକୋଟି ବ୍ରହ୍ମାଣ୍ଡ ରୋମେ ଧରେ

Couplet 5

ବ୍ରାହ୍ମଣଶାପେ ଯଦୁବଂଶଶରୀର ତୁଲେ କଲେ ନାଶ

Couplet 6

ଅଶେଷ-ଜଗତ-ମଙ୍ଗଳଯେ ରୂପ ଦେଖି କାମ ଭୋଳ

Couplet 7

ଜନଲୋଚନ ମନୋହରଅଶେଷ ଭୁବନ ସୁନ୍ଦର

Couplet 8

ଯେ ନାରୀଦୃଷ୍ଟି ଅଙ୍ଗେ ପଡେ଼ମନମୋହନ ଚିତ୍ତ ଜଡେ଼

Couplet 9

ଆସି ନ ପାରେ ମନ ଛାଡ଼ିପ୍ରେମଲାଳସ ସୁଖେ ବୁଡ଼ି

Couplet 10

ଯେ ରୂପଗୁଣ ସାଧୁଗଣେକେବଳ ଶୁଣିଲେ ଶ୍ରବଣେ

Couplet 11

ସର୍ବ ବିଷୟ ପାସୋରନ୍ତିଗୃହ-ଦେହକୁ ନ ସ୍ମରନ୍ତି

Couplet 12

ଆଜାନୁ ଲମ୍ବେ ଚାରିକରବଚନ-ଅମୃତ-ମଧୁର

Couplet 13

ଏ ରୂପ ଅର୍ଜ୍ଜୁନର ରଥେଦେଖି ମରିଲେ ଯୁଦ୍ଧେ ଯେତେ

Couplet 14

ନିଜ ଶରୀର ପାସୋରିଲେତାହାର ଶରୀରେ ପଶିଲେ

Couplet 15

ଏ ଦେହ ତେଜିଲେ କି ଅର୍ଥେଯଶ ବିସ୍ତାରି ଏ ଜଗତେ

Couplet 16

ସେ କଥା କହ ମୁନିମଣିକୃତାର୍ଥ ହେବି ତାହା ଶୁଣି

Couplet 17

ବୋଲନ୍ତି ଶୁକମୁନିବରଶୁଣ ହୋ ମହିମା କୃଷ୍ଣର

Couplet 18

କୃଷ୍ଣର କାଳଚକ୍ରଘାତେଦ୍ୱାରକା କମ୍ପିଲା ଅଦ୍ଭୁତେ

Couplet 19

ବିବିଧ ଉତ୍ପାତ ପ୍ରତ୍ୟକ୍ଷେଭୂମି-ଗଗନ-ଅନ୍ତରୀକ୍ଷେ

Couplet 20

ତା'ଦେଖି ଦେବକୀନନ୍ଦନନିକଟେ ରାଇ ବନ୍ଧୁଜନ

Couplet 21

ଉଗ୍ରସେନର ତୁଲେ ହରିସୁଧର୍ମା ମଧ୍ୟେ ବିଜେ କରି

Couplet 22

ବୋଲନ୍ତି ପ୍ରଭୁ ଦାମୋଦରଶୁଣ ସକଳ ଯଦୁବୀର

Couplet 23

ଦେଖ ଉତ୍ପାତ ଏ ପ୍ରତ୍ୟକ୍ଷେଭୂମି-ଗଗନ-ଅନ୍ତରୀକ୍ଷେ

Couplet 24

ଏ ଧୂମକେତୁ ଭୟଙ୍କରଦେଖ ଦିବସେ ଅନ୍ଧକାର

Couplet 25

ଅବନୀ କମ୍ପେ ଘନଘନଅଦ୍ଭୁତ ଶୁଭେ ଘୋରସ୍ୱନ

Couplet 26

ଘୋର ପ୍ରଚଣ୍ଡ ଅଦ୍‌ଭୁତଏ ପୁରେ ରହିବା କେମନ୍ତ

Couplet 27

ନିଶ୍ଚୟେ ସର୍ବେ ଯିବା ନାଶଏ ପୁରେ ନ କରି ବିଶ୍ୱାସ

Couplet 28

ଦଣ୍ଡେ ନ ଥିବା ଦ୍ୱାରକାଏମୋତେ ଲାଗଇ ମହାଭୟେ

Couplet 29

ପ୍ରଭାସତୀର୍ଥେ ଚାଲ ଯିବାଏଠାରେ ନିମିଷେ ନ ଥିବା

Couplet 30

ଯେ ତୀର୍ଥେ ପ୍ରାଚୀ ସରସ୍ୱତୀସ୍ନାନେ ସକଳ ରିଷ୍ଟଶାନ୍ତି

Couplet 31

ବୃଦ୍ଧ ବାଳକ ନାରୀଗଣରାତ୍ରହୁଁ କରନ୍ତୁ ପ୍ରୟାଣ

Couplet 32

ଦ୍ୱାରକା ଆଶା ଛାଡ଼ି ଦୂରେକେହି ନ ରହ ଏହୁ ପୁରେ

Couplet 33

ସେ ଜଳେ ସ୍ନାନ କରି ତୋଷେଦିନ ବଂଚିବା ଉପବାସେ

Couplet 34

ଘେନି ସକଳ ଉପହାରସେ ତୀର୍ଥେ ସ୍ନାନ ଦାନ କର

Couplet 35

ପିତୃଦେବତା ଋଷିଗଣେବେଦଜ୍ଞ ଉତ୍ତମ ବ୍ରାହ୍ମଣେ

Couplet 36

ଆନନ୍ଦେ କରି ନାନା ଦାନସୁବର୍ଣ୍ଣ ତିଳ ବସ୍ତ୍ର ଅନ୍ନ

Couplet 37

ଅଶ୍ୱ କୁଞ୍ଜର ଭୂମି ରଥଗୋରୁ ମହିମା ଯୂଥ ଯୂଥ

Couplet 38

ଏ ଯେ ଉତ୍ତମ ବିଧିସାରସକଳ-ମଙ୍ଗଳ-ବେଭାର

Couplet 39

ପିତୃ-ଦେବତା-ଗୋ-ବ୍ରାହ୍ମଣଏ ପୂଜା ପରମ କାରଣ

Couplet 40

ଅରିଷ୍ଟଖଣ୍ଡନ ଏ ବିଧିନିଗମ ଆଗମ ପ୍ରସିଦ୍ଧି

Couplet 41

ଏଣୁ ସକଳ ଯଦୁଜନରିଷ୍ଟଖଣ୍ଡନେ ଦେବା ଦାନ

Couplet 42

ଏମନ୍ତେ କୃଷ୍ଣର ବଚନେଯାଦବେ ଭାଳି ଏକମନେ

Couplet 43

ବୋଲନ୍ତି ଧନ୍ୟ କୃଷ୍ଣକଥାଏଣେ ଖଣ୍ଡିବ ରିଷ୍ଟବ୍ୟଥା

Couplet 44

ଏମନ୍ତ ଭାଳି ଏକଚିତ୍ତେଯାନ ଆରୋହି ଯେଝାମତେ

Couplet 45

ରାତ୍ରହୁଁ ଗଲେ ଯୂଥେ ଯୂଥେମିଳିଲେ ସରସ୍ୱତୀ ତୀର୍ଥେ

Couplet 46

ଆନନ୍ଦେ ପଶି ପୁଣ୍ୟଜଳେକରନ୍ତି ସ୍ନାନ ଦାନ ଭୋଳେ

Couplet 47

ଯେ ବିଧି କୃଷ୍ଣ ଉପଦେଶେଦିନ ବଞ୍ଚିଲେ ଉପବାସେ

Couplet 48

ନାନା ପ୍ରକାରେ ଦେଇ ଦାନତୋଷିଲେ ବିପ୍ରଙ୍କର ମନ

Couplet 49

ଦିବସ ଅବଶେଷ କାଳେସକଳେ ବସି ଏକମେଳେ

Couplet 50

ଦଇବଯୋଗେ ହତଜ୍ଞାନେଯାଦବେ କାଦମ୍ବରୀ ପାନେ

Couplet 51

କୃଷ୍ଣ ମାୟାରେ ବିମୋହିତହୋଇଲେ ସର୍ବେ ମହାମତ୍ତ

Couplet 52

ଫଳିଲା ବ୍ରହ୍ମଶାପ ଫଳଅଦ୍‌ଭୁତେ ଉଠିଲା କନ୍ଦଳ

Couplet 53

ବେଣୁ ଘର୍ଷଣେ ଅଗ୍ନି ଯେହ୍ନେତକ୍ଷଣେ ଉଠେ ଘୋରବନେ

Couplet 54

ଶୂନ୍ୟେ ପଡ଼ିଲା ଥାଟେ ହୁରିଯାଦବେ କରେ ଶସ୍ତ୍ର ଧରି

Couplet 55

ଗଦା ମୁଦ୍‌ଗର ଅସିବରଧନୁକ ଭୂଷଣ୍ଡି ତୋମର

Couplet 56

ଏମନ୍ତେ ନାନା ଶସ୍ତ୍ର ଧରିଧାଇଁଲେ ଘୋରନାଦ କରି

Couplet 57

ଡ଼ାକନ୍ତି ଅତି ଭୟଙ୍କରେଘୋର ସମର ନଦୀତୀରେ

Couplet 58

ରଥେ କେ ଯୁଝେ ରଣମଧ୍ୟେକେ ଗୋରୁ ମହିଷର କନ୍ଧେ

Couplet 59

ଖର ଉଷ୍ଟ୍ରର କନ୍ଧେ ବସିକେ ଯୁଝେ ଘୋରରଣେ ପଶି

Couplet 60

ଗଜର କନ୍ଧେ କେ ଯୁଝନ୍ତିଅଶ୍ୱର ପୃଷ୍ଠେ ଆରୋହନ୍ତି

Couplet 61

ମୁଷଳ ମୁଦ୍‌ଗର ପ୍ରହାରେରଜନୀ ଘୋର ଅନ୍ଧକାରେ

Couplet 62

ଅଦ୍‌ଭୁତ ମୁଷଳ ସମରେମୁଖ ନ ଦିଶେ ଅନ୍ଧକାରେ

Couplet 63

ସ୍ୱଭାବେ ମହାବୀରଗଣରୋଷେ କରନ୍ତି ଘୋରରଣ

Couplet 64

ରୁକ୍ମିଣୀସୁତ ଶାମ୍ବ ସଙ୍ଗେଘୋର ଗର୍ଜନ ରଣରଙ୍ଗେ

Couplet 65

ସାତ୍ୟକି ଅନିରୁଦ୍ଧ ବେନିଭୋଜ ଅକ୍ରୁର ଅନ୍ୟୋଅନ୍ୟି

Couplet 66

ସଂଗ୍ରାମଜିତ ଭଦ୍ରସେନରୋଷେ କରନ୍ତି ଘୋର ରଣ

Couplet 67

ସହସ୍ରଜିତ ଶତଜିତସୁମିତ୍ର ସଙ୍ଗରେ ସୁରଥ

Couplet 68

ଦୁର୍ମଦ ଅନ୍ଧ ଯଦୁଗଣଅନ୍ୟୋନ୍ୟେ କଲେ ଘୋରରଣ

Couplet 69

ଶ୍ରୀକୃଷ୍ଣ ମାୟା ବିମୋହିତଯୁଦ୍ଧ କରିଣ ହେବେ ହତ

Couplet 70

ମାଥୁର ଶୂରସେନ ମଧୁଭୋଜ ସାତ୍ୱତ ବୃଷ୍ଟି ଯଦୁ

Couplet 71

ଦୁର୍ମଦ ମତ୍ତ ଘୋରରଣେଯୁଦ୍ଧ କରନ୍ତି ଜଣେ ଜଣେ

Couplet 72

ରୋଷେ ଯୁଝନ୍ତି ପିତାପୁତ୍ରେଦୁର୍ମଦ ଅନ୍ଧ ମିତ୍ର ମିତ୍ରେ

Couplet 73

ସୁହୃଦ ସୁହୃଦେ ନ ଚିହ୍ନିଯୁଝନ୍ତି ଅହଙ୍କାର ଘେନି

Couplet 74

କୋପେ ଯୁଝନ୍ତି ବେନିଭାଇକେ ପିତା ବନ୍ଧୁ ନ ଜାଣଇ

Couplet 75

ମାତୁଳ ଭଗିନୀକୁମରେଯୁଝନ୍ତି ଜ୍ଞାତି ସହୋଦରେ

Couplet 76

ଲଜ୍ଜା ପୀରତି ତେଜି ଦୂରେଯୁଝନ୍ତି ଘୋର ଅନ୍ଧକାରେ

Couplet 77

ଦୁଃସହ ପ୍ରହାର ପ୍ରଚଣ୍ଡଶସ୍ତ୍ରେ ଭାଜିଲେ ଖଣ୍ଡଖଣ୍ଡ

Couplet 78

ବିନ୍ଧୁ ତୁଟିଲା ଧନୁଶରଗଦା ଖଡ଼ଗ ହେଲା ଚୂର

Couplet 79

ଅରୁଣ ପ୍ରକାଶ ଗଗନେମିଳିଲେ ଏରକାର ବନେ

Couplet 80

ବ୍ରାହ୍ମଣଶାପେ ଲୌହୁ ଜାତତୀକ୍ଷ୍‌ଣ ତ୍ରିଶିର ବଜ୍ରବତ

Couplet 81

କରେ ଧରନ୍ତି ମୁଷ୍ଟିମୁଷ୍ଟିପ୍ରହାରେ ଛିଡେ଼ କୋଟିକୋଟି

Couplet 82

ଏରକାବନେ ଘୋରରଣେସଂଗ୍ରାମେ ମଲେ ଜଣେ ଜଣେ

Couplet 83

ଗଗନେ ଆଦିତ୍ୟ ପ୍ରକାଶେଯେ ଅବା ଥିଲେ ଯେଉଁ ଦେଶେ

Couplet 84

ପ୍ରବେଶ ହେଲେ ତହିଁ ଆସିଯୁଦ୍ଧ କରନ୍ତି ରଣେ ପଶି

Couplet 85

ଦେଖି ଧାଇଁଲେ ଗଦାଧରଡ଼ାକନ୍ତି ସମର ନ କର

Couplet 86

ଯାଦବେ ମଦେ ଅଚେତନନ ଶୁଣି ଗୋବିନ୍ଦ ବଚନ

Couplet 87

ନାନା ଆୟୁଧ ଧରି କରେକୃଷ୍ଣଙ୍କୁ ବେଢିଲେ ସମରେ

Couplet 88

ବିନ୍ଧନ୍ତି ନାନା ଶସ୍ତ୍ର ଧରିଦେଖି ଧାଇଁଲେ ହଳଧାରୀ

Couplet 89

ରାମ ଗୋବିନ୍ଦ କୋପଭରେଯୁଝନ୍ତି ଭୀଷଣ-ସମରେ

Couplet 90

ଗଦା ମୁଷଳେ ଯୁଦ୍ଧ କଲେକେ ନିଜ ପର ନ ଜାଣିଲେ

Couplet 91

ଏରକାମୁଷ୍ଟି ବଜ୍ରାଘାତେବୀରେ ପଡ଼ିଲେ ଯୂଥେଯୂଥେ

Couplet 92

ମାୟାଭିଆଣ ଭଗବାନଯାଦବେ କଲେ ନିସୂଦନ

Couplet 93

ବ୍ରାହ୍ମଣଶାପ କୋପାନଳହେଳେ ଦହିଲା ଯଦୁକୁଳ

Couplet 94

ବେଣୁ ଅନଳେ ବେଣୁ ଯେହ୍ନେଯାଦବେ ନାଶ ଗଲେ ତେହ୍ନେ

Couplet 95

ପୁଣି ପ୍ରଦ୍ୟୁମ୍ନେ କୃଷ୍ଣ ଦେଖିଚକ୍ର ପେଷିଲେ ପଦ୍ମଆଖି

Couplet 96

ପ୍ରଦ୍ୟୁମ୍ନ ନାଶି ଚକ୍ର ଗଲାଶ୍ରୀକୃଷ୍ଣ କରକୁ ନ ଇଲା

Couplet 97

ସେ କାଳରୂପୀ ଭଗବାନଦେଖି ସାନନ୍ଦ କଲେ ମନ

Couplet 98

ଏମନ୍ତେ ନିଜ କୁଳ ହରିକନ୍ଦଳ ବ୍ୟାଜେ ନାଶ କରି

Couplet 99

ବୋଲନ୍ତି ପ୍ରଭୁ ନନ୍ଦବଳାଏବେ ଅବନୀଭାର ଗଲା

Couplet 100

ଯାଦବବଳ ନଷ୍ଟ ଦେଖିରାମ ବୁଜିଲେ ବେନି ଆଖି

Couplet 101

ତକ୍ଷଣେ ନିଜ ଯୋଗବଳେଅନନ୍ତ ପଶିଲେ ପାତାଳେ

Couplet 102

ଅନନ୍ତ-ମହିମା ଯାହାରଛାଡ଼ିଲେ ନିଜ କଳେବର

Couplet 103

ରାମର ଦେଖି ଅବସାନତକ୍ଷଣେ ପ୍ରଭୁ ଭଗବାନ

Couplet 104

ଅଶ୍ୱ‌ତ‌‌ଥ ତରୁମୂଳେ ବସିନିଜ ମହିମା ପରକାଶି

Couplet 105

ସୁନ୍ଦର ଦିଶେ ଚତୁର୍ଭୁଜକୋଟିଏ ରବି ଜିଣି ତେଜ

Couplet 106

ଅନ୍ଧାର ଦଶଦିଶ ଗଞ୍ଜେଶ୍ୟାମସୁନ୍ଦର ରୂପ ତେଜେ

Couplet 107

ଶ୍ରୀବତ୍ସ ଚିହ୍ନ ହୃଦେ ଶୋହେମଣିକଙ୍କଣ ମନ ମୋହେ

Couplet 108

ପୀତବସନ ପରିଧାନସକଳ ମଙ୍ଗଳ ନିଧାନ

Couplet 109

ସୁନ୍ଦର ସ୍ମିତହାସମୁଖକୁଟୀଳ କୁନ୍ତଳ ସୁରେଖ

Couplet 110

ବିକଚ ପୁଣ୍ଡରୀକ ପ୍ରାୟେକୃଷ୍ଣନୟନଯୁଗ ଶୋହେ

Couplet 111

ଶ୍ରବଣେ ମକର କୁଣ୍ଡଳସୁନ୍ଦର ଅଳକା କପୋଳ

Couplet 112

ଯଜ୍ଞୋପବୀତ କନ୍ଧେ ସାଜେରତ୍ନମେଖଳା କଟିମାଝେ

Couplet 113

ଲଲାଟେ କିରୀଟ ଉଭାରିସୁବର୍ଣ୍ଣ ମୁଦ୍ରିକା ଅଙ୍ଗୁଳି

Couplet 114

ଊରେ କୌସ୍ତୁଭ ବନମାଳମୋହନ ରୂପ ନନ୍ଦବାଳ

Couplet 115

ନିଜ ଆୟୁଧ ମୂର୍ତ୍ତିମନ୍ତେଦିଶନ୍ତି କୃଷ୍ଣର ଅଗ୍ରତେ

Couplet 116

ବାମଚରଣ ତୋଳି ଧୀରେଦକ୍ଷିଣ ଜାନୁର ଉପରେ

Couplet 117

ଶରୀରୁ ଶ୍ରମଝାଳ ଗଳେକୃଷ୍ଣ ବସିଲେ ତରୁମୂଳେ

Couplet 118

ପଦ୍ମ-ଅରୁଣ-ବର୍ଣ୍ଣ ପ୍ରାୟେସେ ପାଦ ଅତି ଶୋଭାପାଏ

Couplet 119

ଏମନ୍ତେ ଶୁଣ ନରନାଥଜାରାଶବର ଉପଗତ

Couplet 120

ମୁଷଳ ଅବଶେଷ ଖଣ୍ଡେଫଳା ନିର୍ମିତ ତା'ର କାଣ୍ଡେ

Couplet 121

ବନେ ବୁଲନ୍ତେ ମୃଗ ମାରିମିଳିଲା କରେ ଧନୁ ଧରି

Couplet 122

ଲତା ଗହନ ବୃକ୍ଷମୂଳେଦେଖିଲା ଚରଣ ନିରୋଳେ

Couplet 123

ମୃଗର କର୍ଣ୍ଣ ପ୍ରାୟ ମଣିବାଣ ବିନ୍ଧିଲା ଗୁଣ ଟାଣି

Couplet 124

ବିନ୍ଧି ଧାଇଁଲା ଅତି ଖରେଦେଖିଲା ଲତାର ଭିତରେ

Couplet 125

କୋଟି-ଆଦିତ୍ୟ ଜିଣି ତେଜସୁନ୍ଦର ଶୋହେ ଚତୁର୍ଭୁଜ

Couplet 126

ଦେଖି ଚକିତ ବ୍ୟାଧ ମନେଧନୁ ପକାଇ ତତକ୍ଷଣେ

Couplet 127

କାତରେ ବେନିକର ଯୋଡ଼ିକୃଷ୍ଣଚରଣ-ତଳେପଡ଼ି

Couplet 128

ଉଠି କପାଳେ ମାରି କରବୋଲଇ ମୁହିଁ ଦୁରାଚାର

Couplet 129

ନ ଜାଣି କଲି ଏଡେ଼ କର୍ମକେ ମୋତେ କଲା ମତିଭ୍ରମ

Couplet 130

ମୁଁ ଯେ ପାମର ଦୁରାଚାରନରକେ ନିବାସ ମୋହର

Couplet 131

ତୁ ନାଥ ଜଗତ-ସୋଦରଏ ଅପରାଧ କ୍ଷମା କର

Couplet 132

ତୋ ନାମ ଚିତ୍ତେ ଯେ ସୁମରେଘୋର ସଂସାରୁ ଦୁଃଖୁଁ ତରେ

Couplet 133

ତୋତେ ଯେ ନୟନେ ଦେଖଇଅଜ୍ଞାନ-ତିମିର ନାଶଇ

Couplet 134

ଶବର ଜାତିହୀନ ମୁହିଁବିଶେଷ ତୋର ମାୟାମୋହି

Couplet 135

ସ୍ୱଭାବେ ପତିତ କୁତ୍ସିତହୀନ ପାମର ମୋର ଚିତ୍ତ

Couplet 136

ତୋର ସ୍ୱହସ୍ତେ ଦାମୋଦରଖଡ଼ଗେ ଛେଦ ମୋର ଶିର

Couplet 137

ସର୍ବପାତକ ମୋର ଯାଉଏ ଜାତି ମଧ୍ୟେ ଜନ୍ମ ନୋହୁ

Couplet 138

ଦୁରିତ ନ କରେ ଯେମନ୍ତେଏମନ୍ତ ଆଜ୍ଞା ହେଉ ମୋତେ

Couplet 139

ତୋ ମାୟାଗତି ଦାମୋଦରନ ଜାଣେ ବିରଞ୍ଚି ଶଙ୍କର

Couplet 140

ବେଦବଚନେ ମୁନିଜନେଭ୍ରମନ୍ତି ତୋର ଅନୁମାନେ

Couplet 141

ତୋ ମାୟାବଳେ ଗୋପୀନାଥଅଶେଷଜନ ବିମୋହିତ

Couplet 142

ମୁଁ ପାପୀ ଜାଣିବି କେମନ୍ତେଅଜ୍ଞାନେ ଭ୍ରମଇ ଜଗତେ

Couplet 143

ବ୍ୟାଧ ବିକଳ କର୍ଣ୍ଣେ ଶୁଣିବୋଲନ୍ତି ପ୍ରଭୁ ଚକ୍ରପାଣି

Couplet 144

ଉଠ ଶବର ଛାଡ଼ ଭୟମନେ ତୁ ନ କର ବିସ୍ମୟ

Couplet 145

ମୋହର ବାଞ୍ଛିତ ଏ କର୍ମଜାରା ନ କର ମତିଭ୍ରମ

Couplet 146

ମୋର ବଚନେ ତୁ ନିର୍ମଳଏହି ଶରୀରେ ସ୍ୱର୍ଗେ ଚଳ

Couplet 147

କୃଷ୍ଣର ଆଜ୍ଞା ପାଇ ବେଗେବ୍ୟାଧ ଚଳିଲା ସ୍ୱର୍ଗମାର୍ଗେ

Couplet 148

ଜାରାଶବର ସ୍ୱର୍ଗେ ଯାନ୍ତେପଥେ ମିଳିଲା ଦିବ୍ୟରଥେ

Couplet 149

କି ଅବା ଦେବା ପଟାନ୍ତରଗଞ୍ଜଇ ଚନ୍ଦ୍ର-ଦିବାକର

Couplet 150

ଦେଖି ଶବର ତୋଷମନେତକ୍ଷଣେ ବସିଲା ବିମାନେ

Couplet 151

କୃଷ୍ଣ ବଚନେ ସ୍ୱର୍ଗେ ଗଲାତକ୍ଷଣେ ଦାରୁକ ମିଳିଲା

Couplet 152

ଲତାଗହନେ କୃଷ୍ଣପାଶେମିଳିଲା ଦିବ୍ୟଗନ୍ଧବାସେ

Couplet 153

ଦାରୁକ ଦେଖେ ଯଦୁପତିକୋଟି ଆଦିତ୍ୟ ପ୍ରାୟେ ଜ୍ୟୋତି

Couplet 154

ଜଗମୋହନ ରୂପରାଶିଅଶ୍ୱତ୍ଥ ତରୁମୂଳେ ବସି

Couplet 155

ଦାରୁକ ରୋମାଞ୍ଚ ଶରୀରପ୍ରେମେ ନୟନୁ ବହେ ନୀର

Couplet 156

ତକ୍ଷଣେ ରଥ ସେହୁ ଛାଡ଼ିକୃଷ୍ଣଚରଣ ତଳେ ପଡ଼ି

Couplet 157

ହା କୃଷ୍ଣ ଜୀବନ ମୋହରଭୋ ନାଥ ମୁହିଁ ତୋ କିଙ୍କର

Couplet 158

ବିକଳେ କାନ୍ଦେ ଉଚ୍ଚ ତୁଣ୍ଡେକରଯୁଗଳ ତାଡ଼ି ମୁଣ୍ଡେ

Couplet 159

ଭୋ ନାଥ ଛାଡ଼ି ମୋତେ ଦୟାକିମ୍ପା ଦେଖାଉ ଏଡେ଼ ମାୟା

Couplet 160

ନୟନ ନାହିଁ ମୋ ଶରୀରେଆଜ ପଡ଼ିଲି ତମଘୋରେ

Couplet 161

ନ ଦିଶେ ଦଶଦିଶ ମୋତେତୋର ଚରଣ ଶସ୍ତ୍ରାଘାତେ

Couplet 162

ତୋତେ ନ ଦେଖି ଦାମୋଦରଜୀବନ ଥିବ କି ମୋହର

Couplet 163

ଏମନ୍ତେ ଦାରୁକ କାନ୍ଦନ୍ତେରଥ ଚଳିଲା ଶୂନ୍ୟପଥେ

Couplet 164

ଭୂଷଣ ବାହନ ସହିତେଗରୁଡ଼ ଲାଞ୍ଛନ ସଂଯୁତେ

Couplet 165

କୋଟିଏ ସୂର୍ଯ୍ୟ ପ୍ରାୟ ଦିଶିଗଗନମାର୍ଗେ ଗଲା ପଶି

Couplet 166

ତାହାର ପଛେ ଶସ୍ତ୍ରଗଣେତକ୍ଷଣେ ଗମିଲେ ଗଗନେ

Couplet 167

ଦାରୁକେ ବୋଲନ୍ତି ମୁରାରିଦ୍ୱାରକା ଯାଅ ବେଗ କରି

Couplet 168

ତାତ ଜନନୀଙ୍କର ଆଗେବାରତା କହ ଯାଇ ବେଗେ

Couplet 169

ଜ୍ଞାତି ବାନ୍ଧବଜନ ରାଇମୋ ତାତ ଜନନୀ ବସାଇ

Couplet 170

ଘୋର ସମରେ ଯଦୁବଂଶପ୍ରଭାସତୀର୍ଥେ ଗଲେ ନାଶ

Couplet 171

ତା ଦେଖି ପ୍ରଭୁ ବଳରାମଯୋଗେ ଚଳିଲେ ନିଜ ଧାମ

Couplet 172

ମୋର ଜୀବନେ ନାହିଁ ଆଶାଦାରୁକ ଦେଖ ମୋର ଦଶା

Couplet 173

ଆମ ରଜନୀ ମଧ୍ୟଗତେମୁଁ ପୁଣି ଯିବି ନିଜପଥେ

Couplet 174

ମୋର ଶରୀର ଅବସାନେସମୁଦ୍ର ଘୋରନାଦସ୍ୱନେ

Couplet 175

ଗ୍ରାସିବ ଦ୍ୱାରକାଭୁବନଜଳେ ବୁଡ଼ିବେ ସର୍ବଜନ

Couplet 176

ଆଜ ନ ଥାନ୍ତୁ କେହି ପୁରେରଜନୀମୁଖେ ଯାନ୍ତୁ ତୀରେ

Couplet 177

ତାତ-ଜନନୀ-ନାରୀ ସଙ୍ଗେଇନ୍ଦ୍ରପ୍ରସ୍ଥେ ତୁ ଯାଅ ବେଗେ

Couplet 178

ଅର୍ଜୁନ ଅଛି ମୋ ଭୁବନେଆବୋରି ନିଅ ବେନିଜନେ

Couplet 179

ତୁ ଏବେ ହୁଅ ଜ୍ଞାନପରସକଳଭ୍ରମ କର ଦୂର

Couplet 180

ସଂସାର ମୋହ ଛାଡ଼ି ଚିତ୍ତେରହ ତୁ ମୋର ଧର୍ମପଥେ

Couplet 181

ଯେତେ ତୁ ଦେଖୁ ଜୀବଲୋକଏ ସର୍ବ ଦୁଃଖ ମହାଶୋକ

Couplet 182

ମୋର ମାୟାରେ ଏ ଚଳନ୍ତିମୋତେ ତୁ ଭଜ ଏହା ଚିନ୍ତି

Couplet 183

କୃଷ୍ଣର ଶୁଣି ଏ ବଚନଦାରୁକ ହୋଇ ହତଜ୍ଞାନ

Couplet 184

କୃଷ୍ଣଚରଣେ ଶିର ଦେଇନମିଲା ଦଣ୍ଡପ୍ରାୟ ହୋଇ

Couplet 185

ପ୍ରଣାମ କରି ପୁଣପୁଣନମିଲା ଅଭୟ ଚରଣ

Couplet 186

ଚରଣରେଣୁ ଶିରେ ଧରିକାନ୍ଦଇ ଉଚ୍ଚେ ନାଦ କରି

Couplet 187

ପଥ ନ ଦିଶେ ଦୁଃଖଶୋକେଦ୍ୱାରକା ଚଳିଲା ଦାରୁକେ

Couplet 188

ବୋଲଇ ଦାସ ଜଗନ୍ନାଥମୁଁ ଏବେ ହୋଇଲି ଅନାଥ