Adhyaya 30

Couplet 1

ଯୋଗସାଧନ ତତ୍ତ୍ୱ ବାଣୀଉଦ୍ଧବ କୃଷ୍ଣମୁଖୁଁ ଶୁଣି

Couplet 2

ସଂଶୟମନେ କରଯୋଡ଼ିବୋଲେ ଗୋବିନ୍ଦ ପାଦେ ପଡ଼ି

Couplet 3

ଭୋ ନାଥ ପ୍ରଭୁ ଦାମୋଦରଶୁଣିଲି ଯୋଗର ବିଚାର

Couplet 4

କ୍ଷଣଭଙ୍ଗୁର ଦେହ ଧରିକେ ଅବା ପାରେ ସାଧ୍ୟ କରି

Couplet 5

ସୁଖେ ଅଳପେ ସାଧ୍ୟ କରିତୋ' ମାୟା କେମନ୍ତେ ନିସ୍ତରି

Couplet 6

ଅନେକ ଜନ୍ମେ ଯୋଗୀ ନରେଯୋଗ ସାଧନ୍ତି ଏ ସଂସାରେ

Couplet 7

ଧ୍ୟାନ-ଧାରଣା-ଦୃଢାସନେଚିତ୍ତ ସଂଯମି ସାବଧାନେ

Couplet 8

ସେ ଯୋଗ ସାଧି ଏ ସଂସାରେକେ ଅବା ପାରେ କେ ନ ପାରେ

Couplet 9

ଏଣୁ ସଂସାରେ କେବା ଜନସାଧିବ ଯୋଗେ ତତ୍ତ୍ୱଜ୍ଞାନ

Couplet 10

ଉପାୟ କହ ନାଥ ମୋତେଏ ଜୀବ ନିସ୍ତରେ କେମନ୍ତେ

Couplet 11

ସୂକ୍ଷ୍ମେ ଅଳପେ ସାଧ୍ୟ କରିତୋ' ମାୟାଘୋରୁ ଯିବି ତରି

Couplet 12

ପଦ୍ମନୟନ ବିଶ୍ୱେଶ୍ୱରତୁ ନାଥ ଯଦୁବୀରବର

Couplet 13

ତୋହର ଅଭୟପୟରବ୍ରହ୍ମ ଆନନ୍ଦ ସୁଖଘର

Couplet 14

ସେ ପାଦପଦ୍ମ ଆଶ୍ରେ କଲେଜୀବ ସଂସାରୁ ତରେ ଭଲେ

Couplet 15

ସାର-ଅସାର ବିଚାରଣେଭୟେ ଭାଜିଲେ ବୁଧଗଣେ

Couplet 16

ଭକତିଯୋଗ ସାଧ୍ୟ କରିଭବୁଁ ଭକତେ ଯା'ନ୍ତି ତରି

Couplet 17

ଯୋଗୀଏ ଯୋଗମାର୍ଗେ ଭ୍ରମିଫୁଟି ହୁଅନ୍ତି ପଥଶ୍ରମୀ

Couplet 18

ଏ ତୋ ବିଚିତ୍ର ଗତି ମାୟାକେ ଜାଣିପାରେ ପ୍ରଭୁ ଏହା

Couplet 19

ଭୋ ନାଥ ମୋତେ କୃପାକରଏ ଘୋର ସଙ୍କଟୁ ଉଦ୍ଧର

Couplet 20

ଅନ୍ୟ ଶରଣ ନାହିଁ ଯା'ରତୋତେ ଯେ ଭଜେ ନିରନ୍ତର

Couplet 21

ତୁ ନାଥ ହେଉ ତା' ବିଶ୍ୱାସଦଣ୍ଡେ ନ ଛାଡ଼ୁ ତା'ର ପାଶ

Couplet 22

ଏ କଥା ଅଦ୍ଭୂତ କି ତୋତେତୁ ଯେ ଭକତଜନ ହିତେ

Couplet 23

ବାନର ଭାଲୁଙ୍କର ମେଳେତୋ' ଅବତାର ମହୀତଳେ

Couplet 24

ରାମ ସ୍ୱରୂପେ ନିଜ ଅଂଶେତୋହର ଜନ୍ମ ରଘୁବଂଶେ

Couplet 25

ସୁରେନ୍ଦ୍ର କିରୀଟ ଅଗ୍ରତତୋ' ପାଦରେଣୁରେ ଭୂଷିତ

Couplet 26

ଏମନ୍ତ ପ୍ରଭୁ ନିଜ ଅଙ୍ଗେବାନର ଭାଲୁଙ୍କର ସଙ୍ଗେ

Couplet 27

ଏଣୁ ତୋ ମହିମା ଅଦ୍ଭୂତକେ ମୁଖେ କହୁ ଗୋପୀନାଥ

Couplet 28

ତୁ ନାଥ ଜଗତ ଜୀବନଦରିଦ୍ର ପ୍ରାଣୀଙ୍କର ଧନ

Couplet 29

ଅଶେଷ ଭୁବନ କାରଣତୁ ନାଥ ଜଗତଧାରଣ

Couplet 30

ତୁ ନାଥ ଭୂତତତ୍ତ୍ୱଜ୍ଞାତାଅଶେଷ କର୍ମଫଳଦାତା

Couplet 31

ତୁ ପିତାମାତା ଦାଶରଥିଅଶେଷ ଜଗତର ପତି

Couplet 32

ତୋ' ପାଦସେବା ପରିହରିକେ ପାରେ ଭବସିନ୍ଧୁ ତରି

Couplet 33

ଯେ ତୋ'ର ମହିମା ନ ଜାଣିଅନ୍ୟ ଦେବତା ପୂଜେ ଆଣି

Couplet 34

ତପ ସମାଧି ଯୋଗବନ୍ଧେକି ଅବା ମୋକ୍ଷଧର୍ମ ସାଧେ

Couplet 35

କେବଳ ଅଚେତନ ସେହିତାହାର କର୍ମସିଦ୍ଧି କାହିଁ

Couplet 36

ମାୟା ମୋହିତ ରଜ ତମେବିଧାତା ରହେ ତା'ର ବାମେ

Couplet 37

ଯେ ଯେତେରୂପେ ଭଜେ ତୋତେତୁ ଥାଉ ତାହାଙ୍କ ଅଗ୍ରତେ

Couplet 38

କରୁ ତାହାଙ୍କ ଉପକାରଏଣୁ ଭକତେ ତୋ' କିଙ୍କର

Couplet 39

ଏ ଭାବେ ବ୍ରହ୍ମଜ୍ଞାନୀ ଜନେତୋ' ନାମ ଉଚ୍ଚାରି ବଦନେ

Couplet 40

ରୋମ ହରଷେ ତୋତେ ଚିନ୍ତିଆନନ୍ଦ ସାଗରେ ଭାସନ୍ତି

Couplet 41

ତୋ' ଗୁଣ ଖୋଜି କେ ପାରଇବ୍ରହ୍ମା ଆୟୁଷେ ଦେହ ବହି

Couplet 42

ତୋ' ପାଦପଦ୍ମ ସୁଧା ଆଶେଭକତ ବନ୍ଧା ପ୍ରେମପାଶେ

Couplet 43

ଭୋ ନାଥ ତୋ'ର ଅବତାରଅଶେଷ ପ୍ରାଣୀଙ୍କ ଉଦ୍ଧାର

Couplet 44

ଏ ଘୋରମାୟା ମୋହ କଳ୍ପେଜୀବ ଉଦ୍ଧାରୁ ଗୁରୁ ରୂପେ

Couplet 45

ତୁ ଅନ୍ତର୍ଯ୍ୟାମୀ ରୂପ ଧରିଦୁରିତ ଖଣ୍ଡୁ ନରହରି

Couplet 46

ଏଣୁ ତୁ ଜଗତକାରଣଅଶେଷେ ଜୀବ ତୋ' ଶରଣ

Couplet 47

ଏମନ୍ତ ଉଦ୍ଧବର ବାଣୀଶୁଣି ସନ୍ତୋଷ ଚକ୍ରପାଣି

Couplet 48

ତ୍ରିମୂର୍ତ୍ତି ଧାରୀ ଯେ ଈଶ୍ୱରଜଗତ ଯାର ଖେଳଘର

Couplet 49

ବିମ୍ବ ଅଧରେ ମନ୍ଦେ ହସିଉଦ୍ଧବେ କହନ୍ତି ଆଶ୍ୱାସି

Couplet 50

ଶୁଣ ଉଦ୍ଧବ ସାଧୁ ଧୀରଯେ ଧର୍ମ ପରମ ମଙ୍ଗଳ

Couplet 51

ଯେ ଧର୍ମ ଆଚରିଣ ନରହେଳେ ଖଣ୍ଡଇ ମୃତ୍ୟୁକାଳ

Couplet 52

ମୋହର ଅର୍ଥେ କର୍ମ କରସର୍ବ ଆରମ୍ଭ ଛାଡ଼ି ସ୍ମର

Couplet 53

ନିର୍ମଳ କର ବୁଦ୍ଧି-ମନମୋର ଚରଣେ କର ଧ୍ୟାନ

Couplet 54

ପୀରତି କରି ଶ୍ରଦ୍ଧାଚିତ୍ତେକର୍ମ ତୁ କର ମୋର ଅର୍ଥେ

Couplet 55

ପବିତ୍ର ଭୂମି ପୁଣ୍ୟଦେଶେମୋର ଭକତଜନ ପାଶେ

Couplet 56

ମୋର ଭକତ ବସେ ଯହିଁସକଳତୀର୍ଥ ଥାନ୍ତି ତହିଁ

Couplet 57

ଯେ ଧର୍ମ କରେ ମୋ ଭକତଉଦ୍ଧବ କର ସେହି ମତ

Couplet 58

ମୋ ଯାତ୍ରା-ପର୍ବ-ମହୋତ୍ସବଆନନ୍ଦେ କର ହେ ଉଦ୍ଧବ

Couplet 59

ନାମକୀର୍ତ୍ତନ ନୃତ୍ୟଗୀତେମଙ୍ଗଳ କର ଅନୁବ୍ରତେ

Couplet 60

ମୋର ମଙ୍ଗଳେ ସର୍ବସିଦ୍ଧିଯେ ମୋର ମହୋତ୍ସବ ବିଧି

Couplet 61

ସକଳ କର୍ମଫଳ ତେଜସର୍ବ ସମ୍ପୂର୍ଣ୍ଣେ ମୋତେ ଭଜ

Couplet 62

ସକଳ ଭୂତେ ବାସ ମୋ'ରମୁଁ ସର୍ବ ଅନ୍ତର ବାହାର

Couplet 63

ଉଦ୍ଧବ କର ମୋତେ ଧ୍ୟାନମୋ ବିନୁ କିଛି ନାହିଁ ଆନ

Couplet 64

ମୁଁ ନିରାଲମ୍ବ ନିରାଧାରେବସଇ ସକଳ ଶରୀରେ

Couplet 65

ସ୍ୱଭାବେ ମୁହିଁ ବିଶ୍ୱରୂପୀଦେଖ ଗଗନ ଯେହ୍ନେ ବ୍ୟାପୀ

Couplet 66

ଏଣୁ ମୁଁ ସର୍ବଭୂତେ ଥାଇପର ଅପର ମୋ'ର ନାହିଁ

Couplet 67

ଏ ଘେନି ସକଳ ସମାନେଦେଖୁ ତୁ ପ୍ରେମ-ତତ୍ତ୍ୱଜ୍ଞାନେ

Couplet 68

ବ୍ରାହ୍ମଣ କ୍ଷତ୍ରି ବୈଶ୍ୟ ଶୂଦ୍ରପତିତ ଚଣ୍ଡାଳ ବା କ୍ଷୁଦ୍ର

Couplet 69

ସର୍ବ ସମାନ ଦେଖ ଚିତ୍ତେଶୁଣ କହିବା କିଛି ମୋତେ

Couplet 70

ଅଗ୍ନି କଣିକା ବଡ଼ସାନଅନଳୁ ନୁହଇ ନା ଆନ

Couplet 71

ରବି ଶଶାଙ୍କ ରଶ୍ମି ଯେତେପ୍ରକାଶ ହୋନ୍ତି ଦିବାରାତ୍ରେ

Couplet 72

ବିଚାରେ ଚନ୍ଦ୍ରସୂର୍ଯ୍ୟ ସେହିଏମନ୍ତେ ସର୍ବଭୂତେ ମୁହିଁ

Couplet 73

କ୍ରୁର ଅକ୍ରୁର ଯେତେ ଜନତାହାଙ୍କୁ ଦେଖିବ ସମାନ

Couplet 74

ଏମନ୍ତ ଚିନ୍ତେ ଯା'ର ଚିତ୍ତତାହାକୁ ବୋଲି ସୁପଣ୍ଡିତ

Couplet 75

ମୁହିଁ ବସଇ ସର୍ବଭୂତେଏମନ୍ତେ ଦେଖୁଥିବ ନିତ୍ୟେ

Couplet 76

ମଦ ମାତ୍ସର୍ଯ୍ୟ ଅହଙ୍କାରକ୍ରମେ ସକଳ ହୋନ୍ତି ଦୂର

Couplet 77

ଶ୍ୱାନ ଚଣ୍ଡାଳ କୃମି ଖରଗୋ ଅଶ୍ୱ ବାନର ଶୂକର

Couplet 78

ଏ ଆଦି ପ୍ରାଣୀ ସାନବଡେଯେ ଆସି ମିଳିବ ନିଆଡେ଼

Couplet 79

ଦେଖି କପୋଳେ କର ଦେଇଭୂମିରେ ଦଣ୍ଡପ୍ରାୟ ଶୋଇ

Couplet 80

ଦୂରେ ନିବେଶି ଲଜ୍ଜାମାନଚରଣେ କରିବ ପ୍ରଣାମ

Couplet 81

ତାହାଙ୍କ ଗୁଣ ଦୋଷ ଯେତେମନେ ନ ଧରି କ୍ଷମ ଚିତ୍ତେ

Couplet 82

ଈଶ୍ୱର ବସେ ସର୍ବଦେହେଏ ଘେନି ନମିବ ନିର୍ଭୟେ

Couplet 83

ସମସ୍ତ ଭୂତେ ମୋ'ର ଭାବଯାବତ ନୋହିଛି ସମ୍ଭବ

Couplet 84

ତାବତ ଉପାସନା ମୋ'ରମନ ବଚନ କାୟେ କର

Couplet 85

ଏ ରୂପେ ଉପାସନ୍ତେ ମୋତେଈଶ୍ୱର ଦେଖି ସର୍ବଭୂତେ

Couplet 86

ଆତ୍ମା ସାକ୍ଷାତ ହୁଏ ଯେବେଛାଡ଼ିବ ସର୍ବକାମ ତେବେ

Couplet 87

ଏ ରୂପେ କରନ୍ତେ ବିଚାରଛାଡ଼ଇ ଭେଦ ତୋ'ର ମୋ'ର

Couplet 88

କାୟରେ ମନ ବଚନରେମୋ' ଭାବ ସର୍ବଭୂତେ କରେ

Couplet 89

ଏହି ସେ ସର୍ବଧର୍ମସାରଏ ବାକ୍ୟ ସମ୍ମତ ମୋହର

Couplet 90

ଉତ୍ତମ ଗତି ଏ ବୋଲାଇଏମନ୍ତ ମାର୍ଗେ ମୋତେ ପାଇ

Couplet 91

ଏ ଧର୍ମ ଅନୁଭବ ମାତ୍ରେତିଳେ ବିଚ୍ଛେଦ ନୋହେ ଗାତ୍ରେ

Couplet 92

କେବଳ କର୍ମଫଳ ତ୍ୟାଗେରମିବ ମୋର ଅନୁରାଗେ

Couplet 93

ଏ ଧର୍ମ ପରମ ମଙ୍ଗଳକେବେହେଁ ନାଶ ନାହିଁ ତା'ର

Couplet 94

ମୁହିଁ ଏ ଧର୍ମ ଆଶ୍ରେ କରିସଂସାର ବହେ ଅବତରି

Couplet 95

ଶୁଣ ଉଦ୍ଧବ ସାଧୁ ଧୀରଏ ଧର୍ମ ଆଚାର ମୋହର

Couplet 96

ଏ ଧର୍ମ ନ ଜାଣି ଯେ ନରକରଇ ଲୋକ-ବ୍ୟବହାର

Couplet 97

ସେ ବ୍ୟର୍ଥ-କର୍ମେ କ୍ଳେଶ ପାଇତା ଯେବେ ମୋତେ ସମର୍ପଇ

Couplet 98

ସେ ନର ଭବସିନ୍ଧୁ ତରେନ ପଡେ଼ ମୋହ-ଅନ୍ଧକାରେ

Couplet 99

ଏ ଧର୍ମମାର୍ଗେ ବୁଧଜନତରିଲେ ସଂସାର ଗହନ

Couplet 100

ଏଣୁ ଅସତ୍ୟମୟ ଦେହେଯେ ସତ୍ୟ ସାଧନ୍ତି ଉପାୟେ

Couplet 101

କେବଳ ଲଭନ୍ତି ସେ ମୋତେଶୁଣ ଉଦ୍ଧବ କହୁଁ ତୋତେ

Couplet 102

ଏ ସର୍ବଧର୍ମ ବେଦସାରମୁନିଜନଙ୍କୁ ଅଗୋଚର

Couplet 103

ଉଦ୍ଧବ କହିଲି ମୁଁ ସତ୍ୟଏ ଯେ ପରମଜ୍ଞାନତତ୍ତ୍ୱ

Couplet 104

ଏଣୁ ହୋ ଭବସିନ୍ଧୁ ତରିଯେବେ ତୁ ପାରୁ ଦୃଢେ ଧରି

Couplet 105

ଏହା ଯେ ଶ୍ରବଣେ ଶୁଣନ୍ତିସେ ମୋହଜାଲେ ନ ପଡ଼ନ୍ତି

Couplet 106

ଅଶେଷ ପାପ କରିଥିଲେତରନ୍ତି ଶ୍ରବଣେ ଶୁଣିଲେ

Couplet 107

ଦୁଷ୍ଟ ପତିତ ଦୁରାଚାରସେ ଶୁଣି ଭବୁ ହୋନ୍ତି ପାର

Couplet 108

ଏ ଧର୍ମ ବ୍ରହ୍ମ-ନିରୂପଣଶୁଦ୍ଧ ଗୁପତ ସନାତନ

Couplet 109

ଏ ଧର୍ମ ସାଧ୍ୟ ଥାଉଁ ଦୂରେଯେ ପ୍ରାଣୀ ଶୁଣି ଶ୍ରଦ୍ଧା କରେ

Couplet 110

ସକଳ ପାପୁଁ ସେ ତରଇଅନ୍ତେ ପରମପଦ ପାଇ

Couplet 111

ଏ ଧର୍ମ ପରମ ଆଖ୍ୟାନଯେ ମୋର ଭକ୍ତେ କରେ ଦାନ

Couplet 112

ଯେବା ଦିଅନ୍ତି ଉପଦେଶଲଭନ୍ତି ଧର୍ମ ପୁଣ୍ୟ ଯଶ

Couplet 113

ମୁଁ ତାକୁ ଦେଇ ଆତ୍ମପଦଏଣେ ସେ ନିସ୍ତରେ ପ୍ରମାଦ

Couplet 114

ଭକତେ କହେ ଯେ ବିସ୍ତାରିସେ ବ୍ରହ୍ମପଦେ ଅଧିକାରୀ

Couplet 115

ପରମ ପବିତ୍ର ଏ ବାଣୀସଂସାରୁ ତର ଏହା ଶୁଣି

Couplet 116

ଏହା ଯେ ପଢନ୍ତି ଶୁଣନ୍ତିପଣ୍ଡିତ ପଣେ ବଖାଣନ୍ତି

Couplet 117

ସେ ମୋର ଭକତ ବିଶ୍ୱାସଛେଦଇ ଦୃଢବନ୍ଧ ପାଶ

Couplet 118

ଏ ଧର୍ମ ପରମଗୁପତଅନେକ ଜନ୍ମେ ପରାପତ

Couplet 119

ବୋଲନ୍ତି ଶ୍ରୀମଧୁସୂଦନବୋଲନ୍ତି ଧନ୍ୟ ତୋ' ଜୀବନ

Couplet 120

ଏଣେ ତୁ କର ଦୃଢମନହେଳେ ଲଭିବୁ ଭଗବାନ

Couplet 121

ଯେ କାମ କ୍ରୋଧ ଶୋକ ମୋହହେଳେ ଖଣ୍ଡିବୁ ଭବଭୟ

Couplet 122

ସଂଶୟ ମୋହ ଜାଲ ସଙ୍ଗେଦଣ୍ଡେ ନ ଥିବ ତୋ'ର ଅଙ୍ଗେ

Couplet 123

ଶୁଣ ହୋ ସାବଧାନ ହୋଇଯେମନ୍ତ ଲୋକେ ଏହା କହି

Couplet 124

ସାଧୁ ଚରିତ ଲୋକପ୍ରିୟଶୁଚି ପବିତ୍ର ପୁଣ୍ୟଦେହ

Couplet 125

ବ୍ରାହ୍ମଣ-ଚରଣେ ଯେ ସେବେଦୋଷ ନ ଧରେ ପରାଭବେ

Couplet 126

ଏମନ୍ତ ପ୍ରାଣୀଙ୍କର ମଧ୍ୟେଏ ଧର୍ମ କହିବ ଆନନ୍ଦେ

Couplet 127

ଯେ ଶୂଦ୍ର ଭଜେ ମୋର ପଥେମୋ' ନାମ ଜପେ ହୃଦଗତେ

Couplet 128

ଯେ ନାରୀ ମୋର ଭାବେ ଥାଇସ୍ୱାମୀସଙ୍ଗତେ ମୋତେ ଧ୍ୟାୟି

Couplet 129

ମୋ' ନାମ ମୁଖେ ଯେହୁ ଜପେହରଷେ କି ଅବା ବିଳାପେ

Couplet 130

ସେ ପ୍ରାଣୀ ମୋହର ବିଶ୍ୱାସତାହାକୁ ଦେଇ ଉପଦେଶ

Couplet 131

ଦାମ୍ଭିକ ନାସ୍ତିକ କପଟୀକୁଟୀଳ ବିଷୟ ଲମ୍ପଟୀ

Couplet 132

ଭକତି ଶୂନ୍ୟ ମତିହୀନଯେ' ତମଯୁକ୍ତ ମୂଢଜନ

Couplet 133

ତାହାଙ୍କୁ ଏ ଧର୍ମ ନ କହିଶୁଣ ଉଦ୍ଧବ ମନେଦେଇ

Couplet 134

ଏ ଧର୍ମେ ଶ୍ରଦ୍ଧାଯୁକ୍ତ ନରକି ଧର୍ମ ଅବଶେଷେ ତା'ର

Couplet 135

ଯେବେ ଅମୃତ ପାନ କରେଆନ ରସେ କି ମନ ସ୍ପୁରେ

Couplet 136

ଯେ ଜ୍ଞାନକର୍ମ ଯୋଗବୃତ୍ତିଯେ ଅବା ଧର୍ମ ଦଣ୍ଡନୀତି

Couplet 137

ସାଧନେ ଯେ ଫଳ ପ୍ରତ୍ୟକ୍ଷଯେ ଧର୍ମ ଅର୍ଥ କାମ ମୋକ୍ଷ

Couplet 138

ଏ ସର୍ବ ସାଧନେ ଯେ ଲାଭସେ ସର୍ବ ମୁଁ ତୋ'ର ଉଦ୍ଧବ

Couplet 139

ଏ ଜ୍ଞାନକର୍ମ ଭକ୍ତିଯୋଗଶୁଣନ୍ତେ ଖଣ୍ଡେ ଭବରୋଗ

Couplet 140

ଏ ଧର୍ମ ବୃକ୍ଷରୂପ ହୋଇଭକତଜନ ହୃଦେ ଥାଇ

Couplet 141

ଭକତି ଫଳଇ ପ୍ରତ୍ୟକ୍ଷେଯେ ଧର୍ମ ଅର୍ଥ କାମ ମୋକ୍ଷେ

Couplet 142

ଏ ଧର୍ମ ଜୀବ ଯେବେ ଭଜେମୋର ଚରଣେ ସର୍ବ ତେଜେ

Couplet 143

ନିର୍ବାଣପଦ ତତକ୍ଷଣେଲଭଇ ମୋହର ସ୍ମରଣେ

Couplet 144

ତାର ସଂସାର-ମୋହ ତୁଟେସେ ଥାଇ ମୋହର ନିକଟେ

Couplet 145

ଉଦ୍ଧବ କୃଷ୍ଣମୁଖୁଁ ଶୁଣିତକ୍ଷଣେ ଯୋଡେ଼ ବେନିପାଣି

Couplet 146

ପ୍ରେମେ କୁଣ୍ଠିତ କଣ୍ଠଦ୍ୱାରକାତରେ କମ୍ପଇ ଶରୀର

Couplet 147

ପୁଲକେ ଅଙ୍ଗ ତାର ପୂରେବଦନୁ ବଚନ ନ ସ୍ପୁରେ

Couplet 148

କ୍ଷଣକେ ହୋଏ ହତଜ୍ଞାନକ୍ଷଣକେ ଚିତ୍ତ ସାବଧାନ

Couplet 149

ଆନନ୍ଦେ ଶିରେ କରଦେଇବୋଲଇ କୃଷ୍ଣ ତ୍ରାହି ତ୍ରାହି

Couplet 150

ବିକଳେ କୁଣ୍ଠିତବଚନବୋଲଇ ଶୁଣ ଭଗବାନ

Couplet 151

ଏ ମାୟା ମୋହ ଅନ୍ଧକାରତୋ'ର ପ୍ରସନ୍ନେ ହେଲା ଦୂର

Couplet 152

ତୋ'ର ଅଭୟପାଦ ତଳେମୁଁ ଯେ ବୁଡ଼ିଲି ଭାବଭୋଳେ

Couplet 153

ଅଗ୍ନି ସମ୍ମୁଖେ ଭାବଗ୍ରାହୀକ୍ଷଣେ ନ ପାରେ ଶୀତ ରହି

Couplet 154

ମୋର ଅଜ୍ଞାନ ସେହିମତେତୋ' ଆଗେ ରହିବ କେମନ୍ତେ

Couplet 155

ତୁ ମୋତେ ଭୃତ୍ୟ ଦେଖି ହରିଏ ଭାବେ ଅନୁଗ୍ରହ କରି

Couplet 156

ଅଜ୍ଞାନ-ଅନ୍ଧକାର ମୋରଜ୍ଞାନେ ଗୋବିନ୍ଦ କଲୁ ଦୂର

Couplet 157

ଅଶେଷଜନ୍ମ ପୁଣ୍ୟଫଳେପ୍ରାଣୀ ତୋ ଚରଣକମଳେ

Couplet 158

ତୋ' ଅନୁଗ୍ରହେ କରେ ସେବାସେ ନ ଜାଣଇ ଅନ୍ୟ ଦେବା

Couplet 159

ଏ ଦୃଢ ମୋହଜାଲ ମୋରତୋ' ଅନୁଗ୍ରହେ ଗଲା ଦୂର

Couplet 160

ପୁତ୍ର କଳତ୍ର ବନ୍ଧୁଜନଏ ବନ୍ଧୁ ତୁଟିଲା ମୋ' ମନ

Couplet 161

ନମୋ ଗୋବିନ୍ଦ ତୋ' ଚରଣଯେ ପାଦ ପରମ କାରଣ

Couplet 162

ମୁନୀନ୍ଦ୍ରଗଣେ ଯାହା ଚିନ୍ତିଏ ଘୋର ସଂସାରୁ ତରନ୍ତି

Couplet 163

ମୋତେ ବୁଝାଇ ଉପଦେଶେବୋଲୁ ଯେ ନ ଥା ମୋର ପାଶେ

Couplet 164

ନ ଦେଖି ଅଭୟ ଚରଣକେମନ୍ତେ ଧରିବି ମୁଁ ପ୍ରାଣ

Couplet 165

ଏ ଦୁଷ୍ଟ ଚଞ୍ଚଳ ମୋ' ଚିତ୍ତତୋ'ର ଚରଣେ ଜଗନ୍ନାଥ

Couplet 166

ନିଶ୍ଚଳେ ରଖିବି ଯେମନ୍ତେଶ୍ରୀମୁଖେ ଆଜ୍ଞା ହେଉ ମୋତେ

Couplet 167

ଶୁଣି ବୋଲନ୍ତି ଭାବଗ୍ରାହୀଉଦ୍ଧବ ବେଗେ ଚଳ ତୁହି

Couplet 168

ବଦରୀ-ନାରାୟଣାଶ୍ରମେକାନନେ ଚଳ ଯଥାକ୍ରମେ

Couplet 169

ମୋ'ର ଚରଣଜଳେ ଯାଇଶୀଘ୍ର ପଖାଳ ତୋ'ର ଦେହୀ

Couplet 170

ଆନନ୍ଦେ ସ୍ନାନ ପାନ କରସକଳ ପାପରୁ ନିସ୍ତର

Couplet 171

ଯେ ପାପ ଅଛି ତୋର ମନେଖଣ୍ଡିବୁ ଗଙ୍ଗା ଦରଶନେ

Couplet 172

ସ୍ନାନେ ନିର୍ମଳ ଚିତ୍ତ କରିମୋ' ନାମ ହୃଦୟେ ସୁମରି

Couplet 173

ଭକ୍ଷିବୁ ଶାକ-କନ୍ଦମୂଳପିନ୍ଧିବୁ ବୃକ୍ଷର ବକଳ

Couplet 174

ଶୀତ ବରଷା ଗ୍ରୀଷ୍ମକାଳେବସିବୁ ସମାଧି ନିଶ୍ଚଳେ

Couplet 175

ଶାନ୍ତ ସଂଯତ ସାଧୁ ହୋଇମୋର ଚରଣେ ଚିତ୍ତ ଦେଇ

Couplet 176

ଜ୍ଞାନ ବିଜ୍ଞାନ ସମମତିମୋ' ପାଦେ ମନ ବୁଦ୍ଧି ଚିନ୍ତି

Couplet 177

ମୁଁ ଯାହା କହିଅଛି ତୋତେବିଚାର କରି ତା' ସୁଚିତ୍ତେ

Couplet 178

ମୋତେ ସମର୍ପି ବାକ୍ୟ-ମନନିରତେ ସାଧି ମୋର ଧର୍ମ

Couplet 179

ତ୍ରିଗୁଣ ତେଜି ଅନ୍ତଃକାଳେପଶିବୁ ମୋ' ପାଦକମଳେ

Couplet 180

ଏବେ ତୁ ଶୀଘ୍ର ଚଳ ଏକାଆଶ୍ରମ ନାମ ବଦରିକା

Couplet 181

ତକ୍ଷଣେ ଆଜ୍ଞା ଶିରେ ଧରିକୃଷ୍ଣଙ୍କୁ ପ୍ରଦକ୍ଷିଣ କରି

Couplet 182

ଭାବେ ସେ କଲା ନମସ୍କାରକାନ୍ଦେ ଚରଣେ ଦେଇ ଶିର

Couplet 183

ପଡ଼ି ଲୋଟଇ ଭୂମିଗତେଅଜ୍ଞାନ ମୋହାଚ୍ଛନ୍ନ ଚିତ୍ତେ

Couplet 184

ଦେହ-ଜୀବନ ଜ୍ଞାନ ନାହିଁକାତରେ କମ୍ପେ ତା'ର ଦେହୀ

Couplet 185

କ୍ଷଣକେ ବିଚ୍ଛେଦ-କାତରେରୋଦନ କରେ ଉଚ୍ଚସ୍ୱରେ

Couplet 186

କୃଷ୍ଣଙ୍କୁ ଚାହିଁ କମ୍ପେ ଦେହୀବଦନୁ ବାକ୍ୟ ନ ସ୍ପୁରଇ

Couplet 187

ଉଠି କୃଷ୍ଣଙ୍କୁ ବୋଲେ ବାଣୀମୋତେ କି ଭଣ୍ଡୁ ଚକ୍ରପାଣି

Couplet 188

ସକଳ ତୀର୍ଥ ତୋ'ଚରଣେବଦ୍ରିକା ଯିବି କି କାରଣେ

Couplet 189

ଆଶ୍ରମ ନାମ ବଦରିକାସେ କି ତୋ' ଚରଣୁଁ ଅଧିକା

Couplet 190

ତୋତେ ନ ଦେଖି ନରହରିଜୀବନ ନ ପାରିବି ଧରି

Couplet 191

କୃଷ୍ଣ ବୋଲନ୍ତି ପୁଣପୁଣିଉଦ୍ଧବ କାନ୍ଦେ ତା ନ ଶୁଣି

Couplet 192

ଦେଖି ଉଦ୍ଧବର କାତରଦୟାସାଗର ଦାମୋଦର

Couplet 193

ରତ୍ନପାଦୁକା ପାଦୁଁ ଫେଇଉଦ୍ଧବ କରେ ଦେଲେ ନେଇ

Couplet 194

ବୋଇଲେ ପ୍ରଭୁ ବନମାଳୀଉତ୍ତରପଥେ ଯାଅ ଚଳି

Couplet 195

ଏ ପାଦତଳେ ତପ ଦାହିଅନ୍ତେ ପାଇବୁ ମୋତେ ତୁହି

Couplet 196

ଏମନ୍ତ କହୁଁ ନାରାୟଣଉଦ୍ଧବ କଲା ପ୍ରଦକ୍ଷିଣ

Couplet 197

ବେନି ପାଦୁକା ମୁଣ୍ଡେ ଧରିଉଦ୍ଧବ ଶୋକ ହୃଦେ ଭରି

Couplet 198

ତକ୍ଷଣେ ଛାଡ଼ି ମୋହ-ପାଶଧନ କୁଟୁମ୍ବ ଦାରା ଦାସ

Couplet 199

ପ୍ରାଣ ଆକୁଳ ଶୋକଭରେଉଦ୍ଧବ ଗଲା ଧୀରେ ଧୀରେ

Couplet 200

ହରିଙ୍କି ହୃଦୟ-କମଳେଆରାଧି ଜ୍ଞାନଯୋଗ ବଳେ

Couplet 201

ଉତ୍ତରମୁଖେ ଚଳିଯା'ନ୍ତେନୟନୁ ଅଶ୍ରୁ ଗଳେ ପଥେ

Couplet 202

କୃଷ୍ଣର ବିଚ୍ଛେଦ-କାତରେକରଯୁଗଳ ତାଡେ଼ ଶିରେ

Couplet 203

ବିକଳେ ଉଦ୍ଧବ ଚଳନ୍ତେମିଳିଲା ବଦରିକା ତୀର୍ଥେ

Couplet 204

ତପଆରାଧି ବନବାସେଯେମନ୍ତେ କୃଷ୍ଣ ଉପଦେଶେ

Couplet 205

ତପ ସମାଧି ଯୋଗବଳେଭକତି ବିସ୍ତାରି ଶୟଳେ

Couplet 206

ଭକତ ମଧ୍ୟେ ଶ୍ରେଷ୍ଠ ହୋଇଅନ୍ତେ ପରମଗତି ପାଇ

Couplet 207

ଦୟାଗାସର ନରହରିସ୍ୱଯଶ ଜଗତେ ବିସ୍ତାରି

Couplet 208

ସ୍ୱଭାବେ କୃଷ୍ଣ ଧର୍ମସେତୁସଂସାର-ଉଦ୍ଧାରଣ ହେତୁ

Couplet 209

ତା'ର ଇଙ୍ଗିତ କେବା ଜାଣେମହିମା ନିଗମ ବଖାଣେ

Couplet 210

କହନ୍ତି ବ୍ୟାସଙ୍କର ସୁତଶୁଣ ହୋ ରାଜା ପରୀକ୍ଷିତ

Couplet 211

ଗୋବିନ୍ଦ ନିଜଭୃତ୍ୟ ଅର୍ଥେଯାହା କହିଲେ ଜ୍ଞାନପଥେ

Couplet 212

ଅମୃତରସମୟ ବାଣୀଉଦ୍ଧବ ନିସ୍ତରିଲା ଶୁଣି

Couplet 213

ଯେ ପ୍ରାଣୀ ଶୁଣେ ଏହା କର୍ଣ୍ଣେହୃଦେ ଭକତି ଅନୁମାନେ

Couplet 214

ଆନନ୍ଦରସ ସୁଧାନିଧିଏଥେ ଯେ ବୁଡେ଼ ନିରବଧି

Couplet 215

ଶ୍ରଦ୍ଧା-ଭକତି-ଭାବେ ନିତିଶୁଣନ୍ତେ ନ ଲାଗେ ଦୁର୍ଗତି

Couplet 216

ସୁଖେ ସେ ଭବସିନ୍ଧୁ ତରେତା'ସଙ୍ଗେ ସଂସାରୁ ନିସ୍ତରେ

Couplet 217

ନିଜ ଭକତଜନ ଅର୍ଥେଭୃଙ୍ଗର ପ୍ରାୟ ବେଦପଥେ

Couplet 218

ସାର ଉଦ୍ଧାରି ଦାମୋଦରଉଦ୍ଧବେ ଦେଲେ ସୁଧାଧାର

Couplet 219

ଜ୍ଞାନ-ବିଜ୍ଞାନ-ସାର ଯେତେଉଦ୍ଧବ ସଞ୍ଚିଲା ଜଗତେ

Couplet 220

ଏ ଯେ ଶ୍ରୀକୃଷ୍ଣ ମୁଖସୁଧାପିବନ୍ତେ ତୁଟେ ଭବବାଧା

Couplet 221

ସେ ଆଦି-ଅନାଦି-ନିଧାନସ୍ୱଭାବେ ପୁରୁଷ ଉତ୍ତମ

Couplet 222

ସେ ନନ୍ଦନନ୍ଦନର ପାଦେଭକତି ଲଭେ ଅପ୍ରମାଦେ

Couplet 223

ବୋଲଇ ବିପ୍ର ଜଗନ୍ନାଥଶ୍ରୀଏକାଦଶେ ଭାଗବତ

Couplet 224

ଉଦ୍ଧବ ଗଲେ ଯେଉଁ ଦାଣ୍ଡେସେ ରେଣୁ ପଡ଼ୁ ମୋର ମୁଣ୍ଡେ

Couplet 225

ଭକତଜନ ପାଦେ ପଡ଼ିଏ ବର ମାଗେ କରଯୋଡ଼ି

Couplet 226

ପାମର ହୀନଜ୍ଞାନ ମୋରସୁଜନେ ଦୋଷ କ୍ଷମାକର

Couplet 227

କୃଷ୍ଣଚରଣେ ନାନାମତେଭକତି ହେଉ ଦୃଢଚିତ୍ତେ

Couplet 228

ଭକତେ ଏହି ଭାବେ ମିଶପାଇବ କୃଷ୍ଣ-ସୁଧା-ରସ