Adhyaya 28

Couplet 1

ଉଦ୍ଧବ କୃଷ୍ଣର ବଚନେଚିତ୍ତେ ଭକତି ଅନୁମାନେ

Couplet 2

ବୋଲଇ କୃଷ୍ଣ ମୁଖ ଚାହିଁଭୋ ନାଥ ଶୁଣ ଭାବଗ୍ରାହୀ

Couplet 3

ଶରୀର ବହି ଏ ସଂସାରେଜୀବ ସକଳ କର୍ମ କରେ

Couplet 4

ତୁମ୍ଭ ଭକତିଯୋଗ ଯେତେମୋତେ କହିଲ ନାନାମତେ

Couplet 5

ମାୟା-ପ୍ରପଞ୍ଚ ଏ ଜଗତତୁମ୍ଭ ଚରଣ ମାତ୍ର ସତ୍ୟ

Couplet 6

ଭକତଜନ ତୋ' ପୟରେପୂଜନ୍ତି କେମନ୍ତ ପ୍ରକାରେ

Couplet 7

ବେଦ ଆଗମ ଶାସ୍ତ୍ରମତେପରମଧର୍ମ ଏ ଜଗତେ

Couplet 8

ବ୍ୟାସ ଅଙ୍ଗିରା ବ୍ରହ୍ମାସୁତଯେ ଧର୍ମ ତାହାଙ୍କର ମତ

Couplet 9

ସକଳ ଗ୍ରନ୍ଥ ଅବଧାରିସେ କର୍ମଯୋଗ ଅଧିକାରୀ

Couplet 10

କର୍ମ-ସାଧନ ନାନାମତେକହନ୍ତି ପ୍ରାଣୀ ଶ୍ରେୟ ଅର୍ଥେ

Couplet 11

ଧର୍ମ କରନ୍ତି ନାନାମତେଏବେ ମୁଁ ପଚାରଇଁ ତୋତେ

Couplet 12

ତୋ' ମୁଖକମଳୁ ଗଳିତଶୁଚି-ସୁରୁଚି-ସୁଲଳିତ

Couplet 13

ଏ କର୍ମଯୋଗ ତୁମ୍ଭେ ମୁଖେକହିଲ ମୁନିଙ୍କ ସମ୍ମୁଖେ

Couplet 14

ଏ କଥା ପାର୍ବତୀ ସମ୍ମୁଖେଈଶ୍ୱର କହିଛନ୍ତି ସୁଖେ

Couplet 15

ମୋ' ମନ ବିନା କର୍ମଯୋଗେସ୍ଥିର ନ ରହେ ହୃଦଭାଗେ

Couplet 16

ଏ କର୍ମଯୋଗ ଧର୍ମସାରସକଳ ବର୍ଣ୍ଣେ ଅଧିକାର

Couplet 17

ସ୍ତ୍ରୀ ଶୂଦ୍ର ଆଦି ଯେତେ ପ୍ରାଣୀତରନ୍ତି କର୍ମଯୋଗ ଜାଣି

Couplet 18

କେମନ୍ତେ ଜୀବକୁ ଉଦ୍ଧାରିଏ ଦେହେ ଭକ୍ତିଭାବ କରି

Couplet 19

ଏଥି ସଂଶୟ କହ ମୋତେଯେମନ୍ତେ ଯାଇ ମୁଁ ପରତେ

Couplet 20

ଏସନ ଶୁଣି ଜଗଦୀଶସଧୀରେ ମନ୍ଦମନ୍ଦ ହାସ

Couplet 21

ଅମଳ-କମଳ-ଲୋଚନଏ କର୍ମବନ୍ଧ ବିମୋଚନ

Couplet 22

ଶୁଣି ଉଦ୍ଧବ ବାକ୍ୟସାରବୋଲନ୍ତି ପ୍ରଭୁ ଦାମୋଦର

Couplet 23

ଶୁଣ ଉଦ୍ଧବ ଏକମନେଯାହା ପୁଚ୍ଛିଲୁ ସନ୍ନିଧାନେ

Couplet 24

ଉଦ୍ଧବ କର୍ମଯୋଗ-କଥାକେବା କଥନେ ସାମରଥା

Couplet 25

ଅନନ୍ତ ମହିମା କର୍ମରକେ କରିପାରିବ ଗୋଚର

Couplet 26

କିଛି କହିବା ସଂକ୍ଷେପରେଶୁଣ ଉଦ୍ଧବ ମନ ସ୍ଥିରେ

Couplet 27

ଯେ କର୍ମଯୋଗ - ପ୍ରକରଣଅଶେଷ ଜୀବ ପରିତ୍ରାଣ

Couplet 28

ଆଗମ-ନିଗମ-ପୁରାଣେସକଳ ଶାସ୍ତ୍ରେ ଯା' ବଖାଣେ

Couplet 29

ତ୍ରିବିଧ-ମତେ ସେ କହନ୍ତିମୋ' ପାଦପୂଜା ଅର୍ଥେ ଚିନ୍ତି

Couplet 30

ଏଣୁ ଯାହାର ଯେଣେ ଇଚ୍ଛାକରନ୍ତି ନାନାମତେ ଦୀକ୍ଷା

Couplet 31

ଅଶେଷ ଜନ୍ମ ପୁଣ୍ୟଭାଗ୍ୟେମୋତେ ପୂଜନ୍ତି କର୍ମଯୋଗେ

Couplet 32

ବ୍ରାହ୍ମଣକୂଳେ ଜନ୍ମ ହୋଇଯଜ୍ଞୋପବୀତ କନ୍ଧେ ବହି

Couplet 33

ଗୁରୁବଚନ ମନେ ଧରିଗାୟତ୍ରୀ ଉପଦେଶ କରି

Couplet 34

ଶ୍ରଦ୍ଧା-ଭକତି କରି ଚିତ୍ତେଯେ ଅବା ପୂଜିବ ଯେମନ୍ତେ

Couplet 35

ଶୁଣ ମୋ' ପୂଜାବିଧି ଯେତେଭାବେ କହିବା ତୋ' ଅଗ୍ରତେ

Couplet 36

ପ୍ରତିମା ସ୍ଥାପି ଭୂମିତଳେଅଥବା ସ୍ଥଣ୍ଡିଳେ ଅନଳେ

Couplet 37

ସୂର୍ଯ୍ୟେ ପୂଜିବ କିବା ଜଳେଅଥବା ହୃଦୟ-କମଳେ

Couplet 38

ଶ୍ରଦ୍ଧା-ଭକତି ଚିତ୍ତ ଯୁତେଦ୍ରବ୍ୟ ସମର୍ପି ନାନାମତେ

Couplet 39

ଗୁରୁଚରଣ ଭାବେ ଭଜିମୋତେ ପୂଜିବ ମାୟା ତେଜି

Couplet 40

ସ୍ୱଭାବେ ଶୁଚିମନ୍ତ ହୋଇଦନ୍ତ ବଦନ ଜଳେ ଧୋଇ

Couplet 41

ସ୍ନାନ କରିବ ଯଥାକାଳେପ୍ରଭାତେ ପୁଣ୍ୟ ନଦୀଜଳେ

Couplet 42

ବେଦ ଆଗମ ମନ୍ତ୍ରମତେସ୍ନାନ କରିବ ଶୁଦ୍ଧଚିତ୍ତେ

Couplet 43

ଯେ'ମୋତେ ଶ୍ରଦ୍ଧାରେ ପୂଜିବସେ ନିତ୍ୟକର୍ମ ନ ତେଜିବ

Couplet 44

କେବଳ ଈଶ୍ୱର-ଭାବନେସଙ୍କଳ୍ପ କରି ଶୁଦ୍ଧମନେ

Couplet 45

ଦାରୁପାଷାଣ ଧାତୁମୟୀଲେପ ଲେଖନ ମଣିମୟୀ

Couplet 46

ବାଲୁକାମୟୀ ମନୋମୟୀଏମନ୍ତ ପ୍ରତିମା ଭିଆଇ

Couplet 47

ଏ ଅଷ୍ଟପ୍ରକାରେ ପ୍ରତିମାସୁନ୍ଦର ସ୍ୱରୂପ ଉତ୍ତମା

Couplet 48

ଏ ବେନିମୂର୍ତ୍ତି ଚଳାଚଳବିଷ୍ଣୁର ପୂଜାର ମନ୍ଦିର

Couplet 49

ନିର୍ମାଣ କରି ବିଷ୍ଣୁରୂପେନିଶ୍ଚଳେ ପୂଜିବ ସମୀପେ

Couplet 50

ଯେ ଆବାହନ ବିସର୍ଜନଚଳ-ପ୍ରତିମାର ଅର୍ଚ୍ଚନ

Couplet 51

ଅଚଳେ ନ କରି ଏମନ୍ତଏ ବୁଧଜନଙ୍କର ମତ

Couplet 52

ଲେପ-ଲେଖନେ ଯେତେ ହୋଇସ୍ନାନ ମାର୍ଜନା ନ କରାଇ

Couplet 53

ସ୍ନାନ-ମାର୍ଜନେ ଇଚ୍ଛା ଯେବେଦର୍ପଣେ କରାଇବ ତେବେ

Couplet 54

ଯତ୍ନେ ଉତ୍ତମଦ୍ରବ୍ୟ ଆଣିପବିତ୍ର ଗନ୍ଧ ପୁଷ୍ପ ପାଣି

Couplet 55

ମାୟା ନ ଥିବ ଦେହ ମଧ୍ୟେବିଧାନେ ପୂଜିବ ଆନନ୍ଦେ

Couplet 56

ଯଦ୍ୟପି ଭକତ ଅଗ୍ରତେଯେ କିଛି ଲଭେ ଅଯାଚିତେ

Couplet 57

ତେଣେ ପୂଜିବ ନରହରିହୃଦେ ଭକତିଭାବ ଭରି

Couplet 58

ଦିବ୍ୟ-ପ୍ରତିମା ପୂଜି ଯେବେନାନା ଉପହାର ସ୍ୱଭାବେ

Couplet 59

ଚନ୍ଦନ ବସ୍ତ୍ର ଅଳଙ୍କାରଭକ୍ଷ୍ୟ-ଭୋଜନ ମନୋହର

Couplet 60

ସ୍ଥଣ୍ଡିଳେ ଯେବେ ପୂଜା କରିମନ୍ତ୍ରବେଭାରେ ନ୍ୟାସ କରି

Couplet 61

ଅନଳେ ପୂଜିବ ଯେ ମୋତେହୋମ କରିବ ମୂଳମନ୍ତ୍ରେ

Couplet 62

ରବି ପୂଜିବ ଅର୍ଘ୍ୟଜଳେମୁଁ ଥାଇ ଆଦିତ୍ୟ-ମଣ୍ଡଳେ

Couplet 63

ଏଣୁ ରସାଳ ଦ୍ରବ୍ୟ ଯେତେଦେବ-ଆଦିତ୍ୟ ମୁଖେ ମୋତେ

Couplet 64

ଜଳେ ପୂଜିବ ଜଳଦ୍ରବ୍ୟେଏ ମୋର ପୂଜାର ସ୍ୱଭାବେ

Couplet 65

ଦରିଦ୍ର ପ୍ରାଣୀ ଯେବେ ମୋତେଦୃଢେ ପୂଜଇ ଭାବ-ଚିତ୍ତେ

Couplet 66

ତାହାର ଜଳପୁଷ୍ପ ମୁହିଁଅଣୁ ପ୍ରମାଣେ ଯେବେ ପାଇ

Couplet 67

ସନ୍ତୋଷେ କରଇ ଆହାରଯେଣୁ ଭକତ ବନ୍ଧୁ ମୋର

Couplet 68

ସେ ଯେବେ ଅଣୁମାତ୍ରେ ଦେଇମୁଁ ତାହା ବହୁତେ ଘେନଇ

Couplet 69

ଯେ ମେରୁତୁଲ୍ୟ ନାନାଦ୍ରବ୍ୟେମୋତେ ସମର୍ପଇ ଅଭାବେ

Couplet 70

ଶ୍ରଦ୍ଧା ନ ଥାଇ ଅନ୍ତର୍ଗତେମୁଁ ତାହା ଛୁଇଁବି କେମନ୍ତେ

Couplet 71

ସୁଗନ୍ଧ ପୁଷ୍ପ ଧୂପଦୀପବସ୍ତ୍ର ଭୂଷଣ ରତ୍ନକଳ୍ପ

Couplet 72

ତେଣେ ମୋ' ନାହିଁ ମନଶୁଦ୍ଧିଏବେ ହୋ ଶୁଣ ପୂଜାବିଧି

Couplet 73

ଯେ ଭାବେ ଯେମନ୍ତେ ପୂଜିଲେଜୀବ ନିସ୍ତାର ଲଭେ ଭଲେ

Couplet 74

ପବିତ୍ର ଜଳେ ସ୍ନାନ କରିବସ୍ତ୍ର ତିଳକ କୁଶ ଧରି

Couplet 75

ସକଳ ଦ୍ରବ୍ୟ ଅବଧାନେଘେନି ମିଳିବ ପୂଜାସ୍ଥାନେ

Couplet 76

ବ୍ରାହ୍ମଣ ପୂଜେ ଯେବେ ମୋତେଅଖଣ୍ଡ କୁଶ ଘେନି ହସ୍ତେ

Couplet 77

ମନ୍ତ୍ର ଉଚ୍ଚାରି ପୂର୍ବ ଅଗ୍ରେକୁଶ ସ୍ଥାପିବ ଭୂମିଭାଗେ

Couplet 78

ପୂର୍ବ-ଦିଗକୁ ମୁଖକରିବସିବ ଆସନ ଆବୋରି

Couplet 79

ଅଙ୍ଗ ଶୋଧିବ ଅଙ୍ଗନ୍ୟାସେମନ୍ତ୍ର ଉଚ୍ଚାରି ବେନିପାଶେ

Couplet 80

ମନ୍ତ୍ର ସୁମରି କୁଶ ନୀରେମାର୍ଜନା କରି ଆତ୍ମଶିରେ

Couplet 81

ପୂଜାର ଦ୍ରବ୍ୟ ପୂଜାଭୂମିମାର୍ଜିବ ଆପଣା ମୂର୍ଦ୍ଧନି

Couplet 82

ବାହ୍ୟ-ପବିତ୍ର କରି ଗାତ୍ରସମ୍ମୁଖେ ସ୍ଥାପି ତିନିପାତ୍ର

Couplet 83

କ୍ରମେ ସ୍ଥାପିବ ତିନିସ୍ଥାନଯେ ପାଦ୍ୟ ଅର୍ଘ୍ୟ ଆଚମନ

Couplet 84

ଓଁକାର ପୂର୍ବ ନମୋ ମନ୍ତ୍ରେଶୋଧନ କରି ପାଦ୍ୟପାତ୍ରେ

Couplet 85

ସ୍ୱାହା ସୁମରି ଅର୍ଘ୍ୟପାତ୍ରେପ୍ରୋକ୍ଷଣ କରିବ ପବିତ୍ରେ

Couplet 86

ତୃତୀୟ ଆଚମନ ପାତ୍ରେଜଳକ୍ଷେପିବ ଶିଖାମନ୍ତ୍ରେ

Couplet 87

ଗାୟତ୍ରୀ ମନ୍ତ୍ରେ ସର୍ବ ଦ୍ରବ୍ୟେଜଳ ସିଞ୍ଚିବ ଶୁଦ୍ଧଭାବେ

Couplet 88

ସଂପୁଟେ ଯୋଡ଼ି ବେନିକରଚିନ୍ତିବ ହୃଦୟ-କମଳ

Couplet 89

ମନ ପବନ କରି ସ୍ଥିରେବସିବ ପଦ୍ମ ଆସନରେ

Couplet 90

ପରମଆତ୍ମା ଦିବ୍ୟମୂର୍ତ୍ତିହୃଦୟପଦ୍ମ ମଧ୍ୟେ ଚିନ୍ତି

Couplet 91

ଲବ ନିମିଷ ଦଣ୍ଡମାତ୍ରେମୂର୍ତ୍ତି ନିଶ୍ଚଳ କରି ଗାତ୍ରେ

Couplet 92

ଏମନ୍ତ ଧ୍ୟାନ-ପୂଜା ସାରିପଛେ ମଣ୍ଡଳେ ପୂଜା କରି

Couplet 93

ସ୍ୱମନ୍ତ୍ରେ ଆବାହନ କରିଦେହେ ସ୍ଥାପିବ ମୁଦ୍ରା ଧରି

Couplet 94

ହୃଦୟ ଆଦି ଚାରିଦେଶେନ୍ୟାସ କରିବ ମନ୍ତ୍ରନ୍ୟାସେ

Couplet 95

ବିବିଧ-ଦ୍ରବ୍ୟ ଉପହାରେପୂଜା ପ୍ରକାଶିବ ବେଭାରେ

Couplet 96

ଯେ ପାଦ୍ୟ ଅର୍ଘ୍ୟ ଆଚମନମନ୍ତ୍ରେ କରିବ ନିବେଦନ

Couplet 97

ଧର୍ମାଦି ଅଷ୍ଟମୂର୍ତ୍ତି ଧ୍ୟାନେମନ୍ତ୍ରେ ସ୍ଥାପିବ ଯଥାସ୍ଥାନେ

Couplet 98

ବିମଳା ଆଦି ନବଶକ୍ତିନ୍ୟାସେ ପୂଜିବ ଯଥାସ୍ଥିତି

Couplet 99

ମଧ୍ୟେ କଳ୍ପିବ ଅଷ୍ଟଦଳକୋମଳ ଉଜ୍ଜ୍ୱଳ କମଳ

Couplet 100

କର୍ଣ୍ଣିକା କେଶର ସହିତେବେଦ ଆଗମ ମନ୍ତ୍ରତନ୍ତ୍ରେ

Couplet 101

ଏମନ୍ତେ ପୂଜିବ ବିଧାନେଯେପରି ଭେଦ ଅନୁମାନେ

Couplet 102

ଶଙ୍ଖ ଚକ୍ର ଗଦା କମଳପୂଜିବ ଲାଙ୍ଗଳ ମୁଷଳ

Couplet 103

ଖଡ଼ଗ ବାଣ ଶରାସନଯେ ବିଧି ଅସ୍ତ୍ରପୂଜାମାନ

Couplet 104

ଶ୍ରୀବତ୍ସ ବନମାଳା ମଣିଧ୍ୟାନେ ପୂଜିବ ସ୍ଥାନ ଜାଣି

Couplet 105

ସମ୍ପୂର୍ଣ୍ଣ ପାରିଷଦବୃନ୍ଦସୁବଳ ନନ୍ଦ ଯେ ସୁନନ୍ଦ

Couplet 106

ପ୍ରଚଣ୍ଡ ମହାବଳ ଚଣ୍ଡସୁବୀର ଗରୁଡ଼ ଉଦ୍ଦଣ୍ଡ

Couplet 107

କୁମୁଦ କୁମୁଦଲୋଚନପାର୍ବତ୍ୟ ପାର୍ବତୀନନ୍ଦନ

Couplet 108

ପୂଜିବ ବ୍ୟାସ ବିଶ୍ୱକ୍‌ସେନଗୁରୁଙ୍କ ତୁଲେ ଦେବଗଣ

Couplet 109

ସମସ୍ତ ପାର୍ଷଦ ବିଧାନେପୂଜିବ ନିଜ ନିଜ ସ୍ଥାନେ

Couplet 110

କର୍ପୂର ଉଶୀର ଚନ୍ଦନକୁଙ୍କୁମ ଗୋଳା ଜଳେ ସ୍ନାନ

Couplet 111

ଦିବ୍ୟ ଉପହାର ଘଟନେନିଗମ ପୁରାଣ ବଚନେ

Couplet 112

ସୁଗନ୍ଧ ବସ୍ତ୍ର ଅଳଙ୍କାରଯଜ୍ଞୋପବୀତ ଉପହାର

Couplet 113

ଲେପନ ସୁଗନ୍ଧ ଚନ୍ଦନବକ୍ଷଗଣ୍ଡରେ ସୁମଣ୍ଡନ

Couplet 114

କୁସୁମ ପାଦ୍ୟ ଅର୍ଘ୍ୟଦାନପବିତ୍ର ଜଳେ ଆଚମନ

Couplet 115

ସୁମନୋହର ଧୂପଦୀପଶ୍ରଦ୍ଧାରେ ଦେବ ମୋ' ସମୀପ

Couplet 116

ଗୁଡ଼ ପାୟସ ଘୃତପାକନାନାପ୍ରକାର ଯେ ମୋଦକ

Couplet 117

ଅନ୍ନ ବ୍ୟଞ୍ଜନ ନାନାପାକପିଷ୍ଟ ପ୍ରପାନ ସୂପ ଶାକ

Couplet 118

କ୍ଷୀର ବିକାର ଯେତେ ମିଳେସୁଗନ୍ଧ ସୁଶୀତଳ ଜଳେ

Couplet 119

ବିଭବ କ୍ରମେ ମିଳେ ଯେତେଥୋଇବ ମୋହର ଅଗ୍ରତେ

Couplet 120

ସୁଗନ୍ଧ ତଇଳେ ଅଭ୍ୟଙ୍ଗମର୍ଦ୍ଦନ କରି ମୋର ଅଙ୍ଗ

Couplet 121

ମୋ'ର ମଙ୍ଗଳ ଅଭିଷେକବିଧିପ୍ରକାରେ ଏକ ଏକ

Couplet 122

ଆନନ୍ଦେ ମୋର ପୂଜା ସାରିପ୍ରମୋଦେ ନୃତ୍ୟ-ଗୀତ କରି

Couplet 123

ମୋତେ ପୂଜିବ ବାରେବାରେଯଥା ବିଭବ ଅନୁସାରେ

Couplet 124

ପୂଜାର ଅନ୍ତେ ଅଗ୍ନିକୁଣ୍ଡେହୋମ କରିବ ଘୃତଖଣ୍ଡେ

Couplet 125

ଅନଳ ମଧ୍ୟେ ରୂପ ମୋ'ରଦେଖିବ ଏମନ୍ତ ପ୍ରକାର

Couplet 126

ତପ୍ତ-କାଞ୍ଚନ ମନୋହରଅତି ରୁଚିର କଳେବର

Couplet 127

ନିଜ ଆୟୁଧ ଚାରିଭୁଜେପୀତବସନ କଟୀ ମାଝେ

Couplet 128

କିରୀଟ କୁଣ୍ଡଳ ବିରାଜେରତ୍ନ ମେଖଳା କଟୀ ସାଜେ

Couplet 129

ମର୍କତ କେୟୂର କଙ୍କଣହୃଦରେ ଶ୍ରୀବତ୍ସର ଚିହ୍ନ

Couplet 130

କୌସ୍ତୁଭମଣି ଶୋହେ ଗଳେସୁନ୍ଦର ଦିଶେ ବନମାଳେ

Couplet 131

ଏ ଦିବ୍ୟରୂପ ଅଗ୍ନିମଧ୍ୟେଧ୍ୟାନେ ଚିନ୍ତିବ ହୃଦପଦ୍ମେ

Couplet 132

ଘୃତ ଆହୁତି ମୂଳମନ୍ତ୍ରେହୋମ କରିବ ବେଦତନ୍ତ୍ରେ

Couplet 133

ଯେ ନାମ-ଗୋତ୍ର ଉଚ୍ଚାରିଣପୂଜିବ ପାରିଷଦଗଣ

Couplet 134

ପ୍ରଣାମ କରି ଜଣେଜଣେପୂଜିବ ବେଦ ଉଚ୍ଚାରଣେ

Couplet 135

ଏ ଅନ୍ତେ ପାରିଷଦଗଣେବଳି କରିବ ସମର୍ପଣେ

Couplet 136

ନିଶ୍ଚଳେ ମୂଳମନ୍ତ୍ର ଜପିବ୍ରହ୍ମ ସ୍ମରଣେ ଚିତ୍ତ ସ୍ଥାପି

Couplet 137

ଧ୍ୟାନେ ଭୋଜନ ଶେଷ ଜାଣିସମର୍ପି ଆଚମନ ପାଣି

Couplet 138

ମୋର ନିର୍ମାଲ୍ୟ ଶେଷଭାଗବିଶ୍ୱକସେନେ ତାହା ଦେବ

Couplet 139

କର୍ପୂର ଗନ୍ଧଫଳ ମିଶ୍ରେତାମ୍ବୁଳ ଦେବ ମୁଖବାସେ

Couplet 140

ସୁଗନ୍ଧ ପୁଷ୍ପ ଘେନିକରେତ୍ରିବାର ଦେବ ମୋ'ର ଶିରେ

Couplet 141

ମୋ'ର ପବିତ୍ର-ଯଶଗୁଣମଙ୍ଗଳ ନାମ ଉଚ୍ଚାରଣ

Couplet 142

ନୃତ୍ୟ କରିବ ଉଚ୍ଚେ ଭଣିକର୍ଣ୍ଣେ ମୋହର କଥା ଶୁଣି

Couplet 143

ଯତ୍ନେ କରିବ ଅଭିନୟମୋହର କର୍ମ-ସମୁଦାୟ

Couplet 144

ମୋ' କଥା ଶୁଣି ଶୁଣାଇଣଏକାଗ୍ରଭାବ କରି ମନ

Couplet 145

ବିଷୟ ଦ୍ୱନ୍ଦ ଅବଧାନେଯେବେ ନ ପାର ମୋ ପୂଜନେ

Couplet 146

ସ୍ତୁତି ପଠନେ ମୋ'ର ମନସ୍ତବନେ କରାଇ ପ୍ରସନ୍ନ

Couplet 147

ବେଦପୁରାଣେ ସ୍ତୁତି ଯେତେଆନନ୍ଦେ ପଢି ମୋ ଅଗ୍ରତେ

Couplet 148

ନମସ୍ତେ ଲକ୍ଷ୍ମୀଦେବୀକାନ୍ତଉଚ୍ଚାରି ଯୋଡ଼ି ବେନିହସ୍ତ

Couplet 149

ତ୍ରିବାର କରି ପ୍ରଦକ୍ଷିଣଦଣ୍ଡ ପ୍ରଣାମ ପୁଣପୁଣ

Couplet 150

ମୋ'ର ଚରଣେ ଶିର ଦେଇବୋଲିବ କୃଷ୍ଣ ତ୍ରାହି ତ୍ରାହି

Couplet 151

ଅନାଦି ଧର୍ମ-ନିରାକାରଭବ-ସାଗରୁ କର ପାର

Couplet 152

ଏ ରୂପେ ନମସ୍କାର କରିପୂଜା-ଉଦକ ଶିରେ ଧରି

Couplet 153

ପଛେ କରିବ ବିସର୍ଜନଦେଖି ସକଳଭୂତେ ପୂର୍ଣ୍ଣ

Couplet 154

ଏମନ୍ତ ରୂପ ମୋର ଯେତେମୂର୍ତ୍ତି କରାଇ ଶୁଦ୍ଧଚିତ୍ତେ

Couplet 155

ମୋତେ ପୂଜିବ ପ୍ରିୟଭାବେଯେ ବିଧି ପୂଜାର ପ୍ରସ୍ତାବେ

Couplet 156

ଏମନ୍ତ ଭାବେ ନିତ୍ୟେ ନିତ୍ୟେଯେ ପ୍ରାଣୀ ପୂଜୁଥାନ୍ତି ମୋତେ

Couplet 157

ସର୍ବ ସମ୍ପଦ ଅନୁକୂଳଲଭନ୍ତି ପରମ ମଙ୍ଗଳ

Couplet 158

ମୋର ପ୍ରତିମା କରି ବେଶଦୃଢ-ମନ୍ଦିରେ ଦେଇ ବାସ

Couplet 159

ସୁଗନ୍ଧ-ପୁଷ୍ପ-ଉପବନନାନା ପ୍ରକାରେ କ୍ରୀଡ଼ାସ୍ଥାନ

Couplet 160

ମୋହର ଉତ୍ସବ ସମସ୍ତକରିବ ଶକ୍ୟ ଅନୁମତ

Couplet 161

ମୋର ଉତ୍ସବ ପର୍ବାପର୍ବେଭାବେ ପୂଜିବ ନାନାଦ୍ରବ୍ୟେ

Couplet 162

ଏମନ୍ତେ ପୂଜି ବହୁବିଧେବଞ୍ଚିବ ଉତ୍ସବ ଆନନ୍ଦେ

Couplet 163

କୃଷି ବାଣିଜ୍ୟ ବ୍ୟବହାରେଜୀବିକା ଉପାୟ ପ୍ରକାରେ

Couplet 164

ନିବାସ ପୁର ଗ୍ରାମ ଆଦିଯେ ଅବା ସମ୍ପଦ ପ୍ରସିଦ୍ଧି

Couplet 165

ସମର୍ପି ମୋହର ଚରଣେମୋ' ନାମ ଉଚ୍ଚାରି ବଦନେ

Couplet 166

ସାଲୋକ୍ୟ-ମୁକ୍ତିପଦ ତା'ରନିବାସ ଲଭେ ମୋ'ର ପୁର

Couplet 167

ଏ ମୋର ପୂଜାର ଲକ୍ଷଣଉଦ୍ଧବ ଏକମନେ ଶୁଣ

Couplet 168

ଯେ ମୋତେ ଦ୍ୟନ୍ତି ଗୃହ ଦାନହେଳେ ଲଭନ୍ତି ତ୍ରିଭୁବନ

Couplet 169

ମୋତେ ମଣ୍ଡପେ ସ୍ଥାପି ଯେବେପ୍ରତିଷ୍ଠା କରେ ପ୍ରିୟଭାବେ

Couplet 170

ସପତଦ୍ୱୀପ ହୋଏ ରାଜାମୋହର ପ୍ରାୟେ ଲଭେ ପୂଜା

Couplet 171

ଯେ ମୋତେ ପୂଜେ ଏ ସଂସାରେଲଭନ୍ତି ଏ ତିନି ପ୍ରକାରେ

Couplet 172

ଯେ ନିରପେକ୍ଷ ଭକ୍ତିଯୋଗଆତ୍ମା ନିସ୍ତାର ସୁଖମାର୍ଗ

Couplet 173

ମୋ'ର ଚରଣେ ଦୃଢେ଼ ଭଜେମାୟା-ସଂସାର ଭ୍ରମ ତେଜେ

Couplet 174

କେବଳ ଲାଭ ମୋ'ର ଧାମସେ ପ୍ରାଣୀ ଲଭେ ପୂର୍ଣ୍ଣକାମ

Couplet 175

ବିବିଧ-ସନ୍ତାପୁ ସେ ତରେନ ବୁଡେ଼ ଘୋର ଅନ୍ଧକାରେ

Couplet 176

ଏ ରୂପେ ମୋତେ ଯେ ପୂଜନ୍ତିହୃଦେ ଭକତିଭାବ ଚିନ୍ତି

Couplet 177

ମୋର ସେବନେ ନିରବଧିସେ ପ୍ରାଣୀ ଲଭେ ସର୍ବସିଦ୍ଧି

Couplet 178

ଶୁଣ ଉଦ୍ଧବ କହୁଁ ତୋତେଯେ ପାପୀଜନ ଏ ଜଗତେ

Couplet 179

ସ୍ୱଦତ୍ତ-ପରଦତ୍ତ-ବୃତ୍ତିଯେ ନର ଅଜ୍ଞାନେ ହରନ୍ତି

Couplet 180

ଦେବ-ବ୍ରାହ୍ମଣ-ତାପ-ଶୋକେସେ କାହିଁ ଥିବେ ନରଲୋକେ

Couplet 181

ଜୀବନ ଅନ୍ତେ କୁମ୍ଭୀପାକେପଡ଼ିବେ ବିଷ୍ଠା-କୃମିପାକେ

Couplet 182

କେବଳ ନରକ ଆହାରକରନ୍ତି ଲକ୍ଷେ ସମ୍ବତ୍ସର

Couplet 183

ଯେ ଅବା କୃଷ୍ଣ-କର୍ମ କରେଯେ ଅବା ସାହା ହୋନ୍ତି ତା'ରେ

Couplet 184

ଯେବା ଆପଣେ ନ ପାରଇପୂଜା କରାଇ ହେତୁ ହୋଇ

Couplet 185

ଯେ ମୋର ପୂଜାକର୍ମ ଦେଖିସୁଖ-ଆନନ୍ଦେ ବୁଜେ ଆଖି

Couplet 186

ଏ ଚାରିଜଣେ ସମଫଳଲଭନ୍ତି କହିଲେ ଗୋପାଳ

Couplet 187

ଉଦ୍ଧବ ଶୁଣି କୃତକୃତ୍ୟନମଇଁ ଦାସ ଜଗନ୍ନାଥ