Adhyaya 25

Couplet 1

ବୋଲନ୍ତି ପ୍ରଭୁ ନାରାୟଣଉଦ୍ଧବ ସାବଧାନେ ଶୁଣ

Couplet 2

ତୁ ଅଟୁ ଭକତ ପ୍ରଧାନକହିବା ସାଂଖ୍ୟଯୋଗ ଜ୍ଞାନ

Couplet 3

ଯେ ଜ୍ଞାନ ଜାଣି ବିଜ୍ଞଜନହୁଡ଼ନ୍ତି ବିକଳ୍ପ ସମ୍ଭ୍ରମ

Couplet 4

ଯେ ଜ୍ଞାନ ବିଜ୍ଞାନ କଳ୍ପିତପ୍ରଥମେ ସୃଷ୍ଟିର ଅଗ୍ରତ

Couplet 5

ପରମବ୍ରହ୍ମ ମାତ୍ର ଥିଲେସେ ଯେବେ ସୃଷ୍ଟି ଆରମ୍ଭିଲେ

Couplet 6

ସେ କାଳେ ବିବେକ ପ୍ରଧାନସୃଷ୍ଟିରେ ପ୍ରବର୍ତ୍ତିଲେ ଜାଣ

Couplet 7

ବିଜ୍ଞାନମୟ ବ୍ରହ୍ମଭାଗେଲୋକେ ଜାଣନ୍ତି ଯୋଗମାର୍ଗେ

Couplet 8

ଆଦି ଗଣନା ସତ୍ୟଯୁଗେସେ ବ୍ରହ୍ମ ହୋଇ ବେନିଭାଗେ

Couplet 9

ପ୍ରକୃତି ରୂପେ ଏକ ଅଂଶଦ୍ୱିତୀୟେ ପୁରୁଷ ପ୍ରକାଶ

Couplet 10

ଯେ ଭାଗ ପ୍ରକୃତି ରୂପିଣୀସୃଷ୍ଟିପାଳନ-ସଂହାରିଣୀ

Couplet 11

ସେ ଭାଗ ଜଡ଼ରୂପା ହୋଇଈଶ୍ୱରବଶେ କ୍ଷୋଭ ପାଇ

Couplet 12

ତେଣୁ ସେ ବ୍ରହ୍ମ ବେନିଖଣ୍ଡସଂଯୋଗେ ଜନ୍ମିଲା ବ୍ରହ୍ମାଣ୍ଡ

Couplet 13

ବ୍ରହ୍ମାଣ୍ଡ ମଧ୍ୟେ ତିନିଗୁଣଜନ୍ମିଲା ପ୍ରକୃତି କାରଣ

Couplet 14

ତ୍ରିଗୁଣ ସତ୍ତ୍ୱ ରଜ ତମଯେ କ୍ରିୟାଶକ୍ତି ଉପାଦାନ

Couplet 15

ସେ ପୁଣ ତ୍ରିଗୁଣେ ଜଡ଼ିତତହୁଁ ଉପୁଜିଲା ମହତ

Couplet 16

ମହତେ ତ୍ରିଗୁଣ ବିକାରତହୁଁ ଜନ୍ମିଲା ଅହଙ୍କାର

Couplet 17

ସେ ପୁଣି ହୋଏ ତିନିଅଂଶସାତ୍ତ୍ୱିକ ରାଜସ ତାମସ

Couplet 18

ପଞ୍ଚତନ୍ମାତ୍ର ଇନ୍ଦ୍ରିଗଣମନର ପରମ କାରଣ

Couplet 19

ତାମସ ଅହଙ୍କାରୁ ଜାତହୋଇଲେ ପଞ୍ଚ ମହାଭୂତ

Couplet 20

ମଧ୍ୟେ ଅହଙ୍କାର ରାଜସଜନ୍ମିଲେ ଇନ୍ଦ୍ରି ଏକାଦଶ

Couplet 21

ଅନ୍ତେ ଯେ ଥିଲା ସତ୍ତ୍ୱଗୁଣତହୁଁ ଜନ୍ମିଲେ ଦେବଗଣ

Couplet 22

ଏ ସର୍ବେ ଜନ୍ମି ଏକମେଳେକ୍ଷଣେ ନ ରହନ୍ତି ନିଶ୍ଚଳେ

Couplet 23

ମୁହିଁ ତାହାଙ୍କ ହୃଦେ ଯାଇପଶିଲି ଗୁରୁ ପ୍ରାୟ ହୋଇ

Couplet 24

ତେବେ ସମସ୍ତେ ହୋଇ ରୁଣ୍ଡଏକତ୍ୱେ ସୃଜିଲେ ବ୍ରହ୍ମାଣ୍ତ

Couplet 25

ଦିଶଇ ହେମମୟ ଅଣ୍ଡମୋର ବିହାର କ୍ରୀଡ଼ାଭାଣ୍ଡ

Couplet 26

ଅଶେଷ ଜଳେ ସେ ଭାସଇସଲିଳ ବିମ୍ବ ପ୍ରାୟ ହୋଇ

Couplet 27

ମୁଁ ପୁଣି ପଶି ତା'ର ମଧ୍ୟେନିଦ୍ରା ପ୍ରସାରିଲି ଆନନ୍ଦେ

Couplet 28

ମୋ' ନାଭିକମଳୁଁ କମଳଜନ୍ମିଲା ଅତ୍ୟନ୍ତ କୋମଳ

Couplet 29

ସେ ପଦ୍ମୁଁବ୍ରହ୍ମା ଅବତରେଯେ ଯୋଗବଳେ ସୃଷ୍ଟି କରେ

Couplet 30

ସେ ରଜୋଗୁଣେ ଜାତ ହୋଇବିଶେଷେ ମୋର ଆଜ୍ଞା ପାଇ

Couplet 31

ଶତେ ବରଷ ଦେବମତେତପ ସାଧିଲା ସେ ନିରତେ

Couplet 32

ସେ ତପେ ମୋର ମନ ତୋଷିମୁଁ ପୁଣି ତା'ର ଦେହେ ପଶି

Couplet 33

ସେ ମୋର ନିଗମ ବଚନେସୃଷ୍ଟି କରଇ ଅନୁମାନେ

Couplet 34

ସ୍ୱଭାବେ ବ୍ରହ୍ମା ପ୍ରଜାପତିବେଦବଚନେ ତା'ର ମତି

Couplet 35

ବ୍ରହ୍ମାଣ୍ଡ ମଧ୍ୟେ ତପୋବଳେକଳ୍ପିଲା ଭୁବନମଣ୍ଡଳେ

Couplet 36

ଦ୍ୱିସପ୍ତଲୋକ ଅଧ ଊର୍ଦ୍ଧ୍ୱେସୃର୍ଜିଲା ବେଦବାକ୍ୟ ଛନ୍ଦେ

Couplet 37

ସ୍ୱର୍ଗ ସୃଜିଲା ପ୍ରଜାପତିଯେ ଲୋକେ ଦେବଗଣ ସ୍ଥିତି

Couplet 38

ପୁଣି ଚାହିଁଲା ଅଧୋମୁଖେମନୁଷ୍ୟ ସୃଜିଲା ଭୂଲୋକେ

Couplet 39

ଏ ବେନିଲୋକ ସୃଜି ମନେପୁଣି କଳ୍ପିଲା ମଧ୍ୟଶୂନ୍ୟେ

Couplet 40

ତାହାକୁ ଭୁବଲୋକ ଭଣେଯହିଁ ଭ୍ରମନ୍ତି ଭୂତଗଣେ

Couplet 41

ଏ ତିନିଲୋକର ଉପରେପୁଣି ବିଧାତା ସୃଷ୍ଟିକରେ

Couplet 42

ସିଦ୍ଧ ପୁରୁଷେ ଯହିଁ ଥା'ନ୍ତିଯୋଗୀନ୍ଦ୍ର ତହିଁ ସଞ୍ଚରନ୍ତି

Couplet 43

ପୁଣି ଏ ତିନିଲୋକ ତଳେବ୍ରହ୍ମା କଳ୍ପିଲା ଯୋଗବଳେ

Couplet 44

ପାତାଳ ନାମେ ଭୂମିତଳେଯହିଁ ଅସୁର ନାଗବଳେ

Couplet 45

ଏ ତିନିଲୋକ ମଧ୍ୟେ କ୍ରମେକର୍ମ ସଙ୍ଗତେ ଜୀବଭ୍ରମେ

Couplet 46

ଏ ତିନିଲୋକ ଊର୍ଦ୍ଧ୍ୱଗତିପୁଣି କଳ୍ପିଲା ପ୍ରଜାପତି

Couplet 47

ମହାନ୍ତେ ଯହିଁ ଥା'ନ୍ତି ସୁଖେତାହା କଳ୍ପିଲା ମହଲୋକେ

Couplet 48

ତା'ର ଉପରେ ଜନଲୋକଯହିଁ ନ ପଶେ ଦୁଃଖ ଶୋକ

Couplet 49

ସେ ଜନ ଲୋକର ଉପରେଯହିଁ ବସନ୍ତି ତପୀବରେ

Couplet 50

ସତ୍ୟେ ସାତ୍ତ୍ୱିକେ ଯହିଁ ଥା'ନ୍ତିସେ ସତ୍ୟ ବ୍ରହ୍ମଲୋକ ସ୍ଥିତି

Couplet 51

ସେ ବ୍ରହ୍ମଲୋକ ଉର୍ଦ୍ଧ୍ୱଦେଶେସହସ୍ର ସୂର୍ଯ୍ୟ ପ୍ରାୟ ଦିଶେ

Couplet 52

କିବା କହିବା ତାର ଜ୍ୟୋତିମୋର ଭକତେ ଯହିଁ ଥା'ନ୍ତି

Couplet 53

ଭକତି-ଯୋଗବଳେ ମୋତେଚିନ୍ତା କରନ୍ତି ଅବିରତେ

Couplet 54

ମୁଁ ଯେଣୁ ବୈକୁଣ୍ଠ ଠାକୁରତେଣୁ ବୈକୁଣ୍ଠ ନାମ ମୋ'ର

Couplet 55

ଏଣୁ ମୁଁ ବ୍ରହ୍ମା ପ୍ରଜାପତିଲୋକଆଧାର ଲୋକସ୍ଥିତି

Couplet 56

ସମସ୍ତ ପାଳି ଯୋଗବଳେପୁଣି ସଂହରେ ଅନ୍ତଃକାଳେ

Couplet 57

ଏଣୁ ଏ ଅନିତ୍ୟ ସଂସାରତ୍ରିଗୁଣ-କର୍ମରେ ସଞ୍ଚାର

Couplet 58

ଏ ଭବକୂପେ ଜନ୍ତୁପଡ଼ିଅଶେଷ-କର୍ମପାଶେ ଜଡ଼ି

Couplet 59

ଭ୍ରମନ୍ତି ଏ ଘୋର ସଂସାରେରଜ-ତାମସ-ଅହଙ୍କାରେ

Couplet 60

ବୃହତ ସୂକ୍ଷ୍ମ ସ୍ଥୂଳ ଅଣୁସ୍ଥାବର ଜଙ୍ଗମ ଯେ ତନୁ

Couplet 61

ମାୟା ନିର୍ମିତ ସର୍ବଜନବ୍ରହ୍ମାଦି ଚଉଦଭୁବନ

Couplet 62

ଏଣୁ ଈଶ୍ୱର ଏ ଭୁବନେସର୍ବତ୍ର ବସଇ ସମାନେ

Couplet 63

ସୃଷ୍ଟି-ପ୍ରୟଳ ନିତ୍ୟେ କରେମାୟାସଂସାରେ ସେ ବିହରେ

Couplet 64

ଏଣୁ ଏ ଅନିତ୍ୟ ସଂସାରନିତ୍ୟ ପୁରୁଷ ମୁଁ ଈଶ୍ୱର

Couplet 65

ଏ ମାୟା ପ୍ରକୃତି ବିକାରଜଗତ-ହେତୁ ଏ ବେଭାର

Couplet 66

ଏକଇ ବ୍ରହ୍ମ ଏ ବୃତ୍ତାନ୍ତବିକାର ଆଦି ମଧ୍ୟ ଅନ୍ତ

Couplet 67

ଯେ ଆଦି ଅନ୍ତର କାରଣସେ ସତ୍ୟ ବୋଲି ତୁହି ଜାଣ

Couplet 68

ପ୍ରକୃତି ପୁରୁଷ ଏ ବେନିଜଗତ ପିଅର ଜନନୀ

Couplet 69

ବିଶ୍ୱ-ପ୍ରକାଶ ହେତୁ ମୁହିଁମୁଁ କାଳରୂପେ ସଂହାରଇ

Couplet 70

ମୋର କଟାକ୍ଷ ମାତ୍ରେ ଜାଣଅଶେଷ ବ୍ରହ୍ମାଣ୍ଡ ନିର୍ମାଣ

Couplet 71

ଭ୍ରୂଭଙ୍ଗମାତ୍ରେ ମୁହିଁ ଯେବେମୋତେ ଚିନ୍ତଇ ଆତ୍ମାଭାବେ

Couplet 72

କୋଟିବ୍ରହ୍ମାଣ୍ଡ ମାୟାମୟକ୍ଷଣମାତ୍ରକେ ଯା'ନ୍ତି କ୍ଷୟ

Couplet 73

ଯେ ଯାହା ତହୁଁ ଥା'ନ୍ତି ଆସିଅନ୍ତେ ଚଳନ୍ତି ତାହା ଗ୍ରାସି

Couplet 74

ପ୍ରକୃତି-ସଂଯୋଗେ ଜଗତଅନ୍ତେ ପ୍ରକୃତି କରେ ଗ୍ରସ୍ତ

Couplet 75

ସେ ଦୈବୀମାୟା କାଳରୂପୀପ୍ରକୃତି ରୂପେ ଥାଇ ବ୍ୟାପି

Couplet 76

ଏଣୁ ସେ କାଳେ ସୃଷ୍ଟିକରେଅନ୍ତେ ବ୍ରହ୍ମାଣ୍ଡ ସେ ସଂହରେ

Couplet 77

କାଳପୁରୁଷ ତା'ର ସଙ୍ଗେପ୍ରବେଶ କରେ ଜୀବ ଅଙ୍ଗେ

Couplet 78

ସେ ଜୀବ ପଶେ ମୋ'ର ତହିଁମୁହିଁ କେବଳ ମାତ୍ର ଥାଇ

Couplet 79

ମୁହିଁ ସକଳ ଭାବେ ସାକ୍ଷୀମୋ' ବିନୁ ଆନ ନାହିଁ ଲକ୍ଷ୍ୟି

Couplet 80

ମୁହିଁ ମୋହର ଆଶ୍ରେ ଥାଇଏଣୁ ନିରାଧାର ବୋଲାଇ

Couplet 81

ମୁହିଁ ସକଳ ଅବଶେଷେକେବଳ ଥାଇ ନିଜ ଅଂଶେ

Couplet 82

ଏହାକୁ ସାଂଖ୍ୟଯୋଗ କହିଏ ଜ୍ଞାନେ ସଂଶୟ ନ ଥାଇ

Couplet 83

ଚିତ୍ତୁ ସକଳ ହରେ ଦୋଷକେବଳ କୈବଲ୍ୟ ପ୍ରକାଶ

Couplet 84

ଏ ଭାବେ ନିରତେ ଯେ ମିଶେଅଜ୍ଞାନ ହରେ ଜ୍ଞାନ ଦିଶେ

Couplet 85

ଉଦ୍ଧବେ କହେ ହୃଷୀକେଶଶ୍ରୀଭାଗବତେ ଏକାଦଶ

Couplet 86

ସୁଜନେ ଶୁଣ ଏକମନେକୃଷ୍ଣଚରିତ ତତ୍ତ୍ୱଜ୍ଞାନେ

Couplet 87

ନିଶ୍ଚୟେ ହୋଇବ ପ୍ରବେଶକହଇ ଜଗନ୍ନାଥ ଦାସ