Adhyaya 22

Couplet 1

କୃଷ୍ଣବୋଲନ୍ତି ବୀର ଶୁଣଏ ମୋର ଭକତି ଲକ୍ଷଣ

Couplet 2

ଜ୍ଞାନ ବୈରାଗ୍ୟ ଏଥୁଁ ଜାତଏଣୁ ତତ୍ତ୍ୱଜ୍ଞାନ ପ୍ରାପତ

Couplet 3

ଏ ମାର୍ଗ ତେଜି କ୍ଷୁଦ୍ରପଥେଯେ ପ୍ରାଣୀ ଭଜନ୍ତି ଜଗତେ

Couplet 4

କାମେ ଚଞ୍ଚଳଚିତ୍ତେ ରାଗଏଥୁଁ ସେ କରେ ନାନାଭୋଗ

Couplet 5

ସେ ଗତାଗତ ପଥେ ଭ୍ରମେଜନ୍ମ-ମରଣ ପଥଶ୍ରମେ

Couplet 6

ତାହାର ଦୁଃଖ ମାତ୍ର ସାରକେବେହେଁ ନ ତୁଟେ ସଂସାର

Couplet 7

ଭକତି ଜ୍ଞାନ ଯେ ବିସ୍ତାରେସେ ଗୁଣ-ଦୋଷ ନ ସୁମରେ

Couplet 8

ଏ ଦୋଷଗୁଣ କର୍ମଯୋଗେବିଚାର କରି ବେଦମାର୍ଗେ

Couplet 9

ଯେ ବର୍ଣ୍ଣେ ଯେ ଧର୍ମ ବିଚାରଯେ ବିଧି ଯା'ର ଅଧିକାର

Couplet 10

ନିୟତ-କର୍ମ ବିଲଂଘନେବିଚାରି ଦୋଷ ବେଦଜ୍ଞାନେ

Couplet 11

ଦ୍ରବ୍ୟେ ନ ବସେ ଦୋଷଗୁଣଶୁଦ୍ଧ-ଅଶୁଦ୍ଧ ବିଚାରଣ

Couplet 12

ଆଚାର ମୂଳେ ଧର୍ମ ଜାତଧର୍ମେ ଧାରଣା ଏ ଜଗତ

Couplet 13

ଏଣୁ ଧାର୍ମିକ ପ୍ରାଣୀଙ୍କରନିଗମ ଦେଖାଏ ଆଚାର

Couplet 14

ଉଦ୍ଧବ ଭକ୍ତିଯୋଗେ ମୋ'ରନାହିଁ ନିଗମେ ଅଧିକାର

Couplet 15

ପୃଥିବୀ ଅଗ୍ନି ବାୟୁ ଜଳଆକାଶ ମିଶି ପଞ୍ଚ ଠୁଳ

Couplet 16

ଏ ପଞ୍ଚଭୂତ ଦେହେ ଯେତେବ୍ରହ୍ମାଦି ସ୍ଥାବର ପର୍ଯ୍ୟନ୍ତେ

Couplet 17

ସମାନ ଦ୍ରବ୍ୟେ ନାନାଭେଦବ୍ରାହ୍ମଣେ ବିଚାରନ୍ତି ବେଦ

Couplet 18

ଏ ନାମ ରୂପ ଗୁଣଦୋଷନିଗମ ବଚନେ ପ୍ରକାଶ

Couplet 19

ଏ ହେତୁ ଲୋକ ବ୍ୟବହାରବିବିଧ କଳ୍ପନା ବିଚାର

Couplet 20

ଯେ ଦେଶକାଳ ଗୁଣ ଦ୍ରବ୍ୟେମୁହିଁ ବିଚାରଇ ପ୍ରଭାବେ

Couplet 21

ଦ୍ରବ୍ୟ ବିଚାରେ ଏ ପ୍ରସିଦ୍ଧିଯେ ଅବା ଦୋଷଗୁଣ ବିଧି

Couplet 22

ଯେ ଦେଶେ କୃଷ୍ଣମୃଗ ସାରନ ଦେଖି କୃଷ୍ଣଭକ୍ତ ନର

Couplet 23

ସେ ଦେଶେ ପୁଣ୍ୟ ଲେଶ ନାହିଁତହିଁ ନ ଥିବ ଦେହ ବହି

Couplet 24

ସେ ଦେଶ ଦେଶରେ ଅସାରନାହିଁ ସୁକର୍ମେ ଅଧିକାର

Couplet 25

ଯେ ଦେଶେ କୃଷ୍ଣମୃଗ ସାରବସନ୍ତି ସୁପୁରୁଷ ନର

Couplet 26

ସେ ଦେଶ ଦେଶଙ୍କରେ ସାରତହିଁ ସୁକର୍ମେ ଅଧିକାର

Couplet 27

କଳିଙ୍ଗ ଅଙ୍ଗ ବଙ୍ଗ ଦେଶସେ ନୋହେ ସଂସ୍କାର ବିଶେଷ

Couplet 28

ଉଷରଭୂମି ମ୍ଳେଛେ ଯହିଁସେ ଦେଶ ପତିତ ବୋଲାଇ

Couplet 29

ଏଣୁ ଶୁଦ୍ଧାଶୁଦ୍ଧ ବିଚାରିବିଶୁଦ୍ଧ ଦେଶେ କର୍ମ କରି

Couplet 30

କହିଲି ଦେଶେ ଶୁଦ୍ଧ ଗୁଣଏବେ ତୁ କାଳଶୁଦ୍ଧ ଶୁଣ

Couplet 31

ବିଶୁଦ୍ଧ କାଳେ କର୍ମ କଲେସେ କର୍ମଫଳ ଲଭେ ଭଲେ

Couplet 32

ଏଣୁ ଅଶୁଦ୍ଧ ଦେଶ କାଳେକର୍ମ କରନ୍ତି ଯେବା ବଳେ

Couplet 33

ତାହାଙ୍କ କର୍ମଫଳ ନାହିଁଅଶୁଦ୍ଧ-ଦୋଷେ ନାଶ ଯାଇ

Couplet 34

ଏଣୁ ପଣ୍ତିତ ଜ୍ଞାନଗୁଣେବିଶୁଦ୍ଧ ଦେଶେ ଶୁଭକ୍ଷଣେ

Couplet 35

ବିଚାରି କର୍ମ ସେ କରନ୍ତିଅଶୁଦ୍ଧକାଳ ବିବର୍ଜନ୍ତି

Couplet 36

ଏଣୁ ସକଳ ଦ୍ରବ୍ୟଗତେବିଚାରି ଶୁଦ୍ଧାଶୁଦ୍ଧ ମତେ

Couplet 37

ବିଶୁଦ୍ଧ ଦ୍ରବ୍ୟ ଘେନି କାଳେକର୍ମ ସାଧନ୍ତି ଏ ଶୟଳେ

Couplet 38

ଯେ ଦ୍ରବ୍ୟ ଯେଣେ ଶୁଦ୍ଧ ହୋଇଶୁଣ ଉଦ୍ଧବ ମନଦେଇ

Couplet 39

କେତେ ହେଁ ଦ୍ରବ୍ୟ ଏ ଶୟଳେପବିତ୍ର ହୋନ୍ତି ଶୁଦ୍ଧଜଳେ

Couplet 40

କେତେ ହେଁ ବ୍ରାହ୍ମଣ ବଚନେପବିତ୍ର ହୋନ୍ତି ବିଦ୍ୟମାନେ

Couplet 41

କେତେ ହେଁ ସଂସ୍କାର ବିଶେଷେପବିତ୍ର ହୋନ୍ତି ଶୁଦ୍ଧଦେଶେ

Couplet 42

କେତେ ହେଁ ଅଶୁଦ୍ଧ ସଙ୍ଗତେଅଶୁଦ୍ଧ ବୋଲାନ୍ତି ଜଗତେ

Couplet 43

ପତିତଜନ ଯାହା ଛୁଇଁସେ ଦ୍ରବ୍ୟ ଅଶୁଦ୍ଧ ବୋଲାଇ

Couplet 44

କେତେ ହେଁ ଦ୍ରବ୍ୟ ଭିନ୍ନେ ଭିନ୍ନେଅଶୁଦ୍ଧ ଅଶୁଦ୍ଧ-ବଚନେ

Couplet 45

କେତେ ହେଁ ଦ୍ରବ୍ୟ ବୃଷ୍ଟିକାଳେଦୂଷିତ ହୋନ୍ତି ଏ ଶୟଳେ

Couplet 46

ସେ ପୁଣି ପବିତ୍ର ସମୟେସ୍ୱଭାବ ଗୁଣେ ଶୁଦ୍ଧ ହୋଏ

Couplet 47

ଅଶୁଦ୍ଧ ଶୁଦ୍ଧ ଏହି ରୂପେବିଚାର କରି ବେଦକଳ୍ପେ

Couplet 48

ଅଶୌଚକାଳେ ଦ୍ରବ୍ୟ ଯେତେଅଶୁଦ୍ଧ ହୋନ୍ତି ଶାସ୍ତ୍ରମତେ

Couplet 49

ଗ୍ରହଣ ରବିଚନ୍ଦ୍ର ଯେବେସ୍ନାନେ ପବିତ୍ର ହୋନ୍ତି ତେବେ

Couplet 50

ଧାନ୍ୟ କାମିନୀ ବୃକ୍ଷଫଳେପବିତ୍ର ହୋନ୍ତି ଯଥାକାଳେ

Couplet 51

ରବି କିରଣେ ଦ୍ରବ୍ୟ ତିନିପବିତ୍ର ଅସ୍ଥି ଚର୍ମ ଭୂମି

Couplet 52

ଧାତୁ-ବିକାର ରସଦ୍ରବ୍ୟଅନଳେ ପବିତ୍ର ଏ ସର୍ବ

Couplet 53

ଜଳ ସିଞ୍ଚନେ ଭୂମି ପଥତକ୍ଷଣେ ହୁଅନ୍ତି ପବିତ୍ର

Couplet 54

ଗୋମୟଜଳ ସମାର୍ଜନେପବିତ୍ର ଚତ୍ୱର ଅଙ୍ଗଣେ

Couplet 55

ମନୁଷ୍ୟଦେହ ପଶି ଜଳେପବିତ୍ର ହୋନ୍ତି ସ୍ନାନକାଳେ

Couplet 56

ସଂସ୍କାର ତପ ଜପ ଦାନଏ ସର୍ବ ପବିତ୍ର ବିଧାନ

Couplet 57

ଏମନ୍ତେ ବିବିଧ ପ୍ରକାରେପବିତ୍ର ବାହ୍ୟ କଳେବରେ

Couplet 58

ମୋର ସ୍ମରଣ ଯେବେ କରେସେ ଶୁଦ୍ଧ ଅନ୍ତର ବାହାରେ

Couplet 59

ଯେ ନିତ୍ୟେ ମୋ' ନାମ ସୁମରିସେ ସର୍ବକର୍ମେ ଅଧିକାରୀ

Couplet 60

ଗୁରୁବଚନେ ମନ୍ତ୍ରତନ୍ତ୍ରନ୍ୟାସେ ଶୋଧନ ସର୍ବଗାତ୍ର

Couplet 61

ମୋହର ନାମ ଉଚ୍ଚାରିଲେସକଳେ ଶୁଦ୍ଧ ହୋନ୍ତି ଭଲେ

Couplet 62

ଏମନ୍ତ ଶୁଦ୍ଧତନୁ ଧରିବିଶୁଦ୍ଧ ଦ୍ରବ୍ୟେ କର୍ମ କରି

Couplet 63

ପରମ ଧର୍ମ ତେବେ ସାଧେମୋର ବଚନ ଅପ୍ରମାଦେ

Couplet 64

ଏଣୁ ବିଶୁଦ୍ଧକର୍ମ କଲେପବିତ୍ର ହୋନ୍ତି କଳେବରେ

Couplet 65

ଯଥାର୍ଥ ଫଳ ସେ ଲଭନ୍ତିଯେବା ଏମନ୍ତ ନ କରନ୍ତି

Couplet 66

ସେ କର୍ମ ଅଧର୍ମ ସଂଯୁତତାହାକୁ ବୋଲି ବିପରୀତ

Couplet 67

ସେ ଫଳ ବିପରୀତେ ପାଇଯେଣୁଟି ତହିଁ ଦୋଷ ଥାଇ

Couplet 68

ବିଧି ନିଷେଧ ବିଚାରଣଏଣୁ ସମ୍ପାଦି ଦୋଷଗୁଣ

Couplet 69

ଯାହାର ଦୋଷ ଗୁଣ ଯେତେସହଜ ଆଚାର ସମେତେ

Couplet 70

ଯେ ଯାହା କୁଳ ବ୍ୟବହାରନ ଘଟେ ଗୁଣ-ଦୋଷ ତା'ର

Couplet 71

ଯେବେ ଅଶୁଦ୍ଧ-କର୍ମ-ଦୋଷେଯାହାର ଚିତ୍ତେ ପାପ ମିଶେ

Couplet 72

ସହଜେ ପାପକର୍ମ କରେଯେ କର୍ମେ ପୂର୍ବପୁଣ୍ୟ ହରେ

Couplet 73

ଦେହ ଅନ୍ତରେ ପାପଫଳେଜନମ ପତିତ ଚାଣ୍ତାଳେ

Couplet 74

ନିନ୍ଦିତ-ବୃତ୍ତି ତା ଜୀବନବଞ୍ଚଇ କରି ସୁରାପାନ

Couplet 75

ସ୍ୱଭାବେ ପାପୀ ପ୍ରାଣୀଙ୍କରନିନ୍ଦିତ ନୋହେ ଦୁରାଚାର

Couplet 76

ପଙ୍କେ ପଡ଼ିଲେ ଯେହ୍ନେ ପ୍ରାଣୀପଙ୍କିଳ ବୋଲି ତାକୁ ଜାଣି

Couplet 77

ଏଣୁ ସେ କର୍ମର ସକାଶେବନ୍ଧନ ହୁଅଇ ବିଶେଷେ

Couplet 78

ସେହି ସକାଶୁ ତାର ଗତିହସି କହନ୍ତି ଯଦୁପତି

Couplet 79

ଏଣୁ ନିର୍ମଳ-କର୍ମଗୁଣଅଶେଷ ଦୋଷ ନିବାରଣ

Couplet 80

ଶୁଣ ଉଦ୍ଧବ କହୁଁ ତୋତେବିଷୟ ଧ୍ୟାନ ଯା'ର ଚିତ୍ତେ

Couplet 81

ବିଷୟ ଭୋଗେ ସେ ବନ୍ଧନବଢଇ କାମ୍ୟକର୍ମେ ମନ

Couplet 82

କାମ ଜନ୍ମିଲେ ତା'ର ଫଳବଢଇ ବିରୋଧ କନ୍ଦଳ

Couplet 83

କନ୍ଦଳୁଁ କ୍ରୋଧ ହୋଏ ଜାତଏଣୁ ହୁଅଇ ଜ୍ଞାନ ହତ

Couplet 84

ହୃଦରେ ତମଗୁଣ ବସେତା'ର ଚେତନା ବଳେ ଧ୍ୱଂସେ

Couplet 85

ଚେତନା ହତେ ହତଜ୍ଞାନତେବେ ଶରୀର ହୋଏ ଶୂନ୍ୟ

Couplet 86

ବୁଦ୍ଧି ବିହୀନେ ମୂଢଜନହୋଏ ସେ ମୂର୍ଚ୍ଛିତ ସମାନ

Couplet 87

ବଞ୍ଚଇ ମୃତପିଣ୍ତ ପ୍ରାୟେଜୀବ ପରମଜ୍ଞାନ ନୋହେ

Couplet 88

ବୃକ୍ଷର ପ୍ରାୟେ ସେ ଜୀଅଁଇପାପବକ୍କଳ ମଧ୍ୟେ ଥାଇ

Couplet 89

ବିଷୟ ସଙ୍ଗେ ଏତେ ଗୁଣଉଦ୍ଧବ ସାବଧାନେ ଶୁଣ

Couplet 90

ଏଣୁ ଏ ନିଗମ-ବଚନେଯେ ଫଳଶ୍ରୁତି କର୍ଣ୍ଣେ ଶୁଣେ

Couplet 91

କର୍ଣ୍ଣରୋଚନ ମାତ୍ର ସାରକେବେହେଁ ନୋହେ ଭବୁଁ ପାର

Couplet 92

ନ ଲଭେ ପରିତ୍ରାଣ ଗତିବେଦବଚନେ ଫଳ ଚିନ୍ତି

Couplet 93

ବେଦର ତତ୍ତ୍ୱ ଯେ ନ ଜାଣେସେ ଫଳଶ୍ରୁତି ପରିମାଣେ

Couplet 94

ରୋଗ ବିନାଶ ହେତୁ ଯେହ୍ନେଔଷଧ ବୈଦ୍ୟର ବଚନେ

Couplet 95

ଖଣ୍ତ ଶାକର ହସ୍ତେ ଘେନିପୁତ୍ରକୁ ଯେସନେ ଜନନୀ

Couplet 96

ବୋଲଇ ମଧୁର ବଚନତୁ ବେଗେ କର ଏହା ପାନ

Couplet 97

ଏ ଖଣ୍ତ ଦେବି ତୋତେ ମୁହିଁଭକ୍ଷଣ ନ କଲେ ନ ଦେଇ

Couplet 98

ଏ ଫଳଶ୍ରୁତି ଏହିମତେମୂର୍ଖକୁ ଭଣ୍ତାଇ ଜଗତେ

Couplet 99

ନାନା ପ୍ରକାରେ ପ୍ରବର୍ତ୍ତାଇପୁତ୍ରକୁ ମାତା ପ୍ରାୟ ହୋଇ

Couplet 100

ଏଣୁ ସେ କଳ୍ପଇ ଜଗତେବେଦବଚନେ କର୍ମପଥେ

Couplet 101

ଆକୁଳ-ହୃଦୟେ ନିରତେଭ୍ରମଇଁ ଦାରା ଧନ ସୁତେ

Couplet 102

ଏ ଧନ ସୁତ-ପରିବାରଅନର୍ଥ କାରଣ ବେଭାର

Couplet 103

ଏଣୁ ସକଳ ପ୍ରାଣୀଚିତ୍ତଆକୁଳ ହୃଦୟ ନିରତ

Couplet 104

ଭ୍ରମଇଁ ମାୟାଜଡ଼-ଘୋରେଆତ୍ମାର ଗତି ନ ସୁମରେ

Couplet 105

ଆପଣା ଅର୍ଥଭୋଗ ଚିନ୍ତିନିଗମମାର୍ଗେ ସେ ଭ୍ରମନ୍ତି

Couplet 106

ଏ ବେଦ ଅର୍ଥ ଯେବେ ଜାଣେଚିତ୍ତେ ପଣ୍ତିତ ପରିମାଣେ

Couplet 107

ତେବେ କି ଭ୍ରମଇଁ ସଂସାରେଜନ୍ମମରଣ ଦୁଃଖ ଘୋରେ

Couplet 108

ଏଣୁ ଯେ ପ୍ରାଣୀ କୁପଣ୍ତିତନ ଜାଣେ ବେଦପଥତତ୍ତ୍ୱ

Couplet 109

ପୁଷ୍ପକୁ ଫଳ ପ୍ରାୟ ମଣିଶ୍ରୁତିବଚନ ପରିମାଣି

Couplet 110

ନିରତେ ଭ୍ରମେ ପୁଷ୍ପବାସେଫଳ ଭକ୍ଷଣ ଲୋଭ ଆଶେ

Couplet 111

ଏଣୁ ଅଜ୍ଞାନୀ ଅବିବେକଭ୍ରମଇଁ ଇହ ପରଲୋକ

Couplet 112

ଯାହାର ଇଷ୍ଟ ଫଳଶ୍ରୁତିସେ ପ୍ରାଣୀ ମୋତେ ନ ଜାଣନ୍ତି

Couplet 113

ବସଇ ପ୍ରାଣୀ ହୃଦଗତେଜୀବନ ରୂପେ ମୁଁ ସାକ୍ଷାତେ

Couplet 114

ମୋତେ ନ ଚିନ୍ତି ଜଡ଼ମତିଅମୃତ ମଣେ ଫଳଶ୍ରୁତି

Couplet 115

ଏଣୁ ଭ୍ରମଇଁ ମାୟାମୋହେକେବଳ ଆକୁଳ-ହୃଦୟେ

Couplet 116

ଉଦ୍ଧବ ଶୁଣ ତତ୍ତ୍ୱ କହିମୋର ସମ୍ମତମାର୍ଗ ଏହି

Couplet 117

ତତ୍ତ୍ୱ ନ ବୁଝି ବେଦପଥେଫଳ ଭୁଞ୍ଜନ୍ତି କୁପଣ୍ତିତେ

Couplet 118

ହିଂସା ନ ଛାଡ଼େ ଯେବେ ହୃଦେବେଦବଚନ ଅନୁବାଦେ

Couplet 119

ଯଜ୍ଞେ ହିଂସନ୍ତି ପଶୁଗଣଅନାସ୍ଥା କରି ତତ୍ତ୍ୱଜ୍ଞାନ

Couplet 120

ଦେବତା ପିତୃଯଜ୍ଞ କରିଆନନ୍ଦେ ଭ୍ରମେ ଜୀବ ମାରି

Couplet 121

ନ ଭାବି ଇହ ପରଲୋକେଦୃଷ୍ଟି ଶ୍ରବଣେ ମାତ୍ର ସୁଖେ

Couplet 122

ଫଳ କାରଣେ ପଶୁମାରେଯେସନେ ଦ୍ୟୁତେ ଧନହାରେ

Couplet 123

ଧନର ଲୋଭେ ନିଜ ଧନଦ୍ୟୂତରେ ହାରଇ ଯେସନ

Couplet 124

ସଙ୍କଳ୍ପେ କରେ ଧନ ନାଶଯେସନେ ବଣିଜାର ଆଶ

Couplet 125

କିଣଇ ନିଜ ଧନ ଦେଇଅଧିକ ଆଶେ ଲୋଭ ବହି

Couplet 126

ରଜ ତାମସ ଗୁଣ ବହିଅଜ୍ଞାନେ ଚେତନା ହରାଇ

Couplet 127

ବାସବ ଆଦି ଦେବଗଣେଯଜ୍ଞେ ପୂଜଇ ଅନୁକ୍ଷଣେ

Couplet 128

ଆତ୍ମାର ଗତି ନ ସୁମରେସ୍ୱର୍ଗଭୋଗକୁ ଇଚ୍ଛାକରେ

Couplet 129

ନାନାପ୍ରକାରେ ଲୋଭ ଚିତ୍ତେପିତୃଦେବତା ପୂଜେ ନିତ୍ୟେ

Couplet 130

ସ୍ୱର୍ଗେ ବସଇ ଦିନାକେତେପୁଣି ସେ ସ୍ୱର୍ଗଭୋଗ ଅନ୍ତେ

Couplet 131

ଜନ୍ମ ହୁଅଇ ମହୀତଳେଧନ-ସମ୍ପଦ-ମହାକୁଳେ

Couplet 132

ଉତ୍ତମପୁର ସ୍ୱର୍ଗ ପ୍ରାୟେପୁଣି ଭୁଞ୍ଜଇ ନରଦେହେ

Couplet 133

ଏହି ପ୍ରକାରେ ଚିନ୍ତାକରିପଶୁଙ୍କୁ ହିଂସେ ଯଜ୍ଞ କରି

Couplet 134

ପୁଷ୍ପରଠାରେ ଫଳ ବୁଦ୍ଧିଏ ଘେନି ଭ୍ରମେ ନିରବଧି

Couplet 135

କର୍ମ ଆକୁଳେ ଲୋଭ ଜଡ଼େଏଣୁ ଭ୍ରମଇ ଚିତ୍ତ ଦୃଢେ

Couplet 136

ଚିତ୍ତ-ସଙ୍କଳ୍ପ-ଭୋଗଭରେଗୁରୁବ୍ରାହ୍ମଣ ନିନ୍ଦାକରେ

Couplet 137

ମୋର ଭକତି ଆର କାହିଁମୋ' କଥା କର୍ଣ୍ଣେ ନ ଶୁଣଇ

Couplet 138

ଶ୍ରୁତି ଯେ କହେ ତିନିଖଣ୍ତଜ୍ଞାନ ଦେବତା କର୍ମକାଣ୍ତ

Couplet 139

ସେ ବେଦୁଁ କର୍ମ ଉତପତ୍ତିପରମବ୍ରହ୍ମ ତା'ର ଗତି

Couplet 140

ବ୍ରହ୍ମ-ପରୋକ୍ଷେ ପରମୁଖେସେ ବେଦ କହୁଥା'ନ୍ତି ସୁଖେ

Couplet 141

ଜ୍ଞାନ ନ କହି ସେ ସାକ୍ଷାତେଦେଖାଇ ଘରଦ୍ୱାର ପଥେ

Couplet 142

ସେ ସର୍ବବେଦ ବ୍ରହ୍ମମୟେସ୍ୱଭାବେ ସମୁଦ୍ରର ପ୍ରାୟେ

Couplet 143

ଦୁର୍ବୋଧ ଅତି ଗତି ତା'ରବେଦର ନାହିଁ ଅନ୍ତଃ ପର

Couplet 144

ଦେଖ ମୁଁ ଅଛି ସର୍ବପୂରିଅନନ୍ତଶକ୍ତି ରୂପ ଧରି

Couplet 145

ଜଗତ ମୋ' ତହୁଁ ପ୍ରକାଶେଅନ୍ତେ ମୋହର ଦେହେ ମିଶେ

Couplet 146

ଏଣୁ ଅନନ୍ତ ଦେବଗତିନାନାପ୍ରକାରେ ଫଳଶ୍ରୁତି

Couplet 147

ତାହାର ସ୍ଥୂଳ-ସୂକ୍ଷ୍ମ-ଗତିକେ ବୁଝିପାରିବ ସୁମତି

Couplet 148

ଷଡ଼ଚକ୍ର ଭେଦି ଉଦୟଏଣୁ ବୋଲାଇ ବ୍ରହ୍ମମୟ

Couplet 149

ମୃଣାଳସୂତ୍ର ପ୍ରାୟ ହୋଇଶବଦ ରୂପେ ମୁଁ ଅଛଇ

Couplet 150

ଯେସନେ ଉର୍ଣ୍ଣନାଭସୂତ୍ରହୃଦରୁ କରଇ ନିର୍ମିତ

Couplet 151

ଆକାଶ ଶବ୍ଦରୂପ ଧରିସମାନ ରୂପେ ଅଛି ପୂରି

Couplet 152

ବ୍ୟାପେ ପଞ୍ଚାଶବର୍ଣ୍ଣଭେଦେନାନା ପ୍ରକାର ସ୍ୱରନାଦେ

Couplet 153

ଗାୟତ୍ରୀ ପଙ୍କ୍ତି ଅନୁଷ୍ଟୁପଉଷ୍ଣିକ ବୃହତୀ ତ୍ରିଷ୍ଟୁପ

Couplet 154

ସପ୍ତ ପ୍ରକାରେ ଛନ୍ଦଭାଷେକହେ ବିବିଧ ଉପଦେଶେ

Couplet 155

କି ଅବା କହେ ବ୍ରହ୍ମମୁଖେକି ଅବା କଳ୍ପନା-ବିପାକେ

Couplet 156

ଏମନ୍ତେ ବିବିଧ କଳ୍ପନାଏ ବେଦ ବ୍ରହ୍ମର ରଚନା

Couplet 157

କେ ଅଛି ବେଦ ବୁଝିବାରେଶରୀର ବହି ଏ ସଂସାରେ

Couplet 158

ମୁହିଁ ସେ ବେଦ ତତ୍ତ୍ୱଜ୍ଞାତାମୋ' ତହୁଁ କେହି ସାମରଥା

Couplet 159

ନାନା ପ୍ରକାରେ ନାନା ଭେଦେମୁହିଁ ଅଛଇ ବେଦ ମଧ୍ୟେ

Couplet 160

ଯେ ମୋତେ ନ ଭଜେ ଜଗତେମାୟା ଦେଖାଉଥାଇ ନିତ୍ୟେ

Couplet 161

ଏଣୁ ନ ବୁଝେ ବେଦଗତିଅଜ୍ଞାନ ମୋହେ ଜଡ଼ମତି

Couplet 162

ବିଧି-ନିଷେଧ ତର୍କବଳେନାନା ବିକଳ୍ପ ଏ ଶୟଳେ

Couplet 163

କହିଲେ ଯଶୋଦାର ସୁତନାନା ପ୍ରକାରେ ବେଦତତ୍ତ୍ୱ

Couplet 164

ସେ ହରି ଅଭୟ ଚରଣେପାମର ଜଗନ୍ନାଥ ଭଣେ