Skandha 11
Adhyaya 18
Couplet 1
ଦିବ୍ୟ ବିଭୂତି ଶୁଣି କର୍ଣ୍ଣେଉଦ୍ଧବ ଅତି ହୃଷ୍ଟମନେ
Couplet 2
ଦେହ ପୁଲକେ ରୋମରାଜିଭାବ ଗଦ୍ଗଦେ ଚକ୍ଷୁ ବୁଜି
Couplet 3
ବୋଲଇ ହେ ମଧୁସୂଦନଭକ୍ତି ସଂଶୟ ବିମୋଚନ
Couplet 4
ଯେ ଧର୍ମ ଭକ୍ତିର ଲକ୍ଷଣଶ୍ରୀମୁଖେ କହିଲ ଆପଣ
Couplet 5
ସ୍ୱଧର୍ମ ସାଧି କେଉଁମତେବୈଷ୍ଣବ ଲକ୍ଷଣ ଯୁକତେ
Couplet 6
ପୂର୍ବେ ଯେ ହଂସରୂପ ଧରିବ୍ରହ୍ମାପୁତ୍ରଙ୍କୁ ଦୟାକରି
Couplet 7
ପରମଧର୍ମ କଥା ଯେତେକହିଲ ତାହାଙ୍କ ଅଗ୍ରତେ
Couplet 8
ସେ ଧର୍ମ କାଳେ ନଷ୍ଟ ଗଲାସଂସାରେ କେହି ନ ପାଳିଲା
Couplet 9
ଏବେ ଏ କ୍ଷିତି ତଳେ ପୁଣିକେ ତାହା ତୁମ୍ଭ ବିନୁ ଜାଣି
Couplet 10
ସେ ଧର୍ମ କହିପାରୁ ତୁହିତୋ' ତହୁଁ କର୍ତ୍ତା ବକ୍ତା ନାହିଁ
Couplet 11
ବ୍ରହ୍ମାସଦନେ ସୁରଲୋକେତୋ' ବିନୁ କେ କହିବ ଏକେ
Couplet 12
ସଙ୍ଗତେ ଜ୍ଞାନ ଧର୍ମ ଘେନିତୁ ନାଥ ତେଜିବୁ ଅବନୀ
Couplet 13
ସେ ଧର୍ମ-ଗୂଢ଼ତତ୍ତ୍ୱ ଜାଣିତୁ ତାହା କହୁ ପରିମାଣି
Couplet 14
ତୁ ସର୍ବ ଧର୍ମଜ୍ଞାନ-ଦାତାତୁ ସର୍ବକର୍ତ୍ତା ବକ୍ତା ପିତା
Couplet 15
ଭକ୍ତିଲକ୍ଷଣ ଧର୍ମ ଯେତେଭୋ ନାଥ କହ ମୋ' ଅଗ୍ରତେ
Couplet 16
ଏମନ୍ତ ଉଦ୍ଧବ ବଚନଶୁଣି ବୋଲନ୍ତି ଭଗବାନ
Couplet 17
ଶୁଣ ହେ ଭକତଶେଖରଯେ ବର୍ଣ୍ଣାଶ୍ରମ-ଧର୍ମାଚାର
Couplet 18
ମୁଁ ସତ୍ୟଯୁଗେ ହଂସରୂପେବ୍ରହ୍ମାର ପୁତ୍ରଙ୍କ ସମୀପେ
Couplet 19
ପ୍ରଥମଯୁଗେ ଶୁକ୍ଳବର୍ଣ୍ଣେମୁହିଁ ପ୍ରବର୍ତ୍ତାଇଲି ଜନେ
Couplet 20
ଓଁକାର ରୂପେ ଥିଲା ବେଦକେହି ନ ଜାଣେ ତା'ର ଭେଦ
Couplet 21
ମୁଁ ଧର୍ମ ବୃକ୍ଷରୂପ ଧରିସେ ବେଦ ଲୋକରେ ବିସ୍ତାରି
Couplet 22
ଏଣୁ ସେ ଯୁଗେ ଯେତେ ନରସକଳେ ସତ୍ୟଧର୍ମ ପର
Couplet 23
ମନ ବଚନ ହୃଦେ ଧରିମୋତେ ଭଜନ୍ତି ତପକରି
Couplet 24
ଚିତ୍ତେ ଚିନ୍ତିଲେ ଭୋଗ ଯେତେସମୀପେ ମିଳନ୍ତି ସମସ୍ତେ
Couplet 25
ଏମନ୍ତେ ସତ୍ୟଯୁଗ ଗଲାଶୁଣ ଉଦ୍ଧବ ମୋ'ର ଲୀଳା
Couplet 26
ତ୍ରେତୟାଯୁଗେ ମୋର ଦେହୀଯଜ୍ଞପୁରୁଷେ ଜାତ ହୋଇ
Couplet 27
ବେଦ ଉଚିତ ଯଜ୍ଞମାର୍ଗେଧର୍ମ ପ୍ରଚାର ଭୂମିଭାଗେ
Couplet 28
ମୋ' ପାଦ ଉରୁ ଭୁଜାନନେଜନ୍ମ ହୋଇଲେ ଚାରିବର୍ଣ୍ଣେ
Couplet 29
ମୋ' ଭୁଜୁଁ ଜନ୍ମ କ୍ଷତ୍ରି ଜାତିଉରୁରୁ ବୈଶ୍ୟ ଉତପତ୍ତି
Couplet 30
ମୁଖୁଁ ବ୍ରାହ୍ମଣ ମୋ'ର ଜାତଶୂଦ୍ର ମୋ' ଚରଣୁ ସମ୍ଭୂତ
Couplet 31
ଏଣୁ ମୁଁ ପୁରୁଷ ପୁରାଣଈଶ୍ୱର ବ୍ରହ୍ମାଣ୍ତକାରଣ
Couplet 32
ବିରାଟ ପୁରୁଷ ମୋ' ଗତିମୋ' ତହୁଁ ସୃଷ୍ଟି ଉତପତ୍ତି
Couplet 33
ମୋ'ର ଜଘନୁ ଗୃହକାରୀହୃଦୟପଦ୍ମୁଁ ବ୍ରହ୍ମଚାରୀ
Couplet 34
ମୋ' ବକ୍ଷସ୍ଥଳୁଁ ବନବାସୀମସ୍ତକୁ ଜନ୍ମିଲେ ସନ୍ନ୍ୟାସୀ
Couplet 35
ଏ ସର୍ବବର୍ଣ୍ଣ ସର୍ବାଶ୍ରମସମ୍ଭବ ଉଚ୍ଚ ନୀଚ ସ୍ଥାନ
Couplet 36
ପ୍ରକୃତି ଜନ୍ମ ଅନୁସାରେସ୍ୱଭାବ ଆଚାର ବେଭାରେ
Couplet 37
ଉତ୍ତମ ସଙ୍ଗେ ସଙ୍ଗ ଯା'ରସେ କରେ ଉତ୍ତମ ବେଭାର
Couplet 38
ହୀନ ସଙ୍ଗତେ ହୀନଗତିହସି କହନ୍ତି ଯଦୁପତି
Couplet 39
ଉଦ୍ଧବ ଏକମନେ ଶୁଣବ୍ରାହ୍ମଣ ଆଦି ଯେ ଲକ୍ଷଣ
Couplet 40
ତପ ଶଉଚ ଶମ ଦମମୋର ଭକତି ଅନୁପଦ
Couplet 41
ସତ୍ୟ ସନ୍ତୋଷ କ୍ଷମା ଦୟାଆର୍ଜବ ହୃଦୟ ନିର୍ମାୟା
Couplet 42
ଏ ସର୍ବ ବ୍ରାହ୍ମଣ ଲକ୍ଷଣକ୍ଷତ୍ରିୟ ଧର୍ମ ଏବେ ଶୁଣ
Couplet 43
ତେଜ ଶଉଚ ବଳ ଶୌର୍ଯ୍ୟତିତିକ୍ଷା ଉଦ୍ୟମ ଔଦାର୍ଯ୍ୟ
Couplet 44
ବିପ୍ର ଭକତି ଧୃତିମନ୍ତବିକ୍ରମ ଅଇଶର୍ଯ୍ୟ ଯୁକ୍ତ
Couplet 45
ଦାନ ଅର୍ଜନେ ତତପରରଣେ ହୋଇବ ଆଗୁସାର
Couplet 46
କ୍ଷତ୍ରିୟ ଲକ୍ଷଣ ଏ ଜାଣଅପରେ ବୈଶ୍ୟଗୁଣ ଶୁଣ
Couplet 47
ବିପ୍ରପୋଷଣ ଦାନଯୁକ୍ତଦମ୍ଭ ବର୍ଜିତ କୃଷିରତ
Couplet 48
କ୍ରୟ ବିକ୍ରୟ ସାଧୁମତେଧନସଞ୍ଚୟ ଧର୍ମଯୁକ୍ତେ
Couplet 49
ବୈଶ୍ୟର କୁଳଧର୍ମ ଏହିଏବେ ହୋ ଶୂଦ୍ରଧର୍ମ କହି
Couplet 50
ବ୍ରହ୍ମ କ୍ଷତ୍ରିୟ ବୈଶ୍ୟଗଣେସେବା କରିବ ଅନୁକ୍ଷଣେ
Couplet 51
ସକଳ ଜୀବେ ଥିବ ଦୟାକେବେହେଁ ନ କରିବ ମାୟା
Couplet 52
ଶୂଦ୍ରଜନର ଏ ବେଭାରଶୁଣ ହୀନଜନ ଆଚାର
Couplet 53
ଅସତ୍ୟ ବାକ୍ୟ ନିଷ୍ଠାହୀନନାସ୍ତିକ କ୍ରୋଧ ହତଜ୍ଞାନ
Couplet 54
ବିରୋଧ ବାଦ କୁବଚନକନ୍ଦଳ ଆଚାର ଲଂଘନ
Couplet 55
ପରହିଂସନ ପରବାଦପର ରମଣୀ ଧନେ ସଧ
Couplet 56
ନୀଚଜନଙ୍କ ଏ ସ୍ୱଭାବସାମାନ୍ୟ ଶୁଣ ହେ ଉଦ୍ଧବ
Couplet 57
ନଥିବ ହିଂସା ଚୋରି ଦମ୍ଭଆବର କାମ କ୍ରୋଧ ଲୋଭ
Couplet 58
ସତ୍ୟବଚନ ପ୍ରିୟବାଣୀଭୃତ୍ୟ ସୁହୃଦ ଯେତେ ପ୍ରାଣୀ
Couplet 59
ଏ ସର୍ବଲୋକେ ସାଧାରଣସ୍ୱଧର୍ମ ସ୍ୱଭାବ ପ୍ରମାଣ
Couplet 60
ବ୍ରାହ୍ମଣ ଆଦି ଯଥାକ୍ରମେଯେ ଥିବେ ଯେମନ୍ତ ଆଶ୍ରମେ
Couplet 61
ବ୍ରାହ୍ମଣ ଆଶ୍ରମ ବ୍ୟବସ୍ଥାଶୁଣ ଉଦ୍ଧବ ସାଧୁକଥା
Couplet 62
ବ୍ରାହ୍ମଣ କୁଳେ ଜନ୍ମ ହୋଇବେଦପଠନେ ଦୀକ୍ଷା ବହି
Couplet 63
ଗାୟତ୍ରୀମନ୍ତ୍ର ଗୁରୁମୁଖେଜାଣି ସେବିବ ଗୁରୁପାଖେ
Couplet 64
ବେଦପଠନ ଦିନେଦିନେକରିବ ଗୁରୁ ସନ୍ନିଧାନେ
Couplet 65
ତ୍ରିସଂଧ୍ୟା ସ୍ନାନ ହୋମ କରିତ୍ରିଦଣ୍ତ କମଣ୍ତଳୁ ଧରି
Couplet 66
କନ୍ଧେ କୃଷ୍ଣାଜିନ ମେଖଳାଅରୁଣ ବାସ ଅକ୍ଷମାଳା
Couplet 67
ମନ୍ତ୍ର ଜପନ ପୂଜା ହୋମମାର୍ଜନ ଭୋଜନ ନିୟମ
Couplet 68
ଏ ଆଦି କର୍ମ ବ୍ରହ୍ମଚାରୀକରିବ ମଉନ ଆଚରି
Couplet 69
କର ଚରଣ ନଖ ଯେତେଯେ ଲୋମ କକ୍ଷ ଲିଙ୍ଗଗାତ୍ରେ
Couplet 70
ଦୀକ୍ଷା ସମ୍ପୂର୍ଣ୍ଣ ଯାଏ ଧରିକେବେହେଁ ବ୍ୟପନ ନ କରି
Couplet 71
ନିରତେ ଥିବ ଯେ ସଂଯତେବୀର୍ଯ୍ୟ ନ ଦେବ ଯୋନିପଥେ
Couplet 72
ଯଦ୍ୟପି ନିଦ୍ରାଗତ କାଳେସ୍ୱପ୍ନ ଗୋଚରେ ବୀର୍ଯ୍ୟ ଟଳେ
Couplet 73
ବେଗେ ପ୍ରଭାତୁ ସ୍ନାନ କରିହୃଦୟେ ଗାୟତ୍ରୀ ସୁମରି
Couplet 74
ଜପ କରିବ ହସ୍ତରେଖେଉଭାବି ରବି ଅଭିମୁଖେ
Couplet 75
ଗୁରୁଚରଣେ ନମସ୍କାରଯତ୍ନେ କରିବ ସପ୍ତବାର
Couplet 76
ଗୋରୁ ବ୍ରାହ୍ମଣ ବୃଦ୍ଧପାଦେବନ୍ଦନ କରିବ ଆନନ୍ଦେ
Couplet 77
ତ୍ରିସନ୍ଧ୍ୟା ସେବିବ ସ୍ନାହାନେଗାୟତ୍ରୀ ଜପିବ ମଉନେ
Couplet 78
ସାକ୍ଷାତେ ଗୁରୁ ଯେ ଈଶ୍ୱରଗୁରୁଙ୍କୁ ନ ମଣିବ ନର
Couplet 79
ଗୁରୁଟି ସର୍ବ ଦେବମୟେମୁହିଁ ବସଇ ଗୁରୁଦେହେ
Couplet 80
ଏ ଘେନି ଗୁରୁ ଭଗବାନସେ ନୋହେ ମନୁଷ୍ୟ ସମାନ
Couplet 81
ସ୍ୱଧର୍ମେ ନିରତେ ପ୍ରଭାତେଭିକ୍ଷା ମାଗିବ ନିତ୍ୟେ ନିତ୍ୟେ
Couplet 82
ଗୁରୁ ସମୀପେ ତାହା ନେଇଥୋଇବ ଶିରେ କର ଦେଇ
Couplet 83
ପ୍ରସନ୍ନେ ଗୁରୁ ଦେବେ ଯେତେତାହା ଭୁଞ୍ଜିବ ତୋଷଚିତ୍ତେ
Couplet 84
ଗୁରୁ ସେବନ ଅବଧାନେରଜନୀ ବଂଚିବ ମଉନେ
Couplet 85
ଗୁରୁ ସମୀପେ ଭୃତ୍ୟ ପ୍ରାୟେପ୍ରଥମେ ଥିବ ଉଭା ପାୟେ
Couplet 86
ଗୁରୁ ପ୍ରସନ୍ନେ ଆଜ୍ଞା ପାଇବସିବ ଗୁରୁମୁଖ ଚାହିଁ
Couplet 87
ସଭୟେ ସମୀପେ ବସିବଚରଣ ଅଗ୍ର ନ ଦିଶିବ
Couplet 88
ଅଳପ ଦୂରେ ଉଭା ହୋଇକର ଯୁଗଳ ଶିରେ ଦେଇ
Couplet 89
ନିତ୍ୟେ ନମିବ ଗୁରୁପାଦେବେଦପଠନ ଅନୁବାଦେ
Couplet 90
ଏ ରୂପେ ଗୁରୁସେବା କରିଦିନ ବଞ୍ଚିବ ବ୍ରହ୍ମଚାରୀ
Couplet 91
ଏ ଦେହସୁଖ ଦିନେ ଦିନେକେବେହେଁ ନ ଚିନ୍ତିବ ମନେ
Couplet 92
ଯାବତ ବିଦ୍ୟାପୂର୍ଣ୍ଣ ନୋହେତାବତ ଗୁରୁଦୀକ୍ଷା ବହେ
Couplet 93
ମନ ବଚନ ନିଜ ଦେହେନିତ୍ୟେ ସେବିବ ଗୁରୁପ୍ରାୟେ
Couplet 94
ମୋତେ ପୂଜିବ ଗୁରୁଦେହେମୋ' ତହୁଁ ଗୁରୁ ଭିନ୍ନ ନୋହେ
Couplet 95
ଯଦି ସେ ବ୍ରହ୍ମଚାରୀ ଜନବ୍ରହ୍ମଲୋକକୁ ଥିବ ମନ
Couplet 96
ଗୁରୁଙ୍କ ଦେହ ସମର୍ପଣକରି ଶୁଝିବ ଗୁରୁଋଣ
Couplet 97
ଅଗ୍ନିରେ ଗୁରୁରେ ଆତ୍ମାରେମୁଁ ଅଛି ସକଳ ଭୂତରେ
Couplet 98
ମୋତେ କରିବ ଉପାସନବୁଦ୍ଧି ନ କରି ଭିନ୍ନାଭିନ୍ନ
Couplet 99
ନିତ୍ୟେ ସଂଯତ ବ୍ରହ୍ମଚାରୀନୟନେ ନ ଦେଖିବ ନାରୀ
Couplet 100
ସ୍ତ୍ରୀସଙ୍ଗୀ ସଙ୍ଗେ ସମ୍ଭାଷଣକେବେହେଁ ନୋହିବଟି ପୁଣ
Couplet 101
ତମ ରାଜସ ପ୍ରାଣି ଯେତେସଙ୍ଗ ନୋହିବ କଦାଚିତେ
Couplet 102
ଯେଣୁ ଏ ଦୁଷ୍ଟଗଣ ସଙ୍ଗକରଇ ନିଜଧର୍ମ ଭଙ୍ଗ
Couplet 103
ଶଉଚ ସ୍ନାନ ଆଚମନତ୍ରିକାଳ ସନ୍ଧ୍ୟା ଉପାସନ
Couplet 104
ତୀର୍ଥଗମନ ଜପ ହୋମଶ୍ରବଣ କୀର୍ତ୍ତନ ମୋ' ନାମ
Couplet 105
ମୋ'ର ଚରଣ ସେବା ଯେତେସଂଯତେ କରିବ ନିରତେ
Couplet 106
ଅସାଧୁ ସଙ୍ଗେ ସମ୍ଭାଷଣଯେ ଅବା ଅଭକ୍ଷ୍ୟ ଭକ୍ଷଣ
Couplet 107
ଏ ଆଦି ଧର୍ମର ଲଂଘନେକେବେହେଁ ନ ଚିନ୍ତିବ ମନେ
Couplet 108
ସମାନ ଧର୍ମ ଆଚରଣଏ ଆଦି ଆଶ୍ରମ ଲକ୍ଷଣ
Couplet 109
ସଂଯମେ ମନବାକ୍ୟ ଧରିଏତେ ଲକ୍ଷଣେ ବ୍ରହ୍ମଚାରୀ
Couplet 110
ମୋର ଚରଣ ସେବାକରିସକଳ ବର୍ଣ୍ଣେ ଅଧିକାରୀ
Couplet 111
ଏ ରୂପେ ବ୍ରାହ୍ମଣର ସୁତସାଧିବ ବ୍ରହ୍ମଚାରୀ ବ୍ରତ
Couplet 112
ଏମନ୍ତ ବ୍ରତେ ବ୍ରହ୍ମଚାରୀବିରାଜେ ଅଗ୍ନିରୂପ ଧରି
Couplet 113
ମୋର ଭକତ ଏ ଶୟଳେମୋ' ସେବା ତୀର୍ଥ ତପଫଳେ
Couplet 114
ତା'ର ଦୁରିତ ଯେତେ ଦେହେମୋ'ନାମେ ଅଗ୍ନିକୁଣ୍ତେ ଦହେ
Couplet 115
ଏମନ୍ତ ବ୍ରତେ ବ୍ରହ୍ମଚାରୀଯଦି ସକଳ ବେଦ ଧରି
Couplet 116
ତାତ ଜନନୀଙ୍କି ଜଣାଇଦକ୍ଷିଣା ଗୁରୁପାଦେ ଦେଇ
Couplet 117
ଗୁରୁବଚନ ଶିରେ ଧରିବେଦ ଉତ୍ସର୍ଗେ ସ୍ନାନ କରି
Couplet 118
ଛାଡ଼ିବ ବ୍ରହ୍ମଚାରୀ ବେଶବନେ ବା ଭୁବନେ ପ୍ରବେଶ
Couplet 119
ଏମନ୍ତେ ନିଜଭାବେ ଥିବଯେ ପୂର୍ବ ଆଶ୍ରମ ସ୍ୱଭାବ
Couplet 120
ଅନ୍ୟ ଆଶ୍ରମ ଯେବେ ଭଜିପୂର୍ବ ଆଶ୍ରମ ତେବେ ତେଜି
Couplet 121
ଯେବେ ବ୍ରାହ୍ମଣ ବ୍ରହ୍ମଚାରୀଗୃହ ଆଶ୍ରମେ ଚିତ୍ତ ଧରି
Couplet 122
ବିଚାରି କନ୍ୟା କୁଳବତୀରୂପ ଲକ୍ଷଣ ତାର ଚିନ୍ତି
Couplet 123
ବୟଃ ଆକୃତି ପରିମାଣିକନ୍ୟା ବରିବ ସୁଲକ୍ଷଣୀ
Couplet 124
ବିବାହ କରି ଶୁଭଲଗ୍ନେଯେ ବେଦ ବିଧାନ ପ୍ରମାଣେ
Couplet 125
ସୁଖେ ସାଧିବ ଗୃହବାସେକାମ କାଞ୍ଚନ ପୁତ୍ର ଆଶେ
Couplet 126
ଯେ ଧର୍ମ ଗୃହସ୍ଥ କାରଣଉଦ୍ଧବ ସାବଧାନେ ଶୁଣ
Couplet 127
ବ୍ରାହ୍ମଣ କୁଳଧର୍ମ ଯେତେଶୁଣ କହିବା ତୋ ଅଗ୍ରତେ
Couplet 128
ବେଦାଧ୍ୟୟନ ଅଧ୍ୟାପନଗ୍ରହଣ ଯଜନ ଯାଜନ
Couplet 129
ଦାନ ହିଁ ଦେଉଥିବ ନିତ୍ୟେଲୋଭ ନ କରି ଶୁଦ୍ଧଚିତ୍ତେ
Couplet 130
ଗୃହେ ହୋଇବ ସର୍ବସହଯେ ନୀଚକର୍ମ ପ୍ରତିଗ୍ରହ
Couplet 131
କେବେହେଁ ନ ଘେନିବ କରନାଶଇ ଇହ ପରକାଳ
Couplet 132
ଯେ ଅବା ଦୁଷ୍ଟ ପ୍ରତିଗ୍ରହଉଭୟ ଲୋକେ ଦୁଃଖମୟ
Couplet 133
ଯେ ପ୍ରତିଗ୍ରହ ଭୟଙ୍କରଯଶ ତପସ୍ୟା ତେଜହର
Couplet 134
ସେ ପ୍ରତିଗ୍ରହ ନ କରିବଦୁଃଖେ ବା କୁଟୁମ୍ବ ପୋଷିବ
Couplet 135
ନିତ୍ୟେ ଯାଜନ ଅଧ୍ୟାପନେବଞ୍ଚିବ କିଞ୍ଚିତ ଭୋଜନେ
Couplet 136
ଯେ ଧର୍ମକର୍ମ ବିପରୀତେକେବେହେଁ ନ କଳ୍ପିବ ଚିତ୍ତେ
Couplet 137
ଚିତ୍ତ ସନ୍ତୋଷ ଯଥାଲାଭେନିତ୍ୟେ ବଂଚିବ ମୋର ଭାବେ
Couplet 138
ଯେ ବିପ୍ର ହରି ପରାୟଣେଗୃହେ ବସଇ ସାଧୁପଣେ
Couplet 139
ନିତ୍ୟେ କରଇ ମୋତେ ଧ୍ୟାନସେ ନୋହେ ନରକେ ପତନ
Couplet 140
ସେ ଗୃହ ଅନ୍ଧକୂପୂଁ ତରେଆତ୍ମାକୁ ଆପଣେ ନିସ୍ତାରେ
Couplet 141
ଯେ ଅବା ପୂର୍ବକର୍ମ ଦୋଷେଦୁଃଖୀ ଦରିଦ୍ର ଗୃହବାସେ
Couplet 142
ମୋହରେ ପରାୟଣ ହୋଇଯେ ବିପ୍ର ଦୁଃଖେ ଶୀର୍ଣ୍ଣ ହୋଇ
Couplet 143
ଏମନ୍ତ ବିପ୍ରଦୁଃଖ ଚାହିଁଯେ ଅବା ଚିତ୍ତେ ଦୟାବହି
Couplet 144
ବିପ୍ରପୋଷଣ କରେ ନିତ୍ୟେମୁଁ ଥାଇଁ ତାହାର ଅଗ୍ରତେ
Couplet 145
ବ୍ରାହ୍ମଣମୁଖେ ମୋ' ଆହାରବିପଦ ଖଣ୍ତଇ ତାହାର
Couplet 146
ସମୁଦ୍ର ମଧ୍ୟେ ନାବ ଯେହ୍ନେପ୍ରାଣୀଙ୍କି ତାରଇ ଯେସନେ
Couplet 147
ପିତାର ପ୍ରାୟେ ହୋଇ ରାଜାବିପଦ ମଧ୍ୟୁ ସର୍ବପ୍ରଜା
Couplet 148
ଜନଙ୍କୁ କରିବ ଉଦ୍ଧାରଯେଣୁ ବୋଲାଏ ନରେଶ୍ୱର
Couplet 149
ଆପଣା ଆତ୍ମାକୁ ଆପଣେଉଦ୍ଧାର କରେ ସତ୍ତ୍ୱଗୁଣେ
Couplet 150
ଯେସନେ ଗଜର ବିପତ୍ତିଦେଖି ଉଦ୍ଧରେ ଗଜପତି
Couplet 151
ଯେ ରାଜା ଏମନ୍ତ ପ୍ରକାରଅଶୁଭ ନାଶେ ଆପଣାର
Couplet 152
ସୂର୍ଯ୍ୟସମାନ ତେଜ ରାଶିଏମନ୍ତ ବିମାନରେ ବସି
Couplet 153
ହରଷ ହୋଇ ନିରନ୍ତରେରହଇ ଇନ୍ଦ୍ରର ସଙ୍ଗରେ
Couplet 154
ଏମନ୍ତେ ବ୍ରାହ୍ମଣ ବଞ୍ଚିବଯଦ୍ୟପି ବିପଦ ପଡ଼ିବ
Couplet 155
ତେବେ ବଞ୍ଚିବ ବୈଶ୍ୟମତେକୃଷି ବାଣିଜ୍ୟ ବେନିପଥେ
Couplet 156
ଅଥବା ଶସ୍ତ୍ର ଧରି କରେବଞ୍ଚିବ ପଦାତି ପ୍ରକାରେ
Couplet 157
ହିଂସା ନ ବହି ହୃଦୟରେବିଅର୍ଥେ ନ ନାଶିବ ପରେ
Couplet 158
କ୍ଷତ୍ରିୟବୃତ୍ତି କରି ଅବାକେବେହେଁ ନ କରିବ ସେବା
Couplet 159
ଏମନ୍ତେ ବିପଦ ବଞ୍ଚିବଶୁଭେ ଯେ ନିଜଧର୍ମେ ଥିବ
Couplet 160
ବିପଦେ ବୈଶ୍ୟବୃତ୍ତି ଧରିକ୍ଷତ୍ରିୟ କୁଟୁମ୍ବ ଆବୋରି
Couplet 161
ବଞ୍ଚିବ ଅବା ମୃଗୟାରେନୋହିଲେ ବ୍ରାହ୍ମଣ ବୃତ୍ତିରେ
Couplet 162
ଆପଦୁଁ ତରି କାଳକ୍ରମେକ୍ଷତ୍ରିୟ ଥିବ ନିଜଧର୍ମେ
Couplet 163
ଏମନ୍ତେ ବିପଦୁଁ ବଞ୍ଚିବନୀଚକୁ ସେବା ନ କରିବ
Couplet 164
ବିପଦେ ବୈଶ୍ୟ ଶୂଦ୍ରପ୍ରାୟେକୁଟୁମ୍ବ ତାରିବ ଉପାୟେ
Couplet 165
ବିପଦେ ଶୂଦ୍ର ତା'ର କର୍ମେବଞ୍ଚିବ ନିଜଗୁଣ ଧର୍ମେ
Couplet 166
ଏମନ୍ତେ ବର୍ଣ୍ଣ-ଧର୍ମ-ପଥେକହିଲି ତୋହର ଅଗ୍ରତେ
Couplet 167
ଅବଶ୍ୟ କର୍ତ୍ତବ୍ୟ ଏ ଜାଣଗୃହରେ ପଞ୍ଚଯଜ୍ଞ ପୁଣ
Couplet 168
କରିବ ବେଦ ଅଧ୍ୟୟନସ୍ୱଧା ଯେ ସ୍ୱାହା ବଳି ଅନ୍ନ
Couplet 169
ଏ ଆଦି ପଞ୍ଚମ ପ୍ରକାରେଯଥା ବିଭବ ଅନୁସାରେ
Couplet 170
ଦେବତା ଋଷି ପିତୃଭୂତଅତିଥିମାନଙ୍କୁ ଉଚିତ
Couplet 171
ପୂଜା କରିବ ପ୍ରତିଦିନେମୋ' ରୂପ ଅଟନ୍ତି ଏମାନେ
Couplet 172
ଧର୍ମେ ଯେ ଧନ ଅରଜିବଯେ ଅବା ହେଳେ ମିଳିଯିବ
Couplet 173
ତହିଁରେ ଯଜ୍ଞ ଆଚରିବଭୃତ୍ୟଙ୍କୁ ପୀଡ଼ା ନ କରିବ
Couplet 174
ଏ ଭାବେ ଗୃହଧର୍ମ ମତଚିତ୍ତ ନ କରି ମୋହଗ୍ରସ୍ଥ
Couplet 175
ଗୃହରେ ବିପଦ-ସମ୍ପଦେକୁଳ-କାଞ୍ଚନ-ବନ୍ଧୁ-ମଦେ
Couplet 176
ମୋହେ ନୋହିବ ମନ ଛନ୍ନଏ ସର୍ବ ନଶ୍ୱର ସମାନ
Couplet 177
ଭାବେ ଜାଣିବ ଶୁଣି ଦେଖିଇଚ୍ଛାଏ ସକଳ ଉପେକ୍ଷି
Couplet 178
ଏ ସୁତ-ଦାରା-ବନ୍ଧୁ ସଙ୍ଗଯେସନେ ସମୁଦ୍ର ତରଙ୍ଗ
Couplet 179
ପଥିକ ଯେହ୍ନେ ବୃକ୍ଷତଳେଶ୍ରମେ ମିଳନ୍ତି ଏକମେଳେ
Couplet 180
ଶ୍ରମ ସାରିଲେ ଯେଝାମତେଚଳନ୍ତି ବୃକ୍ଷଥାଇ ପଥେ
Couplet 181
ଯେସନେ ପ୍ରାଣୀ ନିଦ୍ରାଗତେସମ୍ପଦ ଦେଖେ ସ୍ୱପ୍ନମତେ
Couplet 182
ଏହି ପ୍ରକାରେ ଗୃହବାସଏଣେ ନ କରିବ ବିଶ୍ୱାସ
Couplet 183
ଏହା ତୁ ବୁଝି ଯଦୁବୀରଚଞ୍ଚଳ ଚିତ୍ତ ସ୍ଥିର କର
Couplet 184
ଅନିତ୍ୟ ଅସତ୍ୟ ଶରୀରଅନ୍ତେ ଲଭଇ ତମଘୋର
Couplet 185
ଏଣୁ ଅତିଥି ପ୍ରାୟ ହୋଇମୋର ଭକତ ଗୃହେ ଥାଇ
Couplet 186
ପୁତ୍ର କଳତ୍ର ବନ୍ଧୁ ଶିରୀନ ବୋଲେ ମୋହରି ମୋହରି
Couplet 187
ଦଇବ ମାୟା ଏ ସଂସାରଏଣେ ନ କର ଅହଙ୍କାର
Couplet 188
ଏ ଭାବେ ଥାଏ ଯେଉଁଜନସେ ନୋହେ ଗୃହରେ ବନ୍ଧନ
Couplet 189
ଏମନ୍ତେ ଗୃହ-ଅବଧାନେଧର୍ମ ସାଧିବ ଯଜ୍ଞଦାନେ
Couplet 190
ମୋର ଭକତି ଦିନେଦିନେସାଧିବ ହୃଦୟ ଯତନେ
Couplet 191
ଗୃହସ୍ଥଭାବେ ଏହିମତେଭାବେ ବଞ୍ଚିବ ଦିନାକେତେ
Couplet 192
ବୟସ-ତୃତୀୟ ପ୍ରାପତେବନେ ଚଳିବ ତପଅର୍ଥେ
Couplet 193
ପତ୍ନୀ ନିବେଶି ପୁତ୍ରପାଶେଅଥବା ଚଳିବ ସନ୍ନ୍ୟାସେ
Couplet 194
ପୁତ୍ର ନ ଥିଲେ ଘେନି ସଙ୍ଗେନିଜ ଆୟୁଷ ବେନିଭାଗେ
Couplet 195
ଧର୍ମ କରଣେ କର୍ମ ଯେତେବନେ ସାଧିବ ଯେଝାମତେ
Couplet 196
ଗୃହ ନିର୍ବନ୍ଧ ଯାର ମନେଆକୁଳ ସୁତ-ଦାରା-ଧନେ
Couplet 197
ମୂଢ଼ କୃପଣ ସ୍ତିରୀଯୁତମୁହିଁ ମୋହର ଏ ସମସ୍ତ
Couplet 198
ଏଣୁ ବଞ୍ଚଇ ଗୃହବାସେଅଶାନ୍ତ ଇନ୍ଦ୍ରିୟ ଲାଳସେ
Couplet 199
କୁଟୁମ୍ବ-ନିସ୍ତାରଣ ଆଶେଭାଳଇ ରଜନୀ ଦିବସେ
Couplet 200
ବୃଦ୍ଧ ଜନନୀ ତାତ ମୋରବନିତା ବାଳକ କୁମର
Couplet 201
କି ରୂପେ ନିସ୍ତାରିବି ମୁହିଁଏଣେ ଆକୁଳ ମନ ହୋଇ
Couplet 202
କ୍ଷଣେ ନ ପାରେ ଗୃହ ଛାଡ଼ିନିରତେ ଚିନ୍ତା ଚିତ୍ତେ ଜଡ଼ି
Couplet 203
ଦାରା ତନୟ ନିତ୍ୟେ ଚିନ୍ତିଗୃହେ ମଜ୍ଜଇ ମୂଢ଼ମତି
Couplet 204
ଅନ୍ତେ ପଡ଼ଇ ତମ ଘୋରେଭ୍ରମଇଁ ଏ ଘୋର ସଂସାରେ
Couplet 205
ଗୃହ କରଣ ବର୍ଣ୍ଣଭାବଊଦ୍ଧବ କହିଲେ ମାଧବ
Couplet 206
ସେ ଗୁରୁଶିଷ୍ୟ ପାଦଗତନମଇଁ ଦାସ ଜଗନ୍ନାଥ