Skandha 11
Adhyaya 16
Couplet 1
ବୋଲନ୍ତି କମଳାରମଣଉଦ୍ଧବ ସାବଧାନେ ଶୁଣ
Couplet 2
ଏ ଜ୍ଞାନଯୋଗ ଏହିମତେଜ୍ଞାନୀ ସାଧନ୍ତି ଏ ଜଗତେ
Couplet 3
ଏ ପୁଣି ବହୁଦିନେ ସିଦ୍ଧିଯୋଗ ପ୍ରକାଶେ ନାନାବିଧି
Couplet 4
ଏଣୁ ଭକତ ଯୋଗୀଜନେସାଧ୍ୟ କରନ୍ତି ଅଳ୍ପଦିନେ
Couplet 5
ନିକଟେ ଖଟେ ସର୍ବସିଦ୍ଧିଅଷ୍ଟାଙ୍ଗଯୋଗ ଏ ପ୍ରସିଦ୍ଧି
Couplet 6
ଏମନ୍ତ କୃଷ୍ଣମୁଖୁଁ ଶୁଣିଉଦ୍ଧବ ବୋଲେ ମଞ୍ଜୁବାଣୀ
Couplet 7
ଶୁଣ ହେ କମଳାର ବରଅଶେଷ ବ୍ରହ୍ମାଣ୍ତଠାକୁର
Couplet 8
କେଉଁ ଧାରଣା କେଉଁମତେଜ୍ଞାନୀ ସାଧନ୍ତି ଏ ଜଗତେ
Couplet 9
ସିଦ୍ଧି ଲକ୍ଷଣ ଅବା କେତେସର୍ବ ନିର୍ଣ୍ଣୟ କହ ମୋତେ
Couplet 10
ଏମନ୍ତ ଉଦ୍ଧବର ବାଣୀଶୁଣି କହନ୍ତି ଚକ୍ରପାଣି
Couplet 11
ଉଦ୍ଧବ ସାବଧାନେ ଶୁଣକହିବା ଯୋଗସିଦ୍ଧିମାନ
Couplet 12
ସଂସାରେ ଅଷ୍ଟାଦଶ ସିଦ୍ଧିଜ୍ଞାନୀ ସାଧନ୍ତି ନାନାବିଧି
Couplet 13
ସିଦ୍ଧିଙ୍କ ମଧ୍ୟେ ଅଷ୍ଟସାରଯେଣୁ ମୁଁ ବୋଲାଇ ଈଶ୍ୱର
Couplet 14
ଅଣିମା ଆଦି ଅଷ୍ଟସିଦ୍ଧିମୁକ୍ତି ଲକ୍ଷଣ ଏ ପ୍ରସିଦ୍ଧି
Couplet 15
ଯେ ଦଶ ସିଦ୍ଧି ରହେ ଶେଷେସ୍ୱଭାବେ ତିନିଗୁଣେ ମିଶେ
Couplet 16
ଅଣିମା ଲଘିମା ଏ ବେନିମହିମା ଘେନି ସିଦ୍ଧି ତିନି
Couplet 17
ଯୋଗୀଙ୍କ ଦେହେ ଥା'ନ୍ତି ନିତ୍ୟେପ୍ରାପ୍ତି ରହଇ ଇନ୍ଦ୍ରିଯୁତେ
Couplet 18
ପ୍ରାକାମ୍ୟ ଶ୍ରୁତି ଦୃଷ୍ଟି ବସେଈଷିତା ଶକ୍ତି ପରକାଶେ
Couplet 19
ବଶିତା ଶକ୍ତି ଯେ ବୋଲାଇବିଷୟ ତା'କୁ ନ ଲାଗଇ
Couplet 20
ଅଷ୍ଟମ କାମବଶାୟିତାଯୋଗୀଙ୍କ ମନୋରଥ ଦାତା
Couplet 21
କ୍ଷୁଧା ପିପାସା ଜରା ମୁତ୍ୟୁଲୋଭ ମୋହ ଏ ଷଡ଼ହେତୁ
Couplet 22
ଏ ଷଡ଼ଉର୍ମି ନିବାରଣଅନୁ ବିଂସିଦ୍ଧି ଏ ଲକ୍ଷଣ
Couplet 23
ପ୍ରାଣୀଏ ଅତିଦୂରେ ଥାଇନିନ୍ଦା ସ୍ତବନ ଯାହା କହି
Couplet 24
ସେ କଥା ଜାଣଇ ତକ୍ଷଣଦୂରଶ୍ରବଣ ଏହା ନାମ
Couplet 25
ବିଶ୍ୱସଂସାର ଚରାଚରନିତ୍ୟେ ଯେ ଏହାର ଗୋଚର
Couplet 26
ଉଦ୍ଧବ ସାବଧାନେ ଶୁଣଦୂରଦର୍ଶନ ଏ ଲକ୍ଷଣ
Couplet 27
ମନ ହୁଁ ବେଗ ଦେହ ଗତିଏ ସିଦ୍ଧି ମନୋଜବ ହୋନ୍ତି
Couplet 28
ଯେ କାମରୂପ ସିଦ୍ଧି କହିକଳ୍ପିତେ ଦେହ ପ୍ରକାଶଇ
Couplet 29
ଚତୁରଦଶେ ସିଦ୍ଧି ଗୁଣଯେ ପରକାୟପ୍ରବେଶନ
Couplet 30
ଇଚ୍ଛାମରଣ ଯେବେ ହୋଇସ୍ୱଚ୍ଛନ୍ଦମୁତ୍ୟୁ ସିଦ୍ଧି ସେହି
Couplet 31
ଦେବଙ୍କ ସଙ୍ଗେ ବିହରଇଅମରସିଦ୍ଧି ତାକୁ କହି
Couplet 32
ମନ କଳ୍ପିତେ ଫଳ ପାଇସଙ୍କଳ୍ପସିଦ୍ଧି ସେ ବୋଲାଇ
Couplet 33
ଧ୍ୟାନ ଧାରଣା ଅବହେଳେଯାହା କହନ୍ତି ଯୋଗବଳେ
Couplet 34
ଅନ୍ୟଥା ନୁହଁଇ ସେ ପୁଣବଚନସିଦ୍ଧି ଏ ପ୍ରମାଣ
Couplet 35
ଏ ସିଦ୍ଧି ଅଷ୍ଟାଦଶ ଜାଣସାମାନ୍ୟ ସିଦ୍ଧି ଏବେ ଶୁଣ
Couplet 36
ଭୂତ ଭବିଷ୍ୟ ବର୍ତ୍ତମାନେଯୋଗୀ ଜାଣନ୍ତି ଯୋଗଧ୍ୟାନେ
Couplet 37
ଏ ସିଦ୍ଧି ତ୍ରିକାଳଜ୍ଞ ନାମଆବର ସିଦ୍ଧି ଏବେ ଶୁଣ
Couplet 38
ଶୀତ ବରଷା ଘର୍ମ ବାତଯହିଁରେ ନ କରଇ ଗ୍ରସ୍ତ
Couplet 39
ଯେଣେ ତ୍ରିବିଧ ତାପ ନାହିଁଅଦ୍ୱନ୍ଦ୍ୱସିଦ୍ଧି ଏ ବୋଲାଇ
Couplet 40
ପ୍ରାଣୀଙ୍କ ଚିତ୍ତ ଯେବେ ଜାଣିଚିତ୍ତଜ୍ଞସିଦ୍ଧି ସେ ବଖାଣି
Couplet 41
ଅନଳ ତପନ ଜଳଧିଅପରେ ବିଷ ଶସ୍ତ୍ର ଆଦି
Couplet 42
ଏ ସର୍ବ ଯେଣେ ନ ବାଧଇବିଷ୍ଟମ୍ବସିଦ୍ଧି ତାକୁ କହି
Couplet 43
ପର ଅପର ରିପୁବଳେଅଜେୟ ହୋଇ ସର୍ବକାଳୈ
Couplet 44
ଶୁଣ ଉଦ୍ଧବ ମନ ଦେଇଅପରାଜେୟସିଦ୍ଧି ସେହି
Couplet 45
ସକଳ ସିଦ୍ଧି ତୋ' ଅଗ୍ରତେକହିଲି ଉପଦେଶ ମତେ
Couplet 46
ଯେଉଁ ଧାରଣେ ଯେଉଁ ସିଦ୍ଧିଶୁଣ କହିବା ଯଥାବିଧି
Couplet 47
ଯେ ଭୂତସୂକ୍ଷ୍ମେ ଦେଇ ମତିଧାରଣାଯୋଗେ ମୋତେ ଚିନ୍ତି
Couplet 48
ଏଣେ ସେ ସୂକ୍ଷ୍ମରୂପେ ରହିଅଣିମାସିଦ୍ଧିକି ଲଭଇ
Couplet 49
ମହତରୂପେ ମୋତେ ଚିନ୍ତିମହିମାସିଦ୍ଧି ସେ ଲଭନ୍ତି
Couplet 50
ସକଳଭୂତ ମଧ୍ୟେ ମୁହିଁଅଣୁ ପ୍ରମାଣେ ପ୍ରକାଶଇ
Couplet 51
ସେ ରୂପ ଯୋଗବଳେ ଧ୍ୟାୟିଲଘିମା ସିଦ୍ଧିକି ଲଭଇ
Couplet 52
ଅହଙ୍କରଣ ରୂପେ ମୋତେସାଧଇ ଇନ୍ଦ୍ରିୟ ସଂଯୁକ୍ତେ
Couplet 53
ଚିତ୍ତେ ଧରଇ ଯୋଗବଳେସେ ପ୍ରାପ୍ତିସିଦ୍ଧି ଲଭେ ହେଳେ
Couplet 54
ଯେ କ୍ରିୟାଶକ୍ତି ମହତ୍ତତ୍ତ୍ୱେଯୋଗୀଏ ଭଜି ଦୃଢ଼ଚିତ୍ତେ
Couplet 55
ମହତ ରୂପେ ମୋତେ ଧ୍ୟାୟିପ୍ରାକାମ୍ୟସିଦ୍ଧି ଯୋଗେ ପାଇ
Couplet 56
ତ୍ରିଗୁଣ ଅଧୀଶ୍ୱର ହୋଇଏ ଭୂତ କ୍ଷେତ୍ରକାଳ ମୁହିଁ
Couplet 57
ଏମନ୍ତ ଭାବି ସର୍ବଭୂତେଈଷିତାଶକ୍ତି ଲଭେ ନିତ୍ୟେ
Couplet 58
ସକଳ ଐଶ୍ଚର୍ଯ୍ୟର ଧାମତୁରୀୟ ରୂପ ନାରାୟଣ
Couplet 59
ଧାରଣା ଯୋଗେ ଚିତ୍ତ ଧରିବଶିତାସିଦ୍ଧି ବଶ କରି
Couplet 60
ନିର୍ଗୁଣ ବ୍ରହ୍ମ ରୂପେ ମୋତେମନ ନିବେଶି ଶୁଦ୍ଧଚିତ୍ତେ
Couplet 61
ସେ କାମବଶାୟିତା ପାଇମନ କଳ୍ପନା ସିଦ୍ଧ ଯହିଁ
Couplet 62
କ୍ଷୀରଜଳଧି ମଧ୍ୟେ ସ୍ଥାନବୋଲାଇ ଶ୍ୱେତଦ୍ୱୀପ ନାମ
Couplet 63
ସେ ସ୍ଥାନ ମଧ୍ୟେ ମୋ'ର ଧାମନୀଳଜଳଦ ତନୁ ଶ୍ୟାମ
Couplet 64
ବିଶୁଦ୍ଧ ଧର୍ମମୟ ମୂର୍ତ୍ତିଯୋଗ ଧାରଣେ ମୋତେ ଚିନ୍ତି
Couplet 65
କ୍ଷୁଧା ପିପାସା ଜିଣି ହେଳେଅନୁବିଂସିଦ୍ଧି ଲଭେ ଭଲେ
Couplet 66
ଆକାଶ ପ୍ରାୟ ଶୂନ୍ୟରୂପୀମୁଁ ଥାଇ ସର୍ବଭୂତେ ବ୍ୟାପୀ
Couplet 67
ଯେ ମୋତେ ନାଦ ରୂପେ ଭାବେଦୂର ଶ୍ରବଣ ବେଗେ ଲଭେ
Couplet 68
ଚକ୍ଷୁ ଯୁଗଳ ସୂର୍ଯ୍ୟେ ଥୋଇନୟନେ ଆଦିତ୍ୟ ବସାଇ
Couplet 69
ବେନି ସଂଯୋଗେ ମଧ୍ୟଗତେମୋତେ ଧ୍ୟାୟିଲେ ଦୃଢ଼ଚିତ୍ତେ
Couplet 70
ଦୂରଦର୍ଶନସିଦ୍ଧି ହୋଇସକଳ ବିଶ୍ୱ ସେ ଦେଖଇ
Couplet 71
ମନ ବଚନ ଦେହ ପ୍ରାଣଦେଇ ଯେ ଭଜେ ମୋ' ଚରଣ
Couplet 72
ମନର ସଙ୍ଗେ ତା' ଗମନଏ ସିଦ୍ଧି ମନୋଜବ ନାମ
Couplet 73
ଅଚିନ୍ତ୍ୟଶକ୍ତି ମୋ' ଚରଣଧାରଣା ଯୋଗେ କରି ଧ୍ୟାନ
Couplet 74
ଯେ ରୂପ କଳ୍ପଇ ତା' ମନେସେ ରୂପ ହୋଇ ତତକ୍ଷଣେ
Couplet 75
ଶୁଣ ଉଦ୍ଧବ ସାଧୁ ଧୀରସେ କାମରୂପସିଦ୍ଧି ସାର
Couplet 76
ପର ଶରୀର ଶୂନ୍ୟ ଦେଖିତା' ଦେହେ ଆତ୍ମା ଉପଲକ୍ଷ୍ୟି
Couplet 77
ଧ୍ୟାନ କରଇ ମୋର ପାଦେନିଶ୍ଚଳ ମନେ ଅପ୍ରମାଦେ
Couplet 78
ପଶଇ ତା'ର ଦେହେ ଯାଇକାୟପ୍ରବେଶସିଦ୍ଧି ଏହି
Couplet 79
ମୋ' ରୂପ ବ୍ରହ୍ମମୟ ଧ୍ୟାନେଦୃଢ଼େ ବସିବ ଯୋଗାସନେ
Couplet 80
ପ୍ରାଣ ତୋଳିବ ଯାଗବଳେସ୍ଥାପିବ ହୃଦୟ କମଳେ
Couplet 81
ପୁଣି ତୋଳିବ ଦୃଢ଼େ ଉର୍ଦ୍ଧ୍ୱେନେଇ ସ୍ଥାପିବ ବ୍ରହ୍ମରନ୍ଧ୍ରେ
Couplet 82
ସେ ବ୍ରହ୍ମରନ୍ଧ୍ର ଭେଦି ବଳେପରମବ୍ରହ୍ମେ ଆତ୍ମା ମିଳେ
Couplet 83
ଶୁଣ ହୋ ଭକତ ଉତ୍ତମସ୍ୱଚ୍ଛନ୍ଦମୃତ୍ୟୁ ଏହା ନାମ
Couplet 84
ନିତ୍ୟେ ମୁଁ ସତ୍ତ୍ୱରୂପେ ଥାଇଯେ ମୋତେ ସତ୍ତ୍ୱରୂପେ ଧ୍ୟାୟି
Couplet 85
ସାଧି ଅମରସିଦ୍ଧି ଯୋଗଭୁଞ୍ଜଇ ସ୍ୱର୍ଗ ବଇଭୋଗ
Couplet 86
ଯେ କଳ୍ପବୃକ୍ଷ ରୂପେ ମୋତେସତ୍ୟ ସ୍ୱରୂପେ ଚିନ୍ତେ ନିତ୍ୟେ
Couplet 87
ଧାରଣା ଯୋଗେ ଧ୍ୟାନବଳେସଙ୍କଳ୍ପସିଦ୍ଧି ଲଭେ ହେଳେ
Couplet 88
ସଂସାରେ ହର୍ତ୍ତାକର୍ତ୍ତା ମୁହିଁମୋ' ବିନୁ ଅନ୍ୟଗତି ନାହିଁ
Couplet 89
ମୁଁ ସର୍ବଆତ୍ମା ଅଧୀଶ୍ୱରମୋହର ନାହିଁ ପରାପର
Couplet 90
ଏ ଭାବେ ମୋତେ ଯେ ଚିନ୍ତଇବଚନସିଦ୍ଧି ତା'ର ହୋଇ
Couplet 91
ଭୂତ ଭବିଷ୍ୟ ବର୍ତ୍ତମାନମୋର ଭକ୍ତିରେ ଶୁଦ୍ଧମନ
Couplet 92
ଯୋଗୀ ଜାଣଇ ତାହା ହେଳେନ ପୋଡ଼େ ପୁଣି ସେ ଅନଳେ
Couplet 93
ଯେସନେ ଜଳଜନ୍ତୁଙ୍କରଜଳେ ନ ନାଶଇ ଶରୀର
Couplet 94
ଧ୍ୱଜ ଚାମର ଛତ୍ରମାନଶ୍ରୀବତ୍ସ ଚକ୍ରାଦିଭୂଷଣ
Couplet 95
ଏଣେ ଭୂଷିତ ମୂର୍ତ୍ତିମାନଯେ ମୋ' ବିଭୂତି କରେ ଧ୍ୟାନ
Couplet 96
ସେ କାହିଁ ନୋହେ ପରାଜିତଶୁଣ ଉଦ୍ଧବ ଦେଇ ଚିତ୍ତ
Couplet 97
ଏମନ୍ତେ ଧାରଣା ଧିଆନେସାଧ୍ୟ କରନ୍ତି ଯୋଗୀଜନେ
Couplet 98
ଏ ଅଷ୍ଟାଦଶସିଦ୍ଧି ଯେତେକିଞ୍ଚିତେ ସାଧନ୍ତି ମୋ' ଭକ୍ତେ
Couplet 99
ମୋ' ନାମ ଶ୍ରବଣ କୀର୍ତ୍ତନେସିଦ୍ଧେ ସାଧନ୍ତି ଅଳ୍ପଦିନେ
Couplet 100
ସଂସାରେ ଯେତେ ସିଦ୍ଧିଭାବତାହାଙ୍କୁ ନୁହଇ ଦୁର୍ଲ୍ଲଭ
Couplet 101
ଏ ଯେତେ ସିଦ୍ଧି ଅଷ୍ଟାଦଶଯୋଗୀଙ୍କ ବିଘ୍ନ ଉପଦେଶ
Couplet 102
ଭକତିଯୋଗ ଜ୍ଞାନଯୋଗେଏ ବିଘ୍ନ ଆଚରନ୍ତି ବେଗେ
Couplet 103
ଯେ ଯୋଗୀ ସିଦ୍ଧପଥେ ଥା'ନ୍ତିବିଅର୍ଥେ ଦିନ ସେ ବଞ୍ଚନ୍ତି
Couplet 104
ଭକତି ମାର୍ଗେ ଜ୍ଞାନଯୋଗେଜ୍ଞାନୀ ଲଭନ୍ତି ସିଦ୍ଧି ବେଗେ
Couplet 105
ମୁଁ ସେ ସକଳ ସିଦ୍ଧିଦାତାଆତ୍ମାର ଗତି ପିତାମାତା
Couplet 106
ମୋ' ତହୁଁ ସର୍ବସିଦ୍ଧି ସ୍ଫୁରେଯେ ଜ୍ଞାନଯୋଗ ଏ ସଂସାରେ
Couplet 107
ଏଣୁ ଯେ ସେବେ ମୋ'ର ପାଦତା'ର ଚରଣେ ସର୍ବସିଦ୍ଧ
Couplet 108
ଭକତି ବିନୁ ଯେତେ ଭାବସେ କାହିଁ ସଂସାରୁ ତରିବ
Couplet 109
ମୁଁ ସର୍ବଗତି ହେ ଉଦ୍ଧବଯେ ସାଂଖ୍ୟଯୋଗ ଧର୍ମଭାବ
Couplet 110
ସକଳପ୍ରାଣୀଙ୍କ ଗୋଚରେମୁଁ ଅଛି ଅନ୍ତର ବାହାରେ
Couplet 111
ମୁହିଁ ସେ ସର୍ବଭୂତବାସୀଅନ୍ତର ବାହାରେ ପ୍ରକାଶି
Couplet 112
ଧରଇ ଆତ୍ମାରୂପେ ସର୍ବକେ ଜାଣିପାରେ ମୋରେ ଭାବ
Couplet 113
ସକଳ ପ୍ରାଣୀଙ୍କ ଗୋଚରେମୋ' ବିନୁ ଅନ୍ୟ ନାହିଁ ପରେ
Couplet 114
ସକଳ ସିଦ୍ଧିଗୁଣେ ମୁହିଁମୋ' ତହୁଁ ଅନ୍ୟ ନାହିଁ କେହି
Couplet 115
ଏମନ୍ତ କହି ଭାବଗ୍ରାହୀସଦୟେ ଉଦ୍ଧବକୁ ଚାହିଁ
Couplet 116
ସେ ହରି ଧ୍ୟାନ କରି ଚିତ୍ତେଶ୍ରୀଏକାଦଶ ଭାଗବତେ
Couplet 117
ବ୍ରାହ୍ମଣ ଜଗନ୍ନାଥ ବାଣୀଭକତ ପ୍ରେମତରଙ୍ଗିଣୀ