Skandha 11
Adhyaya 14
Couplet 1
କହନ୍ତି ପ୍ରଭୁ ଦାମୋଦରଶୁଣ ଉଦ୍ଧବ ଜ୍ଞାନସାର
Couplet 2
ନାହିଁ ସଂସାରେ ଅନୁମାନୁନିସ୍ତାର ଭକ୍ତିଯୋଗ ବିନୁ
Couplet 3
ମୁଁ ଯେ ବୋଇଲି ମୋତେ ଭଜସଂସାରେ ସର୍ବକର୍ମ ତେଜ
Couplet 4
ତା'ର ପ୍ରସ୍ତାବ ଏବେ ଶୁଣଯେଣେ ଜିଣିବୁ ତିନିଗୁଣ
Couplet 5
ଏ ଭାବେ ପ୍ରକୃତି ପ୍ରମାଣତମ ସାତ୍ତ୍ୱିକ ରଜୋଗୁଣ
Couplet 6
ଈଶ୍ୱର ନିତ୍ୟ ନିରଞ୍ଜନନିର୍ଗୁଣ ସତ୍ୟ ସନାତନ
Couplet 7
ଏଣେ ତାହାର ନାହିଁ ଭେଦଶୁଣ କହିବା ତତ୍ତ୍ୱବୋଧ
Couplet 8
ଭକତି ଲକ୍ଷଣ ଶୟଳେସାଧିବେ ଯେଉଁ ଗୁଣବଳେ
Couplet 9
ସାତ୍ତ୍ୱିକ କରି ତୀକ୍ଷ୍ଣବଣଜିଣିବ ରଜତମ ଗୁଣ
Couplet 10
ନିର୍ମଳ ଚିତ୍ତ ହୃଦେ ଧରିଯେବେ ସୁଜନେ ସେବା କରି
Couplet 11
ଏ ଭାବେ ସାତ୍ତ୍ୱିକ ନିର୍ଗୁଣକର୍ମେ ନାଶନ୍ତି ବେନିଗୁଣ
Couplet 12
ନିର୍ଗୁଣ ନିତ୍ୟ ସନାତନସେବିବ ଆଦି ନାରାୟଣ
Couplet 13
ତେଣେ ଅଧର୍ମ କ୍ଷୟ ପାଇସାତ୍ତ୍ୱିକ ଜ୍ଞାନ ପ୍ରକାଶଇ
Couplet 14
ଜନ୍ମ ଉଦକକାଳକର୍ମଆଗମଶାସ୍ତ୍ର ପ୍ରଜାଜନ
Couplet 15
ନିଶ୍ଚଳଧ୍ୟାନ ମନ୍ତ୍ର ଦେଶଏ ଆଦି ସଂସ୍କାର ବିଶେଷ
Couplet 16
ଏଣୁ ଏ ଯେତେ ବସ୍ତୁ ଜାତଜାଣ ତୁ ତ୍ରିଗୁଣେ ଜଡ଼ିତ
Couplet 17
ସାତ୍ତ୍ୱିକଭାବେ ଏହା ସାଧିସାଧୁ ପଣ୍ତିତ ଶୁଦ୍ଧବୁଦ୍ଧି
Couplet 18
ରଜ ତାମସଗୁଣ ଦୁଇଗୁରୁବଚନେ ଦୂରେ ଥୋଇ
Couplet 19
ତେବେ ସାତ୍ତ୍ୱିକମୟ ଜ୍ଞାନନିକଟେ ହୋଏ ଉତପନ୍ନ
Couplet 20
କେବଳ ପରମାର୍ଥଶାସ୍ତ୍ରଅଭ୍ୟାସ କରୁଥିବ ନିତ୍ୟ
Couplet 21
ତର୍କ-ପାଷଣ୍ତଶାସ୍ତ୍ର ଯେତେଅଭ୍ୟାସ ନ କରିବ ଚତ୍ତ
Couplet 22
ସୁଗନ୍ଧ ସୁଶୀତଳ ବାରିସୁଦୂରେ ସ୍ନାନ ପରିହରି
Couplet 23
ସାତ୍ତ୍ୱିକମୟ ତୀର୍ଥ ଜଳେସ୍ନାନ ମାର୍ଜନ ସାଧୁମେଳେ
Couplet 24
ନିରତେ ଥାଇ ଶୁଦ୍ଧଚିତ୍ତେତମ ରାଜସଜନ ଯେତେ
Couplet 25
ତାହାଙ୍କୁ ନ କରିବ ସଙ୍ଗସମୁଦ୍ରେ ଯେସନେ ତରଙ୍ଗ
Couplet 26
ପବନ ବଳେ ଜନ୍ମ ହୋଇନିର୍ମଳ ରୂପ ନ ଦିଶଇ
Couplet 27
ଏଣୁ ଅସାଧୁ ସଙ୍ଗ ତେଜିନିତ୍ୟେ ସାତ୍ତ୍ୱିକ ଭାବେ ଭଜି
Couplet 28
ଯେ ପ୍ରାଣୀ ଦ୍ୟୂତକ୍ରୀଡ଼ା ରତଅସାଧୁ ସଙ୍ଗ ଅବିରତ
Couplet 29
କେବେହେଁ ନ କରିବ ମେଳେନିଶ୍ଚିନ୍ତେ ରହିବ ନିରୋଳେ
Couplet 30
ସାତ୍ତ୍ୱିକମୟ ପୁଣ୍ୟଦେଶେନିବାସ କରିବ ବିଶ୍ୱାସେ
Couplet 31
ପୁଣ୍ୟ କରିବ ପୁଣ୍ୟକାଳେକାମନା ନ କରିବ ଫଳେ
Couplet 32
ସାତ୍ତ୍ୱିକ ବିନା କର୍ମ ଯେତେକେବେହେଁ ନ କଳ୍ପିବ ଚିତ୍ତେ
Couplet 33
ସାତ୍ତ୍ୱିକ କର୍ମମାତ୍ର କରିରଜ ତାମସ ପରିହରି
Couplet 34
ଅପରେ ଯେତେ କାମ୍ୟକର୍ମତେଣେ ନୋହିବ ମତିଭ୍ରମ
Couplet 35
ବୈଷ୍ଣବଦୀକ୍ଷା ଶିବମତକରିବ ହୋଇ ଶୁଦ୍ଧଚିତ୍ତ
Couplet 36
ଶାକ୍ତିକ ଆଦି କ୍ଷୁଦ୍ରଦୀକ୍ଷାକେବେହେଁ ନ କରିବ ଶିକ୍ଷା
Couplet 37
ସାତ୍ତ୍ୱିକେ ବିଷ୍ଣୁଧ୍ୟାନ କରିଗୃହ ସଂସାର ନ ସୁମରି
Couplet 38
ବିଷ୍ଣୁର ମନ୍ତ୍ର ଉପଦେଶେସାତ୍ତ୍ୱିକଜନଙ୍କ ବିଶ୍ୱାସେ
Couplet 39
କେବଳ ସାତ୍ତ୍ୱିକ ସଂସାରେଚିତ୍ତ ସାଧିବ ନିରନ୍ତରେ
Couplet 40
ଶରୀର କର୍ମମାତ୍ର ଯେତେବାହ୍ୟେ କରିବ ଲୋକମତେ
Couplet 41
ଏ ଦଶବିଧି ବସ୍ତୁଜାତଜାଣରୁ ତ୍ରିଗୁଣେ ଜଡ଼ିତ
Couplet 42
ଏଣୁ ପଣ୍ତିରଜନ ଯେତେକର୍ମ ସାଧନ୍ତି ସତ୍ତ୍ୱମତେ
Couplet 43
ସାତ୍ତ୍ୱିକ ସେବା ତତପରେସତ୍ତ୍ୱ ବଢ଼ଇ ନିରନ୍ତରେ
Couplet 44
ତେଣେ ବିଶୁଦ୍ଧ ହୋଏ ମନନିର୍ମଳ ପ୍ରକାଶଇ ଜ୍ଞାନ
Couplet 45
ଯେସନେ ବନେ ବାଂଶ ବାଂଶେଅନଳ ଉପୁଜେ ଘରଷେ
Couplet 46
ସେ ବନ ଦହେ ତେଜବଳେପୁଣି ସେ ଲିଭଇ ନିଶ୍ଚଳେ
Couplet 47
ଏ ରୂପେ ଗୁଣମୟ ଦେହଦହି ସାତ୍ତ୍ୱିକଭାବେ ରହ
Couplet 48
ବିଷ୍ଣୁ ସ୍ମରଣେ ଚିତ୍ତ ଜଡ଼ିଭଜ ତୁ ସର୍ବଧର୍ମ ଏଡ଼ି
Couplet 49
ଏମନ୍ତ ଶୁଣି କୃଷ୍ଣବାଣୀଉଦ୍ଧବ ଯୋଡ଼ି ବେନିପାଣି
Couplet 50
ବୋଲଇ ମନେ ପାଇ ଖେଦଭୋନାଥ ଶୁଣିବା ଗୋବିନ୍ଦ
Couplet 51
ବିଷୟ ଆପଦର ସ୍ଥାନଭଲେ ଜାଣନ୍ତି ସର୍ବଜନ
Couplet 52
ସକଳ ଶାସ୍ତ୍ର ମୁଖୁଁ ଶୁଣିଗୁରୁ ବଚନ ପରିମାଣି
Couplet 53
ଦୁର୍ଜୟ ଲାଳସ ବିଷୟପୁଣି ଭୁଞ୍ଜନ୍ତି କିପାଁ କହ
Couplet 54
ଯେସନେ କରନ୍ତେ ଭର୍ତ୍ସନଉଚ୍ଛିଷ୍ଟ ନ ଛାଡ଼ଇ ଶ୍ୱାନ
Couplet 55
ଯେହ୍ନେ ଗଧୁଣୀ ପାଦ ଦୁଇଗଧକୁ ପ୍ରହାରଇ ନେଇ
Couplet 56
ଗଧ ଅଜ୍ଞାନ ଭାବ ଦେଖପୁଣି ଧାମଇଁ ତା'ର ପାଖ
Couplet 57
ଯେସନେ ଅତି ହିଁ ନିର୍ଲ୍ଲଜପ୍ରାଣ ବିନାଶଠାରେ ଅଜ
Couplet 58
ପୂଜାର ବେଲପତ୍ରିମାନଖାଉଣ ଥାଇ ପୁଣପୁଣ
Couplet 59
ଏଣୁ ସଂଶୟ ଚିତ୍ତ ମୋରଶୁଣି ବୋଲନ୍ତି ଦାମୋଦର
Couplet 60
ଏ ଜୀବ ବହି ଅହଙ୍କାରବୋଲଇ ଏ ଦେହ ମୋହର
Couplet 61
ରଜୋଗୁଣରୁ ଏ ପ୍ରକାଶହୁଅନ୍ତେ ବୁଦ୍ଧି କରେ ଭ୍ରଂଶ
Couplet 62
ସଙ୍କଳ୍ପ ବିକଳ୍ପ ଏ ବେନିନାନା ବିକାର ମନେ ଘେନି
Couplet 63
ବେନି ସଂଯୋଗ ମୋହ ଜଡ଼େନାନା ପ୍ରକାରେ କାମ ବଢ଼େ
Couplet 64
କୁମତିଜନଙ୍କର ମନେପ୍ରକାଶେ ନାନା କୁସାଧନେ
Couplet 65
ନିରତେ କାମବଶ ହୋଇକର୍ମ କରନ୍ତି ମୋହ ବହି
Couplet 66
ଏମନ୍ତେ ବୁଦ୍ଧି ହୋଏ ଭ୍ରମନ ମଣେ ହାନି ଲାଭ କର୍ମ
Couplet 67
କେବଳ ଦୁଃଖ ମାତ୍ର ସାରଏ କଥା ନ ବୁଝେ ପାମର
Couplet 68
ମିଥ୍ୟାଭିଳାଷେ ମନ ଗ୍ରସ୍ତରାଜସଗୁଣେ ବିମୋହିତ
Couplet 69
ମୁଖେ ଉପମା କେତେ ଦେବାଯେଣେ ଭ୍ରମନ୍ତି ସୁରଦେବା
Couplet 70
ଏ ରୂପେ ଅନେକ ଭ୍ରମନ୍ତିଏ କଥା ସାଧବେ ବୁଝନ୍ତି
Couplet 71
ଏ କଥା ବୁଝି ସାଧୁଜନମନ କରନ୍ତି ସଞ୍ଜମନ
Couplet 72
ବିଷୟ ସଙ୍ଗ ଦୁଃଖରାଶିଏଣେ ନୁହଁନ୍ତି ଚିତ୍ତଗ୍ରାସି
Couplet 73
ସାତ୍ତ୍ୱିକେ ମୋର ପାଦସେବାଏ କଥା ବୁଝନ୍ତି ସାଧବା
Couplet 74
କ୍ରମେ ଅଭ୍ୟାସି ସତ୍ତ୍ୱଗୁଣସମର୍ପି ମୋ' ଚରଣେ ମନ
Couplet 75
ସାତ୍ତ୍ୱିକଗୁଣ ମନେ ଧରିସାଧିବେ ଅଳ୍ପ ଅଳ୍ପ କରି
Couplet 76
ଅଭ୍ୟାସେ ନବଦ୍ୱାର ରୁନ୍ଧିମନ ପବନ ହୃଦେ ଛନ୍ଦି
Couplet 77
ଆହାର ଜିଣିବ ଆସନେମନ ନିବେଶି ମୋର ଧ୍ୟାନେ
Couplet 78
ସର୍ବ ବିଷୟରସୁ ମନଅଭ୍ୟାସେ କରିବ ବନ୍ଧନ
Couplet 79
ଆନନ୍ଦ-ରଜ୍ଜୁ ଦେଇ ଗଳେବାନ୍ଧିବ ମୋ ପାଦକମଳେ
Couplet 80
ପୂର୍ବେ ଏ ଯୋଗ ଅଭ୍ୟାସନେମୁହିଁ କହିଲି ଶିଷ୍ୟଗଣେ
Couplet 81
ସନକ ଆଦି ଚାରିଜଣବିଶେଷେ ବ୍ରହ୍ମାଙ୍କ ନନ୍ଦନ
Couplet 82
ସେ ମୋର ତହୁଁ ଶୁଣି ଏହାପରମଯୋଗରେ ସେନେହା
Couplet 83
ଅଭ୍ୟାସ କରି ଏହୁ ଜ୍ଞାନଫିଟିଲା ମାୟାମୋହ ଛନ୍ନ
Couplet 84
ଆନନ୍ଦଭାବେ ତରିଗଲେଭଜିଣ ମୋ' ପାଦକମଳେ
Couplet 85
ଉଦ୍ଧବ କୃଷ୍ଣବାକ୍ୟ ଶୁଣିଭାବେ ବୋଲଇ ମନେ ଗୁଣି
Couplet 86
ଭୋ ନାଥ ପ୍ରଭୁ ଭଗବାନଏଣେ ସଂଶୟ ମୋର ମନ
Couplet 87
କାହିଁ ତୁ ବସି କେଉଁଠାବେବ୍ରହ୍ମାର ପୁତ୍ରଙ୍କ ପ୍ରସ୍ତାବେ
Couplet 88
କି ରୂପେ ଧରି ତୁ ଶରୀରଯୋଗ କହିଲୁ ଦାମୋଦର
Couplet 89
ତୋହର ଦୟା ଯେବେ ମୋତେସେ ଯୋଗ କହ ମୋ' ଅଗ୍ରତେ
Couplet 90
ଏମନ୍ତ ଶୁଣି ତା ବଚନବୋଲନ୍ତି ଦେବକୀନନ୍ଦନ
Couplet 91
ଶୁଣ ଉଦ୍ଧବ ସାଧୁ ଧୀରସେ ଚାରି ବ୍ରହ୍ମାଙ୍କ କୁମର
Couplet 92
ପିତାର ପାଦେ ହସ୍ତ ଦେଇଯୋଗ ପୁଚ୍ଛିଲେ ଚାରିଭାଇ
Couplet 93
ଭୋ ତାତ ଶୁଣି ଦେବବରଦୁସ୍ତର ଏ ଭବସାଗର
Couplet 94
ପ୍ରାଣୀ ଅଛନ୍ତି ଏଥେ ମଜ୍ଜିବିଷ୍ଣୁମାୟାକୁ ସତ୍ୟ ବୁଝି
Couplet 95
ସ୍ଥାବର ଆଦି ଜନ୍ତୁ ଯେତେଏ ମାୟା ତରିବେ କେମନ୍ତେ
Couplet 96
ପ୍ରାଣୀଙ୍କ ମନ ମାୟାସଙ୍ଗେନାନା ପ୍ରପଞ୍ଚ ସଂଚେ ରଙ୍ଗେ
Couplet 97
ଲାଳସ ବିଷୟ ଗୋଚରେଚିତ୍ତ ନିବେଶି ନିରନ୍ତରେ
Couplet 98
ଏଣୁ ବିଷୟ ଚିତ୍ତ ମଧ୍ୟେପ୍ରବେଶ କରେ ଭାବ ଭେଦେ
Couplet 99
ଅନ୍ୟୋନ୍ୟ ଭାବେ ଚିତ୍ତ ଜଡ଼େକେବେହେଁ ସଙ୍ଗ ତା' ନ ଛାଡ଼େ
Couplet 100
ସେ ସଙ୍ଗ ତୁଟଇ କେମନ୍ତେପ୍ରସନ୍ନେ କହ ତାତ ଏତେ
Couplet 101
କି ରୂପେ ତାରଣ ଉପାୟେଭୋ ନାଥ ପୁଚ୍ଛୁଁ ତୋ'ର ପାୟେ
Couplet 102
ପୁତ୍ରଙ୍କ ବାକ୍ୟ ଶୁଣି କର୍ଣ୍ଣେବିଧାତା ବେଦ ଅନୁମାନେ
Couplet 103
ଚିନ୍ତି ନ ପାରି ଦୁଃଖମନେବସିଲା ନିଶ୍ଚଳ ଆସନେ
Couplet 104
ସମାଧି କରି ଚିତ୍ତେ ମୋତେସଂଶୟ ଜାଣିବା ନିମନ୍ତେ
Couplet 105
ବ୍ରହ୍ମାର ଧ୍ୟାନବଳେ ମୁହିଁମିଳିଲି ହଂସରୂପ ହୋଇ
Couplet 106
ବ୍ରହ୍ମାଙ୍କୁ ଦେଖା ଦେଲି ତହିଁତକ୍ଷଣେ ମୋ'ର ରୂପ ଚାହିଁ
Couplet 107
ବେଗେ ବ୍ରହ୍ମାର ପୁତ୍ରଗଣେନମିଲେ ମୋହର ଚରଣେ
Couplet 108
ତକ୍ଷଣେ କରି ଅବଧାନମୋତେ ପୁଚ୍ଛିଲେ ବିଦ୍ୟମାନ
Couplet 109
ଭୋ ହଂସ କେଣେ ତୋ' ବିଶ୍ରାମକେ ତୁମ୍ଭେ କିବା ତୁମ୍ଭ ନାମ
Couplet 110
କିବା କାରଣେ କିସ ଅର୍ଥେଏଥେ ମିଳିଲେ ଶୂନ୍ୟପଥେ
Couplet 111
ନିଶ୍ଚେ ଜାଣିବା ଅର୍ଥେ ମୋତେପୁଚ୍ଛିଲେ ବ୍ରହ୍ମା-ଚାରିସୁତେ
Couplet 112
ତାହାଙ୍କ ପ୍ରଶ୍ନ ମୁହିଁ ଶୁଣିଯାହା କହିଲି ପରିମାଣି
Couplet 113
ଶୁଣ କହିବା ତୋ'ର ଆଗେଆତ୍ମା ପ୍ରସନ୍ନ ଅନୁରାଗେ
Couplet 114
ବସ୍ତୁ ବିଚାରେ ଆତ୍ମା ଏକକେବେହେଁ ନୁହଁଇ ଅନେକ
Couplet 115
ତୁମ୍ଭର ପ୍ରଶନ ପ୍ରସ୍ତାବକହିବା ଯେମନ୍ତେ ଜାଣିବ
Couplet 116
ସର୍ବଶରୀର ପଞ୍ଚଭୂତେରଚିତ ଏ ମାୟା ଜଗତେ
Couplet 117
ସକଳ ଦେହେ ଏକ ଧର୍ମସକଳ ଦେହେ ଏକ ବ୍ରହ୍ମ
Couplet 118
କେ ବୋଲି ପଚାରିଲେ ମୋତେଏ ପ୍ରଶ୍ନ ଘଟିବ କେମନ୍ତେ
Couplet 119
ତାହା କହିବା ତୁମ୍ଭେ ଶୁଣମୁହିଁଟି ପ୍ରଭୁ ନାରାୟଣ
Couplet 120
ହୃଦୟେ ଯାହା ପରିମାଣିଯେ କିଛି ଶୁଣି ମୁଖେ ଭଣି
Couplet 121
ଇନ୍ଦ୍ରି-ଗୋଚରେ ମନ ବୁଦ୍ଧିଯେ ଭୋଗ ବିଷୟ ପ୍ରସିଦ୍ଧି
Couplet 122
ଏ ସର୍ବ ମୋହର ଆୟତ୍ତମୋ' ବିନୁ କିଛି ନୋହେ ସତ୍ୟ
Couplet 123
ମୁଁ ସର୍ବ ବିଷୟ ଗୋଚରମୋ ତହୁଁ ଆତ୍ମା ନୋହେ ପର
Couplet 124
ବିଷୟ ମୋର ଦେହେ ପଶେତେଣୁ ଇନ୍ଦ୍ରିୟ ରସେ ରସେ
Couplet 125
ଏ ଦେହ ମାତ୍ର ଚିତ୍ରଗତିବିଷୟ-ବାସନା ସମ୍ଭୂତି
Couplet 126
ଦୁର୍ଜୟ ବିଷୟ ବାସନାକେ ତାହା ଖଣ୍ତିପାରେ କିନା
Couplet 127
ବିଷୟ ସେବନେ ନିରତେମଜ୍ଜଇ ଚିତ୍ତ ଅନୁବ୍ରତେ
Couplet 128
ବିଷୟ ଧ୍ୟାନେ ଚିତ୍ତ ଜଡ଼େତ୍ରିଗୁଣ ମାୟା ନିତ୍ୟେ ବଢ଼େ
Couplet 129
ଏଣୁ ଯେ ମୋହର ଚରଣେଆଶ୍ରେ କରନ୍ତି ଦାସପଣେ
Couplet 130
ସେ ପ୍ରାଣୀ ବେନି ପରିହରେବିଷୟ ବାସନା ନ ସରେ
Couplet 131
ଜାଗ୍ରତ ସ୍ୱପନ ସୁଷୁପ୍ତିଗୁଣହୁଁ ତିନି ବୁଦ୍ଧି ବୃତ୍ତି
Couplet 132
ସର୍ବଶରୀରେ ସାକ୍ଷୀରୂପେଏ ଜୀବ ବସଇ ପ୍ରତ୍ୟକ୍ଷେ
Couplet 133
ଭୂତ-ଭବିଷ୍ୟ-ବର୍ତ୍ତମାନେଏ ଜୀବ ଥାଇ ସର୍ବସ୍ଥାନେ
Couplet 134
ବସଇ ସକଳ ଶରୀରେଏ ସତ୍ୟ ଅନ୍ତର ବାହାରେ
Couplet 135
ସର୍ବ ଶରୀରେ ନିରପେକ୍ଷେମୋ' ରୂପ ଦେଖିବ ପ୍ରତ୍ୟକ୍ଷେ
Couplet 136
ଅନାଦି ଅବିଦ୍ୟାରେ ବନ୍ଦୀକର୍ମ ବାସନା ବଳେ ଛନ୍ଦି
Couplet 137
ସତ୍ତ୍ୱାଦି ହେତୁ ତିନିଗୁଣଏ ମାୟା ଦେହର କାରଣ
Couplet 138
ଏମନ୍ତଜାଣଇଁ ସେ ଯେବେତ୍ରିଗୁଣ ବାହାର ସେ ତେବେ
Couplet 139
ଏଣୁ ନିର୍ଗୁଣ ଆତ୍ମା କରେସକଳ ଜନ୍ମ ପାପ ହରେ
Couplet 140
ମୋର ଚରଣେ ଚିତ୍ତ ବଳେନିବେଶି ସମାଧି ନିଶ୍ଚଳେ
Couplet 141
ସହଜ ଚିତ୍ତ ଦୃଢ଼ କରେବିଷୟରସ ନ ସୁମରେ
Couplet 142
ବିଅର୍ଥ-ଅହଙ୍କାରେ ମନଜୀବନ ସଂସାର ବନ୍ଧନ
Couplet 143
ମାୟାସଂସାର ଘୋରବନେଏ ଜୀବଭ୍ରମେ ଅକାରଣେ
Couplet 144
ଏଣୁ ପଣ୍ତିତ ସାଧୁଜନମୋ' ଦେହେ ଦେଇ ବୁଦ୍ଧି ମନ
Couplet 145
ସଂସାର ଚିନ୍ତା ଦୂର କରେଚିତ୍ତେ ମୋ' ଚରଣ ସୁମରେ
Couplet 146
ଯାବତ ନାନାକର୍ମ ଚିନ୍ତେଏ ଜୀବ ଭ୍ରମଇଁ ନିରତେ
Couplet 147
ତାବତ ଘୋରଦୁଃଖେ ମନଜାଣି ନ ଜାଣେ ମୂଢ଼ଜନ
Couplet 148
ଜ୍ଞାନ-ଅଜ୍ଞାନ ମାର୍ଗ ଦୁଇସ୍ୱପ୍ନ ଦୃଷ୍ଟାନ୍ତେ କହିବଇଁ
Couplet 149
ଯେସନେ ସ୍ୱପ୍ନେ ନାନା ଅର୍ଥନିଦ୍ରାରେ ମଣେ ତାହା ସତ୍ୟ
Couplet 150
ସେ ପୁଣି ନିଦ୍ରା ଅବସାନେସକଳ ମିଥ୍ୟା କରି ମଣେ
Couplet 151
ସେ ରୂପେ ଦେହ-ଧର୍ମ ଯେତେବର୍ଣ୍ଣ ଆଶ୍ରମ ଅନୁମତେ
Couplet 152
କର୍ମେ ସ୍ୱର୍ଗାଦି ଫଳ ପାଇଏ ସର୍ବ ସତ୍ୟ ନୋହେ କେହି
Couplet 153
ଯେ ପ୍ରାଣୀ ସ୍ଥୂଳ ଦେହଗତେଇନ୍ଦ୍ରିୟଭୋଗ ନାନାମତେ
Couplet 154
କରଇ ଅନୁକ୍ଷଣେ ପ୍ରୀତିଜାଗ୍ରତେ ସ୍ୱପ୍ନେ ତା' ଭୁଞ୍ଜନ୍ତି
Couplet 155
ଆତ୍ମା ସମ୍ବନ୍ଧ ନାହିଁ ତେଣେଏ ସର୍ବ ଉପାଧି ତ୍ରିଗୁଣେ
Couplet 156
ଏମନ୍ତ ଅନୁମାନି ଚିତ୍ତେସହଜ ଦୁଃଖସୁଖ ପଥେ
Couplet 157
ତେଜିଣ ହରଷ ବିଷାଦସଂସାର-ବାସନା-ପ୍ରମାଦ
Couplet 158
ଅଧର୍ମ କୂଟ ବାଦବୁଦ୍ଧିଏ ସର୍ବ ଛେଦ ଜ୍ଞାନ ସାଧି
Couplet 159
ସାଧୁଙ୍କ ମୁଖାମୃତ ବାଣୀଜ୍ଞାନ ଖଡ଼୍ଗ କରେ ଘେନି
Couplet 160
ଗୁରୁବଚନ ଅନୁରାଗେଚିତ୍ତ ବଡ଼ିମା କାଟ ବେଗେ
Couplet 161
ସର୍ବ ସଂଶୟ ମନୁ ତେଜକେବଳ ଭାବେ ମୋତେ ଭଜ
Couplet 162
ମନ ବିଳାସ ଏ ଜଗତଗଗନେ ବିଜୁଳି ଯେମନ୍ତ
Couplet 163
ଅତି ଚଞ୍ଚଳ ଅତି ଲୋଳଯେସନେ ପ୍ରକାଶେ ଅନଳ
Couplet 164
ଏକତ୍ୱ ବ୍ରହ୍ମଜ୍ଞାନମୟପ୍ରକାଶେ ବହୁରୂପ ପ୍ରାୟ
Couplet 165
ଅନିତ୍ୟ ସଂସାର ଗହନଏହା ତୁ ଚିତ୍ତେ ଅନୁମାନ
Couplet 166
ତୁମ୍ଭେ ଯେ ବୋଲ ସର୍ବଦେହେଏ ଭେଦ ଦୃଷ୍ଟି ସର୍ବଠାଏଁ
Couplet 167
ଏ ଦୃଷ୍ଟି ନିବର୍ତ୍ତଇ ଯେବେଆତ୍ମା ପ୍ରକାଶ ହୋଏ ତେବେ
Couplet 168
ଆତ୍ମାର ସୁଖ ପୂର୍ଣ୍ଣକରେଅନନ୍ତ ବାସନାରୁ ତରେ
Couplet 169
ସକଳ ଚେଷ୍ଟା ପରିହରେଆନନ୍ଦସାଗରେ ବିହରେ
Couplet 170
ଏଣୁ ସେ ଜ୍ଞାନୀଜନ ଯେତେଭଜନ୍ତି ମୋ'ର ପାଦଗତେ
Couplet 171
ଭକତିରସ ମଦେ ଲୀନଜଗତେ ସିଦ୍ଧ ଯୋଗୀଜନ
Couplet 172
କେବଳ ନିଜ ଦେହ ଚିନ୍ତିଅଛି କି ନାହିଁ ନ ଜାଣନ୍ତି
Couplet 173
ମଦ୍ୟପ ଯେହ୍ନେ ମଦ୍ୟ ଖାଇସତ୍ୟ ଅସତ୍ୟ ନ ଜାଣଇ
Couplet 174
କେବଳ ସୁଖ ମଦ୍ୟପାନେଅଜ୍ଞାନେ ଘୃମିତ ଲୋଚନେ
Couplet 175
ଅଛି କି ନାହିଁ ନିଜ ଦେହୀଉଭୟ ମତ ନ ଜାଣି
Couplet 176
ଜ୍ଞାନୀ ଏମନ୍ତ ରସେ ରସେସୁଖ ସମୁଦ୍ରେ ନିତ୍ୟେ ଭାସେ
Couplet 177
ଅଦୃଷ୍ଟବଶ ଏ ଶରୀରଯାବତ କର୍ମର ବେଭାର
Couplet 178
ଏ ଭାବଦେଖି ସିଦ୍ଧଜନେଆଦର ନ କରନ୍ତି ମନେ
Couplet 179
ସ୍ୱପନ ଅନୁଭବ ମତମଣଇଁ ଜ୍ଞାନୀ ଯୋଗୀ ଚିତ୍ତ
Couplet 180
ଶୁଣ ହେ ସନକାଦି ଜନତୁମ୍ଭେ ଯେ ବ୍ରହ୍ମାଙ୍କ ନନ୍ଦନ
Couplet 181
ପରମ ସାଂଖ୍ୟଯୋଗ ମାର୍ଗଭାବେ କହିଲି ତୁମ୍ଭ ଆଗ
Couplet 182
ସର୍ବ ଆଶ୍ରୟ ଯେଣୁ ମୁହିଁଯଜ୍ଞେ ସକଳ ହବି ଖାଇ
Couplet 183
ଏଣୁ ମୁଁ ସର୍ବଯଜ୍ଞପତିମୁଁ ସାଂଖ୍ୟରୂପେ ସତ୍ୟବ୍ରତୀ
Couplet 184
ଏ ଧର୍ମ ପ୍ରକାଶ କାରଣେମିଳିଲି ତୁମ୍ଭ ସନ୍ନିଧାନେ
Couplet 185
ଯେଣୁ ମୁଁ ପରମ ଆଶ୍ରୟସର୍ବ ଜଗତ ମୋର ଦେହ
Couplet 186
ସକଳ ଗଜପତି ସାରମୁଁ ଜୀବ ଆତ୍ମାର ଗୋଚର
Couplet 187
ସାତ୍ତ୍ୱିକ ରଜତମ ଗୁଣମୋର କିଙ୍କର ଏ ପ୍ରମାଣ
Couplet 188
ସକଳ ଶରୀରେ ମୁଁ ପୂରୀମୁଁ ବନ୍ଧୁପ୍ରିୟ ଅଧିକାରୀ
Couplet 189
ଅନନ୍ତଶକ୍ତି ମୁଁ କାରଣମୁଁ ନିରପେକ୍ଷ ମୁଁ ନିର୍ଗୁଣ
Couplet 190
ଅଣିମା ଆଦି ନିଧି ମୋରଏଣୁ ମୁଁ ବୋଲଇ ଈଶ୍ୱର
Couplet 191
ସକଳ ମୋହର କିଙ୍କରଏଣୁ ମୋ' ନାହିଁ ନିଜ ପର
Couplet 192
ତୁମ୍ଭେ ଯେ ବ୍ରହ୍ମାଙ୍କର ସୂତଏଣୁ ମୁଁ ଜାଣି ତୁମ୍ଭ ଚିତ୍ତ
Couplet 193
ବ୍ରହ୍ମାର ଧ୍ୟାନ ମନେ କରିମିଳିଲି ହଂସରୂପ ଧରି
Couplet 194
ପରମଯୋଗ ତୁମ୍ଭ ଆଗେମୁହିଁ କହିଲି ଅନୁରାଗେ
Couplet 195
ଏ ଯୋଗ ଶୁଣି ଚିତ୍ତେ ଧରସଂସାର ପର୍ଯ୍ୟଟନ କର
Couplet 196
ଏମନ୍ତେ ପ୍ରଭୁ ବାସୁଦେବବୋଲନ୍ତି ଶୁଣ ହେ ଉଦ୍ଧବ
Couplet 197
ବ୍ରହ୍ମାର ପୁତ୍ର ଚାରିଜଣସାନନ୍ଦ ଶୁଣି ମୋ' ବଚନ
Couplet 198
ସର୍ବସଂଶୟ କଲ ଦୂରଆନନ୍ଦେ ଧରି ମୋ' ପୟର
Couplet 199
ସ୍ତୁତି ବଚନ ଅନୁବାଦେଭାବେ ପୂଜିଲେ ମୋ'ର ପାଦେ
Couplet 200
ବ୍ରହ୍ମାଙ୍କୁ କରି ଅବଧାନମୁଁ ତହୁଁ ହେଲି ଅନ୍ତର୍ଦ୍ଧାନ
Couplet 201
ଏମନ୍ତ କହନ୍ତେ ଅଚ୍ୟୁତଶୁଣି ଉଦ୍ଧବ କୃତକୃତ୍ୟ
Couplet 202
ଆନନ୍ଦେ କୃଷ୍ଣପାଦ ଧରିରୋମପୁଲକ ତନୁ କରି
Couplet 203
ଶ୍ରୀଏକାଦଶେ ଭାଗବତଭକ୍ତିଯୋଗର ଶୁଦ୍ଧତତ୍ତ୍ୱ
Couplet 204
କୃଷ୍ଣସନ୍ଦେଶ ବ୍ରହ୍ମରସକହଇ ଦାସ ଜଗନ୍ନାଥ