Adhyaya 96

Couplet 1

ବ୍ୟାସନନ୍ଦନ ତୋଷମନେପୁଣି କହନ୍ତି କୃଷ୍ଣଧ୍ୟାନେ

Couplet 2

ବୋଲନ୍ତି ଶୁଣ ନରନାଥକୃଷ୍ଣଚରିତ ଭାଗବତ

Couplet 3

ସକଳ ସୁଖ ଭୋଗ ପୂର୍ଣ୍ଣେଗୋବିନ୍ଦ ଦ୍ୱାରକାଭୂବନେ

Couplet 4

ଅଖଣ୍ତ କଳା ଯେହ୍ନେ ଶଶୀନିର୍ମଳ ଆକାଶେ ପ୍ରକାଶି

Couplet 5

ଯଦୁକୁମୁଦବନ ଦେଶେସୁଖେ ପ୍ରକାଶେ ମନ ତୋଷ

Couplet 6

ଯହିଁ ଅମୂଲ୍ୟମଣି ପୁଞ୍ଜେତପନ୍ତେଜ ହେଲେ ଗଞ୍ଜେ

Couplet 7

ସର୍ବସମ୍ପଦ ସୁଖଘରେକମଳା ସେବେ ନିରନ୍ତରେ

Couplet 8

ନିଜ ଯୁବତୀ ସୁଖମନେଷୋଳସହସ୍ର ଏକଶତେ

Couplet 9

ଅଷ୍ଟମହିଷୀ ଅଙ୍ଗସଙ୍ଗେଦିନ ହରନ୍ତି ଭାବରଙ୍ଗେ

Couplet 10

କନ୍ଦୁକ ଆଦି କ୍ରୀଡାରସେସେବନ୍ତି କୃଷ୍ଣ ଭାବରଙ୍ଗେ

Couplet 11

ଅଦ୍ଭୂତ ଦ୍ୱାରାବତୀପୁରଦେବମାନବେ ଅଗୋଚର

Couplet 12

ସୁଗନ୍ଧହସ୍ତୀ ମଦ ଜଳେଶୁଭସୁନ୍ଦର ମହୀତଳେ

Couplet 13

ଯହିଁ ଯାଦବେ ଯୁଥଯୁଥଦିଶନ୍ତି ନାନା ଅଳଙ୍କୃତ

Couplet 14

ମାର୍ଗେ ଉଜ୍ଜଳ ରଥପନ୍ତିନକ୍ଷତ୍ର ପ୍ରାୟ ବିରାଜନ୍ତି

Couplet 15

ନାନା ଉଦ୍ୟାନେ ବନରାଶିପୁଷ୍ପପଲ୍ଲବେ ପରକାଶି

Couplet 16

ଭୃଙ୍ଗ ବିହଙ୍ଗ ଅନୁବାଦେମନ ହରନ୍ତି ମୃଦୁନାଦେ

Couplet 17

ତିନି ଭୁବନେ ଅଗୋଚରକୃଷ୍ଣଭୁବନ ମନୋହର

Couplet 18

ଏମନ୍ତ ପୁରେ ନରହରିଷୋଳସହସ୍ର ଶତେ ନାରୀ

Couplet 19

ମାୟାମନୁଷ୍ୟ ରୂପ ହୋଇନିତ୍ୟେ ତାହାଙ୍କ ପୁରେ ଥାଇ

Couplet 20

ତୋଷନ୍ତି ନାରୀଙ୍କର ମନଇତର ପୁରୁଷ ଯେସନ

Couplet 21

ନିଦାଘ କାଳେ ଶୀତଜଳେନାନାକୁସୁମ ପରିମଳେ

Couplet 22

ବିବିଧ ଜଳାଶୟ ମାନସୁଗନ୍ଧେ ପ୍ରସାରେ ପବନ

Couplet 23

କୁସୁମରଜ ଜଳେ ମିଶେଶୁକ କୋକିଳ ନାଦ ଘୋଷେ

Couplet 24

ଏମନ୍ତେ ନାନାଜଳେ ହରିସଙ୍ଗେ ସୁନ୍ଦରୀ ମନୋହରୀ

Couplet 25

କନ୍ୟାଙ୍କ ସଙ୍ଗେ ବନମାଳୀକରନ୍ତି ନାନାରଙ୍ଗେ କେଳି

Couplet 26

ନାରୀଙ୍କ ଆଲିଙ୍ଗନ କାଳେକୁଚକୁଙ୍କୁମ ବକ୍ଷସ୍ଥଳେ

Couplet 27

ଦେବେ ଆବୋରି ଦଶଦିଶେନାନା ସୁବାଦ୍ୟ ଗୀତରସେ

Couplet 28

ସୂତ ମାଗଧ ମହୀତଳେବୀଣାଦି ବାଦ୍ୟ କୁତୁହଳେ

Couplet 29

କାମିନୀ ଜଳ ଘେନି କରେହସି ସିଞ୍ଚନ୍ତି କୃଷ୍ଣଶିରେ

Couplet 30

କୁବେର ଯେହ୍ନେ ପକ୍ଷୀ ମେଳେବିରାଜେ ଜଳକ୍ରୀଡା ସ୍ଥଳେ

Couplet 31

ଜଳେ କୃଷ୍ଣର ନାରୀଜନହୃଦରେ ଜଡିତ ବସନ

Couplet 32

କୃଷ୍ଣ ସି୍ଚନ୍ତି କରେ ନୀରଦିଶଇ ହୃଦୟ ବିକାର

Couplet 33

କାଞ୍ଚନ ପ୍ରାୟ କୁଚ ବର୍ଣ୍ଣେଦିଶନ୍ତି ଆରଦ୍ର ବସନେ

Couplet 34

ଓଦା ବସନେ ଉରୁଦେଶଅଧିକେ କରଇ ପ୍ରକାଶ

Couplet 35

କବରୀ ମଧ୍ୟେ ପୁଷ୍ପଭାରହରଷେ ବରଷନ୍ତି ନୀର

Couplet 36

କୃଷ୍ଣଙ୍କୁ ଜିଣିବାର ଆଶେଅଧିକେ ସିଞ୍ଚନ୍ତି ହରଷେ

Couplet 37

ମୁଖ କି କନ୍ଦର୍ପ ଲହରୀଜଳ ସିଞ୍ଚନ୍ତି ସର୍ବନାରୀ

Couplet 38

ସିଞ୍ଚନ୍ତି ପୁଣପୁଣ ଅଙ୍ଗେକାମ ବିକାର ନାନାରଙ୍ଗେ

Couplet 39

କରିଣୀ ମଧ୍ୟେ ଯେହ୍ନେ ଗଜନାରୀଙ୍କ ମଧ୍ୟେ ଦେବରାଜ

Couplet 40

ନାନା ପ୍ରକାରେ କ୍ରୀଡାରସକରି ପିନ୍ଧିଲେ ପୀତବାସ

Couplet 41

ଉତ୍ସବ ଗୀତବାଦ୍ୟ ରୋଳେଦେବମାନବ ସୁଖ ଭୋଳେ

Couplet 42

ତୀରେ ବିଜୟ ବନମାଳୀନାରୀଙ୍କ କର କରେ ଧରି

Couplet 43

ନଟ ନର୍ତ୍ତକୀଗଣ ଚାହିଁଆନନ୍ଦମନେ ଭାବଗ୍ରାହୀ

Couplet 44

ଅନେକ ବସ୍ତ୍ର ଅଳଙ୍କାରତାହାଙ୍କୁ ଦେଲେ ଦାମୋଦର

Couplet 45

କନ୍ୟାଏ ନାନା ରତ୍ନବାସନଟଙ୍କୁ ଦେଲେ ହୋଇ ତୋଷ

Couplet 46

ଏମନ୍ତେ କ୍ରୀଡାରସେ ହରିଜଗମୋହ୍ନ ରୂପ ଧରି

Couplet 47

ହରିଲେ ନାରୀଙ୍କର ମନବୁଦ୍ଧି ଅହଙ୍କାର ଚେତନ

Couplet 48

କନ୍ୟାଏ ନିଜ ପୁରେ ଯାଇକୃଷ୍ଣବଦନେ ମନ ଥୋଇ

Couplet 49

ନିମିଷେ ନଦେଖି ମୁରାରିଜୀବନ ନ ପାରନ୍ତି ଧରି

Couplet 50

ଚିନ୍ତନ୍ତି ସ୍ୱଗୃହେ ତରୁଣୀଜଡ ଉନ୍ମତ୍ତ ପ୍ରାୟ ବାଣୀ

Couplet 51

ଯେମନ୍ତ କଲେ ବିପରୀତକହିବା ଶୁଣ ପରୀକ୍ଷିତ

Couplet 52

ବୃକ୍ଷରେ ପକ୍ଷୀଗଣ ଚାହିଁବୋଲନ୍ତି ବାଇ ପ୍ରାୟ ହୋଇ

Couplet 53

କୁରରୀ ଆମ୍ଭବାଣୀ ଶୁଣକିମ୍ପା ଉନ୍ନିଦ୍ର ତୋ ନୟନ

Couplet 54

ଏ ରାତ୍ରକାଳେ ସର୍ବଜନନିଦ୍ରା ମୋହିତେ ଅଚେତନ

Couplet 55

ଆମ୍ଭ ଜୀବନ ଗୋପୀନାଥଦେଖ ନିଶ୍ଚିନ୍ତେ ନିଦ୍ରାଗତ

Couplet 56

ତାର ନିବିଡ ଆଲିଙ୍ଗନତେଣେ ଯନ୍ତ୍ରିତ ଆମ୍ଭ ମନ

Couplet 57

ଲୋଚନେ ନିଦ୍ରା ନ ମାଡଇତୁ ଯେ ଆମ୍ଭର ପ୍ରାୟ ହୋଇ

Couplet 58

ଦେଖିଛୁ କଟାକ୍ଷ ନୟନତେଣୁ ଚଞ୍ଚଳ ତୋର ମନ

Couplet 59

ପୁଣି ବୋଲନ୍ତି ଭ୍ରମ ପାଇଚକ୍ରବାକୀର ମୁଖ ଚାହିଁ

Couplet 60

ଏ ରାତ୍ରକାଳେ ସ୍ୱାମୀ ସଙ୍ଗନ ଲଭି ଦୁଃଖିତ ତୋ ଅଙ୍ଗ

Couplet 61

ଅତି କାରୁଣ୍ୟେ କିମ୍ବା କାନ୍ଦୁଦେଖ ଆମ୍ଭର ପ୍ରାଣବନ୍ଧୁ

Couplet 62

ନିଦ୍ରିତେ ନ ପାଇଲୁ ସଙ୍ଗଯେମନ୍ତେ ତୋର ସଙ୍ଗଭଙ୍ଗ

Couplet 63

କିମ୍ପାଇ ଆମ୍ଭ ମୁଖ ଚାହୁଁକି ଅବା ତେଣେ ତୋଷ ହେଉ

Couplet 64

ଆମ୍ଭେ ଯେ ଗୋବିନ୍ଦର ଦାସୀତା ପାଦପଦ୍ମର ତୁଳସୀ

Couplet 65

କବରୀ ଭାର ସଜ କରିକଣ୍ଠେ ଜୀବନ ଅଛୁ ଧରି

Couplet 66

ସେମାନ ଇଚ୍ଛା କରୁ ଯେବେଦେବୁ ଯେ ତୋତେ ପ୍ରିୟଭାବେ

Couplet 67

କବରୀଭାର ସଜ କରସେବ ତୋହର ନିଜ ବର

Couplet 68

ପୁଣି ସମୁଦ୍ରକୁ ଅନାଇଁବୋଲନ୍ତି କୃଷ୍ଣଭାବ ବହି

Couplet 69

ହେ ନଦୀକାନ୍ତ ହେ ସମୁଦ୍ରତୁ କିମ୍ପା ଏ ରାତ୍ରେ ଉନ୍ନିଦ୍ର

Couplet 70

ନିଦ୍ରା ନ ଯାଇ ନାଦ କରୁତୁ କୃଷ୍ଣକଥା କି ସୁମରୁ

Couplet 71

ତାର ନୟନ ବାଣେ ଛନ୍ନଯେମନ୍ତ ଆମ୍ଭର ଜୀବନ

Couplet 72

ସେ ଦୋଷ ତୋତେ କି ବାଧିଲାନିଶ୍ଚେ ଜାଣିଲୁ କୃଷ୍ଣଲୀଳା

Couplet 73

ପୁଣି ସେ ଚନ୍ଦ୍ରକୁ ଅନାଇଁବୋଲନ୍ତି ପ୍ରିୟଭାବ ବହି

Couplet 74

କୁମୁଦବନ୍ଧୁ ତୁ ବୋଲାଉମୃଗଲାଞ୍ଛନ ହୃଦେ ବହୁ

Couplet 75

ପୂର୍ବେ ଅର୍ଜିଲା କର୍ମଭୋଗଏଣୁ ତୋ ଦେହେ କ୍ଷୟ ରୋଗ

Couplet 76

ନିଜ କରମେ କ୍ଷୀଣ ହେଉତୁ କିମ୍ପା ରାତ୍ରେ ଉଦେ ନୋହୁ

Couplet 77

ଆମ୍ଭେ ଯେ କୃଷ୍ଣର ତରୁଣୀତାର ମୋହନ କଥା ଶୁଣି

Couplet 78

ଆତ୍ମା ନ ସୁମରି ଯେମନ୍ତେତେମନ୍ତେ ଦେଖିଲୁ ଯେ ତୋତେ

Couplet 79

ତୋର ଗୋବିନ୍ଦଭାବେ ମନତେଣୁ କି ହୋଇଲୁ ମଉନ

Couplet 80

ମଳୟାନିଳ ଦେଖି ଭ୍ରମେବିଶ୍ୱାସେ ବୋଲନ୍ତି ପବନେ

Couplet 81

ଶୁଣି ତୁ କୃଷ୍ଣବାକ୍ୟବନ୍ଧଭୁବନେ ବହୁ ମନ୍ଦମନ୍ଦ

Couplet 82

କୃଷ୍ଣଲୀଳାରେ କରୁ ଆଶାଯେ ଭାବେ ଆମ୍ଭର ଭରସା

Couplet 83

ଆମ୍ଭଙ୍କୁ ଚାହିଁ ମେଘମାଳାଛଳେ କହନ୍ତି କୃଷ୍ଣଲୀଳା

Couplet 84

ବୋଲନ୍ତି ମେଘକୁ ଅନାଇଁକୃଷ୍ଣର ମିତ୍ର ଅଟୁ ତୁହି

Couplet 85

ନିଶ୍ଚେ ତୁ କରୁ କୃଷ୍ଣେ ଧ୍ୟାନେଯା ହୃଦେ ଶ୍ରୀବତ୍ସର ଚିହ୍ନ

Couplet 86

ଆମ୍ଭର ପ୍ରାୟ ପ୍ରେମବନ୍ଧେଚିନ୍ତା ତୁ କରୁ କୃଷ୍ଣପାଦେ

Couplet 87

ହୃଦେ ନିବିଡ ପ୍ରେମଭରେଆମ୍ଭେ ଯେମନ୍ତ ଚକ୍ଷୁଦ୍ୱାରେ

Couplet 88

ନିତ୍ୟେ ଲୋତକ କୁଚେ ସିଞ୍ଚୁତୋତେ ତେମନ୍ତ ପ୍ରାୟ ପାଞ୍ଚୁ

Couplet 89

ତୋ ହୃଦେ କୃଷ୍ଣପ୍ରେମ ଭରାତେଣୁ ତୁ ସିଞ୍ଚୁ ଜଳଧାରା

Couplet 90

ସୁମରି ପୁଣ ପୁଣ ସୁଖତାଙ୍କ ପ୍ରସଙ୍ଗ ମହାଦୁଃଖ

Couplet 91

କୋକିଳନାଦ କର୍ଣ୍ଣେ ଶୁଣିବୋଲନ୍ତି କୃଷ୍ଣର ତରୁଣୀ

Couplet 92

ଶୁଣ କୋକିଳ ଆମ୍ଭ ବାଣୀଆମ୍ଭେ ତୋହର ଭାବ ଜାଣି

Couplet 93

ତେଣୁ ତୁ ଦୁଃଖୀ ଆମ୍ଭ ଦୁଃଖେକୋମଳବାଣୀ କହୁ ମୁଖେ

Couplet 94

କିସ କରିବୁ କହ ତୋରତୁ ଆମ୍ଭ ଜୀବନ ସୋଦର

Couplet 95

ପର୍ବତଶୃଙ୍ଗ ଚାହିଁ ପୁଣିବୋଲନ୍ତି କୃଷ୍ଣର ତରୁଣୀ

Couplet 96

ତୁ ମହୀଧର ବଡ ଧନ୍ୟନ ଚଳୁ ନ ବୋଲୁ ବଚନ

Couplet 97

ଉଦାର ବୃଦ୍ଧି ତୋର ଜାଣିଗୁପତେ ଚିନ୍ତୁ ଚକ୍ରପାଣି

Couplet 98

ଆମ୍ଭେ ଗୋବିନ୍ଦପାଦ ଯେହ୍ନେକୁଚେ ଲଗାଉ ସାବଧାନେ

Couplet 99

ତୁହି ତେମନ୍ତ କରୁ ଆଶତେଣୁ ତୁ ଆମ୍ଭର ବିଶ୍ୱାସ

Couplet 100

ନିକଟେ ଦଦୀସ୍ରୋତ ଦେଖିଭାବେ ବୋଲନ୍ତି ଚନ୍ଦ୍ରମୁଖୀ

Couplet 101

ପ୍ରିୟବିଯୋଗେ ସଖି ତୋରଶୁଖିଲା ବେନି ତଟୁଁ ନୀର

Couplet 102

କମଳ ଉପହାର କରୁସ୍ୱାମୀର ସଙ୍ଗ ତୁ ସୁମରୁ

Couplet 103

ଦେଖ ଆମ୍ଭର ମନ ଛନ୍ନନ ଦେଖି କୃଷ୍ଣର ବଦନ

Couplet 104

ଦୁଃଖ ହୃଦୟେ ଦିନ ବଞ୍ଚୁଆମ୍ଭର ପ୍ରାୟ ତୋତେ ପାଞ୍ଚୁ

Couplet 105

ପୁଣି ଚାହାନ୍ତି ଦଶଦିଶେଦେଖିଲେ ରାଜହଂସ ପାଶେ

Couplet 106

କୃଷ୍ଣର ଦୂତ ପ୍ରାୟ ମଣିବୋଲନ୍ତି ପ୍ରିୟଭାବେ ବାଣୀ

Couplet 107

ଭଲେ ଅଇଲୁ ହଂସ ପଥେଆମ୍ଭର ପ୍ରିୟ ଘେନି ଚିତ୍ତେ

Couplet 108

ଆସ ତୁ କ୍ଷୀର କର ପାନଆମ୍ଭ ସମୀପେ ତୋ ଆସନ

Couplet 109

ବସି ତୁ କହ କୃଷ୍ଣକଥାତୋ ତହିଁ ବିଶ୍ୱାସ ବ୍ୟବସ୍ଥା

Couplet 110

ଜାଣିଲୁ ଦୂତ ବୋଲି ତୋତେଶ୍ରମ ପାଇଲୁ ଆସି ପଥେ

Couplet 111

ଭଲେ କି ଛନ୍ତି ଦାମୋଦରକହ ତୁ କପଟ ନକର

Couplet 112

କପଟ ହୃଦୟ ତାହାରଚଞ୍ଚଳ ସୁହୃଦ ବେଭାର

Couplet 113

ଆମ୍ଭର ଭାବ କି ସୁମରେଏ ମାୟା ସଂସାରେ ସାଗରେ

Couplet 114

କିବା କରିବୁ ଯିବୁ ନାହିଁତା ତହୁଁ ଆନଗତି ନାହିଁ

Couplet 115

ଅମୃତ ବଚନ ତାହାରଶୁଣି ଶ୍ରବଣ ସୁଖକର

Couplet 116

ସକାମ କରେ ଆମ୍ଭ ମନତା ଭାବ ଛାଡିବୁ କେସନ

Couplet 117

ଏମନ୍ତେ କୃଷ୍ଣର କାମିନୀଚିତ୍ତେ ନିର୍ମଳ ଭାବ ଘେନି

Couplet 118

ଯୋଗେଶ୍ୱରଙ୍କୁ ଅଗୋଚରଅଭୟ ଚରଣ ଯାହାର

Couplet 119

ସେ ହରିପାଦେ ଭାବ କଲେଜନ୍ମ ମରଣୁଁ ନିସ୍ତରିଲେ

Couplet 120

ପରମପଦେ ତାଙ୍କ ଗତିଏବେ ହୋ ଶୁଣ ନରପତି

Couplet 121

ସେ ହରିଗୁଣ ଶ୍ରୁତିପଥେପଶି କାମିନୀଗଣ ଚିତ୍ତେ

Couplet 122

ବଳେ କରଇ କାମମୟେଯେ ଭାବେ ବସି ନିତ୍ୟେ ଧ୍ୟାୟେ

Couplet 123

ତା ରୂପ ଚକ୍ଷୁଦ୍ୱାରେ ଦେଖିକାମିନୀ କେ ନୋହିବେ ସୁଖୀ

Couplet 124

ତାହାଙ୍କୁ ସ୍ୱାମୀପଣେ ପାଇପାଦେ ସେବନ୍ତି ଗୃହେ ଥାଇ

Couplet 125

ତାହାଙ୍କ ତପ କେ ବର୍ଣ୍ଣିବଯାହା ବାଞ୍ଛନ୍ତି ବ୍ରହ୍ମା ଶିବ

Couplet 126

ଏମନ୍ତ ପ୍ରଭୁ ବନମାଳୀବଦଉଚିତେ ଧର୍ମ ପାଳି

Couplet 127

ଗୃହସ୍ଥିଧର୍ମ ଅନୁମତେଚତୁରବର୍ଗ ସିଦ୍ଧି ଅର୍ଥେ

Couplet 128

ଷୋଳସହସ୍ର ଶତେ ନାରୀଗୃହେ ରମିଲେ ନରହରି

Couplet 129

ନାରୀଙ୍କ ମଧ୍ୟେ ଅଷ୍ଟଦେବୀକମଳା ଅଂଶେ କୃଷ୍ଣ ସେବି

Couplet 130

ଏ ଆଦି ସକଳ ଯୁବତୀଗୋବିନ୍ଦ ଗୃହେ ପୁତ୍ରବତୀ

Couplet 131

କନ୍ୟାକେ ଦଶଦଶ ସୁତଏକ ଦୁହିତା ହୋଏ ଜାତ

Couplet 132

ପୁତ୍ରଙ୍କ ମଧ୍ୟେ ସାଧୁ ଧୀରଉତ୍ତମ ଅଷ୍ଟାଦଶ ବୀର

Couplet 133

ସୁଯୋଦ୍ଧା ରଥୀ ଅନୁପମଶୁଣ ତୁ ପୁତ୍ରଙ୍କର ନାମ

Couplet 134

ପ୍ରଦ୍ୟୁମ୍ନ ଦୀପ୍ତିମାନ ଭାନୁଶାମ୍ବ ମଧୁ ଯେ ବୃହଦ୍ଭାନୁ

Couplet 135

ଚିତ୍ରଭାନୁ ବୃକ ଅରୁଣଚିତ୍ରବାହୁ ଯେ ସୁନନ୍ଦନ

Couplet 136

ପୁଷ୍କର ବେଦବାହୁ ବେନିଚଉଦ ଶ୍ରୁତଦେବ ଘେନି

Couplet 137

ବିରୂପ କବି ଯେ ନ୍ୟଗ୍ରୋଧପ୍ରଦ୍ୟୁମ୍ନ ପୁତ୍ର ଅନିରୁଦ୍ଧ

Couplet 138

ଏହାଙ୍କ ମଧେ ଜ୍ୟେଷ୍ଠଭ୍ରାତଉତ୍ତମ ରୁକ୍ମିଣୀର ସୁତ

Couplet 139

କୃଷ୍ଣର ପ୍ରାୟେକ ଦିଶଇରୁକ୍ମୀ ଯେ ରୁକ୍ମିଣୀର ଭାଇ

Couplet 140

ତାର ଦୁହିତା ତାକୁ ଦେଲାତାହାର ଅନିରୁଦ୍ଧ ବଳା

Couplet 141

ରୁକ୍ମୀପୁତ୍ର ନାରୀ ଉଦରେକନ୍ୟାଏ ଥିଲା ତାର ପୁରେ

Couplet 142

ପ୍ରଦ୍ୟୁମ୍ନ ପୁତ୍ରେ ତାହା ବରିବିଭା କରାଇଲେ ମୁରାରି

Couplet 143

ବଜ୍ର ତାହାର ତହୁଁ ଜାତଏବେ ହୋ ଶୁଣ ପରୀକ୍ଷିତ

Couplet 144

ମୂଷଳ ଅବଶେଷ ସେହୁତାର କୁମର ପ୍ରତିବାହୁ

Couplet 145

ସୁବାହୁ ତା ତହୁଁ ଜନମତାର କୁମର ଶାନ୍ତସେନ

Couplet 146

ତାହାର ଶତସେନ ବଳାସେଠାରୁ ଯଦୁବଂଶ ଗଲା

Couplet 147

ସେ ଯଦୁବଂଶେ ମହୀତଳେଯେତେ କୁମର ଉପୁଜିଲେ

Couplet 148

ଏ ବଂଶେ ଯେତେକ ସନ୍ତ୍ତିନିର୍ଦ୍ଧନ ଅପୁତ୍ରୀ ନୁହଁନ୍ତି

Couplet 149

ଅକାଳେ ନୁହଁନ୍ତି ବିନାଶନାହିଁ ପାପିଷ୍ଠ ଅଳ୍ପାୟୁଷ

Couplet 150

ଏ ହରିବଂଶର ମହିମାକେ କହିପାରେ ଗୁଣସୀମା

Couplet 151

ଯେତେ ବାଳକ ଉପୁଜିଲେକେ ଗଣିପାରେ ତାହା ଭଲେ

Couplet 152

ଶୁଣ ତା କହିବା ପ୍ରକଟିଅଠାଶୀସସ୍ର ତିନିକୋଟି

Couplet 153

ଏତେ ଆଚୁାର୍ଯ୍ୟ ବିଦ୍ୟାଗୁରୁଏଣୁ କେ ସଂଖ୍ୟା କରିପାରୁ

Couplet 154

ଅୟୁତ ନିୟୁତ ପ୍ରମାଣିକେ ପାରୁ ହରିବଂଶ ଗଣି

Couplet 155

ପୂର୍ବେ ଯେ ଦେବାସୁର ରଣେଯେ ଅବା ମଲେ ଯାତୁଧାନେ

Couplet 156

ପୁଣି ମନୁଷ୍ୟ ଦେହ ବହିଅଶେଷ ମହୀତଳେ ହୋଇ

Couplet 157

ତାହାଙ୍କ ସଂହାରଣ ଅର୍ଥେବିଷ୍ଣୁର ଅଂଶ ଏ ଜଗତେ

Couplet 158

ମନୁଷ୍ୟେ ହୋଇ ଅବତାରହରିଲେ ଅବନୀର ଭାର

Couplet 159

ଦେବେ ସକଳେ ଆଜ୍ଞା ପାଇଯାଦବବଂଶେ ଜାତ ହୋଇ

Couplet 160

ଏକ ଉତ୍ତର ଶତବଂଶଧରଣୀ ମଧ୍ୟେ କଲେ ନାଶ

Couplet 161

ଯାଦବବଂଶେ ହୋଇ ଜନ୍ମଯହିଁ ସେ କଲେ ଯେତେ କର୍ମ

Couplet 162

ଆସନ ଶୟନ ଭୋଜନଯଦୁଙ୍କ ତୁଲେ ଭଗବାନ

Couplet 163

ଏମନ୍ତେ ଦ୍ୱାରାବତୀପୁରସର୍ବସମ୍ପଦ ସୁଖସାର

Couplet 164

ଅଖଣ୍ତସୁଖ ଭୋଗ କରେଦ୍ୱାରକାପୁରବାସୀ

Couplet 165

ଏମନ୍ତେ ସାତବଂଶ ଜନସ୍ୱଧର୍ମେ ବଞ୍ଚନ୍ତି ସେଦିନ

Couplet 166

ଯହିଁ ସେ ରାମ କୃଷ୍ଣ ବେନିସୁକୃତକର୍ମ ଅବଧାନୀ

Couplet 167

ସକଳତୀର୍ଥ ଯଦୁକୁଳଯହିଁ ବିଜୟ ଆଦିମୂଳ

Couplet 168

ପାଦଉଦକ ଗଙ୍ଗାତୀରକମଳା ସେବେ ନିରନ୍ତର

Couplet 169

ଯା ନାମ ସର୍ବଦେବ ଘୋଷେଶ୍ରବଣେ ଅମଙ୍ଗଳ ନାଶେ

Couplet 170

ମନୁଷ୍ୟଭାବ କର୍ମ କରିଅନ୍ତେ ସକଳ ଦେହେ ଭରି

Couplet 171

ଯାହାର କାଳଚକ୍ର ହସ୍ତେକେ ଜାଣି ପାରେ ତା ଜଗତେ

Couplet 172

ଦେବକୀ ଗର୍ଭେ ଅବତରିତେଜେ ଧରଣୀଭାରା ହରି

Couplet 173

ସ୍ଥାବର ଆଦି ଯେତେ ଜନ୍ମଖଣ୍ତିଲେ ତାହାଙ୍କର ନାମ

Couplet 174

ଶ୍ରୀମୁଖ ଚାହିଁ ଗୋପନାରୀକାମ ଗରଳ ସେ ନିବାରି

Couplet 175

ସେ ହରି କଲେ କର୍ମ ଯେତେସଂକ୍ଷେପେ କହିଲି ମୁଁ ତୋତେ

Couplet 176

ଏ କଥା କର୍ଣ୍ଣେ ଯେ ଶୁଣନ୍ତିଆନନ୍ଦେ ହୃଦୟେ ଗୁଣନ୍ତି

Couplet 177

ଜନ୍ମ ମରଣ ତାଙ୍କ ନାହିଁଯେ ନିତ୍ୟେ କୃଷ୍ଣଲୀଳା ଗାଇ

Couplet 178

ଅମୃତ ଭାଗବତ ବାଣୀଶୁଣି ସଂସାରୁ ତର ପ୍ରାଣୀ

Couplet 179

ବୋଲଇ ଦାସ ଜଗନ୍ନାଥସୁଜନ ହିତେ ଭାଗବତ

Couplet 180

ଦଶମେ କୃଷ୍ଣର ମହିମାଯାହା ନ ଜାଣେ ଶିବ ବ୍ରହ୍ମା

Couplet 181

ସେ ହରି ଆଜ୍ଞା ଶିରେ ବହିଗୀତେ ପାରିଲି ଯାହା କହି

Couplet 182

ପ୍ରାକୃତ ଭାଷା ଏ ପ୍ରବନ୍ଧଫିଟେ ଅନ୍ଧାର - ଭବବନ୍ଧ

Couplet 183

ମୁଁ ଛାର ହୀନ ମୂଢମତିକୃଷ୍ଣଚରଣେ ହେଉ ମତି

Couplet 184

ଦଶମସ୍କନ୍ଧ ପୁଣ୍ୟବାଣୀଶୁଣି ସଂସାରୁ ତର ପ୍ରାଣୀ