Adhyaya 92

Couplet 1

ଶୁକ ସନ୍ନିଧ୍ୟେ ଯୋଡିହସ୍ତଆନନ୍ଦେ ବୋଲେ ପରୀକ୍ଷିତ

Couplet 2

ରାମ ଗୋବିନ୍ଦଙ୍କ ଭଗିନୀସୁଭଦ୍ରା ନାମେଣ କାମିନୀ

Couplet 3

କେମନ୍ତେ ଅର୍ଜୁନ ତା ପାଇସେ ଯେ ମୋହର ପିତାମହୀ

Couplet 4

କୁହନ୍ତି ବ୍ୟାସଙ୍କର ସୁତଶୁଣ ରାଜନ ପରୀକ୍ଷିତ

Couplet 5

ଅର୍ଜୁନ ତୀର୍ଥଯାତ୍ରା ଛଳେଭ୍ରମଇଁ ଅବନୀମଣ୍ତଳେ

Couplet 6

ପ୍ରଭାସତୀର୍ଥେ ଏକଦିନେଅର୍ଜୁନ ରହି ତୋଷମନେ

Couplet 7

ଶୁଣିଲା ଦ୍ୱାରକାର ବାଣୀନିଜ ମାତୁଳର ନନ୍ଦିନୀ

Couplet 8

ସଙ୍କରଷଣ ଅନୁମତେଦୁର୍ଯ୍ୟୋଧନଙ୍କୁ ଦେବା ଅର୍ଥେ

Couplet 9

କାହାରି ନାହିଁ ସନମତଶୁଣି ବିଚାରେ ମନେ ପାର୍ଥ

Couplet 10

ସୁଭଦ୍ରା ଲଭିବାର ଆଶେତକ୍ଷଣେ ବ୍ରହ୍ମଚାରୀ ବେଶେ

Couplet 11

ମାୟାତ୍ରିତଣ୍ତୀ ରୂପ ଧରିମିଳିଲା ଦ୍ୱାରକାନଗରୀ

Couplet 12

ଆପଣା କାର୍ଯ୍ୟ ସିଦ୍ଧି ଆଶେରହି ବରଷା ଚାରିମାସେ

Couplet 13

ଯାଦବେ ନିତ୍ୟେ ଅନ୍ନ ଦ୍ୟନ୍ତିଏ କଥା ରାମ ନ ଜାଣନ୍ତି

Couplet 14

ଦିନେକ କୃଷ୍ଣ ହଳପାଣିଅତିଥି ନିଜ ଘରେ ଆଣି

Couplet 15

ଶରଧା ଚିତ୍ତେ ଭିକ୍ଷା ଦେଲେହରଷେ ଅର୍ଜୁନ ଭୁଞ୍ଜିଲେ

Couplet 16

ଅନ୍ନ ଭୋଜନେ ବୀରମଣିଦେଖି ବସୁଦେବ ଦୁଲଣୀ

Couplet 17

ବୀରମୋହିନୀ ରୂପ ତାରଭୁବନେ ନାହିଁ ପଟାନ୍ତର

Couplet 18

ଅପାଙ୍ଗ ଲୋଚନେ ଅନାଇଁହୃଦେ ଅନଙ୍ଗ ଭାବ ବହି

Couplet 19

ସ୍ୱଭାବେ ଅର୍ଜୁନ ସୁନ୍ଦରରୂପେ କାମିନୀ ମନୋହର

Couplet 20

ସୁଭଦ୍ରା ଦେଖି ତା ବଦନସମ୍ଭ୍ରମେ ପୀଡିତ ମଦନ

Couplet 21

ଏକେ ତ କୃଷ୍ଣର ଭଗିନୀରୂପେ ମୋହଇ ପୁର ତିନି

Couplet 22

ସବ୍ରୀଡହାସେ ମୁଖ ଶୋହେକଟାକ୍ଷେ ମୁନିଜନ ମୋହେ

Couplet 23

ଅର୍ଜୁନ ଦେଖି ଅଭିରାମଚିତ୍ତ ମୋହିତ କୋଟିକାମ

Couplet 24

ସୁଭଦ୍ରାରୂପେ ମନ ଦେଇଅର୍ଜୁନ ବସି ବିଚାରଇ

Couplet 25

କେମନ୍ତେ ଲଭିବି ଏ ନାରୀନିରେତେ ଛିଦ୍ର ଅନୁସରି

Couplet 26

ଏମନ୍ତେ ଦେବଯାତ୍ରା କାଳେବନ୍ଧୁବାନ୍ଧବ ଜ୍ଞାତିମେଳେ

Couplet 27

ଉତ୍ତମରଥେ କନ୍ୟା ଘେନିମଙ୍ଗଳକରଣେ କାମିନୀ

Couplet 28

ଦ୍ୱାରକାପୁର ଦୁର୍ଗ ମଧ୍ୟେଚଳନ୍ତି ନୃତ୍ୟ ଗୀତ ବାଦ୍ୟେ

Couplet 29

ପିତାମାତାଙ୍କ ଶୁଦ୍ଧଚିତ୍ତେକୃଷ୍ଣର ଭାବ ଅନୁମତେ

Couplet 30

ଅର୍ଜୁନ ଦେବଯାତ୍ରା ଛଳେକନ୍ୟା ହରିଲା ବାହୁବଳେ

Couplet 31

ଆପଣେ ନିଜ ରଥେ ବସିଧନୁ ଟଙ୍କାରେ ଗୁଣ ଘୋଷି

Couplet 32

କନ୍ୟା ଆବୋରି ଥିଲେ ଯେତେନାନା ଆୟୁଧ ଧରି ହସ୍ତେ

Couplet 33

ତାହାଙ୍କ ଗର୍ବ ନାଶ କରିସ୍ୱଭାଗ ଯେସନେ କେଶରୀ

Couplet 34

ପଶୁଙ୍କ ମଧ୍ୟୁ ହରେ ଯେହ୍ନେତା ଦେଖି ରାମ କୋପମନେ

Couplet 35

ଯେହ୍ନେ ପୂର୍ଣ୍ଣିମା ନିଶାକାଳେସମୁଦ୍ର ଉଛୁଳେ ଉଲ୍ଲୋଳେ

Couplet 36

ରାମର କୋପ ଦେଖି ହରିବାନ୍ଧବ ସଙ୍ଗତେ ବିଚାରି

Couplet 37

ବୃଦ୍ଧଙ୍କ ସଙ୍ଗେ ବିଚାରିଲେରାମର କୋପ ଶାନ୍ତି କଲେ

Couplet 38

କୃଷ୍ଣ ବଚନେ ହଳପାଣିଅନେକ ରତ୍ନବସ୍ତ୍ର ଆଣି

Couplet 39

ବରକନ୍ୟାର ବିଭାକାଳେଅନେକ ଯଉତୁକ ଦେଲେ

Couplet 40

ଅମୂଲ୍ୟରତ୍ନ ବସ୍ତ୍ର ଧନଅଶ୍ୱ କୁଞ୍ଜର ଦାସୀଜନ

Couplet 41

ଘେନି ଆନନ୍ଦେ କନ୍ୟା ବରମଙ୍ଗଳେ ଗଲେ ନିଜ ପୁର

Couplet 42

ବନ୍ଧୁବାନ୍ଧବ ଯେତେଜନଗଲେ ସେ ଯେ ଯାହା ଭୂବନ

Couplet 43

କହନ୍ତି ବ୍ୟାସଙ୍କର ସୁତକୃଷ୍ଣମଙ୍ଗଳ ଭାଗବତ

Couplet 44

କୃଷ୍ଣର ସଖା ପୂର୍ବକାଳେଥିଲା ଯେ ବିଦେହମଣ୍ତଳେ

Couplet 45

କୃଷ୍ଣର ଅତି ପ୍ରିୟଭାବନାମ ତାହାର ଶୁତଦେବ

Couplet 46

ଏକାନ୍ତ ହରିଭାବ ଭୋଳେସମ୍ପୁର୍ଣ୍ଣ ହୃଦୟ ନିଶ୍ଚଳେ

Couplet 47

ଯୋଗେ ଇନ୍ଦ୍ରିୟ ବଳ ଜିଣିଜଗତଆତ୍ମା ପରିମାଣି

Couplet 48

ମିଥିଳାପୁରେ ଗୃହାଶ୍ରମୀବ୍ରାହ୍ମଣଭାବେ ନିତ୍ୟକର୍ମୀ

Couplet 49

ଧନ ଅର୍ଜନେ ନାହିଁ ଚିତ୍ତକେବଳ ପ୍ରାଣ ବୃତ୍ତି ମାତ୍ର

Couplet 50

ଅଧର୍ମମାର୍ଗେ ମନେ ଭୀତିକ୍ରିୟାକଳାପ କରେ ନିତି

Couplet 51

ଏମନ୍ତେ ବହୁଳାଶ୍ୱ ନାମମିଥିଳାନଗରେ ରାଜନ

Couplet 52

ସେ ବେନିଜନ ହରିଭାବେଜିତଇନ୍ଦ୍ରିୟ ସେ ସ୍ୱଭାବେ

Couplet 53

ତାହାଙ୍କ ଭାବ ଘେନି ହୃଦେଗୋବିନ୍ଦ ପରମଆନନ୍ଦେ

Couplet 54

ଭକତଭାବେ ବଶ ହରିଉଦ୍ଧବ ସଙ୍ଗେ ଦଇତ୍ୟାରି

Couplet 55

ଦାରୁକ ରଥ କଲା ଆଣିମୁନିଙ୍କ ସଙ୍ଗେ ଚକ୍ରପାଣି

Couplet 56

ରଥ ଆରୋହି ହୃଷୀକେଶମିଥିଳାନଗରେ ପ୍ରବେଶ

Couplet 57

ନାରଦ ବାମଦେବ ଅତ୍ରିବ୍ୟାସ ପରଶୁରାମ ଯତି

Couplet 58

ଅସିତ କେବଳ ଅରୁଣିଦେବଙ୍କଗୁରୁ ଶୁକମୁନି

Couplet 59

କଣ୍ୱ ମଇତ୍ରେୟ ଚ୍ୟବନଏ ଆଦି ବ୍ରହ୍ମଋଷିଗଣ

Couplet 60

ମିଳିଲେ ସକଳେ ହେଁ ଆସିଦେଖି ଗୋବିନ୍ଦ ରୂପରାଶି

Couplet 61

ଶୁଣି ଗୋବିନ୍ଦ ଆଗମନମିଥିଳାପଥେ ଯେତେ ଜନ

Couplet 62

ବିବିଧ ଅର୍ଘ୍ୟପାତ୍ର କରେମିଳିଲେ କୃଷ୍ଣର ଛାମୁରେ

Couplet 63

ଆଦିତ୍ୟ ଉଦୟ ନିକଟେଯେହ୍ନେ ବ୍ରାହ୍ମଣେ ଜଳଘାଟେ

Couplet 64

ତେହ୍ନେ ଦିଶନ୍ତି ଶୀରିବସ୍ତ୍ରଅନନ୍ତ ରୂପ କି ପ୍ରତ୍ୟକ୍ଷ

Couplet 65

ଧନୁତୁଣୀର କମ୍ବୁ ଚକ୍ରଗଦା କମଳ ପଦ୍ମନେତ୍ର

Couplet 66

ଦେଖିଣ ଆନନ୍ଦ ସବୁରିମଙ୍ଗଳ ଶବଦ ଉତାରି

Couplet 67

ଆନର୍ତ୍ତ ଧନ୍ୱ ଯେ ଜାଙ୍ଗଳକୁରୁ କଙ୍କ ମତ୍ସ୍ୟ ପାଞ୍ଚାଳ

Couplet 68

କୈକୟ ମଧୁ କୁନ୍ତୀ ଆଦିକୋଶଳଦେଶ ଯେ ପ୍ରସିଦ୍ଧି

Couplet 69

ଏ ଆଦି ଯେତେ ଜନପଦେକୃଷ୍ଣର ବଦନ ଆନନ୍ଦେ

Couplet 70

ପିବନ୍ତି ଚକ୍ଷୁରନ୍ଦ୍ରେ ଭରିଅଶେଷ ତପେ ନରନାରୀ

Couplet 71

ତାହାଙ୍କ ତପସିଦ୍ଧ କରିଭକତବନ୍ଧୁ ନରହରି

Couplet 72

ଦିଗପୂରିତ ନିଜ ଯଶତାହାଙ୍କ ମୁଖୁଁ ହୃଷୀକେଶ

Couplet 73

ଅଶୁଭନାଶନ ମଙ୍ଗଳଶୁଣି ସାନନ୍ଦ ନନ୍ଦବାଳ

Couplet 74

ସର୍ବକୁଶଳ ସ୍ନେହଭରେପ୍ରବେଶ ମିଥିଳାନଗରେ

Couplet 75

ମିଥିଳାପୁର ନରନାରୀକୃଷ୍ଣ ଆଗମ ଅନୁସରି

Couplet 76

ମଙ୍ଗଳ ଦ୍ରବ୍ୟ ଘେନି କରେମିଳିଲେ କୃଷ୍ଣର ଛାମୁରେ

Couplet 77

ଗୋବିନ୍ଦମୁଖ ଦେଖି ଜନେପ୍ରଫୁଲ୍ଲ ନିଶ୍ଚଳ ନୟନେ

Couplet 78

କରଅଞ୍ଜଳି ଦେଇ ଶିରେରୋମପୁଲକ କଳେବରେ

Couplet 79

ସକଳେ ମୁନିଗଣ ମେଳେନମିଲେ କୃଷ୍ଣ ପାଦତଳେ

Couplet 80

ଜନକ ଶ୍ରୁତଦେବ ବେନିହୃଦେ ଗୋବିନ୍ଦ ଭାବ ଘେନି

Couplet 81

ବୋଲନ୍ତି ଆମ୍ଭ ଅନୁଗ୍ରହେବିଜୟ କଲେ ଦେବରାୟେ

Couplet 82

ଏମନ୍ତେ ପରମ ଆନନ୍ଦେପ୍ରଣାମ କଲେ କୃଷ୍ଣପାଦେ

Couplet 83

ମୁନି ସମେତେ ନାରାୟଣଅତିଥି କଲେ ନିମନ୍ତ୍ରଣ

Couplet 84

କୃଷ୍ଣଙ୍କୁ ଆସନେ ବସାଇପୂଜିଲେ ଷଡଅର୍ଘ୍ୟ ଦେଇ

Couplet 85

ସେ ବେନିଜନଙ୍କର ମନଜାଣନ୍ତି ଜଗତଜୀବନ

Couplet 86

ଭାବରେ ବନ୍ଧୁ ଦାମୋଦରମନରେ କରନ୍ତି ବିଚାର

Couplet 87

ଦୁହିଁଙ୍କ ଘରେ ମୁହିଁ ରହିଚିତ୍ତ ଆନନ୍ଦେ ବୋଧ ଦେଇ

Couplet 88

ତେବେ ମୁଁ ଯିବି ନିଜ ପୁରଏତେ ବିଚାରି ଚକ୍ରଧର

Couplet 89

ଜନକ ଗୃହେ ଭଗବାନମୁନିଙ୍କି ଘେନି ଆଗମନ

Couplet 90

ଆନନ୍ଦମନେ ମହାରାଜାମୁନିଙ୍କି କଲେ ପାଦପୂଜା

Couplet 91

ହରଷୁ ତନୁ ରୋମମୂଳନୟନୁ ବହେ ଅଶ୍ରୁଜଳ

Couplet 92

ପଖାଳି ମୁନିଙ୍କର ପାଦଆନନ୍ଦେ କଣ୍ଠ ଗଦଗଦ

Couplet 93

ବିଶ୍ୱପବିତ୍ର ପାଦଜଳକୁଟୁମ୍ବ ସଙ୍ଗେ ଘେନି ଶିର

Couplet 94

ମୁନିଙ୍କ ଚରଣ ସମୀପେପୁଷ୍ପଚନ୍ଦନ ଧୂପ ଦୀପେ

Couplet 95

ଅର୍ଘ୍ୟ ଗୋ ବୃଷ ଆଦି ଦେଇମଧୁର ସ୍ୱରେ ବାକ୍ୟ କହି

Couplet 96

ଆତ୍ମଦରଶୀ ମୁନିଗଣେଆନନ୍ଦେ ବସିଲେ ଆସନେ

Couplet 97

କୃଷ୍ଣଙ୍କୁ ପଲ୍ୟଙ୍କେ ବସାଇବେନିଚରଣ କୋଳେ ଲଇଁ

Couplet 98

ପାଦମର୍ଦ୍ଦଇ ମନସୁଖେକହେ କୋମଳ ବାଣୀ ମୁଖେ

Couplet 99

ଭୋ ନାଥ ସର୍ବପ୍ରାଣୀଙ୍କରତୁ ଆତ୍ମାସାକ୍ଷୀ ଦାମୋଦର

Couplet 100

ତୋର ଚରଣ ଚକ୍ଷୁଦ୍ୱାରେଦେଖିଲି ମନୁଷ୍ୟ ଶରୀରେ

Couplet 101

ତୋହର କର୍ମ ଶୁଣି କର୍ଣ୍ଣେପ୍ରତ୍ୟେକ୍ଷ ଦେଖିଲି ନୟନେ

Couplet 102

ତୋ ପାଦରଜ ଜଗନ୍ନାତାଲଭିବା ପାଇଁ କରେ ଚିନ୍ତା

Couplet 103

ଏହା ଯେ ଚିତ୍ତେ ଭଲେ ଜାଣିସଂସାରୁ ତରଇ ସେ ପ୍ରାଣୀ

Couplet 104

ସମଦରଶୀ ଚିତ୍ତ ଯାରଶାନ୍ତ ନିଷ୍କାମ ମୁନିଙ୍କର

Couplet 105

ମରଣେ ଦେଉ ଆତ୍ମପଦଆଗମ ନିଗମେ ପ୍ରସିଦ୍ଧ

Couplet 106

ସଂସାର ପ୍ରାଣୀଙ୍କର ମଧ୍ୟେତୁ ନାଥ ଭୂମିଭାରା ସାଧ୍ୟେ

Couplet 107

ଯାଦବବଂଶେ ହୋଇ ଜାତତୋ ଯଶ ଜଗତେ ବିଦିତ

Couplet 108

ତୋ ପାଦରେଣୁ ପାପ ନାଶେନିର୍ମଳ ସୁଜ୍ଞାନ ପ୍ରକାଶେ

Couplet 109

ନମସ୍ତେ ପ୍ରଭୁ ଭଗବାନତୁ କୃଷ୍ଣ ବଇକୁଣ୍ଠଧାମ

Couplet 110

ତୁ ନର ନାରାୟଣ ରୂପୀଅଶେଷ ପ୍ରାଣୀ ହିତେ ତପୀ

Couplet 111

ଭୋ ନାଥ ଘେନି ମୁନିଜନମୋ ଗୃହେ ରହ କିଛିଦିନ

Couplet 112

ତୋ ପାଦରଜେ ମୋର କୁଳପବିତ୍ର ହେଉ ଆଦିମୂଳ

Couplet 113

ଏମନ୍ତ ରାଜା ବାକ୍ୟ ଶୁଣିମନ ଆନନ୍ଦେ ଚକ୍ରପାଣି

Couplet 114

ମିଥିଳା ନରନାରୀଙ୍କରପ୍ରୀତି କାରଣେ ଚକ୍ରଧର

Couplet 115

ରହିଲେ କେତେଦିନ ତହିଁଜନକ ପ୍ରିୟଭାବ ବହି

Couplet 116

ଆନନ୍ଦମନେ ହୃଶୀକେଶଶ୍ରୁତଦେବ ଗୃହେ ପ୍ରବେଶ

Couplet 117

ସ୍ୱଗୃହେ ଗୋବିନ୍ଦ ଆଗମେଦେଖି ଶ୍ରୁତଦେବ ବିଭ୍ରମେ

Couplet 118

ନମି ଗୋବିନ୍ଦେ ଶୁଦ୍ଧଚିତ୍ତେଭତ୍ତରୀ ତୋଳି ବେନି ହସ୍ତେ

Couplet 119

ଭାବେ ସୁମନେ ନୃତ୍ୟ କରିଆନନ୍ଦେ ବୋଲେ ହରିହରି

Couplet 120

ଶ୍ରୀକୃଷ୍ଣ ପାଦପଦ୍ମ ବେନିପୂଜିଲା ପ୍ରିୟଭାବ ଘେନି

Couplet 121

ସଙ୍ଗତେ ଘେନି ନିଜ ନାରୀଶ୍ରୀକୃଷ୍ଣପାଦ କରେ ଧରି

Couplet 122

ପଖାଳି ଶୀତଳ ଉଦକେଉଦକ ଘେନିଲା ମସ୍ତକେ

Couplet 123

ଜଳ ସିଞ୍ଚିଲା ନେଇ ଘରେଯେ ଜଳେ ମେନୋରଥ ପୂରେ

Couplet 124

ସକଳ ଫଳ ଥାଇ ଯହିଁସେ ପାଦ ପୂଜେ ଭାବ ବହି

Couplet 125

ସୁଗନ୍ଧତୃଣ ବାସ ଜଳେଶ୍ୟାମତୁଳସୀ ପଦ୍ମତଳେ

Couplet 126

ଯେ ଅବା ଥିଲା ତା ମନ୍ଦିରେଅର୍ପିଲା ସର୍ବ ଉପହାରେ

Couplet 127

ବିତର୍କେ ବିଚାରଇ ଚିତ୍ତେପୂର୍ବେ ମୁଁ ପୁଣ୍ୟ କଲି କେତେ

Couplet 128

ସେ ପୁଣ୍ୟେ ଲଭିଲି ଏ ଗତିମୋର ମନ୍ଦିରେ ଯଦୁପତି

Couplet 129

ଯାହାର ପାଦରଜ-ନୀରସକଳ ତୀର୍ଥଙ୍କର ଘର

Couplet 130

ଆତ୍ମାନିକେତ ମୁନିମେଳେଗୋବିନ୍ଦ ମୋ ଗୃହମଣ୍ତଳେ

Couplet 131

ଏମନ୍ତେ କୃଷ୍ଣଙ୍କୁ ବସାଇକରଅଞ୍ଜଳି ଶିରେ ଦେଇ

Couplet 132

ସୁତ କଳତ୍ର ବନ୍ଧୁ ଘେନିଚାପଇ କୃଷ୍ଣପାଦ ବେନି

Couplet 133

ବୋଲଇ କୋମଳ ବଚନପାଦପଙ୍କଜେ ଦେଇ ମନ

Couplet 134

ଆଜ ଯେ ଧନ୍ୟ ମୋର ବଂଶଦେଖିଲି ପରମପୁରୁଷ

Couplet 135

ଯେ ହରି ଜଗତ ଭିଆଇଖେଳଇ ସର୍ବରୁପ ହୋଇ

Couplet 136

ନିଦ୍ରିତ ପୁରୁଷ ଯେମନ୍ତେସ୍ୱପ୍ନ ଦେଖଇ ନାନମତେ

Couplet 137

ଚିଆଇଁ ପୁଣି ଚିତ୍ତେ ଧ୍ୟାୟେସେ କଥା ମଣେ ସତ୍ୟ ପ୍ରାୟେ

Couplet 138

ତୋ ନାମ ଶୁଣନ୍ତି ଯେ କର୍ଣ୍ଣେନିରତେ ଗୁଣନ୍ତି ବଦନେ

Couplet 139

ନିଶ୍ଚଳ ଧ୍ୟାନେ ମନେ ଚିନ୍ତିତୋର ପ୍ରତିମା ଯେ ପୂଜନ୍ତି

Couplet 140

ବିଷୟସଙ୍ଗ ଦୂର କରିତୋତେ ଭାବନ୍ତି ହୃଦେ ଧରି

Couplet 141

ତାହାଙ୍କ ହୃଦେ ତୁ ଗୋବିନ୍ଦପ୍ରକାଶୁ ଜଳେ ଯେହ୍ନେ ଚନ୍ଦ୍ର

Couplet 142

କର୍ମେ ଚଞ୍ଚଳ ଯାର ଚିତ୍ତତାହାକୁ ଦୂର ତୁ ଅଚ୍ୟୁତ

Couplet 143

ହୃଦରେ ଥାଇ ଦୂର ହେଉତୋତେ ପାଇବେ ସେ ବା କାହୁଁ

Couplet 144

ତୋ ଗୁଣ ଯେହୁ ଗୁଣେ ରଟେତୁ ଥାଉ ତାହାର ନିକଟେ

Couplet 145

ଆତ୍ମାର ଶକ୍ତି ଅଗୋଚରଭୋ ନାଥ ମହିମା ତୋହର

Couplet 146

ନମସ୍ତେ ପ୍ରଭୁ ନିରଞ୍ଜନଅଧ୍ୟାତ୍ମଜ୍ଞାନୀଙ୍କ ଜୀବନ

Couplet 147

ଅଜ୍ଞାନୀ ଦେହବନ୍ତଙ୍କରମୃତ୍ୟୁ ସ୍ୱରୁପ ତୁ ନିକର

Couplet 148

ସ୍ୱଭାବେ ଦେହ ତୋର ନାହିଁମାୟାରେ ବହୁ ସର୍ବଦେହୀ

Couplet 149

କାରଣ ସଙ୍ଗେ ଅକାରଣଉଭୟଲିଙ୍ଗ ତୁ ଧାରଣ

Couplet 150

ମାୟା ଆବୃତେ ରୁଦ୍ଧଦୃଷ୍ଟିଏଣୁ ତୋ ନାନା ରୂପ ସୃଷ୍ଟି

Couplet 151

ମୁଁ ତୋର ଭୃତ୍ୟଙ୍କ କିଙ୍କରସୁହୃଦ କୋଟିକେ ଅନ୍ତର

Couplet 152

ମୁଁ ତୋର କି କରିବି ସେବାବିଚାରି ମୋତେ ଆଜ୍ଞା ଦେବା

Couplet 153

ଦୃଷ୍ଟିଗୋଚର ଯାର ତୁହିତାହାର କ୍ଳେଶ ଆଉ କାହିଁ

Couplet 154

କହନ୍ତି ଶୁକ ମହାମୁନିଶ୍ରୁତ ଦେବର ବାକ୍ୟ ଶୁଣି

Couplet 155

ପ୍ରାଣୀଙ୍କକ ଆରତଭଞ୍ଜନହରଷେ ପ୍ରଭୁ ଭଗବାନ

Couplet 156

ବ୍ରାହ୍ମଣ ହସ୍ତ କରେ ଧରିହସି ବୋଲନ୍ତି ନରହରି

Couplet 157

ତୋତେ ପ୍ରସନ୍ନ ମନ ମୋରତେଣୁ ଅଇଲି ତୋର ଘର

Couplet 158

ଏ ମୁନିଜନଙ୍କ ମହିମାକେ କହିପାରେ ଗୁଣସୀମା

Couplet 159

ଏହାଙ୍କ ପାଦରଜ ଶିରେଘେନି ସଂସାରୁ ପ୍ରାଣୀ ତରେ

Couplet 160

ଦେବତାକ୍ଷେତ୍ର ତୀର୍ଥଜନେଦର୍ଶନ-ସ୍ପପର୍ଶ-ଅର୍ଚ୍ଚନେ

Couplet 161

ଶୁଦ୍ଧ କରନ୍ତି ଚିରକାଳେଯେ ଯାହା କର୍ମ ଫଳାଫଳେ

Couplet 162

ସାଧୁଙ୍କ ଦରଶନ ମାତ୍ରେଦୁରିତ ନ ରହଇ ଗାତ୍ରେ

Couplet 163

ସକଳ ପ୍ରାଣୀ ମଧ୍ୟେ ସାରବ୍ରାହ୍ମଣ ଶରୀର ଯାହାର

Couplet 164

ସନ୍ତୋଷ ତପ ବିଦ୍ୟାଫଳେକ୍ରିୟା କଳାପ ଯୋଗବଳେ

Couplet 165

ବ୍ରାହ୍ମଣ ସର୍ବଦେବମୟସେ ମୋର ଦେହଟି ନିଶ୍ଚୟ

Couplet 166

ଚତୁରଭୁଜ ମୋର ଦେହୀଏହା ମୁଁ ପ୍ରିୟ ନ ମଣଇଁ

Couplet 167

ବ୍ରାହ୍ମଣଜନ ପ୍ରିୟ ମୋରହସି ବୋଲନ୍ତି ଚକ୍ରଧର

Couplet 168

ବ୍ରାହ୍ମଣ ଗୁରୁ ଚାରିବର୍ଣ୍ଣେମୋହର ସ୍ୱରୂପ ଅଭିନ୍ନେ

Couplet 169

ତାହା ନ ଜାଣି ମୂଢଜନେପ୍ରତିମା ପୂଜେ ଦୃଢମନେ

Couplet 170

ଏ ଚରାଚର ବିଶ୍ୱ ମଧ୍ୟେଦେଖନ୍ତି ଯେ ମୋତେ ଅଭେଦେ

Couplet 171

ଏ ବିପ୍ରବରେ ଶ୍ରଦ୍ଧା ବହିସ୍ୱଧର୍ମଭାବେ ପୂଜ ତୁହି

Couplet 172

ଏହାଙ୍କୁ ସେବା କର ନିତ୍ୟେମୋ ଭାବ ପାଇବୁ ଯେମନ୍ତେ

Couplet 173

ବିପ୍ରସେବନେ ମୋତେ ପାଇଅନ୍ୟଥା କୋଟି ଯଜ୍ଞେ ନୋହି

Couplet 174

ଶୁକ କହନ୍ତି ଶୁଦ୍ଧମନେଏମନ୍ତ ବିଷ୍ଣୁର ବଚନେ

Couplet 175

ବିପ୍ରଙ୍କୁ ପୂଜି ନିତିନିତିଲଭିଲେ ଅପବର୍ଗ ଗତି

Couplet 176

ଏମନ୍ତେ ପ୍ରଭୁ ଭଗବାନମିଥିଳା ରହି କେତେଦିନ

Couplet 177

ତାହାଙ୍କୁ ନିଜ ଜ୍ଞାନ ଦେଇଦ୍ୱାରକା ବିଜେ ଭାବଗ୍ରାହୀ

Couplet 178

ସେ ହରିପାଦେ ଦେଇ ଚିତ୍ତକହଇ ଦାସ ଜଗନ୍ନାଥ

Couplet 179

ସୁଜନେ କୃଷ୍ଣପାଦେ ସେବସଂସାର-ସାଗରୁ ତରିବ