Adhyaya 91

Couplet 1

ଶୁକ ବୋଲନ୍ତି ତୋଷମନେଦ୍ୱାରକାପୁରେ ଏକ ଦିନେ

Couplet 2

ରାମ ଗୋବିନ୍ଦ ବେନିଭାଇତାତ ଜନନୀ ପାଶେ ଯାଇ

Couplet 3

ପ୍ରଣାମ କଲେ ବେନିପାଦେସ୍ନେହହରଷ ଗଦଗଦେ

Couplet 4

ଆନନ୍ଦ ବସୁଦେବ ହୋଇରାମ ଗୋବିନ୍ଦ ମୁଖ ଚାହିଁ

Couplet 5

ଆନନ୍ଦେ ତନୁ ପୁଲକିତକୋଳେ ବସାଇ ବେନିସୁତ

Couplet 6

ମୁନିଜନଙ୍କ ବାକ୍ୟ ଶୁଣିକୃଷ୍ଣମହିମା ପରିମାଣି

Couplet 7

ବୋଲଇ ଶଙ୍କିତ ବଚନେକୃଷ୍ଣ ମହିମା ଭାବି ମନେ

Couplet 8

ହେ କୃଷ୍ଣ କୃଷ୍ଣ ଭଗବାନସଙ୍କରଷଣ ସନାତନ

Couplet 9

ଆନନ୍ଦ ମୁକୁନ୍ଦ ମୁରାରିଯା ନାମେ ମୁନିଜନେ ତରି

Couplet 10

ନିଶ୍ଚେ ଜାଣିଲି ଏବେ ମୁହିଁସୃଷ୍ଟିକାରଣ ତୁମ୍ଭେ ଦୁଇ

Couplet 11

ପରମବ୍ରହ୍ମ ପରକାଶତୁମ୍ଭେ ଯେ ପ୍ରଧାନ ପୁରୁଷ

Couplet 12

ଯହିଁ ଯେମନ୍ତ ଯହୁଁ ଜାତଯାହାର ଯେ ଅବା ନିର୍ମିତ

Couplet 13

ଯେ ଅବା ଯେବେ ଯଥାଭାବେଯାହାର ପ୍ରୟୋଜନ ଲାଭେ

Couplet 14

ସମ୍ଭୂତ ହୋଇ ଏ ସଂସାରତୁମ୍ଭେ ସେ ପ୍ରଧାନ ଈଶ୍ୱର

Couplet 15

ତୁମ୍ଭର ସୃଷ୍ଟି ଏ ଜଗତସ୍ଥାବର ଆଦି ନାନାମତ

Couplet 16

ଏହାଙ୍କ ଦେହେ ତୁମ୍ଭେ ପଶିପ୍ରାଣୀଙ୍କ ଜୀବନ ଆଶ୍ୱାସି

Couplet 17

ପ୍ରାଣାଦି ପଞ୍ଚମହାଭୂତସୃଷ୍ଟି କରନ୍ତି ଆତଯାତ

Couplet 18

ତାହାଙ୍କ ଶକ୍ତି ତୁମ୍ଭେ ଧରିସଚେତ ଅଚେତ ବିଚାରି

Couplet 19

ବ୍ରହ୍ମାଣ୍ତ ତେଜ କାନ୍ତି ପ୍ରଭାଆବର ବଳ ନାନା ଶୋଭା

Couplet 20

ଚନ୍ଦ୍ରର କାନ୍ତି ରବିପ୍ରଭାତାରା ବିଜୁଳି ଅଗ୍ନି ଆଭା

Couplet 21

ଗିରି ସ୍ଥିରତା ଭୂମି ବାସଏ ସର୍ବ ତୁମ୍ଭର ପ୍ରକାଶ

Couplet 22

ଜଳରେ ତର୍ପଣ ଜୀବନଆବର ରସ ତୋ ଭିଆଣ

Couplet 23

ପବନ ଗତି ଚେଷ୍ଟା ବଳଦିଗଙ୍କ ମଧ୍ୟେ ଅନ୍ତରାଳ

Couplet 24

ଓଁକାର ନାଦ ବର୍ଣ୍ଣ ସ୍ୱରଆକୃତି ମଧ୍ୟେ ନାନାକାର

Couplet 25

ଇନ୍ଦ୍ରିୟ ମଧ୍ୟେ ତୁମ୍ଭେ ମନତୋ ଅନୁଗ୍ରହେ ଦେବଗଣ

Couplet 26

ବୁଦ୍ଧିର ବୋଧବୁଦ୍ଧି ତୁମ୍ଭେଜୀବର ଶକ୍ତି ତୁ ଆରମ୍ଭ

Couplet 27

ଭୂତଙ୍କ ମଧ୍ୟେ ଭୂତ ଆଦିଇନ୍ଦ୍ରିୟଗଣ ତେଜ ସିଦ୍ଧି

Couplet 28

ବିକଳ୍ପ ମଧ୍ୟେ ତୁ ବିକାରପ୍ରଧାନ ରୂପ ଜୀବଙ୍କର

Couplet 29

ବିନାଶୀଭୂତଙ୍କର ମଧ୍ୟତୁମ୍ଭେ ଅବିନାଶୀ ପ୍ରସିଦ୍ଧ

Couplet 30

ଦ୍ରବ୍ୟ ବିକାର ଦ୍ରବ୍ୟ ତୁମ୍ଭେତ୍ରିଗୁଣବୃତ୍ତିର ଆରମ୍ଭେ

Couplet 31

ଆତ୍ମା କଳ୍ପିତ ଏ ଶୟଳେତୁମ୍ଭର ଯୋଗମାୟା ବଳେ

Couplet 32

ଏ ଘେନି ଅନୁମାନ କଲେମାୟା ନ ଲାଗେ ତୁମ୍ଭ ତୁଲେ

Couplet 33

ନାନା ବିକାରଙ୍କ ପ୍ରମାଣେନ ଘଟେ ତୁମ୍ଭ ବିଚାରଣେ

Couplet 34

ଏ ଗୁଣ ପ୍ରବାହ ତୁମ୍ଭରଅଜ୍ଞାନଜନେ ଅଗୋଚର

Couplet 35

ଏଣୁ ସଂସାରେ କର୍ମବଳେପ୍ରାଣୀ ଭ୍ରମନ୍ତି ଅନ୍ତରାଳେ

Couplet 36

ଅନେକ ଭାଗ୍ୟେ ଏ ସଂସାରେମନୁଷ୍ୟରୂପ ପ୍ରାଣୀ ଧରେ

Couplet 37

ନିତ୍ୟ ସମର୍ଥ ଆତ୍ମାଭାବପ୍ରାଣୀଙ୍କ ମଧ୍ୟେ ଏ ଦୁର୍ଲଭ

Couplet 38

ତୁମ୍ଭ ମାୟାରେ ପ୍ରାଣୀ ମୋହିଆତ୍ମାର ଗତି ନ ଜାଣଇ

Couplet 39

ବୟସ ହରେ ପ୍ରମାଦରେନିବିଡ ସଂସାରେ ବେଭାରେ

Couplet 40

ମୁହିଁ ମୋହର ଏ ସଂସାରସୁତ କଳତ୍ର ଧନ ମୋର

Couplet 41

ଏମନ୍ତ ସ୍ନେହପାଶ ଦେଇବନ୍ଧନ କର ତୁମ୍ଭେ ଦୁଇ

Couplet 42

ପ୍ରଧାନପୁରୁଷ ଈଶ୍ୱରତୁମ୍ଭେ ଯେ ମୋହର କୁମର

Couplet 43

ଭୂମିର ଭାରା ନିବାରଣେମୋହର କୁଳ ନିସ୍ତାରଣେ

Couplet 44

ଏଣୁ ମୋହର ନୁହଁ ସୁତଏ ମାୟା ତୁମ୍ଭର ନିର୍ମିତ

Couplet 45

ସଂସାର-ସଙ୍କଟ-ନିସ୍ତାରତୁମ୍ଭର ଅଭୟ ପୟର

Couplet 46

ସେ ପାଦେ ପଶିଲି ଶରଣଏବେ ତୁ ରଖ ନାରାୟଣ

Couplet 47

ଆରତଜନ ବନ୍ଧୁ ତୁମେଏ ମାୟାସଂସାର ଆରମ୍ଭେ

Couplet 48

ଲୋଭ ଲାଳସା ମୋର ନୋହୁଏମନ୍ତ ଆଜ୍ଞା ମୋତେ ହେଉ

Couplet 49

ତୁ ନିରାକାର ନିରଞ୍ଜନପରମବ୍ରହ୍ମ ଭଗବାନ

Couplet 50

ତୋର ବିଷୟେ ପୁତ୍ରବୁଦ୍ଧିଭୋ ନାଥ ପକା ଏହା ଛେଦି

Couplet 51

ହେ କୃଷ୍ଣ ଶରଣ ସୋଦରତୁମ୍ଭେ ଯେ କରୁଣାସାଗର

Couplet 52

କଂସ ରାଜାର ବନ୍ଦୀଘରେରଜନୀ ଦ୍ୱିତୀୟ ପ୍ରହରେ

Couplet 53

ତୋହର ଜନ୍ମକାଳେ ମୋତେଯାହା କହିଲୁ ଦୟାଚିତ୍ତେ

Couplet 54

ବୋଇଲୁ ଜନ ଅନୁରାଗେମୋହର ଜନ୍ମ ଯୁଗେ ଯୁଗେ

Couplet 55

ଏଣୁ ତୁ ଧର୍ମରକ୍ଷା ଅର୍ଥେଶରୀର ବହୁ ନାନାମତେ

Couplet 56

ଗଗନେ ଯେହ୍ନେ ମେଘପନ୍ତିଉଭାରି ପୁଣି ଲୀନ ହୋନ୍ତି

Couplet 57

ଏମନ୍ତ ତୋ ମାୟାବିଭୂତିକେ ଜାଣିପାରେ ତୋର ଗତି

Couplet 58

କହନ୍ତି ଶୁକ ମହାମୁନିପିତାବଚନ କୃଷ୍ଣ ଶୁଣି

Couplet 59

ହସିଣ ଯୋଡି ବେନିକରକୋମଳ ବଚନ ମଧୁର

Couplet 60

ବୋଲନ୍ତି ପ୍ରଭୁ ଭଗବାନଭୋ ତାତ ସାଧୁ ତୋ ବଚନ

Couplet 61

ଆମ୍ଭେ ତୋହର ପୁତ୍ର ଦୁଇପୁତ୍ର ଉଦ୍ଦେଶ୍ୟ ଭାବ ବହି

Couplet 62

ତୁମ୍ଭେ କହିତ ତତ୍ତ୍ୱଜ୍ଞାନଏ କଥା ସର୍ବମତେ ସମ

Couplet 63

ମୁଁ ପୁତ୍ର ତୁମ୍ଭେ ମୋର ତାତଏ ଯେ ମୋହର ଜ୍ୟେଷ୍ଠଭ୍ରାତ

Couplet 64

ଦ୍ୱାରକାପୁର ଜନ ଯେତେସଚରାଚର ଏହି ମତେ

Couplet 65

ଈଶ୍ୱର ମାୟା ଏ ସଂସାରଏଣେ ଭ୍ରମନ୍ତି ସୁରନର

Couplet 66

ଏ ଆତ୍ମା ଏକ ସ୍ୱୟଂଜ୍ୟୋତିନିତ୍ୟ ନିର୍ଗୁଣ ଶୁଦ୍ଧକାନ୍ତି

Couplet 67

ଆତ୍ମାକଳ୍ପିତ ସୃଷ୍ଟି ମଧ୍ୟେଆତ୍ମା ପ୍ରବେଶ ଅନୁବାଦେ

Couplet 68

ନାନା ପ୍ରପଞ୍ଚ ବହୁରୂପେକ୍ରୀଡା କରାଇ ମୋହକଳ୍ପେ

Couplet 69

ଶୂନ୍ୟ ପବନ ଜ୍ୟୋତି ଜଳତାରେ ନିର୍ମିତ ଭୂମଣ୍ତଳ

Couplet 70

ଅଳ୍ପ ବିଶେଷ ନାନାମତେଈଶ୍ୱର ରୂପ ଏ ଜଗତେ

Couplet 71

ଶୁକ ବୋଲନ୍ତି ରାୟେ ଶୁଣଯାହା କହିଲେ ନାରାୟଣ

Couplet 72

ତା ଶୁଣି ବସୁଦେବ ଜ୍ଞାନନାନା ପ୍ରକାରେ ନୋହି ଛନ୍ନ

Couplet 73

ବିନଷ୍ଟ ଭେଦବୃଦ୍ଧି ଘେନିପ୍ରେମ ଆନନ୍ଦେ ହେଲା ତୁନି

Couplet 74

ଏବେ ହୋ ଶୁଣ କୁରୁରାୟଦେବକୀ ସର୍ବଦେବମୟ

Couplet 75

ଭାବେ ଗୋବିନ୍ଦ ମୁଖ ଚାହିଁବିସ୍ମିତ ମନେ ବିଚାରଇ

Couplet 76

ଗୁରୁଙ୍କ ପୁତ୍ର ମରିଥିଲାଏ ଯମଘରୁ ଆଣିଦେଲା

Couplet 77

ଏ କୃଷ୍ଣବାଦେ ମୋର ପୋଏକଂସ କଚାଡିଲା ନିର୍ଦ୍ଦୟେ

Couplet 78

ସୁମରି ପୁତ୍ରକଷ୍ଟ ମନେକାନ୍ଦଇ ଦୁଃଖିତ ବଦନେ

Couplet 79

ପୁଣି କ୍ଷଣକେ ସ୍ଥିର ହୋଇବୋଲଇ ରାମ କୃଷ୍ଣ ଚାହିଁ

Couplet 80

ଶୁଣ ହେ କୃଷ୍ଣ ହଳଧରମହାମହିମା ଯୋଗେଶ୍ୱର

Couplet 81

ମୁହିଁ ଜାଣଇ ତୁମ୍ଭ ଗତିସଂସାରେ ଯେତେ ପ୍ରଜାପତି

Couplet 82

ତୁମ୍ଭେ ତାହାଙ୍କର ଈଶ୍ୱରଆଦିପୁରୁଷ ନିରାକାର

Couplet 83

ଏ ଭୂମିତଳେ ରାଜା ଯେତେବିନଷ୍ଟମତି କାଳଗ୍ରସ୍ତେ

Couplet 84

ତାହାଙ୍କ ପାଦଭାରେ ମହୀତୋତେ ନମିଲା ଭାବଗ୍ରାହୀ

Couplet 85

ଏଣୁ ମୋ ଗଭୁଁ ତୁମ୍ଭେ ଜାତମାୟାମନୁଷ୍ୟ ବେନିଭ୍ରାତ

Couplet 86

ତୋହର ଅଂଶାଅଂଶ ଭାବେଏ ବିଶ୍ୱସଂସାର ସମ୍ଭବେ

Couplet 87

ସୃଷ୍ଟି ପାଳନ ଅନ୍ତ ହୋଇଏଣୁ ମୋ ଗତି ତୁମ୍ଭେ ଦୁଇ

Couplet 88

ବିଦ୍ୟାପାଠନ କାଳେ ପୁଣିଗୁରୁଙ୍କ ମଲାପୁତ୍ର ଆଣି

Couplet 89

ଗୁରୁଦକ୍ଷିଣା ଦେଇଅଛିଏହା ମୁଁ ଜାଣଇ ପ୍ରତ୍ୟକ୍ଷ

Couplet 90

ଏଣୁ ମୋହର ବାକ୍ୟ କରତୁମ୍ଭେ ଯେ ଭୁବନ ଈଶ୍ୱର

Couplet 91

କଂସ ମାଇଲା ଯେତେ ସୂତତୁମ୍ଭର ଜ୍ୟେଷ୍ଠ ଷଢଭ୍ରାତ

Couplet 92

ତାହାଙ୍କୁ ଲୋଚନେ ମୁଁ ଦେଖିଜୀବନ କରିବଇଁ ସୁଖୀ

Couplet 93

କହନ୍ତି ଶୁକ ମହାମୁନିଏମନ୍ତ ମାତା ବାକ୍ୟ ଶୁଣି

Couplet 94

ରାମ ଗୋବିନ୍ଦ ସଙ୍ଗମେଳେଦୁର୍ଗମ ଯୋଗମାୟା ବଳେ

Couplet 95

ସୁତଳେ ପଶି ବେନିଭାଇମିଳିଲେ ବଳି ଦ୍ୱାରେ ଯାଇ

Couplet 96

ସେ ଯେ ଅସୁର ନୃପମଣିକୃଷ୍ଣ ଆଗମ କଥା ଶୁଣି

Couplet 97

ନିକଟେ ମିଳି ତତକ୍ଷଣସଙ୍ଗତେ ଘେନି ପରଜନ

Couplet 98

ପୁତ୍ର ପଉତ୍ର ସଙ୍ଗେ ଘେନିନମିଲା ରାମ କୃଷ୍ଣ ବେନି

Couplet 99

ବସାଇ ସୁବର୍ଣ୍ଣ ଆସନେପୂଜିଲା ତାଙ୍କୁ ତୋଷମନେ

Couplet 100

ପଖାଳି ପଦ୍ମପାଦ ଦୁଇଶିରେ ଘେନିଲା ଜଳ ଦେଇ

Couplet 101

ଯେ ନୀର ବ୍ରହ୍ମଲୋକ ଆଦିପରମ ପବିତ୍ର ପ୍ରସିଦ୍ଧି

Couplet 102

ମଙ୍ଗଳ ଦ୍ରବ୍ୟମାନ ଘେନିପୂଜିଲା ରାମ କୃଷ୍ଣ ବେନି

Couplet 103

ଚକ୍ଷୁ ଆନନ୍ଦ ଜଳେ ପୂରେରୋମ ହରଷ କଳେବରେ

Couplet 104

କର ନିବେଶି କୃଷ୍ଣପାଦେକହଇ କଣ୍ଠ ଗଦଗଦେ

Couplet 105

ନମେ ଅନନ୍ତ ମହାଶୟସୃଷ୍ଟିକାରଣ ବ୍ରହ୍ମଦେହ

Couplet 106

ତୁ ବ୍ରହ୍ମ ପରମ କାରଣତୁ ସାଂଖ୍ୟଯୋଗ ବିସ୍ତାରଣ

Couplet 107

ତୁମ୍ଭର ଦରଶନ ଲାଭଜଗତେ ଯୋଗିଙ୍କୀ ଦୁର୍ଲ୍ଲଭ

Couplet 108

ଆମ୍ଭେ ସ୍ୱଭାବେ ରଜ ତମପାଇଲୁ ତୁମ୍ଭ ଦରଶନ

Couplet 109

ଦଇତ୍ୟ ଦାନବ ଗନ୍ଧର୍ବସିଦ୍ଧ ଚାରଣ ମହୋରଗ

Couplet 110

ଯକ୍ଷ ପିଶାଚ ଆଦି ଯେତେଭୂତ ପ୍ରମଥ ନାନାମତେ

Couplet 111

ବିଶୁଦ୍ଧସତ୍ତ୍ୱ ତୁ ଅଗାଧତୋ ପଥ କରନ୍ତି ବିରୋଧ

Couplet 112

ତୁ ଶାସ୍ତ୍ରଶରୀର ଅନନ୍ତଏଣେ ନ ଲଭି ଜ୍ଞାନତତ୍ତ୍ୱ

Couplet 113

ଏହାଙ୍କ ମାର୍ଗେ ଥାନ୍ତି ଯେତେସେ ତୋତେ ଲଭିବେ କେମନ୍ତେ

Couplet 114

ଏ ଆଦି ଯେ ତୋର ଚରଣେଯେବେ ଭଜନ୍ତି ଶତ୍ରୁପଣେ

Couplet 115

ଲଭନ୍ତି ତୋର ପଦ୍ମପାଦନାହିଁ ତାହାଙ୍କ ଶାସ୍ତ୍ରବାଦ

Couplet 116

ଯେ ଅବା ଶତ୍ରୁପଣେ ଥାଇତୋ ପାଦକମଳ ଭଜଇ

Couplet 117

ବଦ୍ଧବଇର ଭାବ ଚିନ୍ତିଭୋ ନାଥ ତୋତେ ସେ ଲଭନ୍ତି

Couplet 118

ଭକତି ଭାବେ ଯେ ଭଜନ୍ତିଯେ ଅବା କାମମାର୍ଗେ ଚିନ୍ତି

Couplet 119

ସେ ତୋତେ ନିକଟେ ଲଭନ୍ତିନରକେ ନାହିଁ ତାଙ୍କ ଭ୍ରାନ୍ତି

Couplet 120

ସତ୍ତ୍ୱପ୍ରଧାନ ଦେବଗଣେତୋର ନିକଟେ ଅନୁକ୍ଷଣେ

Couplet 121

ଏମନ୍ତ ତୋ ମାୟା ପ୍ରଭାବସେମାନେ ନ ପାଇଲେ ଠାବ

Couplet 122

ତୁ ନାଥ ଯୋଗିଙ୍କି ଦୁର୍ଲ୍ଲଭତୋତେ କେ ଜାଣେ ପଦ୍ମନାଭ

Couplet 123

ନିଶ୍ଚୟ କରି ତୋ ଶରୀରକେ ଜାଣିପାରେ ଯୋଗେଶ୍ୱର

Couplet 124

ତୋର ମହିମା ଯୋଗମାୟାଆମ୍ଭେ ଜାଣିବୁ କାହୁଁ ତାହା

Couplet 125

ଭୋ ନାଥ ଶୁଣ ନିରଞ୍ଜନତୁ ମୋତେ ହୋଇବା ପ୍ରସନ୍ନ

Couplet 126

ଗୃହାନ୍ଧକୂପେ ଥାଇ ନିତିତୋ ପାଦପଦ୍ମ ମୁଁ ନ ଚିନ୍ତି

Couplet 127

ସେ ପାଦପଦ୍ମ ଲଭିବାରେସନ୍ଥ ଯେସନେ ଆଶା କରେ

Couplet 128

ସଙ୍ଗେ ମୁଁ ଘେନି ସଖାଗଣସେବିବି ତୋହର ଚରଣ

Couplet 129

ତୋର ଆଗମ ମୋତେ କହନିଷ୍ପାପ କର ମୋର ଦେହ

Couplet 130

ତୋହର ଆଜ୍ଞା ଘେନି ଶିରେଘୋରସଂସାରୁ ପ୍ରାଣୀ ତରେ

Couplet 131

ବଳି ବଚନେ ଦାମୋଦରକୋମଳ ବଚନ ଗଭୀର

Couplet 132

ବୋଲନ୍ତି ଶୁଣ ନୃପମଣିପ୍ରଥମ ମନ୍ୱନ୍ତର ବାଣୀ

Couplet 133

ଛପୁତ୍ର ମରୀଚିର ଘରେଜନ୍ମିଲେ ଉର୍ଣ୍ଣାର ଉଦରେ

Couplet 134

ସ୍ୱଭାବେ ଦୁଷ୍ଟଭାବ ଘେନିନିର୍ଭୟେ ଭ୍ରମନ୍ତି ଅବନୀ

Couplet 135

ଦେବଳ ନାମେ ବ୍ରହ୍ମଋଷିତାହାଙ୍କ ତପୋବନେ ପଶି

Couplet 136

ତାହାଙ୍କ ରୂପ ଦେଖି ହସିଆକର୍ଷି ଗୃହମଧ୍ୟେ ପଶି

Couplet 137

ଦୁହିତା ଦେଖି ଗୃହମଧ୍ୟେଧଇଲେ ମଇଥୁନ ସଧେ

Couplet 138

ଦେଖି କୁପିତ ମୁନିବରବୋଇଲେ ଶୁଣ ଷଢବୀର

Couplet 139

ଅସୁର ଯୋନି ତୁମ୍ଭେ ପାଅଜନ୍ମି ତକ୍ଷଣେ କ୍ଷୟ ଯାଅ

Couplet 140

ଏଣୁ ସେ ଶାପ ଗୁରୁତରେହିରଣ୍ୟକଶିପୁ ମନ୍ଦିରେ

Couplet 141

ଜନ୍ମିଲେ ଯୋଗମାୟା ଭରେପୁଣି ହିଁ ଦେବକୀ ଉଦରେ

Couplet 142

ତାହାଙ୍କୁ ଜନ୍ମମାତ୍ରେ ଧରିକଂସ ମାଇଲା କୋପକରି

Couplet 143

ଏବେ ଦେବକୀ ଦେଖି ମୁଖତୁଟିବ ଭବବନ୍ଧ ଦୁଃଖ

Couplet 144

ନିତ୍ୟେହେଁ ଜନନୀ ମୋହରିକାନ୍ଦଇ ପୁତ୍ରଶୋକେ ଘାରି

Couplet 145

ଏହାଙ୍କୁ ତୋର ପୁରୁ ନେଇମାତା ନିକଟେ ଦେବି ମୁହିଁ

Couplet 146

ଜନନୀ ହୋଇବେ ଆନନ୍ଦଏହାଙ୍କ ଫିଟୁ ମାୟାବନ୍ଧ

Couplet 147

ବୋଲନ୍ତି ପ୍ରଭୁ ନାରାୟଣଷଡ ଭାଇଙ୍କ ନାମ ଶୁଣ

Couplet 148

ସ୍ମର ଉଦ୍ଗୀଥ ପରିଷ୍ୱଙ୍ଗଘୃଣି କ୍ଷୁଦ୍ରଭୃତ ପତଙ୍ଗ

Couplet 149

ମୋର ପ୍ରସାଦେ ଷଡ ଜଣପୁଣି ଲଭିବେ ମୋକ୍ଷସ୍ଥାନ

Couplet 150

ଏମନ୍ତ କୃଷ୍ଣମୁଖୁଁ ଶୁଣିବଳି ତାହାଙ୍କୁ ଦେଲା ଆଣି

Couplet 151

ତକ୍ଷଣେ ରାମ ଯଦୁପତିମିଳିଲେ ପୁର ଦ୍ୱାରାବତୀ

Couplet 152

ଦେବକୀ ପାଶେ ତାଙ୍କୁ ଦେଇପ୍ରଣାମ କଲେ ବେନିଭାଇ

Couplet 153

ତାହାଙ୍କୁ ଦେଖିଣ ଦେବକୀସ୍ନେହେ ଲୋତକପୂର୍ଣ୍ଣ ଆଖି

Couplet 154

କ୍ଷୀର ସ୍ରବଇ ପୟୋଧରେକୋଳେ ବସାଇ ସ୍ନେହଭରେ

Couplet 155

ଆଘ୍ରାଣ କରି ତାଙ୍କ ଶିରେସ୍ତନ ପିଆଇ ସ୍ନେହଭରେ

Couplet 156

କୃଷ୍ଣର ମାୟାରେ ମୋହିତଶୁଣ ରାଜନ ପରୀକ୍ଷିତ

Couplet 157

କୃଷ୍ଣ ଭକ୍ଷିତ ଶେଷ କ୍ଷୀରଭାବେ ପିଇଲେ ଷଡବୀର

Couplet 158

ଅମୃତସମ କ୍ଷୀର ପିଇକୃଷ୍ଣ-ଶ୍ରୀଅଙ୍ଗସଙ୍ଗ ପାଇ

Couplet 159

ଦେଖିଣ ରାମ କୃଷ୍ଣ ମୁଖଫିଟିଲା ଭବବନ୍ଧ ଦୁଃଖ

Couplet 160

ଆନନ୍ଦେ ଉଠି ଷଡ ଭାଇକୃଷ୍ଣର ପାଦେ ଶିର ଦେଇ

Couplet 161

ରାମର ପାଦରଜ ଘେନିବନ୍ଦିଲେ ପିଅର ଜନନୀ

Couplet 162

ଦେଖନ୍ତି ଦିଗପାଳେ ମିଳିଗଗନେ ଯେସନେ ବିଜୁଳି

Couplet 163

ଦିବ୍ୟ ଶରୀରେ ଷଡ ଜଣଗଗନମାର୍ଗେ ହେଲେ ଲୀନ

Couplet 164

ଦେବକୀ ଦେବୀ ତାହା ଦେଖିକୃଷ୍ଣ ମହିମା ଉପଲକ୍ଷି

Couplet 165

ମଲା ପୁତ୍ରଙ୍କୁ ଦେଲେ ଆଣିପରମାନନ୍ଦ ହଳପାଣି

Couplet 166

ଏମାୟା କୃଷ୍ଣର ଉପାୟଏତେ ବିଚାରି କଲା ଭୟ

Couplet 167

ଅଦ୍ଭୂତ କୃଷ୍ଣକର୍ମ ଦେଖିସଂଶୟେ ରହିଲା ଦେବକୀ

Couplet 168

ଶୁଣ ହୋ ଅଭିମନ୍ୟୁସୁତକୃଷ୍ଣର ମହିମା ଏମନ୍ତ

Couplet 169

ଏ ଆଦି ଯେତେ କୃଷ୍ଣଗୁଣଅଦ୍ଭୂତକର୍ମା ନାରାୟଣ

Couplet 170

ଏମନ୍ତେ କର୍ମ କଲେ ଯେତେଅନ୍ତ କରିବି ତାହା କେତେ

Couplet 171

ଶ୍ରୀକୃଷ୍ଣ ଲୀଳା ଭାଗବତଯେ ନର ଶୁଣେ ଅବିରତ

Couplet 172

ଯେ ଅବା ସାଧୁସଙ୍ଗ ମେଳେଆନନ୍ଦେ କହେ ସୁଖଭୋଳେ

Couplet 173

ଅଶେଷ ପାପବନ୍ଧୁ ତରିଅନ୍ତେ ଲଭଇ ନରହରି

Couplet 174

ସେ ହରିଚରଣେ ବିଶ୍ୱାସକହଇ ଜଗନ୍ନାଥ ଦାସ