Adhyaya 89

Couplet 1

କହନ୍ତି ବ୍ୟାସଙ୍କର ସୁତଶୁଣ ସୁମନେ ପରୀକ୍ଷିତ

Couplet 2

ଅଖିଳଜନଗୁରୁ ହରିବ୍ରଜକାମିନୀ ବୋଧ କରି

Couplet 3

ଧର୍ମନନ୍ଦନ ତୁଲେ ଯେତେସୁହୃଦ ବାନ୍ଧବ ସମେତେ

Couplet 4

ତାହାଙ୍କୁ ଚାହିଁ ନନ୍ଦବାଳହରଷେ ପୁଚ୍ଛନ୍ତି କୁଶଳ

Couplet 5

ଭୋ ରାଜା ଶୁଣ ମୋ ବଚନକୁଶଳ କହ ସର୍ବଜନ

Couplet 6

କୃଷ୍ଣବଚନ ଶୁଣି କର୍ଣ୍ଣେଆନନ୍ଦ ମନେ ବନ୍ଧୁଜନେ

Couplet 7

କୃଷ୍ଣର ପାଦପଦ୍ମ ଚାହିଁତାହାଙ୍କ ଦେହେ ପାପ ନାହିଁ

Couplet 8

ବୋଲନ୍ତି ସ୍ନେହ ଗଦଗଦେଚିତ୍ତ ନିବେଶି ପଦ୍ମପାଦେ

Couplet 9

ଭୋ ନାଥ ଶୁଣ ହୃଷୀକେଶତୋ ପାଦପଦ୍ମ ମଧୁରସ

Couplet 10

ମହତ ମୁଖୁଁ ଝରେ ନିତିଯେ କର୍ଣ୍ଣପୁଟରେ ପିବନ୍ତି

Couplet 11

ନିତ୍ୟେ ପିବନ୍ତି ମୋଦଭରିତେଣେ ଅଜ୍ଞାନମାର୍ଗ ହରି

Couplet 12

ତାର ଅଶୁଭ ଫଳ କାହିଁପୁଣି ବୋଲନ୍ତି କୃଷ୍ଣେ ଚାହିଁ

Couplet 13

ଭୋ ନାଥ ଶୁଣ ପୂର୍ଣ୍ଣକାମନିର୍ମଳ ତୋର ଆତ୍ମଧାମ

Couplet 14

ମାୟା ଅଙ୍କୁର ପରକାଶଯାର ସ୍ମରଣେ ଯାଇ ନାଶ

Couplet 15

ଆନନ୍ଦ ସୁଖସିନ୍ଧୁ ନାବଅଖଣ୍ତ ଅକୁଣ୍ଠିତ ଭାବ

Couplet 16

ନିଗମେ ଯେବେ ବିନଶନ୍ତିକାଳ ସର୍ଜିତ ମାୟାକୃତି

Couplet 17

ସ୍ୱରୂପେ ଥାଇ ଜନହିତେତୁ ଦେହ ବହୁ ଏ ଜଗତେ

Couplet 18

ନିଜ ପରମହଂସ ଗତିଆମ୍ଭର ତୋର ପାଦ ମତି

Couplet 19

ବୋଲନ୍ତି ବ୍ୟାସଙ୍କ ନନ୍ଦନଶୁଣ ହେ ପରୀକ୍ଷ ରାଜନ

Couplet 20

ସମସ୍ତେ କୃଷ୍ଣମୁଖ ଚାହିଁସ୍ତୁତି କରନ୍ତି ଭାବରହି

Couplet 21

ଏମନ୍ତ ଜନେ ସ୍ତୁତି ଭଣିଉତ୍ତମ ଯଶ ଶିଖାମଣି

Couplet 22

ସମୀପେ ଦେଖି ନରହରିବୃଷ୍ଟି ଅନ୍ଧକ କୁରୁନାରୀ

Couplet 23

ଆନନ୍ଦେ ବସି ମନସୁଖେକହନ୍ତି କୃଷ୍ଣକଥା ମୁଖେ

Couplet 24

ଏକ ଆରକେ ମୁଖ ଚାହିଁତ୍ରୈଲୋକ୍ୟ ତରେ ଯାହା ଗାଇ

Couplet 25

କୃଷ୍ଣକାମିନୀଗଣ ଚାହିଁହରଷେ ଦ୍ରୌପଦୀ ବୋଲଇ

Couplet 26

ହେ ବଇଦର୍ଭି ରୂପଶୀଳେହେ ଜାମ୍ବବତୀ କଉଶଲ୍ୟେ

Couplet 27

ହେ ସତ୍ୟଭାମା ରବିସୁତେଶୈବ୍ୟା ଲକ୍ଷଣା ଆଦି ଯେତେ

Couplet 28

ଭଦ୍ରା ରୋହିଣୀ ଆଦି କରିଷୋଳସହସ୍ର ଯେତେ ନାରୀ

Couplet 29

କେମନ୍ତେ କୃଷ୍ଣଙ୍କୁ ବରିଲଏ ମାୟାବନ୍ଧୁ ନିସ୍ତାରିଲ

Couplet 30

କେବଣ ତପ ପୂର୍ବେ ଦାହିକୃଷ୍ଣଙ୍କୁ ସ୍ୱାମୀ ପଣେ ପାଇ

Couplet 31

କହ ଶ୍ରବଣେ ଇଚ୍ଛା ମୋରକେମନ୍ତେ କୃଷ୍ଣ ତୁମ୍ଭ ବର

Couplet 32

ଏକଇ ପୁରୁଷ ଗୋବିନ୍ଦଅନେକ ନାରୀ ଯେ ଆନନ୍ଦ

Couplet 33

କେମନ୍ତେ ମନାଇଲ ହରିକହ ଉଚିତ ଭାବ ଭରି

Couplet 34

ଏମନ୍ତେ ଦ୍ରୌପଦୀ ବଚନେରୁକ୍ମିଣୀ କହେ ତୋଷମନେ

Couplet 35

ରୁକ୍ମୀ ଯେ ମୋର ଜ୍ୟୈଷ୍ଠଭାଇଶିଶୁପାଳକୁ ଦେବାପାଇଁ

Couplet 36

ମଙ୍ଗଳ ଲଗ୍ନେ ବର ବରିରାଜାଏ ନାନା ଶସ୍ତ୍ର ଧରି

Couplet 37

ମୋତେ ଆବୋରି ରାଜପଥେଅନେକ ଗଜ ଅଶ୍ୱ ରଥେ

Couplet 38

ମୋହର ସ୍ୱୟମ୍ବର ଶୁଣିଅଇଲେ ପ୍ରଭୁ ଚକ୍ରପାଣି

Couplet 39

ମୋତେ ହରିଲେ ଏକା ରଥେସିଂହ ଯେସନେ ମେଷୟୁଥେ

Couplet 40

ତାର ଶ୍ରୀଯୁତ ପଦ୍ମପାଦେଚିତ୍ତ ମୋ ସେବୁ ଅପ୍ରମାଦେ

Couplet 41

କହି ହରଷ କୃଷ୍ଣବାମାତଦନ୍ତେ କଲେ ସତ୍ୟଭାମା

Couplet 42

ମୋହର ପିତା ଶତ୍ରାଜିତସୂର୍ଯ୍ୟଙ୍କ ରୁଲେ ହେଲେ ମିତ

Couplet 43

ସନ୍ତୋଷେ ପ୍ରଭୁ ଦିନମଣିଦେଲେ ସେ ସ୍ୟମନ୍ତକ ମଣି

Couplet 44

ଏକଇ ଦିନେ ପିତା ମୋରଗଳାରେ ଖଞ୍ଜିଣ ବାହାର

Couplet 45

ସଭାର ମଧ୍ୟେ ଚକ୍ରପାଣିମାଗିଲେ ସାମନ୍ତକ ମଣି

Couplet 46

ପିତା ମୋ ନ ଦେଲା ତାହାଙ୍କୁପ୍ରସେନ ନେଲା ବନସ୍ତକୁ

Couplet 47

ମୃଗୟା ବିନୋଦେ ଗମନଚଢିଣ ଥିଲା ହୟଯାନ

Couplet 48

ବନେ ତା ସିଂହ କଲା ହତନ ଦେଖି ତାତ ସାନଭ୍ରାତ

Couplet 49

ମନେ ଭାଳଇ ପୁଣ ପୁଣିକୃଷ୍ଣ ଯେ ମାଗିଥିଲେ ମଣି

Couplet 50

ମୁଁ ଯେ ନ ଦେଲି ଲୋଭବଶେତେଣୁ ଗୋବିନ୍ଦ ଅବିଶ୍ୱାସେ

Couplet 51

ମୋ ଭ୍ରାତ ବନେ ସଂହାରିଲାଏମନ୍ତ ଅପବାଦ ଦେଲା

Couplet 52

ସେ ଅପବାଦ ମାର୍ଜିବାରେକୃଷ୍ଣ ମିଳିଲେ ବନଘୋରେ

Couplet 53

ବନ୍ଧୁବାନ୍ଧବେ ବନେ ମିଳିଦେଖି ପ୍ରସେନ ମୃତ୍ୟୁସ୍ଥଳୀ

Couplet 54

ସିଂହର ଦନ୍ତ ନଖଘାତେଦେଖି ସମସ୍ତେ ସ୍ତମ୍ଭୀଭୂତେ

Couplet 55

ଜାଣିଲେ ରକ୍ଷ ସିଂହ ମାରିସେ ମଣି ନେଲା ନିଜପୂରୀ

Couplet 56

ତା ଦେଖି କୃଷ୍ଣ ବିଳେ ପଶିଜାମ୍ବବ ତୁଲେ ହୃଷୀକେଶୀ

Couplet 57

ରକ୍ଷକୁ ମାଲଯୁଦ୍ଧେ ଜିଣିଆଣିଲେ ସାମନ୍ତ୍ୟକ ମଣି

Couplet 58

ସେ ମଣି ପିତା କଣ୍ଠେ ନେଇକୃଷ୍ଣ ସନ୍ତୋଷମନେ ଦେଇ

Couplet 59

ପିତା ମୋ କଣ୍ଠେ ନେଇକୃଷ୍ଣ ସନ୍ତୋଷମନେ ଦେଇ

Couplet 60

ଏଣୁ ମୁଁ କୃଷ୍ଣର ଯୁବତୀତା ଶୁଣି ବୋଲେ ଜାମ୍ବବତୀ

Couplet 61

ଏ ମଣି ହେତୁ ନରହରିମୋ ତାତ ତୁଲେ ଯୁଦ୍ଧକରି

Couplet 62

ତ୍ରିନବଦିନ ମହାଘୋରଯୁଦ୍ଧେ ହାରିଲା ପିତା ମୋର

Couplet 63

ଗାଢ ପ୍ରହାରେ ତନୁ କ୍ଷୀଣପ୍ରତ୍ୟେକ୍ଷ ଜାଣି ବିଷ୍ଣୁଚିହ୍ନ

Couplet 64

ଜାଣିଲା ଏ ମୋ ନିଜ ନାଥରଘୁନନ୍ଦନ ସୀତାକାନ୍ତ

Couplet 65

ପୂର୍ବର କଥା ମନେ ଗୁଣିଚିହ୍ନିଲା ପ୍ରଭୁ ଚକ୍ରପାଣି

Couplet 66

ମଥୁରା ଜନମ ମୁରାରିମୋ ମନକଥା ଜାଣିକରି

Couplet 67

ଅଇଲେ ଯୁଦ୍ଧଦେବା ଅର୍ଥେମୁଁ ଏବେ ପରମକୃତାର୍ଥେ

Couplet 68

କୋପସଂହାରି ଗୁଣମଣିଅନେକ ସ୍ତୁତିବାକ୍ୟ ଭଣି

Couplet 69

ପଡିଲା କୃଷ୍ଣପଦ୍ମପାଦେଆନନ୍ଦେ ଶୋକ ଗଦଗଦେ

Couplet 70

ନିଜ ଅପରାଧ ବିଚାରିମଣି ମୋହର କଣ୍ଠେ ଭରି

Couplet 71

ଗୋବିନ୍ଦପାଦେ ଦେଲା ଆଣିଏଣୁ ମୁଁ କୃଷ୍ଣର ଘରଣୀ

Couplet 72

ଏ କଥା ଜଗତେ ପ୍ରସିଦ୍ଧିତା ଶୁଣି ବୋଲଇ କାଳିନ୍ଦୀ

Couplet 73

ଶୁଣ ଗୋ ସଖୀ କଥା ମୋରପିତା ମୋହର ଦିନକର

Couplet 74

ବୋଇଲେ ତପକର ଯାଇପାଇବୁତ୍ରୈଲୋକ୍ୟଗୋସାଇଁ

Couplet 75

ପିତାବଚନେ ଘୋରବନେତପ କରଇ ଶୁଦ୍ଧମନେ

Couplet 76

ଅଭୟପାଦ ସେବା ଆଶେତା ଜାଣି କୃଷ୍ଣ ମୋର ପାଶେ

Couplet 77

ଅର୍ଜୁନେ ପେଷି ମୋତେ ଆଣିବିଭା ହୋଇଲେ ଚକ୍ରପାଣି

Couplet 78

ପିତାବଚନ ଶିରେ ଘେନିତେଣୁ ମୁଁ କୃଷ୍ଣର କାମିନୀ

Couplet 79

ଏଣୁ ମୋ ବର ଚକ୍ରପାଣିମିତ୍ରବିନ୍ଦା ବୋଲେ ତା ଶୁଣି

Couplet 80

ଶୁଣ ଗୋ ଦ୍ରୁପଦକୁମାରୀମୋ ପିତା ସ୍ୱୟମ୍ବର କରି

Couplet 81

ଅନେକ ଥିଲେ ରାଜାଗଣେକେତେ କହିବି ଜଣେ ଜଣେ

Couplet 82

ଏମନ୍ତ ଜାଣି ଗୋପୀନାଥେଯାଇ ମିଳିଲେ ଏକାରଥେ

Couplet 83

ଗୋବିନ୍ଦ ଆସି ନୃପମେଳେସମରେ ଜିଣି ବାହୁବଳେ

Couplet 84

ମୋତେ ହରିଲେ ଏକାରଥେସିଂହ ଯେସନେ ଶ୍ୱାନଯୁଥେ

Couplet 85

ହରଇ ନିଜ ଭାଗ ବଳେମୋ ଭାତୃଗଣ ମୋର ଛଳେ

Couplet 86

କୃଷ୍ଣର ତୁଲେ କଲେ ରଣତାହାଙ୍କୁ ଜିଣି ତ‌ତ‌୍‌କ୍ଷଣ

Couplet 87

ମୋତେ ଆଣିଲେ ଶ୍ରୀନିବାସତାର ଚରଣେ ସେବା ଆଶ

Couplet 88

ସେ ପଦ୍ମପାଦେ ମୋର ସେବାହେଉ ଏମନ୍ତ ଆଜ୍ଞା ଦେବା

Couplet 89

ମିତ୍ରବିନ୍ଦାର ଏ ବଚନେସତ୍ୟା ବୋଲଇ ତୋଷମନେ

Couplet 90

ମୋ ପିତା ଭୁବନେ ପ୍ରଚଣ୍ତଥିଲେ ଯେ ଦୃଷ୍ଟ ସାତଷଣ୍ଢ

Couplet 91

ଅତି ସୁତୀକ୍ଷଣ ଶୃଙ୍ଗ ଖୁରଦେଖି ଡରନ୍ତି ମହାବୀର

Couplet 92

ତାହାଙ୍କୁ ନିଜ ପୁରେ ଥୋଇଘୋଷଣ ଚଉଦିଗେ ଦେଇ

Couplet 93

ରାଜାଙ୍କ ବଳ ପରୀକ୍ଷାର୍ଥେମଧ୍ୟେ ସଞ୍ଚିତ କରି ମୋତେ

Couplet 94

ଏ ସାତଷଣ୍ଢ ବାହୁବଳେଯେ ବାନ୍ଧିପାରେ ଏକାବେଳେ

Couplet 95

ଏ କନ୍ୟା ହୋଇବ ତାହାରସତ୍ୟବଚନ ଏ ମୋହର

Couplet 96

ତା ଶୁଣି ନୃପତିକୁମରେମିଳିଲେ ମୋ ପିତା ନଗରେ

Couplet 97

ଦେଖି ସପତଷଣ୍ଢ ରୂପଭୟେ ଭାଜିଲେ ସର୍ବ ନୃପ

Couplet 98

ଏମନ୍ତେ ପ୍ରଭୁ ବନମାଳୀବେଗେ ମୋ ପିତା ପୁରେ ମିଳି

Couplet 99

ସେ ସାତଷଣ୍ଢ ବାହୁବଳେବନ୍ଧନ କଲେ ଏକାବେଳେ

Couplet 100

ଛାଗବାଳକ ରାଜପଥେବାଳକେ ବାନ୍ଧନ୍ତି ଯେମନ୍ତେ

Couplet 101

ଏମନ୍ତେ ବୃକ୍ଷ ବନ୍ଦୀ କରିମୋତେ ଲଭିଲେ ନରହରି

Couplet 102

ପଥେ ସମରେ ରାଜା ଜିଣିଦ୍ୱାରକା ନେଲେ ଚକ୍ରପାଣି

Couplet 103

ସେ ହରି ଅଭୟ ଚରଣେମୋ ଚିତ୍ତ ରହୁ ଅନୁକ୍ଷଣେ

Couplet 104

ଯାର ସ୍ମରଣେ ନାହିଁ ବାଧାତା ଶୁଣି ବୋଲଇ ଯେ ଭଦ୍ରା

Couplet 105

କୃଷ୍ଣ ମୋ ମାତୁଳକୁମରପିତା ବରିଲା ତାଙ୍କୁ ବର

Couplet 106

କୃଷ୍ଣଙ୍କୁ ଆଣି ନିଜପୁରେବିବାହ ଦେଲା ସୁହୃଦରେ

Couplet 107

ଶୁଣ ଦ୍ରୌପଦୀ ମନଦେଇମୋହର ଚିତ୍ତ କୃଷ୍ଣ ତହିଁ

Couplet 108

ବଳ ଅକ୍ଷୌହିଣୀ ସଙ୍ଗତେସଖୀ ସମେତ ଦେଲା ମୋତେ

Couplet 109

ସେ ହରିପାଦେ ମୋର କର୍ମେସ୍ମରଣ ହେଉ ଜନ୍ମେ ଜନ୍ମେ

Couplet 110

ଏ ଭବଜଳେ ମୋର ଜନ୍ମଅର୍ଜିତକର୍ମେ ପଥଶ୍ରମ

Couplet 111

ସେ କୃଷ୍ଣପାଦେ ସେବା ହେଉଏ ମୋର ମାୟାଭ୍ରମ ଯାଉ

Couplet 112

ଏମନ୍ତେ ଶୁଣି ସର୍ବବାଣୀଲକ୍ଷଣା କହେ ମନେ ଗୁଣି

Couplet 113

ଶୁଣ ଗୋ ଧର୍ମସୁତରାଣିଲକ୍ଷଣା କହେ ମନେ ଗୁଣି

Couplet 114

ନାରଦମୁନି ଶୁଦ୍ଧଚେତାକୃଷ୍ଣର ଜନ୍ମଧର୍ମକଥା

Couplet 115

ନିତ୍ୟେ କହନ୍ତି ମୋର ପାଶେତା ଶୁଣି ମନ ମୋ ବିଶ୍ୱାସେ

Couplet 116

ମୁକୁନ୍ଦପାଦେ ଲୋଭ କରିଯେ ପାଦ ଲକ୍ଷ୍ମୀ ଅଛି ଧରି

Couplet 117

ଲୋକପାଳଙ୍କୁ ତେଜି ଦୂରେସେବଇ ଶ୍ରୀକୃଷ୍ଣ ପୟରେ

Couplet 118

ତା ପାଦେ ଭଜିଲା ମୋ ଚିତକ୍ଷଣକ୍ଷଣକେ ମୋହଗତ

Couplet 119

ମନବଚନ କୃଷ୍ଣପାଦେକଣ୍ଠ ମୋ ଶୋକ ଗଦଗଦେ

Couplet 120

ମୋର ପିଅର ବୃହତସେନତକ୍ଷଣେ ଜାଣିଲା ମୋ ମନ

Couplet 121

ସ୍ୱଭାବେ ଦୁହିତାବତ୍ସଳପୁଣ୍ୟପବିତ୍ର ଯାର କୂଳ

Couplet 122

ଉପାୟ କଲା ମୋର ଅର୍ଥେଶୁଣ କହିବି ତୋଷଚିତ୍ତେ

Couplet 123

ଭୋ ଦେବି ତୋର ସ୍ୱୟମ୍ବରେଯେମନ୍ତେ ଦ୍ରୁପଦନଗରେ

Couplet 124

ଲାଖ ଭିଆଣ ପାର୍ଥଛଳେମତ୍ସ୍ୟ ସଂକାଶ କୁମ୍ଭଜଳେ

Couplet 125

ବସ୍ତ୍ର ଆଚ୍ଛାଦି ଅଷ୍ଟଦିଶେଧନୁ ସ୍ଥାପିଲା କୁମ୍ଭପାଶେ

Couplet 126

ତା ଶୁଣି ନୃପତିକୁମରେମିଳିଲେ ମୋ ପିତା ନଗରେ

Couplet 127

ଜାଣନ୍ତି ଅସ୍ତ୍ରଶସ୍ତ୍ର ତତ୍ତ୍ୱସ୍ୱଗୁରୁ ତୁଲେ ଉପଗତ

Couplet 128

ଚାରିଦିଗରୁ ଲକ୍ଷେ ରାଜାଦେଖି ମୋ ପିତା କଲା ପୂଜା

Couplet 129

ପୂଜିଲା ନାନା ଉପହାରେଯାହାକୁ ଯେମନ୍ତ ବେଭାରେ

Couplet 130

ସକଳେ ମିଳି ଲାଖତଳେଧନୁସନ୍ଧାନ ବାହୁବଳେ

Couplet 131

କେ ଧନୁ ନ ପାରନ୍ତି ତୋଳିକା ମୁଖୁଁ ରୁଧୁର ନିକିଳି

Couplet 132

କେ ଗୁଣ ଦେଇ ନ ପାରନ୍ତିକେ ହୁଡି ଭୂମିରେ ପଡନ୍ତି

Couplet 133

କେ ଧନୁହୁଳେ ଗୁଣ ତାଡିପଡିଲେ ଧନୁହୃଦେ ମାଡି

Couplet 134

ମାଗଧ ଆଦି ବୀର ଯେତେଧନୁସାଧନ ଗୁରୁମତେ

Couplet 135

ଥିଲେ ଯେ ଭୀମ ଦୁର୍ଯ୍ୟୋଧନରବିନନ୍ଦନ ବୀରକର୍ଣ୍ଣ

Couplet 136

ମୀନର ନ ଦେଖିଲେ ସ୍ଥାନତା ଦେଖି ଉଠିଲା ଅର୍ଜୁନ

Couplet 137

ଧନୁ ଆମଞ୍ଚି ଦୃଢମୁଷ୍ଟିଉର୍ଦ୍ଧ୍ୱନାରାଚ ଅଧୋଦୃଷ୍ଟି

Couplet 138

ମତ୍ସ୍ୟ ଆଭାସ ଦେଖି ଜଳେବାଣ ଛାଡିଲା ଅନ୍ତରାଳେ

Couplet 139

ମତ୍ସ୍ୟରେ ଲାଗି ବାଣ ଗଲାଲାଜେ ଅର୍ଜ୍ଜୁନ ବାହୁଡିଲା

Couplet 140

ଏମନ୍ତେ ସକଳ ରାଜନଲାଜେ ନିବୃତ୍ତ ଅପମାନ

Couplet 141

ମାନୀଙ୍କ ମାନଭଙ୍ଗ ଡରେକେହି ନଗଲେ ଧନୁଘରେ

Couplet 142

ଏମନ୍ତେ କମଳଲୋଚନଧନୁମନ୍ଦିରେ ଆଗମନ

Couplet 143

ଲୀଳାଏ ବାମ କରେ ଧରିଗୁଣ ଟଙ୍କାର ନାଦ କରି

Couplet 144

ନାରାଚ ତୋଳି ଧନୁ ଧରିଅଧୋବଦନେ ବନମାଳୀ

Couplet 145

ମତ୍ସ୍ୟକୁ ଚାହିଁ କୁମ୍ଭଜଣେବାଣ ଛାଡିଲେ ବାହୁବଳେ

Couplet 146

ନାରାଚ ତେଜେ ମୀନ ଗୋଟିତଳେ ପଡିଲା ଚକ୍ଷୁଫୁଟି

Couplet 147

ମୁହୂର୍ତ୍ତ ଅଭିଜିତ କାଳେବିବୁଧେ ଗଗନ ମଣ୍ତଳେ

Couplet 148

ଦୁନ୍ଦୁଭି-ବାଦ୍ୟ-ନାଦ କଲେଜୟ ଶବଦ ମହୀତଳେ

Couplet 149

ହରଷ ଭୋଳେ ସୁରଗଣକରନ୍ତି ପୁଷ୍ପବରଷଣ

Couplet 150

ଶୁଣ ପାଞ୍ଚାଳି ଶୁଦ୍ଧଚିତ୍ତେମୁଁ ତହିଁ ମିଳିଲି ଯେମନ୍ତେ

Couplet 151

ଗଭୀର ନୁପୁର ଶବଦେମଞ୍ଜୁ କୋମଳ ବେନିପାଦେ

Couplet 152

କରେ ନିର୍ମଳ ରତ୍ନମାଳମୋହ୍ନ ଭୁବନମଣ୍ତଳ

Couplet 153

ନବୀନ ପାଟବସ୍ତ୍ର ପିନ୍ଧିକବରୀଭାରେ ପୁଷ୍ପ ବାନ୍ଧି

Couplet 154

ଅଳପ ଲାଜେ ମନ୍ଦହାସେମୁଖ ଶୋଭିତ ରଙ୍ଗରସେ

Couplet 155

ନିକଟେ ଦେଖି ବନମାଳୀଲଜ୍ଜା ଛାଡିଲି ମୁଖ ତୋଳି

Couplet 156

ନୀଳକୁନ୍ତଳ ମୋ କପୋଳେରତ୍ନକୁଣ୍ତଳ ଗଣ୍ତସ୍ଥଳେ

Couplet 157

ସସ୍ମିତହାସ ମୁଖେ ସାଜେକଟାକ୍ଷ ଲୋଚନ ବିରାଜେ

Couplet 158

ଦେଖନ୍ତି ସକଳ ରାଜନେନିର୍ମଳ ନିଶ୍ଚଳ ଲୋଚନେ

Couplet 159

ଭୋ ସଖି ଦୂର କଲି ଲାଜଧୀରେ ମୁଁ ତୋଳି ବେନିଭୁଜ

Couplet 160

କୃଷ୍ଣର ଦେହେ ଚିତ୍ତ ମୋରରଙ୍ଗେ ଦେଖନ୍ତି ସୁରନର

Couplet 161

ଶଙ୍ଖ ଶବଦ ଜୟନାଦେମାଳା ମୁଁ ଦେଲି କୃଷ୍ଣହୃଦେ

Couplet 162

ମୃଦଙ୍ଗ ପଟହ ଶବଦେଦୁନ୍ଦୁଭି ଆଦି ବାଦ୍ୟନାଦେ

Couplet 163

ରଙ୍ଗେ ନାଚନ୍ତି ନାରୀଗଣେଗୀତ ସୁସ୍ୱର ବାଦ୍ୟସ୍ୱନେ

Couplet 164

ଏମନ୍ତେ କୃଷ୍ଣଙ୍କୁ ମୁଁ ବରିରାଜାଏ ଦେଖି ଯୁଦ୍ଧ କରି

Couplet 165

ମୋ ରୂପେ ହୋଇ ଅସମ୍ଭାଳଯୁଦ୍ଧ ଆରମ୍ଭି କଲେ ଗୋଳ

Couplet 166

ତା ଦେଖି ପ୍ରଭୁ ବନମାଳୀନନ୍ଦିଘୋଷରେ ମୋତେ ତୋଳି

Couplet 167

ରଥେ ଚତୁର ଅଶ୍ୱଯୁତଶାରଙ୍ଗଧନୁ ଧରି ହସ୍ତ

Couplet 168

ସନ୍ନିଧେ ଦେଖି ରଣସଜରଥେ ହୋଇଲେ ଚର୍ତୁଭୂଜ

Couplet 169

ରତ୍ନବିମାନେ ଜନ ମୋହେଦାରୁକ ବିଷ୍ଣୁ ତେଜେ ବାହେ

Couplet 170

ଦେଖନ୍ତି ସର୍ବ ରାଜାଗଣରଣେ ମିଳିଲେ ନାରାୟଣ

Couplet 171

ଶୁଣ ପାଞ୍ଚାଳି ଏକମନେମୃଗଙ୍କ ମଧ୍ୟେ ସିଂହ ଯେହ୍ନେ

Couplet 172

ଅନେକ ରାଜା ରାଜପଥେରୁନ୍ଧିଲେ ଅତି ବଳବନ୍ତେ

Couplet 173

ସଜ୍ଜିତ ହୋଇ ଧନୁ ଧରିରହିଲେ କୃଷ୍ଣଙ୍କୁ ଆବୋରି

Couplet 174

ସିଂହକୁ ଯେହ୍ନେ ଶ୍ୱାନଯୁଥଆବୋରି ଚଉଦିଗ ପଥ

Couplet 175

କୃଷ୍ଣ ସାରଙ୍ଗଧନୁ ବାଣେରଣେ ପଡିଲେ ରାଜାଗଣେ

Couplet 176

ବାହୁଚରଣ କନ୍ଧ ଛାଡିପଡିଲେ ରଣଭୂମି ମାଡି

Couplet 177

ଥୋକାଏ ପ୍ରାଣରକ୍ଷା ଆଶେପଳାଇଗଲେ ନିଜ ଦେଶେ

Couplet 178

ସମରେ ଜିଣି ବନମାଳୀବିଜୟ କଲେ କୁଶସ୍ଥଳୀ

Couplet 179

ଅତି ସୁନ୍ଦର ଅଳଙ୍କୃତଧ୍ୱଜ ପତାକା ନାନା ଚିତ୍ର

Couplet 180

ନାନା ତୋରଣ ଗୃହେ ଶୋହେଦେଖନ୍ତେ ଜନମନ ମୋହେ

Couplet 181

ଯେ କୁଶସ୍ଥଳୀ ଦିବ୍ୟଭୂମିଯହିଁ ବିଜୟ ଅନ୍ତର୍ଯ୍ୟାମୀ

Couplet 182

ପିତା ମୋହର ବିଭାକାଳେବନ୍ଧୁବାନ୍ଧବ ଜ୍ଞାତିମେଳେ

Couplet 183

ପୂଜିଲା ନାନା ଉପହାରେଶଯ୍ୟା ଆସନ ଅଳଙ୍କାରେ

Couplet 184

ଅନେକ ଦାସ ଦାସୀ ଧନବାଜି କୁଞ୍ଜର ବହୁ ସୈନ୍ୟ

Couplet 185

ବିବିଧ ଅସ୍ତ୍ରଶସ୍ତ୍ର ଆଣିଦେଲାକ ସର୍ବ ପରିମାଣି

Couplet 186

କୃଷ୍ଣଙ୍କୁ ଯଉତୁକ ଦେଲାଅନେକ ଭକ୍ତିଭାବ କଲା

Couplet 187

ଯେ ହରି ନିଜ ତେଜ ଧାମମହାମହିମ ପୂର୍ଣ୍ଣକାମ

Couplet 188

ସେ ହରି ପଦ୍ମପାଦ ତଳେମୋ ନିଜ ସଖୀ ସଙ୍ଗମେଳେ

Couplet 189

ତାହାର ଗୃହଦାସୀ ସଙ୍ଗେନିବୃତ୍ତ ଚିତ୍ତ ଅନୁରାଗେ

Couplet 190

ତପସ୍ୟା ଫଳୁଁ ଚିତ୍ତ ରହୁସେ ପାଦ ସେବି ଦିନ ଯାଉ

Couplet 191

ଏମନ୍ତେ ଲକ୍ଷଣା ବଚନେଷୋଳସହସ୍ର ନାରୀଜନେ

Couplet 192

ଶତେ ଅଧିକ ସେ ସ୍ୱଭାବେହସି କହନ୍ତି ପ୍ରିୟଭାବେ

Couplet 193

ଭୂମିନନ୍ଦନ ମହାବୀରଦୁର୍ଜୟ ନାରକା ଅସୁର

Couplet 194

ଦିଗବିଜୟେ ବୀରମଣିଅନେକ ରାଜକନ୍ୟା ଆଣି

Couplet 195

ନିଜ ଭୁବନେ ଥିଲା ଭରିସମରେ କୃଷ୍ଣ ତାକୁ ମାରି

Couplet 196

ଆମ୍ଭଙ୍କୁ ବନ୍ଦିମୋକ୍ଷ କରିଆଣିଲେ ପ୍ରଭୁ ଦଇତ୍ୟାରି

Couplet 197

ଘୋର ସଂସାର ମାୟାବନ୍ଧଧ୍ୟାନେ ଛେଦଇ ଯାର ପାଦ

Couplet 198

ସେ ହରି ଆମ୍ଭ ଚିତ୍ତ ଜାଣିଉଦ୍ଧରି ନିଜପୁରେ ଆଣି

Couplet 199

ଆମ୍ଭେ ହୋଇଲୁ ତାର ଦାସୀଅଭୟ-ପଦ୍ମପାଦେ ଆସି

Couplet 200

ସ୍ୱଭାବେ ଆତ୍ମାରାମ ସେହିତାହାର ଆଦିଅନ୍ତ ନାହିଁ

Couplet 201

ନିତ୍ୟେ ଚିନ୍ତଉଁ ସର୍ବନାରୀଗୋବିନ୍ଦ ପାଦେ ମନ ଧରି

Couplet 202

ସେ ପ୍ରଭୁ ଜଗତଜୀବନପଶିଲୁ ତାହାରେ ଶରଣ

Couplet 203

ଶୁଣ ସାଧବି ଆମ୍ଭ ବାଣୀଚିତ୍ତେ ଏମନ୍ତ ପରିମାଣି

Couplet 204

ସକଳ ରାମରାଜ୍ୟ ଭୋଗଅଣିମା ଆଦି ସିଦ୍ଧିଯୋଗ

Couplet 205

ଇନ୍ଦ୍ର କି ବ୍ରହ୍ମପଦ ଅବାକୈବଲ୍ୟ ବଇକୁଣ୍ଠ କିବା

Couplet 206

ଏଣେ ଆମ୍ଭର ନାହିଁ ଇଚ୍ଛାଅଭୟ ପାଦପଦ୍ମେ ବାଞ୍ଛା

Couplet 207

ଶ୍ରୀକୃଷ୍ଣ ପାଦପଦ୍ମ ଧୂଳିକୁଚ କୁଙ୍କୁମେ ଲକ୍ଷ୍ମୀ ବୋଳି

Couplet 208

ତେଣୁ ସୁଗନ୍ଧ ଅତି ସ୍ପୁରେନିତ୍ୟେ ବହିଁବୁଁ ତାହା ଶିରେ

Couplet 209

ଯା ପାଦ-ସରସିଜ ତିନିବାଞ୍ଛନ୍ତି ଗୋପାଳ ଯୁବତୀ

Couplet 210

ପୁଲିନ ତୃଣ ଗୁଳ୍ମ ଜାତିଗାବ ଗୋପାଳେ ଯାହା ଚିନ୍ତି

Couplet 211

ସେ ପଦ୍ମପାଦ ଆମ୍ଭ ଚିତ୍ତେସ୍ମରଣ ହେଉ ଅବିରତେ

Couplet 212

କୃଷ୍ଣ ମହିମା ଅଗୋଚରମୁଁ କୀଟ କୋଟିକେ ଅନ୍ତର

Couplet 213

ଏଣୁ ହୋଇଲି ଅପରାଧୀଯେହ୍ନେ ଗଗନେ ଲାଖ ବିନ୍ଧି

Couplet 214

ସୁଜନେ ଶୁଣ ପରିହସମୁଁ ତୁମ୍ଭ ଚରଣରେ ଦାସ

Couplet 215

ଏଣେ ସୁଜନେ ମନ ଦେଇଭେଟିବ ପ୍ରଭୁ ଭାବଗ୍ରାହୀ

Couplet 216

ବୋଲଇ ଦାସ ଜଗନ୍ନାଥଗୀତବିନୋଦେ ଭାଗବତ