Adhyaya 88

Couplet 1

ପ୍ରେମ ଆନନ୍ଦେ ମୁନିବରବୋଲନ୍ତି ଶୁଣ କୁରୁବୀର

Couplet 2

ଧରଣୀଭାରା ନିବାରଣଅନାଦିପରମ କାରଣ

Couplet 3

ଅନନ୍ତ ତୁଲେ ନରହରିମନୁଷ୍ୟ ରୂପେ ଅବତରି

Couplet 4

ଆନନ୍ଦେ ଦ୍ୱାରାବତୀ ପୁରେବିହରେ ନରକଳେବରେ

Couplet 5

ଜ୍ୟୋତିଷବିଦ୍ୟା ଅନୁମାନେବିଚାରି ଋଷିଙ୍କ ବଚନେ

Couplet 6

ଜ୍ୟୋତିଷେ କୃଷ୍ଣ ପାଶେ ଯାଇକହିଲେ ଶିରେ କର ଦେଇ

Couplet 7

ଭୋ ନାଥ ଶୁଣ ସାବଧାନେମକର ପଞ୍ଚଦଶ ଦିନେ

Couplet 8

ତୃତୀୟ ମୁହୂର୍ତ୍ତ ପ୍ରବେଶେସିଂହିକାସୁତ ରବି ଗ୍ରାସେ

Couplet 9

ଦିବସେ ପ୍ରକାଶିବ ନିଶିପ୍ରଳୟକାଳ ପ୍ରାୟ ଦିଶି

Couplet 10

ଏମନ୍ତେ ଦଇବଜ୍ଞ ବାଣୀଗୋବିନ୍ଦ ସାବଧାନେ ଶୁଣି

Couplet 11

ଘୋଷଣ ଦେଲେ ନିଜପୁରେତୀର୍ଥଗମନ ଅନୁସାରେ

Couplet 12

ତ୍ରେତୟାଯୁଗେ ଭୃଗୁରାମରାଜାଙ୍କୁ ବହି ଘୋରତମ

Couplet 13

ଦିଗବିଜୟେ ପର୍ଶୁପାଣିରାଜାଙ୍କୁ କୁରୁକ୍ଷେେତ୍ର ଆଣି

Couplet 14

କୋପେ ଛେଦିଲେ ତାଙ୍କ ମୁଣ୍ତରୁଧିରେ କରି ସାତକୁଣ୍ତ

Couplet 15

ରୁଧିରକୁଣ୍ତ ସ୍ନାନ କରିପିତାଙ୍କୁ ତର୍ପଣେ ଉଦ୍ଧରି

Couplet 16

ତେଣୁ ହୋଇଲା ତୀର୍ଥକଳ୍ପସ୍ନାନେ ହରଇ ସର୍ବପାପ

Couplet 17

ଏମନ୍ତେ ଜନେ ରାମତୀର୍ଥେସ୍ନାହାନ ଦାନ ଯେଝାମତେ

Couplet 18

କରନ୍ତି ନିଗମ ବେଭାରଏବେ ହୋ ଶୁଣ କୁରୁବୀର

Couplet 19

ଭାରତଭୂମି ପ୍ରଜା ଯେତେପୁତ୍ର କଳତ୍ର ଧନ ଯୁତେ

Couplet 20

ରାଜା ପରଜା ନରନାରୀସଞ୍ଚପି କେ ତା କହିପାରି

Couplet 21

ଏମନ୍ତେ ଚାରିଦିଗୁଁ ଯେତେପ୍ରବେଶ ହେଲେ କୁରୁକ୍ଷେତ୍ରେ

Couplet 22

ଜ୍ଞାନ ଅଜ୍ଞାନ ପାପ ଯେତେସ୍ନାନେ ଖଣ୍ତିବେ ରାହୁଗ୍ରସ୍ତେ

Couplet 23

ସୁତୀର୍ଥେ ସ୍ନାନ ଦାନ ଫଳେପାପୁଁ ତରିବେ ପୁଣ୍ୟବଳେ

Couplet 24

ଏତେ ବିଚାରି ପୁଣ୍ୟଧ୍ୟାୟିମିଳିଲେ କୁରୁକ୍ଷେତ୍ରେ ଯାଇ

Couplet 25

ଗୋବିନ୍ଦ ନନ୍ଦିଘୋଷ ରଥେବସି ଚଳିଲେ ରାଜପଥେ

Couplet 26

ଶ୍ରୀକୃଷ୍ଣ ଯାନ୍ତେ କୁରୁକ୍ଷେତ୍ରେସଜ ହୋଇଲେ ଜ୍ଞାତି ଗୋତ୍ରେ

Couplet 27

ଦେବକୀ ବସୁଦେବ ଘେନିକୃଷ୍ଣର ଯେତେକ କାମିନୀ

Couplet 28

ପ୍ରଦ୍ୟୁମ୍ନ ଶାମ୍ବ କୃଷ୍ଣସୁତେଶୁକ ସାରଣର ସହିତେ

Couplet 29

କୃତବର୍ମା ଯେ ଅନିରୁଦ୍ଧପୁର ରଖନ୍ତି ଯେତେ ଯୋଧ

Couplet 30

ଉଗ୍ରସେନର ଯେତେ ବଳସଜ ହୋଇଲେ କାମପାଳ

Couplet 31

ଏମନ୍ତେ ଗଲେ ଯଦୁଯୁଥେଆରୋହି ଅଶ୍ୱ ଗଜ ରଥେ

Couplet 32

ନିଜ କାମିନୀ ଘେନି ସାଥେଗମିଲେ କୁରୁକ୍ଷେେତ୍ର ପଥେ

Couplet 33

ଇନ୍ଦ୍ରର ସଙ୍ଗେ ଦେବବୃନ୍ଦେଯେମନ୍ତେ ଗମନ୍ତି ଆନନ୍ଦେ

Couplet 34

ଗଗନେ ଗ୍ରସ୍ତ ଦିବାକରଦିବସେ ଦିଶିଲା ଅନ୍ଧାର

Couplet 35

ଗଗନେ ଦେଖି ରବିଗ୍ରାସସକଳେ ହୋଇଲେ ହରଷ

Couplet 36

ଏମନ୍ତେ ରାହୁ ଗ୍ରାସ କାଳେରାଜା ପରଜା ପୁଣ୍ୟଜଳେ

Couplet 37

କରନ୍ତି ସ୍ନାନ ଦାନ ବିଧିବେଦବଚନେ ଯେ ପ୍ରସିଦ୍ଧି

Couplet 38

ଗୋବିନ୍ଦ ଉପବାସ ଛଳେହରଷେ ପଶି ତୀର୍ଥଜଳେ

Couplet 39

ବିପ୍ରଙ୍କୁ ବରି ଭଗବାନଦେଲେ ସବତ୍ସା ଧେନୁଦାନ

Couplet 40

ବିବିଧ ଅଳଙ୍କାର ଭରିକୋଟିଏ ଧେନୁ ଦାନ କରି

Couplet 41

ଅନ୍ନ ସୁବର୍ଣ୍ଣ ବସ୍ତ୍ର ଦାନଆନନ୍ଦ ମନେ ଭଗବାନ

Couplet 42

ବିବିଧ ମତେ ଦାନ ଦେଇତୀରେ ବସିଲେ କୃଷ୍ଣ ଯାଇ

Couplet 43

ଯାଦବ ଭୋଜ ସେହିମତେସ୍ନାହାନ କଲେ ଯଥୋଚିତେ

Couplet 44

ଭୋଜନ ସାରି ସଙ୍ଗମେଳେବସିଲେ ନାନା ବୃକ୍ଷତଳେ

Couplet 45

ଦେବକୀଦେବୀ ବସୁଦେବବସିଲେ ରାମ ପଦ୍ନନାଭ

Couplet 46

ଏ ଆଦି କହିବି ମୁଁ କେତେକୃଷ୍ଣର ପତ୍ନୀ ସୁତ ଯେତେ

Couplet 47

ବୃକ୍ଷଙ୍କ ମୂଳେ ବିରାଜନ୍ତିଗଗନେ ଯେହ୍ନେ ତାରାପନ୍ତି

Couplet 48

ଏମନ୍ତେ ରାମହ୍ରଦତଟେରାମ ଗୋବିନ୍ଦର ନିକଟେ

Couplet 49

କୃଷ୍ଣର ଦର୍ଶନେ ଆନନ୍ଦଆସି ମିଳିଲେ ବନ୍ଧୁବୃନ୍ଦ

Couplet 50

ମତ୍ସ୍ୟ ଉଶୀନର କୋଶଳବିଦର୍ଭ ଆଦି କୁରୁବଳ

Couplet 51

ସୃଞ୍ଜୟ କାମ୍ବୋଜ କୈକୟଆନର୍ତ୍ତ କୁନ୍ତୀ ମଦ୍ରରାୟ

Couplet 52

କହିବି ଏକେ ଏକେ କେତେକେରଳ ଆଦି ରାଜା ଯେତେ

Couplet 53

ସୁହୃଦବନ୍ଧୁ ମିତ୍ରଜନଅପରେ ଅନେକ ରାଜନ

Couplet 54

ନନ୍ଦ ଯଶୋଦା ଆଦି କରିଗୋପରେ ଯେତେ ନରନାରୀ

Couplet 55

ଗୋପୀଏ କୃଷ୍ଣରୁପ ଦେଖିଅଶ୍ରୁ ଗଳଇ ବେନି ଆଖି

Couplet 56

ଫୁଟିଲା ପଦ୍ମପ୍ରାୟ ନେତ୍ରନୀଳ କୁନ୍ତଳ ହୃଦ ଗାତ୍ର

Couplet 57

କି ଅବା ଦେବା ପଟାନ୍ତରଯାହା ରମିଲେ ଦାମୋଦର

Couplet 58

ଲୋଚନେ କରି ମନେ ଧ୍ୟାନଅନ୍ତର କଲେ ଆଲିଙ୍ଗନ

Couplet 59

ପୁଲକେ ଅଙ୍ଗେ ରୋମରାଜିପ୍ରେମ ଆନନ୍ଦେ ଚକ୍ଷୁବୁଜି

Couplet 60

କଣ୍ଠକୁଣ୍ଠିତ ମଞ୍ଜୁବାଣୀତା ଦେଖି କୃଷ୍ଣର ତରୁଣୀ

Couplet 61

ସୁହୃଦଭାବେ ଏକମେଳେକରନ୍ତି ଜଣେ ଜଣେ କୋଳେ

Couplet 62

ମୁଖେ ବିସ୍ମିତ ମନ୍ଦହାସେଦୃଢେ ଯନ୍ତ୍ରିତ ସ୍ନେହପାଶେ

Couplet 63

ନିବିଡେ କୁଙ୍କୁମ ଲେପନଭାବେ ଲଗାଇ ସ୍ତନେ ସ୍ତନ

Couplet 64

ଭୁଜେ କରନ୍ତି କୋଳେକୋଳେଅଶ୍ରୁପୁରିତ ବେନିଡୋଳ

Couplet 65

କୃଷ୍ଣକାମିନୀ ଗୋପନାରୀସେନେହ ଭାବ ମନେ ଧରି

Couplet 66

କହନ୍ତି କୃଷ୍ଣ କଥାମାନସୁମରି କରନ୍ତି ରୋଦନ

Couplet 67

ଗୋପିଙ୍କୀ ବୋଧି କୃଷ୍ଣନାରୀକଥା ପ୍ରବନ୍ଧେ ମନ ହରି

Couplet 68

ସମସ୍ତେ ହୋଇଲେ ହରଷକୃଷ୍ଣର ଭାବ ମଧୁରସ

Couplet 69

ଏହି ପ୍ରକାରେ ବଧୁଜନେଯେ ବିଧି ଯଥା ଅନୁମାନେ

Couplet 70

ଆଶିଷ ବଚନ୍ତେ କରନ୍ତିକୁଳ କୁଶଳ ପଚାରନ୍ତି

Couplet 71

ଏକ ଆରକେ ବହି ବ୍ୟଥାଆନନ୍ଦେ କହେ କୃଷ୍ଣକଥା

Couplet 72

କୃଷ୍ଣଭକତି ହୃଦେ ଘେନିମିଳିଲେ ପାଣ୍ତବ ଜନନୀ

Couplet 73

ଭ୍ରାତ ଭଗିନୀଜନ ମଧ୍ୟେପୁତ୍ର ପଉତ୍ର ଅନୁବନ୍ଧେ

Couplet 74

ପିତା ଜନନୀ ମୁଖ ଚାହିଁଭାତୃକାମିନୀ ମଧ୍ୟେ ଥାଇ

Couplet 75

ଅନାଇଁ ଗୋବିନ୍ଦ ଶ୍ରୀମୁଖଛାଡିଲା କଷ୍ଟ ଦୁଃଖ ଶୋକ

Couplet 76

ବସୁଦେବର ମୁଖ ଚାହିଁବୋଲଇ ଶୋକଭର ହୋଇ

Couplet 77

ହେ ଭ୍ରାତ ଏ ମୋହର ଜନ୍ମମନୁଷ୍ୟ ମଧ୍ୟେ ହୀନକର୍ମ

Couplet 78

ଯେତେ ଆପଦ ମୋତେ ହୋଇମୋ ତହୁଁ ଆନ କେବା ସହି

Couplet 79

ତେଡେ ଆପଦେ ନ ସୁମରଅଭାଗୀ ଜୀବନ ମୋହର

Couplet 80

ସୁହୃଦ ଜ୍ଞାତି ପୁତ୍ର ଭାଇପିତା ଜନନୀ ଯାର ଥାଇ

Couplet 81

ଆପଦେ ନ କରନ୍ତି ଚିନ୍ତାତାହାକୁ ବାମଟି ବିଧାତା

Couplet 82

ଏମନ୍ତ କର୍ମ ମୋର ଭାବତା ଶୁଣି ବୋଲେ ବସୁଦେବ

Couplet 83

ଶୁଣ ଗୋ ମାତ ମୋ ବଚନଆମ୍ଭଙ୍କୁ ନ କର ନିନ୍ଦନ

Couplet 84

ଦେଖ ସଂସାରେ ଯେତେ ଲୋକଈଶ୍ୱର କ୍ରୀଡାର କନ୍ଦୁକ

Couplet 85

ଈଶ୍ୱର ଯନ୍ତ୍ର ମଧ୍ୟେ ପଡିକାର୍ଯ୍ୟ କାରଣେ ପଥ ହୁଡି

Couplet 86

ଈଶ୍ୱର ଆଜ୍ଞା ଅନୁମତେପ୍ରାଣୀ ଭାଜନ୍ତି ନାନାପଥେ

Couplet 87

କଂସ ପ୍ରତାପେ ଆମ୍ଭେ ତାପୀବୁଲିଲୁ ବନ ଦେଶବ୍ୟାପୀ

Couplet 88

ପୁଣି ମିଳିଲୁ ନିଜଦେଶେଏସର୍ବ ଈଶ୍ୱର ଆଦେଶେ

Couplet 89

କହନ୍ତି ବସୁଦେବ ସ୍ନେହେସଂସାରବନ୍ଧ ମାୟାମୋହେ

Couplet 90

ଶୁଣି ପ୍ରବୋଧ ପଣ୍ତୁରାଣୀଭାବବଚନେ ହେଲା ତୁନି

Couplet 91

କହନ୍ତି ବ୍ୟାସଙ୍କ ନନ୍ଦନଶ୍ରୀବାସୁଦେବ ଉଗ୍ରସେନ

Couplet 92

ଯାଦବେ ମାନ ଗଉରବେପୂଜିଲେ ନୃପତିଙ୍କି ଭାବେ

Couplet 93

ରାଜାଏ କୃଷ୍ଣ ଦରଶନେହରଷେ ପୂଜିଲେ ସୁମନେ

Couplet 94

ଶୁଣ ବିରାଟସୁତାସୁତଗୋବିନ୍ଦ ସମୀପେ ଆଗତ

Couplet 95

ଜାହ୍ନବୀସୁତ ଦ୍ରୋଣଗୁରୁଅମ୍ବିକାପୁତ୍ର ମହାମେରୁ

Couplet 96

ଗାନ୍ଧାରୀ ଘେନି ପୁତ୍ରଶତଦ୍ରୌପଦୀ ସମୀପେ ଆଗତ

Couplet 97

ଶକୁନି ସଞ୍ଜୟ ବିଦୁରଏ ଆଦି ଯେତେ ନୃପବର

Couplet 98

ବିରାଟ ତୁଲେ କୁନ୍ତୀଭୋଜଭୀଷ୍ମକ ନଗ୍ନଜିତ ରାଜ

Couplet 99

ଦ୍ରୁପଦ ପୁରୁଜିତ ବେନିଶଲ୍ୟ ଯେ ଧୃଷ୍ଟକେତୁ ଘେନି

Couplet 100

କାଶୀନୃପତି ଦମଘୋଷବିଶାଳା ମିଥିଳାର ଈଶ

Couplet 101

ମଦ୍ରକ କଇକେୟ ଭାନୁସଙ୍ଗେ ନୃପତି ଯୁଧାମନ୍ୟୁ

Couplet 102

ସୁଶର୍ମା ବାହ୍ଲୀକର ମେଳେମିଳିଲେ ଯୁଧିଷ୍ଠିର ତୁଲେ

Couplet 103

ଷୋଳସହସ୍ର ଶତେ ନାରୀଅଷ୍ଟ ଅଧିକ ଆଦି କରି

Couplet 104

ଦେଖି ବିସ୍ମୟେ ନୃପଗଣେନମିଲେ କୃଷ୍ଣର ଚରଣେ

Couplet 105

ରାମଗୋବିନ୍ଦ ତୋଷମନେରାଜାଙ୍କୁ ବସାଇ ଆସନେ

Couplet 106

ନାନା ପ୍ରକାରେ ପୂଜାବିଧିପୂଜିଲେ ବେଭାର ପ୍ରସିଦ୍ଧି

Couplet 107

ଆନନ୍ଦେ ସର୍ବ ନୃପବରଯଦୁଙ୍କୁ ବୋଲନ୍ତି ମଧୁର

Couplet 108

ହେ ଭୋଜପତି ଦୁମ୍ଭ ଜନ୍ମସଂସାର ମଧ୍ୟେ ବଡ ଧନ୍ୟ

Couplet 109

ଯେ ହରି ଯୋଗୀଙ୍କି ଦୁର୍ଲ୍ଲଭତୁମ୍ଭଙ୍କୁ ହୋଇଲେ ସୁଲଭ

Couplet 110

ଦୃଷ୍ଟିଗୋଚର କୃଷ୍ଣ ଦେଖିନିର୍ମଳ କଲ ଚର୍ମଆଖି

Couplet 111

ଯାର ବିଶ୍ରୁତି ଶ୍ରୁତିସ୍ତୁତପବିତ୍ର କରଇ ଜଗତ

Couplet 112

ପାଦଉଦକ ସୁରଧୁନୀପବିତ୍ର କରେ ପୁର ତିନି

Couplet 113

ସକଳଶାସ୍ତ୍ର ଯାର ବାଣୀଜଗତ ତରେ ଯାହା ଶୁଣି

Couplet 114

କାଳଅନଳେ ଏ ଧରଣୀଭାବେ ଭର୍ଜିତ ପ୍ରାୟ ମଣି

Couplet 115

ଯାହାର ଚରଣ ସ୍ପରଶେଜୀବନ ପାଇ ଭାରା ନାଶେ

Couplet 116

ଏମନ୍ତ ପ୍ରଭୁ ମହାବାହୁଆମ୍ଭଙ୍କୁ ଚଉବର୍ଗ ଦେଉ

Couplet 117

ସେ ହରି ନିତ୍ୟେ ତୁମ୍ଭ ପାଶେନରକପଥ-ଗୃହବାସେ

Couplet 118

ତାର ଦର୍ଶନ ହାସ୍ୟରସଅନୁଗମନ ପରିହାସ

Couplet 119

ଯୋନି ସମ୍ବନ୍ଧେ ପିଣ୍ତଦାନନାନା ସମ୍ବନ୍ଧେ ଅନୁଧ୍ୟାନ

Couplet 120

ଏହା ପାଇଲ ତପ ଦାହିସ୍ୱର୍ଗାପବର୍ଗେ ବାଞ୍ଛା ନାହିଁ

Couplet 121

ଏମନ୍ତେ ରାଜାଙ୍କ ବଚନଶୁଣି ହରଷ ଉଗ୍ରସେନ

Couplet 122

କହନ୍ତି ବ୍ୟାସଙ୍କର ବଳାନନ୍ଦ ଯେ କୁରୁକ୍ଷେେତ୍ର ଥିଲା

Couplet 123

ନିଜ ଗୋକୁଳ ସଙ୍ଗତରେମିଳିଲା ଶ୍ରୀକୃଷ୍ଣ ଛାମୁରେ

Couplet 124

ଶକଟ ସାଜି ନାନାମତେଅନେକ ପରଜା ସଙ୍ଗତେ

Couplet 125

ନନ୍ଦକୁ ଦେଖି ଯଦୁଗଣଆସନ ତେଜିଲେ ତକ୍ଷଣ

Couplet 126

ପିଣ୍ତ ଯେସନେ ପ୍ରାଣ ପାଇଉଠି ଆନନ୍ଦେ ସମ୍ଭାଷଇ

Couplet 127

ଚିତଦରଶନ କାତରେହୃଦେ ଭିଡନ୍ତି ସ୍ନେହଭରେ

Couplet 128

ଆନନ୍ଦେ ଉଠି ବସୁଦେବନନ୍ଦର ମିତ୍ର ପ୍ରିୟଭାବ

Couplet 129

କଂସର କୃତକ୍ଳେଶ ଯେତେସର୍ବ ସୁମରି ଶୋକଚିତ୍ତେ

Couplet 130

କୃଷ୍ଣଙ୍କୁ ଘେନି ରାତ୍ରକାଳେଯେମନ୍ତେ ଥୋଇଲା ଗୋକୁଳେ

Couplet 131

ତାହା ସୁମରି ଅତି ସ୍ନେହେଚିତ୍ତଜଡିତ ମାୟାମୋହେ

Couplet 132

ପାଶେ ଯେ ଥିଲେ ରାମହରିନନ୍ଦ ଯଶୋଦା ପାଦ ଧରି

Couplet 133

ନମିଲେ ଅତି ସୁଖଭୋଳେବସିଲେ ବେନିଜନ କୋଳେ

Couplet 134

ହୃଦରେ କରି ଆଲିଙ୍ଗନବଦନୁ ନ ସ୍ପୁରେ ବଚନ

Couplet 135

ଯଶୋଦା ବେନି ଭୁଜେ ଧରିହୃଦେ ଲଗାଇ ନରହରି

Couplet 136

ପ୍ରାଣହୁଁ ଅତି ସ୍ନେହ ଭରିନିବିଡେ ଆଲିଙ୍ଗନ କରି

Couplet 137

ପରମାନନ୍ଦ ଲଭି ସୁଖବେଗେ ହୁଡିଲା ମନଦୁଃଖ

Couplet 138

ନନ୍ଦ ରାମଙ୍କୁ କରି କୋଳନୟନୁ ବହେ ଅଶ୍ରୁଜଳ

Couplet 139

ହୃଦେ ନିରୋପି ଦିବ୍ୟଜ୍ଞାନଛାଡିଲା ଦୁଃଖ ଶୋକମାନ

Couplet 140

ଦେବକୀ ରୋହିଣୀ ଆନନ୍ଦେଭାବେ ଲଗାଇ ହୃଦହୃଦେ

Couplet 141

ନିର୍ଭରେ ଆଲିଙ୍ଗନ କରିମିତ୍ର ସ୍ୱଭାବେ ବ୍ରଜେଶ୍ୱରୀ

Couplet 142

ବିପଦକାଳେ ମିତ୍ରଗୁଣଶୋକେ ସୁମରି ପୁଣ ପୁଣ

Couplet 143

ବୋଲନ୍ତି ଯଶୋଦାକୁ ଚାହିଁକିସ ଉପମା ଦେବି ମୁହିଁ

Couplet 144

ଇନ୍ଦ୍ରସମ୍ପଦ ସୁଖ ଭୁଞ୍ଜିକେ ପାରୁ ତୁମ୍ଭ ଋଣ ଶୁଝି

Couplet 145

ବେନି ବାଳକ ତୁମ୍ଭ ଘରେପ୍ରାଣ ପୋଷିଲେ କଂସ ଡରେ

Couplet 146

ରାମଗୋବିନ୍ଦ ଭାଇ ବେନିତୁମ୍ଭେ ଯେ ପିଅର ଜନନୀ

Couplet 147

ପାଳିଲ ପୁତ୍ରହୁଁ ଅଧିକେତୁମ୍ଭେ ଯେ ଧନ୍ୟ ବେନିଲୋକେ

Couplet 148

ପୋଷିଲ ପୁତ୍ରଭାବ ଘେନିଅନ୍ଧ ଯେସନେ ଚକ୍ଷୁବେନି

Couplet 149

କି ଆର ସଂସାର ବେଭାରତୁମ୍ଭର ନାହିଁ ପରାପର

Couplet 150

ଏମନ୍ତେ ଯଶୋଦାର ତୁଲେଦେବକୀ ରୋହିଣୀ ବସିଲେ

Couplet 151

ଶୁଣ ରାଜନ ଚୁଡାମଣିଆନନ୍ଦେ ଗୋପର ତରୁଣୀ

Couplet 152

କୃଷ୍ଣଙ୍କୁ ଦେଖି ସୁଖଭୋଳେନିରୋପି ନୟନେ ନିଶ୍ଚଳେ

Couplet 153

ଲଜ୍ଜା ଉପେକ୍ଷି ଗୋପୀବୃନ୍ଦଚିରଦରଶନେ ଆନନ୍ଦ

Couplet 154

କୃଷ୍ଣର ବଦନ ଦେଖନ୍ତିଚକ୍ଷୁ ନିମିଷେ ନ ଚାଳନ୍ତି

Couplet 155

ଚାହାନ୍ତି କୃଷ୍ଣ ସର୍ବଅଙ୍ଗଅଗ୍ନିକି ଯେସନେ ପତଙ୍ଗ

Couplet 156

କୃଷ୍ଣର ରୂପ ପ୍ରିୟଭାବେହୃଦେ ଭରିଲେ ଦୃଷ୍ଟିମାର୍ଗେ

Couplet 157

ଆନନ୍ଦ ରୂପ ଭଗବାନଅନ୍ତରେ କଲେ ଆଲିଙ୍ଗନ

Couplet 158

ଲଭିଲେ ନିଜ ପ୍ରିୟଭାବଯେ ହରି ଯୋଗିଙ୍କି ଦୁର୍ଲ୍ଲଭ

Couplet 159

ଗୋପୀଙ୍କ ଭାବ ଦେଖି ହରିଅନନ୍ତମାୟା ଯୋଗ କରି

Couplet 160

କେହି ନ ଦେଖେ ରୂପ ଡୋଳେମିଳିଲେ ଗୋପୀଙ୍କର ମେଳେ

Couplet 161

ପଚାରି ଗୋପୀଙ୍କ କୁଶଳକରନ୍ତି ଜଣେ ଜଣେ କୋଳ

Couplet 162

ବୋଲନ୍ତି ଜଗତମୋହନକୋମଳ ଗଭୀର ବଚନ

Couplet 163

ଶୁଣ ଗୋ ସଖୀଜନେ ମୋରମୁଁ ଯେ ରହିଲି ମଧୁପୁର

Couplet 164

ଅଇଲି ନିଜ କର୍ମ ଆଶେଭାରା ନିବାରଣ ବିଶ୍ୱାସେ

Couplet 165

ଅନେକ ଦିନୁଁ ନାହିଁ ଦେଖାମୁହିଁ ତୁମ୍ଭର ନିଜ ସଖା

Couplet 166

ଈଶ୍ୱର ମାୟାରେ ସଂସାରସଂଯୋଗ ବିଯୋଗ ବେଭାର

Couplet 167

ପବନ ଯେହ୍ନେ ମେଘମାଳାଧରଣୀ ରେଣୁ ତୃଣ ତୁଳା

Couplet 168

କରଇ ସଂଯୋଗ ବିଯୋଗଏମନ୍ତ ଈଶ୍ୱରର ଯୋଗ

Couplet 169

ମୋହରେ ଭାବ ଯେ କରନ୍ତିମୋ ତହୁଁ ଭିନ୍ନ ସେ ନୁହନ୍ତି

Couplet 170

ତୁମ୍ଭର ଭାଗ୍ୟ ଏ ସଂସାରେଭାବେ ଭଜିଲ ମୋ ପୟରେ

Couplet 171

ମୁହିଁ ସକଳ ପ୍ରାଣୀଙ୍କରଆବୋରି ଭିତର ବାହାର

Couplet 172

କରଇ ସୃଷ୍ଟି ଆଦିଅନ୍ତଯେହ୍ନେ ଜଡିତ ପଞ୍ଚଭୂତ

Couplet 173

ଉଭୟ ମହିମା ମୋହରଜ୍ଞାନୀଜନଙ୍କୁ ଅଗୋଚର

Couplet 174

ଏମନ୍ତେ ପ୍ରଭୁ ଭଗବାନଗୋପିଙ୍କି କହି ତତ୍ତ୍ୱଜ୍ଞାନ

Couplet 175

ଗୋପୀଏ କୃଷ୍ଣର ବଚନଶୁଣି ପାଇଲେ ଦିବ୍ୟଜ୍ଞାନ

Couplet 176

ନିର୍ଲୋଭ କୃଷ୍ଣ ରୂପ ଚାହିଁବୋଲନ୍ତି ଶିରେ କର ଦେଇ

Couplet 177

ଭୋ ନାଥ ଶୁଣ ପଦ୍ମନାଭଲଭିଲୁ ତୋ ଚରଣେ ଭାବ

Couplet 178

ତୋର ଚରଣ ହେ ଅନନ୍ତଯୋଗୀଙ୍କ ହୃଦପଦ୍ମେସ୍ଥିତ

Couplet 179

ଅଜ୍ଞାନ ମାୟାର ପ୍ରବୋଧଭୋ ନାଥ ତୋର ପଦ୍ମପାଦ

Couplet 180

ସଂସାର ଅନ୍ଧକାର କୂପେପ୍ରାଣୀଯନ୍ତ୍ରିତ ତିନିତାପେ

Couplet 181

ତୋ ପଦ୍ମପାଦ ଚକ୍ରପାଣିତାହାଙ୍କ ତରିବା ନିଶୁଣି

Couplet 182

ଗୋପୀଏ କୃଷ୍ଣପାଦ ଧରିବୋଲନ୍ତି ତରିଲୁ ମୁରାରି

Couplet 183

ଆମ୍ଭର ତୋ ଚରଣେ ମନଏ ବର ଦେବୁ ନାରାୟଣ

Couplet 184

ଏମନ୍ତ ଗୋପୀଙ୍କ ବଚନଶୁଣି ସନ୍ତୋଷ ଭଗବାନ

Couplet 185

ହସି ବୋଲନ୍ତି ଦାମୋଦରପୂର୍ବହୁଁ ଦେଅଛୁ ବର

Couplet 186

ତୁମ୍ଭର ମୋ ଚରଣେ ମନନିଶ୍ଚେ ପାଇବ ମୋର ସ୍ଥାନ

Couplet 187

ଏମନ୍ତେ ଗୋପିଙ୍କି ନିସ୍ତାରିନିଜ ଆସନେ ବିଜେ କରି

Couplet 188

ସେ ହରି ଚରଣକମଳେମୋ ମନ ରହୁ ଧ୍ୟାନବଳେ

Couplet 189

ସୁଜନେ ଚିନ୍ତ ଦୃଢମନେଗୋପୀଙ୍କ ପ୍ରାୟ ଶୁଦ୍ଧଧ୍ୟାନେ

Couplet 190

ପାଇବ ପରମକାରଣତାରିବେ ପ୍ରଭୁ ନାରାୟଣ

Couplet 191

ଗୋପୀଙ୍କ ପ୍ରାୟ ଭାବେ ଧ୍ୟାୟିସକଳ କର୍ମେ ଭାବଗ୍ରାହୀ

Couplet 192

ପାଇ ନ ପାଇ କଲି ଆଶବୋଲଇ ଜଗନ୍ନାଥ ଦାସ