Adhyaya 87

Couplet 1

ଏମନ୍ତେ ହରିପାଦ ଧ୍ୟାୟିପରୀକ୍ଷ ଆଗେ ଶୁକ କହି

Couplet 2

ଗୋବିନ୍ଦ ମିତ୍ର ଅଙ୍ଗସଙ୍ଗେବିବିଧ କଥା ଭାବରଙ୍ଗେ

Couplet 3

ଯେ ହରି ସର୍ବଭୂତଗାମୀପରମବ୍ରହ୍ମ ଅନ୍ତର୍ଯ୍ୟାମୀ

Couplet 4

ମିତ୍ରବତ୍ସଳ ଚାହିଁ ହସିବୋଲନ୍ତି ପ୍ରଭୁ ବ୍ରହ୍ମରାଶି

Couplet 5

ବିପ୍ରବତ୍ସଳ ଚକ୍ରପାଣିଯାର କଟାକ୍ଷେ କମଳିନୀ

Couplet 6

ମିତ୍ରର ସର୍ବଅଙ୍ଗ ଚାହିଁହସି ବୋଲନ୍ତି ଭାବଗ୍ରାହୀ

Couplet 7

ଭୋ ମିତ୍ର ମୋର ପ୍ରାଣସଖାକିସ ଆଣିଛ ମୋତେ ଦେଖା

Couplet 8

ମୋର ଭକତପ୍ରାଣୀ ଯେବେମୋତେ ପୂଜଇ ପ୍ରେମଭାବେ

Couplet 9

ସେ ଅଣୁମାତ୍ରେ ଯେବେ ଦେଇପର୍ବତ ପ୍ରାୟ ମୁଁ ମଣଇ

Couplet 10

ଯେ ମୋର ଭାବ ନ ଜାଣନ୍ତିପର୍ବତ ପ୍ରାୟ ଧନ ଦ୍ୟନ୍ତି

Couplet 11

ସେ ମୋତେ ଦିଶେ ତୁଚ୍ଛପ୍ରାୟବୋଲନ୍ତି ପ୍ରଭୁ ଦେବରାୟ

Couplet 12

ପତ୍ର କୁସୁମ ଫଳ ପାଣିଯେ ମୋତେ ଭାବେ ଦ୍ୟନ୍ତି ଆଣି

Couplet 13

ତାର ଭକତି ଭାବେ ଲଇଁହସ୍ତ ପ୍ରସାରି ମୁଁ ଭଞ୍ଜଇ

Couplet 14

ଏମନ୍ତ କହି ରମାକାନ୍ତଭାବେ ପାତିଲେ ବେନିହସ୍ତ

Couplet 15

ଦେଖି ଚକିତ ବିପ୍ରବରଅନ୍ତରେ କରଇ ବିଚାର

Couplet 16

ମୋର ଅର୍ଜିତ କର୍ମଫଳଆଣିଛି ପୃଥକ ତଣ୍ତୁଳ

Couplet 17

କେମନ୍ତେ ଦେବି କୃଷ୍ଣକରେହସିବେ ନାରୀ ଅନ୍ତଃପୁରେ

Couplet 18

ଏମନ୍ତ ଭାଳି ଲଜ୍ଜା ଦୁଃଖେବିପ୍ର ରହିଲା ଅଧୋମୁଖେ

Couplet 19

ତା ଦେଖି କମଳାର ବରହୃଦରେ କରନ୍ତି ବିଚାରେ

Couplet 20

ଏ ବିପ୍ର ପତ୍ନୀର ବଚନେମିଳିଲା ମୋହର ଭୁବନେ

Couplet 21

ଦରିଦ୍ରପଣେ ଦୁଃଖ ପାଇଅର୍ଜିଲା କର୍ମ ନ ଜାଣଇ

Couplet 22

ଏହାର ପୂର୍ବଜନ୍ମ ଯେତେନିଷ୍କାମେ ଭଜିଅଛି ମୋତେ

Couplet 23

ସକାମେ ମୋତେ ନ ଭଜଇଏବେ ପାଇବ ଭୋଗ କାହିଁ

Couplet 24

ପତ୍ନୀବଚନେ ଭୋଗ ଚିନ୍ତେଯେବେ ମିଳିଲା ମୋ ଅଗ୍ରତେ

Couplet 25

ପତିବ୍ରତାର ସୁଖ ଅର୍ଥେମୋହର ମିତ୍ରପଣ ହିତେ

Couplet 26

ଦେବି ସମ୍ପଦ ସର୍ବଭାବବ୍ରହ୍ମାଣ୍ତ ମଧ୍ୟେ ଯେ ଦୁର୍ଲ୍ଲଭ

Couplet 27

ଏତେ ବିଚାରି ନରହରିବିପ୍ରର ଛିନ୍ନବସ୍ତ୍ର ଧରି

Couplet 28

କି ବସ୍ତୁ ବୋଲି ଆଦିମୂଳଘେନିଲେ ପୃଥକତଣ୍ତୁଳ

Couplet 29

ଛିଣ୍ତା କବଟା ମଧ୍ୟୁଁ ଫେଇକୃଷ୍ଣ ବୋଲନ୍ତି କରେ ଲଇଁ

Couplet 30

ଭୋ ମିତ୍ର ତୁମ୍ଭ ଉପହାରଏ ମୋର ପ୍ରାଣ-ପ୍ରୀତିକର

Couplet 31

ତୁମ୍ଭର ପୃଥୁକତଣ୍ତୁଳଅଶେଷ ଭୁବନମଙ୍ଗଳ

Couplet 32

ମୋହର ଜୀବନ ସହିତେତୃପତ କଲ ଆଜ ମୋତେ

Couplet 33

ଏମନ୍ତ କହି ରହରିବେନି ଲୋଚନୁ ବହେ ବାରି

Couplet 34

ଗୋବିନ୍ଦ ମିତ୍ର ପ୍ରୀତିଅର୍ଥେପୃଥୁତଣ୍ତୁଳ ବେନି ହସ୍ତେ

Couplet 35

କମଳା ଚାହେଁ ସ୍ଥିରଦୃଷ୍ଟିତୁଣ୍ତେ ଭରିଲେ ଏକ ମୁଷ୍ଟି

Couplet 36

ସନ୍ତୋଷେ ଭୁଞ୍ଜି ଦାମୋଦରଦ୍ୱିତୀୟ ମୁଷ୍ଟି ଘେନି କର

Couplet 37

ତୁଣ୍ତେ ଭରନ୍ତେ ଗୋପୀନାଥଲକ୍ଷ୍ମୀ ଧଇଲେ ବେଗେ ହସ୍ତ

Couplet 38

ବୋଲନ୍ତି ଜଗତଜନନୀପୃଥୁକ ମୁଷ୍ଟି କରେ ଘେନି

Couplet 39

ଭୋ ବିଶ୍ୱନାଥ ଭଗବାନଏ ମୁଷ୍ଟି ନ କର ଭୋଜନ

Couplet 40

ତୋର ସନ୍ତୋଷେ ନାରାୟଣଉଭୟ ଲୋକର କାରଣ

Couplet 41

ମୁଷ୍ଟିକେ ଦେଲୁ ସର୍ବସୁଖକେବଳ ମାତ୍ର ମୋତେ ରଖ

Couplet 42

ମୁଁ ତୋର ଚରଣକମଳେଯେମନ୍ତେ ସେବଇଁ ନିଶ୍ଚଳେ

Couplet 43

ଏମନ୍ତ କହି ଅନୁବାଦେପଶିଲା ଗୋବିନ୍ଦର ହୃଦେ

Couplet 44

ଏମନ୍ତେ ରବି ଅସ୍ତ ଗଲାଶୁଣ ହୋ ଅଭିମନ୍ୟୁବାଳା

Couplet 45

ଗୋବିନ୍ଦ ତୁଲେ ବିପ୍ର ତୋଷେଭୋଜନ କଲେ ଷଡ଼ରସେ

Couplet 46

ରତ୍ନପଲ୍ୟଙ୍କେ କୃଷ୍ଣମେଳେରଜନୀ ବଞ୍ଚେ ସୁଖଭୋଳେ

Couplet 47

ଅଙ୍ଗନିବେଶି କୃଷ୍ଣଦେହେମଣିଲା ସ୍ୱର୍ଗଭୋଗ ପ୍ରାୟେ

Couplet 48

ଏମନ୍ତେ ପାହିଲା ରଜନୀଗୋବିନ୍ଦ ଝୀନବସ୍ତ୍ର ଘେନି

Couplet 49

ବିପ୍ରେ କରାଇ ଅବଧାନପାଲଟି ପିନ୍ଧାଇ ବସନ

Couplet 50

ଆନନ୍ଦେ ଆଲିଙ୍ଗନ କରିଭାବେ ବ୍ରାହ୍ମଣ ପାଦ ଧରି

Couplet 51

ଅନୁଗମନ କିଛି ଦୂରେବିପ୍ର ପେଷିଲେ ନିଜପୁରେ

Couplet 52

କୃଷ୍ଣ ବାହୁଡେ ନିଜପୁରଏବେ ହୋ ଶୁଣ ନୃପବର

Couplet 53

ବିଶ୍ୱକର୍ମାକୁ କୃଷ୍ଣ ରାଇଧୀରେ କହନ୍ତି ମୁଖ ଚାହିଁ

Couplet 54

ବେଗେ ତୁ ଯାଅ ବିପ୍ରଘରଉତ୍ତମ କରିଦେବୁ ପୁର

Couplet 55

ଦେବଦାନବେ ଅଗୋଚରଏମନ୍ତେ ହୋଇବ ସୁନ୍ଦର

Couplet 56

ନାନାରତନ ଧନ ଜନବେଗେ ତୁ ଭିଆଅ ଏମାନ

Couplet 57

ଆଜ୍ଞା ପ୍ରମାଣେ ଚଳିଗଲାଦିବ୍ୟଭୁବନ ଭିଆଇଲା

Couplet 58

ରଥ ତୁରଗ ପରିବାରୀତୋଟା ପୋଖରୀ ମନୋହରୀ

Couplet 59

ଏମନ୍ତ କରି ସେ ନିର୍ମାଣଶୁନ୍ୟେ ଗମିଲା ତତ୍କ୍ଷଣ

Couplet 60

ଏବେ ହୋ ଶୁଣ କୁରୁବୀରବିପ୍ର ଚଳଇ ନିଜ ଘର

Couplet 61

ବିପ୍ର ଗମନ୍ତେ ନିଜସ୍ଥାନେଭାଳଇ କୃଷ୍ଣଗୁଣ ମନେ

Couplet 62

କିଛି ନ ଦେଲେ ନାରାୟଣଲାଜେ ନ ମାଗିଲା ବ୍ରାହ୍ମଣ

Couplet 63

ପଥେ ଗମଇ ଧୀରପାଦେକୃଷ୍ଣ ଦରଶନ ଆନନ୍ଦେ

Couplet 64

ଲଜ୍ଜା ଜଡିତ ଅଧୋମୁଖେପଥେ ବିଚାରେ ମନଦୁଃଖେ

Couplet 65

ଏ ମୋ ଅର୍ଜିତ କର୍ମଗୁଣବିପ୍ରବତ୍ସଳ ନାରାୟଣ

Couplet 66

ଅତି ଦରିଦ୍ର ମୁଁ ପାମରସେ କୃଷ୍ଣ କରୁଣା ସାଗର

Couplet 67

କମଳା ସେବେ ଯାର ପାଦେସେ ହୃଦେ ପରମଆନନ୍ଦେ

Couplet 68

ଲଗାଇ ମୋତେ ତୋଷମନନିବିଡେ କଲେ ଆଲିଙ୍ଗନ

Couplet 69

ଅତି ଦରିଦ୍ର ପାପୀ ମୁହିଁକୋଟି ବ୍ରହ୍ମାଣ୍ତନାଥ କାହିଁ

Couplet 70

ବ୍ରାହ୍ମଣ ବୋଲି ଦୟାକଲେଶ୍ରୀଭୁଜେ ଆଲିଙ୍ଗନ ଦେଲେ

Couplet 71

ଲକ୍ଷ୍ମୀ-ପଲ୍ୟଙ୍କେ ମୋତେ ନେଇଭାଇର ପ୍ରାୟ ସ୍ଥାନ ଦେଇ

Couplet 72

ଚାମର ଧରି ନିଜ କରେଲକ୍ଷ୍ମୀ ବିଞ୍ଚିଲେ ମୋତେ ଧୀରେ

Couplet 73

ମିତ୍ର ସୁହୃଦ ବନ୍ଧୁବର୍ଗେମୋତେ ପୂଜିଲେ ଷଡଅର୍ଘେ

Couplet 74

ଯେ ହରି ସଂସାର ଦୁର୍ଲ୍ଲଭସେ ମୋତେ ହୋଇଲେ ସୁଲଭ

Couplet 75

ବିପ୍ର ଦେବତା ସେ ଯୁକତେଏଣୁ ପୂଜିଲେ କୃଷ୍ଣ ମୋତେ

Couplet 76

ଭୂମି ଗଗନ ରସାତଳସ୍ୱର୍ଗାପବର୍ଗ ବେନି ଫଳ

Couplet 77

ସର୍ବସମ୍ପଦର କାରଣଯାହାର ଅଭୟଚରଣ

Couplet 78

ସେ ମୋର ମିତ୍ର ନରହରିହୃଦରେ ଏମନ୍ତ ବିଚାରି

Couplet 79

ଦୁଃଖୀ ଦରିଦ୍ର ଏ ବ୍ରାହ୍ମଣଏହାକୁ ଯେବେ ଦେବା ଧନ

Couplet 80

ଧନ ପ୍ରାପତେ ମତ୍ତ ହୋଇମୋତେ ସ୍ମରିବ ଆର କାହିଁ

Couplet 81

ତାହାର ମୋତେ ବଡ ଦୟାମୁଁ ପାପୀ ନ ଜାଣଇ ଏହା

Couplet 82

ଧନ ସମ୍ପଦ ଯେତେ ଜନମତ୍ତଗରବ ଅନୁକ୍ଷଣ

Couplet 83

ଧନ ସମ୍ପଦେ ବଢେ ଆଶସେ କାହିଁ କୃଷ୍ଣରେ ବିଶ୍ୱାସ

Couplet 84

ଏଣୁ ନ ଦେଲେ ମୋତେ ଧନଧନ୍ୟ ସେ ମୋହର ଜୀବନ

Couplet 85

ମନରେ ଏମନ୍ତ ବିଚାରିବିପ୍ର ମିଳିଲା ନିଜପୁରୀ

Couplet 86

ଦେଖଇ ଆପଣା ମନ୍ଦିରକି ଅବା ଦେବା ପଟାନ୍ତର

Couplet 87

ରବି ଅନଳ ଚନ୍ଦ୍ରକାନ୍ତିବୈଦୁର୍ଯ୍ୟମାନ ଝଟକନ୍ତି

Couplet 88

ନାନା ବିଚିତ୍ର ଉପବନହଂସ ମୟୁର ପିକ ସ୍ୱନ

Couplet 89

ବିବିଧ ଜଳାଶୟ ରାଶିପୁଷ୍ପସୁଗନ୍ଧ ବାୟୁ ମିଶି

Couplet 90

କହ୍ଲାର ଉତ୍ପଳ କୁମୁଦପବନ କରଇ ଆମୋଦ

Couplet 91

ନାରୀ ପୁରୁଷ ନାନାରଙ୍ଗେବିବିଧ ଅଳଙ୍କାର ଅଙ୍ଗେ

Couplet 92

ଏମନ୍ତ ଦେଖି ବିପ୍ରବରହୃଦରେ କରଇ ବିଚାର

Couplet 93

ଏ କି କାହାର ଦିବ୍ୟପୁରଅବନୀ ମଧ୍ୟେ ଅଗୋଚର

Couplet 94

ମୋର କୁଟୁମ୍ବ ଏହି ସ୍ଥାନେଛାଡି ଗଲି ଯେ ବିଦ୍ୟମାନେ

Couplet 95

ଦରିଦ୍ରପତ୍ନୀ ଗଲା କାହିଁକି ଅବା ପଥ ହୁଡିଲଇଁ

Couplet 96

ଭ୍ରମେ ମିଳିଲି ଅନ୍ୟ ସ୍ଥାନେଏମନ୍ତ ବିଚାରଇ ମନେ

Couplet 97

ଭୟେ ବୁଜଇ ଚକ୍ଷୁ ବେନିପୁଣି ଭାଳଇ ମନେ ଗୁଣି

Couplet 98

ଚିହ୍ନିଲା ଲୋକ ନାହିଁ ଜଣେପୁଛିବି କେବଣ କାରଣେ

Couplet 99

ମୁହିଁ ଯେ ଗଲି ସାତଦିନକେ କଲା ଏମନ୍ତ ଭୁବନ

Couplet 100

ମୋର ବ୍ରାହ୍ମଣୀ କେଣେ ଗଲାଏଡେ ଅନୀତି କେହୁ କଲା

Couplet 101

ଏତେ ବିଚାରି ଦ୍ୱିଜବରସ୍ଥକିତେ ଚାହଁଇ ନବର

Couplet 102

ଏମନ୍ତେ ଶୁଣି ନୃପବରବ୍ରାହ୍ମଣୀ ନବରୁ ବାହାର

Couplet 103

ଅମରପ୍ରଭା ନରନାରୀବିବିଧ ପାତ୍ର କରେ ଧରି

Couplet 104

ସୁସ୍ୱର ଦିବ୍ୟଗୀତ ନାଦଅଦ୍ଭୂତ ଅଖିଳ ସମ୍ପଦ

Couplet 105

ଆଗେ ଶତେକ ପରିବାରୀକରେ ଚାମର ଛନ୍ତି ଧରି

Couplet 106

ମଙ୍ଗଳଗୀତ ନାଦ ବାଣୀମଧ୍ୟେ ବିଜୟ ତା ଘରଣୀ

Couplet 107

ରୂପେ କି ଦେବା ପଟାନ୍ତରଅପୂର୍ବ ବେଶ ମନୋହର

Couplet 108

କରନ୍ତି ଜୟ ଜୟ ଧ୍ୱନିଏମନ୍ତେ ବିପ୍ରର କାମିନୀ

Couplet 109

ପତି ଆଗମନେ ଆନନ୍ଦସଙ୍ଗେ ସୁନ୍ଦରୀ ସଖୀବୃନ୍ଦ

Couplet 110

ଭୁବନୁ ହୋଇଲା ବାହାରରୂପେ ମୋହଇ ସୁର ନର

Couplet 111

କମଳା ଯେହ୍ନେ ହରିପୁରେବ୍ରାହ୍ମଣୀ ଶୋହେ ସେ ପ୍ରକାରେ

Couplet 112

ବିପ୍ରକାମିନୀ ପତିବ୍ରତାଜଗତେ ଯାର ପୁଣ୍ୟକଥା

Couplet 113

ନୟନେ ଅଶ୍ରୁଜଳ ପୂରିସ୍ୱାମୀଚରଣ କରେ ଧରି

Couplet 114

ଭାବେ ନମଇ ପୁଣ ପୁଣମନରେ କଲା ଆଲିଙ୍ଗନ

Couplet 115

ଅନେକମତେ ପୂଜାକରିମନେ ଚିନ୍ତଇ ନରହରି

Couplet 116

ବ୍ରାହ୍ମଣ ନିଜ ନାରୀ ଚାହିଁଚକିତମନେ ବିଚାରଇ

Couplet 117

ସୁନ୍ଦର ନିବିଡ ସୁଶ୍ରୋଣୀକିଏ ଗଗନ ବିଳାସିନୀ

Couplet 118

ରମ୍ଭା ମେନକା ଅପସରୀସେମାନେ ନୁହନ୍ତି ନା ସରି

Couplet 119

ଅଦ୍ଭୂତ ରୂପକାନ୍ତି ସାଜେସୁନ୍ଦରୀ ଦାସିଗଣ ମାଝେ

Couplet 120

ଏମନ୍ତେ ସ୍ୱାମୀକର ଧରିଗୃହେ ପଶିଲା ବିପ୍ରନାରୀ

Couplet 121

ସ୍ତମ୍ଭେ ଦିଶନ୍ତି ରତ୍ନରାଶିଇନ୍ଦ୍ରଭୂବନ ପ୍ରାୟ ଦିଶି

Couplet 122

ଗୋକ୍ଷୀର ଫେନ ପ୍ରାୟ କାନ୍ତିଶଯ୍ୟା ପଲଙ୍କେ ବିରାଜନ୍ତି

Couplet 123

ରତ୍ନପଲଙ୍କେ ହେମଦଣ୍ତେନିର୍ମିତ ହସ୍ତୀତନ୍ତ ମଣ୍ତେ

Couplet 124

ଶ୍ୱେତଚାମର ରତ୍ନପନ୍ତିମୁକୁତାମାଳ ବିରାଜନ୍ତି

Couplet 125

ନାନା ଆସନ ରତ୍ନମୟମୁକୁତାମାଳ ବିରାଜନ୍ତି

Couplet 126

ବିବିଧ ଚନ୍ଦ୍ରାତାପ ଲମ୍ବେଯାହା ଭିଆଣ ଦେବରାୟ

Couplet 127

ସ୍ପଟିକ କାନ୍ଥେ ଦୀପପନ୍ତିନିର୍ମଳ ରତ୍ନ ବିରାଜନ୍ତି

Couplet 128

ପାନ -ଭୋଜନ ଅପ୍ରମିତବ୍ରାହ୍ମଣ ଦେଖିଲା ଅଦ୍ଭୂତ

Couplet 129

ନୃତ୍ୟ ଗାୟନ ନାନାସ୍ଥାନେବିପ୍ରଭୋଜନ ଆଚମନେ

Couplet 130

ଦେବତା ପୂଜା ମହୋତ୍ସବପୁର ମଣ୍ତିତ ସର୍ବଠାବ

Couplet 131

ସର୍ବସମ୍ପଦ ଏକଠୁଳେଦେଖଇ ନୟନ ନିଶ୍ଚଳେ

Couplet 132

ମନେ ଚିନ୍ତଇ ଯୋଗବଳେଏ କର୍ମ ନାହିଁ ରବିତଳେ

Couplet 133

ଏମନ୍ତ ସମ୍ପଦ ମୋହରନିଶ୍ଚୟ ଦେଲେ ଦାମୋଦର

Couplet 134

କୃଷ୍ଣର ପୁରେ ମୁଁ ଯେ ଥିଲିଏଡେ ସମ୍ପଦ ନ ଦେଖିଲି

Couplet 135

ପରମାନନ୍ଦର ମହିମାନିଗମ ନ ଜାଣଇ ସୀମା

Couplet 136

ମାଗିଲେ ନିଷ୍ଠୁର ଭଜଇଭକତେ ଆଚମ୍ବିତ ଦେଇ

Couplet 137

କାଳ ନିୟମ ଯାର ନାହିଁଗଗନ-ଘନ ପ୍ରାୟ ଦେଇ

Couplet 138

ମୋହର ମିତ୍ର ଯଦୁପତିବେଦ ନ ଜାଣେ ଯାର ଗତି

Couplet 139

ଅଭାବେ ଦେଲେ କୃଷ୍ଣ ଚିତ୍ତକିଞ୍ଚିତେ ମଣଇ ବହୁତ

Couplet 140

ଅଳପ ଦେଲେ ଭାବ ଘେନିବହୁତ ଘେନେ ଅନ୍ତର୍ଯ୍ୟାମୀ

Couplet 141

ପୃଥୁକମୁଷ୍ଟି ଦେଲି ମୁହିଁଭାବେ ଘେନିଲେ ଭାବଗ୍ରାହୀ

Couplet 142

ମୁଷ୍ଟିଏ ଖାଇ ତୋଷଚିତ୍ତଲକ୍ଷ୍ମୀ ଧଇଲେ ବେଗେ ହସ୍ତ

Couplet 143

ତେଣୁ ଏ ସମ୍ପଦ ମୋହରଏତେ ବିଚାରି ବିପ୍ରବର

Couplet 144

ବୋଲଇ ହୋଇ କୃତକୃତ୍ୟକପାଳେ ଦେଇ ବେନି ହସ୍ତ

Couplet 145

କୃଷ୍ଣଚରଣେ ମୋର ଚିତ୍ତନିଶ୍ଚଳେ ରହୁ ଅବିରତ

Couplet 146

ମିତ୍ର ସୁହୃଦ ଦାସପଣେଖଟିବି ଅଭୟ ଚରଣେ

Couplet 147

ଅଶେଷ ଯୋନି ମଧ୍ୟେ ଜାତହୋଇ ଖଟିବି ଅବିରତ

Couplet 148

ତାର ଭକତିପଥ ଦ୍ୱାରବ୍ରହ୍ମାଶଙ୍କରେ ଅଗୋଚର

Couplet 149

ମୋର ଭକତିଭାବ ଘେନିଏ ଧନ ଦେଲେ ଚକ୍ରପାଣି

Couplet 150

ଏମନ୍ତ ଭାଳି ବିପ୍ର ଚିତ୍ତେସମ୍ପଦେ ରହିଲା ନିଶ୍ଚିନ୍ତେ

Couplet 151

ଭ୍ରମର ପ୍ରାୟ ଭୋଗ କରିଅନ୍ତେ ପାଇଳା ନରହରି

Couplet 152

ଶୁଣ ପରୀକ୍ଷ ଦଣ୍ତଧରବିପ୍ର ଭକତ ଦାମୋଦର

Couplet 153

ଏହା ଯେ କରନ୍ତି ଶ୍ରବଣଖଣ୍ତନ୍ତି କର୍ମର ବନ୍ଧନ

Couplet 154

ସେ ହରି ଚରଣକମଳେମୋ ମନ ରହୁ ସୁନିଶ୍ଚଳେ

Couplet 155

କୃଷ୍ଣଚରଣେ କରି ଆଶକହଇ ଜଗନ୍ନାଥ ଦାସ