Adhyaya 86

Couplet 1

ଶୁକ ଚରଣେ ଦେଇ ଶିରବୋଲେ ପରୀକ୍ଷ ନୃପବର

Couplet 2

ଭୋ ମୁନି ଅନନ୍ତ ଚରିତଶୁଣି ହୋଇଲି କୃତକୃତ୍ୟ

Couplet 3

ମହାତ୍ମା ଅନନ୍ତର ବାଣୀଆତ୍ମା ପବିତ୍ର କଲି ଶୁଣି

Couplet 4

ଅପରେ କର୍ମ କଲେ ଯେତେଅନନ୍ତ ବଳ ଅପ୍ରମିତେ

Couplet 5

ମାୟାମନୁଷ୍ୟ ରୂପ ଧରିଦେବେ ଅଦ୍ଭୂତ କର୍ମ କରି

Couplet 6

ଅଧର୍ମ ନାଶି ଧର୍ମରକ୍ଷାପୁରାଇ ସାଧୁ ମନବାଞ୍ଛା

Couplet 7

ହରିଲେ ଧରଣୀର ଭାରବ୍ରହ୍ମାଶଙ୍କରେ ଅଗୋଚର

Couplet 8

ଆବର କର୍ମ କଲେ ଯେତେଭୋ ମୁନି କହ ମୋ ଅଗ୍ରତେ

Couplet 9

କୃଷ୍ଣଚରିତ ଅବିରତଶୁଣି କେ ନୋହେ ତୋଷଚିତ୍ତ

Couplet 10

କାମ୍ୟ ସଙ୍କଳ୍ପେ ମୂଢକନବିଷ୍ଣୁମାୟାରେ ହୋଇ ଛନ୍ନ

Couplet 11

ଯନ୍ତ୍ରିତ ହୋଇ ମାୟାପାଶଦୁର୍ଲ୍ଲଭଜନ୍ମ କରେ ନାଶ

Couplet 12

କୃଷ୍ଣର ଗୁଣ ଶୁଦ୍ଧମନେନିରତେ ଗୁଣେ ଯେ ବଚନେ

Couplet 13

ତାହାକୁ ବୋଲି ବାକ୍ୟସାରଅନ୍ୟ ପ୍ରଳାପ ଅନ୍ଧକାର

Couplet 14

ଯେ ହସ୍ତ କରେ ବିଷ୍ଣୁକର୍ମତାହାକୁ ବୋଲି ହସ୍ତଧର୍ମ

Couplet 15

ସ୍ଥାବର ଜଙ୍ଗମରେ ହରିଅନ୍ତର ବାହ୍ୟେ ଛନ୍ତି ପୂରି

Couplet 16

ଏ ଭାବେ କରଇ ଯେ ଧ୍ୟାନତାହାକୁ ବୋଲି ଶୁଦ୍ଧମନ

Couplet 17

କୃଷ୍ଣର ଗୁଣ କର୍ମ ବାଣୀଯେ କର୍ଣ୍ଣେ ନିରନ୍ତରେ ଶୁଣି

Couplet 18

ତାହାକୁ କର୍ଣ୍ଣବୋଲି ଲେଖିଅନ୍ୟଥା ଭୂମିବିଳ ଲକ୍ଷ୍ୟ

Couplet 19

ସ୍ଥାବର ଆଦି ଯେତେ ଦେହୀଏହାଙ୍କ ମଧ୍ୟେ ବିଷ୍ଣୁ ଥାଇ

Couplet 20

ଯେ ଜାଣି କରେ ନମସ୍କାରନିଶ୍ଚେ ତାହାକୁ ବୋଲି ଶିର

Couplet 21

କୃଷ୍ଣର ରୂପ ଯେ ଲୋଚନନିରତେ କରେ ଦରଶନ

Couplet 22

ତାହାକୁ ବୋଲି ଚକ୍ଷୁ ଏକାଅନ୍ୟ ସେ ମୟୂରଚନ୍ଦ୍ରିକା

Couplet 23

ବିଷ୍ଣୁ ସେବକ ଯେତେ ଲୋକତାହାଙ୍କ ଚରଣଉଦକ

Couplet 24

ଯାହାଙ୍କ ଶରୀରେ ଲାଗଇସେ ପ୍ରାଣୀ ଧନ୍ୟ ଦେହ ବହି

Couplet 25

ଏମନ୍ତ ଶୁଣି ରାଜା ମୁଖେଶୁକ ଲୋଚନ ବୁଜି ସୁଖେ

Couplet 26

କୃଷ୍ଣଚରଣେ ମନ ଦେଇକହନ୍ତି ରାଜାମୁଖ ଚାହିଁ

Couplet 27

ଶୁଣ ହୋ ଅଭିମନ୍ୟୁବଳାପୂର୍ବେ ଦରିଦ୍ର ବିପ୍ରେ ଥିଲା

Couplet 28

ବିଦ୍ୟାପଠନେ ଗୁରୁଘରେଗୋବିନ୍ଦ ଅବନ୍ତୀନଗରେ

Couplet 29

ତାହାର ସଙ୍ଗେ ହେଲେ ମିତ୍ରଏ କଥା ଇହଲୋକେ ଚିତ୍ର

Couplet 30

ସେ ବିପ୍ର ବେଦବିଦ୍ୟା ମଧ୍ୟେଉତ୍ତମ ଇନ୍ଦ୍ରିଗଣ ସାଧ୍ୟେ

Couplet 31

ଗୃହସ୍ଥ ଆଶ୍ରମେ ବସଇସ୍ୱଧର୍ମେ ଯେତେ ଧନପାଇ

Couplet 32

ସେ ଧନେ ପୋଷଇ ଜୀବନନିରତେ କୃଷ୍ଣପାଦେ ମନ

Couplet 33

କୁତ୍ସିତବସ୍ତ୍ର ପରିଧାନକ୍ଷୁଧାରେ ଶରୀର ତା କ୍ଷୀଣ

Couplet 34

ତାର କାମିନୀ ପତିବ୍ରତାନିରତେ ସ୍ୱାମୀ ପାଦେ ଚିନ୍ତା

Couplet 35

ଏମନ୍ତେ ମହାଦୁଃଖ ସହିବୋଲେ ସ୍ୱାମୀର ମୁଖ ଚାହିଁ

Couplet 36

ଭୋ ନାଥ ସଂସାରର ସାରଦୁର୍ଲ୍ଲଭ ମନୁଷ୍ୟଶରୀର

Couplet 37

ପୂର୍ବେ ସଞ୍ଚିଲା ପୁଣ୍ୟ ନାହିଁଦରିଦ୍ରପଣେ ଦେହ ବହି

Couplet 38

ଆହାରେ ହୋଇଲୁଁ ନିରାଶଧିକ ଆମ୍ଭର ଗୃହବାସ

Couplet 39

ପୂର୍ବେ ନ ଦେଲୁ ବିପ୍ରହସ୍ତେଏବେ ପାଇବୁ କେଉଁମତେ

Couplet 40

ହୋଇଲୁଁ ଦରିଦ୍ର ଜୀବନଭୋ ନାଥ ଶୁଣ ମୋ ବଚନ

Couplet 41

ତୁମ୍ଭେ ଯେ ବୋଲୁଥାଅ ନିତ୍ୟେମୁଁ ମିତ୍ର କୃଷ୍ଣର ସଙ୍ଗତେ

Couplet 42

ସେ ହରି ବ୍ରାହ୍ମଣବତ୍ସଳକରୁଣାସିନ୍ଧୁ ଆଦିମୂଳ

Couplet 43

ଅନାଥଜନ ନିସ୍ତାରଣଶରଣ ପରମ କାରଣ

Couplet 44

ସାଧୁଜନଙ୍କର ସେ ଗତିନିଶ୍ଚିନ୍ତେ ଛନ୍ତି ଦ୍ୱାରାବତୀ

Couplet 45

ତାଙ୍କ ନିକଟେ ତୁମ୍ଭେ ଯାଅଆମ୍ଭ ଦରିଦ୍ରପଣ କହ

Couplet 46

ମିତ୍ରକାମିନୀ ଦୁଃଖ ଶୁଣିଦୟାସାଗର ଚକ୍ରପାଣି

Couplet 47

ଅନେକ ଧନ ତୁମ୍ଭ ହସ୍ତେଦେବେ ସେ ମିତ୍ରଭାବ ଅର୍ଥେ

Couplet 48

ତାହାଙ୍କ ପଦ୍ମପାଦେ ଚିତ୍ତଯେ ପ୍ରାଣୀ ଚିନ୍ତେ ଅବିରତ

Couplet 49

ତାହାଙ୍କୁ ଆତ୍ମାପଦ ଦ୍ୟନ୍ତିଏ ତଥ୍ୟ ବେଦେ କହିଛନ୍ତି

Couplet 50

ଯେ ଅବା ଭୋଗଅର୍ଥେ ସେବେଧର୍ମାଦି ଚତୁବର୍ଗ ଲଭେ

Couplet 51

ଏମନ୍ତ ମହିମା ତାଙ୍କରଭୋ ନାଥ ବିଳମ୍ବ ନ କର

Couplet 52

ଏମନ୍ତ ଶୁଣି ତା ବଚନବ୍ରାହ୍ମଣ ବିଚାରିଇ ମନ

Couplet 53

ଏ ତ ପରମ ଭାଗ୍ୟ ମୋରଦେଖିବି ଶରଣସୋଦର

Couplet 54

ବଡ ପରମଲାଭ ମୋରଜନ୍ମ ମରଣ ଯିବ ଦୂର

Couplet 55

ବ୍ରାହ୍ମଣବତ୍ସଳ ଅନନ୍ତସ୍ୱଭାବେ ମୁହିଁ ତାଙ୍କ ମିତ୍ର

Couplet 56

ପ୍ରାଣୀର ଭାବ ସେ ଜାଣନ୍ତିଯେଣୁ ସକଳ ହୃଦେ ଥାନ୍ତି

Couplet 57

କମଳା ସେବେ ଯା ଚରଣମୁଁ ତାରେ ପଶିବି ଶରଣ

Couplet 58

ପତ୍ନୀବଚନେ ମୋ ଗମନଗୋବିନ୍ଦ ଦେବେ ମୋତେ ଧନ

Couplet 59

ମିତ୍ର ଅଇରି ନାହିଁ ଯାରଭାବକୁ ବଶ ଆତ୍ମା ତାର

Couplet 60

ଏମନ୍ତ କରି ଅନୁମାନପତ୍ନୀକି ବୋଲଇ ବଚନ

Couplet 61

ମିତ୍ରଭୂବନ ଯିବି ମୁହିଁଭେଟିବି କିବା ଦ୍ରବ୍ୟ ଦେଇ

Couplet 62

ବନ୍ଧୁସୁହୃଦ ଗୃହଗତେଯେ ପ୍ରାଣୀ ଗମେ ଶୂନ୍ୟହସ୍ତେ

Couplet 63

ଭାବ ନ ରହେ ବେନି ମଧ୍ୟେନିନ୍ଦିତ ଶାସ୍ତ୍ର ଅନୁବାଦେ

Couplet 64

ଯେ ଅବା ଅଛି ମୋର ଘରେଆଣ କଲ୍ୟାଣି ଉପହାରେ

Couplet 65

ଯିବଇଁ ମିତ୍ର ଦରଶନେଏମନ୍ତେ ସ୍ୱାମୀର ବଚନେ

Couplet 66

ବିପ୍ରଘରଣୀ ଭିକ୍ଷାକରିପୃଥୁତଣ୍ତୁଳ ମୁଷ୍ଟି ଚାରି

Couplet 67

ଚିରାବସନେ ବାନ୍ଧି ଧୀରେତକ୍ଷଣେ ଦେଲା ସ୍ୱାମୀ କରେ

Couplet 68

ପୃଥୁକ ଘେନି ଉପାୟେନଚଳିଲା ଦ୍ୱାରକାଭୁବନ

Couplet 69

ବିପ୍ର ଚିନ୍ତଇ ପଥେ ଯାନ୍ତେକୃଷ୍ଣଙ୍କୁ ଭେଟିବି କେମନ୍ତେ

Couplet 70

ଦାରିଦ୍ର୍ୟ ଦୁଃଖ ଏ ମୋହରଯେ ହରି ବ୍ରହ୍ମାଣ୍ତଠାକୁର

Couplet 71

ଜାଣନ୍ତି ସକଳ ବେଦନାପ୍ରାଣୀଙ୍କ ହୃଦୟଭାବନା

Couplet 72

ସେ ପ୍ରଭୁ ସଂସାରଈଶ୍ୱରମୁହିଁ ଦରିଦ୍ର ଦୁରାଚାର

Couplet 73

ଯାଦବ ଭୋଜ ବୃଷ୍ଟି କରିବସି ଯେ ଥିବେ ଦେବହରି

Couplet 74

କେମନ୍ତେ ଦେବଇଁ ମୁଁ ଏହାକିସ ବୋଲିବେ ଚଉବାହା

Couplet 75

ସଭାରେ ଯେତେ ଲୋକ ଥିବେଦେଖିଣ କି ଅବା ବୋଲିବେ

Couplet 76

ଏମନ୍ତ ବିଚାରଇ ମନେପଥେ ଗମଇ ସାବଧାନେ

Couplet 77

କଣ୍ଟକ ତୃଣ ଲତା ଗୁଳ୍ମପାଷାଣ ପର୍ବତ ଦୁର୍ଗମ

Couplet 78

ଏମନ୍ତେ ଯାଇ କେତେ ଦୂରେପ୍ରବେଶ ହେଲା ବନଘୋର

Couplet 79

ଘୋର ଗହନ ବନ ଜିଣିଗମଇ ଦିବସ ରଜନୀ

Couplet 80

ଅନେକ ପାଇ ପଥଶ୍ରମମିଳିଲା ଦ୍ୱାରକାଭୁବନ

Couplet 81

ବୃଷ୍ଟି ଅନ୍ଧକ ଯଦୁପୁରକି ଅବା ଦେବା ପଟାନ୍ତର

Couplet 82

ଯହିଁ ଗୋବିନ୍ଦ ଗୃହାଶ୍ରମୀଷୋଳସହସ୍ର ନାରୀ ରମି

Couplet 83

ସେ ପୁରେ ବିପ୍ର ପରବେଶେଜୀବ ଯେସନେ ବ୍ରହ୍ମେ ମିଶେ

Couplet 84

ମିଳିଲା ରୁକ୍ମିଣୀ ମନ୍ଦିରଯହିଁ ବିଜୟ ଚକ୍ରଧର

Couplet 85

ବିପ୍ର ମିଳିଲା ସେ ଭୁବନେଭକତ ବନ୍ଧୁ ଦରଶନେ

Couplet 86

ଗୋବିନ୍ଦ ବିପ୍ର ମୁଖ ଦେଖିଉଠିଲେ ଆସନ ଉପେକ୍ଷି

Couplet 87

ପ୍ରିୟାର ସଙ୍ଗ ଛାଡ଼ି ହରିବିପ୍ରକୁ ଆଲିଙ୍ଗନ କରି

Couplet 88

ଭକତବନ୍ଧୁ ଦାମୋଦରହୃଦେ ଲଗାଇ ବିପ୍ରବର

Couplet 89

ଆନନ୍ଦେ ପୁଣ ପୁଣ କୋଳନୟନୁ ବହେ ଅଶ୍ରୁଜଳ

Couplet 90

ପଲ୍ୟଙ୍କେ ମିତ୍ରକୁ ବସାଇଚରଣ ଶୁଦ୍ଧଜଳେ ଧୋଇ

Couplet 91

ଶେଷ ଉଦକ ଶିରେ ଲଇଁନମିଲେ ବ୍ରହ୍ମାଣ୍ତ ଗୋସାଇଁ

Couplet 92

ଯା ପାଦଜଳ ଗଙ୍ଗାନଦୀପବିତ୍ର ଜଗତେ ପ୍ରସିଦ୍ଧି

Couplet 93

ଯା ନାମ ସର୍ବପାପ ହରେସେ ବିପ୍ରପାଦ ବହେ ଶିରେ

Couplet 94

ଶ୍ରୀକରେ ଘେନି ଚତୁଃସମସୌରଭ ଗନ୍ଧେ ମନୋରମ

Couplet 95

ଆନନ୍ଦେ ବିପ୍ରଅଙ୍ଗେ ବୋଳିଭକତବନ୍ଧୁ ବନମାଳୀ

Couplet 96

ଅଗୁରୁ ଧୂପ ଥୋଇ ପାଶେପାଦ ପୋଛନ୍ତି ପୀତବାସେ

Couplet 97

କର୍ପୂର ବାସେ ଦୀପପନ୍ତିଆନନ୍ଦେ ଜାଳି ଯଦୁପତି

Couplet 98

ଚରଣ ପୂଜି ଷଡ଼ଅର୍ଘ୍ୟେତାମ୍ବୁଳ ଦେଲେ ଅନୁରାଗେ

Couplet 99

କୁତ୍ସିତ ବସ୍ତ୍ର ଦ୍ୱିଜବରଦୁଃଖେ ମଳିନ କଳେବର

Couplet 100

କୁତ୍ସିତ ବସ୍ତ୍ର ଦ୍ୱିଜବରଦୁଃଖେ ମଳିନ କଳେବର

Couplet 101

କ୍ଷୁଧା ଅନଳେ କମ୍ପେ କାୟେଶିରା ଦିଶଇ ସର୍ବଦେହେ

Couplet 102

ଦିବ୍ୟଚାମର କରେ ଘେନିବିଞ୍ଚନ୍ତି ଭୀଷ୍ମକନନ୍ଦିନୀ

Couplet 103

କୃଷ୍ଣର ଅନ୍ତଃପୁର ନାରୀବିପ୍ରଙ୍କୁ ଦେଖନ୍ତି ଉଭାରି

Couplet 104

କୃଷ୍ଣର ସେବା ଅନୁମାନେଦେଖନ୍ତି ବିସ୍ମିତ ବଦନେ

Couplet 105

ଏକ ଆରେକ ମୁଖ ଚାହିଁବୋଲନ୍ତି ଗାଲେ ହସ୍ତ ଦେଇ

Couplet 106

ଦେଖ ଏହାର ତପଫଳଯାର ସେବକ ନନ୍ଦବାଳ

Couplet 107

ଏମନ୍ତ ନାହିଁ ନା ଦେଖିଲାପୂର୍ବେ ଏ କେତେ ପୁଣ୍ୟ କଲା

Couplet 108

ରୂପ ଦିଶଇ ବିପରୀତକେଶ ଖାଙ୍କର ଅବଧୂତ

Couplet 109

ଦେଖ ଏ ଅଧମ ନିର୍ଦ୍ଧନଇହ ସଂସାରେ କ୍ରିୟାହୀନ

Couplet 110

ଏହାର ଦେହେ ନନ୍ଦବଳାଶ୍ରୀଭୁଜେ ଆଲିଙ୍ଗନ କଲା

Couplet 111

ଲକ୍ଷ୍ମୀର ସଙ୍ଗ ସ୍ନେହ ତେଜିଆନନ୍ଦେ ବେନିଚକ୍ଷୁ ବୁଜି

Couplet 112

ଆନନ୍ଦେ ତୋଳି ବେନି ଭୁଜେଯେସନେ ବଳଭଦ୍ରେ ଭଜେ

Couplet 113

ଏମନ୍ତ ବୋଲୁଁ ପୁରଜନେଗୋବିନ୍ଦ ଗଭୀର ବଚନେ

Couplet 114

ଗୁରୁଭୁବନେ ବାଲ୍ୟକାଳେଥିଲେ ଯେ ବିଦ୍ୟାସଙ୍ଗ ମେଳେ

Couplet 115

ସେ କଥା ଗୋବିନ୍ଦ ସୁମରିକହନ୍ତି ମିତ୍ର ହସ୍ତ ଧରି

Couplet 116

ଲଳିତ ଗଦି ଦାମୋଦରବୋଲନ୍ତି ଶୁଣ ବିପ୍ରବର

Couplet 117

କାଷ୍ଠ ଆଣିବା ଦିନ ଯେତେଦୁଃଖ ପାଇଣ ଅଛୁଁ ମିତେ

Couplet 118

ସେ କଥା ଅଛିଟିକି ମନହସି ବୋଲନ୍ତି ଭଗବାନ

Couplet 119

ଗୁରୁଦକ୍ଷିଣା ଆମ୍ଭେ ଦେଇପୁରେ ଅଇଲୁ ବେନିଭାଇ

Couplet 120

ତୁମ୍ଭେ ଯେ ବିଦ୍ୟା ସମାପତେନିଜଭୁବନେ ଉପଗତେ

Couplet 121

ଉତ୍ତମକୁଳେ କନ୍ୟା ବରିବିଭା ହୋଇଲ ନିକି ନାରୀ

Couplet 122

ତାହା ମୁଁ ନ ମଣଇ ସତଦେଖି ତୁମ୍ଭର ଦୁଃଖ ଚିତ୍ତ

Couplet 123

ଗୃହକରେଣ କାମଭୋଗେତୁମ୍ଭର ମନ ବଇରାଗେ

Couplet 124

ନିରେଖ ପ୍ରାୟ ମୁଁ ମଣଇଁବୋଲନ୍ତି ପ୍ରଭୁ ଭାବଗ୍ରାହୀ

Couplet 125

ଥୋକାଏ ଲୋକ ଏ ସଂସାରେକର୍ମ ସାଧନ୍ତି ନିଜଘରେ

Couplet 126

କର୍ମେ ନୁହନ୍ତି ହତଚେତାସଂସାର ଗୃହେ ମୁହିଁ ଯଥା

Couplet 127

ଭୋ ମିତ୍ର ଗୁରୁଗୃହେ ଥାଇବିଦ୍ୟା ପଢିଲୁଁ ବେନିଭାଇ

Couplet 128

ତୁମ୍ଭର ସଙ୍ଗେ ଶିଶୁମେଳେଯେ ଅବା କଲୁଁ ବାଳକାଳେ

Couplet 129

ଗୁରୁ କହନ୍ତି ଜ୍ଞାନସାରଯେଣେ ନ ଲାଗେ ଏ ସଂସାର

Couplet 130

ଯେ ଗୁରୁ ପୁଣ୍ୟକର୍ମଫଳେଜନ୍ମ ଲଭିଲୁଁ ମହୀତଳେ

Couplet 131

ସେ ଆଦିଗୁରୁ ଜନ୍ମକର୍ତ୍ତାତହୁଁ ଅଧିକ ବିଦ୍ୟାଦାତା

Couplet 132

ତା ତହୁଁ ଶ୍ରେଷ୍ଠ ଜ୍ଞାନଗୁରୁମହିମା କେବା ଅନ୍ତ କରୁ

Couplet 133

ଆଶ୍ରମୀ ଜନ କାମଦାତାମୁଁ ଯେହ୍ନେ ଜ୍ଞାନଗୁରୁ କର୍ତ୍ତା

Couplet 134

ଯେ ପ୍ରାଣୀ ବର୍ଣ୍ଣାଶ୍ରମ ମଧ୍ୟେପଣ୍ତିତ ଶାସ୍ତ୍ର ଅନୁବାଦେ

Couplet 135

ମୋର ବଚନ ଉପଦେଶେସଂସାରୁ ତରନ୍ତି ବିଶ୍ୱାସେ

Couplet 136

ଯଜ୍ଞ ସମାଧି ତପ ଶାନ୍ତିଏ ମାର୍ଗେ ଯେ ମୋତେ ସେବନ୍ତି

Couplet 137

ତାହାଙ୍କୁ ଯେତେ ନାହିଁ ତୋଷଗୁରୁଭକତେ ମୋ ବିଶ୍ୱାସ

Couplet 138

ହେ ବିପ୍ର ଶୁଣ ମିତ୍ର ମୋରସ୍ମରଣ ଅଛିକି ତୁମ୍ଭର

Couplet 139

ଆ୍ରମ୍ଭେ ଯେ ଗୁରୁଗୃହେ ଥାଇଗୁରୁକାମିନୀ ଆଜ୍ଞା ପାଇ

Couplet 140

ଗୁରୁଙ୍କ ଅନ୍ନସିଦ୍ଧ ଅର୍ଥେଅରଣ୍ୟେ ପଶିଲୁ ସମସ୍ତେ

Couplet 141

ଶୁଖିଲା କାଷ୍ଠ ଆଣିବାରେମିଳିଲୁ ଘୋର ବନସ୍ତରେ

Couplet 142

ଏମନ୍ତେ ଅପଋତୁ କାଳେଗଗନେ ମିଳି ମେଘମାଳେ

Couplet 143

ଦିବସେ କଲେ ଅନ୍ଧକାରବାତ ବରଷା ମହାଘୋର

Couplet 144

ନିଷ୍ଠୁର ବଜ୍ରଘାତ ତ୍ରାସବନେ ନ ଦିଶେ ଦଶଦିଶ

Couplet 145

ତକ୍ଷଣେ ରବି ଅସ୍ତ ଗଲାଘୋର ତିମିର ପ୍ରକାଶିଲା

Couplet 146

ଶୁଖିଲା କାଷ୍ଠ ଘେନି କରେଆମ୍ଭେ ବୁଲିଲୁ ସ୍ଥାନ ଖୋଜି

Couplet 147

ଜଳେ ପୂରିଲା ବନଭୂଇଁସ୍ଥଳ ଗଭୀର ନ ଦିଶଇ

Couplet 148

ଜଳ ପବନ ଦେହେ ବାଜିଆମ୍ଭେ ବୁଲିଲୁ ବନଘୋରେ

Couplet 149

ଏକ ଆରକେ ହସ୍ତ ଧରିଦିଗ ନ ପାରୁ ସ୍ଥିର କରି

Couplet 150

କାତରେ ଉଠି ବୃକ୍ଷଡାଳେରାତ୍ରେ ବଞ୍ଚିଲୁ ସଙ୍ଗ ମେଳେ

Couplet 151

ଏମନ୍ତେ ରଜନୀ ପାହିଲାରବି କିରଣ ପ୍ରକାଶିଲା

Couplet 152

ଗୁରୁକାମିନୀ ଗୁରୁ ତୁଲେଆମ୍ଭଙ୍କୁ ଖୋଜି ପ୍ରାତଃକାଳେ

Couplet 153

ମିଳିଲେ ବନଭୂମି ଲାଗେସେ ପତିପତ୍ନୀ ଏକସଙ୍ଗେ

Couplet 154

ଡାକନ୍ତି ମୁଖେ ନାମ ଧରିଖୋଜନ୍ତି ଘୋରବନେ ହେରି

Couplet 155

ଶବଦ ଶୁଣି ଘୋର ବନେଆମ୍ଭେ ମିଳିଲୁ ତୋଷମନେ

Couplet 156

ଆତୁରେ ଶୁଖିଛି ବଦନଆମ୍ଭଙ୍କୁ ଦେଖି ତୋଷମନ

Couplet 157

ଆମ୍ଭର ଦୁଃଖ ମୁଖ ଚାହିଁଗୁରୁ ବୋଲନ୍ତି ତୋଷ ହୋଇ

Couplet 158

ହେ ଶିଷ୍ୟ ପୁତ୍ର ମୋର ଅର୍ଥେଅଇଲ ଗହନ ବନସ୍ତେ

Couplet 159

ଦୁର୍ଲ୍ଲଭ ପ୍ରାଣ ଏ ଜଗତେଏହା ନ ଗଣି ମୋର ଅର୍ଥେ

Couplet 160

ଦୁଃଖେ ଭ୍ରମିଲ ଘୋରବନେମୁଁ ଆଜ ହୋଇଲି ପ୍ରସନ୍ନ

Couplet 161

ଯେତେ ତୁମ୍ଭର ମନୋରଥମୋର କଲ୍ୟାଣେ ହେଉ ସାର୍ଥ

Couplet 162

ତୁମ୍ଭର ବିଦ୍ୟା ତିନିଲୋକେଅକ୍ଷୟ ହୋଇଥାଉ ସୁଖେ

Couplet 163

ଏମନ୍ତ କଲେ ସେ କଲ୍ୟାଣକୃଷ୍ଣ ବୋଲନ୍ତି ମିତ୍ର ଶୁଣ

Couplet 164

ଏମନ୍ତେ ନାନା କଉତୁକେବଞ୍ଚିଲୁ ଗୁରୁଗୃହେ ସୁଖେ

Couplet 165

ଗୁରୁପ୍ରସନ୍ନେ ବିଦ୍ୟା ଜାଣିବ୍ରାହ୍ମଣ ବୋଲେ ତାହା ଶୁଣି

Couplet 166

ତୁ ନାଥ ଦେବଙ୍କର ଗୁରୁବିପାକ ଫଳକୁ ବିଚାରୁ

Couplet 167

ଗୁରୁଭବନେ ତୋର ମେଳେମୁଁ ଯେ ବଞ୍ଚିଲି ବାଳକାଳେ

Couplet 168

ତୋ ସଙ୍ଗ ପାଇ ପୂର୍ଣ୍ଣକାମକାହୁଁ ଲାଗିବ ଭବଭ୍ରମ

Couplet 169

ଦେବଙ୍କ ସ୍ଥାନ ତୋ ଶରୀରତୁ ଆଦି ଧର୍ମ ନିରାକାର

Couplet 170

ସର୍ବସମ୍ଭବ ତୋ ଶରୀରେତୋ ସଙ୍ଗେ ଗୁରୁଙ୍କ ନବରେ

Couplet 171

ମୁଁ ଥିଲି ବୋଲିବ କେ ଜନଏ ବଡ଼ ଶାସ୍ତ୍ର ବିଡ଼ମ୍ବନ

Couplet 172

ପୂର୍ବ ବାସନା ପୁଣ୍ୟଫଳେଭେଟ ହୋଇଲା ଏହିଠାରେ

Couplet 173

କୃଷ୍ଣପ୍ରସନ୍ନେ ଭାଗବତକହଇ ବିପ୍ର ଜଗନ୍ନାଥ