Adhyaya 85

Couplet 1

ଶୁକ କହନ୍ତି ରାଜା ଆଗେରାକ୍ଷସ ମିଳି ଯଜ୍ଞଭାଗେ

Couplet 2

ଶଶୀପାର୍ବଣ ରାତ୍ରକାଳେପ୍ରଚଣ୍ତ ବାତ ସଙ୍ଗ ମେଳେ

Couplet 3

ଧୂଳି ପୁରିଲା ଦଶଦିଶେକୁତ୍ସିତ ଯୂପ ଗନ୍ଧବାସେ

Couplet 4

ବଲ୍ୱଳବୀର ମହାରୋଷେଆଚ୍ଛାଦି ଅମେଧ୍ୟ ବରଷେ

Couplet 5

ଯଜ୍ଞନାଶନେ ମହାବୀରମାୟା ପ୍ରକାଶେ ଅନ୍ଧକାର

Couplet 6

ଭୟେ ଚାହାନ୍ତି ବ୍ରହ୍ମମୁନିମିଳିଲା ହସ୍ତେ ଶୂଳ ଘେନି

Couplet 7

ଘୋର ପ୍ରଚଣ୍ତ ମହାକାୟେଓଷ୍ଠ କାମୋଡି କୋପେ ଚାହେଁ

Couplet 8

ତାର ବଦନ ଚାରିପାଶେଅନଳଖଣ୍ତ ପ୍ରାୟ ଦିଶେ

Couplet 9

ତପତତମ୍ବା ପ୍ରାୟ ଦାଢିବଦନୁ ଶୁଭେ ଘୋରରଡି

Couplet 10

ବିକଟଦନ୍ତ ତାର ମୁଖେଭ୍ରୁକୁଟି କୁଟିଳ ସୁରେଖେ

Couplet 11

ଦେଖି ତାହାର ଦୁଷ୍ଟମତିହଳ ସୁମରି ହଳପତି

Couplet 12

ହସ୍ତ ପାତିଲେ ଶୂନ୍ୟମାର୍ଗେହଳ ମିଳିଲା ଆସି ବେଗେ

Couplet 13

ଘୋରଦାନବ ନିବାରଣେମୁଷଳ ମିଳିଲା ତକ୍ଷଣେ

Couplet 14

ଗଗନେ ଦେଖି ତା ଶରୀରଲଙ୍ଗଳ ଅଗ୍ରେ ନୀଳାମ୍ବର

Couplet 15

ଆକର୍ଷି ଆଣି ଯଜ୍ଞଦାଣ୍ତେମୁଷଳ ପ୍ରହାରିଲେ ମୁଣ୍ତେ

Couplet 16

ତକ୍ଷଣେ ହୋଇ ଖଣ୍ତ ଖଣ୍ତତଳେ ପଡିଲା ମୃତପିଣ୍ତ

Couplet 17

ରୁଧିର ଗଳେ ତା ବଦନେପ୍ରାଣ ଛାଡିଲା ଘୋରସ୍ୱନେ

Couplet 18

ଶବଦ ଦଶଦିଗେ ପୁରିବାସବ ବଜ୍ରେ ଯେହ୍ନେ ଗିରି

Couplet 19

ଅବନୀ ହୋଇଲା ଉଶ୍ୱାସବ୍ରାହ୍ମଣେ ମିଳି ରାମ ପାଶ

Couplet 20

କଲ୍ୟାଣ କରନ୍ତି ଆନନ୍ଦେନିଗମ ବାକ୍ୟ ଅନୁବାଦେ

Couplet 21

ପୁଷ୍ପ ବରଷି ସ୍ତୁତି ଭଣିସୁନ୍ଦର ଦିଶଇ ଧରଣୀ

Couplet 22

ରାମେ ପୁଜିଲେ ମହାଜନେବୃତ୍ତ ବିନାଶେ ଇନ୍ଦ୍ରେଯେହ୍ନେ

Couplet 23

ନାନା କୁସୁମେ ପରିମଳହୃଦେ ଲମ୍ବାଇ ବନମାଳ

Couplet 24

ନୀଳଦୂକୁଳ ରତ୍ନମଣିପୂଜିଲେ ହରଷରେ ଘେନି

Couplet 25

ବ୍ରାହ୍ମଣେ ହୋଇ ଅନୁଜ୍ଞାତହରଷେ ରୋହିଣୀର ସୁତ

Couplet 26

ଚଳିଲେ ତୀର୍ଥର କାରଣେମିଳିଲେ କଉଶିକୀ ସ୍ଥାନେ

Couplet 27

ତକ୍ଷଣେ କଉଶିକୀ ଜଳେସ୍ନାନ ସାରିଲେ ବିପ୍ରମେଳେ

Couplet 28

ପିତୃତର୍ପଣ ସାରି ତୀରେମିଳିଲେ ମାନସରୋବରେ

Couplet 29

ସରଯୂ ଅନୁସ୍ରୋତେ ଚଳିବେଣୀ-ପ୍ରୟାଗେ ଯାଇ ମିଳି

Couplet 30

ଗଙ୍ଗା ଯମୁନାର ସଙ୍ଗମେପ୍ରୟାଗ ତୀର୍ଥେ ଶୁଦ୍ଧମନେ

Couplet 31

ରାମ ସାରିଲେ ନିତ୍ୟକର୍ମପିତୃଦେବଙ୍କୁ ଜଳଦାନ

Couplet 32

ପୁଲହାଶ୍ରମ ତହୁଁ ଗଲେଋଷି ବ୍ରାହ୍ମଣଙ୍କର ତୁଲେ

Couplet 33

ସୁଖେ ଗମନ ଯଦୁପତିମିଳିଲେ ଗଣ୍ତକୀ ଗୋମତୀ

Couplet 34

ବିପାଶା ଶୋଣନଦୀ ଜିଣିଗୟା ଗମିଲେ ହଳପାଣି

Couplet 35

ପିଣ୍ତେ ଉଦ୍ଧରି ପିତୃଗଣତହୁଁ ଚଳିଲେ ତୋଷମନ

Couplet 36

ତହୁଁ କେତେ ହେଁ ଦିନେ ହଳୀଗଙ୍ଗାସାଗରେ ଯାଇ ମିଳି

Couplet 37

ସ୍ନାନ ସାରିଣ କାମପାଳପ୍ରବେଶ ହେଲେ ନୀଳାଚଳ

Couplet 38

ସମୁଦ୍ରେ ସାରିଲେ ସ୍ନାହାନତହୁଁ ଚଳିଲେ ତୋଷମନ

Couplet 39

ମିଳିଲେ ମହେନ୍ଦ୍ର ଆଶ୍ରମେତହିଁ ଭେଟିଲେ ପର୍ଶୁରାମେ

Couplet 40

ତାହାଙ୍କୁ କରି ନମସ୍କାରଗମନ କଲେ ହଳଧର

Couplet 41

ସପତ ଗୋଦାବରୀ ବେଣୀପମ୍ପା ଯେ ଭୀମରଥୀ ଜିଣି

Couplet 42

କାର୍ତ୍ତିକେୟଙ୍କୁ ଦେଖିବାରେମିଳିଲେ ଯାଇ ଶ୍ରୀଶଇଳେ

Couplet 43

ରୁଦ୍ରଙ୍କୁ କରି ନମସ୍କାରଦ୍ରାବିଡେ ଗଲେ ହଳଧର

Couplet 44

ବେଙ୍କଟପ୍ରଭୁ ଦରଶନଆନନ୍ଦେ ରୋହିଣୀ ନନ୍ଦନ

Couplet 45

କରି ଚଳିଲେ ତପନିଷ୍ଠୀପୁଣି ମିଳିଲେ କାମକୋଟୀ

Couplet 46

କାଞ୍ଚିକାବେରୀ ତହୁଁଗଲେଯୋଗୀଜନଙ୍କ ସଙ୍ଗମେଳେ

Couplet 47

ଶ୍ରୀରଙ୍ଗତୀର୍ଥ ତହିଁ କରିନିତ୍ୟ ସଂସ୍ଥିତ ଯହିଁ ହରି

Couplet 48

ଋଷଭଗିରି ବିଷ୍ଣୁସ୍ଥାନତହୁଁ ଚଳିଲେ ମଧୁବନ

Couplet 49

ଦକ୍ଷିଣପଥେ ଅପ୍ରମାଦେତହୁଁ ଚଳିଲେ ସେତୁବନ୍ଧେ

Couplet 50

ଦୁରିତ ଦହେ ଦରଶନେଶ୍ରୀରାମେ ପୂଜି ତୋଷମନେ

Couplet 51

ରଘୁନାଥଙ୍କ ପ୍ରୀତୀ ଅର୍ଥେଧେନୁ ଉତ୍ସର୍ଗିଲେ ଅୟୁତେ

Couplet 52

ତହୁଁ ଆନନ୍ଦେ କାମପାଳମିଳିଲେ ପୁଣ୍ୟ କୃତମାଳ

Couplet 53

ତହୁଁ ଚଳିଲେ ତାମ୍ରପର୍ଣ୍ଣୀସଙ୍ଗେ ଅନେକ ବିପ୍ର ଘେନି

Couplet 54

ମଳୟ କୁଳାଚଳ ଦେଶେମିଳିଲେ ଅଗସ୍ତିଙ୍କ ପାଶେ

Couplet 55

ଚରଣେ କରି ନମସ୍କାରଆଶିଷ ଘେନି ତାହାଙ୍କର

Couplet 56

ଦକ୍ଷିଣସିନ୍ଧୁତୀରେ ମିଳିରାମ ଦେଖିଲେ ଭଦ୍ରକାଳୀ

Couplet 57

ଦୁର୍ଗା ନିକଟୁ କୁମ୍ଭମାସେରାମ ଚଳିଲେ ମନତୋଷେ

Couplet 58

ଉତ୍ତମ ପଞ୍ଚଅପସରତହୁଁ ଚଳିଲେ ହଳଧର

Couplet 59

ଯହିଁ ଗୋବିନ୍ଦ ସନ୍ନିହିତଧେନୁ ଉତ୍ସର୍ଗିଲେ ଅୟୁତ

Couplet 60

ତହୁଁ ଆନନ୍ଦେ ବଳରାମକେରଳ ନଗରେ ଆଗମ

Couplet 61

ତ୍ରିଗର୍ତ୍ତଦେଶ ତହୁଁ ଦେଖିରାମ ମିଳିଲେ ଜ୍ୱାଳାମୁଖୀ

Couplet 62

ଗୋକର୍ଣ୍ଣତୀର୍ଥ ମହାସ୍ଥାନଯହିଁ ଧୂର୍ଜ୍ଜଟି ସନ୍ନିଧାନ

Couplet 63

ତହୁଁ ଭେଟିଲେ ଆର୍ଯ୍ୟାଦେବୀବ୍ୟାସନନ୍ଦିନୀ ପାଦେ ସେବି

Couplet 64

ତାପ୍ତୀ ପୟୋଷ୍ଣୀ ବିନ୍ଧ୍ୟା ସେବିଦଣ୍ତକାରଣ୍ୟ ପୁଣ୍ୟଭୁବି

Couplet 65

ତହୁଁ ଗମନ ରେବାତୀରେପ୍ରବେଶ ମାହିଷ୍ମତୀପୁରେ

Couplet 66

ସ୍ନାହାନ ସାରି ମନୁତୀର୍ଥେଧେନୁ ଉତ୍ସର୍ଗ ଶିବ ଅର୍ଥେ

Couplet 67

ସନ୍ତୋଷେ ରୋହିଣୀ ନନ୍ଦନପୁଣି ପ୍ରଭାସେ ଆଗମନ

Couplet 68

ବନ୍ଦିଲେ ବିପ୍ରଙ୍କ ଚରଣଶୁକ ବୋଲନ୍ତି ରାୟ ଶୁଣ

Couplet 69

କୁରୁପାଣ୍ତବ ଯୁଦ୍ଧ ବାଣୀବିପ୍ରଙ୍କ ମୁଖୁ ରାମ ଶୁଣି

Couplet 70

ଅନେକ ରାଜା ଗଲେ ନାଶବଳାକ୍ଷୌହିଣୀ ଅଷ୍ଟାଦଶ

Couplet 71

ଶୁଣି ସାନନ୍ଦ ହଳଧରବୋଇଲେ ଗଲା ଭୂମିଭାର

Couplet 72

ସୁଜନେ ନାହିଁ ଦୁଷ୍ଟବାଧାଯୁଦ୍ଧ ହୋଇଲା ଶେଷ ଗଦା

Couplet 73

ଶେଷେ ଯୁଝନ୍ତି ବେନିଜନଦୁର୍ଜୟ ଭୀମ ଦୁର୍ଯ୍ୟୋଧନ

Couplet 74

ବିଷମ ଶୁଣି ଗଦାଯୁଦ୍ଧରାମ ମିଳିଲେ ରଣମଧ୍ୟ

Couplet 75

ରାମଙ୍କୁ ଦେଖି ଧର୍ମସୁତସଙ୍ଗେ ଅଛନ୍ତି ତିନିଭ୍ରାତ

Couplet 76

କୃଷ୍ଣ ଅଛନ୍ତି ତାଙ୍କ ମେଳେତା ଦେଖି ରାମ ସୁଖଭୋଳେ

Couplet 77

କୃଷ୍ଣଙ୍କୁ ଆଲିଙ୍ଗନ କରିଧର୍ମନନ୍ଦନ କର ଧରି

Couplet 78

ଗୋବିନ୍ଦ ରାମପାଦେ ନମିକିଛି ନ ବୋଲି ହେଲେ ତୁନି

Couplet 79

ରାମ ଚାହିଁଲେ ବେନିବୀରଗଦାସମରେ ମହାଘୋର

Couplet 80

ବାରିବା ଅର୍ଥେ ବିଚାରିଲେଜାଣି ଗୋବିନ୍ଦ ମାୟା କଲେ

Couplet 81

ଦେଖି ମଣ୍ତଳ ଗଦାଗତିବୋଲନ୍ତି ରେବତୀର ପତି

Couplet 82

ଶୁଣ ହୋ ଦୁର୍ଯ୍ୟୋଧନ ଭୀମଗଦାସମରେ ଦୁହେଁ ସମ

Couplet 83

ଉତ୍ତମ ଶିକ୍ଷା ଦୁର୍ଯ୍ୟୋଧନବଳେ ଅଧିକ ଭୀମସେନ

Couplet 84

ଏ ଗଦାରଣେ ଫଳ ନାହିଁସଂଗ୍ରାମ ଛାଡ ଦୁଇଭାଇ

Couplet 85

ଗଦା ପ୍ରହାରେ ଦୃଢମତିରାମର ବାକ୍ୟ ନ ଶୁଣନ୍ତି

Couplet 86

ବଇରୀ ବଧ ସୁମରନ୍ତିଘୋର ଶବଦେ ପ୍ରହାରନ୍ତି

Couplet 87

ରାମ ଦେଖିଲେ ତାଙ୍କ ଗତିଆନନ୍ଦମନେ ଦ୍ୱାରାବତୀ

Couplet 88

ମିଳିଲେ ରୋହିଣୀ ନନ୍ଦନଦେଖି ଆନନ୍ଦ ଉଗ୍ରସେନ

Couplet 89

ବନ୍ଧୁ ବାନ୍ଧବ ପୁତ୍ର ବଳକରନ୍ତି ଜଣେ ଜଣେ କୋଳ

Couplet 90

ଏମନ୍ତେ ରହି ଦିନାକେତେମିଳିଲେ ନଇମିଷ ତୀର୍ଥେ

Couplet 91

ଯଜ୍ଞେ ଯେ ଥିଲେ ମୁନିଜନେତକ୍ଷଣେ ରାମର ବଚନେ

Couplet 92

ରାମଙ୍କୁ କରାଇଲେ ଯାଗନିବୃତ କ୍ରିୟା ଅନୁରାଗ

Couplet 93

ସନ୍ତୋଷେ ରୋହିଣୀନନ୍ଦନମୁନିଙ୍କି ଦେଲେ ଦିବ୍ୟଜ୍ଞାନ

Couplet 94

ଯାହାର ମାୟାବଳେ ବିଶ୍ୱରବିର ପ୍ରାୟ ଦୃଶ୍ୟାଦୃଶ୍ୟ

Couplet 95

ସଙ୍ଗତେ ଘେନି ନିଜ ନାରୀସେ ଅବଭୃଥ ସ୍ନାନ କରି

Couplet 96

ସୁହୃଦ ବନ୍ଧୁ ମଧ୍ୟେ ଥାଇଶଶାଙ୍କ ପ୍ରାୟ ବିରାଜଇ

Couplet 97

ଏ ଆଦି ଯେତେ କର୍ମ ଗୁଣରାଜନ ଏକମନେ ଶୁଣ

Couplet 98

ମାୟା ମନୁଷ୍ୟ ଅବତାରକେ କହୁ ମହିମା ତାହାର

Couplet 99

ଏ ରାମକର୍ମ ଯେ ଶୁଣନ୍ତିମାୟାମୋହରେ ନ ପଡନ୍ତି

Couplet 100

ଉଭୟ ସନ୍ଧ୍ୟାକାଳେ ଶୁଣିକୃଷ୍ଣସେବକ ଯେତେ ପ୍ରାଣୀ

Couplet 101

ଲଭନ୍ତି ଭକତି ତତ୍ତ୍ୱକହଇ ବିପ୍ର ଜଗନ୍ନାଥ