Adhyaya 84

Couplet 1

ଶୁଣ ହୋ ଅଭିମନ୍ୟୁସୁତକୃଷ୍ଣଚରିତ ଭାଗବତ

Couplet 2

ଏମନ୍ତେ ପ୍ରଭୁ ନରହରିମନୁଷ୍ୟରୂପେ ଅବତରି

Couplet 3

ସ୍ୱଭାବେ ମାୟା ଅପ୍ରମିତସେ କାହୁଁ ହେବେ ପରାଜିତ

Couplet 4

ତାହାଙ୍କୁ ପୀଡନ୍ତି ଅସୁରେବିନାଶ ହୁଅନ୍ତି ସମରେ

Couplet 5

ପଶୁଦୁଷ୍ଟଙ୍କର ଏ ମତଏ ନୋହେ ପୁଣି ପରମାର୍ଥ

Couplet 6

ଏବେ ହୋ ଶୁଣ ନୃପମଣିଦ୍ୱାରକାପୁରେ ହଳପାଣି

Couplet 7

କୁରୁପାଣ୍ତବ ଘୋରତମଶୁଣିଲେ ଯୁଦ୍ଧର ଉଦ୍ୟମ

Couplet 8

ମଧ୍ୟସ୍ଥ ପଣେ ହଳପତିତୀର୍ଥ ଗମନ ବ୍ୟାଜମତ

Couplet 9

ପିତାମାତାଙ୍କୁ ଆଜ୍ଞା ମାଗିଗୁରୁପୁତ୍ରଙ୍କ ପାଦେ ଲାଗି

Couplet 10

ସାଧୁଜନଙ୍କୁ ସଙ୍ଗ କରିବିଜୟ କଲେ ହଳଧାରୀ

Couplet 11

ଯାଇ ମିଳିଲେ କୁରୁକ୍ଷେତ୍ରେପର୍ଶୁରାମର କୀର୍ତ୍ତି ଯେତେ

Couplet 12

ସ୍ନାହାନ ସାରି ରାମ ହ୍ରଦେଦେବତା ପିତୃଙ୍କୁ ଆନନ୍ଦେ

Couplet 13

ଜଳତର୍ପଣେ ତୋଷି ମନବ୍ରାହ୍ମଣେ ଦେଇ ମହାଦାନ

Couplet 14

ଗମନ୍ତି ସରସ୍ୱତୀତୀରେସଙ୍ଗେ ସକଳ ବିପ୍ରବରେ

Couplet 15

ପୃଥୁଉଦକ ବିନ୍ଦୁସରଏ ବେନି ତୀର୍ଥେ ହଳଧର

Couplet 16

ପିତୃଦେବତା ବିପ୍ରେ ପୁଜିତ୍ରିତକୂପକୁ ପୁଣ ଭଜି

Couplet 17

ସୁଦରଶନ ସୁବିଶାଳଏ ବେନିତୀର୍ଥେ କାମପାଳ

Couplet 18

ଆନନ୍ଦେ ସାରି ନିତ୍ୟକର୍ମବ୍ରହ୍ମତୀର୍ଥରେ ଆଗମନ

Couplet 19

ପୁଣି ମିଳିଲେ ଚକ୍ରତୀର୍ଥେସୁପ୍ରାଚୀ ସରସ୍ୱତୀ ପଥେ

Couplet 20

ଯମୁନାସ୍ନାନ ସାରି ଧୀରେଆସି ମିଳିଲେ ଗଙ୍ଗାତୀରେ

Couplet 21

ତହୁଁ ଚଳିଲେ ଶୁଦ୍ଧମନେମିଳିଲେ ନୈମିଷଅରଣ୍ୟେ

Couplet 22

ଷଷ୍ଟିସହସ୍ର ବ୍ରହ୍ମଋଷିଯଜ୍ଞ କରନ୍ତି ତହିଁ ବସି

Couplet 23

ରାମଙ୍କୁ ମୁନିଜନେ ଦେଖିତକ୍ଷଣେ ଆସନ ଉପେକ୍ଷି

Couplet 24

ପୋଛୋଟି ଗଲେ କିଛି ଦୂରେପୂଜିଲେ ଅତିଥି ବେଭାରେ

Couplet 25

ଏମନ୍ତେ ଆଣି ତୋଷମନେରାମଙ୍କୁ ବସାଇ ଆସନେ

Couplet 26

ସ୍ତୁତି କରନ୍ତି ମୁନିଗଣଏମନ୍ତେ ରୋମହରଷଣ

Couplet 27

ବ୍ୟାସଙ୍କ ଶିଷ୍ୟ ସେ ଯୁକତେଆସନେ ରାମଙ୍କ ଅଗ୍ରତେ

Couplet 28

ବସି କହନ୍ତି କୃଷ୍ଣକଥାଦେଖି ପାଇଲେ ରାମ ବ୍ୟଥା

Couplet 29

ମନେ ଭାଳନ୍ତି କୋପଚିତ୍ତେଏ ତ ଅବଜ୍ଞା କଲା ମୋତେ

Couplet 30

ଏ ଶୂଦ୍ର ହୋଇ ବିପ୍ରମଧ୍ୟେଧର୍ମାଦି ଶିକ୍ଷା ଅନୁବାଦେ

Couplet 31

ଗୁରୁଙ୍କ ପ୍ରାୟ ଗର୍ବ କଲାମୋତେ ଆସନ ନ ତେଜିଲା

Couplet 32

କେମନ୍ତେ ଧର୍ମ ବିପ୍ରଜନେକହେ ଅନୁବାଦ ବଚନେ

Couplet 33

ଏ ବଡ ମୋତେ ବୀପରୀତସ୍ୱଭାବେ ପ୍ରତିଲୋମ ଜାତ

Couplet 34

ଯେଣୁ ଏ ବ୍ୟାସଙ୍କର ଶିଷ୍ୟଜାଣଇ ଅତୀତ ଭବିଷ୍ୟ

Couplet 35

ପୁରାଣ ଇତିହାସ ଆଦିଏ ସର୍ବଶାସ୍ତ୍ର ଧର୍ମବାଦୀ

Couplet 36

କେବଳ ଆତ୍ମାକୁ ନ ଜାଣେଅବିନୀତ ଏ ପରମାଣେ

Couplet 37

ଦମ୍ଭେ ଏ ପଣ୍ତିତ ବୋଲାଇମୋତେ ନ ଗଣେ ଗର୍ବ ବହି

Couplet 38

ଦଷ୍ଟ ଦାମ୍ଭିକ ଦୁରାଚାରସ୍ୱଭାବେ ଗର୍ବ ଅହଙ୍କାର

Couplet 39

ଏହାର ଧର୍ମବିଦ୍ୟା ଯେତେନିଶ୍ଚେ ନୁହଇଁ ଗୁଣଅର୍ଥେ

Couplet 40

ଏହାଙ୍କୁ ଦଣ୍ତିବାର ଅର୍ଥେମୋ ଅବତାର ଏ ଜଗତେ

Couplet 41

ଏମନ୍ତ ହୃଦରେ ବିଚାରିଅନନ୍ତବଳ ଆଗସରି

Couplet 42

ଯେ ରାମ ଆତ୍ମାଗୁଣେ ରତବିଧାତା ଫଳ ବିପରୀତ

Couplet 43

ହସ୍ତେ ଯେ ଥିଲା କୁଶମୁଷ୍ଟିତାମସଗୁଣେ କୋପଦୃଷ୍ଟି

Couplet 44

କୁଶକୁ ଘେନି ଅତି କୋପେମିଳିଲେ ତାହାର ସମୀପେ

Couplet 45

କୋପେ ପ୍ରଚଣ୍ତ ଗୁରୁତରକୁଶେ ଛେଦିଲେ ତାର ଶିର

Couplet 46

ହା ହା ଶବଦେ ବିପ୍ରଜନେରାମଙ୍କୁ ଚାହିଁ ଖେଦମନେ

Couplet 47

ସଙ୍କରଷଣମୁଖ ଚାହିଁବୋଲନ୍ତି ଶିରେ କର ଦେଇ

Couplet 48

ଭୋ ନାଥ ଜଗତ କାରଣଏ ବଡ ପାପ ଆଚରଣ

Couplet 49

ଆଗମ ନିଗମ ଏ ବାଦପ୍ରତ୍ୟେକ୍ଷ କଲୁ ବ୍ରହ୍ମବଧ

Couplet 50

ଭୋ ନାଥ ମହାଯଜ୍ଞ ଅର୍ଥେଏହାଙ୍କୁ ଅଣାଇ ସମସ୍ତେ

Couplet 51

ବ୍ରହ୍ମା ଆସନେ ବସାଇଲୁବଳ ଆୟୁଷ ବିସ୍ତାରିଲୁ

Couplet 52

ସ୍ଥାପିଲୁ କରି ଅଭିମତଯାବତ ଯଜ୍ଞ ସମାପ୍ତ

Couplet 53

ତୁ ଯେବେ କଲୁ ଏଡେ କର୍ମଏବେ ଆଚର ଦୀକ୍ଷାଧର୍ମ

Couplet 54

ତୁ ଯୋଗେଶ୍ୱର ଭଗବାନପାଳ ତୁ ନିଗମବଚନ

Couplet 55

ଲୋକ ସଂଗ୍ରହ ତୁମ୍ଭେ କରଏ ବ୍ରହ୍ମବଧ ପ୍ରତିକାର

Couplet 56

ଶୁଣି ଚକିତ ହଳଧରବୋଲନ୍ତି ଯୋଡି ବେନିକର

Couplet 57

ନମସ୍ତେ ବ୍ରହ୍ମଋଷିଗଣକହ ହେ ଏହାର କାରଣ

Couplet 58

ଲୋକେ ବେଭାରେ ଯଥାବିଧିପ୍ରଥମକଳ୍ପେ ଯେ ପ୍ରସିଦ୍ଧି

Couplet 59

କହ କି କରିବି ଉପାୟଯେମନ୍ତେ ହତ୍ୟା ଯିବ କ୍ଷୟ

Couplet 60

ମୁଁ ପୁଣି ତୁମ୍ଭ ଯଜ୍ଞଅର୍ଥେସାଧିବି ନିଜ ଯୋଗମତେ

Couplet 61

ଏହାଙ୍କୁ ଜିଆଇବୀ ମୁହିଁବଳ ଶଉର୍ଯ୍ୟ ବୁଦ୍ଧି ଦେଇ

Couplet 62

ସ୍ଥାପିବି ଏ ମୋହର ସତ୍ୟଯାବତ ଯଜ୍ଞ ସମାପତ

Couplet 63

ଏମନ୍ତେ ରାମବାକ୍ୟ ଶୁଣିବିପ୍ରେ ବୋଲନ୍ତି ମନେ ଗୁଣି

Couplet 64

ଭୋ ନାଥ ଶୁଣ ହଳଧରଏ ସତ୍ୟବଚନ ଆମ୍ଭର

Couplet 65

ମରଣେ ନୋହିବ ଏ ଗ୍ରସ୍ତତୁମ୍ଭର ବଚନ ଯେମନ୍ତ

Couplet 66

ଯଜ୍ଞେ ଏ ଥିବ ଆମ୍ଭ ମେଳେଧର୍ମସଂଶୟ ପ୍ରଶ୍ନକାଳେ

Couplet 67

ବିପ୍ରଙ୍କ ବାକ୍ୟ ସାଧୁବାଣୀରାମ ବୋଲନ୍ତି ତାହା ଶୁଣି

Couplet 68

ଆତ୍ମାରୁ ଆତ୍ମାର ସମ୍ଭୂତଏ ବେଦବାକ୍ୟ ଅନୁମତ

Couplet 69

ଏହାର ପୁତ୍ରକୁ ବସାଇବଳ ଆୟୁଷ ଜ୍ଞାନ ଦେଇ

Couplet 70

ପିତାହୁଁ ହେଉ ଗୁଣାକରଏମନ୍ତ କହି ହଳଧର

Couplet 71

ତାର ପୁତ୍ରକୁ ସାବଧାନେବସାଇ ବ୍ରହ୍ମାର ଆସନେ

Couplet 72

ବୋଇଲେ ହୁଅ ଜ୍ଞାନସିଦ୍ଧିତାତୁଁ ଅନେକ ହେଉ ବୃଦ୍ଧି

Couplet 73

ଏମନ୍ତେ ସ୍ଥାପି ତାର ସୁତବୋଲନ୍ତି ରେବତୀର କାନ୍ତ

Couplet 74

ଏବେ କରିବି କିସ କହବିଚାରି ମୋତେ ଆଜ୍ଞା ଦିଅ

Couplet 75

ଶୁଣି ଆନନ୍ଦ ମୁନିଗଣବୋଲନ୍ତି ଶୁଣ ସଙ୍କର୍ଷଣ

Couplet 76

ଇଲ୍ୱଳ ନାମେ ମହାସୁରବଲ୍ୱଳ ତାହାର କୁମର

Couplet 77

ନିତ୍ୟେ ପାର୍ବଣ ଯୋଗେ ଆସେଆମ୍ଭର ଯଜ୍ଞକର୍ମ ନାଶେ

Couplet 78

ସେ ଦୁରାଚାର ନାଶ ଗଲେଯଜ୍ଞ କରିବୁ ଆମ୍ଭେ ଭଲେ

Couplet 79

ଶଶୀ-ପ୍ରଳୟ-ନିଶି-ଜାଣିସଙ୍ଗେ ଅସୁର ବଳ ଆଣି

Couplet 80

ରାତ୍ରେ ମିଳଇ ଯଜ୍ଞଶାଳେରାକ୍ଷସ ମାୟା ଯୋଗବଳେ

Couplet 81

ପୂଯ ଶୋଣିତ ମଳ ମୂତ୍ରକୁଣ୍ତେ ବରଷେ ଅପ୍ରମିତ

Couplet 82

ତାହାକୁ କରି ପ୍ରାଣେ ହତଆମ୍ଭକୁ କରାଅ ନିଶ୍ଚିନ୍ତ

Couplet 83

ଭାରତ ମଧ୍ୟେ ଯେତେ ପୂରୀଦକ୍ଷିଣ ପ୍ରଦିକ୍ଷଣ କରି

Couplet 84

ଏମନ୍ତେ ଦ୍ୱାଦଶ ଯେ ମାସଭ୍ରମିବ ପୁର ଗ୍ରାମ ଦେଶ

Couplet 85

ଏମନ୍ତେ ହତ୍ୟା ଯିବ ନାଶନିର୍ମଳେ ନିଜପୁରେ ପଶ

Couplet 86

ବୋଲଇ ବିପ୍ର ଜଗନ୍ନାଥତା ଶୁଣି ରାମ କୃତ୍ୟକୃତ୍ୟ

Couplet 87

ଅସୁର ଆଗମନ ଚାହିଁଯଜ୍ଞେ ରହିଲେ ତୋଷ ହୋଇ