Adhyaya 83

Couplet 1

ବୋଲନ୍ତି ବ୍ୟାସଙ୍କ ନନ୍ଦନରାଜନ ପୁଅ ସାବଧାନ

Couplet 2

ମଲେ ଯେ ଶାଲ୍ୱ ଶିଶୁପାଳଯୁଦ୍ଧେ ପୌଣ୍ତ୍ରକ ମହାବଳ

Couplet 3

ଏହାର ସଖା ଦନ୍ତବକ୍ରକୃଷ୍ଣେ ସାଜିଲା ରିପୁଚକ୍ର

Couplet 4

ସୁହୃଦ୍ଧର୍ମ ପରଲୋକେଦେଖାଇ ଯୁଦ୍ଧେ ଗଲା ଏକେ

Couplet 5

ଏକାକୀ ଧାଏଁ କୋପ କରିଦକ୍ଷିଣଭୂଜେ ଗଦା ଧରି

Couplet 6

ଧରଣୀ କମ୍ପେ ପାଦଭରେମିଳିଲା କୃଷ୍ଣର ଛାମୁରେ

Couplet 7

ଦେଖି ତାହାର ମହାକାୟସତ୍ୱରେ ପ୍ରଭୁ ଦେବରାୟ

Couplet 8

ରଥୁଁ ଓହ୍ଲାଇ ପାଦେ ଗମିଧାଇଁଲେ କରେ ଗଦା ଘେନି

Couplet 9

ସମୁଦ୍ର ଯେହ୍ନେ ଲଙ୍ଘେ ତୀରକୃଷ୍ଣ ମିଳିଲେ ତା ଛାମୁର

Couplet 10

କୃଷ୍ଣଙ୍କୁ ଦେଖି ଗଦା ତୋଳିକୋପେ ବୋଲଇ ମହାବଳୀ

Couplet 11

ଆଜ ମୋହର ଭାଗ୍ୟରାଶିତୁ ମୋର ଦୃଷ୍ଟିପଥେ ଆସି

Couplet 12

ପଡିଲୁ ଆଜ ଯିବୁ କାହିଁରେ ଦୁଷ୍ଟ ମୁଖ ତୋ ନ ଚାହିଁ

Couplet 13

ମୋର ମାତୁଳସୁତ ତୁହିସ୍ୱଭାବେ ଅଟୁ ମିତ୍ରଦ୍ରୋହୀ

Couplet 14

ଧିକ ତୋହର ଶସ୍ତ୍ରଦୀକ୍ଷାମୋର ମରଣେ ତୋର ଇଚ୍ଛା

Couplet 15

ଏ ବଜ୍ରକଳ୍ପ ଗଦାଘାତେଆଜ ପେଷିବି ଯମପଥେ

Couplet 16

ତୋହର ତୁଲେ କରି ଋଣଆଜ ଶୁଝିବି ଭାତୃଋଣ

Couplet 17

ତୁ ବନ୍ଧୁ ରିପୁ ମୋ ବଇରୀମୁଁ ଆଜ ଋଣେ ତୋତେ ମାରି

Couplet 18

ନିଶ୍ଚିନ୍ତେ ହୋଇବି ଆନନ୍ଦବ୍ୟାଧିକି ଯେସନେ ଔଷଧ

Couplet 19

ରୋଗ ନ ମଲେ ଦେହ ମରେବ୍ୟାଧି ଚିକିତ୍ସା ଯେ ନ କରେ

Couplet 20

ଏମନ୍ତେ କଟୁବାକ୍ୟ ବୋଲିଦକ୍ଷିଣଭୁଜେ ଗଦାତୋଳି

Couplet 21

ପିଟିଲା ଗୋବିନ୍ଦର ମୁଣ୍ତେଘୋରଶବଦ କରି ତୁଣ୍ତେ

Couplet 22

ଗଦା ପ୍ରହାରେ ଋଣ ମଧ୍ୟେଗୋବିନ୍ଦ ନ ଚଳିଲେ ପାଦେ

Couplet 23

ବିଷମ-ଗଦାଘାତ ସହିତକ୍ଷଣେ ପ୍ରଭୁ ଭାବଗ୍ରାହୀ

Couplet 24

କଉମୋଦକୀ ଗଦା ବେଗେକୋପେ ବୁଲାଇ ଶୂନ୍ୟମାର୍ଗେ

Couplet 25

ହୁଙ୍କାର କରି ବାହୁବଳେପିଟିଲେ ତାର ବକ୍ଷସ୍ଥଳେ

Couplet 26

ଗଦା ପ୍ରହାରେ ହୃଦଫାଟିପଡିଲା ମହୀତଳେ ଲୋଟି

Couplet 27

ମୁଖରୁ ଗଳଇ ରୁଧିରଜନେ କରନ୍ତି ହାହାକାର

Couplet 28

ପ୍ରସାରି କେଶ-ପାଦ-କରରଣେ ପଡିଲା ମହାବୀର

Couplet 29

ତାର ଶରୀରୁ ପୁଣ୍ୟତେଜଯେହ୍ନେ ଉଦିତ ଗ୍ରହରାଦ

Couplet 30

ପଶିଲା କୃଷ୍ଣଦେହ ମଧ୍ୟେଗଗନେ ଦେଖନ୍ତି ବିବୁଧେ

Couplet 31

ଧର୍ମନନ୍ଦନ ସଭାମଧ୍ୟେଯେସନେ ଶିଶୁପାଳ ବଧେ

Couplet 32

ଦେଖିଣ ଦନ୍ତବକ୍ର ହତତାହାର ଭ୍ରାତ ବିଦୁରଥ

Couplet 33

ଭ୍ରାତୃମରଣ ଶୋକେ ତାପିରୋଷେ ଦଶନେ ଓଷ୍ଠ ଚାପି

Couplet 34

ଖଡଗ ଚର୍ମ କରେ ଧରିକୃଷ୍ଣଙ୍କୁ ସମରେ ଆବୋରି

Couplet 35

ନିଷ୍ଠୁର ବାକ୍ୟ କହେ ତୁଣ୍ତେବଜ୍ର ପ୍ରହାର ଯେହ୍ନେ ମୁଣ୍ତେ

Couplet 36

ଦେଖି ତାହାର ବ୍ୟଗ୍ରଗତିଚକ୍ରପ୍ରହାରେ ଯଦୁପତି

Couplet 37

ବେଗେ ଛେଦିଲେ ତା କପାଳବିରାଜେ କିରୀଟ କୁଣ୍ତଳ

Couplet 38

ଶିର ପଡିଲା ଭୂମିମଧ୍ୟେପ୍ରାଣ ପଶିଲା କୃଷ୍ଣହୃଦେ

Couplet 39

ଏମନ୍ତେ ଶାଲ୍ଫ ଶିଶୁପାଳସଂହାରି ମଦନଗୋପାଳ

Couplet 40

ଦନ୍ତବିକଟ ବିଦୁରଥକୃଷ୍ଣର ହସ୍ତେ ହୋଇ ହତ

Couplet 41

ପଶିଲେ ଅଭୟଚରଣେଯେ ଅବା ମଲେ କୃଷ୍ଣରଣେ

Couplet 42

ମୁନି କରନ୍ତି ଜୟବାଣୀପୁଷ୍ପବରଷି ସ୍ତୁତି ଭଣି

Couplet 43

ଦେବେ ଯେ ଶୂନ୍ୟମାର୍ଗେ ଥିଲେଶ୍ରୀଅଙ୍ଗେ ପୁଷ୍ପ ବରଷିଲେ

Couplet 44

ଦୁନ୍ଦୁଭି ବାଜେ ସୁରଲୋକେନାରୀ ନାଚନ୍ତି କଉତୁକେ

Couplet 45

ଯକ୍ଷ କିନ୍ନର ବିଦ୍ୟାଧରେଗନ୍ଧର୍ବେ ଗାବନ୍ତି ସୁସ୍ୱରେ

Couplet 46

କୃଷ୍ଣବିଜୟ କଉତୁକେଆନନ୍ଦେ ସୁର- ନରଲୋକେ

Couplet 47

ଯାଦବବଳ ସଙ୍ଗେ ହରିପ୍ରବେଶ ଦ୍ୱାରକାନଗରୀ

Couplet 48

ସେ ହରିଚରଣ ପଙ୍କଜେବ୍ରାହ୍ମଣ ଜଗନ୍ନାଥ ଭଜେ