Adhyaya 81

Couplet 1

ଆନନ୍ଦମନେ ବ୍ୟାସଚୁତବୋଲନ୍ତି ଶୁଣ ପରୀକ୍ଷିତ

Couplet 2

ଅଦ୍ଭୂତ କୃଷ୍ଣକର୍ମବାଣୀଶୁଣି ସଂସାରୁ ତର ପ୍ରାଣୀ

Couplet 3

କ୍ରୀଡା ମନୁଷ୍ୟେ ଅବତାରଦେବମାନବେ ଅଗୋଚର

Couplet 4

ଯେମନ୍ତେ ପ୍ରଭୁ ଜଗନ୍ନାଥଶାଳ୍ୱରାଜାଙ୍କୁ କଲେ ହତ

Couplet 5

ଧର୍ମନନ୍ଦନ ଯଜ୍ଞକାଳେଶିଶୁପାଳକୁ ସଂହାରିଲେ

Couplet 6

ତାହାର ସଖା ଶାଲ୍ୱ ନାମମିତ୍ର ମରଣେ ବହେ ତମ

Couplet 7

ପୂର୍ବେ ରୁକ୍ମିଣୀବିଭାକାଳେଥିଲା ସେ ନୃପତିଙ୍କ ମେଳେ

Couplet 8

କୃଷ୍ଣଙ୍କୁ ହାରି ଯୁଦ୍ଧକାଳେମାଗଧ ଆଦି ରାଜାମେଳେ

Couplet 9

ସେ ଦିନୁ ଅଭିମାନେ ଗଲାକୃଷ୍ଣର ମରଣ ଇଚ୍ଛିଲା

Couplet 10

ଏବେ ଶୁଣିଲା ମିତ୍ରବଧହୃଦରେ ବହେ ଗୁରୁକ୍ରୋଧ

Couplet 11

କୃଷ୍ଣ ଅଛନ୍ତି ଇନ୍ଦ୍ରପ୍ରସ୍ଥେଥୋକାଏ ବଳ ଅଛି ସାଥେ

Couplet 12

ଏ ଛିଦ୍ରକଥାମାନ ଜାଣିସଇନି ସାଜି ନୃପମଣି

Couplet 13

ନିଜ କାର୍ମୁକ ଧରି କରେବୋଲଇ ସ୍ପୁରିତ ଅଧରେ

Couplet 14

ଯାଦବ ବିହୀନ ଧରଣୀକରିବି ସତ୍ୟ ମୋର ବାଣୀ

Couplet 15

ତୁମ୍ଭେ ସକଳ ନୃପବରଦେଖିବ ପୌରୁଷ ମୋହର

Couplet 16

ଏମନ୍ତେ ମୂଢ ଗର୍ବ ବହିମିଳିଲା ଘୋରବନେ ଯାଇ

Couplet 17

ଭବାନୀକାନ୍ଧେ ଦେଇ କରବୋଇଲେ ବେଗେ ମାଗ ବର

Couplet 18

ଶୁଣି ନୃପତି ଜ୍ଞାନ ପାଇକପାଳେ ବେନିକର ଦେଇ

Couplet 19

ବୋଲଇ ଶୁଣ ବିଶ୍ୱନାଥତୋର ସଞ୍ଚିତ ଏ ଜଗତ

Couplet 20

ବିବୁଧ ଅସୁର ମନୁଷ୍ୟଗନ୍ଧର୍ବ କିନ୍ନର ରାକ୍ଷସ

Couplet 21

ଏ ଆଦି ଯେତେ ଦିଗପାଳେଭୂମି ପାତାଳ ଅନ୍ତରାଳେ

Couplet 22

କେହି ନ ପାରୁ ମୋତେ ଜିଣିଏ ବର ଦିଅ ଶୁଳପାଣି

Couplet 23

ମାୟାବିମାନ ଦିଅ ମୋତେସେ ପୁଣି ମୋହର ଆୟତ୍ତେ

Couplet 24

ରୂପ ଅରୂପ ସ୍ଥୁଳ ସୁକ୍ଷ୍ମେଅଣୁ ପ୍ରମାଣେ ଅନ୍ତରୀକ୍ଷେ

Couplet 25

ଯହିଁ କଳ୍ପିବ ମୋର ମନସେ ପୁରେ ପଶିବ ବିମାନ

Couplet 26

ଦୃଶ୍ୟ ଅଦୃଶ୍ୟ ମହାଘୋରବୃଷ୍ଟି ଯାଦବେ ଭୟଙ୍କର

Couplet 27

ଏ ବର ଦିଅ ବିଶ୍ୱନାଥଶୁଣି ସନ୍ତୋଷ ଉମାକାନ୍ତ

Couplet 28

ମୟଦାନବେ ସୁମରଣକରନ୍ତି ଅମ୍ବିକାରମଣ

Couplet 29

ଚିନ୍ତା କରନ୍ତେ ମହେଶ୍ୱରଜାଣିଲା ମାୟାବୀ ଅସୁର

Couplet 30

ତକ୍ଷଣେ ପରପୁରଞ୍ଜୟବେଗେ ମିଳିଲା ବୀରମୟ

Couplet 31

ନଦୀପୁଲିନେ ଘୋରବନେନମିଲା ଇଶ୍ୱର ଚରଣେ

Couplet 32

ପ୍ରସନ୍ନେ ପ୍ରଭୁ ଉମାକାନ୍ତବୋଇଲେ ଧରି ତାର ହସ୍ତ

Couplet 33

ମାୟାବିମାନ ବେଗେ କରଦେବଦାନବେ ଅଗୋଚର

Couplet 34

ଏହାର ମନ ଅନୁମତେକହି ଚଳିଲେ ଶୂନ୍ୟପଥେ

Couplet 35

ତକ୍ଷଣେ ରୁଦ୍ରଆଜ୍ଞା ପାଇଅଦ୍ଭୂତ ବିମାନ ଭିଆଇ

Couplet 36

ତାହାର ନାମ ସୌଭପୁରନିର୍ମିତ ଲୌହମୟ ସାର

Couplet 37

ଆନନ୍ଦେ ପ୍ରଜାପତିବଳାଶାଳ୍ୱ ସମ୍ମୁଖେ ଆଣି ଦେଲା

Couplet 38

ସେ ମାୟାରଥ କାମରୂପୀପ୍ରକାଶେ ଘୋରତମ ବ୍ୟାପୀ

Couplet 39

କେହି ନ ପାରେ ତାହା ଜାଣିଏମନ୍ତେ ଶୁଣ ନୃପମଣି

Couplet 40

ବସିଲା ଯାଇ ମାୟାରଥେଗମିଲା ନିଜପୁର ପଥେ

Couplet 41

ଈଶ୍ୱରବରେ ପାଇ ରଥନିଜ ଭୁବନେ ଉପଗତ

Couplet 42

କୃଷ୍ଣବଇର ଭାବ ଗୁଣିସାଜିଲା ନିଜ ଅକ୍ଷୌହିଣୀ

Couplet 43

କୋପେ ବସିଲା ମାୟାରଥେଗମିଲା ଦ୍ୱାରାବତୀ ପଥେ

Couplet 44

ରଜନୀ ମଧ୍ୟେ ନରପତିବଳେ ରୁନ୍ଧିଲା ଦ୍ୱାରାବତୀ

Couplet 45

ଭାଙ୍ଗଇ ବନ ଉପବନଗ୍ରାମ ପାଟଣା ପୁରମାନ

Couplet 46

ଦ୍ୱାର ଅଟ୍ଟାଳୀ କ୍ରୀଡାପୁରଅନଳେ କଲା ଭସ୍ମସାର

Couplet 47

ଶର ବରଷଇ ଗହଳଯେହ୍ନେ ଗଗନୁ ବୃଷ୍ଟିଜଳ

Couplet 48

ଦ୍ରୁମ ପାଷାଣ ବଜ୍ର ବାରିସର୍ପ ଖର୍ପର ଆଦିକରି

Couplet 49

ପ୍ରଚଣ୍ତେ ବହେ ଚକ୍ରବାତଧୂଳିରେ ଦଶଦିଗ ଗ୍ରସ୍ତ

Couplet 50

ଏମନ୍ତେ ମାୟାରଥେ ବୀରକୃଷ୍ଣନଗର କଲା ଚୁର

Couplet 51

ଅସୁର ତେଜେ ଯଦୁପୁରୀତକ୍ଷଣେ ହେଲା ହତଶିରୀ

Couplet 52

ପୂର୍ବେ ଅନ୍ଧକ ଯୁଦ୍ଧକାଳେଯେହ୍ନେ ଅଦ୍ଭୂତ ମହୀତଳେ

Couplet 53

ଘୋରଗହନ ଅନ୍ଧକାରତା ଦେଖି ରୁକ୍ମିଣୀକୁମର

Couplet 54

ବିମାନେ ବସି ମହାବଳୀଡାକଇ ବେନିଭୁଜ ତୋଳି

Couplet 55

ଭୟ ନ କର ତୁମ୍ଭେ କେହିଏ ମାୟା ସଂହାରିବି ମୁହିଁ

Couplet 56

ଏମନ୍ତ କହି ରାଜପଥେବେଗେ ଧାଇଁଲେ ଏକା ରଥେ

Couplet 57

ଦେଖି ତାହାର ବୀରପଣଋଣେ ମିଳିଲେ ଯଦୁଗଣ

Couplet 58

ସାତ୍ୟକି ଚାରୁଦେଷ୍ଣ ଶାମ୍ବଅକ୍ରୁର ଯଦୁଙ୍କ ଉତ୍ତମ

Couplet 59

ଭୋଜ ଅନ୍ଧକ ବୀରଚନ୍ଦ୍ରମିଳିଲେ ସର୍ବ ଯଦୁବୃନ୍ଦ

Couplet 60

ଅଜେୟ ହାର୍ଦ୍ଧିକ୍ୟନନ୍ଦନଶୁକ ସାରଣ ଭାନୁମାନ

Couplet 61

ଗଦ ସଙ୍କରଷଣ ଆଦିଯାଦବ ମଧ୍ୟେ ଯେ ପ୍ରସିଦ୍ଧି

Couplet 62

ଏ ଆଦି ଯେତେ ଧନୁର୍ଦ୍ଧରଦୁର୍ଜୟ କୃଷ୍ଣର କୁମର

Couplet 63

ରଥେ ବିଜ ପନ୍ତି ପନ୍ତିଘୋଟକ କୁଞ୍ଜର ପଦାତି

Couplet 64

ଶାଳ୍ୱ ସହିତେ ଯଦୁବଳଶୁଭେଇ ମୁଖରାବ ଗୋଳ

Couplet 65

କୋପେ କରନ୍ତି ଗୁଣଘୋଷଶବଦେ କମ୍ପେ ଦଶଦିଶ

Couplet 66

ଉଭାରି କରନ୍ତି ସମରଘୋର ଗହନ ଅନ୍ଧକାର

Couplet 67

ଅମୃତ ଅର୍ଥେ ଭୁଜବଳେଦେବ ଅସୁର ପୂର୍ବକାଳେ

Couplet 68

ତେମନ୍ତ ହୋଇଲାକ ଋଣଅଦ୍ଭୂତ ରୋମହରଷଣ

Couplet 69

ଶାଲ୍ୱର ମାୟାଗତି ଯେତେନାନାପ୍ରପଞ୍ଚ ଅପ୍ରମିତେ

Couplet 70

ପ୍ରକାଶି ଥିଲା ଶୂନ୍ୟମଧ୍ୟେଶାଳ୍ୱ ଯାଦବ ଘୋରଯୁଦ୍ଧେ

Couplet 71

ରୁକ୍ମିଣୀସୁତ ଦେଖି ତାହାଶସ୍ତ୍ରେ ଛେଦିଲା ତାର ମାୟା

Couplet 72

ରଜନୀଅନ୍ତେ ରବିତ୍ରାସଯେହ୍ନେ ଅନ୍ଧାର କରେ ନାଶ

Couplet 73

ସୁବର୍ଣ୍ଣପୁଚ୍ଛ ଲୌହମୁଖବିଚିତ୍ର ସୁରଙ୍ଗ ସୁରେଖ

Couplet 74

ଗୁଣେ ବସାଇ ମହାରୋଷେବାଣ ବିନ୍ଧିଲା ପଞ୍ଚବିଂଶେ

Couplet 75

ଶାଳ୍ୱର ସେନାପତି ଅଙ୍ଗେଅଶ୍ୱ ବିମାନ ଧ୍ୱଜ ସଙ୍ଗେ

Couplet 76

ତକ୍ଷଣେ କରି ହତପ୍ରାଣପୁଣ ବିନ୍ଧିଲା ଗରୁଟାଣ

Couplet 77

ଶାଲ୍ୟ ଉପରେ କୃଷ୍ଣବଳାଶତେ ନାରାଚ ବରଷିଲା

Couplet 78

ଅପରେ ସଇନି ଯେତେକେତାହାଙ୍କୁ ପେଷେ ଏକ ଏକ

Couplet 79

ରଥୀ ସାରଥୀଙ୍କ ଉପରେଦଶ ନାରାଚ କୋପଭରେ

Couplet 80

ଅଶ୍ୱକୁ ବିନ୍ଧି ତିନିଶରଶବଦ କଲା ମହାଘୋର

Couplet 81

ରୁକ୍ମିଣୀସୁତ କର୍ମ ଦେଖିସକଳେ ସଂଗ୍ରାମ ଉପେକ୍ଷି

Couplet 82

ପର ଅପର ବୀରଶ୍ରେଣୀକରନ୍ତି ସାଧୁ ସାଧୁ ବାଣୀ

Couplet 83

ମୟନିର୍ମିତ ମାୟାରଥତାର ମହିମା ଅପ୍ରମିତ

Couplet 84

ନିଜ ସୈନ୍ୟଙ୍କୁ ଦିଶେ ଏକରିପୁଙ୍କୁ ଦିଶଇ ଅନେକ

Couplet 85

ଭିତରେ ଦିଶେ ଅନ୍ଧକାରଦେବମାନବେ ଅଗୋଚର

Couplet 86

ସମ୍ମୁଖେ ଦିଶେ ମହୀତଳେଚାହିଁଲେ ଉଡେ ଅନ୍ତରାଳେ

Couplet 87

ପର୍ବତଶିଖେ କ୍ଷଣେ ଥାଇକ୍ଷଣକେ ସମୁଦ୍ରେ ବୁଡଇ

Couplet 88

ପୁଣି ଗଗନ ଅତିକ୍ରମେଅଲାତଚକ୍ର ପ୍ରାୟେ ଭ୍ରମେ

Couplet 89

ଏମନ୍ତେ ଦେଖି ତା ବିମାନକ୍ଷଣକେ କୃଷ୍ଣର ନନ୍ଦନ

Couplet 90

ଉତ୍ତାରି କୋଦଣ୍ତ ବିହନକୋପେ ବିନ୍ଧିଲା ତୀକ୍ଷଣବାଣ

Couplet 91

ଧାବନ୍ତେ ଶୁଭେ ମୁଖରାବକ୍ଷଣେ ନ ରହେ ଏକ ଠାବ

Couplet 92

ପବନ ଯୋଗେ ଯେହ୍ନେ ମେଘଧାମନ୍ତି ଅତି ଉଦବେଗ

Couplet 93

ଯହିଁ ଦେଖନ୍ତି ତାର ରଥକୃଷ୍ଣକୁମରେ ଯୁଥ ଯୁଥ

Couplet 94

ଧନୁ ଆମଞ୍ଚି ପୁଣ ପୁଣକରନ୍ତି ଶର ବରଷଣ

Couplet 95

ଅଗ୍ନି ଆଦିତ୍ୟ ପ୍ରାୟ ଦିଶିପଡନ୍ତି ରିପୁବଳେ ଗ୍ରାସି

Couplet 96

ବାଣଶବଦ ବଜ୍ରପ୍ରାୟେଭେଦିଲା ଅସୁରଙ୍କ କାୟେ

Couplet 97

ରୁଧିର ବୃଷ୍ଟି ରଣମଧ୍ୟେଯେସନେ ଦେବାସୁର ଯୁଦ୍ଧେ

Couplet 98

ଯଦୁବୀରଙ୍କ ବାଣଘାୟେରଥେ ପଡିଲା ଶାଲ୍ୱ ମୋହେ

Couplet 99

ମାୟାବିମାନ ଶୂନ୍ୟପଥେକୃଷ୍ଣକୁମରେ ଭୂମିଗତେ

Couplet 100

ଉଭୟବଳୁଁ ଶରବୃଷ୍ଟିରୁଧିର ଗଳେ ତନୁ ଫୁଟି

Couplet 101

କ୍ଷତ୍ରିୟଧର୍ମ ମହାଘୋରକେହି ନ ଛାଡନ୍ତି ସମର

Couplet 102

ଉଭୟଲୋକେ ଜୟ ଇଚ୍ଛାସାୟକଗୁଣେ ବାଣ ଦୀକ୍ଷା

Couplet 103

ଦ୍ୟୁମନ ନାମେ ମହାବଳୀରୁକ୍ମିଣୀସୁତ ପାଶେ ମିଳି

Couplet 104

ପୂର୍ବେ ପ୍ରଦ୍ୟୁମ୍ନ ବାଣଘାତେପଡି ଯେ ଥିଲା ମୋହଗତେ

Couplet 105

ଶାଳ୍ୱର ମନ୍ତ୍ରୀ ସେ ଯୁକତେବିଷମ ଲୌହଗଦା ହସ୍ତେ

Couplet 106

ଚନ୍ଦ୍ରସମୀପେ ଯେହ୍ନେ ରାହୁହୁଙ୍କାରେ ତୋଳି ବେନିବାହୁ

Couplet 107

ରୁକ୍ମିଣୀସୁତ ବକ୍ଷସ୍ଥଳେପ୍ରହାର କଲା ଭୁଜବଳେ

Couplet 108

ଗର୍ଜଇ କରି ମହାରୋଷଶବଦେ କମ୍ପେ ଦଶଦିଶ

Couplet 109

ଗଦାପ୍ରହାରେ କୃଷ୍ଣବାଳାବିମାନେ ପଡି ମୋହଗଲା

Couplet 110

ଦେଖି ତାହାର ମୋହଗତତକ୍ଷଣେ ଦାରୁକର ସୁତ

Couplet 111

ସଂଗ୍ରାମ ଛାଡି ରଥ ବାହିଯୁଦ୍ଧର ଧର୍ମ ସେ ଜାଣଇ

Couplet 112

ସଂଗ୍ରାମ ହୁଡି ପଳାଇଲାକେତେକ ଦୂରେ ବିଶ୍ରାମିଲା

Couplet 113

ପ୍ରଦ୍ୟୁମ୍ନ ପଡିଥିଲା ମୋହେଶୀତପବନ ଲାଗି ଦେହେ

Couplet 114

ତକ୍ଷଣେ ପାଇଲା ଜୀବନଚାହିଁଲା ସାରଥୀ ବଦନ

Couplet 115

ବୋଲଇ କୋପଭର ହୋଇଏମନ୍ତ ଦେଖିଲା ତ ନାହିଁ

Couplet 116

ଅସାଧୁକର୍ମା କିମ୍ପା କଲୁସଂଗ୍ରାମ ଛାଡି ପଳାଇଲୁ

Couplet 117

ଯାଦବକୁଳେ ହୋଇ ଜାତସଂଗ୍ରାମେ ନପୁଂସକ ହୋଇ

Couplet 118

ଚୁ ଦୁରାଚାର ମତିଭ୍ରମନ ଜାଣି କଲୁ ଏଡେ କର୍ମ

Couplet 119

ତୋର ସାରଥିପଣେ ମୁହିଁସଂଗ୍ରାମେ ନପୁଂସକ ହୋଇ

Couplet 120

ସଂଗ୍ରାମେ ପଳାଉ ନିରେଖତୋର ଜୀବନ ହେଉ ଧିକ

Couplet 121

କେମନ୍ତେ କୃଷ୍ଣପାଶେ ଯାଇବଦନ ଦେଖାଇବି ମୁହିଁ

Couplet 122

ରାମର ବଦନ କେମନ୍ତେଚାହିଁବି ସଂଗ୍ରାମ ନିସତେ

Couplet 123

କିବା କହିବି କୃଷ୍ଣପାଶେପଳାଇ ଜୀବନର ଆଶେ

Couplet 124

ସଂଗ୍ରାମେ ମୋର ବୀରପଣଶୁଣି ହସିବେ ଶତ୍ରୁଗଣ

Couplet 125

ପୁରେ ହସିବେ ବଧୁଜନେବସନ ଆଚ୍ଛାଦି ବଦନେ

Couplet 126

ତୁ ଧିକ ମୋହର ସାରଥୀଭଜିଲୁ ନପୁସକ ଗତି

Couplet 127

କିମ୍ପା ଛାଡିଲୁ ରଣଭୂଇଁଅର୍ଦ୍ଧଯୋଜନେ ରଥବାହି

Couplet 128

କହ ନ କର ମନେ ଭ୍ରାନ୍ତିତା ଶୁଣି ବୋଲଇ ସାରଥୀ

Couplet 129

ଶୁଣ ହୋ କୃଷ୍ଣର କୁମରସଂଗ୍ରାମ ଧର୍ମ ଏ ମୋହର

Couplet 130

ରଥୀର ମୋହ ଯେବେ ଦେଖିସାରଥୀ ସଂଗ୍ରାମ ଉପେକ୍ଷି

Couplet 131

କେତେହେଁ ଦୂରେ ରଥ ଧରିରଥୀ ଜୀବନ ସ୍ଥିର କରି

Couplet 132

ପୁଣ ସମରେ ବାହେ ରଥଏ ଧର୍ମ ସାରଥୀଙ୍କ ମତ

Couplet 133

ଏହା ଯେ ନ ଜାଣି ରହନ୍ତିରଥୀ ସାରଥୀ ନାଶଯାନ୍ତି

Couplet 134

ସ୍ୱର୍ଗେ ବସଇ ରଥୀ ଏକେସାରଥୀ ପଡଇ ନରକେ

Couplet 135

ଏଣୁ ମୁଁ କଲି ନିଜ ଧର୍ମଯେଣୁ ତୁ ଗଦାଘାତେ ଭ୍ରମ

Couplet 136

କହଇ ବିପ୍ର ଜଗନ୍ନାଥସାରଥୀ ବାକ୍ୟେ କୃଷ୍ଣସୁତ

Couplet 137

ବୋଲଇ ବାହ ବେଗେ ରଥଆଜ ନାଶିବି ରିପୁଯୁଥ