Adhyaya 80

Couplet 1

ବୋଲନ୍ତି ରାଜା ପରୀକ୍ଷିତଶୁକଚରଣେ ଦେଇ ହସ୍ତ

Couplet 2

ଭୋ ମୁନି କୃଷ୍ଣର ଚରିତଶୁଣି ହୋଇଲି କୃତକୃତ୍ୟ

Couplet 3

ଏ ମହାଯଜ୍ଞେ ଯେତେ ଥିଲେକୃଷ୍ଣ ମହିମା ସେ ଦେଖିଲେ

Couplet 4

ଆନନ୍ଦେ ଗଲେ ନିଜପୁରପ୍ରଶଂସି ଧର୍ମର କୁମର

Couplet 5

ଅନ୍ଧନନ୍ଦନ ଦୁର୍ଯ୍ୟୋଧନସେ କିମ୍ପା ହେଲା ଦୁଃଖମନ

Couplet 6

ଏଣେ ସଂଶୟ ମୋର ଚିତ୍ତଭୋ ମୁନି କହିବା ତଦନ୍ତ

Couplet 7

ଏମନ୍ତେ ରାଜାବାଣୀ ଶୁଣିଶୁକ କହନ୍ତି ମନେ ଗୁଣି

Couplet 8

ବୋଲନ୍ତି ଶୁକ କୁରୁବୀରତୋ ପିତାମହ ଯୁଧିଷ୍ଠିର

Couplet 9

ବନ୍ଧୁବାନ୍ଧବ ତା ଭୁବନେଯଜ୍ଞସଭାର ପ୍ରୟୋଜନେ

Couplet 10

ଯେ ଯାହାମତେ କାର୍ଯ୍ୟକଲେଧର୍ମନନ୍ଦନ କୃଷ୍ଣ ବୋଲେ

Couplet 11

ଯାଗର ପାକଶାଳେ ଭୀମଧନେ ଅଧ୍ୟକ୍ଷ ଦୁର୍ଯ୍ୟୋଧନ

Couplet 12

ସଭାଜନଙ୍କ ପୂଜାଭାବଅର୍ଥ ସାଧନେ ସହଦେବ

Couplet 13

ନକୁଳ ଦ୍ରବ୍ୟ ସମ୍ପାଦନେଦେବକୀନନ୍ଦନ ବଚନେ

Couplet 14

ଗନ୍ଧଚନ୍ଦନ ପୁଷ୍ପଦାନେଅର୍ଜୁନ ଥିଲା ସାବଧାନେ

Couplet 15

ବିପ୍ରଚରଣ ସମାର୍ଜନକରନ୍ତି ନନ୍ଦରନନ୍ଦନ

Couplet 16

ଦୃପଦରାଜାର ନନ୍ଦିନୀସେ ଯଜ୍ଞେ ଅନ୍ନ-ପଋଷୁଣୀ

Couplet 17

ଦାନେ ଅଧୀପ ବୀରକର୍ଣ୍ଣଧନେ ତୋଷିଲା ବିପ୍ରମନ

Couplet 18

ବିକର୍ଣ୍ଣ ବୀର ଯୁଯୁଧାନବିଦୁର ହାର୍ଦ୍ଧିକ୍ୟନନ୍ଦନ

Couplet 19

ଭୃଶୁବା ବାହ୍ଲୀକନନ୍ଦନଏ ଆଦି ବୀର ସନ୍ତର୍ଦ୍ଧନ

Couplet 20

ଧର୍ମନନ୍ଦନ ଅନୁବାଦେଯଜ୍ଞର ନାନାକର୍ମ ସାଧ୍ୟେ

Couplet 21

ପଣ୍ତୁକୁମର ପ୍ରିୟମତେଥିଲେ ସନ୍ତୋଷଭାବ ଚିତ୍ତେ

Couplet 22

ଯାଜ୍ଞିକ ଆଦି ସଭାସଦସୁମ୍ରି ବାନ୍ଧବ ସୁହୃଦ

Couplet 23

ଇଷ୍ଟକୁଟୁମ୍ବ ଆଦି ଯେତେଦକ୍ଷିଣା ପୂଜା ଯେଝାମତେ

Couplet 24

ରାଜୁସିଯଜ୍ଞସଭା ମଧ୍ୟେମଧୁସୁଦନ ପଦ୍ମପାଦେ

Couplet 25

ଶିଶୁପାଳର ପଞ୍ଚପ୍ରାଣନିଶ୍ଚିନ୍ତେ ପଶିଲା ଶରଣ

Couplet 26

ଏମନ୍ତେ ମହାଯଜ୍ଞ ସାରିଧର୍ମନନ୍ଦନ ଦଣ୍ତଧାରୀ

Couplet 27

ଉତ୍ସବ ବାଦ୍ୟନାଦ ମେଳେଯଜ୍ଞସ୍ନାହାନ ଗଙ୍ଗାଜଳେ

Couplet 28

ମିଳିଲେ ମଙ୍ଗଳ ସମ୍ପଦେଶଙ୍ଖଶବଦ ବେଦନାଦେ

Couplet 29

ଦେବ ଗନ୍ଧର୍ବ ପିତୃଗଣକରନ୍ତି ପୁଷ୍ପ ବରଷଣ

Couplet 30

ଯହିଁ ବିଜୟ ନରନାରୀନାନାଭୂଷଣ ଅଙ୍ଗେ ଭରି

Couplet 31

ଗନ୍ଧଚନ୍ଦନ ଗଙ୍ଗାଜଳେଦେହେ ସିଞ୍ଚନ୍ତି ଭୁଜବଳେ

Couplet 32

କ୍ରୀଡନ୍ତି ନାନାରସଭାବେସୁପୁଣ୍ୟବାଦେ ଜନସର୍ବେ

Couplet 33

ତଇଳ ଘୃତ ଗନ୍ଧୋଦକହରିଦ୍ରା କୁଙ୍କୁମ ଶଶାଙ୍କ

Couplet 34

ପୁରୁଷେ ନାରୀଙ୍କର ମୁଖେଲେପି ସିଞ୍ଚନ୍ତି ମନସୁଖେ

Couplet 35

ରାଜକାମିନୀ ନାନାରଥେବିଜୟ କଲେ ରାଜପଥେ

Couplet 36

ପାଶେ ଆବୃତ ଶୂରବରେବେଗେ ମିଳିଲେ ଗଙ୍ଗାତୀରେ

Couplet 37

ଦେବକାମିନୀ ପ୍ରାୟ ମିଳିକରନ୍ତି ଗଙ୍ଗାଜଳେ କେଳି

Couplet 38

କୃଷ୍ଣକାମିନୀ ପରିହାସେସିଞ୍ଚନ୍ତି ନୀର ମୁଖ କେଶେ

Couplet 39

ସଲ୍ଲଜେ ହରଷେ ହସନ୍ତିଯେହ୍ନେ ଗଗନେ ତାରାପନ୍ତି

Couplet 40

ଭୀମ ଅର୍ଜୁନ ଆଦି ଯେତେସର୍ବକାମିନୀ ମଧ୍ୟଗତେ

Couplet 41

ଜଳ ସିଞ୍ଚନ୍ତି ବେନିହସ୍ତେଝୀନବସନ ଉର ଗାତ୍ରେ

Couplet 42

ପ୍ରକାଶେ ଜାନୁ କଟୀ ସ୍ତନଓଦାବସନେ କି ସୁବର୍ଣ୍ଣ

Couplet 43

ଦେଖି କାମିନୀ ଦୁଷ୍ଟଜନେଅନଙ୍ଗବାଣେ ମନଛନ୍ନେ

Couplet 44

ବଦନେ ମନ୍ଦହାସ ଦେଖିମୋହେ ବୁଜିଲେ ବେନି ଆଖି

Couplet 45

ଏମନ୍ତେ ଅବଭୃଥ ସ୍ନାନଆନନ୍ଦେ କରି ସର୍ବଜନ

Couplet 46

କୂଳେ ବିଜୟ ମହାରାଜଉଦୟରବି ଜିଣି ତେଜ

Couplet 47

ନାନା ଭୂଷଣେ ଅଳଙ୍କୃତରଥେ ଆରୋହି ଧର୍ମସୂତ

Couplet 48

ପାଶେ ଆବୃତ ନାରୀଜନେକ୍ରିୟା କଳାପେ ଯଜ୍ଞ ଯେହ୍ନେ

Couplet 49

ଦ୍ରୌପଦୀ ଘେନି ରାଜା କୋଳେସ୍ନାହାନ କରି ଗଙ୍ଗାଜଳେ

Couplet 50

ବାଜଇ ବୀରତୁର ଭେରୀଗଙ୍ଗାରେ ଅଭିଷେକ କରି

Couplet 51

ଦୁନ୍ଦୁଭି ଶୁଭଇ ଆକାଶେସୁଗନ୍ଧ କୁସୁମ ବରଷେ

Couplet 52

ବ୍ରାହ୍ମଣ ଆଦି ଚାରିବର୍ଣ୍ଣଅଗ୍ରତେ ଚତୁର୍ଥ ଆଶ୍ରମ

Couplet 53

ରାଜାର ଅବଭୃଥ କାଳେସ୍ନାହାନ କରି ଗଙ୍ଗାଜଳେ

Couplet 54

ନିର୍ମଳ କଲେ ଦେହ ମନଯେ ଜଳେ କଳୁଷହଦନ

Couplet 55

ବିଶେଷେ ଚାହିଁ କୃଷ୍ଣମୁଖଛାଡିଲେ ଭବବନ୍ଧ ଦୁଃଖ

Couplet 56

ଉତ୍ତମ ବସ୍ତ୍ର ଆଦି ଧନଅଣାଇ ପଣ୍ତୁର ନନ୍ଦନ

Couplet 57

ଯଜ୍ଞେ ବରଣ ବ୍ରହ୍ମା ଆଦିଯେ ଅବା ଥିଲେ ମନ୍ତ୍ରବାଦୀ

Couplet 58

ଜ୍ଞାତି ବାନ୍ଧବ ନୃପଗଣେମିତ୍ର ସୁହୃଦ ଯେବା ଅନ୍ୟେ

Couplet 59

କୃଷ୍ଣବଚନେ ପୂଜା କରିମନ ତୋଷିଲେ ଦଣ୍ତଧାରୀ

Couplet 60

ମଣି କୁଣ୍ତଳ ପାଗ ଶିରେନାନାଭୂଷଣ ରତ୍ନହାରେ

Couplet 61

ନାରୀପୁରୁଷେ ବିରାଜନ୍ତଯେହ୍ନେ ଗଗନେ ତାରାପନ୍ତି

Couplet 62

କୃଷ୍ଣ ପାଣ୍ତବ ଅନୁଯାନେଗଲେ ସେ ଯେ ଯାହା ଭୁବନେ

Couplet 63

ଯେ ରାଜା ଗୋବିନ୍ଦର ଦାସସେ ମହାଯଜ୍ଞେ ତାର ଯଶ

Couplet 64

ଆନନ୍ଦେ ମୁଖେ ମୁଖ ଚାହିଁପଥେ ଚଳନ୍ତି ଗୀତ ଗାଇ

Couplet 65

ପୁଣି ସନ୍ତୋଷ ନୋହେ ମନମନୁଷ୍ୟେ ଯେହ୍ନେ ସୁଧାପାନ

Couplet 66

ରତ୍ୱିକ ଆଦି ମନ୍ତ୍ରବାଦୀଅନେକ ରାଜଋଷି ଆଦି

Couplet 67

ଧର୍ମନନ୍ଦନ ବନ୍ଧୁଗଣେପ୍ରିୟବଚନେ ଜଣେ ଜଣେ

Couplet 68

ଦେବକୀନନ୍ଦନ ସଙ୍ଗତେଭାବେ ରହିଲେ ଦିନାକେତେ

Couplet 69

ତକ୍ଷଣେ ପ୍ରଭୁ ଭଗବାନପାଶେ ବସାଇ ଉଗ୍ରସେନ

Couplet 70

ପ୍ରଦ୍ୟୁମ୍ନ ଆଦି ଯେତେ ସୁତକୁଟୁମ୍ବ ସୁହୃଦ ସହିତ

Couplet 71

ମେଲାଣି ଦେଇ ନିଜପୁରେକୃଷ୍ଣ ରହିଲେ ରାଜାଘରେ

Couplet 72

ଏମନ୍ତେ ପଣ୍ତୁର ନନ୍ଦନଦୁସ୍ତର-ମନୋରଥ-ପୂର୍ଣ୍ଣ

Couplet 73

କୃଷ୍ଣଚରଣ ଭେଳା କଲେଯଜ୍ଞ ଜଳଧି ନିସ୍ତରିଲେ

Couplet 74

ଏମନ୍ତେ ଶୁଣ ହେ ରାଜନଦିନେକ ରାଜା ଦୁର୍ଯ୍ୟୋଧନ

Couplet 75

ଧର୍ମନନ୍ଦନ ଅନ୍ତଃପୁରେପଶିଲା ବାନ୍ଧବ ବେଭାରେ

Couplet 76

ଦେଖି ସମ୍ପଦ ଅଗୋଚରଉପନା ନାହିଁ ତିନିପୁର

Couplet 77

ଯଜ୍ଞେ ଗୋବିନ୍ଦର ମହିମାକେ କହିପାରେ ଗୁଣସୀମା

Couplet 78

ଯାହାର ଧ୍ୟାନ କୃଷ୍ଣପାଦେକେଅନ୍ତ କରୁ ତା ସମ୍ପଦେ

Couplet 79

ନର ଅସୁର ସୁର ଶିରୀଯାର ଭୁବନେ ଅଛି ପୁରି

Couplet 80

ବ୍ରହ୍ମା ସଞ୍ଚିତ ଭୋଗ ଯେତେନାନାପ୍ରକାରେ ଅପ୍ରମିତେ

Couplet 81

ଦ୍ରୁପଦ ରାଜାର ନନ୍ଦୀନୀସର୍ବସମ୍ପଦ ସଙ୍ଗେ ଘେନି

Couplet 82

ସେବଇ ଯୁଧିଷ୍ଠିର ପାଦେକୃଷ୍ଣପ୍ରସନ୍ନେ ଅପ୍ରମାଦେ

Couplet 83

ତା ଦେଖି ଅନ୍ଧରନନ୍ଦନଅନ୍ତରେ ଦହଇ ଜୀବନ

Couplet 84

ଯହିଁ ଗୋବିନ୍ଦ ନାରୀଗଣେବଳୟ ନୁପୂର କଙ୍କଣେ

Couplet 85

ଚାଲନ୍ତେ ନୂପୁର ବାଜେଣୀକଟୀରେ ରତ୍ନ ଓଡ଼ିଆଣୀ

Couplet 86

କୁଚ-କୁଙ୍କୁମେ ଶୋଣହାରକର୍ଣ୍ଣେ କୁଣ୍ତଳ ରତ୍ନସାର

Couplet 87

ଏମନ୍ତ ଦେଖି ତା ଭୁବନଅନ୍ଧନନ୍ଦନ ଦୁର୍ଯ୍ୟୋଧନ

Couplet 88

ବାହୁଡି ହରଷ ବିଷାଦେପୁଣି ମିଳିଲା ସଭାମଧ୍ୟେ

Couplet 89

ମୟନିର୍ମିତ ମାୟାସଭାକି ଅବା ପଟାନ୍ତର ଦେବା

Couplet 90

ଯହିଁ ବିଜୟ ଦାମୋଦରସ୍ୱଭାବେ କାଳଚକ୍ରଧର

Couplet 91

ଚକ୍ଷୁ ଚଳନ୍ତେ ବିଶ୍ୱଚଳେତାହାର ଜନ୍ମ ମହୀତଳେ

Couplet 92

ଭାବ ଅଭାବ ମତ ବେନିକହନ୍ତି ହସ୍ତେ ବେତ୍ର ଘେନି

Couplet 93

ସେ ସଭାମଧ୍ୟେ ଧର୍ମସୂତସଙ୍ଗେ ଅଛନ୍ତି ଚାରିଭ୍ରାତ

Couplet 94

କାଞ୍ଚନ ଆସନେ ବିଜୟେଦିଶେ ଆକାଶେ ଇନ୍ଦ୍ର ପ୍ରାୟେ

Couplet 95

ବ୍ରହ୍ମାଙ୍କ ସଭା ପ୍ରାୟ ଦିଶିସୂତ-ମାଗଧେ ପରଶଂସି

Couplet 96

ଏମନ୍ତେ ମିଳି ଅନ୍ଧସୁତସଙ୍ଗେ ଅଛନ୍ତି ଶତେ ଭ୍ରାତ

Couplet 97

ରତ୍ନମୁକୁଟ ଅଛି ଶିରେହସ୍ତନିବେଶି ମନ୍ତ୍ରୀ କରେ

Couplet 98

ରୋଷେ କମ୍ପଇ ତା ଶରୀରଏମନ୍ତେ ଶୁଣ ନୃପବର

Couplet 99

ମୟନିର୍ମିତ ମାୟାସଭାଯହିଁ ଭ୍ରମନ୍ତି ଶୂର ଦେବା

Couplet 100

କୃଷ୍ଣ ମହିମା ଅନ୍ତରାଳକ୍ଷଣକେ ଦିଶେ ଜଳସ୍ଥଳ

Couplet 101

ସ୍ଥଳକୁ ଜଳ ପ୍ରାୟ ମଣିବସ୍ତ୍ର ତୋଳିଲା କରେ ଆଣି

Couplet 102

ଜଳକୁ ସ୍ଥଳ ପ୍ରାୟ ବୁଝିକୋପେ ପଶିଲା ଚକ୍ଷୁବୁଜି

Couplet 103

ଜଳେ ହୋଇଲା ସ୍ଥଳ ଭ୍ରାନ୍ତିମୟ-ମାୟାରେ ମୋହଗତି

Couplet 104

ଜଳେ ପଡନ୍ତି କୁରୁପତିତା ଦେଖି ହସିଲା ମାରୁତି

Couplet 105

ଦ୍ରୌପଦୀ ଆଦି ଯେତେ ନାରୀସର୍ବେ ହସିଲେ ହାସ୍ୟ କରି

Couplet 106

ଯେତେ ନୃପତି ଥିଲେ ବସିମୁଖେ ବସନ ଦେଇ ହସି

Couplet 107

ଚକ୍ଷୁ ଚାଳିଣ ଚକ୍ରଧରଠାରିଲେ ସର୍ବେ ହାସ୍ୟ କର

Couplet 108

ଏମନ୍ତେ ସର୍ବ ସଭାଜନେହସିଲେ ବିକୃତ ବଦନେ

Couplet 109

ଦେହ ସମ୍ଭାଳି କୁରୁନାଥଉଠିଲା ଧରି ଭ୍ରାତହସ୍ତ

Couplet 110

ଅଧୋବଦନେ କୋପକରିଦୁଃଶାସନର କର ଧରି

Couplet 111

ଜନେ କରନ୍ତି ହାହାକାରହସ୍ତିନା ଗଲା ନୃପବର

Couplet 112

ତା ଦେଖି ଧର୍ମର ନନ୍ଦନସମ୍ଭ୍ରମେ କଲେ ଦୁଃଖମନ

Couplet 113

ପଣ୍ତୁନନ୍ଦନ ଭାବ ଘେନିଗୋବିନ୍ଦ ଜାଣି ହେଲେ ତୁନି

Couplet 114

ଅଶେଷ ଅବନୀର ଭାରଯେ ହରି କରିବେ ସଂହାର

Couplet 115

ଯାହାର ମାୟାରେ ମୋହିତହୋଇଛି ଅଶେଷ ଜଗତ

Couplet 116

ବ୍ରହ୍ମାଶଙ୍କରେ ଅଗୋଚରଏ ପୁଣି ମନୁଷ୍ୟ ମାତର

Couplet 117

ଶୁଣ ପରୀକ୍ଷ ଶୁଦ୍ଧଚିତ୍ତେତୁ ଯାହା ପଚାରିଲୁ ମୋତେ

Couplet 118

ରାଜସୂୟଯଜ୍ଞେ ବରଣଦୁର୍ଯ୍ୟୋଧନର ଦୁଷ୍ଟପଣ

Couplet 119

ବୋଲଇ ଦାସ ଜଗନ୍ନାଥକୃଷ୍ଣରଚିତ ଭାଗବନ

Couplet 120

ରାଜୁସିଯଜ୍ଞ କଥା ଶୁଣିସଂସାରୁ ତର ସର୍ବପ୍ରାଣୀ

Couplet 121

ଗୋବିନ୍ଦ ପାଦେ କର ଭାବଯେବେ ଏ ସଂସାରୁ ତରିବ

Couplet 122

ଜଗତହିତେ କୃଷ୍ଣବାଣୀଗୀତେ ମୁଁ ବଖାଣିଲି ଆଣି

Couplet 123

ଏଣେ ନିଶ୍ଚଳ କର ଚିତ୍ତମୁଁ ତୁମ୍ଭ ଭୃତ୍ୟଙ୍କର ଭୃତ୍ୟ