Adhyaya 79

Couplet 1

ଏବେ ହୋ ଶୁଣ ନୃପମଣିଜରାସନ୍ଧର ବଧ ଶୁଣି

Couplet 2

କୃଷ୍ଣମହିମା ଅନୁଭବଆତ୍ମାକଳ୍ପିତ କାର୍ଯ୍ୟ ଲାଭ

Couplet 3

ଯୁଧିଷ୍ଠି ବୋଲେ ପ୍ରିୟମନେକୋମଳ ଗଭୀର ବଚନେ

Couplet 4

ବ୍ରହ୍ମା ଶଙ୍କର ଆଦି ଯେତେଦେବେ ଅଛନ୍ତି ଏ ଜଗତେ

Couplet 5

ତୋର ଦୁର୍ଲ୍ଲଭ ଆଜ୍ଞା ପାଇଶିରେ ବହନ୍ତି ତୋଷ ହୋଇ

Couplet 6

ଏମନ୍ତ ପ୍ରଭୁ ମହାବାହୁତୁ ଯେ ମୋହର ଆଜ୍ଞା ବହୁ

Couplet 7

ଏ ବଡ ବିଡମ୍ବନ କର୍ମତୁ ଆଦି ନିରଞ୍ଜନ ଧର୍ମ

Couplet 8

ଏକ ଅଦ୍ୱିତୀୟ ଅନନ୍ତପରମଆତ୍ମା ତୁ ଅଚ୍ୟୁତ

Couplet 9

ତୁ ସର୍ବଭୂତେ ଦେହ ବହିକର୍ମବନ୍ଧନ ତୋର କାହିଁ

Couplet 10

ପ୍ରବେଶ ହେଉ ସର୍ବଜନେଆଦିତ୍ୟ ଯେସନେ ଗଗନେ

Couplet 11

ଗୁଣ ଗ୍ରହଣେ ତୁ ଅଜିତଯେ ପ୍ରାଣୀ ତୋହର ଭକତ

Couplet 12

ତାହାଙ୍କ ଚିତ୍ତେ ନାହିଁ ଭ୍ରାନ୍ତିମୁହିଁ ମୋହର ନ ବୋଲନ୍ତି

Couplet 13

ଏ ତୋର ମାୟାର ବିକାରକେ ଜାଣିପାରେ ଦାମୋଦର

Couplet 14

ବୋଲନ୍ତି ଶୁକ ମହାଯତିଶୁଣ ରାଜନ କୁରୁପତି

Couplet 15

ଧର୍ମନନ୍ଦନ ଯଜ୍ଞକାଳେକହି ଗୋବିନ୍ଦ ପାଦତଳେ

Couplet 16

ସଙ୍ଗତେ ଘେନି ନରହରିରତ୍ୱିଜ ଚାରିବେଦୁଁ ବରି

Couplet 17

ଶ୍ରୀବେଦବ୍ୟାସ ଭରଦ୍ୱାଜସୁମନ୍ତୁ ଗଉତମ ଦ୍ୱିଜ

Couplet 18

ଅସିତ ବଶିଷ୍ଠ ଚ୍ୟବନକବଷ ମହାତେଜା କଣ୍ୱ

Couplet 19

ସୁପୁଣ୍ୟ ମଇତ୍ରେୟ ଋଷିଏ ଆଦି ଯେତେ ଭୃଗୁବଂଶୀ

Couplet 20

ଯେ ବିଶ୍ୱାମିତ୍ର ବାମଦେବସୁମିତି ଜୈମିନି ଅଥର୍ବ

Couplet 21

କ୍ରତୁ ପଇଳ ପରାଶରଗର୍ଗ ଗଉତମକୁମର

Couplet 22

ବୈଶମ୍ପାୟନ ମୁନିବରକଶ୍ୟପ ବ୍ରହ୍ମାଙ୍କ କୁମର

Couplet 23

ଧୌମ୍ୟ ଭାର୍ଗବ ପର୍ଶୁରାମଆସୁରି ବୀତିହୋତ୍ର ନାମ

Couplet 24

ମଧୁଛନ୍ଦା ଯେ ବୀରସେନଅକୃତବଣ ମୁନିଜନ

Couplet 25

ଅଣାଇ ନାନା ମୁନିଗଣଆଦରେ ପୁଜି ଭୀଷ୍ମଦ୍ରୋଣ

Couplet 26

କୃପ ସହିତେ କୁରୁନାଥସଙ୍ଗେ ଘେନାଇ ପୁତ୍ରଶତ

Couplet 27

ବିଦୁର ଆଦି ବନ୍ଧୁ ଯେତେମିଳିଳେ ଆଖଣ୍ତଳପ୍ରସ୍ଥେ

Couplet 28

ବ୍ରାହ୍ମଣ ଆଦି ଚାରିବର୍ଣ୍ଣଯଜ୍ଞ ଉତ୍ସବେ ଆଗମନ

Couplet 29

ଭୂମିରେ ଯେତେ ନୃପଗଣଯଜ୍ଞମଙ୍ଗଳେ ନିମନ୍ତ୍ରଣ

Couplet 30

ପ୍ରକୃତି ସଙ୍ଗତେ ମିଳିଲେଧର୍ମନନ୍ଦନ ଯଜ୍ଞକାଳେ

Couplet 31

ଉତ୍ତମ ଶୁଭଲଗ୍ନ ବେଳେବ୍ରାହ୍ମଣେ ସୁବର୍ଣ୍ଣଲଙ୍ଗଳେ

Couplet 32

କରନ୍ତି ଭୂମି କରଷଣଶୁଭେ ମଙ୍ଗଳେ ଉଚ୍ଚାରଣ

Couplet 33

ଯଥା ଉଚିତ ବେଦମନ୍ତ୍ରଦୀକ୍ଷିତ କଲେ ଧର୍ମସୂତେ

Couplet 34

ଶଙ୍ଖେ ଉଦକ କୁଶ କରେବିପ୍ରେ ବରିଲେ ମନ୍ତ୍ରସ୍ୱରେ

Couplet 35

ସର୍ବ ସୁବର୍ଣ୍ଣ ପରିଚ୍ଛଦକେ କହୁ ଯଜ୍ଞର ସମ୍ପଦ

Couplet 36

ପୂର୍ବେ ବରୁଣଯଜ୍ଞେ ଯେହ୍ନେଧରଣୀ ପୁରିଲା ସୁବର୍ଣ୍ଣେ

Couplet 37

ବାସବ ଆଦି ଦିଗପାଳେଭବ ବିରଞ୍ଚି ସିଦ୍ଧମେଳେ

Couplet 38

ଗନ୍ଧର୍ବ ବିଦ୍ୟାଧର ନାଗଯକ୍ଷ ରାକ୍ଷସ ଯେ ଉରଗ

Couplet 39

ଖଗ କିନ୍ନର ଯେ ଚାରଣପତ୍ନୀ ସହିତେ ରାଜାଗଣ

Couplet 40

ଧର୍ମନନ୍ଦନ ଯଜ୍ଞେ ଆସିସମ୍ପଦ ଦେଖି ପରଶଂସି

Couplet 41

କୃଷ୍ଣଭକତ ଯେତେ ନରକିବା ସମ୍ପଦ ତାଙ୍କୁ ଦୂର

Couplet 42

ନାନା ସମ୍ପଦ ସୁଖସୀମାଏ ସର୍ବ କୃଷ୍ଣର ମହିମା

Couplet 43

ରାଜାର ପୁରୋହିତ ଯେତେଶୁଦ୍ଧ ଶରୀରେ ବେଦମତେ

Couplet 44

ସେ ରାଜସୂୟ ଯଜ୍ଞ ବିଧିକରାଇ ସକଳ ସମୃଦ୍ଧି

Couplet 45

ବରୁଣଯଜ୍ଞେ ଦେବଗଣେଯେମନ୍ତେ ଥିଲେ ନିମନ୍ତ୍ରଣେ

Couplet 46

ଯଜ୍ଞ ଆରମ୍ଭ ପୂର୍ବଦିନେଧର୍ମନନ୍ଦନ ଶୁଦ୍ଧମନେ

Couplet 47

ଯାଜ୍ଞିକ ସଭାସଦ ଆଦିପାଦପୂଜନେ ଅର୍ଘ୍ୟବିଧି

Couplet 48

ଘେନି ମିଳିଲେ ସଭାତଳେବନ୍ଧୁବାନ୍ଧବ ଭ୍ରାତମେଳେ

Couplet 49

ରାଜୁସି ଯଜ୍ଞେ ମହାସଭାଅଛନ୍ତି ଶୁର ମୁନି ଦେବା

Couplet 50

ଧର୍ମନନ୍ଦନ ସଭା ଚାହିଁହୃଦୟ ମଧ୍ୟେ ବିଚାରଇ

Couplet 51

ଏ ଅର୍ଘ୍ୟ ଦେବି କାହା ପାଦେଭାଳଇ ସଂଶୟ ବିଷାଦେ

Couplet 52

ମୁହୁର୍ତ୍ତେ ରହି ଦୃଢଭାବତା ଦେଖି ବୋଲେ ସହଦେବ

Couplet 53

କରଅଞ୍ଚଳି ଶିରେ ଦେଇକହେ ରାଜନ ମୁଖ ଚାହିଁ

Couplet 54

ଜାଣଇ କୃଷ୍ଣର ମହିମାସର୍ବଜ୍ଞ ପଣେ ଏକସୀମା

Couplet 55

ଶୁଣ ରାଜନ ଚୁଡାମଣିମୋର ଉଚିତ ଧର୍ମବାଣୀ

Couplet 56

ଏ ମହାସଭା ମଧଗତେଅର୍ଘ୍ୟକୁ ପାତ୍ର ଜଗନ୍ନାଥେ

Couplet 57

ଦେଖ ଏ କୃଷ୍ଣର ଚରଣଅନାଦି ପରମ କାରଣ

Couplet 58

ଯେ ହରି ସର୍ବେଦେବମୟସର୍ବେ ଅଛନ୍ତି ଏହା ଦେହେ

Couplet 59

ଏ କୃଷ୍ଣ ଦେଶ କାଳ ପାତ୍ରଧନ ଜୀବନ ବେଦମନ୍ତ୍ର

Couplet 60

ଯଜ୍ଞପୁରୁଷ ଏହୁ ହରିଏହାର ଦେହେ ବିଶ୍ୱ ପୁରି

Couplet 61

ଯଜ୍ଞ ଆହୁତି ଭୋକ୍ତା ଏହୁଯଜ୍ଞର କର୍ତ୍ତା ମହାବାହୁ

Couplet 62

ଏଟି ଅନଳ ଦେବଗଣଏ ବେଦମନ୍ତ୍ର ଉଚ୍ଚାରଣ

Couplet 63

ଏହାର ଦେହେ ସାଂଖ୍ୟ ଯୋଗଏଟି ଭୁଞ୍ଜଇ ହବିର୍ଭାଗ

Couplet 64

ନିତ୍ୟେ ଏ ଏକ ନୋହେ ଦୁଇଏ ସର୍ବଜୀବ ଦେହେ ଥାଇ

Couplet 65

ଏ ମାୟା ସୃଷ୍ଟି ଆତ୍ମା ଏହିମାୟାପୁରୁଷ ଏ ବୋଲାଇ

Couplet 66

ଏହାରା ମାୟା ତିନିଗୁଣସୃଷ୍ଟି ପାଳନ ସଂହାରଣ

Couplet 67

କରଇ ଆତ୍ମଯୋଗ ବଳେଲୀଳା ବିହାର ମହୀତଳେ

Couplet 68

ବିବିଧ କର୍ମଦାତା ଏହିକର୍ମବିପାକ ଏ ଦିଅଇ

Couplet 69

ଏହାର ଭ୍ରୂଭଙ୍ଗିମା ଭାବେଜଗତ ପ୍ରକାଶ ସ୍ୱଭାବେ

Couplet 70

ଧର୍ମାର୍ଥ କାମ ମୋକ୍ଷସଙ୍ଗେଥାନ୍ତି ଏହାର ପାଦଯୁଗେ

Couplet 71

ଏଣୁ ଏ ମହାବିଷ୍ଣୁପାଦେଏ ଅର୍ଘ୍ୟ ଦିଅ ହେ ଆନନ୍ଦେ

Couplet 72

ସର୍ବଭୂତଙ୍କ ପିଣ୍ତ ପ୍ରାଣଏଣେଟି ହୋଇବ ତର୍ପଣ

Couplet 73

ଯେଣୁ ଏ ସର୍ବଭୂତଦେହୀଭେଦ ଅଭେଦ ଭାବ ନାହିଁ

Couplet 74

ଏହାର ପାଦେ ମହାଅର୍ଘ୍ୟଦେଇ ତୁ ଲଭ ଚଉବର୍ଗ

Couplet 75

କୃଷ୍ଣର ପାଦେ ଅର୍ଘ୍ୟ ଦେଲେବ୍ରହ୍ମାଣ୍ତ ପୂଜିବୁ ତୁ ଭଲେ

Couplet 76

ସର୍ବଜୀବଙ୍କ ଆତ୍ମାଭୂତପ୍ରଭୁ ଅନନ୍ତ ଦଇବତ

Couplet 77

କର୍ମର ଫଳ ଏହା ପାଦେଯେ ପ୍ରାଣୀ ସମର୍ପେ ଆନନ୍ଦେ

Couplet 78

ଏହାକୁ କର୍ମଫଳ ଦେଇଅନ୍ତେ ଅନନ୍ତଫଳ ପାଇ

Couplet 79

ଏମନ୍ତ କୃଷ୍ଣର ସ୍ୱଭାବଜାଣି କହିଲା ସହଦେବ

Couplet 80

ଶୁଣି ସହଦେବ ବଚନସଭାର ମଧ୍ୟେ ଯେତେ ଜନ

Couplet 81

ସର୍ବେ କରନ୍ତି ସାଧୁବାଣୀଧର୍ମନନ୍ଦନ ତାହା ଶୁଣି

Couplet 82

ପ୍ରଣମି ପ୍ରିୟଭାବେ ଭୋଳଗୋବିନ୍ଦପାଦେ ଅର୍ଘ୍ୟଜଳ

Couplet 83

ବେଦବଚନେ ରାଜା ଢାଳିପାଦଉଦକ ଶିରେ ବୋଳି

Couplet 84

ପତ୍ନୀ ସହିତେ ଭ୍ରାତାଗଣପୂଜିଲେ ଗୋବିନ୍ଦଚରଣ

Couplet 85

ବନ୍ଧୁ କୁଟୁମ୍ବ ଆଦି ଯେତେନମିଲେ କୃଷ୍ଣପାଦଗତେ

Couplet 86

ନାନାଭୂଷଣ ହସ୍ତେ ଘେନିଉତ୍ତମ ପୀତବସ୍ତ୍ର ବେନି

Couplet 87

ଆନନ୍ଦେ କୃଷ୍ଣପାଦେ ପୂଜିଅଶ୍ରୁପୂରିତ ଚକ୍ଷୁବୁଜି

Couplet 88

ରୋମପୁଲକ ସର୍ବେଦେହୀକୃଷ୍ଣଙ୍କୁ ନ ପାରନ୍ତି ଚାହିଁ

Couplet 89

ଏମନ୍ତେ ସଭାଜନେ ଚାହିଁକର ଅଞ୍ଜଳି ଶିରେ ଦେଇ

Couplet 90

ଶୁଭିଲା ଜୟ ଜୟ ବାଣୀନମ ଶବଦେ ସ୍ତୁତି ଭଣି

Couplet 91

ଦେବେ କରନ୍ତି ପୁଷ୍ପବୃଷ୍ଟିତା ଦେଖି ଶିଶୁପାଳ ଉଠି

Couplet 92

କୋପେ ଅଧର କାମୋଡଇଶୋଣିତ ନୟନେ ଅନାଇଁ

Couplet 93

ପ୍ରଚଣ୍ତ ଦମଘୋଷ ବଳାକୃଷ୍ଣର ନିକଟେ ମିଳିଲା

Couplet 94

କୃଷ୍ଣର ଗୁଣ କର୍ମ ତେଜକହଇ ତୋଳି ବେନିଭୂଜ

Couplet 95

ସଭାଜନଙ୍କୁ କୋପମନେବୋଲଇ ପୁରୁଷବଚନେ

Couplet 96

ଦେଖ ଏ ଦୁରାଶୟ କାଳଈଶ୍ୱର ଚେଷ୍ଟା ଅନ୍ତରାଳ

Couplet 97

ଏ ସତ୍ୟବତୀସୁତ ବାଣୀଭବିଷ୍ୟେ ଯାହା ପରିମାଣି

Couplet 98

ଧ୍ରୁବବଚନ ମହୀତଳେଭାଙ୍ଗିଲ ବାଳକର ବୋଲେ

Couplet 99

ସେ କଥା ହୋଇଲା ପ୍ରତ୍ୟକ୍ଷେଏ ସଭାଜନଙ୍କ ସମ୍ମୁଖେ

Couplet 100

ହେ ସଭାଜନେ ମୋ ବଚନଶ୍ରବଣେ ହୁଅ ସାବଧାନ

Couplet 101

ପାତ୍ର ଅପାତ୍ର ବେନିମତେକୁଶଳେ ଜାଣ ତ ସମସ୍ତେ

Couplet 102

ବାଳବଚନ କିମ୍ପା କରଏ ବଡ ଅନୀତି ତୁମ୍ଭର

Couplet 103

ସଭାରେ ବସି ମତିଭ୍ରମକେମନ୍ତେ କଲ ଏଡେ କର୍ମ

Couplet 104

ଦେଖ ଏ ସଭାମଧ୍ୟଗତେଉତ୍ତମପାତ୍ର ଛନ୍ତି କେତେ

Couplet 105

ତପସ୍ୱୀ ବିଦ୍ୟା ବ୍ରତଧରଜ୍ଞାନବିଧୃତ କଳେବର

Couplet 106

ଦେଖ ଉତ୍ତମ ଋଷିଗଣଦେବେ ପୂଜନ୍ତି ଯା ଚରଣ

Couplet 107

ଏ ଆଦି ଯେତେ ନୃପବରକେ କହୁ ଗୁଣ ତାହାଙ୍କର

Couplet 108

ଏ ମହାସଭା ପୂଜା ଏଡିବାଳବଚନେ ତୁମ୍ଭେ ହୁଡି

Couplet 109

ଏ ମହାସଭା ବ୍ରତ ବଳୀଅଜ୍ଞାନ ବେନିଭୁଜ ତୋଳି

Couplet 110

ଏ ସହଦେବ ଅନୁବାଦେନେଇ ଢାଳିଲ କାକ ପାଦେ

Couplet 111

ଏ ଯଜ୍ଞସଭା ପୁରୋଡାଶକେମନ୍ତେ କାକ କଲା ଗ୍ରାସ

Couplet 112

ଦେଖ ଏ ମନ୍ଦ ଗୋପଶିଶୁବ୍ରଜଗୋପାଳ କୁଳପାଂଶୁ

Couplet 113

ଏହାର ଗୁଣ କର୍ମ ନାହିଁକେମନ୍ତେ ବଳିଭୋଗ୍ୟ ହୋଇ

Couplet 114

ଏହାକୁ କେମନ୍ତେ ପୂଜିଲବେଦବଚନ ନ ମାନିଲ

Couplet 115

ଏ ନାହିଁ ଚାରିବର୍ଣ୍ଣ ମଧ୍ୟେଆଶ୍ରମ କୁଳ ଧର୍ମ ବାଦେ

Couplet 116

ଏ ଥାଇ ଆପଣାର ମତେସମସ୍ତେ ଜାଣନ୍ତି ଜଗତେ

Couplet 117

ଏହାର ଗୁଣ କିଛି ନାହିଁକେମନ୍ତେ ଅର୍ଘ୍ୟଯୋଗ୍ୟ ଏହି

Couplet 118

ପୂର୍ବେ ଯଯାତି ଶାପଫଳେନୃପଆସନ ନାହିଁ କୁଳେ

Couplet 119

ନିଶ୍ଚୟେ ନାହିଁ ଜାତି କୁଳନିତ୍ୟେ ଏ ମଧୁପାନେ ଭୋଳ

Couplet 120

ଏ ତ ନୁହଁଇ ତୁମ୍ଭ ଭଲକେମନ୍ତେ ଏହାକୁ ପୂଜିଲ

Couplet 121

ଦେଖ ଏ ପୁଣ୍ୟଭୂମି ଛାଡିଋଷି ବ୍ରାହ୍ମଣ ସଙ୍ଗ ଏଡି

Couplet 122

ସମୁଦ୍ର ମଧ୍ୟେ ଘର କରିକଷ୍ଟେ ଜୀବନ ଅଛି ଧରି

Couplet 123

ନିତ୍ୟେ ପିଡଇ ଜନ ପ୍ରଜାକେମନ୍ତେ ଏହା ପାଦେ ପୂଜା

Couplet 124

କେତେ କହିବା ଏହା ଗୁଣଏ ନୋହେ ତୁମ୍ଭର ପ୍ରମାଣ

Couplet 125

ଅଧିକେ ଦୋଷ ଗୁଣ ଯେତେଲୋକେ ଜାଣନ୍ତି ଏ ଜଗତେ

Couplet 126

ଏମନ୍ତ କହି ମନ୍ଦବାଣୀକୋପେ କମ୍ପଇ ଶିରଝୁଣି

Couplet 127

ନିନ୍ଦା ପୁରୁଷ ତାର ବାଣୀଗୋବିନ୍ଦ ସଭାମଧ୍ୟେ ଶୁଣି

Couplet 128

ଚାହିଁଲେ ହସିତ ବଦନେଶୃଗାଳ ବାକ୍ୟେ ସିଂହ ଯେହ୍ନେ

Couplet 129

ଏ ଦୁଷ୍ଟ ଶିଶୁପାଳବାଣୀସେ ମହାସଭାଜନେ ଶୁଣି

Couplet 130

ଦୁଃସହ ବଚନ ତାହାରଶୁଣି ଉଠିଲେ କୋପଭର

Couplet 131

ଅଙ୍ଗୁଳି ଦେଇ କର୍ଣ୍ଣଦ୍ୱାରେଗମିଲେ ଯେ ଯାହା ମନ୍ଦିରେ

Couplet 132

ଚଳନ୍ତି ଅତି କୋପ ବହିଶିଶୁପାଳକୁ ଗାଳି ଦେଇ

Couplet 133

ବୋଲନ୍ତି କୋପଭର ହୋଇଧର୍ମବଚନେ ମନ ଦେଇ

Couplet 134

ବିଷ୍ଣୁର ନିନ୍ଦା ଯହିଁ ଶୁଣିବିଷ୍ଣୁଭକତ ଯେତେ ପ୍ରାଣୀ

Couplet 135

ସେ ଠାବ ତେଜି ଯେ ନ ଯାନ୍ତିନିଶ୍ଚୟେ ନରକେ ପଡନ୍ତି

Couplet 136

ଏମନ୍ତେ ସଭାମଧ୍ୟେ ଗୋଳଶୁଭିଲା ଦିଗ ଅନ୍ତରାଳ

Couplet 137

ଶୁଣି ପାଣ୍ତବେ କୋପଭରିଧାଇଁଲେ କରେ ଶସ୍ତ୍ର ଧରି

Couplet 138

ମତ୍ସ୍ୟ କେକୟ ଯେ ସୃଞ୍ଜୟଶସ୍ତ୍ର ଆୟୁଧ ବର୍ମଦେହ

Couplet 139

ବୋଲନ୍ତି ମାର ଶିଶୁପାଳନିଶ୍ଚେ ପୁରିଲା ତାର କାଳ

Couplet 140

ଏମନ୍ତ ବୋଲି ମହାରୋଷେମିଳିଲେ ଶିଶୁପାଳ ପାଶେ

Couplet 141

ଦେଖି ସମ୍ଭ୍ରମେ ଶିଶୁପାଳସ୍ୱଭାବେ ଦୁଷ୍ଟ ମହାବଳ

Couplet 142

ଖଡଗ ଚର୍ମ କରେ ଧରିରହିଲା ସମର ଆବୋରି

Couplet 143

କୃଷ୍ଣର ପକ୍ଷ ଯେତେ ଜନତାହାଙ୍କୁ କରଇ ଭର୍ତ୍ସନ

Couplet 144

ରୋଷେ ଗର୍ଜଇ ଘୋରନାଦେଧର୍ମନନ୍ଦନ ସଭାମଧ୍ୟେ

Couplet 145

ଦେଖି ତାହାର ଦୁଷ୍ଟପଣଗୋବିନ୍ଦ ଆବୋରିଲେ ଋଣ

Couplet 146

ପାଣ୍ତବବଳ ପୃଷ୍ଠଭାଗେମିଳିଲେ ଶିଶୁପାଳ ଆଗେ

Couplet 147

ଦୁରନ୍ତ ଚକ୍ରେ ଦାମୋଦରଛେଦିଲେ ଶିଶୁପାଳ ଆଗେ

Couplet 148

ଶିର କମଳ ତାର କଟିପଡିଲା ମହୀତଳେ ଲୋଟି

Couplet 149

ଦେଖି ତାହାର ରତ୍ନଶିରଜନେ କରନ୍ତି ହାହାକାର

Couplet 150

ଶୁଭଇ ମୁଖରାବ ଗୋଳଶୁଣି ସମ୍ଭ୍ରମେ ମହୀପାଳ

Couplet 151

ଯେ ଶିଶୁପାଳ ପକ୍ଷେ ଥିଲେମରଣ ଡରେ ପଳାଇଲେ

Couplet 152

ଶିଶୁପାଳର ମୃତପିଣ୍ତଚକ୍ରେ ହୋଇଣ ବେନିଖଣ୍ତ

Couplet 153

ପଡିଲା ମହାସଭା ତଳେଶୁନ୍ୟେ ଦେଖନ୍ତି ଦିଗପାଳେ

Couplet 154

ତାର ଶରୀରୁ ଦିବ୍ୟଜ୍ୟୋତିଶିଶୁତପନ ପ୍ରାୟ କାନ୍ତି

Couplet 155

ପଶିଲା ଗୋବିନ୍ଦର ଦେହେଦେଖି ବିବୁଧେ କଲେ ଜୟେ

Couplet 156

ପୂର୍ବେ ସେ ବିଷ୍ଣୁଦ୍ୱାରପାଳବ୍ରାହ୍ମଣେ କରି ଅବହେଳ

Couplet 157

ବିଷ୍ଣୁଙ୍କୁ ଶତ୍ରୁପ୍ରାୟ ମଣିବ୍ରାହ୍ମଣ କରି ଅବହେଳ

Couplet 158

ଏ ମହୀତଳେ ତାଙ୍କ ଭ୍ରମବିଷ୍ଣୁଙ୍କୁ କରାଇଲେ ଜନ୍ମ

Couplet 159

ତୃତୀୟଜନ୍ମ ଭ୍ରାତମେଳେଭ୍ରମିଲା ଅବନୀମଣ୍ତଳେ

Couplet 160

କୃଷ୍ଣେ ବଇରୀଭାବ ଘେନିତିନିଜନମ ଭାଇବେନି

Couplet 161

ଆଦି ଅସୁର ମହାବପୁଜନ୍ମିଲା ହିରଣ୍ୟକଶିପୁ

Couplet 162

ଅନୁଜ ହିରଣ୍ୟାକ୍ଷ ବୀରପୁଣି ଜନ୍ମିଲା ସହୋଦର

Couplet 163

ବିଶ୍ରବାମୁନି ଘରେ ଯାଇପୁଣି ରାକ୍ଷସ ଜନ୍ମ ହୋଇ

Couplet 164

ରାବଣ କୁମ୍ଭକର୍ଣ୍ଣ ନାମସମରେ ନାହିଁ କେହି ସମ

Couplet 165

ପୁଣି ଜନ୍ମିଲେ ଚେବିଦେଶେକ୍ଷତ୍ରିୟ ଦମଘୋଷ ବଂଶେ

Couplet 166

ଦନ୍ତବିକଟ ଶିଶୁପାଳଘୋରସମରେ ମହାବଳ

Couplet 167

ପୂର୍ବେ ନୃସିଂହରୂପେ ହରିହିରଣ୍ୟକଶିପୁ ବିଦାରି

Couplet 168

ବରାହ ରୂପେ ହିରଣ୍ୟାକ୍ଷଶ୍ରୀକୃଷ୍ଣ ବଧିଲେ ପ୍ରତ୍ୟକ୍ଷ

Couplet 169

ତେଜେ ପ୍ରଚଣ୍ତ ଘୋରତମପୁଣି ଜନ୍ମିଲେ ରଘୁରାମ

Couplet 170

ଜାନକୀଛଳେ ଧନୁର୍ଦ୍ଧରଛେଦିଲେ ବେନିଭାଇ ଶିର

Couplet 171

ଏବେ ବଇରୀ ଅନୁବନ୍ଧେଚକ୍ରେ ଛେଦିଲେ ବେନିକନ୍ଧେ

Couplet 172

ନିର୍ମଳରୂପେ ବେନିଭାଇପଶିଲେ କୃଷ୍ଣଦେହେ ଯାଇ

Couplet 173

ବ୍ରାହ୍ମଣ ଶାପୁଁ ମୋକ୍ଷ ହୋଇମିଳିଲେ ବିଷ୍ଣୁପୁରେ ଯାଇ

Couplet 174

ଭାବେ ଭଜିଲେ ନାରାୟଣଏବେ ହୋ ସାବଧାନେ ଶୁଣ

Couplet 175

ଭାବଟି ଜନ୍ମର କାରଣହୃଦେ ଯେ ଚିନ୍ତେ ନାରାୟଣ

Couplet 176

ଶିଶୁପାଳର ପ୍ରାଣ ନାଶଅବନୀମଣ୍ତଳ ଉଶ୍ୱାସ

Couplet 177

ନିର୍ମଳ ଦଶଦିଶ ଦିଶେଧର୍ମନନ୍ଦନ କୃଷ୍ଣପାଶେ

Couplet 178

ଋତ୍ୱିଜ ବିପ୍ରଗଣ ଯେତେଥିଲେ ଯେ ସଭା ଅନ୍ତର୍ଗତେ

Couplet 179

ଦକ୍ଷିଣା ଦେଇ ଧର୍ମସୂତଯଜ୍ଞର ଅନ୍ତେ ଅବଭୃଥ

Couplet 180

ସ୍ନାନ କରିଲେ ନୃପମେଳେସାନନ୍ଦେ ଭାଗିରଥୀ ଜଳେ

Couplet 181

ଏମନ୍ତେ ଯୁଧିଷ୍ଠିର ଯଜ୍ଞେସମ୍ପାଦି କୃଷ୍ଣ ଅନୁରାଗେ

Couplet 182

ହୋଇଲା ରାଜ୍ୟେ ଏକ ରାଜାସର୍ବନୃପତି କଲେ ପୂଜା

Couplet 183

ଏମନ୍ତେ କୃଷ୍ଣ ସ୍ନେହଭରେକେତେହେଁ ମାସ ତା ନବରେ

Couplet 184

ରହି ରଞ୍ଜିଲେ ତାଙ୍କ ମନପୁଣି ଦ୍ୱାରକା ଆଗମନ

Couplet 185

ନିଜ କୁଟୁମ୍ବ ସଙ୍ଗେ ଘେନିଯାଦବ ଯେତେକ ସଇନି

Couplet 186

ଗମନ୍ତେ ଶୋଭା ଦିଶେ ପଥଆନନ୍ଦେ ଦେବକୀର ସୁତ

Couplet 187

ନିଜ ଭୁବନେ ଗଲେ ହରିଶିଶୁପାଳକୁ ମୋକ୍ଷ କରି

Couplet 188

ସୁର ଅସୁର ନରଲୋକେଯଜ୍ଞେ ଯେ ଥିଲେ ଏକେଏକେ

Couplet 189

କୃଷ୍ଣମହିମା ସ୍ତୁତି କରିଆନନ୍ଦେ ଗଲେ ଯେଝାପୁରୀ

Couplet 190

ଅନ୍ଧନନ୍ଦନ ଦୁର୍ଯ୍ୟୋଧନଅଧିକେ କରି ଦୁଃଖମନ

Couplet 191

ରାଜସମ୍ପଦ ନ ସହିଲାନିଜ ହସ୍ତିନାପୁରେ ଗଲା

Couplet 192

ବଇରୀ ଅନୁବନ୍ଧ ଦେହେପାଣ୍ତବ ସମ୍ପଦ ନ ସହେ

Couplet 193

ଏ ମହାଯଜ୍ଞ ଯଶ ବାଣୀଯେ ଏହା ସାବଧାନେ ଶୁଣି

Couplet 194

କୃଷ୍ଣର ମହିମା ପ୍ରତ୍ୟକ୍ଷଜୟବିଜୟ ଶାପୁଁ ମୋକ୍ଷ

Couplet 195

ସକଳ ପାପୁଁ ସେ ତରନ୍ତିତୁଟଇ ଭବ ଭୟ ଭ୍ରାନ୍ତି

Couplet 196

କୃଷ୍ଣବିଷୟ ଭାଗବତକହଇ ଜଗନ୍ନାଥ ଦାସ