Adhyaya 78

Couplet 1

ଶୁକ ବୋଲନ୍ତି ରାୟେ ଶୁଣରିପୁ ସଂହାରି ନାରାୟଣ

Couplet 2

ଗିରିକନ୍ଦରେ ବନମାଳୀରାଜା ନିରୋଧସ୍ଥାନେ ମିଳି

Couplet 3

ଜରା-ବନ୍ଧନ ଦୁଃଖ ସହିଯେତେ ନୃପ୍ତି ଥିଲେ ତହିଁ

Couplet 4

ଶୁଣ ହେ ଅଭିମନ୍ୟୁ ସୁତବେନିଅୟୁତ ଅଷ୍ଟଶତ

Couplet 5

ଦିଗବିଜୟେ ଜରାସୁରଲୀଳାଏ ଜିଣି ନୃପବର

Couplet 6

ବନ୍ଧନ କରିଅଛି ବଳେସର୍ବନୃପତି ଏକମେଳେ

Couplet 7

ମଳିନ ବସ୍ତ୍ର ପରିଧାନେକ୍ଷୁଧାର୍ତ୍ତେ ଦୁଃଖିତ ବଦନ

Couplet 8

ତୃଷାରେ କମ୍ପଇ ଶରୀରବନ୍ଦୀଭୂବନ ଅନ୍ଧକାର

Couplet 9

ଦ୍ୱାରକୁ ଚାହାନ୍ତି ନିରୋଳିବିଜୟ କଲେ ବନମାଳୀ

Couplet 10

ପୂର୍ବ ପର୍ବତେ ରବି ଯେହ୍ନେକିରଣ ପ୍ରକାଶେ ଗଗନେ

Couplet 11

ଶରୀର ଶ୍ୟାମଘନ ପ୍ରାୟେପୀତବସନ ଜନ ମୋହେ

Couplet 12

ଶ୍ରୀବତ୍ସ ଚିହ୍ନ ହୃଦେ ସାଜେରତ୍ନମେଖଳା କଟୀ ମାଝେ

Couplet 13

ଆଜାନୁଲମ୍ବେ ଚାରି କରଶଙ୍ଖ କମଳ ଚକ୍ରଧର

Couplet 14

ପଦ୍ମର ପ୍ରଭା ପ୍ରାୟ ହୋଇରଙ୍ଗନୟନ ବିରାଜଇ

Couplet 15

ସୁନ୍ଦର ଶ୍ରୀମୁଖ ମଣ୍ତଳଶ୍ରବଣେ ମକରକୁଣ୍ତଳ

Couplet 16

ହାର କିରୀଟ ରତ୍ନମୟେକରେ କଙ୍କଣ ଜନ ମୋହେ

Couplet 17

କଣ୍ଠେ ବିରାଜେ ରତ୍ନମଣିରବି କିରଣ ପ୍ରାୟ ଜାଣି

Couplet 18

ହୃଦେ ଲମ୍ବଇ ବନମାଳମଦନମୋହନ ଗୋପାଳ

Couplet 19

ଦେଖି ସକଳ ନୃପମଣିଅମୃତନିଧି ପ୍ରାୟ ମଣି

Couplet 20

ପିଇବା ପ୍ରାୟ ଚକ୍ଷୁଦ୍ୱାରେକି ଅବା ଲିହିବେ ଜିହ୍ୱାରେ

Couplet 21

ଆଘ୍ରାଣ କରି ନାସାରନ୍ଧ୍ରେହୃଦେ ଭିଡିବେ ବାହୁବନ୍ଧେ

Couplet 22

ଏମନ୍ତ ଭାବେ ନୃପବରେନମିଲେ ଶ୍ରୀକୃଷ୍ଣ ପୟରେ

Couplet 23

କିରୀଟ ସହିତରେ କରିପ୍ରଣାମ କଲେ ପାଦ ଧରି

Couplet 24

ଲଭିଲେ କୃଷ୍ଣ ଦରଶନହତ ହୋଇଲା ଦୁଃଖ ଶ୍ରମ

Couplet 25

କରଅଞ୍ଜଳି ଶିରେ ଦେଇବୋଲନ୍ତି କୃଷ୍ଣ ତ୍ରାହି ତ୍ରାହି

Couplet 26

ନମସ୍ତେ ଦେବଦେବବରପ୍ରପନ୍ନଜନ ଦୁଃଖହର

Couplet 27

ଅବ୍ୟୟପୁରୁଷଉତ୍ତମଶରଣଜନଙ୍କ ଜୀବନ

Couplet 28

ଘୋର ସଂସାରେ ଅଧୋମୁଖେଆମ୍ଭେ ଭ୍ରମିଲୁ ଅତି ଦୁଃଖେ

Couplet 29

ଅନାଥନାଥ ତୋ ମହିମାଆମ୍ଭେ ନ ଜାଣୁ ଗୁଣସୀମା

Couplet 30

ତୋହର ଗତି ଚକ୍ରଧରନ ଜାଣେ ଶିବ ବେଦବର

Couplet 31

ଏଣୁରୁ ଦୁର୍ଲ୍ଲଭ ସଂସାରେଶୁଣ କହିବୁ ତୋ ଛାମୁରେ

Couplet 32

ଏ ଯେ ମାଗଧ ଜରାସନ୍ଧଏହାକୁ ନ ବୋଲିବା ମନ୍ଦ

Couplet 33

ତୋହର ଅନୁଗ୍ରହେ ହରିଆମ୍ଭଙ୍କୁ ବଳେ ବନ୍ଦୀ କରି

Couplet 34

ଥୋଇଲା ଧରି ଏ ପର୍ବତେତୋ ମୁଖ ଦେଖିବାର ଅର୍ଥେ

Couplet 35

ଏ ଆମ୍ଭ ରାଜ୍ୟଭ୍ରଷ୍ଟ କଲାଯେଣୁ ତୋହର ଆଜ୍ଞା ଥିଲା

Couplet 36

ଯେ ରାଜମଦେ ମତ୍ତ ହୋଇତାହାର ଶ୍ରେୟ ଲାଭ କାହିଁ

Couplet 37

ତୋର ମାୟାରେ ହୋଇ ରତମିଥ୍ୟା ସମ୍ପଦ ମଣେ ସତ୍ୟ

Couplet 38

ଅଜ୍ଞାନମତେ ହୋଇ ଭୋଳମୃଗତୃଷ୍ଣାକୁ ମଣେ ଜଳ

Couplet 39

ନିବିଡ ମାୟାର ବିକାରେବସ୍ତୁ ବିଚାରେ ଅବସ୍ତୁରେ

Couplet 40

ଆମ୍ଭେ ସକଳେ ନୃପଦେହେଶ୍ରୀମଦେ ନଷ୍ଟ ବୁଦ୍ଧି ମୋହେ

Couplet 41

ଏ ଭୂମି ଜିଣିବାର ଆଶେଘୋରସଂକଟ ରଣ ତ୍ରାସେ

Couplet 42

ଏକ ଆରକେ ରିପୁପଣେପ୍ରଜା ନାଶିଲୁ ଅକାରଣେ

Couplet 43

ଅତି ନିର୍ଦ୍ଦୟକର୍ମ କଲୁତୋର ମହିମା ପାସୋରିଲୁ

Couplet 44

ନିକଟେ ନ ଦେଖି ମରଣବୁଦ୍ଧି ଦୁର୍ମଦ କରଷଣ

Couplet 45

ତୁ ପୁଣି କାଳରୁପେ ହରିବଳେ ହରିଲୁ ଆମ୍ଭ ଶିରୀ

Couplet 46

ଯେଣୁ ତୋହର ଅନୁଗ୍ରହଆମ୍ଭର ଗଲା ଦୁଃଖ ମୋହ

Couplet 47

ଏବେ ସୁମରି ତୋ ଶରଣେପଶିଲୁ ଅଭୟ ଚରଣେ

Couplet 48

ଏ ମୃଗତୃଷ୍ଣା ପ୍ରାୟ ରାଜ୍ୟଏଣେ ଆମ୍ଭର ନାହିଁ କାର୍ଯ୍ୟ

Couplet 49

ଏ ଛିଦ୍ର ଜଳଘଟ ପ୍ରାୟନିତି ପତନ ଏହି କାୟ

Couplet 50

ସର୍ବରୋଗର ମୂଳଭୂମିସଦା ଅନିତ୍ୟେ ପଥଶ୍ରମୀ

Couplet 51

ଏଣେ ଆମ୍ଭର ନାହିଁ କାର୍ଯ୍ୟଶୁଣିବା ପ୍ରଭୁ ଦେବରାଜ

Couplet 52

କର୍ମକରଣ ଯଜ୍ଞମେଳେକର୍ଣ୍ଣରୋଚନ କ୍ରିୟାଫଳେ

Couplet 53

ଏଣେ ଆମ୍ଭର କାର୍ଯ୍ୟ ନାହିଁଏମନ୍ତ ଆଜ୍ଞା ଦିଅ ତୁହି

Couplet 54

ତୋ ପାଦପଦ୍ମେ ଅବିରତନିରତେ ଥିବ ଆମ୍ଭ ଚିତ୍ତ

Couplet 55

ତୋର ସ୍ମରଣେ ଆମ୍ଭ ମନଦଣ୍ତେ ନଛାଡୁ ଭଗବାନ

Couplet 56

ସଂସାର ଭ୍ରମଣ ଆମ୍ଭରବେଗେ ନିବାର ଚକ୍ରଧର

Couplet 57

ଶ୍ରୀକୃଷ୍ଣ ବାସୁଦେବ ହରିପରମ ଆତ୍ମା ତୁ ମୁରାରି

Couplet 58

ପ୍ରଣତଜନ କ୍ଳେଶ ହରିନମୋ ଗୋବିନ୍ଦ ଦାମୋଦର

Couplet 59

ଏମନ୍ତେ ପ୍ରଭୁ ଚକ୍ରପାଣିରାଜାଙ୍କ ସ୍ତୁତିବାକ୍ୟ ଶୁଣି

Couplet 60

ଶରଣ୍ୟ କରୁଣାସାଗରକୋମଳବଚନ ଗଭୀର

Couplet 61

ରାଜାଙ୍କ ମୁଖ ଚାହିଁ ହସିବୋଲନ୍ତି ପ୍ରଭୁ ବ୍ରହ୍ମରାଶି

Couplet 62

ତୁମ୍ଭର ଚିତ୍ତ ସୁନିଶ୍ଚଳେଆଜହୁଁ ମୋ ପାଦକମଳେ

Couplet 63

ହେଉ ବୋଇଲେ ଭଗବାନଏ ମୋର ନିଶ୍ଚିତ ବଚନ

Couplet 64

ତୁମ୍ଭେ କହିଲେ ସତ୍ୟବାଣୀମୁହିଁ ସନ୍ତୋଷ ତାହା ଶୁଣି

Couplet 65

ମନୁଷ୍ୟ ମଧ୍ୟେ ଥାଇ ଯେତେସମ୍ପଦ ଅଇଶ୍ୱର୍ଯ୍ୟ ମତ୍ତେ

Couplet 66

ଗର୍ବ ଯେ ବହନ୍ତି ମନରେନିଶ୍ଚେ ମୁଁ ନାଶଇ ତାହାରେ

Couplet 67

ସହସ୍ରାର୍ଜୁନ ନାମେ ରାଜାନୃପ ନହୁଷ ମହାତେଜା

Couplet 68

ଅଙ୍ଗନୃପତିସୁତ ବେଣନାରକାସୁର ଦଶାନନ

Couplet 69

ଦେବ ଦାନବ କୁଳେ ଜାତଥିଲେ ଯେ ଅଇଶ୍ୱର୍ଯ୍ୟ ମତ୍ତ

Couplet 70

ତାହାଙ୍କୁ କଲି ସ୍ଥାନଭ୍ରଷ୍ଟଯେଣୁ ହୋଇଲେ ବୁଦ୍ଧିନଷ୍ଟ

Couplet 71

ତୁମ୍ଭେ ସକଳ ଏହା ଜାଣିଏ ଦେହ ମିଥ୍ୟା ପ୍ରାୟ ମଣି

Couplet 72

ଯଜ୍ଞେ ପୂଜିବ ମୋ ଚରଣପାଳିବ ନିଜ ପ୍ରଜାଗଣ

Couplet 73

ଧର୍ମସେବନ ରାତ୍ରଦିନେନିରତେ ହୋଇ ଅବଧାନେ

Couplet 74

ଦୁର୍ଗତି ବିଭବ ବିମୁଖେଜନ୍ମ ସଞ୍ଚିତ ଦୁଃଖସୁଖେ

Couplet 75

କର୍ମକଷଣ ହାନି ଲାଭଗତ-ଆଗତେ ସମଭାବ

Couplet 76

ଏତେ ଗହନେ ତୁମ୍ଭେ ଥାଇମୋର ଚରଣେ ଚିତ୍ତ ଦେଇ

Couplet 77

ମାୟାସଂସାରେ ପଡି ଭ୍ରମକେବେ ହେଁ ନୋହୁ ତୁମ୍ଭ ମନ

Couplet 78

ଏ ଦେହ ଆଦି ମୋର ଯେତେନ ଲାଗୁ ତୁମ୍ଭ ଶୁଦ୍ଧ ଚିତ୍ତେ

Couplet 79

ନିରତେ ହେଉ ଆତ୍ମଜ୍ଞାନନିଶ୍ଚଳଚିତ୍ତେ ମୋର ଧ୍ୟାନ

Couplet 80

ପବିତ୍ର ହୋଇ ବ୍ରହ୍ମପଥେପଶିବ ମୋର ଦେହେ ଅନ୍ତେ

Couplet 81

କହନ୍ତି ବ୍ୟାସଙ୍କର ସୁତଏବେ ହୋ ଶୁଣ ପରୀକ୍ଷିତ

Couplet 82

ଭକତବନ୍ଧୁ ଭଗବାନରାଜାଙ୍କୁ କହି ଦିବ୍ୟଜ୍ଞାନ

Couplet 83

ତାହାଙ୍କ ଅଭିଷେକ ଅର୍ଥେନାରୀପୁରୁଷ ଶତେ ଶତେ

Couplet 84

ମାର୍ଜନା କରି ସର୍ବରାଜାଗୋବିନ୍ଦ କରାଇଲେ ପୂଜା

Couplet 85

ଜରାସନ୍ଧର ପୁତ୍ର ହସ୍ତେଭାବେ ଗୋବିନ୍ଦ ଅନୁମତେ

Couplet 86

ରାଜଉଚିତେ ଅଳଙ୍କାରପୁଷ୍ପ ଚନ୍ଦନ ବସ୍ତ୍ରସାର

Couplet 87

ରତ୍ନମୁକୁଟ ଶିରେ ଖଞ୍ଜିଉତ୍ତମ ଅନ୍ନ ଜଳ ଭୁଞ୍ଜି

Couplet 88

ନାନାପ୍ରକାରେ ରାଜଭୋଗତାମ୍ବୁଳ କର୍ପୂର ସଂଯୋଗ

Couplet 89

କର୍ଣ୍ଣେ କୁଣ୍ତଳ ସମସରିହାର କେୟୁର ହୃଦେ ଭରି

Couplet 90

ବନ୍ଧନ ଦୁଃଖୁଁ ପାର ହୋଇକିବା ଉପମା ଦେବି ମୁହିଁ

Couplet 91

ବରଷାକାଳ ଅନ୍ତେ ଯେହ୍ନେଗ୍ରହେ ବିରାଜନ୍ତି ଗଗନେ

Couplet 92

ବସାଇ ରତ୍ନମୟ ଯାନେଗୋବିନ୍ଦ କୋମଳ ବଚନେ

Couplet 93

ବୋଇଲେ ନିଜପୁରେ ଯିବଯଜ୍ଞର ଆରମ୍ଭେ ଆସିବ

Couplet 94

ଅନେକ ସୈନ୍ୟ ବଳ ଦେଇପେଷିଲେ ପ୍ରଭୁ ଭାବଗ୍ରାହୀ

Couplet 95

ଏମନ୍ତେ କୃଷ୍ଣ ପରସାଦୁରାଜାଏ ବଞ୍ଚିଲେ ପ୍ରମାଦୁ

Couplet 96

କୃଷ୍ଣର ପାଦେ ଦେଇ ମନଗଲେ ସେ ଯେ ଯାହା ଭୁବନ

Couplet 97

ଗୋବିନ୍ଦ ଆଜ୍ଞା ଘେନି ଶିରେସୁଖେ ରହିଲେ ନିଜ ପୁରେ

Couplet 98

ଏମନ୍ତେ ଜରାସନ୍ଧ ମାରିଭୀମଅର୍ଜୁନ ତୁଲେ ହରି

Couplet 99

ଜରାନନ୍ଦନ ସହଦେବଆନନ୍ଦେ ପୂଜିଲେ ମାଧବ

Couplet 100

ତାହାକୁ ପ୍ରଭୁ ଭଗବାନଅନେକ କଲେ ସନମାନ

Couplet 101

ସେ ରାଜ୍ୟେ ତାକୁ ରାଜା କରିକହନ୍ତି ଅନୁଗ୍ରହ ହରି

Couplet 102

ତୋର ପିଅର ଦୁଷ୍ଟମତିନୃପତିଗଣେ ଦେଲା ଶାସ୍ତି

Couplet 103

ବହୁତଜନେ ହିଂସା କରିକେମନ୍ତେ ଥିବ ଦେହ ଧରି

Couplet 104

ଏ ମୋର ଧର୍ମର ସଂସାରଏଥେ ଯେ କରେ ଅବିଚାର

Couplet 105

ମୁଁ ତାହା ନ ପାରଇ ସହିଧର୍ମ ଧାରଣେ ମୋର ଦେହୀ

Couplet 106

ତୋର ପିଅର ନାଶ ଗଲାପୃଥିବୀ ଉଶ୍ୱାସ ହୋଇଲା

Couplet 107

ଏଥକୁ ନ କର ବିଚାରସୁଖେ ତୁ ନିଜ ରାଜ୍ୟ କର

Couplet 108

ମୋର ଚରଣେ ଚିତ୍ତ ଦେଇସୁଖେ ତୁ ପାଳ ନିଜ ମହୀ

Couplet 109

ଯାଗ ଆରମ୍ଭ କାଳେ ଯାଇମିଳିବୁ ମୋର ଆଜ୍ଞା ବହି

Couplet 110

ଏମନ୍ତ କୃଷ୍ଣମୁଖୁଁ ଶୁଣିହରଷ ହୋଇ ନୃପମଣି

Couplet 111

କୃଷ୍ଣର ପଦ୍ମପାଦେ ପଡିଉଠି ବୋଲଇ କରଯୋଡି

Couplet 112

ଭୋ ନାଥ ହୋଇଲି ନିସ୍ତାରଭାରାନିବାରେ ଅବତାର

Couplet 113

ଈଶ୍ୱର ସଂସାର କାରଣମୁଁ ତୋର ଚରଣେ ଶରଣ

Couplet 114

ତୁ ମୋତେ କଲୁ ଅନୁଗ୍ରହଫିଟିଲା ମନର ସନ୍ଦେହ

Couplet 115

ଭୀମ ଅର୍ଜୁନ କୃଷ୍ଣ ତୁଲେସାଷ୍ଟାଙ୍ଗେ ପୁଜି ସୁଖ ଭୋଳେ

Couplet 116

ଅନେକ ଧନରତ୍ନ ଦେଲାଦିବ୍ୟବିମାନ ସମର୍ପିଲା

Couplet 117

କୃଷ୍ଣର ପାଦେ ଚିତ୍ତ ଦେଇହୃଦେ ପରମ ସୁଖ ପାଇ

Couplet 118

କୃଷ୍ଣଙ୍କୁ ମାଗି ଅନୁଯାନମିଳିଲା ଆପଣା ଭୁବନ

Couplet 119

ଭୀମ ଅର୍ଜୁନ ବନମାଳୀବିମାନେ ବସି ହଂସକେଳି

Couplet 120

ପବନବେଗେ ରଥ ଚଳିଇନ୍ଦ୍ରପ୍ରସ୍ଥରେ ଯାଇ ମିଳି

Couplet 121

ଶଙ୍ଖ ବଜାନ୍ତେ ଭଗବାନହରଷ ହେଲେ ବନ୍ଧୁଜନ

Couplet 122

ଖଳଜନଙ୍କ ମନେ ଦୁଃଖହେଲେ ନିବେଶି ପଦ୍ମମୁଖ

Couplet 123

ଇନ୍ଦ୍ରପ୍ରସ୍ଥରେ ରାଜାଗଣଶୁଣିଲେ ମାଗଧ ମରଣ

Couplet 124

ନିଶ୍ଚିନ୍ତେ ଧର୍ମସୁତ କାର୍ଯ୍ୟସୁଖେ ସଞ୍ଚିଲେ ଦେବରାଜ

Couplet 125

ହରଷେ ଧର୍ମର କୁମରସଙ୍ଗତେ ଘେନି ସହୋଦର

Couplet 126

ବନ୍ଧୁବାନ୍ଧବ ପ୍ରଜାଜନକୃଷ୍ଣଙ୍କୁ ଭାବେ କଲେ ମାନ୍ୟ

Couplet 127

ଭୀମ ଅର୍ଜୁନ ନାରାୟଣବନ୍ଦିଲେ ଯୁଧିଷ୍ଠି ଚରଣ

Couplet 128

ଯେମନ୍ତେ ଜରା ନାଶ ଗଲାସଂକ୍ଷେପି କହି ନନ୍ଦବଳା

Couplet 129

ବସିଲେ ଧର୍ମସୁତ ପାଶେଶୁଣି ନୃପତି ମନତୋଷେ

Couplet 130

ପୁଲକ କଲେ ରୋମରାଜିବାକ୍ୟ ନ ସ୍ପୁରେ ଚକ୍ଷୁବୁଜି

Couplet 131

ସେ ହରି ଚରଣ ପଙ୍କଜେବ୍ରାହ୍ମଣ ଜଗନ୍ନାଥ ଭଜେ