Skandha 10
Adhyaya 77
Couplet 1
ଶୁକ ବୋଲନ୍ତି ଶୁଦ୍ଧମନେଇନ୍ଦ୍ରପ୍ରସ୍ଥରେ ଏକଦିନେ
Couplet 2
ସଭାରେ ମଧ୍ୟେ ଧର୍ମସୁତସଙ୍ଗତେ ଘେନି ଚାରିଭ୍ରାତ
Couplet 3
ସନ୍ନିଧେ ବ୍ରହ୍ମଋଷିଜନବ୍ରାହ୍ମଣ ଆଦି ଚାରିବର୍ଣ୍ଣ
Couplet 4
ବୃଦ୍ଧେ ଅଛନ୍ତି ଯେତେ ଭାବେସିଦ୍ଧାଦି ଗନ୍ଧର୍ବେ ଏ ସର୍ବେ
Couplet 5
ଏହାଙ୍କୁ କରି ସାବଧାନଚାହିଁଣ କୃଷ୍ଣର ବଦନ
Couplet 6
ସମ୍ଭ୍ରମେ ଯୋଡ଼ି ବେନିକରକୃଷ୍ଣଙ୍କୁ ବୋଲେ ନୃପବର
Couplet 7
ଭୋ ଦେବ ଶୁଣ ସାବଧାନେଯଜ୍ଞ ରାଜସୂୟ ବିଧାନେ
Couplet 8
ତୋର ବିଭୂତି ଦେବଗଣେପବିତ୍ର ପରମକାରଣେ
Couplet 9
ତାହାଙ୍କୁ ତୋର ପାଦଗତେପୂଜିବି ମହାଯଜ୍ଞମତେ
Couplet 10
ଏଣୁ ମୋହର ମନଖେଦକର ତୁ ଏ ଯଜ୍ଞ ସମ୍ପାଦ
Couplet 11
ତୋର ଚରଣ ଅବିରତେଯେ ପ୍ରାଣୀ ଚିନ୍ତେ ଶୁଦ୍ଧଚିତ୍ତେ
Couplet 12
ନିଶ୍ଚଳଚିତ୍ତେ କରି ଧ୍ୟାନମୁଖେ ଗୁଣନ୍ତି ତୋର ନାମ
Couplet 13
ସେବନ୍ତି ଉପବାସ ବ୍ରତେବେଦବଚନ ଶାସ୍ତ୍ରମତେ
Couplet 14
ସେ ତୋତେ କରନ୍ତି ପ୍ରଣାମତୁ ଅପବର୍ଗର କାରଣ
Couplet 15
ତୁ ଦେବଦେବ ନରହରିଯେ ତୋର ପାଦେ ସେବାକରି
Couplet 16
ସେବାର ଫଳେ ଯେତେ ଲାଭଉଭୟଲୋକ ଅନୁଭବ
Couplet 17
ଏ ସଭାଲୋକର ସମ୍ମୁଖେତୁ ଏବେ ଦେଖାଅ ପ୍ରତ୍ୟକ୍ଷେ
Couplet 18
ଯେ ତୋତେ ଭଜେ ଦୃଢଚିତ୍ତେଯେ ଅବା ନ ଭଜନ୍ତି ତୋତେ
Couplet 19
ଏ ବେନିଜନଙ୍କର ଗତିପ୍ରକାଶ କର ଦାଶରଥି
Couplet 20
କୁରୁ ସୃଞ୍ଜୟ ସଭା ମଧ୍ୟେଏ ଲୋକେ ଦେଖନ୍ତୁ ଆନନ୍ଦେ
Couplet 21
ତୁ ଯେ ନିର୍ଗୁଣ ବ୍ରହ୍ମସାରମିତ୍ର ଅଇରି ନାହିଁ ତୋର
Couplet 22
ଏ ସର୍ବଭୂତେ ତୋର ବାସଏଣୁ ବୋଲାଉ ସମଦୃଶ
Couplet 23
ସ୍ୱସୁଖ-ଅନୁଭବେ ପୂର୍ଣ୍ଣସେବକେ ହେଉ ସୁରଦ୍ରୁମ
Couplet 24
ସେବାର ଅନୁରୂପେ ହିତଏଣେ ତୋ ନାହିଁ ବିପରୀତ
Couplet 25
ଏମନ୍ତେ ଧର୍ମସୁତ ବାଣୀଗୋବିନ୍ଦ ସଭାମଧ୍ୟେ ଶୁଣି
Couplet 26
ଅଳପ ହସି ଭାବଗ୍ରାହୀବୋଲନ୍ତି ରାଜାମୁଖ ଚାହିଁ
Couplet 27
ଶୁଣ ହୋ ଶତ୍ରୁ-କରଷଣଏ ତୋର ଉତ୍ତମ ପ୍ରମାଣ
Couplet 28
ତୋହର ପୁଣ୍ୟଯଶ-ବାଣୀତିନିଭୁବନଲୋକେ ଶୁଣି
Couplet 29
କଲ୍ୟାଣବାଣୀ ରାତ୍ରି ଅନ୍ତେସୁଜନେ ସୁମରିବେ ନିତ୍ୟେ
Couplet 30
ଶୁଣ ଏ ଯଜ୍ଞର ମହିମାଅଧିକେ କି ଦେବା ଉପମା
Couplet 31
ଋଷି ଦେବତା ପିତୃଗଣଏ ପୁଣ୍ୟ ଯଜ୍ଞରେ ତର୍ପଣ
Couplet 32
ସୁହୃଦ ଆଦି ଯେତେ ଜନ୍ତୁଏଣେ ତାହାଙ୍କ ସୁଖ ହେତୁ
Couplet 33
ସମରେ ସର୍ବନୃପ ଜିଣିତୁ ବଶ କର ଏ ଧରଣୀ
Couplet 34
ସର୍ବସମ୍ଭାରେ ନୃପବରସୁଖେ ତୁ ମହାଯଜ୍ଞ କର
Couplet 35
ଏ ଯେ ତୋହର ଚାରିଭ୍ରାତଦିଗପାଳଙ୍କ ଅଂଶେ ଜାତ
Couplet 36
ମୁହିଁ ଦୁର୍ଜୟ ସୁରାସୁରେଭାବେ ଖଟଇ ତୋ ପୟରେ
Couplet 37
ଏବେ ହୋ ଶୁଣ ତୁ ରାଜନମୋର ସେବକ ଯେତେ ଜନ
Couplet 38
ତାହାଙ୍କୁ ଇହପରଲୋକେଥୋଇଣ ଥାଇ ନାନାସୁଖେ
Couplet 39
ତେଜ ଶଉର୍ଯ୍ୟ ଯଶ ଶିରୀନାନାବିଭୂତି ଆଦି କରି
Couplet 40
କେହି ନ ପାରେ ତାଙ୍କୁ ଜିଣିମୋର ଶରଣ ଯେତେ ପ୍ରାଣୀ
Couplet 41
ଦେବେ ନ ପୀଡ଼ନ୍ତି ଯାହାକୁକି ଭୟ ମନୁଷ୍ୟ ରାଜାକୁ
Couplet 42
ଭାବେ କହନ୍ତି ବ୍ୟାସସୁତଶୁଣ ସୁମନେ ପରୀକ୍ଷିତ
Couplet 43
ଏମନ୍ତେ କୃଷ୍ଣବାଣୀ ଶୁଣିଆନନ୍ଦମନେ ନୃପମଣି
Couplet 44
ଚାରିଦିଗକୁ ଚାରିଭାଇପେଷିଲେ କୃଷ୍ଣଆଜ୍ଞା ପାଇ
Couplet 45
ତକ୍ଷଣେ ବିଷ୍ଣୁ ତେଜରାଶିବେଗେ ତାହାଙ୍କ ଦେହେ ପଶି
Couplet 46
ଦିଶନ୍ତି ବିଷ୍ଣୁତେଜକାନ୍ତିଏବେ ହୋ ଶୁଣ ନରପତି
Couplet 47
ଦକ୍ଷିଣ ଦିଗେ ସହଦେବତକ୍ଷଣେ ପେଷିଲେ ମାଧବ
Couplet 48
ସୃଞ୍ଜୟବଳ ସଙ୍ଗେ ଦେଇବୋଲନ୍ତି ନକୁଳକୁ ଚାହିଁ
Couplet 49
ପଶ୍ଚିମ ଦିଗେ ତୁମ୍ଭେ ଚଳସଙ୍ଗେ ଘେନିଣ ମତ୍ସ୍ୟବଳ
Couplet 50
ଅର୍ଜୁନମୁଖ ଚାହିଁ ହରିବୋଲନ୍ତି କରେ କର ଧରି
Couplet 51
ଉତ୍ତରଦିଗେ ଯାଅ ତୁହିମୋହର ନିଜ ଭାବ ବହି
Couplet 52
କୈକୟବଳ ସଙ୍ଗେ ଘେନଆନନ୍ଦେ ଚଳ ହେ ଅର୍ଜ୍ଜୁନ
Couplet 53
ପୁଣି ଅନାଇଁ ବୃକୋଦରବୋଇଲେ ବ୍ରହ୍ମାଣ୍ତଠାକୁର
Couplet 54
ମଦ୍ର ରାଜନବଳ ସଙ୍ଗେଭୀମ ତୁ ଯାଅ ପୂର୍ବଦିଗେ
Couplet 55
ବୋଲନ୍ତି ପ୍ରଭୁ ନାରାୟଣରାଜାଙ୍କୁ କରି ନିମନ୍ତ୍ରଣ
Couplet 56
ବହନ ଆଣ ଚାରିଭାଇଯଜ୍ଞସମ୍ଭାର ସଙ୍ଗେ ଲଇ
Couplet 57
ଗୋବିନ୍ଦ ଆଜ୍ଞା ପରମାଣେଗଲେ ସେ ରାଜା ନିମନ୍ତ୍ରଣେ
Couplet 58
ବୋଲନ୍ତି ବ୍ୟାସଙ୍କ ନନ୍ଦନଶୁଣ ହୋ ପରୀକ୍ଷ ରାଜନ
Couplet 59
ରାଜାଙ୍କୁ ବିଷ୍ଣୁତେଜେ ଜିଣିଧନସମ୍ପଦ ବେଗେ ଆଣି
Couplet 60
ଧର୍ମନନ୍ଦନ ପାଶେ ଦେଲେକୃଷ୍ଣର ଛାମୁରେ କହିଲେ
Couplet 61
ଭୋ ନାଥ ଶୁଣିମା ଗୋବିନ୍ଦଘୋର ଦୁର୍ଜୟ ଜରାସନ୍ଧ
Couplet 62
ତାହାକୁ ନ ପାରିଲୁ ଜିଣିଶୁଣି ହସନ୍ତି ଚକ୍ରପାଣି
Couplet 63
ଦ୍ୱାରକାପୁରେ କଲୁ ବାସସେ ଦୈତ୍ୟ ନୋହିଲା ବିନାଶ
Couplet 64
ସବୁ ନୃପତି ବନ୍ଦୀ କରିତୁ କି ନ ଜାଣୁ ଚକ୍ରଧାରୀ
Couplet 65
ତୋର ବୁଦ୍ଧିରେ ନାଶ ଯିବତେବେ ସେ ମୋ ଯଜ୍ଞ ହୋଇବ
Couplet 66
ଶୁଣି ବୋଲନ୍ତି ଚକ୍ରପାଣିଏ କଥା ମୁହିଁ ଅଛି ଜାଣି
Couplet 67
ସେ ବନ୍ଦୀ ନୃପତିଙ୍କ ଚାରକହିଲା ମୋହର ଆଗର
Couplet 68
ଅବଶ୍ୟ ତାକୁ ସଂହାରିବିବନ୍ଦୀନୃପତି ଉଦ୍ଧରିବି
Couplet 69
ରାଜାଏ କରୁ ମନେ ଧ୍ୟାନତକ୍ଷଣେ ଜାଣି ଜନାର୍ଦ୍ଦନ
Couplet 70
ଉଦ୍ଧବ ବାକ୍ୟ ସୁମରଣକରି ଉଠିଲେ ନାରାୟଣ
Couplet 71
ଭୀମ ଅର୍ଜୁନ ତୁଲେ ହରିତକ୍ଷଣେ ବିପ୍ରରୂପ ଧରି
Couplet 72
ମିଳିଲେ ଯାଇ ଗିରିବରେଦୁର୍ଗମ ଜରାସନ୍ଧପୁରେ
Couplet 73
ଅତିଥିବେଶେ ତାର ଦ୍ୱାରେମିଳିଲେ ଭିକ୍ଷୁକ ବେଭାରେ
Couplet 74
ଗୃହସ୍ଥଧର୍ମ ଭିକ୍ଷୁପୂଜାବ୍ରହ୍ମଣ୍ୟ ଜରାସନ୍ଧ ରାଜା
Couplet 75
ଦ୍ୱର ସମୀପେ ଭଗବାନସୁସ୍ୱରେ କଲେ ସାମଗାନ
Couplet 76
କ୍ଷତ୍ରିୟକୁଳେ ଜାତ ହୋଇଛଦ୍ମେ ବ୍ରାହ୍ମଣ ରୂପ ବହି
Couplet 77
କୃଷ୍ଣର ବେଦନାଦ ଶୁଣିମନେ ବିଚାରେ ନୃପମଣି
Couplet 78
ଏତ ଅପୂର୍ବ ବିପ୍ରବରମିଳିଲେ ମୋହର ନବର
Couplet 79
ଆଜ ଜୀବନ ମୋର ଧନ୍ୟଉତ୍ତମ ବିପ୍ରେ ଦେବି ଦାନ
Couplet 80
ଏମନ୍ତ ମନେ ବିଚାରିଲାକୃଷ୍ଣର ନିକଟେ ମିଳିଲା
Couplet 81
ତାର ବଦନ ଚାହିଁ ହରିକହନ୍ତି ଅଞ୍ଜଳି ପ୍ରସାରି
Couplet 82
ଶୁଣ ଧାର୍ମିକ ନୃପବରଅନେକ ଦୂରେ ଆମ୍ଭ ଘର
Couplet 83
ତୋର ମହିମା ଶୁଣି କର୍ଣ୍ଣେଆମ୍ଭେ ଅଇଲୁ ପଥଶ୍ରମେ
Couplet 84
ତୋର କୁଶଳ ହେଉ ସୁଖେଯାହା ମାଗିବୁ ଆମ୍ଭେ ମୁଖେ
Couplet 85
ସନ୍ତୋଷେ ଦେବୁ ନୃପବରଏ ଧର୍ମେ ବିଳମ୍ବ ନ କର
Couplet 86
ତୁ ପୁଣ୍ୟବନ୍ତ ଶିରୋମଣିଆମ୍ଭେ ଅଇଲୁ ଯଶ ଶୁଣି
Couplet 87
ସଂସାର ଦୁଃଖର କାରଣତିତିକ୍ଷୁ ବୋଲାନ୍ତି ଯେ ଜନ
Couplet 88
ତାର ସଦୃଶ ନାହିଁ କେହିଦୁର୍ଲ୍ଲଭ ମାଗିଲେ ସେ ନେଇ
Couplet 89
ଅସାଧୁ ବୁଦ୍ଧି ଯେତେ ନରକିବା ଅକାର୍ଯ୍ୟ ତାହାଙ୍କର
Couplet 90
ଜାଣି ନ ଜାଣି ସୁଖଲାଭେକର୍ମ କରନ୍ତି ପଶୁ ଭାବେ
Couplet 91
ବିପାକେ ଫଳ ବିପରୀତବୋଲନ୍ତି ପ୍ରଭୁ ଜଗନ୍ନାଥ
Couplet 92
ନିର୍ମଳଜ୍ଞାନ ଯାର ଦେହୀଅଦେୟ ବସ୍ତୁ ତାର ନାହିଁ
Couplet 93
ପ୍ରାଣୀର ହିତେ ସର୍ବ ଦେଇତାହାକୁ ବୋଲି ପୁଣ୍ୟଦେହୀ
Couplet 94
ସମଦରଶୀ ଚିତ୍ତ ଯାରମିତ୍ର ଅଇରି ନାହିଁ ତାର
Couplet 95
ଯେ ପ୍ରାଣୀ ଅନିତ୍ୟ ଶରୀରେନିର୍ମଳଯଶ ଏ ସଂସାରେ
Couplet 96
ପୁଣ୍ୟପୁରୁଷେ ଯାହା ଗାଇତାହା ନ ସଞ୍ଚେ ଦେହ ବହି
Couplet 97
ନିଷ୍ଫଳ ତାହାର ଜୀବନନିନ୍ଦା କରନ୍ତି ସର୍ବଜନ
Couplet 98
ତା ସୁଖ ନାହିଁ ବେନିଲୋକେଜୀବନ ବହେ ଦୁଃଖଶୋକେ
Couplet 99
ପୁଣ୍ୟପୁରୁଷ ପୂର୍ବକାଳେଥିଲେ ଯେ ଏ ମହୀମଣ୍ତଳେ
Couplet 100
ଯେ ହରିଶ୍ଚନ୍ଦ୍ର ମହୀପତିଯେ ରନ୍ତିଦେବ ଉଞ୍ଚବୃତ୍ତି
Couplet 101
ଶିବିରାଜନ ଭାଗ୍ୟବନ୍ତବଳି ଯେ ବିରୋଚନସୁତ
Couplet 102
ବ୍ୟାଧକପୋତ ଆଦି ଯେତେଅଧ୍ରୁବ ଦେହେ ଧ୍ରୁବପଥେ
Couplet 103
ଗମିଲେ ପୁଣ୍ୟଫଳେ ସୁଖେଯଶ ରହିଲା ତିନିଲୋକେ
Couplet 104
ଏମନ୍ତେ କୃଷ୍ଣବାଣୀ ଶୁଣିବିପ୍ରଙ୍କୁ ଚାହିଁ ନୃପମଣି
Couplet 105
ସ୍ୱର ଆକୃତି ପରିମାଣେହସ୍ତକର୍କଶ ଧନୁଗୁଣେ
Couplet 106
ଦେଖି କରଇ ବିଚାରଣନିଶ୍ଚେ ଏ ନୁହଁଇ ବ୍ରାହ୍ମଣ
Couplet 107
ପୂର୍ବେ ଏହାଙ୍କୁ ଅଛି ଦେଖିଏମନ୍ତ ମନେ ଉପଲକ୍ଷ୍ୟି
Couplet 108
ପୁଣି ବିଚାରେ ଶୁଦ୍ଧଚିତ୍ତେଅତିଥି ଲଘିଂବି କେମନ୍ତେ
Couplet 109
ବ୍ରାହ୍ମଣ ରୂପେ ହୋଇ ଛନ୍ନଯେବେ କ୍ଷତ୍ରିୟ ମାଗେଦାନ
Couplet 110
ଏହାକୁ ନାହିଁ ମୋର ଭୀତିମୋହର ଦ୍ୱାରେ ଏ ଅତିଥି
Couplet 111
ଏହାଙ୍କୁ ନିଶ୍ଚେ ଦେବି ଦାନଯେବେ ମାଗିବେ ମୋ ଜୀବନ
Couplet 112
ବଳି ରାଜାର ଯଜ୍ଞକାଳେବିଷ୍ଣୁ ମିଳିଲେ ବିପ୍ରଛଳେ
Couplet 113
ତିନିଚରଣେ ମହୀ ଦେଲାତା ଯଶ ସଂସାରେ ରହିଲା
Couplet 114
ବିଷ୍ଣୁ ନାଶିଲେ ତାର ଦୁଃଖଭୁଞ୍ଜେ ଅଛିଦ୍ର ନିତ୍ୟସୁଖ
Couplet 115
ମନ୍ତ୍ରୀବଚନ ନ ଶୁଣିଲାଯେଣୁ ତା ପୂର୍ବଭାଗ୍ୟ ଥିଲା
Couplet 116
କ୍ଷତ୍ରିୟକୁଳେ ଜାତ ହୋଇବ୍ରାହ୍ମଣହିତ ଯେ ନ ବହି
Couplet 117
ଧନ ଜୀବନ ଧିକ ତାରନିର୍ମଳ ଯଶ ନାହିଁ ଯାର
Couplet 118
ଏମନ୍ତ କରି ଅନୁମାନବିପ୍ରଙ୍କୁ ବୋଲଇ ବଚନ
Couplet 119
ଭୋ ବିପ୍ରବରେ ମାଗ ଦାନଦେବଇଁ ସତ୍ୟ ମୋ ବଚନ
Couplet 120
ଏ ଧର୍ମେ ବିଳମ୍ବ ନ କରମାଗିଲେ ଦେବି ଆଜ ଶିର
Couplet 121
ଶୁଣି ତାହାର ସତ୍ୟବାଣୀବୋଲନ୍ତି ପ୍ରଭୁ ଚକ୍ରପାଣି
Couplet 122
ତୁ ପୁଣ୍ୟବନ୍ତ ନୃପମଣିଆମ୍ଭେ ତୋହର ଯଶ ଶୁଣି
Couplet 123
ଅଇଲୁ ଦୁଃଖ ଦୁରପଥଯେଣୁ ତୁ ପୁରୁଷ ମହତ
Couplet 124
ଆମ୍ଭଙ୍କୁ ଯୁଦ୍ଧ ଦିଅ ଦାନଆନରେ ନାହିଁ ପ୍ରୟୋଜନ
Couplet 125
ଶସ୍ତ୍ରସମରେ ନାହିଁ ସଧଆମ୍ଭଙ୍କୁ ଦିଅ ବାହୁଯୁଦ୍ଧ
Couplet 126
ଯେବେ ତୋ ଇଷ୍ଟଧର୍ମ ସତ୍ୟଆମ୍ଭେ କହିବୁ ଶୁଣ ତତ୍ତ୍ୱ
Couplet 127
କ୍ଷତ୍ରିୟ ଜନ୍ମ ଆମ୍ଭେ ତିନିଏବେ ତୁ ନ ପାରିଲୁ ଚିହ୍ନି
Couplet 128
ତା ଶୁଣି ଚକିତେ ରାଜନଚାହିଁ କରଇ ଅନୁମାନ
Couplet 129
କି ଏ ଗନ୍ଧର୍ବ ବିଦ୍ୟାଧରମନୁଷ୍ୟ ରାକ୍ଷସ କିନ୍ନର
Couplet 130
ବ୍ରାହ୍ମଣ କାହିଁ ଏତେ ତେଜକର୍କଶ ଧନୁର୍ଗୁଣେ ଭୁଜ
Couplet 131
ନିଶ୍ଚେ କ୍ଷତ୍ରିୟ ତିନିଜଣପୁଣି କହନ୍ତି ନାରାୟଣ
Couplet 132
ଦେଖ ଏ ବୀର ବୃକୋଦରବାମେଟି ଅଜୁନ ଏହାର
Couplet 133
ଏହାଙ୍କ ମାତୁଳଜ ଭ୍ରାତମୁଁ କୃଷ୍ଣ ବସୁେଦେବସୁତ
Couplet 134
ମୁଁ ତୋର ରିପୁ ମହାବଳଜିଣିଲି ସପ୍ତଦଶବେଳ
Couplet 135
ବେଳେ ଜିଣିଲୁ ବଳେ ତୁହିତା ଶୁଣି କୃଷ୍ଣ ମୁଖ ଚାହିଁ
Couplet 136
ଉଚ୍ଚେ ହସିଲା ଜରାସନ୍ଧବୋଲଇ ତୁରେ ବଡ଼ ମନ୍ଦ
Couplet 137
କୋପେ ବୋଲଇ କୃଷ୍ଣେ ଚାହିଁସତ୍ୟ ଯେ କରିଅଛି ମୁହିଁ
Couplet 138
ସଂଗ୍ରାମ ମୋହର ଉଚିତତୁ ପୁଣି ସଂଗ୍ରାମେ ନିସତ
Couplet 139
ପଳାଇ ଗଲୁ ମୋର ଭୟେଏବେ ଭଣ୍ତିଲୁ କୁଟଯମୋହେ
Couplet 140
ମଥୁରା ଛାଡି ଜଳେ ପଶିଏବେ ଛଳିଲୁ ମୋତେ ଆସି
Couplet 141
ସମୁଦ୍ରେ ପଶିଲୁ ଶରଣତୋହର ତୁଲେ କାହିଁ ରାଣ
Couplet 142
ଏ ଯେ ଅର୍ଜୁନ ସଖା ତୋରତୁଲ୍ୟ ବୟସ ନୋହେ ମୋର
Couplet 143
ଏହାର ଦେହେ ନାହିଁ ବଳଏ କାହିଁ ହେବ ମୋର ତୁଲ
Couplet 144
ମୋହର ତୁଲ୍ୟ ବଳୀ ଭୀମସେ ଜାଣେ ବାହୁଯୁଦ୍ଧ ଧର୍ମ
Couplet 145
ଏମନ୍ତ ବୋଲି କୋପଭରେବେଗେ ମିଳିଲା ନିଜପୁରେ
Couplet 146
ବୁଲାଇ ବେନିଗଦା ହସ୍ତେମିଳିଲା କୃଷ୍ଣର ଅଗ୍ରତେ
Couplet 147
ଗଦାଏ ଭୀମହସ୍ତେ ଦେଲାସମର କର ତୁ ବୋଇଲା
Couplet 148
ଆପଣେ ଗଦା ହସ୍ତେ ଧରିରଣେ ପଶିଲା ଆଗସରି
Couplet 149
ସମରେ ଭୀମ-ଜରାସନ୍ଧଶୂନ୍ୟେ ଦେଖନ୍ତି ଦେବବୃନ୍ଦ
Couplet 150
ଅନ୍ତରେ ନିଜ ଛଳ ଆଞ୍ଚିଗଦାସମରେ ପଞ୍ଚାପଞ୍ଚି
Couplet 151
ରଣେ ଦୁର୍ମଦ ବେନିବୀରଘୂରାଇ କରନ୍ତି ପ୍ରହାର
Couplet 152
ଶବଦ ଯେହ୍ନେ ଘଡଘଡିଶୁଭଇ ବେନିଦେହେ ପଡି
Couplet 153
ବାମ ଦକ୍ଷିଣେ ଗଦା ଚାଳିକୋପେ ପିଟନ୍ତି ଭୁଜତୋଳି
Couplet 154
ସମରେ ମତ୍ତଗଜ ପ୍ରାୟେଗଦା ପିଟନ୍ତି ବେନି ଦେହେ
Couplet 155
ଶୁଭଇ ଘଡଘଡି ନାଦଗଜେ ଯେସନେ ଗଜଯୁଦ୍ଧ
Couplet 156
ବଜ୍ରଶବଦେ ଦିଗ ପୁରେମାଗଧ ଭୀମର ସମରେ
Couplet 157
ଏମନ୍ତେ ବେନି ଗଦା ତୋଳିଅନ୍ୟୋନ୍ୟେ ପ୍ରହାରନ୍ତି ବଳୀ
Couplet 158
ପିଟନ୍ତି ଭୁଜଯୁଗେ ବେଗେଗଦାଏ ବାଜି ତାଙ୍କ ଅଙ୍ଗେ
Couplet 159
କଟୀ ଜଘନ ଊର କନ୍ଧେବଜ୍ରଶବଦ ଘୋରନାଦେ
Couplet 160
ଭାଜି ପଡିଲେ ଗଦାତଳେହସ୍ତୀ ସଂଗ୍ରାମେ ଯେହ୍ନେ ଡାଳେ
Couplet 161
ସେ ବେନିଗଦା ଯହୁଁ ଗଲାଅନେକ କୋପ ଉପୁଜିଲା
Couplet 162
ମୁଷ୍ଟି ଉଞ୍ଚାଇ ମହାକୋପେପ୍ରହାର କଲେ ଆପେ ଆପେ
Couplet 163
ଶୁଭଇ ବଜ୍ର ଘଡଘଡିପୁଣି ପ୍ରହାରେ ଆଗ ବଢି
Couplet 164
ଏମନ୍ତେ ବଢିଲା ସଂଗ୍ରାମଦଇବ ବେନିବୀରେ ସମ
Couplet 165
ନିରତେ ସମର ବଢିଲାସପତବିଂଶ ଦିନ ଗଲା
Couplet 166
ଏମନ୍ତେ ରଜନୀ ପ୍ରବେଶେକୃଷ୍ଣ ଯେ ଥିଲେ ଭୀମ ପାଶେ
Couplet 167
କୃଷ୍ଣବଦନ ଭୀମ ଚାହିଁକହିଲା ଆଙ୍ଗୁଳି ଦେଖାଇ
Couplet 168
ଏହାକୁ ନ ପାରିବି ମୁହିଁଉପାୟ ଥିଲେ କହ ତୁହି
Couplet 169
ଭୀମ ବଚନେ ନାରାୟଣଚିନ୍ତିଲେ ଜରାର ମରଣ
Couplet 170
ଜରାରାକ୍ଷସୀ ଜନ୍ମକାଳେସନ୍ଧାନ କଲା ବେନିଫାଳେ
Couplet 171
ବୋଇଲା ହୁଅ ତୁ ଅକ୍ଷୟକେ ଜାଣିପାରେ ଏ ଉପାୟ
Couplet 172
ତୋତେ କରିବ ବେନିଫାଳଖଣ୍ତେ କ୍ଷେପିବ ଅନ୍ତରାଳ
Couplet 173
ଖଣ୍ତେ ପଡିବ ସିନ୍ଧୁଜଳେଦହିବ ବଡବା ଅନଳେ
Couplet 174
ତେବେ ସେ ତୋହର ମରଣଏ କଥା ଜାଣି ନାରାୟଣ
Couplet 175
ଭୀମ ଶରୀରେ ନରହରିତକ୍ଷଣେ ନିଜ ତେଜ ଭରି
Couplet 176
ନିର୍ଭୟ କଲେ ତାର ମନଘୋର ଶବଦେ ଭୀମସେନ
Couplet 177
ଚାହିଁଲା କୃଷ୍ଣର ବଦନତକ୍ଷଣେ ପ୍ରଭୁ ଭଗବାନ
Couplet 178
ଶତ୍ରୁର ମରଣ ଉପାୟତୃଣ ଉପାଡି ଦେବରାୟ
Couplet 179
ଭୀମେ ଦେଖାଇ ନରହରିଚିରିଲେ ବେନିଫାଳ କରି
Couplet 180
ତକ୍ଷଣେ ଚାହିଁ ବୃକୋଦରଶବଦ କଲା ମହାଘୋର
Couplet 181
ଉତ୍ତାନେ ପଡିଥିଲା ଭୀମଦେହେ ବସିଲା ଗରୁତମ
Couplet 182
ଜରାକୁ ପକାଇଲା ତଳେତକ୍ଷଣେ ଉଠି ମହାବଳେ
Couplet 183
ବିଷ୍ଣୁର ତେଜେ ଘୋରନାଦକରି ଧଇଲା ବେନି ପାଦ
Couplet 184
ଆକର୍ଷି ପାଦେ ପାଦ ମୋଡିଆର ଚରଣ ହସ୍ତେ ତାଡି
Couplet 185
ଦେଖନ୍ତି ପ୍ରଭୁ ଦାମୋଦରବେଗେ ଫାଟିଲା ମଳଦ୍ୱାର
Couplet 186
ହୁଙ୍କାରନାଦେ ମହାବଳତକ୍ଷଣେ କଲା ବେନିଫାଳ
Couplet 187
ଦେବେ ତା ଦେଖନ୍ତି ପ୍ରତ୍ୟକ୍ଷେଖଣ୍ତେ ଫିଙ୍ଗିଲା ଅନ୍ତରୀକ୍ଷେ
Couplet 188
ଆର ଖଣ୍ତକ ଭୂମିଗତେପଡିଲା କୃଷ୍ଣର ଅଗ୍ରତେ
Couplet 189
ଗଜ ଯେସନେ ବୃକ୍ଷଡାଳଲୀଳାଏ କରେ ବେନିଫାଳ
Couplet 190
ଏକଇ ଚରଣ ବୃଷଣଜଘନ କଟୀ ପୃଷ୍ଠ ସ୍ତନ
Couplet 191
ଏକଇ ଭୁଜ ଅଂଶ ଧରିଯେହ୍ନେ କରତେ କାଷ୍ଠ ଚିରି
Couplet 192
ଏକଇ ନାସାପୁଟ କର୍ଣ୍ଣଚକ୍ଷୁ କପୋଳ ଦେଖି ଜନ
Couplet 193
ଶୁଭଇ ହାହାକାର ବାଣୀଭୀମ ଉଠିଲା ଶିରଝୁଣି
Couplet 194
ଜରାସନ୍ଧର ପାଦ ଧରିବୁଲାଇ ଅନ୍ତରାଳ କରି
Couplet 195
ବଡବାନଳେ ପକାଇଲାଏମନ୍ତେ ଶତ୍ରୁ ନାଶ ଗଲା
Couplet 196
ତକ୍ଷଣେ ପାର୍ଥ ଜଗନ୍ନାଥଧଇଲେ ବୃକୋଦର ହସ୍ତ
Couplet 197
ଜୟ ଶବଦେ ନରହରିଭୀମକୁ ଆଲିଙ୍ଗନ କରି
Couplet 198
ଜରାସନ୍ଧର ପୁତ୍ରେ ଆଣିନୃପ ଆସନେ ଚକ୍ରପାଣି
Couplet 199
ବସାଇ ନିଜ ଜନ ମଧ୍ୟେକୃଷ୍ଣ ସଞ୍ଚିଲେ ରାଜପଦେ
Couplet 200
ବନ୍ଧନେ ଯେତେକ ନୃପତିତାହାଙ୍କୁ ସୁମରି ଶ୍ରୀପତି
Couplet 201
ପର୍ବତକ୍ରୋଟ ମଧ୍ୟଗତେଗୋବିନ୍ଦ ଗଲେ ପାଦଗତେ
Couplet 202
ସେ ହରିଚରଣେ ବିଶ୍ୱାସଶରଣେ ଜଗନ୍ନାଥ ଦାସ