Adhyaya 8

Couplet 1

ନମଇଁ କୃଷ୍ଣ-ପଦ୍ମ‌ପାଦଏ ମୋର ଜୀବନ-ସମ୍ପଦ

Couplet 2

ପରୀକ୍ଷ ଶୁକମୁଖ ଚାହିଁବୋଲନ୍ତି କୃତକୃତ୍ୟ ହୋଇ

Couplet 3

ଗୋପ ନବରେ ନରହରିମାଇଲେ ପୂତନା ଅସୁରୀ

Couplet 4

ଦେବଙ୍କ ଭୟ ନିବାରିଲେନିଜ ଶରୀରେ ଠାବ ଦେଲେ

Couplet 5

ଯାହାର ନାହିଁ ମିତ୍ର-ଅରିଚାଣ୍ତାଳୁଁ ବ୍ରହ୍ମ ଆଦି କରି

Couplet 6

ସାଧୁଙ୍କୁ ପାଳି ଦୁଷ୍ଟ ନାଶିଦୟାସାଗର ବ୍ରହ୍ମରାଶି

Couplet 7

ତାହାଙ୍କ ଯେତେ କର୍ମମାନବାଳକ-ଚରିତ ବିଧାନ

Couplet 8

ଶୁଣି ଭଜନ୍ତି ଯେତେ ପ୍ରାଣୀତରନ୍ତି ଭବ-ତରଙ୍ଗିଣୀ

Couplet 9

ମାୟା-ମନୁଷ୍ୟ ଅବତାରଖଣ୍ତିବେ ଅବନୀର ଭାର

Couplet 10

ଆବର କଲେ ଗୋପେ ଯାହାକହିବା ଯେବେ ମୋତେଦୟା

Couplet 11

ରାଜା ପ୍ରଶନ ବାକ୍ୟ ଶୁଣିକହନ୍ତି ଶୁକ ମହାମୁନି

Couplet 12

କହିବା ଶୁଣ କୃଷ୍ଣକଥାଯେଣେ ତୁଟିବ ଭବବ୍ୟଥା

Couplet 13

ଅନ୍ତୁଡ଼ି ଉଠିଆରୀ ଦିନେଆସି ମିଳିଲେ ଗୋପୀଜନେ

Couplet 14

ମଙ୍ଗଳ ଗୀତନାଦ କରିସ୍ନାନ କରାଇଲେ ମୁରାରି

Couplet 15

ବ୍ରହ୍ମଣ ମିଳିଲେ ଥୋକାଏଆଶିଷ ଦେଲେ ମାଏପୋଏ

Couplet 16

ଆନନ୍ଦମନେ ନନ୍ଦରାୟେଧନବସନ ଦାନ ଦିଏ

Couplet 17

ଗୋପୀ ଆନନ୍ଦ ଗୀତରସନିଦ୍ରାମୋହିତ ପୀତବାସ

Couplet 18

ଶକଟତଳେ ବସ୍ତ୍ର ପାଡ଼ିଯଶୋଦା ଶୁଆଇ ମୁରାରି

Couplet 19

ନିଦ୍ରା କରଇ ଗୀତ ଗାଇଗୋପୀଙ୍କିଦେଲେ ସେ ବଧାଇ

Couplet 20

ଅକ୍ଷତ ଦେଲେ ଜଣେ ଜଣପୁତ୍ରକୁ କରନ୍ତି କଲ୍ୟାଣ

Couplet 21

ଏମନ୍ତେ କଂସର ଅସୁରନାମ ଶକଟାସୁର ବୀର

Couplet 22

କୃଷ୍ଣଙ୍କୁ ମାରିବାର ଆଶେଶକଟ ଶରୀର ପ୍ରକାଶେ

Couplet 23

ତାହା ଜାଣିଲେ ଭାବଗ୍ରାହୀବାଳୁତ ରୂପେ ଛନ୍ତି ଶୋଇ

Couplet 24

ନିଦ୍ରା ଭାଜନ୍ତେ ନାରାୟଣକାନ୍ଦି ଲୋଡ଼ନ୍ତି ମାତାସ୍ତନ

Couplet 25

ଗୋଳେ ନ ଶୁଣଇ ଗୁଆଳୀକୃଷ୍ଣ କାନ୍ଦନ୍ତି ପାଦ ଚାଳି

Couplet 26

ଶକଟେ ବାଜିଲା ପୟରଶବଦ କଲା ମହାଘୋର

Couplet 27

ଶକଟ ପଡ଼ିଲାକ ଝଡ଼ିଦେଖି ଚକିତ ଗୋପବାଳୀ

Couplet 28

ଦଧି ତଇଳ ଘୃତଭାଣ୍ତଭାଜି ହୋଇଲା ଖଣ୍ତ ଖଣ୍ତ

Couplet 29

ଶବଦ ଶୁଣି ଗୋପୀ ଧାଇଁମିଳିଲେ ନନ୍ଦ ଆଦି ଯାଇ

Couplet 30

ଦେଖିଲେ ଯଶୋଦା କୁମରପଡ଼ିଛି ଶକଟ ତଳର

Couplet 31

କୃଷ୍ଣଙ୍କୁ ଆଣି କୋଳ କଲେଏକକୁ ଆରେକ କହିଲେ

Couplet 32

ଏ କି ଆପଦ କାହିଁ ହୋଇଏମନ୍ତ ଦେଖିଲା ତ ନାହିଁ

Couplet 33

ଶକଟ ଭାଜିଲା କେମନ୍ତବୁଝ ହୋ ଏହାର ତଦନ୍ତ

Couplet 34

ଯଶୋଦା ଦେବୀ ଭାଗ୍ୟବନ୍ତଆପଦୁଁ ତରିଲା ବାଳୁତ

Couplet 35

ଶକଟ ଭାଜିଲା କେମନ୍ତେଜାଣିଲେ ଯିବା ନା ପରତେ

Couplet 36

ବାଳକୁମରେ ତାହା ଶୁଣିବୋଲନ୍ତି ଆମ୍ଭେ ଅଛୁ ଜାଣି

Couplet 37

ଯଶୋଦାସୁତ ପାଦଘାତେଶକଟ ଭାଜିଲା ଯୁକତେ

Couplet 38

ତହୁଁ ପୁରୁଷେ ଜାତ ହୋଇଯୋଡ଼ି ବୋଇଲା କର ଦୁଇ

Couplet 39

ଅନେକ ବିନୋଇ କହିଲାବିମାନେ ବସି ସ୍ୱର୍ଗେ ଗଲା

Couplet 40

ଶୁଣି ହସିଲେ ବାଳ ବୋଲକୃଷ୍ଣର ନ ଜାଣନ୍ତି ବଳ

Couplet 41

ରୋଦନ କରନ୍ତେ ମୁରାରିଯଶୋଦାକୋଳେଦେଲେ ନାରୀ

Couplet 42

କୁଗ୍ରହ ହେବା ମନେ ଚିନ୍ତିବିପ୍ରଙ୍କୁ ଆଣି ଗ୍ରହଶାନ୍ତି

Couplet 43

କରାଇ ପିଆଇଲେ ସ୍ତନ୍ୟଆନନ୍ଦ ଯଶୋଦାର ମନ

Couplet 44

ଆନ ଶକଟ ଭିଆଇଲେଦ୍ରବ୍ୟମାନଙ୍କୁ ସଜାଡ଼ିଲେ

Couplet 45

ବ୍ରାହ୍ମଣେ କଲେ ପଞ୍ଚାମୃତଦେଖିଣ ନନ୍ଦ କୃତକୃତ୍ୟ

Couplet 46

ହରଷ ହୋଇ ଦେଲା ଦାନଧେନୁ କାଞ୍ଚନ ବସ୍ତ୍ର ଅନ୍ନ

Couplet 47

ସନ୍ତୋଷ ହୋଇ ବିପ୍ରଗଣେକଲ୍ୟାଣ କଲେ ତୋଷମନେ

Couplet 48

ଆଚାର ବିଦ୍ୟାରେ ଭରସାପରେ ସେ ନ କରନ୍ତି ହିଂସା

Couplet 49

ଯାହା ବୋଲନ୍ତି ସିଦ୍ଧଜନେଅନ୍ୟଥା ନୁହଇ ବଚନେ

Couplet 50

କହନ୍ତି ବ୍ୟାସଙ୍କ ନନ୍ଦନଏମନ୍ତେ ଗଲା କେତେଦିନ

Couplet 51

କଂସର ଆଜ୍ଞାରେ ଦଇତ୍ୟଗୋପେ ମିଳିଲା ତୃଣାବର୍ତ୍ତ

Couplet 52

ତାହା ଜାଣିଲେ ଦଇତ୍ୟାରିଯଶୋଦା କୋଳେ ଛନ୍ତି ଧରି

Couplet 53

ବିଚାର କଲେ ଚକ୍ରଧରଆଜ ସଂହାରିବି ଅସୁର

Couplet 54

ଜନନୀ କୋଳେ ହେଲେ ଗରୁଯେହ୍ନେ ଅଚଳ ମହାମେରୁ

Couplet 55

ତକ୍ଷଣେ ଥୋଇଲା ଅବନୀବିଚାର କଲା ଭୟ ଘେନି

Couplet 56

ବାଳୁତ ଏଡ଼େ ଗରୁପଣନ ପୁଣ ପଡ଼ଇ କଷଣ

Couplet 57

ଶେଯେ ଶୁଆଇ ଗଲାଘରକରଇ ବ୍ୟାପାର ବେଭାର

Couplet 58

କଂସର ଆଜ୍ଞା ପରମାଣେଅସୁର ମିଳିଲା ତକ୍ଷଣେ

Couplet 59

ଗଗନେ ଘୋରନାଦ କରିଚକ୍ରପବନ ରୂପ ଧରି

Couplet 60

ଦିବସେ କଲା ଅନ୍ଧକାରଭୂମି କମ୍ପିଲା ଥରହର

Couplet 61

ବୃକ୍ଷେ ପଡ଼ିଲେ ମହୀତଳେରେଣୁ ଉଡ଼ିଲେ ଅନ୍ତରାଳେ

Couplet 62

ଚାହିଁ ନ ପାରି ବେନିଘଡ଼ିଚକ୍ଷୁ ବୁଜିଲେ ନରନାରୀ

Couplet 63

ଚକ୍ରପବନ ଗଲା ଉଡ଼ିକୃଷ୍ଣଙ୍କୁ ଦୈତ୍ୟ ନେଲା ହରି

Couplet 64

ପ୍ରକାଶେ ରବିର କିରଣନିର୍ମଳ ଦିଶିଲା ଗଗନ

Couplet 65

ଘରୁ ବାହାରି ନନ୍ଦରାଣୀପୁତ୍ରକୁ ଖୋଜଇ ଧରଣୀ

Couplet 66

କୃଷ୍ଣେ ନ ଦେଖି ହିଆକୋଡ଼ିଧାମଇଁ ପୁଣ ପୁଣ ପଡ଼ି

Couplet 67

ଘରବାହାରେ ପୁର ଲାଗେବିକଳେ ଲୋଡ଼େ ଚଉଦିଗେ

Couplet 68

ଖୋଜି ନ ପାଇ ବନମାଳୀତା' ଶୁଣି ମିଳିଲେ ଗୁଆଳୀ

Couplet 69

ଖୋଜନ୍ତି ଘରେ ଘରେ ପଶିକାହିଁ ପାଇବେ ବ୍ରହ୍ମରାଶି

Couplet 70

ନ ଦେଖି ପ୍ରଭୁ ଚକ୍ରପାଣିମୋହେ ପଡ଼ିଲା ନନ୍ଦରାଣୀ

Couplet 71

ଗୋପୀ ଧଇଲେ ବେଗେ ଯାଇବିଞ୍ଚନ୍ତି ମୁଖେ ନୀର ଦେଇ

Couplet 72

ଘଡ଼ିକେ ହୋଇଲା ସଚେତଉଠି ଲୋଡ଼ଇ ନିଜ ସୁତ

Couplet 73

କେଶ ବସନ ଅସମ୍ଭାଳେପଡ଼େ ଗୋପୀଙ୍କ ପାଦତଳେ

Couplet 74

କେ କହୁ ଯଶୋଦାର ଶୋକଗୋପୀଙ୍କି ଚାହିଁଣ ନିରେଖ

Couplet 75

ବିକଳେ ଲୋଟଇ ଧରଣୀଗୋପୀ କାନ୍ଦନ୍ତି ତାହା ଶୁଣି

Couplet 76

କେ କହୁ ଶୋକର ତଦନ୍ତଗୋପୀ ହୋଇଲେ ମୋହଗତ

Couplet 77

ତାହା ଜାଣିଲେ ଜଗନ୍ନାଥଆକାଶେ ଉଡୁଛି ଦଇତ୍ୟ

Couplet 78

ଶ୍ରୀକୃଷ୍ଣ ବିଚାରନ୍ତି ମନେଅସୁର ମାରିବି କେସନେ

Couplet 79

ଏ ତ ନେଉଛି ଶୂନ୍ୟପଥେଏତେ ବିଚାରି ଗୋପୀନାଥେ

Couplet 80

ଦାସବ›ତ୍ସଳ ନନ୍ଦବଳାରୁନ୍ଧିଲେ ଅସୁରର ଗଳା

Couplet 81

କଣ୍ଠେ ଲମ୍ବିଲେ ବନମାଳୀଅସୁର ନ ପାରିଲା ଚଳି

Couplet 82

ବ୍ରହ୍ମାଣ୍ତ କୋଟି କୋଟି ମାଳେବସନ୍ତି ଯା'ର ରୋମମୂଳେ

Couplet 83

ଅସୁର ଚାଳିବ ତା କାହିଁଭାଳଇ ଚଉଦିଗ ଚାହିଁ

Couplet 84

ବାଳୁତ ପୁଅ ଏଡ଼େ ଗରୁପକାଇ ଦେବି ପଡ଼ି ମରୁ

Couplet 85

ଧରିଣ କୃଷ୍ଣ ବାମହସ୍ତେତା' କଣ୍ଠ ଚାପିଲେ ତୁରିତେ

Couplet 86

ବେନି ଲୋଚନ ଗଲା ଫୁଟିପ୍ରାଣ ଛାଡ଼ିଲା ତାଳୁ ଫାଟି

Couplet 87

ଶବଦ କଲା ମହାଘୋରଶୁଣି କମ୍ପିଲେ ସୁରନର

Couplet 88

ଅସୁର ଘେନି କୃଷ୍ଣ କରେପଡ଼ିଲେ ଶିଳାର ଉପରେ

Couplet 89

ଅସୁର ଦେହ ହେଲା ଚୂରଗୋପୀ ଦେଖିଲେ ଦାମୋଦର

Couplet 90

ଯମର ଘରୁ ଯେହ୍ନେ ଆସିକୋଳ କରନ୍ତି ଗୋପୀ ହସି

Couplet 91

ଶିଳାରୁ ଘେନି ବନମାଳୀଯଶୋଦାକୋଳେ ଦେଲେତୋଳି

Couplet 92

ଗୋପୀ ଗୋପାଳ ଆଦି ନନ୍ଦକୃଷ୍ଣଙ୍କୁ ଦେଖିଣ ସାନନ୍ଦ

Couplet 93

ଗୋପାଳେ ନନ୍ଦଙ୍କୁ ଅନାଇବୋଲନ୍ତି ଭାଗ୍ୟବନ୍ତ ତୁହି

Couplet 94

କାଳର ମୁଖୁଁ ଉବୁରିଲାପୁତ୍ରକୁ ଗୋବିନ୍ଦ ରଖିଲା

Couplet 95

ଶୀତଳ ଯଶୋଦାର କୋଳଆପଦୁଁ ତରିଲା କୁମର

Couplet 96

ଅରିଷ୍ଟ ଦେଖି ନନ୍ଦ ମନେଭାଳଇ ମିତ୍ରର ବଚନେ

Couplet 97

ଦିନେକ ପୁତ୍ର କୋଳେ ଘେନିକ୍ଷୀର ପିଆନ୍ତେ ନନ୍ଦ ରାଣୀ

Couplet 98

କୃଷ୍ଣ ବଦନେ ଉଠେ ହାଇଯଶୋଦା ତୁଣ୍ତେ ଦେଲା ଚାହିଁ

Couplet 99

ଦେଖିଲା ଦର୍ପଣ ପରାୟେବ୍ରହ୍ମାଣ୍ତ ଦିଶେ କୃଷ୍ଣ ଦେହେ

Couplet 100

ଆକାଶ ଆଦି ଦିଗପାଳେଗ୍ରହ ନକ୍ଷତ୍ର ମେଘମାଳେ

Couplet 101

ସପତ ସିନ୍ଧୁ ବସୁନ୍ଧରୀନଦୀ କାନନ ଦିଗ ଗିରି

Couplet 102

ସ୍ଥାବର ଆଦି ସର୍ବଜନ୍ତୁବିଶ୍ୱ ସଂସାରେ ଯେତେ ହେତୁ

Couplet 103

ଦେଖି ଚକିତମନେ ଚାହିଁହୃଦେ ଚିନ୍ତଇ ଭାବଗ୍ରାହୀ

Couplet 104

ସଭୟେ ପୁତ୍ର କୋଳେ ଘେନିଘରେ ପଶିଲେ ନନ୍ଦରାଣୀ

Couplet 105

ଆନନ୍ଦ କେ ପାରିବ କହିଯାହାର ସୁତ ଭାବଗ୍ରାହୀ

Couplet 106

ନିଦ୍ରା ମୋହିତ ହୃଷିକେଶନମଇଁ ଜଗନ୍ନାଥ ଦାସ