Adhyaya 75

Couplet 1

ଏବେ ହୋ ଶୁଣ ନରପତିକୃଷ୍ଣର ଯେତେକ ଯୁବତୀ

Couplet 2

ରଜନୀ ପ୍ରଭାତ କଟେଗୃହୀତ ନିଜ ପତି କଣ୍ଠେ

Couplet 3

କୃଷ୍ଣର ବିରହେ କାତରଭାବେ ଅଧିକ ସ୍ନେହଭର

Couplet 4

କୁକ୍କୁଟନାଦ ଶୁଣ କର୍ଣ୍ଣେତାହାକୁ ଅତି ଦୁଃଖ ମନେ

Couplet 5

ଶପନ୍ତି ବିରହ ବିଷାଦେନିବିଡେ ଭିତି ସ୍ୱାମୀ ହୃଦେ

Couplet 6

କୋକିଳ ଆଦି ପକ୍ଷୀଗଣନାଦେ ବୋଧନ୍ତି ନାରାୟଣ

Couplet 7

ବନ୍ଦୀ ମାଗଧ ପ୍ରାୟ ହୋଇସେ ବିଶ୍ୱମ୍ବର ମନ ମୋହି

Couplet 8

ସ୍ୱଭାବେ ପାରିଜାତ ବନସୁଗନ୍ଧ ବହଇ ପବନ

Couplet 9

ସୁନ୍ଦର ନ ମଣେ ପ୍ରଭାତରୁକ୍ମିଣୀ କୃଷ୍ଣଭାବେ ଚିତ୍ତ

Couplet 10

କୃଷ୍ଣ-ଆଲିଙ୍ଗନ-ବିଷାଦେପଶିଲା ବେନିଭୁଜ ମଧ୍ୟେ

Couplet 11

ପ୍ରକାଶେ ଅରୁଣ କିରଣଶଯ୍ୟାରୁ ଉଠି ନାରାୟଣ

Couplet 12

ପବିତ୍ରଜଳେ ମୁଖ ଧୋଇଚିତ୍ତେ ପରମପଦ ଧ୍ୟାୟି

Couplet 13

ଆତ୍ମାକୁ ଆତ୍ମଜ୍ଞାନେ ଚିନ୍ତିଯେ ଏକ ନିତ୍ୟ ସ୍ୱୟଂଜ୍ୟୋତି

Couplet 14

ଅବ୍ୟୟସ୍ଥିତି ବିଶ୍ୱରୂପୀବ୍ରହ୍ମାଣ୍ତ ମଧ୍ୟେ ଅଛି ବ୍ୟାପି

Couplet 15

ରୂପ-ବର୍ଜିତ ନିରଞ୍ଜନକଳି-କଳୁଷ ନିବାରଣ

Couplet 16

ଏମନ୍ତ ବ୍ରହ୍ମ ଯାର ନାମତ୍ରିଗୁଣ ମୟା ହେତୁ ଧାମ

Couplet 17

ଜଗତ ଯାହାର ପ୍ରକାଶେନିର୍ପଣ ବିମ୍ବ ପ୍ରାୟ ଦିଶେ

Couplet 18

ଏମନ୍ତ ପ୍ରଭୁ ନରହରିନିର୍ମଳ ଜଳେ ସ୍ନାନ ସାରି

Couplet 19

କ୍ରିୟାକଳାପ ଯଥାବିଧିପବିତ୍ର ପୀତବସ୍ତ୍ର ପିନ୍ଧି

Couplet 20

ସନ୍ଧ୍ୟାତର୍ପଣ ଆଦି କର୍ମଅନଳ ପୂଜା ଗୃହଧର୍ମ

Couplet 21

ମଉନେ ବେଦମନ୍ତ୍ର ଜପିତର୍ପଣ ବିଧି ପାଶେ ସ୍ଥାପି

Couplet 22

ରବି ସମ୍ମୁଖେ ନନ୍ଦବଳାତର୍ପଣେ ତୋଷି ଆତ୍ମକଳା

Couplet 23

ଦେବତା ଋଷି ପିତୃଗଣେଗୋବିନ୍ଦ ପୂଜିଲେ ତର୍ପଣେ

Couplet 24

ବୃଦ୍ଧ-ବାଳକ ମୁଖେ ଦେଇବିପ୍ରଙ୍କୁ ଆସନେ ବସାଇ

Couplet 25

ସୁବର୍ଣ୍ଣଶୃଙ୍ଗୀ ଧେନୁ ହରିମଣ୍ତିଲେ ଅଳଙ୍କାର ଭରି

Couplet 26

ମୁକୁତାମାଳେ ପୁଷ୍ପପନ୍ତିସାଧୁ ସୁବସ୍ତ୍ର ରୂପବତୀ

Couplet 27

କ୍ଷୀରସମ୍ପନ୍ନା ପୀନସ୍ତନୀଦେହେ ମଣ୍ତିଲେ ବତ୍ସ ଘେନି

Couplet 28

ରଜତେ ମଣ୍ତି କ୍ଷୁର ଚାରିପାଟବସନେ ତିଳ ପୂରି

Couplet 29

ନିର୍ମଳ-କୃଷ୍ଣାଜିନ ସଙ୍ଗେବେଦବିହିତ ବିଧି ମାର୍ଗେ

Couplet 30

ବିପ୍ରଙ୍କୁ କରି ଅଳଙ୍କୃତଧେନୁ ଅର୍ପିଲେ ଯୂଥ ଯୂଥ

Couplet 31

ଏମନ୍ତେ କୃଷ୍ଣ ପ୍ରତିଦିନେବିପ୍ରେ ତୋଷନ୍ତି ଧେନୁଦାନେ

Couplet 32

ଗୋ-ବିପ୍ର-ବୃଦ୍ଧ-ଗୁରୁଗଣେଦେନ୍ତା ଆଦି ସର୍ବଜନେ

Couplet 33

ଯେତେ ବିଷୟ ଆତ୍ମାଭୂତତାହାଙ୍କୁ ନମି ଗୋପୀନାଥ

Couplet 34

ଜଗତଗୁରୁ ଭଗବାନମଙ୍ଗଳ ଦ୍ରବ୍ୟ ସ୍ପରଶନ

Couplet 35

ସ୍ୱଭାବେ ଜଗତସୁନ୍ଦରଭୂଷଣ ନାନା ଅଳଙ୍କାର

Couplet 36

ପୀତବସନେ ଅନୁପମଶ୍ରୀବତ୍ସ କଉସ୍ତୁଭଦାମ

Couplet 37

ଦିବ୍ୟକୁସୁମ ମାଳମାଳଶୋହେ ସୁନ୍ଦର ବକ୍ଷସ୍ଥଳ

Couplet 38

ଘୃତ୍ୟ ଦର୍ପଣେ ମୁଖ ଚାହିଁବିପ୍ର ଦେବତା କରେ ଛୁଇଁ

Couplet 39

ପ୍ରକୃତି ଅନ୍ତଃପୁର ବାସୀଧନେ ତାହାଙ୍କ ମନ ତୋଷି

Couplet 40

ବ୍ରାହ୍ମଣ ଆଦି ଚାରିବର୍ଣ୍ଣେକୃଣ୍ଣ ପୂଜିଲେ ଅବଧାନେ

Couplet 41

ପ୍ରବୋଧ କରି ପୁରଜକନଆନନ୍ଦ କଲେ ଆତ୍ମମନ

Couplet 42

ତାମ୍ବୁଳ କୁସୁମ ସୁଗନ୍ଧବିଭାଗ କରି ଆଦିକନ୍ଦ

Couplet 43

ବିପ୍ରଙ୍କୁ ଦେଇ ଅଗ୍ରଭାଗଦାରା ପ୍ରକୃତି ଯେଝା ଭାଗ

Couplet 44

ସକଳ ଜନେ ସୁଖ ଦେଇଭୋଜନ କଲେ ଭାବଗ୍ରାହୀ

Couplet 45

ଯାତ୍ରା ଉତ୍ସବେ ପଦ୍ମମୁଖତକ୍ଷଣେ ମିଳିଲେ ଦାରୁକ

Couplet 46

ଅଦ୍ଭୁତ ରଥ ସଜ କରିରଥେ ଯୋଚିଲା ଅଶ୍ୱ ଚାରି

Couplet 47

ସୁଗ୍ରୀବ ଆଦି ଚାରିଯାନସୁନ୍ଦର ଗୋବିନ୍ଦ ବିମାନ

Couplet 48

କାଞ୍ଚନରଜ୍ଜୁ ଅଶ୍ୱ ଯୋଗେସାଜି ମିଳିଲା କୃଷ୍ଣ ଆଗେ

Couplet 49

ଦାରୁକ ହସ୍ତେ ହସ୍ତ ଦେଇରଥେ ବିଜୟ ଭାବଗ୍ରାହୀ

Couplet 50

ସାତ୍ୟକି ଉଦ୍ଧବ ବିଶ୍ୱାସେବସିଲେ କୃଷ୍ଣ ବେନି ପାଶେ

Couplet 51

କି ଅବା ଦେବା ପଟାନ୍ତରଶୁଣ ସୁମନେ ଶୋଭା କରେ

Couplet 52

ଉଦୟ ପର୍ବତ ଶିଖରେରବି ଯେସନେ ଶୋଭା କରେ

Couplet 53

ଯେତେକ ପୁର ବଧୂଜନହାସ୍ୟ କଟାକ୍ଷେ ଭଗବାନ

Couplet 54

ସ୍ନେହଲାଳସେ ଅପସରିପୁରୁ ବାହାର ନରହରି

Couplet 55

ଉଗ୍ରସେନର ସଭାମଧ୍ୟେଯାଇ ମିଳିଲେ ଆଦିକନ୍ଦେ

Couplet 56

ବେନିଜନଙ୍କ ହସ୍ତ ଧରିସଭାର ମଧ୍ୟେ ବିଜେ କରି

Couplet 57

ଉଗ୍ରସେନଙ୍କୁ ନିଉଛାଳିକରି ବସିଲେ ବନମାଳୀ

Couplet 58

ବାମ ଦକ୍ଷିଣେ ବେନି ବୀରମଧ୍ୟେ ବିଜୟ ଦାମୋଦର

Couplet 59

ଶୁଣ ରାଜନ କୁରୁବୀରଉଗ୍ରସେନର ସଭାଘର

Couplet 60

ଯାଦବବଳେ ଇନ୍ଦ୍ରସଭାକିରଣେ ଯେହ୍ନେ ରବିପ୍ରଭା

Couplet 61

କୃଷ୍ଣ ସୁଧର୍ମା ମଧ୍ୟସ୍ଥାନେବିଜୟ କାଞ୍ଚନ-ଆସନେ

Couplet 62

ମନୁଷ୍ୟ ସୁଧର୍ମା-ପ୍ରବେଶେତକ୍ଷଣେ ଷଡ଼ଉର୍ମ୍ମି ନାଶେ

Couplet 63

କୃଷ୍ଣର ତେଜେ ଇନ୍ଦ୍ରସଭାବିକାଶେ ଦଶଦିଗ-ପ୍ରଭା

Couplet 64

ଯଦୁବୀରଙ୍କ ମଧ୍ୟେ ବସିତାରା ମଣ୍ତଳେ ଯେହ୍ନେ ଶଶୀ

Couplet 65

ଯେ ଉପମନ୍ତ୍ରୀଗଣ ପାଶେନାନାପ୍ରବନ୍ଧ ପରିହାସେ

Couplet 66

କୃଷ୍ଣ ସମୀପେ ସୁଖେ ବସିକଥା ପ୍ରସ୍ତାବେ ମନ ତୋଷି

Couplet 67

ନଟ ନର୍ତ୍ତକୀ ଆଦି ଯେତେମିଳିଲେ ନାନା ବାଦ୍ୟହସ୍ତେ

Couplet 68

ନୃତ୍ୟ, ତାଣ୍ତବ ଗୀତ ସ୍ୱନେସୂତ ମାଗଧ ବନ୍ଦୀଜନେ

Couplet 69

କୃଷ୍ଣେ କରାଇ ସାବଧାନକରନ୍ତି ନୃତ୍ୟ ଗୀତ ମାନ

Couplet 70

ବ୍ରାହ୍ମଣେ ଶୁଦ୍ଧ ବେଦନାଦେଶାସ୍ତ୍ର ଆଗମ ଅନୁବନ୍ଧେ

Couplet 71

ପୁରାଣ ପ୍ରବନ୍ଧ ପ୍ରମାଣେପୂର୍ବେ ଯେ ଥିଲେ ରାଜାଗଣେ

Couplet 72

ତାହାଙ୍କ ପୁଣ୍ୟଯଶ ଗାଇକହନ୍ତି କୃଷ୍ଣମୁଖ ଚାହିଁ

Couplet 73

ଏବେ ହୋ ଶୁଣ ନରନାଥସଭାରେ ଯେତେ ରାଜଦୂତ

Couplet 74

କୃଷ୍ଣ ଆଦେଶେ ଦ୍ୱାରପାଳେପ୍ରବେଶ କଲେ ସଭାତଳେ

Couplet 75

ଅଦୃଷ୍ଟପୂର୍ବ ଶ୍ରେଷ୍ଠ ରୂପେମିଳିଲେ ଗୋବିନ୍ଦ ସମୀପେ

Couplet 76

ଦୂର ଆଗମେ ପଥଶ୍ରମୀସେ ଦୂତ କୃଷ୍ଣପାଦେ ନମି

Couplet 77

କରଅଞ୍ଜଳି ଦେଇ ମୁଣ୍ତେରାଜନିଯୋଗ କହେ ତୁଣ୍ତେ

Couplet 78

ଜରାସନ୍ଧର ବନ୍ଦୀଘରେନିବିଡ଼ ଦୁଃଖ ଶୋକଭରେ

Couplet 79

ତାହାର ଦିଗବିଜେ କାଳେଯେ ନ ନମିଲେ ପାଦତଳେ

Couplet 80

ତାହାଙ୍କୁ ନିଜ ଭୁଜବଳେବନ୍ଧନ କଲା ଏକମେଳେ

Couplet 81

ବେନି ଅୟୁତ ପରିମିତରାଜା ନିରୋଧେ ଜରାସୁତ

Couplet 82

ଅନେକ ଦୁଃଖଶୋକ ପାଇଦୂତର ହସ୍ତେ ଲେଖ ଦେଇ

Couplet 83

ହେ କୃଷ୍ଣ କୃଷ୍ଣ ମହାବାହୁଶରଣ ତୋର ପାଦେ ଯେହୁ

Couplet 84

ତାହାର ଦୁଃଖ କରୁ ନାଶତୁ ନାଥ ଭକତବିଶ୍ୱାସ

Couplet 85

ପ୍ରପନ୍ନଭୟ ନାଶୁ ଯେଣୁଆମ୍ଭେ ତୋ ପଦ୍ମପାଦେ ତେଣୁ

Couplet 86

ବିଭ୍ରମ ବୁଦ୍ଧି ଭବଭୟେଶରଣ ଗଲୁ ତୋର ପାୟେ

Couplet 87

ଭୋ ନାଥ ଶୁଣ ଭାବଗ୍ରାହୀଆମ୍ଭେ ଯେ ରାଜଭୋଗ ପାଇ

Couplet 88

ଶ୍ରୀମଦେ ବୁଦ୍ଧି କଲୁ ନାଶଏ ଭୂମି ଜୟ କରି ଆଶ

Couplet 89

ଏକ ଆରକେ ଯୁଦ୍ଧବଳେପ୍ରଜା ନାଶିଲୁ ମତ୍ତଭୋଳେ

Couplet 90

ଅତି ନିର୍ଦ୍ଦୟକର୍ମ କରିଅଗ୍ରେ ମରଣ ନ ବିଚାରି

Couplet 91

ଏ ଜୀବଲୋକେ ତୋ ସଂସାରେବିକର୍ମେ ରତ ନିରନ୍ତରେ

Couplet 92

ତୋହର ମାୟାଚକ୍ରେ ପଡ଼ିକୁଶଳ କର୍ମପଥ ହୁଡ଼ି

Couplet 93

ତାର ଜୀବନ ଆଶା ତୁହିନିମିଷେ ନାଶୁ ମାୟାବହି

Couplet 94

ଏଣୁ ତୋ ନାମ ଅନିମିଷନମସ୍ତେ ଅନାଦି ପୁରୁଷ

Couplet 95

ତୁ ଏ ଜଗତେ ମାୟାଧରନିଜ କଳାରେ ଅବତାର

Couplet 96

ଆଦିପୁରୁଷ ତୁ ଦୟାଳୁଖଳ ନିବାରି ସନ୍ଥ ପାଳୁ

Couplet 97

ଏ ଜରାସନ୍ଧ ଆଦି ଦୁଷ୍ଟଲୋକେ ଦିଅନ୍ତି ନାନା କଷ୍ଟ

Couplet 98

ଅବଜ୍ଞା କରି ତୋ ବଚନେଚଳନ୍ତି ନିଜ ଅଭିମାନେ

Couplet 99

କି ଅବା କର୍ମଫଳ ବଳେକଷ୍ଟ ଲଭୁଛୁଁ ଏ ଶୟଳେ

Couplet 100

ଜାଣି ନ ପାରୁ ଆମ୍ଭେ ଏହାଯେଣୁ ସକଳ ତୋର ମାୟା

Couplet 101

ସ୍ୱପ୍ନସଦୃଶ ନୃପସୁଖପର ଆୟତ୍ତେ ନିତ୍ୟେ ଦୁଃଖ

Couplet 102

ଏ ମୃତ୍ୟୁପିଣ୍ତେ ସ୍ନେହ ବହିଯେଣୁ ଆମ୍ଭର ଜ୍ଞାନ ନାହିଁ

Couplet 103

ତୁ ଆତ୍ମାରୂପୀ ନରହରିତୋ ପାଦ ଅନାଦର କରି

Couplet 104

ତୋତେ ନ ଚିହ୍ନି କ୍ଲେଶ ପାଇତୋହର ମାୟାଜଡେ଼ ଥାଇ

Couplet 105

ତୋର ଶରଣ ଚକ୍ରଧରପ୍ରଣତଜନ ଦୁଃଖ ହର

Couplet 106

ଏ ଜରାସନ୍ଧ ଧୂମକେତୁଆମ୍ଭର କର୍ମପାଶ-ହେତୁ

Couplet 107

ତାର ବନ୍ଧନୁ ରକ୍ଷାକରଭୋ ନାଥ ଶରଣ ତୋହର

Couplet 108

ଏ ଦୁରାଚାର ଅତି ଖଳଅୟୁତ-ମତ୍ତଗଜ-ବଳ

Couplet 109

ଏକ ଅନେକେ ଅଛି ଧରିପଶୁଙ୍କୁ ଯେସନେ କେଶରୀ

Couplet 110

ଏ ଜରାସନ୍ଧ ତୋର ମେଳେଯୁଦ୍ଧେ ନ ଜିଣି ବାହୁବଳେ

Couplet 111

ତେଇଶି ଅକ୍ଷୌହଣୀ ସାଜିସପତଦଶବାର ଭାଜି

Couplet 112

ତୋର ମାୟାରେ ଚକ୍ରପାଣିବେଳେ ଜିଣିଲା ପ୍ରାୟ ମଣି

Couplet 113

ଲୀଳାମନୁଷ୍ୟ ରୂପ ତୁହିତୋତେ ନ ଜାଣି ଗର୍ବ ବହି

Couplet 114

ତୋହର ପ୍ରଜା କଲା ନାଶଆମ୍ଭେ ନ ଜାଣୁ ତୋ ବିଶ୍ୱାସ

Couplet 115

ଯେ ତୋର ଇଚ୍ଛା ଏବେ କରଆମ୍ଭେ ତୋ ଚରଣେ କିଙ୍କର

Couplet 116

ଏମନ୍ତ ଦୁଃଖେ ନୃପବରେବନ୍ଧନ ମଗଧ ଦେଶରେ

Couplet 117

ଇଚ୍ଛନ୍ତି ତବ ଦରଶନଭୋ ନାଥ ହୋଇବା ପ୍ରସନ୍ନ

Couplet 118

ଆମ୍ଭେ ଦୁଃଖିତ ରାଜାଗଣତୋ ପାଦେ ପଶିଲୁ ଶରଣ

Couplet 119

ପରମଦୁଃଖୁଁ କର ତ୍ରାହିଭୋ ନାଥ ରଖ ଭାବଗ୍ରାହୀ

Couplet 120

ଏମନ୍ତ କହୁଁ ରାଜଦୂତଆସି ମିଳିଲେ ବ୍ରହ୍ମାସୁତ

Couplet 121

ଅତିସୁନ୍ଦର ରୂପକାନ୍ତିରବିକିରଣ ପ୍ରାୟ ଜ୍ୟୋତି

Couplet 122

ପିଙ୍ଗଳଜଟା ଶୋହେ ଶିରେମିଳିଲେ ଗୋବିନ୍ଦ ସଭାରେ

Couplet 123

ନାରଦେ ଦେଖି ଭଗବାନେତକ୍ଷଣେ ତେଜିଲେ ଆସନ

Couplet 124

ଈଶ୍ୱର ସର୍ବଲୋକ ନାଥନାରଦପାଦେ ପ୍ରଣମିତ

Couplet 125

ସଭାରେ ମଧ୍ୟେ ଲୋକଯେତେତାହାଙ୍କୁ ନମିଲେ ତୁରିତେ

Couplet 126

ଆନନ୍ଦେ କମଳାରମଣପୂଜିଲେ ନାରଦ ଚରଣ

Couplet 127

କନକ ଆସନେ ବସାଇକୋମଳେ ବାକ୍ୟେ ଭାବଗ୍ରାହୀ

Couplet 128

ନାରଦ ମନ କରି ତୋଷପ୍ରସନ୍ନେ ଭକତବିଶ୍ୱାସ

Couplet 129

ବୋଲନ୍ତି ଶୁଣ ବ୍ରହ୍ମାସୁତଆଜ ମୁଁ ଲଭିଲି ସୁକୃତ

Couplet 130

ଏ ତିନିପୁର ଲୋକ ଯେତେତାହାଙ୍କ କଲ୍ୟାଣ ନିମନ୍ତେ

Couplet 131

ତୋର ଭ୍ରମଣ ଏ ଜଗତେକୁଶଳ କହ ଶୁଦ୍ଧଚିତ୍ତେ

Couplet 132

ତୋହର ଗତି ତ୍ରିଭୁବନମିତ୍ର ଅଇରି ତୋର ସମ

Couplet 133

ଈଶ୍ୱର ନିର୍ମାଣ ଜଗତେନ ଘଟେ ତୋର ଅବିଦିତେ

Couplet 134

ବାରୁଣାବନ୍ତେ ପାଣ୍ତୁସୁତେଅଛନ୍ତି ଜନନୀ ସହିତେ

Couplet 135

କି ଅବା କରନ୍ତି ବିଚାରତୁମ୍ଭେ ସୁହୃଦ ତାହାଙ୍କର

Couplet 136

ମୋହର ମନ ତାଙ୍କ କାହିଁତେଣୁ ପୁଚ୍ଛଇ ଭାବ ରହି

Couplet 137

କୃଷ୍ଣ ବଚନ ବ୍ରହ୍ମାସୁତଶୁଣି ଯୋଡିଲେ ବେନି ହସ୍ତ

Couplet 138

ଭୋ ନାଥ ନିଜ ମାୟା ତୋରବ୍ରହ୍ମାଶଙ୍କରେ ଅଗୋଚର

Couplet 139

ବିଶ୍ୱେ ସର୍ଜ୍ଜିତ ଯେତେ ଜନମାୟାରେ ମୋହୁ ତାଙ୍କ ମନ

Couplet 140

ପ୍ରାଣୀଙ୍କ ଦେହେ ଥାଉ ତୁହିଅନଳ ପ୍ରାୟ ଗୋପ୍ୟ ହୋଇ

Couplet 141

ଅଦ୍ଭୂତ ନୁହଁଇନା ତୋତେତେଣୁ ଭାବଇ ମୁହିଁ ଚିତ୍ତେ

Couplet 142

ତୋହର ମହିମା କେ ଜାଣେଆଗମ ନିଗମ ପ୍ରମାଣେ

Couplet 143

ସ୍ୱମାୟାବଳେ ଏ ଜଗତସୃଜି ପାଳିଣ କରୁ ଅନ୍ତ

Couplet 144

ତୁ ସତ୍ୟ ଆତ୍ମାଶକ୍ତି ବଳେନିଜେ ପ୍ରକାଶୁ ଏ ଶୟଳେ

Couplet 145

ତୋ ଆତ୍ମାରୂପ ବିଲକ୍ଷଣଏଣୁ ନମଇଁ ତୋ ଚରଣ

Couplet 146

ଜୀବର ସଞ୍ଚରଣ -ପାଶଅନର୍ଥ -ଶରୀର-ପ୍ରକାଶ

Couplet 147

ଲୀଳାବତୀର ରୂପ ତୋରଦୀପ ଯେସନେ ଅନ୍ଧକାର

Couplet 148

ନାଶଇ ନିଜ ତେଜବଳେତେଣୁ ମୁଁ ତୋର ପାଦତଳେ

Couplet 149

ପଶିଲି ଛାଡି ମନ ଭ୍ରାନ୍ତିଯେଣୁ ତୁ ଅଗତିର ଗତି

Couplet 150

ତଥାପି ତୋହର ପ୍ରଶନଏ ନରଲୋକେ ବିଡମ୍ବନ

Couplet 151

ତଥାପି ଶୁଣ ଶୁଦ୍ଧଚେତାକହିବି ପାଣ୍ତବଙ୍କ କଥା

Couplet 152

ପିତୃଭଗିନୀସୁତ ତୋରଯେ ରାଜା ନାମ ଯୁଧିଷ୍ଠିର

Couplet 153

ବିଶ୍ୱାସୀ ଭକତ ସେ ତୋରଶୁଣ ତୁ ତାହାଙ୍କ ବିଚାର

Couplet 154

ଦୁସ୍ତର ରାଜସୂୟ ଯାଗେପୂଜିବେ ତୋର ପାଦଯୁଗେ

Couplet 155

ପରମଇଷ୍ଟ ତାର କାମଆଜ୍ଞା ତୁ ଦିଅ ଶୁଦ୍ଧଧାମ

Couplet 156

ସେ ରାଜସୂୟ ଯଜ୍ଞବରେଯେତେ ଏ ଲୋକ ତିନିପୁରେ

Couplet 157

ତୋ ରୂପ ଦେଖିବାର ସଧେଗଗନୁ ଆସିବେ ବିବୁଧେ

Couplet 158

ଯେତେ ରାଜନ ଯଶକାରୀତୋତେ ଦେଖିବେ ନରହରି

Couplet 159

ତୋ ନାମ ଶ୍ରବଣ କୀର୍ତ୍ତନନିଶ୍ଚଳ ଚିତ୍ତେ ଯୋଗ ଧ୍ୟାନ

Couplet 160

ପତିତଜନ ଶୁଦ୍ଧକରେଯେ ପ୍ରାଣୀ ଶରଣ ତୋହରେ

Couplet 161

ତୁ ବ୍ରହ୍ମ ପରମକାରଣକିବା ଅଧିକ ବିଚାରଣ

Couplet 162

ତୋର ସ୍ମୃତି ଶୃତିପଥନିର୍ମଳ କରଇ ଜଗତ

Couplet 163

ପାଦଉଦକ ପାପ ହରେଶରୀର ବାହ୍ୟ ଅଭ୍ୟନ୍ତରେ

Couplet 164

ବଚନ ଶାସ୍ତ୍ରମତେ ହୋଇବିଧି ନିଷେଧ ପଥ ଦୁଇ

Couplet 165

କାଳ ଅନଳ ଜଳେ ଭ୍ରମୀହତ ବିଭୂତି ମହାଶ୍ରମୀ

Couplet 166

ତୋହର ଚରଣ ସ୍ପରଶେଜୀବନ ବହୁ ସେ ଉଶ୍ୱାସେ

Couplet 167

ସେ ପାଦପଦ୍ମ ମହାବାହୁଆମ୍ଭଙ୍କୁ ଚଉବର୍ଗ ଦେଉ

Couplet 168

ଭୋ ନାଥ ଭୁବନମଙ୍ଗଳତୋହର ଯଶ ସୁନିର୍ମଳ

Couplet 169

ବିଖ୍ୟାତ ଏ ତିନିଭୁବନେଭଲେ ଜାଣନ୍ତି ସର୍ବଜନେ

Couplet 170

ସୁରଭୁବନେ ମନ୍ଦାକିନୀପୁଣି ସେ ନିଜ ରୂପ ଘେନି

Couplet 171

ପାତାଳପୁରେ ଭୋଗବତୀଗଙ୍ଗା ଏ ମଞ୍ଚପୁରେ ସ୍ଥିତି

Couplet 172

ତୋ ପାଦ ଜଳର ମହିମାକେ ଜାଣିପାରେ ଗୁଣସୀମା

Couplet 173

ପବିତ୍ର କରେ ବିଶ୍ୱଜନତୁ ନାଥ ଜଗତମୋହନ

Couplet 174

ଏମନ୍ତ ସଭା ଆତ୍ମପକ୍ଷେଗୋବିନ୍ଦ ବିଚାରି ପ୍ରତ୍ୟକ୍ଷେ

Couplet 175

ଜାଣିବା ପାଇଁ ସର୍ବଜନଉଦ୍ଧବେ ଚାହିଁ ଭଗବାନ

Couplet 176

କୋମଳ ବଚନ ଗଭୀରବୋଲନ୍ତି ପ୍ରଭୁ ଦାମୋଦର

Couplet 177

ଉଦ୍ଧବ ଶୁଣ ମୋ ଉତ୍ତରତୁ ମୋର ଚକ୍ଷୁ ମନ୍ତ୍ରବୀର

Couplet 178

ପ୍ରିୟ ସୁହୃଦ ତୁହି ସାରତୋତେ ମୁଁ ପୁଛଇ ବିଚାର

Couplet 179

ସଂଶୟ ପ୍ରସ୍ତାବଟି ଏହିମୁଁ କି କରିବି କହ ତୁହି

Couplet 180

ଏମନ୍ତ କୃଷ୍ଣ ବାକ୍ୟ ଶୁଣିଉଦ୍ଧବ ମନେ ମନେ ଗୁଣି

Couplet 181

ସର୍ବଜ୍ଞ ଜଗତଜୀବନଅଲଂଘ୍ୟ ଯାହାର ବଚନ

Couplet 182

ତାହାର ଆଜ୍ଞା ଶିରେ ବହିକହେ ଗୋବିନ୍ଦ ମୁଖ ଚାହିଁ

Couplet 183

ସେ ହରି ଚରଣ କମଳେମନ ମୋ ରହୁ ଧ୍ୟାନବଳେ

Couplet 184

ଅନାଥନାଥ ଜଗନ୍ନାଥସଂସାର ହିତେ ଭାଗବତ

Couplet 185

ସୁଜନପାଦ ହୃଦେ ଲଇଁକରିଣ ନୃତ୍ୟ ଗୀତ ଗାଇ

Couplet 186

କହଇ ଦାସ ଜଗନ୍ନାଥଗୀତବିନୋଦେ ଭାଗବତ