Adhyaya 74

Couplet 1

ଏବେ ହୋ ଶୁଣ ନରନାଥକୃଷ୍ଣଚରିତ ଭାଗବତ

Couplet 2

ବ୍ରହ୍ମାନନ୍ଦନ ଏକଦିନେବିଚାର କଲେ ବସି ମନେ

Couplet 3

ରଣେ ନାରକାସୁର ମାରିକୃଷ୍ଣ ଆଣିଲେ ଯେତେ ନାରୀ

Couplet 4

ଷୋଳସହସ୍ର ଏକଶତଗୃହେ ନିବେଶି ଏକମତ

Couplet 5

ଏକ ଅନେକ ନାରୀ ରମେଏତେ ବିଚାରି ମନଭ୍ରମେ

Couplet 6

କେମନ୍ତେ ରମଇଁ ଏକାନ୍ତେପୁତ୍ର ପଉତ୍ର ଅପ୍ରମିତେ

Couplet 7

ଏକେ ଅଏକ ନାରୀ ରମେଏତେ ବିଚାରି ମନଭ୍ରମେ

Couplet 8

ଦେଖିବି ବୋଲି କରି ସଧଦ୍ୱାରକା ମିଳିଲେ ନାରଦ

Couplet 9

ସ୍ୱଭାବେ ଗୋବିନ୍ଦର ପୁରକି ଅବା ଦେବା ପଟାନ୍ତର

Couplet 10

ପୁଷ୍ପିତ ଉପବନ ମଧ୍ୟେଭ୍ରମର ପକ୍ଷୀ କଳନାଦେ

Couplet 11

ନୀଳ କୁମୁଦ ପଦ୍ମସାରସୁଗନ୍ଧ କୁସୁମ କହ୍ଲାର

Couplet 12

ହଂସ ସାରସ ମଧ୍ୟେ ପଶିସୁନ୍ଦର ଜଳାଶୟେ ଭାସି

Couplet 13

ଶୁଭ୍ର ପ୍ରାସାଦ ନବଲକ୍ଷସ୍ପଟିକ ରଜତ ପ୍ରତ୍ୟକ୍ଷ

Couplet 14

ମହାମର୍କତ ତେଜ କାନ୍ତିରତ୍ନସୁବର୍ଣ୍ଣ ଝଟକନ୍ତି

Couplet 15

ଏକାନ୍ତ ମାର୍ଗ ଚତୁଷ୍ପଥହାଟ ପାଟଣା ସୁଶୋଭିତ

Couplet 16

ଦେବତା ଗୃହ ଯଜ୍ଞଶାଳଦିଶନ୍ତି ଯେହ୍ନେ ମେଘମାଳ

Couplet 17

ମାର୍ଗ ଅଗଣା ରାଜପଥମାର୍ଜିତ ଚନ୍ଦନେ ସିଞ୍ଚିତ

Couplet 18

ଚିତ୍ରପିତୁଳି କାନ୍ଥମାଝେଧ୍ୱଜ ପତାକା ତଥି ସାଜେ

Couplet 19

ଏଣୁ ନ ଲାଗେ ରବି ତେଜଯହିଁ ବିଜୟେ ଦେବରାଜ

Couplet 20

କେ କହୁ ପୁରଙ୍କର ଶୋଭାକିବା ଉପମା ତାକୁ ଦେବା

Couplet 21

କୃଷ୍ଣର ଅନ୍ତଃପୁର ଦ୍ୱାରେଦେବେ ଖଟନ୍ତି ନିରନ୍ତରେ

Couplet 22

ବିଶ୍ୱକର୍ମାର ଶିଳ୍ପୀପଣଯେପୁରେ ହୋଇଛି ପ୍ରମାଣ

Couplet 23

ଷୋଳସହସ୍ରଶତେ ନାରୀସେ ପୁରେ ଗୃହବାସ୍ତୁ କରି

Couplet 24

କୃଷ୍ଣ ସେବନ୍ତି ମନସୁଖେକେ କହୁ ତାଙ୍କ ପୁଣ୍ୟ ମୁଖେ

Couplet 25

ବ୍ରହ୍ମାନନ୍ଦନ ଏକସରେମିଳିଲେ କୃଷ୍ଣ-ଅନ୍ତଃପୁରେ

Couplet 26

ବିଦ୍ରୁମ ସ୍ତମ୍ଭମାନ ଶୋହେଚଳଇ ଇନ୍ଦ୍ରନୀଳ ପ୍ରାୟେ

Couplet 27

ଫଳକମାନ ବଇଦୂର୍ଯ୍ୟଖଞ୍ଜିତ ନାନା ମଣିପୁଞ୍ଜ

Couplet 28

ଏଣେ ଗଞ୍ଜଇ ସର୍ବଜ୍ୟୋତିତମେ ଯେସନେ ତାରାପନ୍ତି

Couplet 29

ମୁକୁତା ଦେମେ ଚନ୍ଦ୍ରାତପଯେ ବିଶ୍ୱକର୍ମାର ଶିଳିପ

Couplet 30

ଆସନ ପଲ୍ୟଙ୍କ ସହିତେନିର୍ମିତ କରି ବରଦନ୍ତେ

Couplet 31

ଖଚିତ ପଦ୍ମରାଗ ପନ୍ତିଦେଖନ୍ତେ ମନ ସେ ହରନ୍ତି

Couplet 32

କୃଷ୍ଣ କାମିନୀଙ୍କର ପାଶେସେବକୀ ସେବନ୍ତି ବିଶ୍ୱାସେ

Couplet 33

ତାହାଙ୍କ କଣ୍ଠେ ରତ୍ନମଣିରବିକିରଣ ପ୍ରାୟେ ଜାଣି

Couplet 34

ବିବିଧ ବସ୍ତ୍ର ପରିଧାନରୂପ ବୟସ ସୁଘଟଣ

Couplet 35

ବଳୟ କରେ ବିଭୂଷଣପାଦେ ନୂପୁର ରୁଣଝୁଣ

Couplet 36

ମଣିକୁଣ୍ତଳ ଶୋହେ କର୍ଣ୍ଣେକୃଷ୍ଣକାମିନୀ ଅବଧାନେ

Couplet 37

ଜଳନ୍ତି ରତ୍ନଦୀପ ପନ୍ତିନିବିଡ଼ତମ ସେ ହରନ୍ତି

Couplet 38

ଚିତ୍ର-ଜଗତି ଶିଖେ ଥାଇଅଗୁରୁ ଧୂପ ଧୂମ ଚାହିଁ

Couplet 39

ଜଳଦ ପ୍ରାୟ ମଣି ମନେନାଚନ୍ତି ନୀଳକଣ୍ଠଗଣେ

Couplet 40

ଏମନ୍ତ ପୁରେ କୃଷ୍ଣନାରୀସମାନ ବୟ-ବେଶଧାରୀ

Couplet 41

ସେବନ୍ତି କୃଷ୍ଣର ଚରଣେନିଜ ମନ୍ଦିରେ ଜଣେ ଜଣେ

Couplet 42

ଦାସୀ-ସହସ୍ର ମେଳେ ଥାଇସେବନ୍ତି ଭାବେ ଭାବଗ୍ରାହୀ

Couplet 43

ଏମନ୍ତେ ରୁକ୍ମିଣୀ ଭୁବନେନାରଦ ମୁନି ଶୁଦ୍ଧମନେ

Couplet 44

ମିଳିଲେ କୃଷ୍ଣପାଶେ ଯାଇଦେଖି ଉଠିଲେ ଭାବଗ୍ରାହୀ

Couplet 45

ଧାର୍ମିକ ବର ବ୍ରହ୍ମରାଶିଲକ୍ଷ୍ମୀ ପଲ୍ୟଙ୍କ ତଳେ ବସି

Couplet 46

କିରୀଟ ଶିରେ ଦେବହରିନମିଲେ ମୁନି ପାଦ ଧରି

Couplet 47

ନାରଦ ହସ୍ତେ ହସ୍ତ ଦେଇଆସନେ ବସାଇଲେ ନେଇ

Couplet 48

ମୁନି ଚରଣଯୁଗ ଧୋଇଶିରେ ଘେନିଲେ ଭାବଗ୍ରାହୀ

Couplet 49

ବ୍ରହ୍ମଣ୍ୟଦେବ ଯାର ନାମସକଳ ଗୁଣେ ଅନୁପମ

Couplet 50

ଯାହାର ଚରଣ ଉଦକହରଇ ସକଳ ପାତକ

Couplet 51

ପୁରାଣପୁରୁଷ ମୁରାରିବୋଲନ୍ତି ମୁନିପାଦ ଧରି

Couplet 52

ହସି ବୋଲନ୍ତି ମହାବାହୁନିଯୋଗ ଆଜ୍ଞା ମୋତେ ହେଉ

Couplet 53

ନାରଦ କୃଷ୍ଣ ମୁଖ ଚାହିଁବୋଲନ୍ତି ଶିରେ କର ଦେଇ

Couplet 54

ଭୋ ନାଥ ଶୁଣ ନାରାୟଣଅଖିଳ ବ୍ରହ୍ମାଣ୍ତ କାରଣ

Couplet 55

କସଳଜନେ ତୋର କୀର୍ତ୍ତିଖଳ-ଦଣ୍ତନେ ବକ୍ରଗତି

Couplet 56

ସାଧୁଙ୍କ ନିସ୍ତାର ନିମନ୍ତେତୋ ଅବତାର ଏ ଜଗତେ

Couplet 57

କ୍ଷିତି ରକ୍ଷଣେ ଚକ୍ରଧରତୋହର ଯେତେ ଅବତାର

Couplet 58

ନିଗମେ ତୋର ଯଶ ଗାଇଏହା ତ ଭଲେ ମୁଁ ଜାଣଇଁ

Couplet 59

ଦେଖିଲି ତୋ ଚରଣ ଯୁଗଯହୁଁ ଜନ୍ମଇ ଅପବର୍ଗ

Couplet 60

ଯେ ପାଦ ବହ୍ମା ବେଦବାଦୀଯାହା ଚିନ୍ତନ୍ତି ନିରବଧି

Couplet 61

ସଂସାର-କୂପ ମଧ୍ୟେ ପଡ଼ିଜନ୍ତୁଏ ମାୟାଜଳେ ବୁଡ଼ି

Couplet 62

ତାହାଙ୍କ ଧରିବା ନିଶୁଣିତୋ ପାଦପଦ୍ମ ଚକ୍ରପାଣି

Couplet 63

ସେ ପାଦ ଧ୍ୟାୟୀ ଏ ଜଗତେମୁଁ ଯେ ବୁଲଇ ଅବିରତେ

Couplet 64

ସେ ପାଦ ଚିନ୍ତା ମୋର ହୃଦେନିରତେ ଥାଉ ଅପ୍ରମାଦେ

Couplet 65

ତୋତେ ଅଇଲି ଦେଖି ମୁହିଁଏମନ୍ତେ ଶିରେ କର ଦେଇ

Couplet 66

ନାରଦ ଗଲେ ସ୍ନେହଭରେପୁଣି ମିଳିଲେ ଅନ୍ୟପୁରେ

Couplet 67

କୃଷ୍ଣର ମାୟା ଯୋଗମତବୁଝିବା ଅର୍ଥେ ବ୍ରହ୍ମାସୁତ

Couplet 68

ସତ୍ୟଭାମାର ପୁରେ ଯାଇମିଳିଲେ ବୀଣାବାଦ୍ୟ ବାଇ

Couplet 69

ଉଦ୍ଧବ ସଙ୍ଗେ ଯଦୁପତିପଶାଖେଳରେ ଦୃଢ଼ମତି

Couplet 70

ପ୍ରିୟାସହତେ ଦାମୋଦରଦେଖିଲେ ବ୍ରହ୍ମାର କୁମର

Couplet 71

ନାରଦ ଆଗମନ ଦେଖିଗୋବିନ୍ଦ ଆସନ ଉପେକ୍ଷି

Couplet 72

ପ୍ରିୟାସହତେ ନରହରିଉଦ୍ଧବ କରେ କର ଧରି

Couplet 73

ପୂଜିଲେ ନାରଦ ଚରଣବିପ୍ରଭକତ ନାରାୟଣ

Couplet 74

ଆସନ ଆଦି ଉପଚାରେଗୃହସ୍ଥ ଆଶ୍ରମ ବେଭାରେ

Couplet 75

ପୂଜି କପାଳେ ଯୋଡ଼ିକରପୁଚ୍ଛନ୍ତି ପ୍ରଭୁ ଦାମୋଦର

Couplet 76

କେଣେ ଆଗମନ ତୁମ୍ଭରପବିତ୍ର କଲ ମୋର ପୁର

Couplet 77

ତମ୍ଭେ ସକଳ ଗୁଣେ ପୂର୍ଣ୍ଣସ୍ୱଭାବେ ମୁହିଁ କ୍ଷୁଦ୍ର ଜନ

Couplet 78

କି ଅବା କରିବଇଁ ସେବାବିଚାରି ମୋତେ ଆଜ୍ଞା ଦେବା

Couplet 79

କହ କିମର୍ଥେ ଆଗମନପବିତ୍ର କର୍ମ ମୋର ଜନ୍ମ

Couplet 80

ସୁଫଳ ହେଉ ଆଜ୍ଞା ବହିବୋଲନ୍ତି ପ୍ରଭୁ ଭାବଗ୍ରାହୀ

Couplet 81

ଶୁଣି ନାରଦ ମହାମୁନିକିଛି ନ ବୋଲି ହେଲେ ତୁନି

Couplet 82

ତକ୍ଷଣେ ଉଠି ବ୍ରହ୍ମାସୁତଅନ୍ୟ ଭୁବନେ ଉପଗତ

Couplet 83

ତହିଁ ଦେକିଲେ ନରହରିବାଳକ କୋଳେ ଛନ୍ତି ଧରି

Couplet 84

ଶିଶୁ ଲାଳନେ ଭଗବାନଦେଖି ନାରଦ ଆଗମନ

Couplet 85

ସଂଭ୍ରମେ ପ୍ରଭୁ ଦେବରାଜାପୂର୍ବ ପ୍ରାୟେକ କଲେ ପୂଜା

Couplet 86

ନାରଦ ମୁନି ଶୁଖଭରେପୁଣି ମିଳିଲେ ଅନ୍ୟପୁରେ

Couplet 87

ତହିଁ ଦେଖିଲେ ଭଗବାନସ୍ନାହାନ ଅର୍ଥେ ଆଗମନ

Couplet 88

ପୁଣି ଦେଖିଲେ ଅନ୍ୟ ପୁରେକୃଷ୍ଣ ଅଛନ୍ତି ଯଜ୍ଞଘରେ

Couplet 89

ଅଗ୍ନି ପୂଜନ ପଞ୍ଚମୁଖେବ୍ରହ୍ମାନନ୍ଦନ ଦେଖି ସୁଖେ

Couplet 90

ଅନ୍ୟ ଭୁବନେ ପୁଣି ମିଳିଦେଖନ୍ତି ପ୍ରଭୁ ବନମାଳୀ

Couplet 91

ବିପ୍ରେ ଭୁଞ୍ଜାଇ ମିଷ୍ଟଅନ୍ନେଶେଷ ଭୁଞ୍ଜନ୍ତି ତୋଷମନେ

Couplet 92

ତକ୍ଷଣେ ଅନ୍ୟ ପୁରେ ପଶିକୃଷ୍ଣେ ଦେଖିଲେ ବ୍ରହ୍ମଋଷି

Couplet 93

ଗୋବିନ୍ଦ ସନ୍ଧ୍ୟା ଉପାସନେଗାୟତ୍ରୀ ଜପନ୍ତି ମଉନେ

Couplet 94

ଖଡ଼ଗ ଚର୍ମ ଧରି କରେଶର ସାଧନ୍ତି କେଉଁ ପୁରେ

Couplet 95

ଆରୋହୀ ଅଶ୍ୱ-ରଥ-ଗଜେନାନା ଭୁବନେ ନାନା ସଜେ

Couplet 96

ଏମନ୍ତ ଦେଖି ବ୍ରହ୍ମଋଷିପୁଣି ହିଁ ଅନ୍ୟ ପୁରେ ପଶି

Couplet 97

ତହିଁ ଦେଖିଲେ ଭଗବାନପଲ୍ୟଙ୍କ ଉପରେ ଶୟନ

Couplet 98

ଉପରେ ଚନ୍ଦ୍ରାତପ ଶୋହିସେବନ୍ତି ବାମାଗମେ ରହି

Couplet 99

ସ୍ତୁତି କରନ୍ତି ବନ୍ଦୀଜନେଦେଖି ଚଳିଲେ ତୋଷମନେ

Couplet 100

ଦେଖନ୍ତି ଅନ୍ୟ ପୁରେ ଯାଇଉଦ୍ଧବେ ନିକଟେ ବସାଇ

Couplet 101

ମନ୍ତ୍ରଣା ମନ୍ତ୍ରଗଣ ସଙ୍ଗେଦେଖି ନାରଦ ଭାବରଙ୍ଗେ

Couplet 102

ପୁଣି ମିଳିଲେ ଅନ୍ୟ ପୁରେଦେଖନ୍ତି ଜଳର ଭିତରେ

Couplet 103

ଦିବ୍ୟଯୁବତୀଗଣ ସଙ୍ଗେଜଳେ ଖେଳନ୍ତି ନାନାରଙ୍ଗେ

Couplet 104

ପୁଣି ମିଳିଲେ ଅନ୍ୟ ସ୍ଥାନେଗୋବିନ୍ଦ ବସି ତୋଷମନେ

Couplet 105

ଗୋରୁଙ୍କୁ କରି ଅଳଙ୍କାରପ୍ରସନ୍ନେ କମଳାର ବର

Couplet 106

ଉତ୍ତମ ବିପ୍ରେ ଗୋରୁଦାନକରନ୍ତି ପ୍ରଭୁ ଭଗବାନ

Couplet 107

ତକ୍ଷଣେ ବ୍ରହ୍ମାଙ୍କ କୁମରପୁଣି ମିଳିଲେ ଅନ୍ୟ ପୁର

Couplet 108

ତହିଁ ଦେଖିଲେ ନାରାୟଣମଙ୍ଗଳପୁରାଣ ଶ୍ରବଣ

Couplet 109

କେବଣଠାରେ ହାସ୍ୟମୁଖେହସି ଚାହାନ୍ତି ପ୍ରିୟା ସୁଖେ

Couplet 110

କେବଣଠାରେ ଚିନ୍ତି ଧର୍ମଅନ୍ୟ ଭବନେ ଅର୍ଥକାମ

Couplet 111

ଧ୍ୟାନ-ସମାଧି ଅନ୍ୟ ସ୍ଥାନେବ୍ରହ୍ମ ଚିନ୍ତନ୍ତି ସ୍ଥିରମନେ

Couplet 112

କେବଣଠାରେ ଗୁରୁପୂଜାସକାମ-ଭୋଗେ ପରିଚର୍ଯ୍ୟା

Couplet 113

କେବଣ ସ୍ଥାନେ ଯଦୁପତିସନ୍ଧି ବିଗ୍ରହ ରାଜନୀତି

Couplet 114

ଚିନ୍ତନ୍ତି ରାମ ଅନୁମତେଯେ ଅବା ଭକ୍ତଜତ ହିତେ

Couplet 115

କେବଣ ପୁରେ ନରହରିଦୁହିତ ଅଳଙ୍କାର ଭରି

Couplet 116

ଶ୍ୱଶୁରଭୁବନେ ପେଷନ୍ତିପୁତ୍ରର ପତ୍ନୀଙ୍କି ଅଣାନ୍ତି

Couplet 117

ଅନ୍ୟ ଭୁବନେ ନନ୍ଦବାଳପୁତ୍ରଦୁହିତାଙ୍କ ମଙ୍ଗଳ

Couplet 118

ବିଚାରି କରନ୍ତି ଉତ୍ସବନାରଦ ଦେଖି ନାନାଭାବ

Couplet 119

ଅଦ୍ଭୁତ କର୍ମ ନରଲୋକେଅନ୍ୟ ଭୁବନେ ମିଳି ସୁଖେ

Couplet 120

ତହିଁ ଦେଖିଲେ ନାରାୟଣଯଜ୍ଞେ ପୂଜନ୍ତି ଦେବଗଣ

Couplet 121

କେବଣପୁର ଜଳଦାନକୂପ-ତଡ଼ାଗେ ଅବଧାନ

Couplet 122

ମଣ୍ତପ ଦେବତାମନ୍ଦିରଯେ ଧର୍ମ ଗୃହସ୍ଥ ବେଭାର

Couplet 123

ପୁଣି ଦେଖନ୍ତି ଅନ୍ୟ ପୁରେକୃଷ୍ଣ ମୃଗୟା ଅନୁସରେ

Couplet 124

ଆରୋହି ଅଶ୍ୱ ସଇନ୍ଧବବନେ ମାରନ୍ତି ନାନା ଜୀବ

Couplet 125

ପବିତ୍ର ପଶୁ କରି ହତନିଜ ଭୁବନେ ଉପଗତ

Couplet 126

ଏମନ୍ତେ ପତ୍ନୀପୁର ଅନ୍ତେମଧ୍ୟେ ବୁଲନ୍ତି ବ୍ରହ୍ମାସୁତେ

Couplet 127

ପୁଣ ଦେଖିଲେ ଭଗବାନକପଟ ମାୟାରୂପେ ଛନ୍ନ

Couplet 128

ବୁଲନ୍ତି ନାରୀଙ୍କ ଭୁବନେସ୍ତିରୀଚରିତ ଅବଧାନେ

Couplet 129

ଦେଖି ନାରଦ ମହାଋଷିକୃଷ୍ଣବଦନ ଚାହିଁ ହସି

Couplet 130

ବୋଲନ୍ତି ବ୍ରହ୍ମାଙ୍କ ନନ୍ଦନକୋମଳ ଶଂକିତ ବଚନ

Couplet 131

ଲୀଳା ମନୁଷ୍ୟ ଅବତାରଭୋ ନାଥ ଦେଖଲି ତୋହର

Couplet 132

ଯୋଗେଶ୍ୱରଙ୍କୁ ଅଗୋଚରଭୋ ନାଥ ମହିମା ତୋହର

Couplet 133

ଜଦଦୀଶ୍ୱର ତୁ ଜଗତେତୋ ପାଦପଦ୍ମ ସେବା ଅର୍ଥେ

Couplet 134

ତୋହର ଯଶ ଓ ଜଗତେମୁଁ ତାହା ଗାଇଣ ନିରତେ

Couplet 135

ଯେ ଯଶ ଅଖିଳ ପାବନିଗାଇ ବୁଲିବି ଦେହ ଘେନି

Couplet 136

ନାରଦ ବାକ୍ୟେ ତୋଷ ହୋଇବୋଲନ୍ତି ପ୍ରଭୁ ଭାବଗ୍ରାହୀ

Couplet 137

ଶୁଣ ନାରଦ ସାଧୁକଥାମୁହିଁ ଯେ ଧର୍ମର ବକତା

Couplet 138

ହର୍ତ୍ତା କରତା ମୁଁ ବୋଲାଇସ୍ୱକର୍ମ ଜଗତେ କରାଇ

Couplet 139

ଧର୍ମରକ୍ଷଣେ ମୁଁ ଜଗତେଶରୀର ଧରି ନାନାମତେ

Couplet 140

ବୁଲଇ ହୋଇ ରୂପଭେଦମନେ ନ କର ତୁମେ ଖେଦ

Couplet 141

କହନ୍ତି ଶୁକ ବ୍ରହ୍ମବେତ୍ତାଶୁଣ ରାଜନ କୃଷ୍ଣକଥା

Couplet 142

ଏମନ୍ତେ ଗୃହାଶ୍ରମ ଧର୍ମଗୋବିନ୍ଦ କଲେ ଯେତେ କର୍ମ

Couplet 143

ଏକ ଶରୀର ନରହରିସର୍ବକାମିନୀ ପୁରେ ପୁରୀ

Couplet 144

ଅନନ୍ତ ଯୋଗ ମାୟାରାଶିଦେଖି ସାନନ୍ଦ ବ୍ରହ୍ମଋଷି

Couplet 145

ଆନନ୍ଦେ ପାଇ କଉତୁକବିସ୍ମିତ ସୁଜ୍ଞାନି ବିବେକ

Couplet 146

କୃଷ୍ଣର ଗୃହମେଧିକର୍ମଯେ ନିତ୍ୟ ଧର୍ମ ଅର୍ଥ କାମ

Couplet 147

ଦେଖି ନାରଦ ମହାମୁନିପରମବ୍ରହ୍ମ ତତ୍ତ୍ୱଜ୍ଞାନୀ

Couplet 148

ତକ୍ଷଣେ କୃଷ୍ଣ ଆଜ୍ଞା ପାଇକୃଷ୍ଣ ମହିମା ମନେ ଧ୍ୟାୟି

Couplet 149

ଗଲେ ନାରଦ ବ୍ରହ୍ମଚାରୀଶୁଣ ପରୀକ୍ଷ ଦଣ୍ତଧାରୀ

Couplet 150

ଏମନ୍ତ ମନୁଷ୍ୟର କର୍ମଯେ ନିତ୍ୟ କାମ ଅର୍ଥ ଧର୍ମ

Couplet 151

ଏ ଅନୁପଥେ ଦେହ ବହିସଂସାର ହିତେ ଭାବଗ୍ରାହୀ

Couplet 152

ଷେଳସହଶ୍ର ନାରୀ ମଧ୍ୟେରମିଲେ ନାନା ଅନୁବନ୍ଧେ

Couplet 153

ସୃଷ୍ଟି ପାଳନ ସଂହାରଣଯେ ହରି ପରମ କାରଣ

Couplet 154

ଅଦ୍ଭୁତ କର୍ମ କଲେ ଯେତେଗୃହସ୍ଥ ଆଶ୍ରମ ଭକତେ

Couplet 155

ଯେ ଏହା ଶୁଣି ଭାବ ବହେଜଗତଜନ ମଧ୍ୟେ କହେ

Couplet 156

କୃଷ୍ଣଚରଣେ ଭକ୍ତିଭାବସେ ପ୍ରାଣୀ ଲଭେ ଅପବର୍ଗ

Couplet 157

କହଇ ଜଗନ୍ନାଥ ଦାସକୃଷ୍ଣ ମହିମା ସୁଧାରସ

Couplet 158

ଗୋବିନ୍ଦ ମାୟାଯୋଗ ବାଣୀଶୁଣି ସାନନ୍ଦ ନୃପମଣି