Adhyaya 73

Couplet 1

କହନ୍ତି ବ୍ୟାସଙ୍କ ନନ୍ଦନଶୁଣ ହୋ ରାମର ବିକ୍ରମ

Couplet 2

ଥିଲା ଯେ ଦୁର୍ଯ୍ୟୋଧନ ରାଜାଲକ୍ଷ୍ମଣା ତାହାର ତନୁଜା

Couplet 3

ତାହାର ସ୍ୱୟମ୍ବର କାଳେକୃଷ୍ଣନନ୍ଦନ ଯାଇ ବଳେ

Couplet 4

ହରିଲା ଶାମ୍ବ ବଳବନ୍ତସୁନ୍ଦର ଜାମ୍ବବତୀସୁତ

Couplet 5

ଦେଖି କନ୍ୟାର ରୂପଗୁଣହରିଲା ସ୍ୱୟମ୍ବରୁ ପୁଣ

Couplet 6

ଲକ୍ଷେକ ରାଜା ଥିଲେ ଚାହିଁରଥେ ବସିଲା କନ୍ୟା ନେଇ

Couplet 7

ଯେମନ୍ତ ବିକ୍ରମ କୃଷ୍ଣରତେମନ୍ତ କଲା ଶାମ୍ବବୀର

Couplet 8

ଦେଖି ତାହାର ଦୁଷ୍ଟପଣକୋପେ କମ୍ପିଲା କୁରୁରାଣ

Couplet 9

ଦେଖ ଏ ଶ୍ରୀକୃଷ୍ଣରବଳାଆମ୍ଭର ମୁଖେ ଦେଲା କଳା

Couplet 10

ଆମ୍ଭଙ୍କୁ କରି ହୀନିମାନକୁଳୁ ହରିଲା କନ୍ୟାଧନ

Couplet 11

ଆମ୍ଭ ବିଚାରେ ଦେବା ନାହିଁଏମନ୍ତ କହି କୋପ ବହି

Couplet 12

ଏହାକୁ ବନ୍ଦୀକର ବଳେକି କରି ପାରିବେ ଗୋପାଳେ

Couplet 13

ଆମ୍ଭର ଦେଲା ରାଜପଣରାଜ୍ୟ ଭୁଞ୍ଜନ୍ତି ଯଦୁଗଣ

Couplet 14

ଏହାର ପାଇଁ ଯେବେଛଳେଯାଦବେ ଆସି ବାହୁବଳେ

Couplet 15

ଆମ୍ଭର ତୁଲେ ଯୁଦ୍ଧ କରିହେଳେ ସଂଗ୍ରାମେ ଯିବେ ହାରି

Couplet 16

ବିମୁଖେ ନ କରିବେ ରଣଯୋଗେ ଯେସନ ଇନ୍ଦ୍ରିଗଣ

Couplet 17

ଏମନ୍ତେ କରି ଏକମନଭୁରିଶ୍ରବାଦି ଶଲ୍ୟ କର୍ଣ୍ଣ

Couplet 18

ଯୁଯଜ୍ଞକେତୁ ଦୁର୍ଯ୍ୟୋଧନଆରାଧି ଅନ୍ଧର ବଚନ

Couplet 19

ଭୀଷ୍ମ ଦ୍ରୋଣଙ୍କ ଆଜ୍ଞା ପାଇସକଳ ବୀରେ ସଜ ହୋଇ

Couplet 20

ଏକ ଆରକେ ମହାଦମ୍ଭସମର କରଣେ ଆରମ୍ଭ

Couplet 21

କୃପ ଧାଇଁଲେ ମନଦୁଃଖେମିଳିଲେ ଶାମ୍ବର ସମ୍ମୁଖେ

Couplet 22

ଦେଖି ତାହାଙ୍କ ଦୁଷ୍ଟଚିତ୍ତକୃଷ୍ଣନନ୍ଦନ ବଳବନ୍ତ

Couplet 23

ନିଜ କୋଦଣ୍ତେ ଗୁଣ ଦେଇରହିଲା ସିଂହପ୍ରାୟ ହୋଇ

Couplet 24

ବେଗେ ମିଳିଲେ କୁରୁବଳଶୁଭଇ ମୁଖରାବ-ଗୋଳ

Couplet 25

ଡାକନ୍ତି ଧର ଧର ବାଣୀସିନ୍ଧୁଶବଦ ପ୍ରାୟ ମଣି

Couplet 26

ଶାମ୍ବକୁ ଜିଣିବାର ଆଶେବେଗେ ମିଳିଲେ ତାର ପାଶେ

Couplet 27

ରୁନ୍ଧିଲେ ଚାରିଦିଗ କୋଣେକର୍ଣ୍ଣ ସହିତେ ଘୋରରଣେ

Couplet 28

ସ୍ୱଭାବେ ସର୍ବେ ଧନୁର୍ଦ୍ଧରଶର ବରଷା ମହାଘୋର

Couplet 29

କରି ରୁନ୍ଧିଲେ ଦଶଦିଶେତା ଦେଖି ଶାମ୍ବ ମହାରୋଷେ

Couplet 30

କୋପେଣ କମ୍ପଇ ଶରୀରନିର୍ଭୟେ କୃଷ୍ଣରକୁମର

Couplet 31

ଛାଗଳ ପଲ ମଧ୍ୟେ ଥାଇକେଶରୀ ଯେମନ୍ତେ ଦିଶଇ

Couplet 32

ଶାମ୍ବ କରନ୍ତେ ଗୁଣଘୋଷଶବଦେ କମ୍ପେ ଦଶଦିଶ

Couplet 33

କର୍ଣ୍ଣ ସହିତେ ଷଡ଼ରଥୀଶାମ୍ବକୁ ବାଣ ବରଷନ୍ତି

Couplet 34

ଦେଖି କୁପିତ କୃଷ୍ଣସୁତବାଣ ବରଷେ ଅବିରତ

Couplet 35

କର୍ଣ୍ଣକୁ ପାଞ୍ଚବାଣ ବିନ୍ଧିରଥ ସାରଥି ଅଶ୍ୱ ଛେଦି

Couplet 36

ଷଡ଼ରଥୀଙ୍କି ଏହିମତେବାଣ ବିନ୍ଧିଲା ଅପ୍ରମିତେ

Couplet 37

ଦେଖି ତାହାର କ୍ଷତ୍ରିପଣକୁରୁଏ କଲେ ଘୋରରଣ

Couplet 38

ସାଧୁଶବଦ ଉଚ୍ଚନାଦେଶୁଭିଲା କୁରୁବଳ ମଧ୍ୟେ

Couplet 39

ଶାମ୍ବ ଉପରେ କୁରୁବୀରେତୀକ୍ଷ୍ଣ ନାରାଚ କୋପଭରେ

Couplet 40

ବିନ୍ଧି ସାରଥି କଲେ ନାଶଛେଦିଲେ ଅଶ୍ୱଙ୍କର ପାଶ

Couplet 41

ରଥକୁ କଲେ ଖଣ୍ତ ଖଣ୍ତଛେଦିଲେ ହସ୍ତର କୋଦଣ୍ତ

Couplet 42

ବିରଥ କରି ତାକୁ ବଳେବନ୍ଧନ କଲେ ଅବହେଳେ

Couplet 43

କନ୍ୟା ସହିତେ ତାକୁ ଧରିମିଳିଲେ ହସ୍ତିନାନଗରୀ

Couplet 44

କଷ୍ଟରେ କୃଷ୍ଣସୁତ ଜିଣିସମରେ ଜୟପ୍ରାୟ ମଣି

Couplet 45

ହୋଇଲେ ନିର୍ଭୟ ନିଶ୍ଚିନ୍ତଏବେ ହୋ ଶୁଣ ନରନାଥ

Couplet 46

ବ୍ରହ୍ମନନ୍ଦନ ତାହା ଜାଣିରାମ-ବିକ୍ରମ ପରିମାଣି

Couplet 47

ମିଳିଲେ ଦ୍ୱାରକାଭୁବନେରାମ-ଗୋବିନ୍ଦ ସନ୍ନିଧାନେ

Couplet 48

ଉଗ୍ରସେନର ସଭାମଧ୍ୟେନାରଦ କହେ ମନଖେେଦେ

Couplet 49

ଶୁଣ ହୋ ଭୋଜ ନୃପବରକୁରୁସଭାର ଅବିଚାର

Couplet 50

ତାହାର କନ୍ୟା-ସ୍ୱୟମ୍ବରେଶାମ୍ବ ଯେ ଗଲା ତାର ପୁରେ

Couplet 51

କନ୍ୟା ବରିଲା ଇଚ୍ଛାମତେଦେଖି କୌରବେ କୋପଚିତ୍ତେ

Couplet 52

କୂଟ ସଂଗ୍ରାମେ ତାକୁ ଧରିରଖିଲେ ହସ୍ତିନାନଗରୀ

Couplet 53

ଏମନ୍ତ କହି କୃଷ୍ଣଆଗେନାରଦ ଗଲେ ଶୂନ୍ୟମାର୍ଗେ

Couplet 54

ନାରଦବାକ୍ୟ କର୍ଣ୍ଣେ ଶୁଣିସମରେ ସଜ ଚକ୍ରପାଣି

Couplet 55

ପୁତ୍ରବନ୍ଧନ ଶୁଣି ରୋଷେଦାରୁକ ରାଇଲେ ବିଶ୍ୱାସେ

Couplet 56

ବୋଇଲେ ରଥ ସାଜ ବେଗେତା ଶୁଣି ସାଜିଲେ ଯାଦବେ

Couplet 57

ଉଗ୍ରସେନର ଆଜ୍ଞା ପାଇବୀରେ ଚଳିଲେ ସଜ ହୋଇ

Couplet 58

କେ କହୁ କୃଷ୍ଣର ସଇନିଚଳନ୍ତେ କମ୍ପଇ ମେଦିନୀ

Couplet 59

ବାଜଇ ବୀରତୂରମାନରଥେ ବିଜୟ ଭଗବାନ

Couplet 60

ଦେଖିଣ ଗୋବିନ୍ଦ ଆଗମବୋଲନ୍ତି ପ୍ରଭୁ ବଳରାମ

Couplet 61

ଏ ତ ନୁହଇ ଭଲ କଥାବନ୍ଧୁରେ ବିରୋଧ ବ୍ୟବସ୍ଥା

Couplet 62

ସେ ଯେବେ ନ ଜାଣି ଆଚରିଆମ୍ଭେ କେମନ୍ତେ ବାଦ କରି

Couplet 63

ତୁମ୍ଭେ ନ ମନେରୋଷମୁହିଁ ଯେ ତାଙ୍କର ବିଶ୍ୱାସ

Couplet 64

ଆଜ ହସ୍ତିନା ଯିବି ମୁହିଁଉଭୟକୁଳ ଭାବ ବହି

Couplet 65

ତୁମ୍ଭେ ନ କର ଆଗମନଶୁଣି ରହିଲେ ଭଗବାନ

Couplet 66

ଏମନ୍ତେ ପ୍ରଭୁ ବଳରାମଯାଦବବଳ କରି ସାମ

Couplet 67

ଉଗ୍ରସେନକୁ ବୋଧ କରିହସ୍ତିନା ବିଜେ ହଳଧାରୀ

Couplet 68

କୁରୁଯାଦବ ହିତ ଅର୍ଥେବେଗେ ଚଳିଲେ ହଳହସ୍ତେ

Couplet 69

ଆନନ୍ଦେ ରେବତୀରମଣକଳି-କଳୁଷ-ନିବାରଣ

Couplet 70

କୁଳବୃଦ୍ଧଙ୍କୁ ରାଇ ବେଗେଉତ୍ତମବିପ୍ର ଘେନି ସଙ୍ଗେ

Couplet 71

ରଥେ ବସିଲେ ତୋଷମନେନକ୍ଷତ୍ର ମଧ୍ୟେ ଚନ୍ଦ୍ର ଯେହ୍ନେ

Couplet 72

ମିଳିଲେ ହସ୍ତିନାଭୁବନେଦୁର୍ଯ୍ୟୋଧନର ଉପବନେ

Couplet 73

ରାମ ଆଦେଶେ ମନ୍ତ୍ରୀବରଉଦ୍ଧବ ଗଲା କୁରୁପୁର

Couplet 74

ଦୁର୍ଯ୍ୟୋଧନର ସଭାମଧ୍ୟେନମିଲା ଧୃତରାଷ୍ଟ୍ର ପାଦେ

Couplet 75

ଭୀଷ୍ମ-ଦ୍ରୋଣଙ୍କ ପାଦେ ନମିବୋଲେ ସୁହୃଦଭାବ ଘେନି

Couplet 76

ଦୁର୍ଯ୍ୟୋଧନଙ୍କୁ କରି ଶମକହିଲା ରାମର ଆଗମ

Couplet 77

ଶୁଣି ରାମର ଆଗମନଆନନ୍ଦ ହୋଇ ଭୀଷ୍ମ ଦ୍ରୋଣ

Couplet 78

ସଭାରୁ ଉଠି ଧାତିକାରେମିଳିଲେ ରାମର ଛାମୁରେ

Couplet 79

ବନ୍ଧୁସ୍ୱଭାବପଣେ ହେଜିରାମଙ୍କୁ ଷଡ଼ଅର୍ଘ୍ୟେ ପୂଜି

Couplet 80

କହିଣ ମଧୁର ବଚନଆନନ୍ଦ କଲେ ରାମ ମନ

Couplet 81

କୁରୁଙ୍କ ମଧ୍ୟେ ଧୀରମତିରାମ ମହିମା ସେ ଜାଣନ୍ତି

Couplet 82

ଭାବେ ନମିଲେ ରାମପାଦେବନ୍ଦୁ କୁଶଳ ପ୍ରୀତି ସଧେ

Couplet 83

ରାମହିଁ କଲେ ଯଥାବିଧିଯେ ବନ୍ଧୁକୁଶଳ ପ୍ରସିଦ୍ଧି

Couplet 84

କୁରୁଙ୍କ ମଧ୍ୟେ ହଳପାଣିକହନ୍ତି ପ୍ରିୟଭାବ ଘେନି

Couplet 85

ରାଜାଧିରାଜ ଉଗ୍ରସେନଯେମନ୍ତ ବୋଲିଛି ବଚନ

Couplet 86

ବେଗେ କରିବ ସେହିମତଆତ୍ମାକୁଳଶ ଯେବେ ଚିନ୍ତ

Couplet 87

ତୁମ୍ଭେ ଉତ୍ତମ ଶସ୍ତ୍ରଧାରୀଧର୍ମର ପଥ ନ ବିଚାରି

Couplet 88

କପଟଯୁଦ୍ଧେ କୃଷ୍ଣସୁତଧରି ମଣିଲ କୃତକୃତ୍ୟ

Couplet 89

ଏ ଅପରାଧ ଆମ୍ଭେ ସହିବନ୍ଧୁକୁଶଳ ମନେ ବହି

Couplet 90

ଏମନ୍ତ ଶୁଣି ରାମକଥାସ୍ୱଭାବେ ସର୍ବେ ମହାରଥା

Couplet 91

କୁରୁନନ୍ଦନ ଦୁର୍ଯ୍ୟୋଧନଆବର ଯେତେ ଦୁଷ୍ଟଜନ

Couplet 92

ଆତ୍ମାର ନିନ୍ଦାପ୍ରାୟ ବାଣୀବଳଦେବଙ୍କ ମୁଖୁଁ ଶୁଣି

Couplet 93

ବଦନ ଚାହିଁ ଏକେ ଏକେକୋପେ ବୋଲନ୍ତି ମନଦୁଃଖେ

Couplet 94

ଦେଖ ବିଚିତ୍ର କାଳଗତିଯାହା କହିଲେ ଯଦୁପତି

Couplet 95

ଚର୍ମପାଦୁକା ଗର୍ବ ବହିଶିରମୁକୁଟ ଶିଖେ ଯାଇ

Couplet 96

ଥିବାକୁ କରଇ ବିଚାରଏମନ୍ତ ଗର୍ବ ଏହାଙ୍କର

Couplet 97

ଏହାଙ୍କୁ ଆମ୍ଭେ ବନ୍ଧୁପଣେରାଜ୍ୟେ ସ୍ଥାପିଲୁ ରାଜାପଣେ

Couplet 98

ନୁହଁନ୍ତି ରାଜପଣେ ଯୋଗ୍ୟଆମ୍ଭର ଦେଲା ବଇଭୋଗ

Couplet 99

ଭୁଞ୍ଜି ମଣନ୍ତି ଆତ୍ମାଶିରୀଯେଣୁ ଉପେକ୍ଷା ଆମ୍ଭେ କରି

Couplet 100

ଏହାଙ୍କ ରାଜ୍ୟ ନେବା ବଳେଗର୍ବ ଯେ କଲେ ମତ୍ତଭୋଳେ

Couplet 101

ରାଜ୍ୟକୁ ନୁହଁନ୍ତି ଭାଜନସର୍ପକୁ ଯେହ୍ନେ କ୍ଷୀରପାନ

Couplet 102

କ୍ଷୀର-ସଂଯୋଗେ ବଢେ଼ ବିଷଦାତାକୁ କରେ ପ୍ରାଣେ ନାଶ

Couplet 103

ଆମ୍ଭର ଦେଲା ଅନ୍ନ ଖାଇସର୍ପର ପ୍ରାୟ ଗର୍ବ ବହି

Couplet 104

ଆମ୍ଭଙ୍କୁ ଆଜ୍ଞା ଏ ଦିଅନ୍ତିଅଳପ ପ୍ରାୟେକ ମଣନ୍ତି

Couplet 105

ଦେଖ ଆମ୍ଭର ତୁଲେ ବାଦେଇନ୍ଦ୍ର ନ ରହେ ରଣମଧ୍ୟେ

Couplet 106

ସିଂହ ସମ୍ମୁଖେ ଯେହ୍ନେ ମେଷତେହ୍ନେ ଛାଡ଼ଇ ସ୍ୱର୍ଗଦେଶ

Couplet 107

କହନ୍ତି ଶୁକମୁନିବରଶୁଣ ହେ କୁରୁଙ୍କ ବେଭାର

Couplet 108

ଉତ୍ତମଜନ ବନ୍ଧୁଜନେଗର୍ବ ବହିଲେ ଦୁଷ୍ଟମନେ

Couplet 109

ଏମନ୍ତ କୁରୁ ଦୁଷ୍ଟବାଣୀଶୁଣି କୋପିଲେ ହଳପାଣି

Couplet 110

କୋପେ ଯମର ପ୍ରାୟ ଦିଶିବୋଲନ୍ତି ପୁଣ ପୁଣ ହସି

Couplet 111

ଦେଖ ସଂସାର ବେଭାରସମ୍ପଦ ବଢ଼ଇ ଯାହାର

Couplet 112

ଅସାଧୁପଣ ଆଚରନ୍ତିଆତ୍ମାର ସୁଖ ନ ଇଚ୍ଛନ୍ତି

Couplet 113

ତାଙ୍କ ପ୍ରସଙ୍ଗେ ଦଣ୍ତ ହିତପଶୁଙ୍କୁ ଲଗୁଡ଼ ଯେମନ୍ତ

Couplet 114

ଏ ବଡ଼ ଖେଦ ମୋର ମନେଉଗ୍ରସେନର ଅପମାନେ

Couplet 115

ଯଦୁଙ୍କ ତୁଲେ ନାରାୟଣଏହାଙ୍କ ସଙ୍ଗେ ଇଚ୍ଛି ରଣ

Couplet 116

ସକଳ ସୈନ୍ୟ ତୁଲେ ସାଜିରଥ କୁଞ୍ଜର ନର ବାଜି

Couplet 117

ନଗରୁ ହୋଇଲେ ବାହାରମୁଁ ଏହା କରି ସୁବିଚାର

Couplet 118

ଏହାଙ୍କ ପ୍ରିୟଭାବ ବହିନିବାରି ଅଇଲି ଯେ ମୁହିଁ

Couplet 119

ତହିଁର ଫଳ ଏବେ ମୋତେଦଇବେ ଫଳିଲା ଉଚିତେ

Couplet 120

ଏ ଯେ ସ୍ୱଭାବେ ମନ୍ଦମତିକଳହରୁଚି ଖଳପ୍ରୀତି

Couplet 121

ଦେଖ ଅବଜ୍ଞା ମୋତେ କଲେଦୁଷ୍ଟବଚନ ନିନ୍ଦାବୋଲେ

Couplet 122

ଭୋଜ ଅନ୍ଧକ ବୃଷ୍ଣିବଂଶଯାହାର ପୁତ୍ର ବୀରକଂସ

Couplet 123

ଯାଦବକୁଳର ଈଶ୍ୱରକୃଷ୍ଣ ଯାହାର ଅନୁଚର

Couplet 124

ସେ କାହିଁ ରାଜପଣେ ସାଜେଦେବେ ଖଟନ୍ତି ଯା ସମାଜେ

Couplet 125

ବାସବ ଆଦି ଦିଗପାଳେସେବନ୍ତି ଯାର ପାଦତଳେ

Couplet 126

ସୁଧର୍ମାସଭା ଯାର ଦ୍ୱାରେପାରିଜାତକପୁଷ୍ପ ପୁରେ

Couplet 127

ମର୍ତ୍ତ୍ୟେ କରଇ ସ୍ୱର୍ଗଭୋଗସେ ନୋହେ ରାଜପଣେ ଯୋଗ୍ୟ

Couplet 128

ପଦ୍ମସମ୍ଭବା କମଳିନୀସ୍ୱଭାବେ ଜଗତଜନନୀ

Couplet 129

ସେ ଯାର ସେବଇ ଚରଣେସେ କାହିଁ ଯୋଗ୍ୟ ରାଜ ପଣେ

Couplet 130

ଯାହାର ପାଦପଦ୍ମରଜଅଖିଳଦେବଙ୍କ ସମାଜ

Couplet 131

ପବିତ୍ର କରେ ମୁନି ତୀର୍ଥଯେଣୁ ସେ ତୀର୍ଥଙ୍କର ତୀର୍ଥ

Couplet 132

ବ୍ରହ୍ମାଶଙ୍କର ଆଦି ମୁହିଁଯାହାର ଅଂଶେ ଦେହବହି

Couplet 133

ଲକ୍ଷ୍ମୀ ସହିତେ ଆଜ୍ଞା ବହିତାହାର ନୃପାସନ କାହିଁ

Couplet 134

କୁରୁଙ୍କ ଭୋଗ ଆମ୍ଭେ ଖାଇଧରଣୀ ମଧ୍ୟେ ଦେହ ବହି

Couplet 135

ଆମ୍ଭେ ସକଳେ ଉପାନହକୁରୁ ବହନ୍ତି ଶିର ଦେହ

Couplet 136

କାହାର ବଳେ ଏହା ସହିରୁଧିର ମାଂସ ଦେହ ବହି

Couplet 137

ଦେଖ ଏ କୁରୁକୁଳ ମତସମ୍ପଦେ ହୋଇ ଅନାୟତ୍ତ

Couplet 138

ମାନୀ ଅଟନ୍ତି ଗର୍ବ ବହିକେ ଏହା ସହେ ପ୍ରଭୁ ହୋଇ

Couplet 139

ଆଜ କରିବି ପ୍ରତିଫଳଏମନ୍ତ ବୋଲି ତୀକ୍ଷ୍ଣ ହଳ

Couplet 140

ତକ୍ଷଣେ ଘେନି ବାମହସ୍ତେବୋଲନ୍ତି ରାମ କୋପଚିତ୍ତେ

Couplet 141

ଆଜ ମୁଁ ଏହାଙ୍କୁ ସଂହାରିସୁଖୀ କରିବି ବସୁନ୍ଧରୀ

Couplet 142

ତେବେ ସେ ଯିବି ନିଜପୁରସତ୍ୟବଚନ ଏ ମୋହର

Couplet 143

ଏମନ୍ତ ବୋଲି କୋପେ ଉଠିଦୃଢେ ଧଇଲେ ହଳମୁଷ୍ଟି

Couplet 144

ରାମର କୋପ ଗୁରୁତରତେଜ କି ଦହେ ତିନିପୁର

Couplet 145

ଲଙ୍ଗଳେ ହସ୍ତିନା ଉପାଡ଼ିଶବଦ ଶୁଭେ ଘଡ଼ଘଡ଼ି

Couplet 146

ଦକ୍ଷିଣ କରେ ସଉନନ୍ଦଶୂନ୍ୟେ ଦେଖନ୍ତି ଦେବବୃନ୍ଦ

Couplet 147

ନଗର ଛାଡ଼ି ଗଙ୍ଗାଜଳେକୌରବେ ପଡ଼ନ୍ତୁ ପାତାଳେ

Couplet 148

ଏମନ୍ତ ବୋଲି ହଳଧାରୀହସ୍ତିନା ଉପାଡ଼ିଲେ ଧରି

Couplet 149

ସମୁଦ୍ରେ ନାବପ୍ରାୟ ହୋଇହସ୍ତିନାନଗର କମ୍ପଇ

Couplet 150

ପଡ଼ିବା ପ୍ରାୟ ଗଙ୍ଗାଜଳେଦେଖିଣ କୌରବେ ବିକଳେ

Couplet 151

କୁଟୁମ୍ବ ତୁଲେ ଉଚ୍ଚନାଦେଶରଣ ଗଲେ ରାମପାଦେ

Couplet 152

ଡ଼ାକନ୍ତି ଜୀବନ ବିକଳେଭୋ ରାମ ରଖ ପାଦତଳେ

Couplet 153

ଆମ୍ଭେ ତ ସ୍ୱଭାବେ ନିରେଖତୋର କୁମର ବଧୁ ରଖ

Couplet 154

କୁମର ତୁଲେ କନ୍ୟା ନେଇରାମଚରଣ ତଳେ ଯାଇ

Couplet 155

ଏ କନ୍ୟା ଦେଇ ତୋ ଶରଣପଶିଲୁ ଅଭୟଚରଣ

Couplet 156

ହେ ରାମ ତୋହର ମହିମାବେଦ ନ ଜାଣେ ଆଦିସୀମା

Couplet 157

ମୂଢ ଅଜ୍ଞାନ ଆମ୍ଭେ ହେଉଁତୋ ଭାବ ଜାଣିବୁଟି କାହୁଁ

Couplet 158

ଆମ୍ଭେ କୌରବେ ଅପରାଧୀତୁ ନାଥ କରୁଣାବାରିଧି

Couplet 159

ସ୍ଥିତି-ପାଳନ-ଅନ୍ତ କରୁଯେଣୁ ତୁ ଶେଷରୂପ ଧରୁ

Couplet 160

ତୁ ଆଦିହେତୁ ନିର୍ବିଷୟନିର୍ଲେପ ଏକ ତୁ ଅବ୍ୟୟ

Couplet 161

ତୋହର କ୍ରୀଡ଼ାର କନ୍ଦୁକସ୍ୱଭାବେ ହୋନ୍ତି ତିନିଲୋକ

Couplet 162

ସହସ୍ର ସହସ୍ର ସଂଖ୍ୟାରେମହୀମଣ୍ତଳ ତୋର ଶିରେ

Couplet 163

ସୋରିଷ ପ୍ରାୟ ଅଛୁ ଧରିଲୀଳାମାତ୍ରକେ ବସୁନ୍ଧରୀ

Couplet 164

ପାଳନ କରି ପୁଣି ହରୁତେଣୁ ତୁ ଶେଷରୂପ ଧରୁ

Couplet 165

ଯେ କୋପ ତୋର ଦେହୁଁ ତାତଏକ ଅଖିଳ-ଶିକ୍ଷା-ଅର୍ଥ

Couplet 166

ହିଂସା ମତ୍ସର ନାହିଁ ଯେଣୁପାଳନ ହେତୁ ତୋର ତେଣୁ

Couplet 167

ସୃଷ୍ଟି ପାଳନେ ବ୍ୟଗ୍ର ହେଉତୁ ନାଥ ସତ୍ତ୍ୱଗୁଣ ବହୁ

Couplet 168

ସଂସାର ମଧ୍ୟେ ତୋର ଲୀଳାଯେହ୍ନେ ବାଳୁତଜନ ଖେଳା

Couplet 169

ନମସ୍ତେ ସର୍ବଭୂତ ପ୍ରାଣଭକତବନ୍ଧୁ ସଙ୍କର୍ଷଣ

Couplet 170

ଜୀବର ଶକତି ଧାରଣତୋବିନୁ ନାହିଁ ଅନ୍ୟ ଜନ

Couplet 171

ଅବ୍ୟୟ ବୋଲାଉ ଜଗତେଭୋ ନାଥ ତୋର ଅନୁମତେ

Couplet 172

ତୁ ବିଶ୍ୱକର୍ମା ଜ୍ଞାନ ସାରଭୋ ନାଥ ତୋତେ ନମସ୍କାର

Couplet 173

ତୋହର ପାଦପଦ୍ମ ତଳେଶରଣ ପଶିଲୁ ନିଶ୍ଚଳେ

Couplet 174

ଶୁକ ବୋଲନ୍ତି ରାୟେ ଶୁଣଭକତବନ୍ଧୁ ସଙ୍କର୍ଷଣ

Couplet 175

କୁରୁଙ୍କ ଦୁଃଖ ଭୟ ଚାହିଁପ୍ରସନ୍ନ ଚିତ୍ତେ ଦୟା ବହି

Couplet 176

ହଳ ସଂହରି ହଳଧରବୋଇଲେ ନାହିଁ ତୁମ୍ଭ ଡର

Couplet 177

ନିର୍ଭୟ ହୋଇ କୁରୁଜନତକ୍ଷଣେ ରାଜା ଦୁର୍ଯ୍ୟୋଧନ

Couplet 178

କନ୍ୟା ସହିତେ କୃଷ୍ଣସୁତସମର୍ପି ରାମର ଆଗ୍ରତ

Couplet 179

ଅନେକ ଯଉତୁକ ଦେଲାଶୁଣ ହୋ ଅଭିମନ୍ୟୁ ବଳା

Couplet 180

ଅତି ସୁନ୍ଦର ମନୋହରଦେଲା ବାରଶତ କୁଞ୍ଜର

Couplet 181

ଅଶ୍ୱ ସେ ଦେଲାକ ଅୟୁତେଷଟସହସ୍ର ସ୍ୱର୍ଣ୍ଣରଥେ

Couplet 182

ରଥେ ଦିଶନ୍ତି ରବିତେଜପୁଣି ଆନନ୍ଦେ କୁରୁରାଜ

Couplet 183

ଦୁହିତା ହିତେ କୁରୁପତିସହସ୍ରେ ଦେଲାକ ଯୁବତୀ

Couplet 184

ଅମୂଲ୍ୟରତ୍ନ କଣ୍ଠେ ଭରିଦେଲା ସେବକୀ ସଜ କରି

Couplet 185

ଏମନ୍ତେ କନ୍ୟାଆଦି ଯେତେରାମ ଘେନାଇଁ ତୋଷଚିତ୍ତେ

Couplet 186

ଏ ଆଦି ଘେନି ହଳଧରଗମନ୍ତେ ସର୍ବ କୁରୁବୀର

Couplet 187

ରାମଙ୍କୁ କରି ପ୍ରଦକ୍ଷିଣମିଳିଲେ ହସ୍ତିନା ଭୁବନ

Couplet 188

ସଙ୍କରଷ ତୋଷଚିତ୍ତେଆନନ୍ଦେ ରାମର ଅଗ୍ରତେ

Couplet 189

କନ୍ୟା ସହିତେ କୃଷ୍ଣସୁତସଙ୍ଗେ ସମ୍ପଦ ଅପ୍ରମିତ

Couplet 190

ଦେଖି ହରଷ ସର୍ବଜନସଭାର ମଧ୍ୟେ ବଳରାମ

Couplet 191

କୁରୁଙ୍କ କୃତକର୍ମ କହିକୃଷ୍ଣର ପ୍ରିୟଭାବ ବହି

Couplet 192

କହନ୍ତି ବ୍ୟାସଙ୍କର ସୁତଶୁଣ ରାଜନ ପରୀକ୍ଷିତ

Couplet 193

ଅଦ୍ୟାପି ରାମର ଚରିତହସ୍ତିନାନଗରେ ବିଦିତ

Couplet 194

ରାମ-ବିକ୍ରମ-ଯଶ ଅଛିପୁର ଦକ୍ଷିଣଭାଗେ ଲକ୍ଷ୍ୟି

Couplet 195

ଉତ୍ତର ଭାଗ ନୀଚ ଦିଶେଯେହ୍ନେ ଜାହ୍ମବୀ ଜଳେ ମିଶେ

Couplet 196

ଏମନ୍ତେ ରାମର ମହିମାକେ କହିପାରେ ଅନ୍ତଃସୀମା

Couplet 197

ସେ ରାମ ପାଦେ ଦେଇ ଚିତ୍ତକହଇ ବିପ୍ର ଜଗନ୍ନାଥ