Adhyaya 72

Couplet 1

ଶୁକଚରଣେ ଦେଇ ଚିତ୍ତଭାବେ ବୋଲଇ ପରୀକ୍ଷିତ

Couplet 2

ଭୋ ମୁନି ପ୍ରଭୁ କାମପାଳସୁନ୍ଦର ବୀରବାହୁ ବଳ

Couplet 3

ଯମୁନା ଆକର୍ଷଣ କରିବନେ ରମିଲେ ଗୋପନାରୀ

Couplet 4

ତୁମ୍ଭ ବଦନୁ ସୁଧାବାଣୀକୃଷ୍ଣ ଚରିତ କର୍ଣ୍ଣେ ଶୁଣି

Couplet 5

ନିର୍ମଳ କଲି ପ୍ରାଣ ଦେହରାମ ବିକ୍ରମ ମୋତେ କହ

Couplet 6

ଅନନ୍ତ ଅପ୍ରମେୟ ତେଜଯେଣୁ ସେ କୃଷ୍ଣର ଅଗ୍ରଜ

Couplet 7

କହନ୍ତି ବ୍ୟାସଙ୍କର ସୁତଶୁଣ ହୋ ରାମର ଚରିତ

Couplet 8

ନାରକା ପୃଥିବୀର ବଳାସଂଗ୍ରାମେ କୃଷ୍ଣହାତେ ମଲା

Couplet 9

ତାର ସୁହୃଦ ସଖା ଯେତେରାଜ୍ୟେ ଅଛନ୍ତି ନାନାମତେ

Couplet 10

ତାର ମରଣ ଶୁଣି କର୍ଣ୍ଣେବାନରେ ଥିଲା ଘୋରବନେ

Couplet 11

ପ୍ରଚଣ୍ତ ଦ୍ୱିବିଦ ବାନରଦେବମାନବେ ଅଗୋଚର

Couplet 12

ବାଳୀ ସୁଗ୍ରୀବ ମନ୍ତ୍ରୀ ସେହିମଇନ୍ଦ ତାର ଜ୍ୟେଷ୍ଠ ଭାଇ

Couplet 13

ଶୁଝିବା ଅର୍ଥେ ମିତ୍ରଋଣଇଚ୍ଛଇ କୃଷ୍ଣତୁଲେ ଋଣ

Couplet 14

ତାର ସମରେ ନାହିଁ ବୀରପର୍ବତୁଁ ହୋଇଲା ବାହାର

Couplet 15

ଦେଖି ପାଇଲେ ଦେବେ ତ୍ରାସକରଇ ଜନପ୍ରଜା ନାଶ

Couplet 16

ଗ୍ରାମ-ପାଟଣା-ପୁରେ ଯାଇଲାଙ୍ଗୁଳେ ଅନଳ ଲଗାଇ

Couplet 17

ଦୁର୍ଗମ ବନ ଦେଶ ଗ୍ରାମକରଇ ବାନର ଦହନ

Couplet 18

ଧାମଇଁ ଶିଳା ବୃକ୍ଷ ଘେନିଶବଦେ କମ୍ପଇ ମେଦିନୀ

Couplet 19

ପ୍ରଚଣ୍ତ-ଘୋରନାଦ କରିଭାଙ୍ଗଇ ପୁର ଗ୍ରାମ ଗିରି

Couplet 20

ମିଳିଲା ଦ୍ୱାରକାନଗରୀଲୋଡ଼ଇ ମିତ୍ର ଶତ୍ରୁ ମାରି

Couplet 21

ପ୍ରଚଣ୍ତ-ଘୋରନାଦ କରିକୃଷ୍ଣଙ୍କୁ ଲୋଡେ଼ ଅନୁସରି

Couplet 22

କୃଷ୍ଣ ମାରିବି ଭୁଜବଳେମିତ୍ର ତୋଷିବି ଗଙ୍ଗାଜଳେ

Couplet 23

ସମୁଦ୍ରଜଳ କୋପାନଳେଫିଙ୍ଗଇ ବେନିଭୁଜବଳେ

Couplet 24

ସମୁଦ୍ରକୁଳେ ଗ୍ରାମ ଯେତେଜଳେ ଭାସିଲେ ଅପ୍ରମିତେ

Couplet 25

ଅୟୁତେ ମତ୍ତଗଜ ବଳଫିଙ୍ଗଇ ରାତ୍ରଦିନେ ଜଳ

Couplet 26

ଭାଙ୍ଗଇ ଫଳପୁଷ୍ପ ଦ୍ରୁମନାଶିଲା ମୁନିଙ୍କ ଆଶ୍ରମ

Couplet 27

ମୁନିଙ୍କ ଯଜ୍ଞକୁଣ୍ତେ ଯାଇଅନଳ ଦେଖି ରୋଷ ବହି

Couplet 28

ଭାଙ୍ଗଇ ଯଜ୍ଞର ମଣ୍ତଳଅନଳେ କ୍ଷେପେ ମୂତ୍ର ମଳ

Couplet 29

ସ୍ତିରୀ ପୁରୁଷ ବଳେ ଧରିଗିରିକନ୍ଦର ମଧ୍ୟେ ଭରି

Couplet 30

ଦ୍ୱାର ରୁନ୍ଧଇ ଶିଳା ଦେଇକୁମ୍ଭାରକୀଟ ପ୍ରାୟ ହୋଇ

Couplet 31

ଏମନ୍ତେ ଦେଶ ନାଶ କରିଦୂଷଣ କରେ କୁଳସ୍ତିରୀ

Couplet 32

ରଜନୀକାଳେ ଏକ ଦିନେରୈବତଗିରି ଘୋରବନେ

Couplet 33

ସୁସ୍ୱରଗୀତ କର୍ଣ୍ଣେ ଶୁଣିକୋପେ ଧାଇଁଲା ବୀରମଣି

Couplet 34

ଗିରିଶିଖରେ ବେଗେ ଉଠିଚାହଁଇ ସ୍ଥିରକରି ଦୃଷ୍ଟି

Couplet 35

କାମିନୀଗଣ ମଧ୍ୟେ ରାମଯଦୁସୁନ୍ଦର ଅନୁପମ

Couplet 36

ବିବିଧ ଅଳଙ୍କାର ଶୋହେକୁସୁମମାଳା ମନ ମୋହେ

Couplet 37

ବାରୁଣୀପାନେ ମତ୍ତ ହୋଇକାମିନୀ ସଙ୍ଗେ ଗୀତ ଗାଇ

Couplet 38

ମଦ୍ୟେ ଅରୁଣ ଚକ୍ଷୁ ଦୁଇକି ପଟାନ୍ତର ଦେବି ମୁହିଁ

Couplet 39

କରିଣୀଯୂଥ ମଧ୍ୟେ ପଶିମତ୍ତକୁଞ୍ଜର ପ୍ରାୟ ଦିଶି

Couplet 40

ଦୁଷ୍ଟବାନର ବାହୁବଳେବୃକ୍ଷେ ଉଠିଲା କୋପାନଳେ

Couplet 41

ଡାଳେ କମ୍ପାଇ ତାର ପାଦକରଇ କିଳିକିଳା ନାଦ

Couplet 42

ତଦନ୍ତେ ବୃକ୍ଷଶିଖେ ଯାଇଗର୍ଜଇ ଦଶନ ଦେଖାଇ

Couplet 43

ଦେଖି ତାହାର ଦୁଷ୍ଟପଣଭୟେ ଚାହିଁଲେ ସ୍ତିରୀଗଣ

Couplet 44

କରାଳ ତାର ମୁଖ ଦେଶଦେଖି କାମିନୀ କଲେ ହାସ

Couplet 45

ଦେଖି ବାନର କୋପମନେଭ୍ରୂକୁଟୀ କୁଟୀଳ ନୟନେ

Couplet 46

କପି ସ୍ୱଭାବେ କରି ନାଦନାରୀଙ୍କି ଦେଖାଇଲା ଗୁଦ

Couplet 47

ଏମନ୍ତ ତାର ଦୁଷ୍ଟପଣଦେଖିଲେ ରେବତୀରମଣ

Couplet 48

ପାଷାଣ ଖଣ୍ତ ଧରି କରେଫିଙ୍ଗିଲେ ବାନର ଉପରେ

Couplet 49

ଦେଖି ବାନର କୋପ ବହିଡେଇଁ ପଡ଼ିଲା ମଧ୍ୟେ ଯାଇ

Couplet 50

ବାରୁଣୀକୁମ୍ଭ ଘେନି କରେପିଟିଲା ରାମର ଉପରେ

Couplet 51

ରାମଙ୍କୁ ଚାହିଁ କୋପମନଘୂରାଇ ଅରୁଣଲୋଚନ

Couplet 52

ଲାଙ୍ଗୁଳ ନିଜ ମୁଖେ ଭରିରାମର ବସ୍ତ୍ର କରେ ଧରି

Couplet 53

ତକ୍ଷଣେ କଲା ବେନିଫାଳବାନର ତେଜେ ଅନର୍ଗଳ

Couplet 54

କଦର୍ଥ କରି ହଳଧରମଦ୍ୟକଳସ କଲା ଚୂର

Couplet 55

ରାମଙ୍କୁ ମଣି ତୁଚ୍ଛ ପ୍ରାୟେଓଷ୍ଠ କାମୋଡ଼ି କୋପେ ଚାହେଁ

Couplet 56

ଦୁଷ୍କର କର୍ମ ଦେଖି ତାରଜାଣିଲେ ରୋହିଣୀକୁମର

Couplet 57

ଅନେକ ପ୍ରାଣୀ କରି ନାଶଆସି ମିଳିଲା ମୋର ପାଶ

Couplet 58

ଏ ଦୁଷ୍ଟ କପି ପ୍ରାଣେ ଥିଲେଆଉ କି ପ୍ରାଣୀ ଥିବେ ଭଲେ

Couplet 59

ଏମନ୍ତ ହୃଦରେ ବିଚାରିହଳମୂଷଳ କରେ ଧରି

Couplet 60

କୋପିତ ରୋହିଣୀନନ୍ଦନରିପୁମାରଣେ ସାବଧାନ

Couplet 61

ଦେଖି ବାନର କୋପ କଲାହୁଙ୍କାରେ ବୃକ୍ଷ ଉପାଡିଲା

Couplet 62

କରେ ବୁଲାଇ କୋପଭରେପିଟିଲା ରାମର ଉପରେ

Couplet 63

ମୁଣ୍ତେ ପଡ଼ନ୍ତେ ମହାଦ୍ରୁମଅଚଳ ପ୍ରାୟ ରହି ରାମ

Couplet 64

ମୁଷଳଘାତେ ମହାବୀରତାହାର ବୃକ୍ଷ କଲେ ଚୂର

Couplet 65

ପୁଣି ଘୂରାଇ ବାହୁଦଣ୍ତେପିଟିଲେ ଦୁଷ୍ଟକପି ମୁଣ୍ତେ

Couplet 66

ଘୋର ପ୍ରହାରେ ଶିର ଫାଟିରୁଧିର ଗଳେ ଦନ୍ତପାଟି

Couplet 67

ରୁଧିରଧାର ତା ଶରୀରେକିବା ଉପମା ଦେବା ତାରେ

Couplet 68

ପର୍ବତୁଁ ଯେହ୍ନେ ଗେରୁ ଗଳେରଙ୍ଗ ବିରାଜେ ବୃଷ୍ଟିକାଳେ

Couplet 69

ପୁଣି ମୁଷଳେ ବେଗେ ମାରିଦେଖି ବାନର କୋପ କରି

Couplet 70

ତେଡେ଼ ପ୍ରହାର ନ ଗଣଇପୁଣ ଘେନିଲା ବୃକ୍ଷ ଦୁଇ

Couplet 71

ସକ୍ରୋଧ ବଳେ ବୃକ୍ଷ ଧରିରାମର ଉପରେ ପ୍ରହାରି

Couplet 72

ବୃକ୍ଷ ପଡ଼ନ୍ତେ ହଳଧରମୁଷଳେ କଲେ ଶତେଚୂର

Couplet 73

ପୁଣି ଉପାଡ଼ି ବୃକ୍ଷ ଦୁଇକୋପେ ଧାଇଁଲା ନାଦ ଦେଇ

Couplet 74

ରାମ ମୁଷଳେ ଚୂର୍ଣ୍ଣ କରିଦେଖି ବାନର କୋପଭରି

Couplet 75

ପୁଣି ଉପାଡ଼ି ବୃକ୍ଷଶ୍ରେଣୀପିଟଇ ବଜ୍ରାଘାତ ଜାଣି

Couplet 76

ଏମନ୍ତେ ପୁଣ ପୁଣ ପିଟିବୃକ୍ଷେ ପଡ଼ିଲେ ମହୀଲୋଟି

Couplet 77

ପୁଣିହିଁ କପି କୋପମନନିବୃକ୍ଷ କଲା ଘୋରବନ

Couplet 78

ବୃକ୍ଷ ନପାଇ କୋପଭରେପାଷାଣ ତୋଳି ବେନି କରେ

Couplet 79

ସନ୍ତତେ କଲା ଘୋର ବୃଷ୍ଟିଧାମଇଁ ତୋଳି ବେନି ମୁଷ୍ଟି

Couplet 80

ପ୍ରହାର କରି ରାମହୃଦେପୁଣି ଗର୍ଜଇ ଘୋରନାଦେ

Couplet 81

ହଳମୂଷଳ ଘେନି କରେତକ୍ଷଣେ ରାମ କୋପଭରେ

Couplet 82

ପାଷାଣ ବୃଷ୍ଟି କଲେ ଚୂରଲୀଳା ମାତ୍ରକେ ହଳଧର

Couplet 83

ପାଷାଣ ବୃଷ୍ଟି ନାଶ ଗଲାଦେଖି ବାନର କୋପ କଲା

Couplet 84

କୋପେ ବାନର ବିଶ୍ୱକାୟେମୁଷ୍ଟି ତୋଳିଲା ବଜ୍ରପ୍ରାୟେ

Couplet 85

ପିଟିଲା ହଳଧର ହୃଦେଲାଙ୍ଗୁଳ ଚାଳି ଘୋରନାଦେ

Couplet 86

ରାମ ତାହାର ଗର୍ବ ଦେଖିମଦ୍ୟେ ଅରୁଣ ବେନି ଆଖି

Couplet 87

ହଳମୁଷଳ ଏକାବେଳେଶୂନ୍ୟେ ବୁଲାଇ କୋପଭରେ

Couplet 88

ପ୍ରହାର କଲେ ତାର ଶିରତକ୍ଷଣେ ହେଲା ଶତେ ଚୂର

Couplet 89

ରୁଧିର ବହେ ଶତଧାରଜୀବନ ଛାଡ଼ିଲା ବାନର

Couplet 90

ଭୂମିରେ ପଡ଼ି ତା ଶରୀରଶବଦ କଲା ମହାଘୋର

Couplet 91

ଗିରି କମ୍ପିଲା ମହାଭୟେଜଳେ ପବନେ ନାବ ପ୍ରାୟେ

Couplet 92

ଏମନ୍ତେ ବାନର ବିନାଶିସାଧୁଶବଦ ଶୂନ୍ୟେ ଘୋଷି

Couplet 93

ଦେଖି ଗଗନେ ଦେବଗଣବନ୍ଦିଲେ ରାମର ଚରଣ

Couplet 94

ଜୟଶବଦ ଶୂନ୍ୟେ ପୂରିନମୋ ଶବଦେ ସ୍ତୁତି କରି

Couplet 95

ଦୁନ୍ଦୁଭି ବାଇଲେ ଆକାଶେତ୍ରିଦଶେ ମନର ହରଷେ

Couplet 96

ଆନନ୍ଦ ହୋଇ ସୁରକୁଳପୁଷ୍ପ ବରଷିଲେ ଗହଳ

Couplet 97

ସାଧୁଶବଦେ ନାଦ କରିରଙ୍ଗେ ନାଚନ୍ତି ଅପସରୀ

Couplet 98

ପୁରେ ପ୍ରବେଶ ହଳଧରଶୋହେ ସୁନ୍ଦର ଯଦୁପୁର

Couplet 99

ସେ ରାମଚରଣେ ବିଶ୍ୱାସକହଇ ଜଗନ୍ନାଥ ଦାସ