Adhyaya 71

Couplet 1

ଆନନ୍ଦମନେ ବ୍ୟାସସୁତବୋଲନ୍ତି ଶୁଣ ପରୀକ୍ଷିତ

Couplet 2

ଗୋପେ ଯେ ଗଲେ ହଳହସ୍ତଏବେ ହୋ ଶୁଣ ଭାଗବତ

Couplet 3

ପୌଣ୍ତ୍ରକ ନାମେ ନୃପବରକରୁଷ ଦେଶେ ତାର ଘର

Couplet 4

କୃଷ୍ଣର ଜନ୍ମକର୍ମବାଣୀଶୁଣି ନିରତେ ମନେ ଗୁଣି

Couplet 5

ନିର୍ଗୁଣବ୍ରହ୍ମ ଯେବେ ଅଂଶେଜନ୍ମ ହୋଇଲେ ଯଦୁବଂଶେ

Couplet 6

କେମନ୍ତେ ଦେଖିବି ଲୋଚନେନିତ୍ୟେ ଭାବଇ ଶୁଦ୍ଧମନେ

Couplet 7

ଏତେ ବିଚାରି ହୃଷ୍ଟମନଶରୀରେ ବହେ କୃଷ୍ଣଚିହ୍ନ

Couplet 8

ନିଜଜନଙ୍କୁ ପାଶେ ରାଇବୋଲଇ ବିଶ୍ୱାସ କରାଇ

Couplet 9

ଅଟଇ ମୁହିଁ ବାସୁଦେବମୋର ଚରଣେ ତୁମ୍ଭେ ସେବ

Couplet 10

ତୁମ୍ଭେ ତ ପ୍ରଜାଜନେ ମୋରଦେଖ ମୋହର କଳେବର

Couplet 11

ମୁହଁଟି ଦେବ ଜନାର୍ଦ୍ଦନଦେଖ ମୋହର ବର୍ଣ୍ଣ ଚିହ୍ନ

Couplet 12

ଏମନ୍ତ ପ୍ରଜାଗଣେ କହିକୃଷ୍ଣର ପ୍ରାୟ ସଜ ହୋଇ

Couplet 13

ବହଇ କୃଷ୍ଣର ସ୍ୱଭାବବୋଲଇ ମୁହିଁ ବାସୁଦେବ

Couplet 14

ଯେ ମୋତେ ନ ବୋଲିବ ହରିତାହାକୁ ପକାଇବି ମାରି

Couplet 15

ଧନ ସମ୍ପଦ ଦେବି ବଳେତା ଶୁଣି ପ୍ରଜାଏ ବିକଳେ

Couplet 16

ବୋଲନ୍ତି ତୁ ସେ ନାରାୟଣଅନାଦି ପରମକାରଣ

Couplet 17

ତୋହର ଅଂଶେ ସୁରଦେବାତୋର ଚରଣେ ଆମ୍ଭ ସେବା

Couplet 18

ଏମନ୍ତେ ପ୍ରଜା ତାର ପୁରେବିଶ୍ୱାସେ ସେବନ୍ତି ପୟରେ

Couplet 19

ନାମ ଜପନ୍ତି ତାର ନିତିନିରତେ ଚରଣେ ସେବନ୍ତି

Couplet 20

ଏମନ୍ତେ କେତେଦିନ ଗଲାପୌଣ୍ତ୍ରକ ମନେ ବିଚାରିଲା

Couplet 21

ନିଶ୍ଚୟେ ମୁହିଁ ଜଗଦୀଶସକଳ ଦେହରେ ପ୍ରକାଶ

Couplet 22

ଏତେ ବିଚାରି ଦୂତେ ରାଇତାହାର ହସ୍ତେ ଲେଖ ଦେଇ

Couplet 23

ବୋଲଇ ଯାଅ ଯଦୁପୁରକହିବୁ କୃଷ୍ଣର ଛାମୁର

Couplet 24

ଜଗତେ ମୋର ଅବତାରନାଶିବି ଅବନୀର ଭାର

Couplet 25

ମୁଁ ବ୍ରହ୍ମ ପରମକାରଣଅନାଦି ପୁରୁଷ ପୁରାଣ

Couplet 26

ମୋହର ଅଛି ଚାରି କରମୁହଁଟି ଶଙ୍ଗଚକ୍ରଧର

Couplet 27

ଗଦା କମଳ କରେ ଘେନିଶ୍ରୀବତ୍ସ ଚିହ୍ନ କଣ୍ଠେ ମଣି

Couplet 28

ପୀତବସନ ବନମାଳକର୍ଣ୍ଣେ ମୋ ମକରକୁଣ୍ତଳ

Couplet 29

କିରୀଟ ବଳୟ କଙ୍କଣବିଜୟ ଗରୁଡ଼ ଆସନ

Couplet 30

ମୋ ତହୁଁ ପରେ ନାହିଁ କେହିମୁହିଁ ସକଳଜୀବ-ଦେହୀ

Couplet 31

ପ୍ରାଣୀଙ୍କି ଦୟା ବହି ଚିତ୍ତେମୋହର ଜନ୍ମ ଏ ଜଗତେ

Couplet 32

ନାଶିବି ଅବନୀର ଭାରତୁ ବେଗେ ଛାଡ଼ ଚିହ୍ନ ମୋର

Couplet 33

ମିଛେ ହେଁ ବୋଲୁ କୃଷ୍ଣ ମୁହିଁତୋ କଥା ଭଲେ ମୁଁ ଜାଣଇ

Couplet 34

ଏବେ ତୁ ମୋର ଚିହ୍ନ ଛାଡ଼ିମୋହର ପାଦେ କରଯୋଡ଼ି

Couplet 35

ଶରଣ ପଶ ଆସି ବେଗେତୋର ଜୀବନ ମୋର ଭାଗେ

Couplet 36

ଯେବେ ନ ପଶିବୁ ଶରଣମୋହର ତୁଲେ କର ଗଣ

Couplet 37

ଜିଣିଲେ ବାସୁଦେବ ତୁହିତୁ ମଲେ ବାସୁଦେବ ମୁହିଁ

Couplet 38

ଏମନ୍ତ କହି ଦୂତ ଆଗେବୋଲେ ଦ୍ୱାରକା ଯାଅ ବେଗେ

Couplet 39

ତାହାର ଆଜ୍ଞା ଘେନି ଶିରେଦୂତ ମିଳିଲା ଯଦୁପୁରେ

Couplet 40

କୃଷ୍ଣର ସଭାମଧ୍ୟେ ଯାଇକହିଲା ଶିରେ କର ଦେଇ

Couplet 41

ଲେଖପ୍ରମାଣେ ତାର ବାଣୀଗୋବିନ୍ଦ ସଭାମଧ୍ୟେ ଶୁଣି

Couplet 42

ଅଳପ ହସି ଭଗବାନଦୂତ ବଚନେ ଅବଧାନ

Couplet 43

ଶୁଣି ହସିଲେ ଉଗ୍ରସେନସଭାର ମଧ୍ୟେ ଯେତେ ଜନ

Couplet 44

ଏକ ଆରକେ ମୁଖ ଚାହିଁହସିଲେ କରତାଳି ଦେଇ

Couplet 45

ଦୂତକୁ ଚାହିଁ ଚକ୍ରପାଣିବୋଲନ୍ତି ପରିହାସ ବାଣୀ

Couplet 46

ରେ ଦୂତ ଶୁଣ ମୋ ବଚନମୋହର ବାସୁଦେବ ଚିହ୍ନ

Couplet 47

ମୂଢ଼ବଚନ ଉପଲକ୍ଷ୍ୟନିଶ୍ଚେ ଛାଡ଼ିବି ତାକୁ ଦେଖି

Couplet 48

ମୋହର ଚିହ୍ନ-ବେଶ ବହିବୀରଶୟନେ ଥିବ ଶୋଇ

Couplet 49

କଙ୍କ ଶୃଗାଳ ଗୃଧ୍ର ଶ୍ୱାନପଶିବ ତାହାରେ ଶରଣ

Couplet 50

କୃଷ୍ଣବଚନେ ଦୂତ ଗଲାପୌଣ୍ତ୍ରକ ଆଗରେ କହିଲା

Couplet 51

ଦାରୁକେ ରାଇ ଦାମୋଦରବୋଇଲେ ରଥ ସଜ କର

Couplet 52

ତକ୍ଷଣେ ସାଜି ନନ୍ଦିଘୋଷମିଳିଲା ଗୋବିନ୍ଦର ପାଶ

Couplet 53

ରଥେ ବିଜୟ ନରହରିଶଙ୍ଖ-ଶବଦେ ଦିଗ ପୂରି

Couplet 54

କରୁଷଦେଶେ ବନମାଳୀନିମିଷମାତ୍ରେ ଯାଇ ମିଳି

Couplet 55

କୃଷ୍ଣର ଆଗମନ ଶୁଣିପୋଣ୍ତ୍ରକ ବେନି ଅକ୍ଷୌହିଣୀ

Couplet 56

ସାଜି ମିଳିଲା କୃଷ୍ଣପାଶେସଂଗ୍ରାମେ ଜିଣିବାର ଆଶେ

Couplet 57

ତାହାର ମିତ୍ର କାଶୀରାଜସେହୁ ତାହାର ତୁଲେ ସଜ

Couplet 58

କୃଷ୍ଣର ତୁଲେ ରଣ ଜାଣିସାଜିଲା ତିନି ଅକ୍ଷୌହିଣୀ

Couplet 59

କୃଷ୍ଣଙ୍କୁ ଦେଖି ମହାରୋଷେବେଗେ ରୁନ୍ଧିଲା ଚଉପାଶେ

Couplet 60

କୃଷ୍ଣ ଚାହାଁନ୍ତି ରଣମଧ୍ୟେପୌଣ୍ତ୍ରକ ଦେଖିବାର ସଧେ

Couplet 61

ବାଜଇ ବୀରତୂରମାନରଣେ ପୌଣ୍ତ୍ରକ ଆଗମନ

Couplet 62

କୃଷ୍ଣ ଦେଖିଲେ ତାର ରଥରତ୍ନଭୂଷଣ ଅପ୍ରମିତ

Couplet 63

ରଥ ଉପରେ ପକ୍ଷୀରାଜଧ୍ୱଜପତାକା ମଧ୍ୟେ ସଜ

Couplet 64

ବିମାନମଧ୍ୟେ ତା ଶରୀରଦେଖିଲେ କମଳାର ବର

Couplet 65

ବିସ୍ତାର ଶୋହେ ଭୁଜ ଚାରିଶଙ୍ଗ କମଳ ଗଦା ଧରି

Couplet 66

ସାରଙ୍ଗଧନୁ ଅଛି କରେଶ୍ରୀବତ୍ସଚିହ୍ନ ହୃହୟରେ

Couplet 67

କଣ୍ଠେ ଲମ୍ବଇ ରତ୍ନମଣିରବିକିରଣ ପ୍ରାୟ ଜାଣି

Couplet 68

ହୃଦେ ଲମ୍ବଇ ବନମାଳଶ୍ରବଣେ ମକର କୁଣ୍ତଳ

Couplet 69

ପୀତବସନ ଦେହେ ଝଳିନୀଳଜୀମୂତେ କି ବିଜୁଳି

Couplet 70

ଅମୂଲ୍ୟ କିରୀଟ ବିରାଳେରତ୍ନମେଖଳା କଟି ସାଜେ

Couplet 71

ତାର କପଟବେଶ ଦେଖିଆତ୍ମାର ପ୍ରାୟ ଉପଲକ୍ଷ୍ୟି

Couplet 72

ନଟର ପ୍ରାୟ ବେଶ ଧରିଦେଖି ହସିଲେ ନରହରି

Couplet 73

କୃଷ୍ଣଙ୍କୁ ଦେଖି ରିପୁଗଣଉଭାରି କଲେ ଘୋରରଣ

Couplet 74

ଶୂଳ ପରିଘ ଗଦା ଋଷ୍ଟିପାଶ ତୋମର ଲୌହଯଷ୍ଟି

Couplet 75

ଅସି କୁଠାର ପର୍ଶୁ ଯେତେପ୍ରହାର କଲେ ଅପ୍ରମିତେ

Couplet 76

ପୌଣ୍ତ୍ରକ କାଶୀରାଜାବଳଦେଖିଲେ ମଦନଗୋପାଳ

Couplet 77

ପଦାତି ରଥ ଗଜ ବାଜିଏମନ୍ତେ ଚତୁରଙ୍ଗ ସାଜି

Couplet 78

ଏମନ୍ତେ ଚତୁରଙ୍ଗବଳଲାଗିଲା ରଣରଙ୍ଗ ଗୋଳ

Couplet 79

ଗଦା ଖଡ଼ଗ ଚକ୍ର ବାଣକୋପେ ପ୍ରହାରି ନାରାୟଣ

Couplet 80

ବେଗେ ନାଶିଲେ ରିପୁବଳଯେସନେ ଯୁଗାନ୍ତଅନଳ

Couplet 81

ରୁଦ୍ରନୟନୁ ଜାତ ହୋଇତିନି ଭୁବନ ଯେହ୍ନେ ଦହି

Couplet 82

କୃଷ୍ଣ ସଂଗ୍ରାମେ ରଣ ଭୂଇଁକି ପଟାନ୍ତର ଦେବି ମୁହିଁ

Couplet 83

ଗଜ ତୁରଗ ରଥ ଖରଉଷ୍ଟ୍ର ପଦାତି ମହାଘୋର

Couplet 84

ଚକ୍ର ପ୍ରହାରଣେ ଖଣ୍ତିତଜଳଧି ସଦୃଶେ ଶୋଣିତ

Couplet 85

ଉଛୁଳି ବହେ ରଣମଧ୍ୟେଗଗନେ ଦେଖନ୍ତି ବିବୁଧେ

Couplet 86

ବ୍ରହ୍ମାଦିବସ ଅନ୍ତେ ମହୀପ୍ରଳୟଜଳେ ହତ ହୋଇ

Couplet 87

ଈଶ୍ୱରକ୍ରୀଡ଼ାସ୍ଥାନେ ପ୍ରାୟେରକତେ ରଣଭୂମି ଶୋହେ

Couplet 88

ପୌଣ୍ତ୍ରକ ଅଛି ଏକା ରଥେଉଭାରି ଗୋବିନ୍ଦ ଅଗ୍ରତେ

Couplet 89

ସମରେ ତାର ମୁଖ ଚାହିଁହସି ବୋଲନ୍ତି ଭାବଗ୍ରାହୀ

Couplet 90

ଆହେ ପୌଣ୍ତ୍ରକ ତୋର ଦୂତମୋ ଆଗେ କହିଲା ଯେମନ୍ତ

Couplet 91

ତୋହର ଚିହ୍ନ ବର୍ଣ୍ଣମାନହୁଡ଼ିଲି ସମ୍ଭାଳ ବହନ

Couplet 92

ମିଛେ ମୁଁ ଧରି ତୋର ବେଶବିଷ୍ଣୁ ବୋଲାଏ ମର୍ତ୍ତ୍ୟଦେଶ

Couplet 93

ଯେବେ ହାରିବି ତୋତେ ରଣେଛାଡ଼ି ପଶିବି ତୋ ଶରଣେ

Couplet 94

ଏମନ୍ତ କହି ଦାମୋଦରବେଗେ ବିନ୍ଧିଲେ ତୀକ୍ଷ୍ଣ ଶର

Couplet 95

ବିରଥ କରି ତାର ଶିରଚକ୍ରେ ଛେଦିଲେ ଚକ୍ରଧର

Couplet 96

ବାସବବଜ୍ରେ ହତ ହୋଇପର୍ବତ ଯେମନ୍ତ ଦିଶଇ

Couplet 97

କାଶୀରାଜାର ଦେଖି ରଥବେଗେ ମିଳିଲେ ଗୋପୀନାଥ

Couplet 98

ନିଜ କୋଦଣ୍ତେ ଦେଇ ଗୁଣସନ୍ଧାନ କଲେ ତୀକ୍ଷ୍ଣ ବାଣ

Couplet 99

କାଶୀରାଜାର ଶିର କାଟିନାରାଚ ଗଲା ଶୂନ୍ୟେ ଘୋଟି

Couplet 100

ନିଜ କୋଦଣ୍ତେ ଦେଇ ଗୁଣସନ୍ଧାନ କଲେ ତୀକ୍ଷ୍ଣ ବାଣ

Couplet 101

ରାଜାର ଦ୍ୱାରେ ଦେଖି ମୁଣ୍ତଲୋକେ ହୋଇଲେ ବେଗେ ରୁଣଜ୍ଞତ

Couplet 102

ପବନବଳେ ଛିଡ଼ି ପାଶଯେହ୍ନେ ଦିଶଇ ପଦ୍ମକୋଷ

Couplet 103

ଏମନ୍ତେ ଶୁଣ ଦଣ୍ତଧାରୀପଞ୍ଚ ଅକ୍ଷୌହିଣୀ ସଂହାରି

Couplet 104

ପୌଣ୍ତ୍ରକ କାଶୀରାଜା ତୁଲେରଣେ ଗୋବିନ୍ଦ ସଂହାରିଲେ

Couplet 105

ଦେଖି ଆନନ୍ଦ ଦେବଗଣେରିପୁ ନିବାରି ଘୋରରଣେ

Couplet 106

ଦ୍ୱାରକା ବିଜେ ଲକ୍ଷ୍ମୀକାନ୍ତଏବେ ହୋ ଶୁଣ ନରନାଥ

Couplet 107

ପୌଣ୍ତ୍ରକ ଗୋବିନ୍ଦର ଭାବନିରତେ କରି ଅନୁଭବ

Couplet 108

ମରଣେ ଚାହିଁ ପଦ୍ମମୁଖଲଭିଲା ଆତ୍ମଗତି ସୁଖ

Couplet 109

କାଶୀରାଜାର ଶିର ଦେଖିଜନେ ବୋଲନ୍ତି ଉପଲକ୍ଷ୍ୟି

Couplet 110

ଏହୁ କାହାର ଦେଖ ଶିରଛିଡ଼ି ପଡ଼ିଲା ରାଜଦ୍ୱାର

Couplet 111

ଏମନ୍ତେ କରନ୍ତେ ବିଚାରଚିହ୍ନିଲେ କାଶୀରାଜା ଶିର

Couplet 112

ସମରେ କୃଷ୍ଣ କଲେ ନାଶଜାଣି ପାଇଲେ ମନେ ତ୍ରାସ

Couplet 113

ତାହାର ଯେତେକ ତରୁଣୀସ୍ୱାମୀମରଣ କଥା ଶୁଣି

Couplet 114

ବନ୍ଧୁ ବାନ୍ଧବ ଜନେ ମିଳିକାନ୍ଦନ୍ତେ ଭୁବନ ଉଛୁଳି

Couplet 115

କାନ୍ଦନ୍ତି ନାଥ ନାଥ ବାଣୀଗୋଳ ପ୍ରଳୟ ପ୍ରାୟ ମଣି

Couplet 116

ତାର କୁମର ସୁଦକ୍ଷିଣଶୋକ ନିବାରି ସର୍ବଜନ

Couplet 117

ପିତାର ପ୍ରେତକ୍ରିୟା ସାରିସଙ୍କଳ୍ପ କଲା କୋପଭରି

Couplet 118

ପିତୃବଇରୀ ଯେବେ ମାରିତେବେ ମୁଁ ଥିବି ଦେହ ଧରି

Couplet 119

ଏମନ୍ତେ ମନ ସ୍ଥିର କରିସେବିଲା ଶଙ୍କର-ଗଉରି

Couplet 120

ସମାଧି କରି ଯୋଗବଳେତୋଷିଲା ଶିବଙ୍କୁ ନିଶ୍ଚଳେ

Couplet 121

ପ୍ରସନ୍ନ ହୋଇ ଶୂଳଧରବୋଇଲେ ଦେବି ମାଗ ବର

Couplet 122

ଭଗ୍ନ-ସମାଧି ସୁଦକ୍ଷିଣବନ୍ଦିଲା ଈଶ୍ୱରଚରଣ

Couplet 123

ବୋଲଇ ଶିରେ ଦେଇ କରପିତୃବଇରୀ ଅଛି ମୋର

Couplet 124

ତାହାକୁ କରିବି ମୁଁ ହତଏ ବର ଦିଅ ଉମାକାନ୍ତ

Couplet 125

ଶୁଣି ବୋଇଲେ ଦେବହରତୁ ଏବେ ଅଗ୍ନିସେବା କର

Couplet 126

ବିପ୍ରବଚନ ମନେ ଧରିନାନାସମିଧ ମିଶ୍ର କରି

Couplet 127

ଆଗମଶାସ୍ତ୍ରର ବିଧାନେଅନଳ ପୂଜ ଏକମନେ

Couplet 128

ଋତ୍ୱିଜ କରିଣ ବରଣମାରଣେ ବେଦ ଅଥର୍ବଣ

Couplet 129

ଆଭିଚାରିକ ବେଦନାଦେଆହୁତି ଦେବୁ କୁଣ୍ତ ମଧ୍ୟେ

Couplet 130

ଅଗ୍ନିପୁରୁଷ ଜାତ ହେବତେବେ ତୋ କାମନା ପୂରିବ

Couplet 131

ମରିବ ରିପୁ ସେ ତୋହରବ୍ରାହ୍ମଣେ ସେବା ନାହିଁ ଯାର

Couplet 132

ଏମନ୍ତେ ରୁଦ୍ରବାକ୍ୟ ଶୁଣିଯଜ୍ଞ ଆରମ୍ଭେ ନୃପମଣି

Couplet 133

ଅନଳେ ଅଭିଚାର ମତେଆହୁତି ଦେଲା ଅପ୍ରମିତେ

Couplet 134

କୁବୁଦ୍ଧିପଣ ଦେଖ ତାରକୃଷ୍ଣଙ୍କୁ ଚିନ୍ତେ ଅଭିଚାର

Couplet 135

ଅଗ୍ନିପୁରୁଷ କୁଣ୍ତମଧ୍ୟେଜାତ ହୋଇଲେ ଘୋରନାଦେ

Couplet 136

ଅତିଭୀଷଣ ରୂପବନ୍ତତା ରୂପ ଶୁଣ ନରନାଥ

Couplet 137

ତପତତମ୍ବା ପ୍ରାୟ ଶିଖାଶ୍ମଶ୍ରୁ ନାସିକା ପିଙ୍ଗରେଖା

Couplet 138

ଗ୍ରହରାଜର ତେଜ ତାରଲୋଚନ ବଚନ ଗଭୀର

Couplet 139

ଅଙ୍ଗାର ଉଦ୍ଗାରଇ ତୁଣ୍ତେବିକଟ ଦଶନ ପ୍ରଚଣ୍ତେ

Couplet 140

ଭ୍ରୂକୁଟୀ କୁଟୀଳ କଠୋରତୁଣ୍ତ ଗଭୀର ଅନ୍ଧକାର

Couplet 141

ଜିହ୍ୱା ବୁଲାଇ ବେନିକଳେଯେସନେ ବିଜୁଳି ଚଞ୍ଚଳେ

Couplet 142

ଉଲଗ୍ନ ଶରୀର କରାଳହସ୍ତେ କମ୍ପଇ ତୀକ୍ଷ୍ଣ ଶୂଳ

Couplet 143

ଚଳଇ କରି ଘୋର ନାଦତାଳ ପ୍ରମାଣେ ବେନି ପାଦ

Couplet 144

କୋପେ ଧାଣଇଁ ଶୂଳହସ୍ତେଅବନୀ କମ୍ପେ ପାଦଘାତେ

Couplet 145

ପ୍ରମଥଭୂତଗଣ ସଙ୍ଗେଦ୍ୱାରକା ଗଲା ଅତିବେଗେ

Couplet 146

ତାହାର ତେଜ ଦେହେ ଦିଶସଧୂମେ ପୂରିଲା ଆକାଶ

Couplet 147

ଏମନ୍ତେ ବହ୍ନିର ଆଗମଧୂମ ପୂରିତ ମହାତମ

Couplet 148

ଦ୍ୱାରକାପୁରେ ଯେତେ ଜନଭୟେ କମ୍ପନ୍ତି ଛନଛନ

Couplet 149

ଭୟେ ଭାଜିଲେ ଚାରିଦିଗେବନ ଦହନେ ଯେହ୍ନେ ମୃଗେ

Couplet 150

ପଶା ଖେଳନ୍ତି ଭଗବାନଏମନ୍ତେ ମିଳି ସର୍ବଜନ

Couplet 151

ବୋଲନ୍ତି କୃଷ୍ଣମୁଖ ଚାହିଁଭୋ ନାଥ କର ଜନେ ତ୍ରାହି

Couplet 152

ତ୍ରୈଲୋକ୍ୟନାଥ ତୋର ପୁରଅନଳ ଦହ୍ନୁ ଉଦ୍ଧର

Couplet 153

ଏମନ୍ତେ ସ୍ୱଜନ ବିକଳଦେଖି ବୋଲନ୍ତି ଆଦିମୂଳ

Couplet 154

ଶରଣ ବନ୍ଧୁ ବନମାଳୀବୋଲନ୍ତି ବେନିଭୁଜ ତୋଳି

Couplet 155

ଭୟ ନ କର ତୁମ୍ଭେ କେହିଅନଳ ସଂହାରିବି ମୁହିଁ

Couplet 156

ଯେ ହରି ଅଶେଷ ଶରୀରେବିଦିତ ଅନ୍ତର ବାହାରେ

Couplet 157

ସ୍ୱଜନ ଶୁଭାଶୁଭ ଜାଣେଏମନ୍ତ ନିଗମ ବଖାଣେ

Couplet 158

ରୁଦ୍ରଅନଳ କୃଷ୍ଣ ଜାଣିଚକ୍ରେ ସୁମରି ଚକ୍ରପାଣି

Couplet 159

ଚକ୍ର ଗୋବିନ୍ଦ ପାଶେ ଥିଲାକୃଷ୍ଣର ମନ ସେ ଜାଣିଲା

Couplet 160

କୋଟି-ଆଦିତ୍ୟ-ତେଜ ନାଶେପ୍ରଳୟ ଅନଳ ପ୍ରକାଶେ

Couplet 161

ଭୂମି ଗଗନ ତେଜ ବ୍ୟାପିକୃଷ୍ଣର ତେଜ ବିଶ୍ୱରୂପୀ

Couplet 162

ସେ କୃଦ୍ୟାଅଗ୍ନି ଅଙ୍ଗେ ପଡ଼ିଶବଦ ଶୁଭେ ଘଡ଼ଘଡ଼ି

Couplet 163

ଚକ୍ର ସଂଯୋଗେ ଅଗ୍ନି ନାଶଭସ୍ମ ଉଡ଼ିଲା ଦଶଦିଶ

Couplet 164

ଘୋର ଅନଳ ନାଶି ଖରେଚକ୍ର ମିଳିଲା କାଶୀପୁରେ

Couplet 165

ଯଜ୍ଞଶାଳରେ ଯାଇ ମିଳିକୋଟି ଆଦିତ୍ୟ ପ୍ରାୟ ଝଳି

Couplet 166

ରତ୍ୱିଜ ସଙ୍ଗେ ସୁଦକ୍ଷିଣଦହନ କଲା ତତକ୍ଷଣ

Couplet 167

ପ୍ରଚଣ୍ତ ତେଜ ମହାଘୋରକୋପେ ଦହିଲା କାଶୀପୁର

Couplet 168

ନରକୁଞ୍ଜର ଅଶ୍ୱ ରଥଭସ୍ମ ହୋଇଲେ ଯୂଥ ଯୂଥ

Couplet 169

ସକଳଗୁଣ କାଶୀପୁରେକିବା ଉପମା ଦେବା ତାରେ

Couplet 170

ଦହନ କରି ସେହୁ ପୁରକୃଷ୍ଣର ତେଜ ମହାଘୋର

Couplet 171

ଦେଖି ଅଖିଳ ଜନ ତ୍ରାସେପୁଣି ମିଳିଲା କୃଷ୍ଣପାଶେ

Couplet 172

ବୋଲନ୍ତି ଶୁକ ମୁନିବରଶୁଣ ସୁମନେ କୁରୁବୀର

Couplet 173

କୃଷ୍ଣ-ବିକ୍ରମ-ରସ ବାଣୀଯେ ଏହା ଜନମଧ୍ୟେ ଭଣି

Couplet 174

ଯେ ଅବା ଶ୍ରବଣେ ଶୁଣନ୍ତିସକଳ ପାପୁଁ ସେ ତରନ୍ତି

Couplet 175

ସୁଜନେ ଶୁଣ କୃଷ୍ଣରସଭଣଇ ଜଗନ୍ନାଥ ଦାସ