Adhyaya 70

Couplet 1

ଏବେ ହୋ ଶୁଣ କୁରୁବୀରଦ୍ୱାରକାପୁରେ ହଳଧର

Couplet 2

ସୁହୃଦ ଦରଶନ ସଧେବିଜୟ ତାଳଧ୍ୱଜ ମଧ୍ୟେ

Couplet 3

ନିଜ ସେବକ ସଙ୍ଗମେଳେମିଳିଲେ ନନ୍ଦର ଗୋକୁଳେ

Couplet 4

ରାମର ଆଗମନ ଶୁଣିଗୋପାଳେ ଗୋପର ତରୁଣୀ

Couplet 5

ମିଳିଲେ ରାମର ଛାମୁରେମଙ୍ଗଳଦ୍ରବ୍ୟ ଘେନି କରେ

Couplet 6

ଆନନ୍ଦେ ରୋହିଣୀନନ୍ଦନଗୋପଙ୍କୁ କଲେ ଆଲିଙ୍ଗନ

Couplet 7

ଗୋପି ମିଳିଲେ ଭାବଭରିରାମଚରଣ ହୃଦେ ଧରି

Couplet 8

ଶିର-ବଦନେ ଚାପି ପାଦଛାଡିଲେ ଚିର ମନଖେଦ

Couplet 9

ହରଷେ ରେବତୀରମଣବନ୍ଦିଲେ ନନ୍ଦନଚରଣ

Couplet 10

ଯଶୋଦା ପାଦତଳେ ପଡ଼ିଶୋକବଦନେ କରଯୋଡି

Couplet 11

ନନ୍ଦଯଶୋ ସୁଖଭୋଳେରାମଙ୍କୁ ବସାଇଲେ କୋଳେ

Couplet 12

ଚିରବିଚ୍ଛେଦେ ହୃଦେ ଜାକିଅଶ୍ରୁପୂରିତ ବେନି ଆଖି

Couplet 13

ବଦନୁ ନ ସ୍ପୁରେ ବଚନନିବିଡେ କଲେ ଆଲିଙ୍ଗନ

Couplet 14

ବୋଲନ୍ତି ଶୋକଭର ହୋଇଜଗଦୀଶ୍ୱର ତୁମ୍ଭେ ଦୁଇ

Couplet 15

ନିରାଶ କଲ ମୋର ଘରମୁଁ ଏବେ ଶରଣ ତୁମ୍ଭର

Couplet 16

ଗୋପନଗର ବୃଦ୍ଧ ଜଣେମିଳିଲେ ରାମ ସନ୍ନିଧାନେ

Couplet 17

ରାମ ନମିଲେ ଜଣେ ଜଣେଗୋପାଳବୃଦ୍ଧଙ୍କ ଚରଣେ

Couplet 18

ତୁଲ୍ୟବୟସ ଗୋପଜନେସଙ୍ଗେ ଯେ ଥିଲେ ବୃନ୍ଦାବନେ

Couplet 19

ରାମଙ୍କୁ ଦେଖି ସ୍ନେହଭରେକୋଳ କରନ୍ତି ସୁଖଭୋଳେ

Couplet 20

ସ୍ନେହବନ୍ଧନେ ବନ୍ଧୁସଙ୍ଗେରାମ ଯେ ଥିଲେ ନାନାରଙ୍ଗେ

Couplet 21

ନିବିଡେ଼ ଭିଡ଼ି କୋଳ କଲେଆନନ୍ଦସାଗରେ ବୁଡ଼ିଲେ

Couplet 22

ଏମନ୍ତେ ଜଣେ ଜଣେ କୋଳକରି ବସିଲେ ଏକମେଳ

Couplet 23

କ୍ଷୀର-ପାୟସ-ମଧୁରସେରାମଙ୍କୁ ଭୁଞ୍ଜାଇ ହରଷେ

Couplet 24

ବିଶ୍ରାମ କରାଇ ଗୋପାଳେବସି ପୁଛନ୍ତି ଏକମେଳେ

Couplet 25

ନେତ୍ରେ ପୂରିତ ଅଶ୍ରୁଜଳପୁଛନ୍ତି ବନ୍ଧୁଙ୍କ କୁଶଳ

Couplet 26

କୃଷ୍ଣଚରଣେ ମନ ଦେଇସମ୍ଭ୍ରମେ ନ ପାରନ୍ତି କହି

Couplet 27

ବିଷୟସୁଖ ନ ଜାଣନ୍ତିକୃଷ୍ଣକୁଶଳ ପଚାରନ୍ତି

Couplet 28

ହେ ରାମ କମଳଲୋଚନକହ ତୁ ଯାଉ ଖେଦମନ

Couplet 29

କୃଷ୍ଣ ଯେ ଗଲେ ମଧୁବନତାର ସଙ୍ଗତେ ଆମ୍ଭ ମନ

Couplet 30

ବନ୍ଦୀ ହୋଇଲା ପ୍ରେମଭୋଳେଏବେ ନ ଦେଖୁ ଚର୍ମଡୋଳେ

Couplet 31

ପୁତ୍ର କଳତ୍ର ଧନ ପାଇଆମ୍ଭ ସ୍ମରଣ ତାର କାହିଁ

Couplet 32

ଆମ୍ଭର ଭାଗ୍ୟେ ମଲା କଂସନିଶ୍ଚିନ୍ତ ହେଲା ଯଦୁବଂଶ

Couplet 33

ସକଳ ରିପୁବଳ ମାରିଦ୍ୱାରକାପୁରେ ବିଜେ କରି

Couplet 34

ସୁଖେ ଅଛନ୍ତି ଯଦୁନାଥଏଣୁଟି ଆମ୍ଭେ ଭାଗ୍ୟବନ୍ତ

Couplet 35

ଗୋପୀଏ ରାମଙ୍କୁ ଅନାଇଁବୋଲନ୍ତି ସ୍ନେହଭର ହୋଇ

Couplet 36

ହେ ରାମ କହ କୃଷ୍ଣକଥାଯେଣେ ଛାଡ଼ିବ ମନୁ ବ୍ୟଥା

Couplet 37

ଭଲେ କି ଛନ୍ତି ପଦ୍ମନାଭମଥୁରାନାରୀଙ୍କ ବଲ୍ଲଭ

Couplet 38

ମାତା ଯଶୋଦା ନନ୍ଦ ପିତାଏହାଙ୍କୁ କରେଟିକି ଚିନ୍ତା

Couplet 39

ଆମ୍ଭେ ତାହାଙ୍କୁ ଭଲେ ଜାଣିସୁହୃଦ୍ପଣେ ପରିମାଣି

Couplet 40

ତାହାର ଅର୍ଥେ ଆମ୍ଭ ଦୁଃଖକହିବୁ ଶୁଣ ଚନ୍ଦ୍ରମୁଖ

Couplet 41

ମାତା ପିଅର ଭ୍ରାତୃଗଣପତି ତନୟ ଗୁରୁଜନ

Couplet 42

ତାର ଆନନ୍ଦେ ଆମ୍ଭେ ଛାଡ଼ିନିରତେ ପ୍ରିୟଭାବେ ବୁଡ଼ି

Couplet 43

ସକଳ ଛାଡ଼ି ତା ବିଶ୍ୱାସହୋଇଲୁ କଲା ସେ ନିରାଶ

Couplet 44

କ୍ଷଣକେ ଛାଡ଼ି ଆମ୍ଭ ଭାବନିର୍ଦ୍ଦୟ ହୋଇଲେ ମାଧବ

Couplet 45

ମଥୁରାପୁର ବଧୂଜନମଧୂରେ କହନ୍ତି ବଚନ

Couplet 46

କ୍ଷଣସୁହୃଦ କୂଟମତିକେମନ୍ତେ ବିଶ୍ୱାସ କରନ୍ତି

Couplet 47

ତାହାର ଆତ୍ମା ତାର ନୋହେଭକତଜନ ତାକୁ ମୋହେ

Couplet 48

କୃତଘ୍ନଭାବ ଦୁଷ୍ଟମତିମଥୁରାନାରୀ ନ ଜାଣନ୍ତି

Couplet 49

ତାହାର ବିଚିତ୍ରବଚନସସ୍ମିତ ଅନଙ୍ଗବର୍ଦ୍ଧନ

Couplet 50

ଦେଖିଲେ ହୋଏ ମୋହଗତଅନଙ୍ଗବାଣେ ଜଡ଼ି ଚିତ୍ତ

Couplet 51

କେତେ କହିବୁ ତାର ଗୁଣବୋଲନ୍ତି ସଖୀଜନେ ଶୁଣ

Couplet 52

ତାହାର କଥା କିମ୍ପା କହଶୁଣନ୍ତେ ଦହେ ପ୍ରାଣ ଦେହ

Couplet 53

ଆମ୍ଭେ ଯେ ନାହୁଁ ତାର ସଙ୍ଗେଏତେ ଦିବସ ନାନାରଙ୍ଗେ

Couplet 54

ସେ ଯେ ଆମ୍ଭର ସଙ୍ଗେ ନାହିଁକାଳ କି ଅଛି ସ୍ଥିର ହୋଇ

Couplet 55

ଏମନ୍ତ ସ୍ନେହଭର ହୋଇକୃଷ୍ଣର ରୂପେ ମନ ଦେଇ

Couplet 56

କୃଷ୍ଣର ହସିତବଦନମୋହ୍ନ ଗଭୀର ବଚନ

Couplet 57

କଟାକ୍ଷଦୃଷ୍ଟି ଚିତ୍ରଗତିପ୍ରେମ ଆଲିଙ୍ଗନ ସୁରତି

Couplet 58

କାନ୍ଦନ୍ତି କୃଷ୍ଣଭାବ ବହିସଙ୍କରଷଣ ତାହା ଚାହିଁ

Couplet 59

କୃଷ୍ଣର ଯଶକଥାମାନକହି ତୋଷିଲେ ତାଙ୍କ ମନ

Couplet 60

ନାନା ବିଶ୍ୱାସବାକ୍ୟେ ରାମଗୋପୀଙ୍କ ଚିତ୍ତ କଲେ ସାମ

Couplet 61

ସେ ରାମ ଗୋପୀଙ୍କ ବିଶ୍ୱାସଗୋପେ ରହିଲେ ବେନିମାସ

Couplet 62

ମଧୁମାଧବ ମାସ ବେନିଗୋପୀଙ୍କ ପ୍ରିୟଭାବ ଘେନି

Couplet 63

ସେ ରାମ ଯୋଗମାୟା ବଳେଗୋପକାମିନୀ ସଙ୍ଗେ ମେଳେ

Couplet 64

ନିତ୍ୟେ ରଜନୀକାଳ ବେଳେଗୋପକାମିନୀ ସଙ୍ଗେ ଖେଳେ

Couplet 65

ବିସ୍ତାରି ଯୋଗମାୟା ଗତିଯମୁନାକୂଳେ ଯଦୁପତି

Couplet 66

ଚନ୍ଦ୍ରକିରଣ ବୃନ୍ଦାବନସୁଗନ୍ଧ ବହଇ ପବନ

Couplet 67

କାମିନୀଗଣ ମଧ୍ୟେ ବସିତାରାମଣ୍ତଳେ ଯେହ୍ନେ ଶଶୀ

Couplet 68

ଏମନ୍ତେ ପରୀକ୍ଷିତ ଶୁଣଜଳଧିପତି ଯେ ବରୁଣ

Couplet 69

ବାରୁଣୀ ନାମେ ତା ନନ୍ଦିନୀରାମର ପ୍ରିୟଭାବ ଘେନି

Couplet 70

ବରୁଣ-ବିଶ୍ୱାସ ବଚନେବେଗେ ମିଳିଲା ବୃନ୍ଦାବନେ

Couplet 71

ବୃକ୍ଷକ୍ରୋଟରୁ ସୁଧାରୂପେବହିଲା ରାମର ସମୀପେ

Couplet 72

ତାର ସୁଗନ୍ଧେ ବନ ବାସେରାମ ମିଳିଲେ ଦେଖି ପାଶେ

Couplet 73

ଗୋପୀ ସହିତେ ବଳରାମଆନନ୍ଦେ କଲେ ମଧୁପାନ

Couplet 74

ବାରୁଣୀପାନେ ଭୋଳ ହୋଇଗୋପୀଏ ରାମ ଯଶ ଗାଇ

Couplet 75

ନାନା କୌତୁକେ ସେ କାନନେରାମଙ୍କୁ ସେବି ଶୁଦ୍ଧମନେ

Couplet 76

ବୁଲନ୍ତି ରାମ ବୃକ୍ଷତଳେବାରୁଣୀପାନେ ମତ୍ତଭୋଳେ

Couplet 77

ମଦ୍ୟେ ମୁଦ୍ରିତ ବେନି ଆଖିମତ୍ତକୁଞ୍ଜର ପ୍ରାୟ ଲକ୍ଷ୍ୟ

Couplet 78

ଶୋଭିତ ଶ୍ରବଣେ କୁଣ୍ତଳହୃଦେ ଲମ୍ବଇ ବନମାଳ

Couplet 79

ମୁଖକମଳେ ମନ୍ଦହାସଝାଳେ ଜଡ଼ିତ ନୀଳବାସ

Couplet 80

ରବିକିରଣେ ଶ୍ରମ ପାଇବୋଲନ୍ତି ଯମୁନାକୁ ଚାହିଁ

Couplet 81

ଆସ କାଳିନ୍ଦୀ ମୋର ପାଶଶକଳ ଶ୍ରମ କର ନାଶ

Couplet 82

ତୋ ଜଳେ କରି ଅବଗାହଶ୍ରମ ନ ରହୁ ମୋର ଦେହ

Couplet 83

ଯମୁନା ରାମବାଣୀ ଶୁଣିମଦିରାମତ୍ତ ପ୍ରାୟ ମଣି

Couplet 84

ଅବଜ୍ଞା କରି ରାମବାଣୀତରଳେ ବହେ ତରଙ୍ଗିଣୀ

Couplet 85

ତା ଦେଖି ରାମ କୋପଭରେତୀକ୍ଷ୍ଣ ଲଙ୍ଗଳ ଧରି କରେ

Couplet 86

କାଳିନ୍ଦୀ ମଧ୍ୟେ ହଳ ସ୍ଥାପିକୋପେ ବୋଲନ୍ତି ବିଶ୍ୱରୂପୀ

Couplet 87

ରେ ପାପୀ ଏଡେ଼ ଗର୍ବ ତୋରଅବଜ୍ଞା କଲୁ ବାକ୍ୟ ମୋର

Couplet 88

ତୁ ମୋତେ କରୁ ଅବହେଳଆଜ ପାଇବୁ ପ୍ରତିଫଳ

Couplet 89

ଲଙ୍ଗଳ ଅଗ୍ରେ ତୋତେ ଧରିକାଟିବି ଶତଖଣ୍ତ କରି

Couplet 90

ନିଶ୍ଚେ ମରିବୁ ଆଜ ତୁହିଆଜ୍ଞା ଭାଙ୍ଗିଲୁ ଗର୍ବ ବହି

Couplet 91

ଏମନ୍ତ ରାମବାକ୍ୟ ଶୁଣିଭୟେ ବୋଲଇ ତରଙ୍ଗିଣୀ

Couplet 92

ଲହରୀ ବ୍ୟାଜେ ବେନିକରେମିଳିଲା ରାମର ପୟରେ

Couplet 93

କମଳ ଉପହାର ମୁଖେରାମଙ୍କୁ ବୋଲେ ଭୟଦୁଃଖେ

Couplet 94

ହେ ରାମ ରାମ ମହାଭୁଜମୁହିଁ ନ ଜାଣେ ତୋର ତେଜ

Couplet 95

ତୋହର ଏକ ଅଂଶେ ମହୀମୁକୁଟ ଶିରେ ଅଛି ହୋଇ

Couplet 96

ଜଗତପତି ମହୀଧରଭୋ ନାଥ ଶରଣ ମୁଁ ତୋର

Couplet 97

ତୋର ମହିମା ଭଗବାନନ ଜାଣି କଲି ଅବଜ୍ଞାନ

Couplet 98

ପଶିଲି ତୋହରେ ଶରଣେସୁନ୍ଦର ଅଭୟଚରଣେ

Couplet 99

ତୁ ନାଥ ଭକତବତ୍ସଳଶରଣ ରଖ ଆଦିମୂଳ

Couplet 100

ଏମନ୍ତ ନଦୀବାକ୍ୟ ଶୁଣିହଳ ସଂହରି ହଳପାଣି

Couplet 101

ସକଳ ଗୋପନାରୀ ମେଳେପଶିଲେ ଯମୁନାର ଜଳେ

Couplet 102

କରିଣୀଯୂଥେ ଗଜବରଯେହ୍ନେ ଦିଶଇ ମନୋହର

Couplet 103

ନିଶ୍ଚିନ୍ତେ ଜଳକ୍ରୀଡ଼ା ସାରିକୂଳେ ମିଳିଲେ ହଳଧାରୀ

Couplet 104

ତକ୍ଷଣେ ରବିର ନନ୍ଦିନୀନିର୍ମଳ ନୀଳବସ୍ତ୍ର ଘେନି

Couplet 105

ରାମର କରେ ଦେଲା ଆଣିଭୂଷଣ ନାନାରତ୍ନମଣି

Couplet 106

ନୀଳକମଳମାଳ ଗଳେଦେଇ ନମିଲା ପାଦତଳେ

Couplet 107

ନୀଳବସନ ଅନୁପମଆନନ୍ଦେ ପିନ୍ଧି ବଳରାମ

Couplet 108

ଭୂଷଣ ନାନାରତ୍ନକୁଳହୃଦେ ଲମ୍ବାଇ ବନମାଳ

Couplet 109

ଗନ୍ଧ ଚନ୍ଦନ ଲେପି ଦେହେଦିଶିଲେ ଇନ୍ଦ୍ରହସ୍ତୀ ପ୍ରାୟେ

Couplet 110

ଶୁମ ହେ ଅଭିମନ୍ୟୁସୁତଯମୁନାକୂଳେ ରାମକୃତ୍ୟ

Couplet 111

ଅଦ୍ୟାପି ବୃନ୍ଦାବନ ଦେଶେଯମୁନା ବକ୍ରେ ବହି ଆସେ

Couplet 112

ଅନନ୍ତବଳୀ ବଳରାମତାର ଚରିତ ଅନୁପମ

Couplet 113

ଯମୁନାତଟେ ବୃନ୍ଦାବନେଏବେ ତୁ ଶୁଣ ସାବଧାନେ

Couplet 114

ଏମନ୍ତ କରି କ୍ରୀଡ଼ାରସରାମ ରହିଲେ ବେନିମାସ

Couplet 115

ଯେତେ ରଜନୀ ବେନିମାସେଗୋପୀଏ ବୃନ୍ଦାବନ ଦେଶେ

Couplet 116

ରାମର ପ୍ରିୟଭାବେ ମିଶିଜାଣନ୍ତି ଗଲା ଏକ ନିଶି

Couplet 117

ସେ ରାମ ପାଦପଦ୍ମତଳେସୁଜନେ ଚିନ୍ତ ଧ୍ୟାନବେଳେ

Couplet 118

ଅନନ୍ତ ଚରିତ ଅମୃତକହଇ ବିପ୍ର ଜଗନ୍ନାଥ