Adhyaya 69

Couplet 1

ଶୁଣ ରାଜନ ସାବଧାନେଦ୍ୱାରକାପୁରେ ଏକ ଦିନେ

Couplet 2

କୃଷ୍ଣ ରାଜନ ସାବଧାନେକହିବା ଏକେ ଏକେ କେତେ

Couplet 3

ପ୍ରଦ୍ୟୁମ୍ନ ଶାମ୍ବ ଆଦି ମିଳିବନେ କରନ୍ତି ନାନା କେଳି

Couplet 4

ଅନେକବେଳ କ୍ରୀଡାକରିତୃଷିତେ ଲୋଡୁଛନ୍ତି ବାରି

Couplet 5

ଏମନ୍ତେ ଜଳପାନ ସଧେକୂପ ଦେଖିଲେ ବନମଧ୍ୟେ

Couplet 6

ସକଳେ କୂପପାଶେ ମିଳିଚାହାନ୍ତି ନୟନ ନିରୋଳି

Couplet 7

ତୃଣ ଗହଳ ଅନ୍ଧକାରେଅଦ୍ଭୁତ ଜନ୍ତୁ ତା ଭିତରେ

Couplet 8

ଦିଶଇ ପର୍ବତ ସୃଦଶଦେଖି ଚିହ୍ନିଲେ କୃକଲାଶ

Couplet 9

ବିସ୍ମିତେ ଏକ ଆରେ ଚାହିଁବୋଲନ୍ତି ଅଙ୍ଗୁଳି ଦେଖାଇ

Couplet 10

ଦଣ୍ତେ ବିଚାରି ଯତ୍ନକରିବୋଲନ୍ତି ଦେଖିବା ଉଦ୍ଧରି

Couplet 11

ଏତେ ବିଚାରି ଦୟା ବହିଲାଙ୍ଗୁଳେ ଦଉଡ଼ି ଲଗାଇ

Couplet 12

ତୃଣବକଳ ଚର୍ମପାଶିନିବିଡେ଼ ବାନ୍ଧିଲେ ଆକର୍ଷି

Couplet 13

ଟାଣନ୍ତି ଧରି ଜଣେ ଜଣନ ତଳେ ତାହାରି ଚରଣ

Couplet 14

ଦେଖି ଚକିତ କୃଷ୍ଣବାଳେସର୍ବେ ଟାଣିଲେ ଏକାବେଳେ

Couplet 15

ତିଳେ ନ ଚଳେ କୃକଲାଶଟାଣି ପାଇଲେ ସର୍ବେ ତ୍ରାସ

Couplet 16

ପୁଣି ଧରନ୍ତି ବାହୁବଳେଟାଣନ୍ତେ କେବେହେଁ ନ ଚଳେ

Couplet 17

ଏମନ୍ତେ ବହୁ କ୍ଲେଶ ପାଇଏକ ଆର କେ ମୁଖ ଚାହି

Couplet 18

ବୋଲନ୍ତି ଦେଖି ବିପରୀତଆମ୍ଭର ବଳବୀର୍ଯ୍ୟ ହତ

Couplet 19

ଟାଣନ୍ତେ ତିଳେ ନ ଚଳିଲାଲାଜ ତ ମରଣୁ ବଳିଲା

Couplet 20

ଶ୍ରୀକୃଷ୍ଣ ବୀର୍ଯ୍ୟେ ଆମ୍ଭ ଜନ୍ମଶୁଣି ହସିବେ ସର୍ବଜନ

Couplet 21

ରିପୁ ହସିବେ ଏହା ଶୁଣିକିବା ବୋଲିବେ ଚକ୍ରପାଣି

Couplet 22

ରୋହିଣୀସୁତ ଶୁଣି ଏହାଆମ୍ଭରେ ହୋଇବେ ନିର୍ଦ୍ଦୟା

Couplet 23

ପୁରେ ହସିବେ ବଧୂଜନେବସନ ଆଚ୍ଛାଦି ବଦନେ

Couplet 24

ନିରାଶେ କୃଷ୍ଣପାଶେ ଯାଇବୋଲନ୍ତି ଶିରେ କର ଦେଇ

Couplet 25

ଭୋ ଦେବ ଶୁଣ ସାବଧାନେଅଦ୍ଭୁତ କଥା ଘୋରବନେ

Couplet 26

ବନଗହ୍ନେ ଅନ୍ଧକୂପତା ମଧ୍ରେକୃକଲାଶ ରୂପ

Couplet 27

ପର୍ବତ ପ୍ରାୟ ତା ଶରୀରନ ଚଳେ ଅତି ଗରୁତର

Couplet 28

ଓଟାରି ନ ପାରିଲୁ ବଳେଟାଣନ୍ତେ ଚରଣ ନ ଚଳେ

Couplet 29

ଏ ବଡ ଲଜ୍ଜା ବିପରୀତଶୁଣି ହସିଲେ ଯଦୁନାଥ

Couplet 30

ବୋଲନ୍ତି ଚାଲ ଯିବା ବନେପୋଏ ଧାଇଁଲେ ତୋଷମନେ

Couplet 31

ଏମନ୍ତେ ଘୋରବନେ ଯାଇକୂପେ ଚାହିଁଲେ ଭାବଗ୍ରାହୀ

Couplet 32

ଦେଖିଲେ ଘୋର ଅନ୍ଧକାରନିର୍ଜଳ ତୃଣେ ମହାଘୋର

Couplet 33

ଅଦ୍ଭୁତ କୃକଲାଶ କାୟେଦିଶଇ ଗିରିଶୃଙ୍ଗ ପ୍ରାୟେ

Couplet 34

ଅଧୋବଦନ ଉର୍ଦ୍ଧ୍ୱଲାଞ୍ଜଦେଖି ଚକିତ ଦେବରାଜ

Couplet 35

ଦୟାସାଗର ଦେବହରିତା ଲାଞ୍ଜ ବାମକରେ ଧରି

Couplet 36

କୂପୁଁ ତୋଳିଲେ ଦାମୋଦରମାଳା ଯେସନେ ମାଳାକାର

Couplet 37

ତୋଳି ପକାନ୍ତେ ହୃଷୀକେଶପ୍ରାଣ ଛାଡିଲା କୃକଲାଶ

Couplet 38

ଯେଣୁ ଲାଗିଲା କୃଷ୍ଣକରଦିବ୍ୟସ୍ୱରୂପ ହେଲା ତାର

Couplet 39

ଉଦୟ ଗିରିଶିଖେ ଶଶୀଯେସନେ ଗଗନେ ପ୍ରକାଶି

Couplet 40

ଶୁଦ୍ଧସୁବର୍ଣ୍ଣ ଦେହ ଝଳିଜଳଦେ ଯେସନେ ବିଜୁଳି

Couplet 41

ଦିବ୍ୟବସନ ଗନ୍ଧମାଳଦେଖି ଚକିତ ନନ୍ଦବାଳ

Couplet 42

ତାହା ଜାଣନ୍ତି କୃଷ୍ଣ ଏକେବିଖ୍ୟାତ ଅର୍ଥେ ନରଲୋକେ

Couplet 43

ତାର ବଦନ ଚାହିଁ ହସିପୁଚନ୍ତି ପ୍ରଭୁ ବ୍ରହ୍ମରାଶି

Couplet 44

ତୁ ମହାଭାଗ ପୁଣ୍ୟଦେବୀଦେବତାପ୍ରାୟ ମୁଁ ମଣଇ

Couplet 45

କହ ତୁ କେବଣ ପୁରୁଷକିମ୍ପା ହୋଇଲୁ କୃକଲାଶ

Couplet 46

କି ପାପବଶୁଁ ଭୋଗ କରିଶରୀର ଅନ୍ଧକୂପେ ଭରି

Couplet 47

ଏ କୂପେ ଅଛୁ କେତେକାଳକହ ନ କରି ଅବହେଳ

Couplet 48

ତୁହି ତ ନୋହୁ ପାପୀଜନକହ ଏ କେବଣ ବିଧାନ

Couplet 49

ଶୁଣିତେ ଯୋଗ୍ୟ ଯେବେ ମୁହିଁକହ ନିର୍ଭୟ ଚିତ୍ତ ହୋଇ

Couplet 50

ଏମନ୍ତ କୃଷ୍ଣ ବାକ୍ୟ ଶୁଣିଆନନ୍ଦେ କହେ ନୃପମଣି

Couplet 51

ଶିରେ ମୁକୁଟ ରବିପ୍ରାୟେନମିଲା ଗୋବିନ୍ଦର ପାୟେ

Couplet 52

ଭୋ ନାଥ ନୃଗରାଜା ମୁହିଁଈକ୍ଷ୍ୱାକୁବଂଶେ ଜାତ ହୋଇ

Couplet 53

ଜଗତମଧ୍ୟେ ଯେତେ ଦାନୀତାହାଙ୍କ ମଧ୍ୟେ ମୁଁ ଅଗ୍ରଣୀ

Couplet 54

ତୁ ତାହା ଅଛୁ ଭଲେ ଜାଣିମୁଁ କି କହିବି ପରିମାଣି

Couplet 55

ସର୍ବଭୂତଙ୍କ ଆତ୍ମା ତୁହିଅଶେଷ ଜ୍ଞାନ ତୋର ତହିଁ

Couplet 56

ତୁ ନାଥ ଭଲେ ଏହା ଜାଣୁକେବଳ ମୋତେ ପରିମାଣୁ

Couplet 57

ତଥାପି ଆଜ୍ଞା ଘେନି ଶିରେକହିବି ତୋହର ଛାମୁରେ

Couplet 58

ଭୋ ନାଥ ଶୁଣ ମୋ ବଚନଅନେକ ଦେଲି ଗୋରୁଦାନ

Couplet 59

ସଂଖ୍ୟା କରିବି ମୁହିଁ କେତେଶୁଣ ଉପମା କହୁଁ ତୋତେ

Couplet 60

ଭୂମିରେ ଅଛି ଯେତେ ଧୂଳିଗଗନେ ଯେତେ ତାରାମାଳୀ

Couplet 61

ବରଷାଧାରା ଯେତେ ହୋଇଏହି ପ୍ରମାଣେ ଦେଲି ଗାଈ

Couplet 62

କ୍ଷୀର ସମ୍ପୂର୍ଣ୍ଣ ରୂପବନ୍ତୀସାଧି ତରୁଣ ବତ୍ସାବତୀ

Couplet 63

ସୁନ୍ଦର ସୁକପିଳ ବର୍ଣ୍ଣସୁବର୍ଣ୍ଣଶୃଙ୍ଗ ଗୁଣପୂର୍ଣ୍ଣ

Couplet 64

ଖୁରରେ ରଜତ ଖଞ୍ଜଣିଉଚିତ ଧନେ ତାହା କିଣି

Couplet 65

ଦୋହନ ଅର୍ଥେ କାଂସ୍ୟପାତ୍ରବସ୍ତ୍ର କୁସୁମମାଳା ଗାତ୍ର

Couplet 66

ଗନ୍ଧଚନ୍ଦନ ମାଳ ସାଜିଡେ଼ର୍ଘ୍ୟେ ବିପ୍ରପାଦ ପୂଜି

Couplet 67

ବରିଲି ଯେମନ୍ତ ବ୍ରାହ୍ମଣଭୋ ନାଥ ସାବଧାନେ ଶୁଣ

Couplet 68

ଯୁବା ସୁଗୁଣ ସାଧୁଶୀଳଦରିଦ୍ର କୁଟମ୍ବଗହଳ

Couplet 69

ଉତ୍ତମ ବ୍ରହ୍ମଚର୍ଯ୍ୟ ଦୀକ୍ଷାବେଦାଧ୍ୟୟନେ ମନ୍ତ୍ର ଶିକ୍ଷା

Couplet 70

ଏମନ୍ତ ବିପ୍ରେ ସାବଧାନସୁପୁଣ୍ୟକାଳେ ଦେଲି ଦାନ

Couplet 71

ଅଧିକ ଦାମ ଦେଲି ଯେତେଶୁଣ କହିବା ତୋ ଅଗ୍ରତେ

Couplet 72

ଗୋ ଚର୍ମମାପେ ଭୂମିଦାନଶୁଣ ସୁବର୍ଣ୍ଣ ଆୟତନ

Couplet 73

ଗଜ ତୁରଗ କନ୍ୟାଦାସୀତିଳ ପର୍ବତ ଧାନ୍ୟରାଶି

Couplet 74

ଭୋଗ୍ୟସମ୍ପୂର୍ଣ୍ଣ ସୁଖଶଯ୍ୟାବସ୍ତ୍ରଭୂଷଣ ବଳିଭୋଜା

Couplet 75

ଯଜ୍ଞେ ସୁବର୍ଣ୍ଣରଥ ଯେତେସଂଖ୍ୟାରେ କହିବି ମୁଁ ତୋତେ

Couplet 76

ଦେବମନ୍ଦିରେ ଜଳ ଅନ୍ନସୁମିଷ୍ଟ ପବିତ୍ର ଭୋଜନ

Couplet 77

ଏମନ୍ତେ ନାନା ଦାନ କରିକିଞ୍ଚିତେ ପାପ ମୁଁ ଆଚରି

Couplet 78

ବ୍ରାହ୍ମର ଦାମ ନେଲା ଗାଈଫିଟି ପଶିଲା ଗୋଷ୍ଠେ ଯାଇ

Couplet 79

ଅଜ୍ଞାନେ ନ ଜାଣି ପ୍ରଭାତେଦାନ ମୁଁ ଦେଲି ବିପ୍ରହସ୍ତେ

Couplet 80

ବ୍ରାହ୍ମଣ ଧେନୁ ଘେନି ଯାନ୍ତେବିପ୍ର ଦେଖିଲା ରାଜପଥେ

Couplet 81

ତା ନିଜ ଧେନୁ ଚିହ୍ନି ବଳେତକ୍ଷଣେ ଧଇଲା ଲାଙ୍ଗୁଳେ

Couplet 82

ବୋଇଲା ମୋର ଧେନୁ ଏହିହଜିଲା ଲୋଡୁଅଛି ମୁହିଁ

Couplet 83

ଶୁଣି ବ୍ରାହ୍ମଣ କୋପମନେବୋଲଇ ପରୁଷ ବଚନେ

Couplet 84

ପ୍ରତ୍ୟକ୍ଷେ ଘେନିଅଛି ଦାନଦେଖ ତୁ ଫେଡ଼ିଣ ନୟନ

Couplet 85

ଜଳ ତୁଳସୀ କୁଶ ହସ୍ତେତିଳ ହିଁ ଦେଖ ତୁ ପ୍ରତ୍ୟକ୍ଷେ

Couplet 86

ଏ ଧେନୁ କେମନ୍ତେ ତୋହରଶୁଣି ବୋଲଇ ବିପ୍ରବର

Couplet 87

ଧେନୁ ଶରୀରେ ମୋର ଲେଖତୋହର ଚକ୍ଷୁ ଥିଲେ ଦେଖ

Couplet 88

ଏମନ୍ତ କହି ଶୃଙ୍ଗ ଧରିଘେନି ଚଳିଲା ନିଜପୁରୀ

Couplet 89

ବ୍ରାହ୍ମଣ ଧରେ ଲାଞ୍ଜେ ଧେନୁଏମନ୍ତେ ଉପୁଜିଲା ମନ୍ୟୁ

Couplet 90

କଳି ଭିଆଇ ପଥ ମଧ୍ୟେପ୍ରହାର କଲେ ହସ୍ତପାଦେ

Couplet 91

ଏମନ୍ତ ଉଚ୍ଚବାଚ ହୋଇମିଳିଲେ ମୋର ପୁରେ ଯାଇ

Couplet 92

ବ୍ରାହ୍ମଣ ମୋର ମୁଖ ଚାହିଁବୋଲଇ କୋପଭର ହୋଇ

Couplet 93

ତୁ ମୋର ହସ୍ତେ ଧେନୁ ଦେଇଏବେ ହରିଲୁ କିସ ପାଇଁ

Couplet 94

ଉତ୍ସର୍ଗ-ଦାନ ଯେହୁ ହରେଅନ୍ତେ ନରକ ଭୋଗ କରେ

Couplet 95

ଯେ ବିପ୍ର ପ୍ରତିଗ୍ରହ ତ୍ୟାଗେସେହି ପଡ଼ଇ ଦୁଃଖଭାଗେ

Couplet 96

ଏମନ୍ତ ବିପ୍ର-ବାକ୍ୟ ଶୁଣିବଜ୍ର ପଡ଼ିଲା ଶିରେ ମଣି

Couplet 97

ମନେ ପାଇଲି ମହାଭୟକାତରେ କମ୍ପେ ମୋର କାୟ

Couplet 98

ଉଭୟ ସଙ୍କଟେ ମୁଁ ପଡ଼ିକରଯୁଗଳ ଶିରେ ଯୋଡି

Couplet 99

ବେନି ବିପ୍ରଙ୍କ ପାଦତଳେପ୍ରବୋଧ କଲି ନାନାମତେ

Couplet 100

ସଙ୍କଳ୍ପ ଲକ୍ଷେଧେନୁ କରିବୋଇଲି ବିପ୍ର ପାଦ ଧରି

Couplet 101

ଭୋ ବିପ୍ର ଲକ୍ଷେ ଧେନୁ ନେଇଏ ଧେନୁ ଗୋଟି ଦିଅ ତୁହି

Couplet 102

ତୁ ମୋତେ ଅନୁଗ୍ରହ କରଉଭୟ-ସଙ୍କଟୁ ଉଦ୍ଧର

Couplet 103

ନ ଜାଣି କଲି ଏଡେ଼ କର୍ମଭୋ ବିପ୍ର ରଖ ମୋର ଧର୍ମ

Couplet 104

ନକର ମନେ ଆନ ବୁଦ୍ଧିଦକ୍ଷିଣା ଦେବି ହେମ-ନିଧି

Couplet 105

ନରକପଥୁଁ ରଖ ମୋତେଏ ଧେନୁ ଦିଅ ତୋଷଚିତ୍ତେ

Couplet 106

ଶୁଣି ବୋଲଇ ପ୍ରତିଗ୍ରାହୀଲକ୍ଷକେ ମୋର କାର୍ଯ୍ୟ ନାହିଁ

Couplet 107

ଏମନ୍ତ ବୋଲି ବିପ୍ର ଗଲାଆନ ଯେ ପ୍ରତିଗ୍ରାହୀ ଥିଲା

Couplet 108

ଅୟୁତେ ଦେଲି ତାକୁ ଧେନୁତା ଦେଖି ବିପ୍ର କଲା ମନ୍ୟୁ

Couplet 109

ବୋଇଲି ଲକ୍ଷେ ନିଅ ତୁହିଶୁଣି କୋପିଲା ମୋତେ ଚାହିଁ

Couplet 110

ବୋଇଲା ପରୁଷ ବଚନେନିନ୍ଦା ତୁ କଲୁ ମହାଜନେ

Couplet 111

କୋପେ ଚଳିଲା ନିଜ ଘରେନିତ୍ୟେ ଆସଇ ମୋର ପୁରେ

Couplet 112

ପ୍ରତିଦିବସେ ବୋଧ କରିବୋଲଇ ବିପ୍ରପାଦ ଧରି

Couplet 113

କୋପେ ନ ଶୁଣେ ମୋ ବଚନଏମନ୍ତେ ଗଲା କେତେଦିନ

Couplet 114

ଭୋ ନାଥ ଶୁଣ ଜନାର୍ଦ୍ଦନକାଳେ ମୁଁ ଛାଡିଲି ଜୀବନ

Couplet 115

ମରଣକାଳେ ଯମଦୂତେମିଳିଲେ ମୋହର ଅଗ୍ରତେ

Couplet 116

ବନ୍ଧନ କରି ମୋର ଦେହୀଯମ ନିକଟେ ଦେଲେ ନେଇ

Couplet 117

ତକ୍ଷଣେ ରବିର ନନ୍ଦନଅନେକ କଲା ସନମାନ

Couplet 118

ପୁଣ୍ୟ-ପାତକ ବିଚାରିଲାଆନନ୍ଦେ ମୋତେ ଆଜ୍ଞା ଦେଲା

Couplet 119

ଶୁଣ ରାଜନ ପୁଣ୍ୟବନ୍ତକେ କରୁ ତୋର ପୁଣ୍ୟ ଅନ୍ତ

Couplet 120

କିଞ୍ଚିତ ପାପ ଅଛି ତୋରଯେ ଇଚ୍ଛା ଆଗେ ଭୋଗ କର

Couplet 121

ଶୁଭ-ଅଶୁଭ ଫଳ ଦୁଇନିଶ୍ଚୟ ଭୋଗ ସେ କରଇ

Couplet 122

ବ୍ରହ୍ମା-ଶଙ୍କର ଦେହ ଧରିଅନ୍ୟଥା ନ ପାରନ୍ତି କରି

Couplet 123

ଏମନ୍ତ ଯମବାକ୍ୟ ଶୁଣିଆପଣା ଚିତ୍ତେ ପରିମାଣି

Couplet 124

ଅନେକ ଅଛି ପୁଣ୍ୟ ରାଶିକିଞ୍ଚିତେ ପାତକ ପ୍ରକାଶି

Couplet 125

ଆଗ ଭୁଞ୍ଜିବି ପାପଭାରଏ ଦୁଃଖ ଘୋର ଭୟଙ୍କର

Couplet 126

ପଛେ ଭୁଞ୍ଜିବି ପୁଣ୍ୟ ମୁହିଁଯମ ବୋଇଲେ ଦୂତେ ରାଇ

Couplet 127

ବ୍ରହ୍ମସ୍ୱ-ସାପ ମହାଘୋରଏହାକୁ କୃକଲାଶ କର

Couplet 128

ବନ-ଗହନ ଅନ୍ଧକୂପେଅନେକ କାଳ ଥାଉ ପାପେ

Couplet 129

ଏମନ୍ତ ବୋଲୁଁ ବୋଲୁଁ ଯମଲଭିଲି କୃକଲାଶ ଜନ୍ମ

Couplet 130

ଆତ୍ମା-ସଂଯୋଗ କାଳେ ମୁହିଁଡାକିଲି କର ମୋତେ ତ୍ରାହି

Couplet 131

ତା ଶୁଣି ଯମ ଦୟା କଲାଡାକିଲି କର ମୋତେ ତ୍ରାହି

Couplet 132

ଏ ପାପଅନ୍ତେ ମହୀପାଳଭେଟିବୁ ମଦନଗୋପାଳ

Couplet 133

ସେ କୃଷ୍ଣ-କର ଲାଗି ତୁହିତକ୍ଷଣେ ଦିବ୍ୟତନୁ ବହି

Couplet 134

ସ୍ୱର୍ଗେ ବସିବୁ ପୁଣ୍ୟବଳେନିଜ ସୁକୃତ-ତପଫଳେ

Couplet 135

ଭୋନାଥ ତୋର ଆଜ୍ଞାବଳେକହିଲି ପଦ୍ମପାଦ ତଳେ

Couplet 136

ବିପ୍ରସେବକ ସମ ମତିତୋହର ପାଦେ ଚିତ୍ତବୃତ୍ତି

Couplet 137

ଏଣୁ ତୋହର ଦରଶନନିରତେ ଚିନ୍ତଇ ମୋ ମନ

Couplet 138

ଜାତି ସୁମରି ଦୁଃଖ ସହିଏ ଅନ୍ଧ ରୂପେ ପଡ଼ିଲଇଁ

Couplet 139

ଏବେ ଦେଖିଲି ତୋ ଶ୍ରୀମୁଖଖଣ୍ତିଲି ଜନ୍ମବନ୍ଧ-ଦୁଃଖ

Couplet 140

ଏ ପାପୁଁ ଉଦ୍ଧରିଲୁ ମୋତେକି ପୂଣ୍ୟେ ଦେଖିଲି ମୁଁ ତୋତେ

Couplet 141

ଭୋ ନାଥ ଚରଣ ତୋହରଯୋଗେଶ୍ୱରଙ୍କୁ ଅଗୋଚର

Couplet 142

ନିଜ ଅର୍ଜିତ ଦୃଢ଼ବନ୍ଧେପାପ-ପଟଳ-ଚକ୍ଷୁ ଅନ୍ଧେ

Couplet 143

ମୁଁ ଅନ୍ଧକୂପ ମଧ୍ୟେ ଥାଇଅନେକକାଳ ଦୁଃଖ ସହି

Couplet 144

ପାଇଲି ତବ ଦରଶନଭୋ ନାଥ ରଖ ଭଗବାନ

Couplet 145

ଯାର ଦର୍ଶନେ ବନ୍ଧ ମୋକ୍ଷସେ ମୋତେ ହୋଇଲା ପ୍ରତ୍ୟକ୍ଷ

Couplet 146

ତୁ ଦେବଦେବ ଜଗନ୍ନାଥସୁହୃଦ ଆତ୍ମା ଦଇବତ

Couplet 147

ଗୋବିନ୍ଦ ପୁରୁଷ-ପୁରାଣତୁ ହୃଷୀକେଶ ନାରାୟଣ

Couplet 148

ଅବ୍ୟୟ ଅଚ୍ୟୁତ ପ୍ରକାଶତୋର ଚରିତ ପୁଣ୍ୟଯଶ

Couplet 149

ଏବେ ତୁ ଆଜ୍ଞାଦିଅ ମୋତେନିଶ୍ଚିନ୍ତେ ଯିବି ପୁଣ୍ୟପଥେ

Couplet 150

ଯହିଁ ମୁଁ ଥିବି ବହିତୋର ଶରଣ ଭାବଗ୍ରାହୀ

Couplet 151

ତୋ ପାଦେ ମୋର ମନଥିବଯାହା ନ ପାନ୍ତି ବ୍ରହ୍ମା-ଶିବ

Couplet 152

ନମସ୍ତେ ସର୍ବଭୂତ-ଦେହୀବ୍ରହ୍ମ ଅନନ୍ତଶକ୍ତି ତୁହି

Couplet 153

ଶ୍ରୀକୃଷ୍ଣ ବସୁଦେବସୁତତୁ ଯୋଗେଶ୍ୱର ଯୋଗତତ୍ତ୍ୱ

Couplet 154

ଏମନ୍ତ କହି ନୃଗରାଜାକୃଷ୍ଣଚରଣେ କଲା ପୂଜା

Couplet 155

କିରୀଟ ଅଛି ଶିର ମଧ୍ୟେନମିଲା କୃଷ୍ଣ ପଦ୍ମପାଦେ

Couplet 156

ତକ୍ଷଣେ ବସି ଦିବ୍ୟରଥେବିଜୟ କଲା ଶୂନ୍ୟପଥେ

Couplet 157

ଦେଖନ୍ତି ଦିଗପାଳେ ମିଳିଜଳଦେ ଯେସନେ ବିଜୁଳି

Couplet 158

ରାଜା ମିଳିଲା ସ୍ୱର୍ଗପୁରେଗୋବିନ୍ଦ ଅନ୍ଧକୂପ ଦ୍ୱାରେ

Couplet 159

ସ୍ୱଜନ ଚାହିଁ ଜନାର୍ଦ୍ଦନବୋଲନ୍ତି ନିଗମ ବଚନ

Couplet 160

କ୍ଷତ୍ରୀୟ-ଶିକ୍ଷା ଧର୍ମବାଣୀଯେ ଧର୍ମଶାସ୍ତ୍ର ପରିମାଣି

Couplet 161

ବିପ୍ର-ବତ୍ସଳ ଦାମୋଦରବୋଲନ୍ତି ଶୁଣ ସର୍ବବୀର

Couplet 162

ଦେଖ ଦୁର୍ଜୟ ବ୍ରହ୍ମଧନଅନଳେ ନୁହଇ ଦହନ

Couplet 163

ରାଜ୍ୟଈଶ୍ୱର ରାଜା ହୋଇକେ ପାର କରେ ତାହା ଖାଇ

Couplet 164

ଗରଳ ହଳାହଳ ବିଷମୁଁ ତାହା ମଣଇ ଉଶ୍ୱାସ

Couplet 165

ଯାହାର ପ୍ରତିକାର ଥାଇତାର ଭକ୍ଷଣେ ଭୟ ନାହିଁ

Couplet 166

ବ୍ରହ୍ମସ୍ୱ ମହାବିଷ ହୋଇତାହାର ପ୍ରତିକାର ନାହିଁ

Couplet 167

ବିଷ ଭକ୍ଷିଲେ ଜଣେ ମରେବ୍ରହ୍ମସ୍ୱ ବଂଶନାଶ କରେ

Couplet 168

ଯେ ବନ ଦହଇ ଅନଳରକ୍ଷା କରଇ ତହିଁ ଜଳ

Couplet 169

ବ୍ରହ୍ମସ୍ୱ-ଅଗ୍ନି ଏ ସଂସାରେସମୁଳେ ବଂଶ ନାଶ କରେ

Couplet 170

ବ୍ରହ୍ମସ୍ୱ-ଅଗ୍ନି ତେଜ ଯେତେକେ ଲଘିଂ ପାରିବ ଜଗତେ

Couplet 171

ବାହ୍ମଣଧନ ଯେତୁ ଗ୍ରାସେତିନିପୁରୁଷ ତାର ନାଶେ

Couplet 172

ତାତ ଜନନୀ ବେନିବଂଶଉଭୟକୁଳ କରେ ନାଶ

Couplet 173

ଆତ୍ମା ସହିତେ କରେ ନାଶାଏ କଥା ଦେବରେ ପ୍ରକାଶ

Couplet 174

ବ୍ରାହ୍ମଣଧନ ଯେହୁ ହରେପଡେ଼ ନରକ ତମଘୋରେ

Couplet 175

କ୍ଷତ୍ରିୟ ରାଜପଣ ପାଇଆତ୍ମାର ଗତି ନ ଜାଣଇ

Couplet 176

ବ୍ରାହ୍ମଣଧନ ସ୍ୱାଦୁ ମଣିବଳେ ହରନ୍ତି ଯେତେ ପ୍ରାଣୀ

Couplet 177

ନିରତେ ସୁଖ ପ୍ରାୟ ମଣିପଢ଼ନ୍ତି ତମ-ତରଙ୍ଗିଣୀ

Couplet 178

ଅନ୍ନ ନ ପାଇ ବିପ୍ରଜନବିକଳେ କରନ୍ତି ରୋଦନ

Couplet 179

ବିପ୍ରରୋଦନ ଲୁହ ପଡ଼ିଭୂମିରେ ଯେତେ ରେଣୁ ଜଡ଼ି

Couplet 180

ତାବତ କଳ୍ପ ମହାଘୋରେନରକେ ପଡଇ ନିର୍ଭରେ

Couplet 181

ସେ ନିରଙ୍କୁ ହୋଇ ନର୍କେଅନ୍ତେ ପଡ଼ଇ କୁମ୍ଭୀପାକେ

Couplet 182

ସ୍ୱଦତ୍ତ-ପରଦତ୍ତ-ବୃତ୍ତିଯେ ଅଜ୍ଞାନେ ହରନ୍ତି

Couplet 183

ଷାଠିଏ-ସହସ୍ର-ବରଷବିଷ୍ଠାନେ କୃମି ରୂପେ ବାସ

Couplet 184

ମୋହର ବଂଶେ ଯେତେ ଜନବଳେ ହରିବେ ବିପ୍ରଧନ

Couplet 185

ତାହାର ନାହିଁ ଭଲ ଗତିହସି ବୋଲନ୍ତି ଶିରୀପତି

Couplet 186

ମୋହର ବଂଶେ ଯେତେ ଜନବିପ୍ରେ ନ କର ଅପମାନ

Couplet 187

ବ୍ରାହ୍ମଣେ କଲେ ଅପରାଧବେଗେ ବନ୍ଦିବ ତାଙ୍କ ପାଦ

Couplet 188

ମାରନ୍ତେ ଶନ୍ତିରେ ସହିବକେବେହେଁ କୋପ ନ କରିବ

Couplet 189

ବିପ୍ର ଗ୍ରାସିବ ଲୋଭେ ଯାହାସାତ୍ତ୍ୱିକମତେ ଦେବ ତାହା

Couplet 190

ମୁହିଁ ଯେମନ୍ତ ବିପ୍ରପାଦେସର୍ବଦା ନମଇଁ ଆନନ୍ଦେ

Couplet 191

ତୁମ୍ଭେ ନମିଦ ସେହିମତେନୋହିଲେ ଦଣ୍ତ ମୋର ହସ୍ତେ

Couplet 192

ଅପହରଣେ ବିପ୍ରଧାନନିଶ୍ଚୟେ ନରକେ ପତନ

Couplet 193

ଅଜ୍ଞାନେ ନୃଗରାଜା ହରିଏତେ ନରକ ଭୋଗ କରି

Couplet 194

ଯେଣୁ ତାହାର ପୂଣ୍ୟ ଥିଲାମୋହର ହସ୍ତେ ସେ ଲାଗିଲା

Couplet 195

ଦେଖିଲ ତୁମ୍ଭେ ମୋର ଆଗେକହି ଚଳିଲା ସ୍ୱର୍ଗମାର୍ଗେ

Couplet 196

ଏମନ୍ତ କହି ନିଜ ଜନେମୁକୁନ୍ଦ ମିଳିଲେ ସଦନେ

Couplet 197

ଯାହାର ନାମ ପାପବନଶ୍ରବଣେ କରଇ ଦହନ

Couplet 198

ଶୁଣ ହୋ ଅଭିମନ୍ୟୁବାଳସାଧୁଙ୍କ ଦରଶନ ଫଳ

Couplet 199

ନୃଗ ନରକୁ ପାର ହେଲାଦେବଭବନେ ଭୋଗ କଲା

Couplet 200

ସାଧୁଙ୍କ ମୁଖ ଦରଶନଯେ କରେ ଶ୍ରବଣ କୀର୍ତ୍ତନ

Couplet 201

ସ୍ତୁତିବଚନ ଅଙ୍ଗସଙ୍ଗପବିତ୍ରକରେ ନିଜ ଅଙ୍ଗ

Couplet 202

ଲଭେ କୋଟିଏ ତୀର୍ଥଫଳଯେ କରେ ସାଧୁସଙ୍ଗେ ମେଳ

Couplet 203

ତୁ ଏହା ଜାଣି ସାଧୁମେଳେଏ କାଳ ବଞ୍ଚ ସୁଖଭୋଳେ

Couplet 204

ବ୍ରାହ୍ମଣଧନ ତୁ ନ ହରଅମୃତେ ଯେବେ ତୋର

Couplet 205

ବୋଲଇ ବିପ୍ର ଜଗନ୍ନାଥନିବେଶି କୃଷ୍ଣପାଦେ ଚିତ୍ତ

Couplet 206

ଭବଜଳଧି ମଧ୍ୟେ ଥାଇଭାବ ଅଭାବ ନ ଜାଣଇ

Couplet 207

ସୁଜନେ କୃଷ୍ଣପାଦେ ରସକହଇ ଜଗନ୍ନାଥ ଦାସ