Adhyaya 66

Couplet 1

ବୋଲନ୍ତି ବ୍ୟାସଙ୍କର ସୁତଶୁଣ ରାଜନ ପରୀକ୍ଷିତ

Couplet 2

କୃଷ୍ଣ ବରିଲେ ଯେତେ ନାରୀରୁକ୍ମିଣୀଦେବୀ ଆଦି କରି

Couplet 3

ତାହାଙ୍କ ଗର୍ଭେ ଯେତେ ଜାତହୋଇଲେ ଗୋବିନ୍ଦର ସୁତ

Couplet 4

ହରିର ବଂଶ ସଂଖ୍ୟା କରିକେ କହୁ ନରଦେହ ଧରି

Couplet 5

ପ୍ରଦ୍ୟୁମ୍ନ ଆଦି ପୁତ୍ର ଯେତେପ୍ରଧାନେ କହିବଇଁ କେତେ

Couplet 6

କନ୍ୟା କେ ଦଶ ଦଶ ସୁତଅପରେ ଏକଇ ଦୁହିତ

Couplet 7

କୃଷ୍ଣର ପ୍ରାୟ ରୂପଗୁଣଏବେ ହୋ ସାବଧାନେ ଶୁଣ

Couplet 8

କନ୍ୟାଏ କୃଷ୍ଣ ପାଦଗତେସେବା କରନ୍ତି ଅନୁବ୍ରତେ

Couplet 9

ତାହାଙ୍କ ପୁରୁ ଦାମୋଦରଦଣ୍ତେ ହେଁ ନୁହନ୍ତି ଅନ୍ତର

Couplet 10

ଦେଖି ଗୋବିନ୍ଦ ସ୍ନେହଭାବଆତ୍ମାକୁ ମଣିଲେ ଦୁର୍ଲ୍ଲଭ

Couplet 11

କୃଷ୍ଣ ମହିମା ନ ଜାଣନ୍ତିସ୍ୱାମୀର ପ୍ରାୟ ସେ ମଣନ୍ତି

Couplet 12

କାହୁଁ ଜାଣିବେ କୃଷ୍ଣଭାବଯେ ବ୍ରହ୍ମାଶଙ୍କରେ ଦୁର୍ଲ୍ଲଭ

Couplet 13

ଶୋଭାରେ ଜଗତମୋହିନୀବିଶେଷେ କୃଷ୍ଣର କାମିନୀ

Couplet 14

କୃଷ୍ଣର ମାୟାର ବେଭାରେଭ୍ରମନ୍ତି ବ୍ରହ୍ମା-ଶିବ-ସୁରେ

Couplet 15

ଚାରୁକମଳ-କୋଷବର୍ଣ୍ଣନିର୍ମଳ ମୋହ୍ନ ବଦନ

Couplet 16

ବିସ୍ତାର ଭୁଜନେତ୍ର ବେନିପ୍ରେମହସିତ ରସ ଘେନି

Couplet 17

ସପ୍ରେମ ଦୃଷ୍ଟି ମର୍ମବାଣୀଏ ଭାବେ ମୋହିତ ତରୁଣୀ

Couplet 18

ଯୁବତୀଗଣେ କୃଷ୍ଣମନମୋହନେ ନୋହିଲେ ଭାଜନ

Couplet 19

ଯେ ହରି ସର୍ବ ପରିପୂର୍ଣ୍ଣରୂପ ଅରୂପ ନିରଞ୍ଜନ

Couplet 20

ଯୁବତୀମାନେ ଅନୁଦିନସକାମେ ସସ୍ମିତ ବଦନ

Couplet 21

କଟାକ୍ଷ ଦୃଷ୍ଟି ପ୍ରେମଭାବଆତ୍ମାକୁ ମଣିଲେ ଦୁର୍ଲ୍ଲଭ

Couplet 22

ଅନଙ୍ଗବାଣ ଆଣ୍ଟେ ଟାଣିବିନ୍ଧନ୍ତି କୃଷ୍ଣର ତରୁଣୀ

Couplet 23

ସ୍ୱଭାବେ ହରିର ଭାବିନୀଶୁଦ୍ଧ ସୁରତ ଭାବ ଘେନି

Couplet 24

ଷୋଳସହସ୍ର ପରିହାସେକୃଷ୍ଣର ଚିତ୍ତ ପ୍ରେମପାଶେ

Couplet 25

ବନ୍ଧନେ ନୋହିଲେ ଭାଜନତେଣୁ ନ ଘଟେ ଅନୁମାନ

Couplet 26

ରମାରମଣ ଜଗନ୍ନାଥତାହାଙ୍କୁ ପାଇ ନିଜ କାନ୍ତ

Couplet 27

ବ୍ରହ୍ମାଦି ଦେବମୁନି ଯତିଯାର ମାୟାରେ ମୋହ ଯାନ୍ତି

Couplet 28

ସେ ହରି ସଙ୍ଗତେ ଯୁବତୀଆନନ୍ଦେ ନିରତେ ରମନ୍ତି

Couplet 29

ନବ-ସଂଗମେ ପ୍ରିୟଭାବନିତ୍ୟେ ବର୍ଦ୍ଧିତ ଅନୁରାଗ

Couplet 30

ସେବନ୍ତି କୃଷ୍ଣର ଚରଣେଯୁବତୀ ଭାବ ଆଚରଣେ

Couplet 31

କୃଷ୍ଣର ଆଗମନ ଦେଖିଉଠନ୍ତି ଆସନ ଉପେକ୍ଷି

Couplet 32

କେତେହେଁ ଦୂର ବେଗେ ଯାଇକୃଷ୍ଣର ହସ୍ତେ ହସ୍ତ ଦେଇ

Couplet 33

ସକାମ ଲାଳସେ ତରୁଣୀକୃଷ୍ଣଙ୍କୁ ନିଜ ଗୃହେ ଆଣି

Couplet 34

ସୁବର୍ଣ୍ଣ ଆସନେ ବସାଇବେନି ଚରଣ ହସ୍ତେ ଧୋଇ

Couplet 35

ସୁଗନ୍ଧ ଲେପି କୃଷ୍ଣ ଅଙ୍ଗେଚାମର ପକାନ୍ତି ସୁରଙ୍ଗେ

Couplet 36

ବିଶ୍ରାନ୍ତ କରି ନିଜ ପତିସୁଗନ୍ଧେ କୁସୁମେ ପୂଜନ୍ତି

Couplet 37

କେଶ ପ୍ରସାଧନ ରଞ୍ଜନେସେବନ୍ତି ସ୍ନାହାନ ଭୋଜନେ

Couplet 38

ଏମନ୍ତେ କୃଷ୍ଣର ଚରଣେସେବନ୍ତି ସେବକୀ ପ୍ରମାଣେ

Couplet 39

କନ୍ୟାକେ ଶତ ଶତ ନାରୀପାଶେ ଖଟନ୍ତି ତାହାଙ୍କରି

Couplet 40

ତଥାପି ସ୍ୱାମୀର ଚରଣେସେବନ୍ତି ସେବକୀ ପ୍ରମାଣେ

Couplet 41

ଏବେ ହୋ ଶୁଣ ନରପତିକୃଷ୍ଣର ଯେତେକ ଯୁବତୀ

Couplet 42

ତହିଁରେ ଶ୍ରେଷ୍ଠ ଅଷ୍ଟନାରୀରୁକ୍ମିଣୀଦେବୀ ଆଦିକରି

Couplet 43

ଏକ କନ୍ୟାକେ ଦଶସୁତତାହାଙ୍କ ଉଦରୁ ସମ୍ଭୂତ

Couplet 44

ଷୋଳସହସ୍ର ଏକଶତେପୂର୍ବେ ମୁଁ କହିଅଛି ତୋତେ

Couplet 45

ତାହାଙ୍କ ଗର୍ଭୁ ସେହିମତଏକ ଦୁହିତା ଦଶପୁତ୍ର

Couplet 46

ଜନ୍ମ ହୋଇଲେ କୃଷ୍ଣବୀର୍ଯ୍ୟେକି ପଟାନ୍ତର ଦେବା ତେଜେ

Couplet 47

ସୁର-ସୁନ୍ଦର ସର୍ବଗୁଣେସୃଷ୍ଟିର ଦୁଷ୍ଟ ସଂହାରଣେ

Couplet 48

ସର୍ବେ ଦିଶନ୍ତି କୃଷ୍ଣତେଜଏବେ ହୋ ଶୁଣ ମହାରାଜ

Couplet 49

ହରିର ବଂଶ ସଂଖ୍ୟା କରିକେ କହିପାରେ ଦେହ ଧରି

Couplet 50

ଅଷ୍ଟକନ୍ୟାଙ୍କ ପୁତ୍ର ଯେତେପ୍ରମାଣି କହିବି ମୁଁ ତୋତେ

Couplet 51

ସେ କଥା ଶୁଣ ନରନାଥରୁକ୍ମିଣୀ ଗର୍ଭୁ ଯେତେ ପୁତ୍ର

Couplet 52

ପ୍ରଦ୍ୟୁମ୍ନ ଚାରୁଦେଷ୍ଣ ଆଦିସୁଦେଷ୍ଣ ତୃତୀୟ ପ୍ରସିଦ୍ଧି

Couplet 53

ଚତୁର୍ଥ ପୁତ୍ର ଚାରୁଦେହଏହାଙ୍କ ବଳ ଅପ୍ରମେୟ

Couplet 54

ସୁଚାରୁ ଚାରୁଗୁପ୍ତ ବେନିସପ୍ତମେ ଭଦ୍ରଚାରୁ ଘେନି

Couplet 55

ଚାରୁଚନ୍ଦ୍ର ବିଚାରୁ ନାମଚାରୁ ସହିତେ ଏ ଦଶମ

Couplet 56

ରୁକ୍ମିଣୀ ଗର୍ଭୁ ଏ ସମ୍ଭୂତକୃଷ୍ଣର ପ୍ରାୟ ନେତ୍ର ଗାତ୍ର

Couplet 57

ସତ୍ୟଭାମାର ଯେତେ ସୁତଏବେ ହୋ ଶୁଣ ନରନାଥ

Couplet 58

ପ୍ରଥମେ ଭାନୁ ଯେ ସୁଭାନୁତୃତୀୟ ସ୍ୱର୍ଭାନୁ ପ୍ରଭାନୁ

Couplet 59

ଭାନୁମାନ ଯେ ଚନ୍ଦ୍ରଭାନୁବୃହଦ୍ଭାନୁ ଯେ ଅତିଭାନୁ

Couplet 60

ଶ୍ରୀଭାନୁ ପ୍ରତିଭାନୁ ଶେଷଏ ସତ୍ୟଭାମା ପୁତ୍ର ଦଶ

Couplet 61

ରକ୍ଷ ନନ୍ଦିନୀ ଜାମ୍ବବତୀଶୁଣ ତୁ ତାହାର ସନ୍ତତି

Couplet 62

ଶାମ୍ବ ସୁମିତ୍ର ପୁରୁଜିତସହସ୍ରଜିତ ଶତଜିତ

Couplet 63

ବିଜୟ ପୁଣି ଚିତ୍ରକେତୁଦ୍ରବିଡ଼ ବସୁମାନ କ୍ରତୁ

Couplet 64

ସତ୍ୟାର ପୁତ୍ର ଶୁଣ ଏବେତୋତେ କହିବି ପ୍ରିୟଭାବେ

Couplet 65

ବୀର ଚନ୍ଦ୍ର ଯେ ଅଶ୍ୱସେନଚିତ୍ରଗୁବୃକ୍ଷ ବେଗବାନ

Couplet 66

ଶ୍ରୀମାନ-ଶଙ୍କୁ ବସୁ ଆମକୁନ୍ତି ସହିତେ ଏ ଦଶମ

Couplet 67

ସାଧୁ-ସୁନ୍ଦର-ଶ୍ରୁତ କବିତୃତୀୟେ ବୃଷ ଅନୁଭବି

Couplet 68

ବୀର ସୁବାହୁ ଭଦ୍ର-ଏକଶାନ୍ତି ଅଷ୍ଟମ ଯେ ସୋମକ

Couplet 69

ଦରଶ ପୂର୍ଣ୍ଣମାସ ଶେଷକାଳିନ୍ଦୀପୁତ୍ର ଏ ଯେ ଦଶ

Couplet 70

ପ୍ରଘୋଷ ଗାତ୍ରବାନ ବଳସିଂହ ଉର୍ଦ୍ଧ୍ୱଗ ଯେ ପ୍ରବଳ

Couplet 71

ମହାଶକ୍ତି ଯେ ସହ ଓଜଅପରାଜିତ ଯେ ଆତ୍ମଜ

Couplet 72

ଲକ୍ଷ୍ମଣା ଦଶପୁତ୍ର ଏହିଶୁଣ ରାଜନ ମନଦେଇ

Couplet 73

ଏହାଙ୍କ ମହିମା ଏମନ୍ତଶୁଣ ତୁ ମିତ୍ରବିନ୍ଦା ସୁତ

Couplet 74

ବୃକ ହର୍ଷ ଅନିଳ ଗୃଧ୍ରବର୍ଦ୍ଧନ ଆବର ଅନ୍ନାଦ

Couplet 75

ମହାଶ ପାବନ ଯେ ବହ୍ନିକ୍ଷୁଧି ସହିତେ ଦଶ ଘେନି

Couplet 76

ଏ ସର୍ବେ ମିତ୍ରବିନ୍ଦାସୁତଏବେ ହୋ ଶୁଣ ଭଦ୍ରା ସୁତ

Couplet 77

ସଂଗ୍ରାମଜିତ ବୃହତ୍ସେନଶୁଭ ସତ୍ୟକ ପ୍ରହରଣ

Couplet 78

ଜୟ ସୁଭଦ୍ର ଅରିଜିତବାମ ଆୟୁ ଏ ଦଶସୁତ

Couplet 79

ଏମନ୍ତେ ଅଷ୍ଟପାଟରାଣୀଷୋଳସହସ୍ର ମଧ୍ୟେ ଗଣି

Couplet 80

ଦୀପ୍ତିମାନ ଯେ ତାମ୍ରତପ୍ତରୋହିଣୀ ଗର୍ଭେ କୃଷ୍ଣସୁତ

Couplet 81

ଏମନ୍ତେ କୃଷ୍ଣପତ୍ନୀ ଯେତେପୁତ୍ର ପୁତ୍ରୀ ଯେ ଅପ୍ରମିତେ

Couplet 82

ଅନଙ୍ଗ ଅନୁରୂପେ ଜାତପ୍ରଦ୍ୟୁମ୍ନ ରୁକ୍ମିଣୀର ସୁତ

Couplet 83

ରୁକ୍ମୀ କୁମାରୀ ରୁକ୍ମବତୀସାଧ୍ୱୀ ଲକ୍ଷଣା ଶୁଦ୍ଧମତି

Couplet 84

ତାହାକୁ ସ୍ୱୟମ୍ବର ମଧ୍ୟେପ୍ରଦ୍ୟୁମ୍ନ ହରିଲା ବିବାଦେ

Couplet 85

ରାଜାଙ୍କ ବଳ ଦର୍ପ ହରିକନ୍ୟା ପ୍ରଦ୍ୟୁମ୍ନେ ବିଭା କରି

Couplet 86

ସେ କନ୍ୟା ଗର୍ଭେ ପୁତ୍ର ଜାତଯା ନାମ ଅନିରୁଦ୍ଧ ଖ୍ୟାତ

Couplet 87

ଏମନ୍ତ ପରୀକ୍ଷତ ଶୁଣିଆନନ୍ଦ ମନେ ପରିମାଣି

Couplet 88

ବୋଲଇ ମଧୁର ବଚନଶୁଣ ହେ ବ୍ୟାସଙ୍କ ନନ୍ଦନ

Couplet 89

ଏ ବଡ଼ କଉତୁକ ବାଣୀସନ୍ଦେହ ଲାଗିଲା ତ ଶୁଣି

Couplet 90

ରୁକ୍ମୀ ଯେ କୃଷ୍ଣର ବଇରୀସଂଗ୍ରାମ କାଳେ ଅଛି ହାରି

Couplet 91

କେମନ୍ତେ ରିପୁସୁତେ ବରିବିବାହ ଦେଲା ତା କୁମାରୀ

Couplet 92

ଯେ ନିତ୍ୟେ ମୋହ ବୁଦ୍ଧି ଗାଢେ଼କୃଷ୍ଣ ମରଣ ଛିଦ୍ର ଲୋଡେ଼

Couplet 93

ମାରିବା ପାଇଁ କରେ ଆଶସେ କାହିଁ ବିବାହେ ବିଶ୍ୱାସ

Couplet 94

ଉଭୟେ ବଇରୀ ବିରୋଧକେମନ୍ତେ ବିବାହ ସମ୍ବନ୍ଧ

Couplet 95

ଭୂତ ଭବିଷ୍ୟ ବର୍ତ୍ତମାନେଏକଥା ନ ଘଟଇ ମନେ

Couplet 96

ବଇରୀ ଭାବେ ବନ୍ଧୁ କାହିଁଉତ୍ତମ ଲୋକେ ଛନ୍ତି କହି

Couplet 97

କହନ୍ତି ଶୁକ ମୁନିବରଶୁଣ ହୋ ରୁକ୍ମୀର ବେଭାର

Couplet 98

କୃଷ୍ଣର ତହିଁ ଅପମାନେବଇରୀ ଭାବ ଅଛି ମନେ

Couplet 99

ତଥାପି ଭଗିନୀର ସୁତଭଣଜା ପଣେ ବରପାତ୍ର

Couplet 100

କୁଳ ବେଭାର ଏହିମତେଦେଲା ଭଗିନୀ ପ୍ରିୟଅର୍ଥେ

Couplet 101

ରୁକ୍ମିଣୀ ସୁତା ଅନୁପମଯାହାର ଚାରୁମତୀ ନାମ

Couplet 102

ବଳୀ ଯେ କୃତବର୍ମା ସୁତତାରେ ବରିଲେ ଯଦୁନାଥ

Couplet 103

ରୁକ୍ମୀପୁତ୍ରର କନ୍ୟା ଥିଲାଅନିରୁଦ୍ଧକୁ ବିଭା ଦେଲା

Couplet 104

କୃଷ୍ଣର ବଇରୀ ଯୁକତେଦେଲା ରୁକ୍ମିଣୀ ପ୍ରିୟଅର୍ଥେ

Couplet 105

ଅଧର୍ମ ଶାସ୍ତ୍ର ଏ ବିଚାରିତଥାପି ଦେଲା ସ୍ନେହଭରି

Couplet 106

ତାର ବିବାହକାଳେ ହରିରାମ ରୁକ୍ମିଣୀ ଆଦି କରି

Couplet 107

ଶାମ୍ବ ପ୍ରଦ୍ୟୁମ୍ନ ଆଦି ସୁତେଯାଦବ ସଇନ୍ୟ ସହିତେ

Couplet 108

ବିବାହ ସାରି ତାର ପୁରେଯେମନ୍ତେ କୁଟୁମ୍ବ ବେଭାରେ

Couplet 109

ବିବାହର ସାରି ତାର ପୁରେଯେମନ୍ତ କୁଟୁମ୍ବ ବେଭାରେ

Couplet 110

ତାର ବିବାହେ ବିପରୀତଶୁଣ ରାଜନ ପରୀକ୍ଷିତ

Couplet 111

ଉତ୍ସବ ଅନ୍ତେ ଏକଦିନେବିବାହେ ଥିଲେ ଯେ ରାଜନେ

Couplet 112

କଳିଙ୍ଗରାଜ ଆଦି ଯେତେବିଚାର କରନ୍ତେ ଏକାନ୍ତେ

Couplet 113

ଆଜ ସଭାର ମଧ୍ୟେ ବସିରୋହିଣୀନନ୍ଦନେ ବିଶ୍ୱାସି

Couplet 114

ଆନନ୍ଦେ ପଶାଖେଳ କରିଛଳେ ଜିଣିବା ହଳଧାରୀ

Couplet 115

ଖେଳ ନ ଜାଣେ ବଳରାମଜିଣିବା ଗଜ ଧନ ଗ୍ରାମ

Couplet 116

ରୁକ୍ମିର ସଙ୍ଗେ ଖେଳାଇବାଆମ୍ଭେ ନିକଟେ ବସିଥିବା

Couplet 117

ଏତେ ବିଚାରି ଖେଳ କଲେକପଟେ ରାମଙ୍କୁ ଆଣିଲେ

Couplet 118

ସଭାର ମଧ୍ୟେ ଖେଳ କରିସୁଖେ ଖେଳନ୍ତି ହଳଧାରୀ

Couplet 119

ପ୍ରଥମେ ଲକ୍ଷ ଲକ୍ଷ ପଣଯେମନ୍ତେ ଖେଳର ଭିଆଣ

Couplet 120

ରାମ ପାତିଲେ ପଶାଦାନଜିଣିଲା ଭୀଷ୍ମକନନ୍ଦନ

Couplet 121

ପାଶେ ଯେ ଥିଲା ଦନ୍ତବକ୍ରସ୍ୱଭାବେ କରିଅଛି ଚକ୍ର

Couplet 122

ହସିଲା ରାମମୁଖ ଚାହିଁବିକଟ-ଦର୍ଶନ ଦେଖାଇ

Couplet 123

ଖେଳର ସ୍ୱଭାବ ଏମନ୍ତକୋପ ନ କଲେ ହଳହସ୍ତ

Couplet 124

ଲକ୍ଷକୁ ଦଶଗୁଣ କରିହୁଡ଼ ଧରିଲେ ହଳଧାରୀ

Couplet 125

ସେବେଳେ ହଳଧର ଜିଣିରୁକ୍ମୀ ବୋଇଲା ଏହୁ ବାଣୀ

Couplet 126

ମୁହିଁ ଜିଣିଲି ଏତେ ଧନଭୋ ରାମ ପୁଚ୍ଛ ସଭାଜନ

Couplet 127

ସେଠାରେ ଯେତେ ରାଜା ଥିଲେରୁକ୍ମୀ ଯେ ଜିଣିଲା ବୋଇଲେ

Couplet 128

ଏମନ୍ତେ କଇତବ କଲାରାମର କୋପ ଉପୁଜିଲା

Couplet 129

ଜଳଧି ଯେହ୍ନେ ପର୍ବକାଳେଉଛୁଳେ ବହୁତ କଲ୍ଲୋଳେ

Couplet 130

ସ୍ୱଭାବେ ଅରୁଣ ଲୋଚନକୋପେ ବୋଲନ୍ତି ବଳରାମ

Couplet 131

ଏବେ ମୋହର ପଣ ଶୁଣହୁଡ଼ିଲି ଦଶକୋଟି ଧନ

Couplet 132

ଏତେକ ସୁବର୍ଣ୍ଣ ମୋହରକୋପେ ବୋଲନ୍ତି ହଳଧର

Couplet 133

ଏମନ୍ତେ ଖେଳପୀଢ଼ କରିଦାନ ପାତିଲେ ହଳଧାରୀ

Couplet 134

ଧର୍ମେ ଜିଣିଲେ ବଳରାମକପଟେ ବୋଇଲା ରୁକ୍ମଣ

Couplet 135

ଏ ବେଳେ ଜିଣିଲିଟି ମୁହିଁପଚାର ସଭାମଧ୍ୟେ ତୁହି

Couplet 136

ସେକଥା ଦନ୍ତବକ୍ର ଶୁଣିବୋଇଲା ମୁହିଁ ଅଛି ଜାଣି

Couplet 137

ଏବେଳେ ଜିଣିଲା ରୁକ୍ମଣସୁବର୍ଣ୍ଣ ଯେତେ ପୀଢ଼ ପୁଣ

Couplet 138

ରୋହିଣୀସୁତ ତାହା ଶୁଣିକପାଳକଣ୍ଟି ହେଲେ ତୁନି

Couplet 139

ସେକାଳେ ଅନ୍ତରୀକ୍ଷ ବାଣୀଶୁଭିଲା ରାମ ଏହା ଜିଣି

Couplet 140

କପଟ କରଇ ରୁକ୍ମଣଏମନ୍ତ ଆକାଶ ବଚନ

Couplet 141

ଧର୍ମବଚନ ନିନ୍ଦା କରିରୁକ୍ମୀ ବୋଲଇ କୋପଭରି

Couplet 142

ଏମନ୍ତ ଶୁଣିଲାତ ନାହିଁଜିଣିଲି ସଭାମଧ୍ୟେ ମୁହିଁ

Couplet 143

ଦୁଷ୍ଟ ରାଜନେ ତାହା ଶୁଣିବୋଲନ୍ତି ଏହୁ ଅଛି ଜିଣି

Couplet 144

ଶୁଣି ରୁକ୍ମଣ କଲା ହାସଯେଣୁ ଆବୃତ୍ତ କାଳପାଶ

Couplet 145

ବୋଲଇ ପରୁଷ ବଚନତୁମ୍ଭେ ଯେ ଅଟ ଜାତିହୀନ

Couplet 146

ତୁମ୍ଭେ ଜାଣିବ ଖେଳ କାହିଁବନେ ଗୋପାଳମେଳେ ଥାଇ

Couplet 147

ସ୍ୱଭାବେ ତୁମ୍ଭେ ବନ୍ୟଲୋକନ ଜାଣ ପଶା-କଉତୁକ

Couplet 148

ଗୋରୁ ଚରାଇ ଗଲା ଦିନତୁମ୍ଭର ଏଣେ କାହିଁ ଜ୍ଞାନ

Couplet 149

ଖେଳ ଜଣନ୍ତି ରାଜସୁତେସଂଗ୍ରାମେ ଜୟ ଏହୁ ମତେ

Couplet 150

ପଶା ଦେଖିଲା ତୁମ୍ଭ ନାହିଁରୁକ୍ମୀ ବୋଇଲା ରାମେ ଚାହିଁ

Couplet 151

ଏମନ୍ତେ ରୁକ୍ମୀର ବଚନଶୁଣି ହସିଲେ ସଭାଜନ

Couplet 152

ରାମ କୋପିଲେ ତାହା ଶୁଣିପରିଘ ଶସ୍ତ୍ର କରେ ଘେନି

Couplet 153

ରୁକ୍ମୀର ମୁଣ୍ତେ ଘୋରନାଦେପ୍ରହାର କଲେ ସଭାମଧ୍ୟେ

Couplet 154

ତଳେ ଯେ ଥିଲା ପଶାକାଠିରାମ ଘେନିଲେ କୋପଦୃଷ୍ଟି

Couplet 155

ସଭାର ଅପମାନ ଦୁଃଖେପିଟିଲେ ଦନ୍ତବକ୍ର ମୁଖେ

Couplet 156

ବଜ୍ରସମାନ ପଶାକାଠିବାଜି ଝଡ଼ିଲା ଦନ୍ତପାଟି

Couplet 157

ଯେ ଦନ୍ତେ ରାମଙ୍କୁ ହସିଲାସେ ଭାଜି ଭୂମିରେ ପଡ଼ିଲା

Couplet 158

ରୁଧିର ଗଳେ ତାର ତୁଣ୍ତେଗୋଳ ଶୁଭିଲା ରାଜଦାଣ୍ତେ

Couplet 159

ରାମର ଅକ୍ଷକ୍ରୀଡ଼ା କାଳେଦୁଷ୍ଟେ ଯେ ଥିଲେ ସଭାମେଳେ

Couplet 160

ରାମର ଶସ୍ତ୍ରେ ଖଣ୍ତ ଖଣ୍ତଛିଡ଼ିଲା ଭୁଜ ଊରୁ ମୁଣ୍ତ

Couplet 161

ଅଙ୍ଗ ରୁଧିର ରଙ୍ଗବେଶେପଳାଇଗଲେ ନିଜ ଦେଶେ

Couplet 162

ରୁକ୍ମୀର ହତ କୃଷ୍ଣ ଦେଖିଭାଳି ବୁଜିଲେ ବେନି ଆଖି

Couplet 163

ରାମ ରୁକ୍ମିଣୀ ସ୍ନେହଭଙ୍ଗଭୟେ ମଉନ ଶିରୀରଙ୍ଗ

Couplet 164

ତକ୍ଷଣେ ପ୍ରଭୁ ଭଗବାନଆରୋହୀ ନନ୍ଦୀଘୋଷ ଯାନ

Couplet 165

ବରକନ୍ୟାଙ୍କୁ ଘେନି ସଙ୍ଗେଦ୍ୱାରକା ବିଜେକଲେ ରଙ୍ଗେ

Couplet 166

ରାମ ଯାଦବ ଆଦି ଯେତେଗମିଲେ କୃଷ୍ଣ ଅନୁପଥେ

Couplet 167

ସେ ରାମକୃଷ୍ଣ ପାଦଗତନମଇ ଦାସ ଜଗନ୍ନାଥ