Adhyaya 63

Couplet 1

ଏବେ ହୋ ଶୁଣ ନରନାଥଶ୍ରୀକୃଷ୍ଣଲୀଳା ଭାଗବତ

Couplet 2

ଅବନ୍ତୀପୁରେ ବେନିଭାଇବିନ୍ଦାନୁବିନ୍ଦ ନାମ ବହି

Couplet 3

ସେ ଦୁର୍ଯ୍ୟୋଧନର ବିଶ୍ୱାସେପ୍ରଜା ପାଳନ୍ତି ନିଜେ ଦେଶେ

Couplet 4

ମିତ୍ରବିନ୍ଦା ଯେ କନ୍ୟାସାରବହେଣୀ ଥିଲା ତାହାଙ୍କର

Couplet 5

ନବମସ୍କନ୍ଧେ ମୁହିଁ ତୋତେକହିଛି ବଂଶାନୁଚରିତେ

Couplet 6

ଶୂର ଯାଦବକୂଳେ ଜାତଥିଲା ତା ପାଞ୍ଚ ଯେ ଦୁହିତ

Couplet 7

ପାଞ୍ଚ ଦୁହିତା ମଧ୍ୟେ ସାରରାଜାଧିଦେବୀ ନାମ ଯାର

Couplet 8

ତାର କୁମାରୀ ଅନୁପମସୁନ୍ଦର ମିତ୍ରବିନ୍ଦା ନାମ

Couplet 9

ତାହାର ସ୍ୱୟଂମ୍ବର କାଳେମିଳିଲେ ନୃପତି ସକଳେ

Couplet 10

ଗୋବିନ୍ଦଗଲେ ତାହା ଶୁଣିସଙ୍ଗେ ଯାଦବ ବଳ ଘେନି

Couplet 11

କନ୍ୟାର ସ୍ୱୟମ୍ବର କାଳେରାଜକୁମାରମାନେ ଥିଲେ

Couplet 12

ସେ ବେନିଭାଇ ରାଜା ମେଳେକନ୍ୟାକୁ ଯେତେ ନିଷେଧିଲେ

Couplet 13

ସେ କନ୍ୟା କୃଷ୍ଣଙ୍କୁ ବରିଲାଅନେକ ଗୋଳ ଉପୁଜିଲା

Couplet 14

ତାହାର ସ୍ୱୟମ୍ବର କାଳେକୃଷ୍ଣ ହରିଲେ ତାକୁ ବଳେ

Couplet 15

ଦେକନ୍ତି ରାଜପୁତ୍ରେ ମିଳିରଥେ ବସାଇ ବନମାଳୀ

Couplet 16

ଦ୍ୱାରକାପଥେ ବିଜେ କଲେଶଙ୍ଗ ଦୁନ୍ଦୁଭି ସୁମଙ୍ଗଳେ

Couplet 17

କୃଷ୍ଣର ଭଗ୍ନୀ ସେ ଯୁକ୍ତେଜନ ବେଭାର କୁଳ ମତେ

Couplet 18

ଏବେ ହୋ ଶୁଣ ନୃପମଣିଯେମନ୍ତ କାଲେ ଚକ୍ରପାଣି

Couplet 19

କୋଶଳରାଜ୍ୟେ ନରନାଥଧାର୍ମିକ ନାମେ ନଗ୍ନଜିତ

Couplet 20

ତାର ଦୁହିତା ସତ୍ୟା ନାମରୂପେ ସୁନ୍ଦର ଅନୁପମ

Couplet 21

ନୃପତି ତାର ସ୍ୱୟମ୍ବରନିୟମ କଲା ଗୁରୁତରେ

Couplet 22

ସପ୍ତ ବୃକ୍ଷଭ ପୁରେ ଥୋଇବୋଲେ ସାରଥି ମୁଖ ଚାହିଁ

Couplet 23

ଘୋଷଣା ଚଉଦିଗେ ଦିଅଏମନ୍ତେ ବାକ୍ୟ ମୋର କହ

Couplet 24

ଏ ସାତବୃକ୍ଷ ଏକ ତୁଲ୍ୟେବନ୍ଧନ କରିବ ଯେ ବଳେ

Couplet 25

ଏ କନ୍ୟା ହୋଇବ ତାହାରସତ୍ୟବଚନ ଏ ମୋହର

Couplet 26

ଏମନ୍ତ ଶୁଣି ତାର ପୁରେମିଳିଲେ ନୃପତି କୁମରେ

Couplet 27

ସପତ ଷଣ୍ଢ ମୁଖ ଚାହିଁସମୀପେ ନ ପାରନ୍ତି ଯାଇ

Couplet 28

ଆଘ୍ରାଣେ ବୀର-ଗନ୍ଧ ପାଇକୁଟୀଳନୟନେ ଅନାଇ

Couplet 29

ଜଳଦପ୍ରାୟ ନାଦ କରିଖୁରେ ଖୋଳନ୍ତି ସବୁନ୍ଧରୀ

Couplet 30

ଚଉଦଶୃଙ୍ଘ ତୀକ୍ଷଖୁରଦେଖି ଭାଜିଲେ ସର୍ବବୀର

Couplet 31

ବୃକ୍ଷ-ବନ୍ଦନେ କନ୍ୟା ଲାଭଏମନ୍ତ ଶୁଣି ପଦ୍ମନାଭ

Couplet 32

ହରଷ ମଦନ ଗୋପାଳସଙ୍ଗତେ ଘେନି ଯଦୁବଳ

Couplet 33

ମିଳିଲେ କୋଶଳ ଭୁବନେଦେଖି ନୃପତି ତୋଷମନେ

Couplet 34

ଗନ୍ଧକୁସୁମ ଉପହାରେପୂଜିଲା ଗୋବିନ୍ଦ ପୟରେ

Couplet 35

ସୁବର୍ଣ୍ଣ ଆସନେ ବସାଇବୋଲଇ କୃଷ୍ଣମୁଖ ଚାହିଁ

Couplet 36

ଆଜ ଜୀବନ ମୋର ଧନ୍ୟଦେଖିଲି ପ୍ରଭୁ ନିରଞ୍ଜନ

Couplet 37

ସିଦ୍ଧମୁନିଙ୍କି ଅଗୋଚରଅଶେଷ-ବ୍ରହ୍ମାଣ୍ତ-ଠାକୁର

Couplet 38

ସୃଷ୍ଟିପାଳନ ସଂହାରଣତୁ ଆଦି ପରମକାରଣ

Couplet 39

ପରମ ସନ୍ତୋଷ ହୋଇଲାଏମନ୍ତ ସ୍ତୁତି ସେହୁ କଲା

Couplet 40

ଏମନ୍ତେ କୃଷ୍ଣଙ୍କୁ ପୂଜିଲାଦୁହିତା ତାର ପଛେ ଥିଲା

Couplet 41

ରାଜକୁମାରୀ କୃଷ୍ଣେ ଚାହିଁଆନନ୍ଦ ମନେ ବିଚାରଇ

Couplet 42

ପୂର୍ବେ ମୋହର ତପ ଯେବେସାଧିଲା ଅଛି ଶୁଦ୍ଧଭାବେ

Couplet 43

ଇଷ୍ଟଦେବତା ହୋଇ ତୋଷସଫଳ କରିବେ ମୋ ଆଶ

Couplet 44

ଯେ କୃଷ୍ଣ-ପାଦପଦ୍ମ ଧୂଳିବ୍ରହ୍ମାଶଙ୍କର ଶିରେ ବୋଳି

Couplet 45

ବାସବ ଆଦି ଦେବତାଏନମନ୍ତି ଯାର ପଦ୍ମପାୟେ

Couplet 46

ସୁକୃତସେତୁ ରକ୍ଷା ପାଇଁଲୀଲାଏ ନାନା ରୂପ ବହି

Couplet 47

ଅଧର୍ମ ନାଶି ଧର୍ମ ସ୍ଥାପିନିର୍ମଳ ସୂକ୍ଷ୍ମ ଶୂନ୍ୟେ ବ୍ୟାପି

Couplet 48

ସେ ହରି କେଉଁ ପୁଣ୍ୟଫଳେତୋଷ ହୋଇବେ ସୁମଙ୍ଗଳେ

Couplet 49

ଅଶେଷ-ବ୍ରହ୍ମାଣ୍ତର ଗତିସେ ମୋର ହେଉ ପ୍ରାଣପତି

Couplet 50

ଏମନ୍ତେ ଶୁଦ୍ଧଭାବ ବହିରାଜା ବୋଲଇ କୃଷ୍ଣ ଚାହିଁ

Couplet 51

ଭୋ ନାଥ ଜଗତ ଈଶ୍ୱରଅନାଦି ଧର୍ମ ନିରାକାର

Couplet 52

ଜଗତ ଆତ୍ମଭୂତ ତୁହିଜଗତ ପୁଣ୍ୟମୟ ଦେହୀ

Couplet 53

ଜଗତ-ମୋହନ ତୋ ରୂପସ୍ୱଭାବେ ମୁହିଁ ଯେ ଅଳପ

Couplet 54

ଭୋ ନାଥ ଶରଣସୋଦରକିମ୍ପା ଅଇଲ ମୋର ପୁର

Couplet 55

ଆନନ୍ଦେ ବସିଣ ଆସନେଜଳଦ-ଗମ୍ଭୀର-ବଚନେ

Couplet 56

ରାଜା ବଚନ ଶୁଣି ହସିବୋଲନ୍ତି ପ୍ରଭୁ ବ୍ରହ୍ମରାଶି

Couplet 57

ଶୁଣ ରାଜନ ଚୂଡ଼ାମଣିକ୍ଷତ୍ରିୟଜନ ଧର୍ମବାଣୀ

Couplet 58

ଭିକ୍ଷାଗ୍ରହଣେ ନିନ୍ଦା ପାଇଉଭୟଲୋକେ ସୁଖ ନାହିଁ

Couplet 59

ତଥାପି ତୋର ଭାବ ଲଇଁକନ୍ୟା ମାଗିବା ଆଶେ ମୁହିଁ

Couplet 60

ମିଳିଲି ତୋହର ଭୁବନେବିଦିତ କଥା ସର୍ବଜନେ

Couplet 61

ଆମ୍ଭର କୁଳଧର୍ମ ଏହିବିଭା ନ କରୁ ଧନଦେଇ

Couplet 62

କୃଷ୍ଣବଚନ ରାଜା ଶୁଣିବୋଲଇ ହୃଦେ ପରିମାଣ

Couplet 63

ଭୋ ନାଥ ଶୁଣ ଦାମୋଦରକନ୍ୟା ଉଚିତେ ତୁମ୍ଭେ ବର

Couplet 64

ସକଳ ଗୁଣ ତୋର ତହିଁତୋ ଅଙ୍ଗେ କମଳା ବସଇ

Couplet 65

ଯଦୁବଂଶର ତୁ ଈଶ୍ୱରଶୁଣ ଗୋବିନ୍ଦ ମୋ ବିଚାର

Couplet 66

ରାଜାଙ୍କ ବଳ ଜାଣିବାରେସତ୍ୟ ମୁଁ କଲି ସ୍ୱୟମ୍ଭରେ

Couplet 67

ସପତଷଣ୍ଢ ମହାବଳୀମୋହର ପୁରେ ବନମାଳୀ

Couplet 68

ଶୃଙ୍ଗଯୁଗଳ ତୀକ୍ଷ୍ଣଖୁରଦୁର୍ମଦ ଦୁଷ୍ଟ ମହାଘୋର

Couplet 69

ଦେଖିଣ ତାହାଙ୍କ ବଦନଭାଜିଲେ ନୃପତି ନନ୍ଦନ

Couplet 70

ସଂକଳ୍ପ କରିଅଛି ମୁହିଁଘୋଷଣା ଚାରିଦିଗେ ଦେଇ

Couplet 71

ଏ ସାତବୃଷେ ବନ୍ଦୀ କଲେତାହାକୁ କନ୍ୟା ଦେବି ଭଲେ

Couplet 72

ସତ୍ୟବଚନ ଏ ମୋହରଭୋ ନାଥ ଶୁଣ ଦାମୋଦର

Couplet 73

ତୁ ଯେବେ ବାନ୍ଧିପାରୁ ଏହାନିଶ୍ଚୟେ କନ୍ୟା ଦେବି ବାହା

Couplet 74

ଏମନ୍ତ ରାଜା ବାକ୍ୟ ଶୁଣିଅଳପ ହସି ଚକ୍ରପାଣି

Couplet 75

କନ୍ୟା ହୃହୟ ବିଚାରିଲେଗୋବିନ୍ଦ ମାୟା ପ୍ରକାଶିଲେ

Couplet 76

ତକ୍ଷଣେ ସାତରୂପ ହୋଇମାୟାରେ ନଦେଖିଲେ କେହି

Couplet 77

ମାୟା ଗୋବିନ୍ଦ ସାତରୂପକନ୍ୟାକୁ ଦେଖାନ୍ତି ସ୍ୱରୂପ

Couplet 78

ଜନେ ଦେଖିଲେ କଉତୁକେକୃଷ୍ଣ ବାନ୍ଧିଲେ ସାତ ଏକେ

Couplet 79

ଦାଉଣି ବାନ୍ଧି ସାତଷଣ୍ଢେକୃଷ୍ଣ ବିଜୟ ରାଜଦାଣ୍ତେ

Couplet 80

ଏକଦଉଡ଼ି ସାତ କନ୍ଧେଗୋବିନ୍ଧ ବାନ୍ଧିଲେ ଆନନ୍ଦେ

Couplet 81

କାଷ୍ଠ ପିତୁଳୀ ବାନ୍ଧି ହସ୍ତେବାଳକେ ଖେଳନ୍ତି ଯେମନ୍ତେ

Couplet 82

ଦେଖି ହରଷ ସର୍ବଜନଆନନ୍ଦ କୋଶଳ ରାଜନ

Couplet 83

ତକ୍ଷଣେ ମିଳି ବନ୍ଧୁଜନେଉତ୍ସବ ରାଜାର ଭୁବନେ

Couplet 84

ବେଦ ଉଚିତ ଧର୍ମ ଘେନିମଙ୍ଗଳ କଲେକ କାମିନୀ

Couplet 85

ବରକନ୍ୟାଙ୍କୁ କରି ଶୋଭାଆନନ୍ଦେ କରାଇଲେ ବିଭା

Couplet 86

ରାଜକାମିନୀ ମିଳି ଧୀରେଅକ୍ଷତ ଦେଲେ କୃଷ୍ଣ ଶିରେ

Couplet 87

ଦୁହିତା ତୁଲ୍ୟ ବର ଦେଖିନିର୍ମଳ କଲେ ଚର୍ମଆଖି

Couplet 88

ଗୀତମଙ୍ଗଳ ଶଙ୍ଖ ଭେରୀଆନନ୍ଦେ ବାଦ୍ୟନାଦ କରି

Couplet 89

ବିପ୍ରେ ଆଶିଷ ଶିରେ ଦେଇଉତ୍ସବ କେ ପାରିବ କହି

Couplet 90

କୋଶଳପୁର ନରନାରୀଅନେକ ଅଳଙ୍କାର ଭରି

Couplet 91

ଦିବ୍ୟବସନ ପୁଷ୍ପମାଳେବିବାହେ ମିଳିଲେ ସକଳେ

Couplet 92

କୋଶଳପତି ସୁବିବେକଅନେକ ଦେଲା ଯଉତୁକ

Couplet 93

ଦଶସହସ୍ର ଧେନୁ ଦେଲାଶୁଣ ହୋ ଅଭିମନ୍ୟୁବଳା

Couplet 94

ତିନିସହସ୍ର ପରିବାରୀବିବିଧ ଅଳଙ୍କାରେ ଭରି

Couplet 95

ଦୁହିତା ହିତେ ନୃପମଣିକୃଷ୍ଣସମୀପେ ଦେଲା ଆଣି

Couplet 96

ନବସହସ୍ର ମତ୍ତହସ୍ତୀକୃଷ୍ଣଙ୍କୁ ଦେଲା ନରପତି

Couplet 97

ସୁବର୍ଣ୍ଣ ରଥ ନବଲକ୍ଷକୃଷ୍ଣଙ୍କୁ ଦେଲା ସେ ପ୍ରତ୍ୟକ୍ଷ

Couplet 98

ଆନନ୍ଦ ମନେ ନରଇନ୍ଦ୍ରତୁରଙ୍ଗ ଦେଲା ନବବୃନ୍ଦ

Couplet 99

ପଦାତି ନବପଦ୍ମ ଦେଇବରକନ୍ୟାଙ୍କୁ ରଥେ ଥୋଇ

Couplet 100

ସଙ୍ଗତେ ନିଜବଳ ଘେନିବଜାଇ ବୀରତୂର ଧ୍ୱନି

Couplet 101

ଆନନ୍ଦେ ଅଶ୍ରୁଜଳ ବହିପଥେ କେତେହେଁ ଦୂର ଯାଇ

Couplet 102

କୃଷ୍ଣଙ୍କୁ ମାଗି ଅନୁଯାନମିଳିଲା ଆପଣା ଭୁବନ

Couplet 103

ଗୋବିନ୍ଦ ଦ୍ୱାରକାର ପଥେବିଜୟ ନନ୍ଦିଘୋଷ ରଥେ

Couplet 104

ଅନେକ ନୃପତି କୁମରେଥିଲେ ଯେ କନ୍ୟା ସ୍ୱୟମ୍ବରେ

Couplet 105

ସାତଷଣ୍ଢର ଯୁଦ୍ଧେ ହାରିକନ୍ୟାକୁ ଚିତ୍ତେ ଥିଲେ ବରି

Couplet 106

କନ୍ୟାକୁ ବଳେ ନେବୁଆଜକିସ କରିବେ ଯଦୁଭୋଜ

Couplet 107

ଏମନ୍ତ ଭାଳି କୁବିଚାରେପଛେ ଧାଇଁଲେ ଅତିଖରେ

Couplet 108

ବୃଷ୍ଟି ପରାୟେ ବାଣବିନ୍ଧିବେଗେ ଯାଦବ ବଳ ରୁନ୍ଧି

Couplet 109

ଅର୍ଜୁନ ଥିଲେ କୃଷ୍ଣସଙ୍ଗେଦେଖି ଧାଇଁଲେ ଅତିବେଗେ

Couplet 110

ଗାଣ୍ତୀବ ଚାପେ ଗୁଣ ଦେଇମନ୍ତ୍ର ସୁମରି କୋପ ବହି

Couplet 111

ଅକ୍ଷୟତ୍ରୋଣଁ ବାଣ ବିନ୍ଧିଅନେକ ରଥ ଗଜ ଛେଦି

Couplet 112

ଶର ବରଷା ମହାଘୋରଦେଖି ଭାଜିଲେ ନୃପବର

Couplet 113

ଯୁଦ୍ଧେ ହାରିଲେ ରିପୁଜନେକେଶରୀ ମୁଖେ ମୃଗ ଯେହ୍ନେ

Couplet 114

କନ୍ୟା ଘେନିଣ ଭଗବାନମିଳିଲେ ଦ୍ୱାରକା ଭୁବନ

Couplet 115

ଯଦୁ-କୁମୁଦ-ନିଶାକରପୁରେ ମିଳିଲେ କନ୍ୟାବର

Couplet 116

ଲକ୍ଷ୍ମୀର ଅଂଶ ସତ୍ୟା ସଙ୍ଗେକୃଷ୍ଣ ରମିଲେ ସୁଖରଙ୍ଗେ

Couplet 117

ଅନାଦି ପ୍ରଭୁ ଜଗନ୍ନାଥଦେବକୀଦେବୀ ଯାର ମାତ

Couplet 118

ଏବେ ହୋ ଶୁଣ ନରପତିକେକୟ ରାଣୀ ଶ୍ରୁତକୀର୍ତ୍ତି

Couplet 119

ତାର ଦୁହିତା ଭଦ୍ରା ନାମରୂପେ କମଳା ନୋହେ ସମ

Couplet 120

ପିତୃଭଗିନୀ ସୁତା ସେହିଭ୍ରାତା ବିଚାରେ କନ୍ୟା ଦେଇ

Couplet 121

ସକଳ ବନ୍ଧୁଜନ ମିଳିବିବାହ କଲେ ବନମାଳୀ

Couplet 122

ମଦ୍ରାଧିପତିର ଦୁଲଣୀଲକ୍ଷଣା ନାମେ ସୁଲକ୍ଷଣୀ

Couplet 123

ତାହାର ସ୍ୱୟମ୍ବର କାଳେକୃଷ୍ଣ ହରିଲେ ତାକୁ ବଳେ

Couplet 124

ଦୁର୍ଗମ ଲାଖ ହେଳେ ବିନ୍ଧିସମରେ ରିପୁବଳ ଛେଦି

Couplet 125

ଦେବଙ୍କମଧ୍ୟୁ ସୁଧାରାଶିଗରୁଡ଼ ଯେସନେ ଗରାସି

Couplet 126

ଏବେ ହୋ ଶୁଣ ନୃପମଣିନାରକାପୁରୁ ଚକ୍ରପାଣି

Couplet 127

ଷୋଳସହସ୍ର ଶତେ ନାରୀଆଣିଲେ ଘୋରଯୁଦ୍ଧ କରି

Couplet 128

ମାଇଲେ ଅନେକ ଅସୁରଦୁଷ୍ଟଦଳନ ଦାମୋଦର

Couplet 129

ସେ ହରିପାଦ ଅବିରତେସୁଜନେ ଚିନ୍ତ ଧ୍ୟାନମତେ

Couplet 130

ଫିଟିବ ଜଡ଼କ ମୋହପାଶକହଇ ଜଗନ୍ନାଥ ଦାସ