Adhyaya 62

Couplet 1

ଏବେ ହୋ ଶୁଣ ନରପତିଅଶେଷ ଗୋବିନ୍ଦର ଗତି

Couplet 2

ପାଣ୍ତବେ ବହୁ ଦୁଃଖ ତ୍ରାସେଅରଣ୍ୟେ ଦ୍ୱାଦଶ ବରଷେ

Couplet 3

ଅଜ୍ଞାତ ଘୋର ବନବାସେଥିଲେ ସେ ବିରାଟର ଦେଶେ

Couplet 4

ବରଷେ ବଞ୍ଚି ତା ଭୁବନେବିଖ୍ୟାତ ପଣ୍ତର ନନ୍ଦନେ

Couplet 5

ଇନ୍ଦ୍ରପ୍ରସ୍ତରେ ଛନ୍ତି ରହିସେ କଥା ଶୁଣି ଭାବଗ୍ରାହୀ

Couplet 6

ଦାରୁକ ସାଜି ନନ୍ଦିଘୋଷେଚଳିଲେ ସୁହୃଦ ବିଶ୍ୱାସେ

Couplet 7

ଇନ୍ଦ୍ରପ୍ରସ୍ଥରେ ବନମାଳୀଧର୍ମନନ୍ଦନ ଗୃହେ ମିଳି

Couplet 8

ଦେଖି ସାନନ୍ଦ ପଞ୍ଚଜନେଚାହାନ୍ତି ନିଶ୍ଚଳ ନୟନେ

Couplet 9

ବେଗେ ଉଠିଲେ ପାଞ୍ଚଭାଇକି ପଟାନ୍ତର ଦେବି ମୁହିଁ

Couplet 10

ଜୀବନ ଗଲା ପିଣ୍ତ ଯେହ୍ନେପୁଣି ଉଠଇ ଦିବ୍ୟଜ୍ଞାନେ

Couplet 11

ଦେଖି ଅଖିଳ ଯୋଗେଶ୍ୱରନୟନ ପିଛା କଲେ ସ୍ଥିର

Couplet 12

ରୋମ ପୁଲକେ କମ୍ପେ ଦେହୀନୟନଯୁଗୁଁ ଲୁହ ବହି

Couplet 13

ଗୋବିନ୍ଦ ଜଣେ ଜଣେ ଧରିହୃଦେ ଲଗାଇ କୋଳକରି

Couplet 14

ପଦ୍ମଲୋଚନ ସଙ୍ଗ ପାଇପବିତ୍ର ହେଲେ ପାଞ୍ଚଭାଇ

Couplet 15

ଧର୍ମନନ୍ଦନ ଭୀମ ପାଦେଗୋବିନ୍ଦ ନମିଲେ ଆନନ୍ଦେ

Couplet 16

ପାର୍ଥକୁ କଲେ ଆଲିଙ୍ଗନନକୁଳ ଆଦି ବେନିଜନ

Couplet 17

ମାଦ୍ରୀକୁମର ସହଦେବବନ୍ଦିଲେ ଗୋବିନ୍ଦର ପାଦ

Couplet 18

ଆନନ୍ଦେ କଲେ ନମସ୍କାରଯେସନେ ସଂସାର ବେଭାର

Couplet 19

କୃଷ୍ଣଙ୍କୁ ଆସନେ ବସାଇଭାବେ ପୂଜିଲେ ପାଞ୍ଚଭାଇ

Couplet 20

ଦ୍ରୋପଦୀ ଥିଲେ ନିଜ ପୁରେକୃଷ୍ଣ ଆଗମ ଜାଣି ଧୀରେ

Couplet 21

ନମ୍ରଶିରରେ ଲଜ୍ଜାଭରେକୃଷ୍ଣଙ୍କୁ ନମିଲେ ଅନ୍ତରେ

Couplet 22

ସାତ୍ୟକି କର କରେ ଧରିଶ୍ରୀକୃଷ୍ଣ ତୁଲେ ପୂଜାକରି

Couplet 23

ଯେତେକ ଥିଲେ କୃଷ୍ଣ ସଙ୍ଗେପୂଜିଲେ ସର୍ବେ ଅନୁରାଗେ

Couplet 24

କୁନ୍ତୀ ଯେ ଥିଲେ ପୁରଦେଶେହା କୃଷ୍ଣ ବୋଲି ସ୍ନେହବଶେ

Couplet 25

ଆନନ୍ଦେ ପାଣ୍ତବଜନନୀହସ୍ତରେ ଉପାୟନ ଘେନି

Couplet 26

ବେଗେ ମିଳିଲେ କୃଷ୍ଣ ଆଗେଦ୍ରୌପଦୀ ତୁଲେ ଅନୁରାଗେ

Couplet 27

ଲୋକବେଭାରେ ଦାମୋଦରନମିଲେ କୁନ୍ତୀର ପୟର

Couplet 28

କୁନ୍ତୀ ଗୋବିନ୍ଦେ କୋଳକରିତୋଳିଲା ବେନିଭୁଜେ ଧରି

Couplet 29

ବନ୍ଧୁକୁଶଳ ପୁଚ୍ଛାକରିଦୌପଦୀକର କରେ ଧରି

Couplet 30

ମୁକୁନ୍ଦ ବଦନ ଅନାଇକହନ୍ତେ ଅଶ୍ରୁଜଳ ବହି

Couplet 31

ଯେମନ୍ତ କ୍ଲେଶ ବନବାସେବଞ୍ଚିଲେ ଦ୍ୱାଦଶବରଷେ

Couplet 32

ତାହା ସୁମରି କୁନ୍ତୀ କାନ୍ଦେମନ ନିବେଶି କୃଷ୍ଣପାଦେ

Couplet 33

ହେ କୃଷ୍ଣ ତବ ଦରଶନକୃତାର୍ଥ କଲା ମୋ ଜୀବନ

Couplet 34

ହସ୍ତିନାପୁରେ ଦୁଃଖ ସହିସ୍ୱାମୀ ମରଣେ ଥିଲି ମୁହିଁ

Couplet 35

ତୁ ନାଥ ଅକ୍ରୁରକୁ ପେଶିମୋର କୁମରଙ୍କୁ ଆଶ୍ୱାସି

Couplet 36

ସେଦିନୁ ଦୁଃଖ ମୋ ଦହନଏବେ ଦେଖିଲି ତୋ ବଦନ

Couplet 37

ତୁ ନାଥ ଶରଣସୋଦରପର ଆପଣା ନାହିଁ ତୋର

Couplet 38

ତଥାପି ଯେ ତୋତେ ଲୋଡ଼ଇତାହାର ହୃଦେ ଥାଉ ତୁହି

Couplet 39

ଅଶେଷ ଦୁଃଖ କରୁ ହତଏମନ୍ତ ପ୍ରଭୁ ତୁ ଅଚ୍ୟୁତ

Couplet 40

ଧର୍ମନନ୍ଦନ କୃଷ୍ଣ ଚାହିଁବୋଲନ୍ତି ପ୍ରିୟଭାବ ବହି

Couplet 41

ଅନେକ ଅଛି ପୁଣ୍ୟବଲତୋତେ ଭେଟିଲୁ ଆଦିମୂଳ

Couplet 42

ଭୋ ନାଥ ମହିମା ତୋହରଯୋଗେଶ୍ୱରଙ୍କୁ ଆଗୋଚର

Couplet 43

ଆମ୍ଭେ କିଞ୍ଚିତ ବୁଦ୍ଧିହୀନପାଇଲୁ ତବ ଦରଶନ

Couplet 44

ଏମନ୍ତେ ଭକତ ବିଶ୍ୱାସେକୃଷ୍ଣ ପରମ ମନତୋଷେ

Couplet 45

ତହିଁ ବରଷା ଚାରି ମାସରହିଲେ ପ୍ରଭୁ ପୀତବାସ

Couplet 46

ଇନ୍ଦ୍ରପ୍ରସ୍ଥର ଯେତେ ଜନକରନ୍ତି କୃଷ୍ଣ ଦରଶନ

Couplet 47

ଚର୍ମଲୋଚନ କରି ସାଧୁତରିଲେ ଭବ ପରମାଦୁ

Couplet 48

ଏମନ୍ତେ ଶୁଣ ନରନାଥଦିନେକ କୃଷ୍ଣ ଧରି ପାର୍ଥ

Couplet 49

ପିତୃଦିବସ ଆଗମନେମଳିଲା ହରଷ ବଦନେ

Couplet 50

ଧର୍ମନନ୍ଦନ ଆଜ୍ଞାମତେବସିଲା କପିଧ୍ୱଜ ରଥେ

Couplet 51

ଦାରୁକ ଘେନି ନନ୍ଦିଘୋଷେଗୋବିନ୍ଦ ବସିଲେ ହରଷେ

Couplet 52

ଅର୍ଜୁନ କରେ ଧନୁ ଘେନିକନ୍ଧେ ଶୋଭିତ ତ୍ରୋଣ ବେନି

Couplet 53

ଗହନ ବନେ ନରହରିଅନେକ ମୃଗ ବଧ କରି

Couplet 54

ଅର୍ଜୁନ କରେ ତୀକ୍ଷ୍ଣ ବାଣଦିଗ ଆବୋରି ନାରାୟଣ

Couplet 55

ବରାହ ମହିଷ ହରିଣଶଶା ଶାର୍ଦ୍ଦୂଳ ପକ୍ଷୀଗଣ

Couplet 56

ଶରଭ ଗବୟ ଖଡ଼ଗପିତୃଯଜ୍ଞକୁ ଯେତେ ଯୋଗ୍ୟ

Couplet 57

ରାଜସେବକେ ତାହା ବହିପାଣ୍ତବପୁରେ ଦେଲେ ନେଇ

Couplet 58

ତୃଷିତ ହୋଇ ବୀର ପାର୍ଥଯମୁନାତୀରେ ଉପଗତ

Couplet 59

ସଙ୍ଗେ ମିଳିଲେ ଭଗବାନସନ୍ତୋଷେ କଲେ ଜଳପାନ

Couplet 60

ମୁଖ-ନୟନ ଜଳେ ଧୋଇଆନନ୍ଦେ ଚଉଦିଗ ଚାହିଁ

Couplet 61

ଯମୁନାଜଳେ ବାଲିକୁଦେକନ୍ୟାଏ ବସି ତାର ମଧ୍ୟେ

Couplet 62

ତପ କରଇ ସୂର୍ଯ୍ୟେ ଚାହିଁତା ରୁପ ପାରିବ କେ କହି

Couplet 63

ଅତି ସୁସଞ୍ଚ ଚାରୁବେଶମୋହଇ ବନ ଗିରି ଦେଶ

Couplet 64

ଦେଖି ଚକିତ ଭଗବାନଚାହିଁଲେ ଅର୍ଜୁନ ବଦନ

Couplet 65

ବୋଲନ୍ତି ଦେଖ ରୂପରାଶିକାଳିନ୍ଦୀ ବାଲିକୁଦେ ବସି

Couplet 66

ତପ କରଇ କିସ ସଧେନିର୍ଜନ ଘୋରବନ ମଧ୍ୟେ

Couplet 67

କୃଷ୍ଣବଚନେ ପଣ୍ତୁବଳାକନ୍ୟା ସମୀପେ ବିଜେ କଲା

Couplet 68

ପୁଛଇ କନ୍ୟାମୁଖ ଚାହିଁତୋ ରୂପ ଦେଖିଲା ତ ନାହିଁ

Couplet 69

କାହାର ଦୁହିତା ବୋଲାଉକିମ୍ପା ତୁ ଏତେ ଦୁଃଖ ସହୁ

Couplet 70

କାହୁଁ ଆସି ଏ ଘୋରବନେତପ ଆଚରୁ ଶୁଦ୍ଧମନେ

Couplet 71

କେବଣ ଫଳେ ତବ ଇଚ୍ଛାକି ଅବା ବରେ ତୋର ବାଞ୍ଛା

Couplet 72

କହ ନକରି ମନେ ଭ୍ରାନ୍ତିକାହାକୁ ଇଚ୍ଛୁ ନିଜ ପତି

Couplet 73

ଅର୍ଜୁନ ବାଣୀ ଶୁଣି କର୍ଣ୍ଣେକାଳିନ୍ଦୀ କହେ ଶୁଦ୍ଧମନେ

Couplet 74

ଅନ୍ଧାରେ ଜ୍ୟୋତିରୂପ ଧରେପ୍ରାଣୀନୟନ ଯେ ବିସ୍ତାରେ

Couplet 75

ରଥେ ଗମଇ ଅନ୍ତରୀକ୍ଷେତାର ଦୁହିତା ମୁଁ ପ୍ରତ୍ୟକ୍ଷେ

Couplet 76

ସେ ତାତା ଆଜ୍ଞା ପରମାଣେଦୁସ୍ତର ତପ ଆଚରଣେ

Couplet 77

ଅତି ନିଷ୍ଠୁର ଘୋର ଦୀକ୍ଷାତପ କରଇ କାନ୍ତ ଇଚ୍ଛା

Couplet 78

ହରିଙ୍କି ତପେ ତୋଷକରିହୋଇବି ତାର ପରିବାରୀ

Couplet 79

ଅନାଥନାଥ ଦାମୋଦରମୋହର ହୋଇବେ ସେ ବର

Couplet 80

କମଳାକାନ୍ତ ଭଗବାନଦୁର୍ଗମ ଦୁରିତ ଦହନ

Couplet 81

ଅଶେଷ ଫଳ ସୁଖଦାତାତାରେ ବରିଲା ମୋର ପିତା

Couplet 82

କାଳିନ୍ଦୀ ନାମଟି ମୋହରପିତା ମୋହର ଦିନକର

Couplet 83

ଯାବତ ନ ପାଇବି ହରିପ୍ରାଣ ଛାଡ଼ିବି ତପକରି

Couplet 84

ମୋହର ସତ୍ୟ ଏ ବଚନଶୁଣି ଅର୍ଜୁନ ତୋଷମନ

Couplet 85

ବେଗେ ମିଳିଲା କୃଷ୍ଣପାଶେକହିଲା ଆନନ୍ଦ-ବିଶ୍ୱାସେ

Couplet 86

ଭୋ ନାଥ ତୋର ପାଦ ଇଚ୍ଛାକାଳିନ୍ଦୀ କରେ ମନେ ବାଞ୍ଛା

Couplet 87

ଅତି ନିଷ୍ଠୁର ତପ ତାରଶୁଣି ସାନନ୍ଦ ଦାମୋଦର

Couplet 88

ଯମୁନାତୀରେ ଯାଇ ମିଳିଭକତବନ୍ଧୁ ବନମାଳୀ

Couplet 89

ବୋଲନ୍ତି କନ୍ୟାମୁଖ ଚାହିଁତପ ତୁ କରୁ ଯହିଁପାଇଁ

Couplet 90

ସେ କଥା ହୋଇଲା ସଫଳଏମନ୍ତ ବୋଲି ଆଦିମୂଳ

Couplet 91

ରଥେ ବସାଇ ଭଗବାନଆଣିଲେ ପାଣ୍ତବ ଭୁବନ

Couplet 92

ତକ୍ଷଣେ ବିଶ୍ୱକର୍ମା ରାଇବିଶ୍ୱାସ ବାକ୍ୟ ତାକୁ କହି

Couplet 93

ଦେବମାନବେ ଅଗୋଚରଏମନ୍ତ ପୁର ବେଗେ କର

Couplet 94

ଗୋବିନ୍ଧ ଆଜ୍ଞା ପରମାଣେନିର୍ମାଣ କଲା ତତକ୍ଷଣେ

Couplet 95

ସେପୁରେ କୃଷ୍ଣ କନ୍ୟା ଥୋଇଧର୍ମଚନ୍ଦନ ପ୍ରିୟେ ରହି

Couplet 96

ଏମନ୍ତେ ଗଲା କେତେଦିନଶୁଣ ପରୀକ୍ଷ ସାବଧାନ

Couplet 97

ଅଗ୍ନିପୁରୁଷ, କରଯୋଡ଼ିକହିଲା କୃଷ୍ଣପାଦେ ପଡ଼ି

Couplet 98

ସତ୍ୟବ୍ରତର ଯଜ୍ଞେ ମୁହିଁରୋଗୀ ହୋଇଲି ଘୃତ ଖାଇ

Couplet 99

ଭୋ ନାଥ ରଖ ମୋ ଜୀବନଦେଇ ଔଷଧ ରସ ଦାନ

Couplet 100

ଶୁଣି ଭକତବନ୍ଧୁ ହରିଅର୍ଜୁନ କର କରେ ଧରି

Couplet 101

ଦାରୁକ କଲା ରଥ ସଜବିଜୟ କଲେ ଦେବରାଜ

Couplet 102

ଅର୍ଜୁନ ସଙ୍ଗେ ବନମାଳୀଖାଣ୍ତବବନେ ବେଗେ ମିଳି

Couplet 103

ତକ୍ଷଣେ ରୁନ୍ଧି ଦଶଦିଗକାନନେ କଲେ ଅଗ୍ନିଯୋଗ

Couplet 104

ସର୍ବଔଷଧି ବନମଧ୍ୟେଅନଳ ଭକ୍ଷିଲା ଆନନ୍ଦେ

Couplet 105

ତକ୍ଷଣେ ବ୍ୟାଧି ଗଲା ନାଶଅନଳ ହୋଇଲା ସନ୍ତୋଷ

Couplet 106

ଅଗ୍ନି ଶରୀରୁ ବ୍ୟାଧି ଗଲାଧନୁଏ ଅର୍ଜୁନକୁ ଦେଲା

Couplet 107

ଶ୍ୱେତକୁଞ୍ଜର ଶ୍ୱେତରଥଅଭେଦ କବଚ ସହିତ

Couplet 108

ଅକ୍ଷୟେତ୍ରୋଣ ବେନି ଦେଲାନାନାଦି ମନ୍ତ୍ର ସେ କହିଲା

Couplet 109

ମୟଦାନବ ବନେ ଥିଲାଅର୍ଜୁନ ତାହାକୁ ଦେଖିଲା

Couplet 110

ଅଗ୍ନିଦହନ କାଳେ ବନେଥିଲା ସେ ଅର୍ଜୁନ ଶରଣେ

Couplet 111

ଜୀବନ ପାଇ ତୋଷ ହୋଇମାୟା ସଭାଏ ସେ ଭିଆଇ

Couplet 112

ସନ୍ତୋଷେ ଅର୍ଜୁନକୁ ଦେଲାଶୁଣ ରାଜନ କୃଷ୍ଣଲୀଳା

Couplet 113

ଯହିଁ ରାଜୁସି ଯଜ୍ଞକାଳେଅନ୍ଧନନ୍ଦନ ରାଜାମେଳେ

Couplet 114

ବସିବା କାଳେ ହୀନିମାନହୋଇଲା ଜଳେ ସ୍ଥଳ ଭ୍ରମ

Couplet 115

ସେ ସଭା ଘେନି ବନମାଳୀଇନ୍ଦ୍ରପ୍ରସ୍ଥରେ ଯାଇ ମିଳି

Couplet 116

ଧର୍ମନନ୍ଦନ ମୁଖ ଚାହିଁକହନ୍ତି ପ୍ରିୟଭାବ ବହି

Couplet 117

ମେଲାଣି ଦିଅ ଯିବୁ ଘରତୁମ୍ଭେ ତ ଜୀବନ ମୋହର

Couplet 118

ଏମନ୍ତେ ପ୍ରଭୁ ଭଗବାନସଙ୍ଗେ ଘେନାଇ ନିଜ ଜନ

Couplet 119

ଦ୍ୱାରକାପୁରେ ଗଲେ ହରିଏବେ ହୋ ଶୁଣ ଦଣ୍ତଧାରୀ

Couplet 120

ଉତ୍ତରାୟଣ ଶୁଦ୍ଧକାଳେଶୁଭନକ୍ଷତ୍ର ଶୁଭବେଳେ

Couplet 121

ଅମରଗୁରୁ ଲଗ୍ନ ତୁଲେକାଳିନ୍ଦୀକନ୍ୟା ବିଭା ହେଲେ

Couplet 122

ଉତ୍ସବ-ବରକନ୍ୟା ଦେଖିଯାଦବେ ଧନ୍ୟ କଲେ ଆଖି

Couplet 123

କାଳିନ୍ଦୀ ବିଭାର ବିଧାନଯେ କରେ ଶ୍ରବଣ ପଠନ

Couplet 124

ଦୁରିତ ଦୁଃଖ ଭୟ ନାଶେଅନ୍ତେ ମିଳଇ କୃଷ୍ଣପାଶେ

Couplet 125

ସେ ହରି ପାଦେ ମନ ଦେଇସୁଜନେ ତର ଏହା ଗାଇ

Couplet 126

କହଇ ବିପ୍ର ଜଗନ୍ନାଥକୃଷ୍ଣଚରିତ ଭାଗବତ