Adhyaya 6

Couplet 1

ବ୍ୟାସକୁମର ମୁଖୁଁ ଶୁଣିଅମୃତ ଭାଗବତ ବାଣୀ

Couplet 2

ଆନନ୍ଦେ ପୁଲକିତ ହୋଇମୁନିଚରଣେ ଶିର ଦେଇ

Couplet 3

ଉଠି ଯୋଡ଼ିଣ ବେନିକରରାଜନ ବୋଇଲ ଉତ୍ତର

Couplet 4

ଭୋ ମୁନି ହୋଇଲି ପବିତ୍ରଶୁଣି ଚରିତ ଭାଗବତ

Couplet 5

କୃଷ୍ଣଙ୍କୁ ବସୁଦେବ ନେଇଅଇଲା ନନ୍ଦଘରେ ଥୋଇ

Couplet 6

ତହିଁକି କଲେ ବନମାଳୀଶୁଣିବି କୃଷ୍ଣ ବାଳକେଳି

Couplet 7

କହି ପବିତ୍ର ମୋତେ କରସେବଇଁ ଚରଣେ ତୁମ୍ଭର

Couplet 8

ଶୁଣି ସାନନ୍ଦ ମୁନିବରବୋଲନ୍ତି ଶୁଣ ଦଣ୍ତଧର

Couplet 9

ନିଦ୍ରା ଜଗତ ମୋହିଥିଲାପାଲଟି ବସୁଦେବ ନେଲା

Couplet 10

ଦେବକୀ କୋଳରେ ରଖିଲାକଂସର ହସ୍ତୁ ଶୂନ୍ୟେ ଗଲା

Couplet 11

ଏମନ୍ତେ ପାହିଲା ରଜନୀଶୁଣ ତୁ ବୀର ଚୂଡ଼ାମଣି

Couplet 12

ଚେତି ଚାହିଁଲା ନନ୍ଦରାଣୀଚିଆଇଁ ଉଠି ସୁଲକ୍ଷଣୀ

Couplet 13

ଦେଖିଲା ହୋଇଛି ତନୟେନନ୍ଦକୁ କହିଲେ ଥୋକାଏ

Couplet 14

ଶୁଣି ମିଳିଲା ବେଗେ ନନ୍ଦପୁତ୍ରକୁ ଦେଖିଣ ଆନନ୍ଦ

Couplet 15

ଯେତେ ଯଶୋଦା ପରିବାରୀରାଇ ଆଣିଲେ ଗୋପନାରୀ

Couplet 16

ବ୍ରାହ୍ମଣେ ମିଳିଲେ ଗହଳଶୁଣିଲେ ପୁତ୍ର ଜନ୍ମ ଗୋଳ

Couplet 17

ନନ୍ଦ ଦେଖିଣ ଦ୍ୱିଜଗଣତକ୍ଷଣେ ପୂଜିଲା ଚରଣ

Couplet 18

ବେଗେ ସେ ହୋଇ ଶୁଚିବନ୍ତକାଞ୍ଚନ ଆଣିଲା ବହୁତ

Couplet 19

ବ୍ରାହ୍ମଣେ କଲେ ବେଦଧ୍ୱନିମଙ୍ଗଳ ଶୁଭଲଗ୍ନ ଘେନି

Couplet 20

କରାଇ ଜାତକର୍ମ ବିଧିଦେବତା ପିତୃଙ୍କୁ ଆରାଧି

Couplet 21

ବିପ୍ରଙ୍କୁ ଅନେକ ପୂଜିଲାବେନିନିୟୁତ ଧେନୁ ଦେଲା

Couplet 22

ମଣ୍ତିଣ ବସ୍ତ୍ର ଅଳଙ୍କାରଚନ୍ଦନ କୁସୁମ ଚାମର

Couplet 23

ତିଳପର୍ବତ ମାନ କରିଦେଲା କାଞ୍ଚନ ବସ୍ତ୍ର ଭରି

Couplet 24

ବିପ୍ରେ ପଢ଼ିଲେ ବେଦ ଚାରିରଙ୍ଗେ ନାଚନ୍ତି ଗୋପନାରୀ

Couplet 25

ସୂତ ମାଗଧ ବନ୍ଦୀ ମିଳିଗାବନ୍ତି ମଙ୍ଗଳ ଉଚ୍ଚାରି

Couplet 26

ବାଜଇ ବୀରତୂରୀ ଭେରୀଆନନ୍ଦେ ମଙ୍ଗଳମହୁରୀ

Couplet 27

ନନ୍ଦର ଘରେ ପୁତ୍ରଜାତଚହଳ ଶୁଭେ ଅପ୍ରମିତ

Couplet 28

ଗୋପନଗରେ ଯେତେ ଲୋକେଚିଆଇଁ ଧାଇଁଛନ୍ତି ଥୋକେ

Couplet 29

ସୁଖେଣ ପାହିଲା ରଜନୀବାହାର ହୋଇଲେ କାମିନୀ

Couplet 30

ଅଗଣା ଖରକି ପହଁରାଚନ୍ଦନ ଗୋଳି ଦ୍ୟନ୍ତି ଛେରା

Couplet 31

ଦୁଆରେ ସୁବର୍ଣ୍ଣ କଳସେତୋରଣା ଲମ୍ବାନ୍ତି ହରଷେ

Couplet 32

ଗୋରୁଙ୍କୁ ମଣ୍ତନ୍ତି ଗୋପାଳେବସ୍ତ୍ର ଭୂଷଣ ଫୁଲମାନେ

Couplet 33

ବୃଷଭ ସୁରଭି ବାଛୁରୀହଳଦୀ ତେଲ ତାଙ୍କୁ ବୋଳି

Couplet 34

ଗଉଡ଼େ ଶୁଚିବନ୍ତ ହୋଇଯେ ଯାହା ଅଳଙ୍କାର ନେଇ

Couplet 35

ହାର କଙ୍କଣ କର୍ଣ୍ଣଫୁଲବାଜେଣୀ ନୂପୁର ଅମୂଲ୍ୟ

Couplet 36

ଏମନ୍ତେ ପିନ୍ଧି ଅଳଙ୍କାରହସ୍ତେ ଘେନିଲେ ଦୁର୍ବାଙ୍କୁର

Couplet 37

ଏକ ଆରକେ ଆଗ ହୋଇମିଳିଲେ ନନ୍ଦଘରେ ଯାଇ

Couplet 38

ଗୋପୀଏ ନିତ୍ୟକର୍ମ ସାରିଦେହରେ ଅଳଙ୍କାର ଭରି

Couplet 39

ପିନ୍ଧିଲେ ନାନା ବସ୍ତ୍ରମାନଆନନ୍ଦେ ମନ ଛନ୍ନ ଛନ୍ନ

Couplet 40

ହସ୍ତରେ ଘେନି ଅର୍ଘ୍ୟଥାଳୀରଙ୍ଗେ ଚଳିଲେ ଗୋପବାଳୀ

Couplet 41

ଏକ ଆରକେ ଯା'ନ୍ତି ଜିଣିଚରଣେ ନୂପୁର ବାଜେଣୀ

Couplet 42

କେହି ଲେଉଟି ନ ଚାହାଁନ୍ତିଆକାଶେ ଯେହ୍ନେ ହଂସପନ୍ତି

Couplet 43

ଚଳନ୍ତି ଶ୍ରବଣେ କୁଣ୍ତଳନିତମ୍ବ କୁଚ ହେମମାଳ

Couplet 44

ଆକାଶେ ଦେବେ ଛନ୍ତି ଚାହିଁଗୋପୀ ଚଳନ୍ତି ଗୀତଗାଇ

Couplet 45

ଯା'ନ୍ତେ ବିରାଜେ ମହୀସ୍ଥଳୀକ୍ଷଣ କ୍ଷଣକେ ହୁଳହୁଳି

Couplet 46

କବରୀ ଫିଟି ଫୁଲମାଳଯା'ନ୍ତେ ପଡ଼ଇ ମହୀତଳ

Couplet 47

କୃଷ୍ଣଙ୍କୁ ଯାଉଛନ୍ତି ଦେଖିଆନନ୍ଦ କେ ପାରିବ ଲେଖି

Couplet 48

ଦିଶଇ ନନ୍ଦ ନିଜ ବାସକି ଜିଣି ତପନ ତରାସ

Couplet 49

ଆକାଶ ମଣ୍ତଣି ପରାୟେତେଜେ ସକଳ ଶୋଭାପାଏ

Couplet 50

କି ଜିଣି ନବଗ୍ରହ ଜ୍ୟୋତିତ୍ରିବିଧ ରତ୍ନ ଝଟକନ୍ତି

Couplet 51

ଶ୍ୱେତ ସୁରଙ୍ଗ ପୀତବାସବିବିଧ ଚାରୁବର୍ଣ୍ଣେ ବସ୍ତ୍ର

Couplet 52

ଯହିଁ ଗୋବିନ୍ଦ ଦେହ ଧରିକେ ତାହା ବର୍ଣ୍ଣିବ ବିଚାରି

Couplet 53

ନନ୍ଦର ମନ୍ଦିରେ ମିଳିଲେମଙ୍ଗଳ-ଗୀତ-ନାଦ କଲେ

Couplet 54

ଅନ୍ତୁଡ଼ିଶାଳେ ଯାଇ ମିଳିହାସ୍ୟେ କେ କରନ୍ତି ଢ଼ମାଳି

Couplet 55

ଯଶୋଦା କୋଳେ କୃଷ୍ଣ ଦେଖିନିର୍ମଳ କଲେ ଚର୍ମ ଆଖି

Couplet 56

ଅକ୍ଷତ କୃଷ୍ଣ ଶିରେ ଦ୍ୟନ୍ତିଆନନ୍ଦେ କଲ୍ୟାଣ କରନ୍ତି

Couplet 57

ବୋଲନ୍ତି ଯଶୋଦାଙ୍କୁ ଚାହିଁଧନ୍ୟ ଜୀବନ ତୋର ଆଈ

Couplet 58

ଆମ୍ଭ ଆୟୁଷ ଘେନି କରିତୋ ପୁତ୍ର ବର୍ତ୍ତୁ ଯୁଗ ଚାରି

Couplet 59

ଏ ଆମ୍ଭ ଗୋକୁଳ ରଖିବଏହାକୁ ରଖୁ ସଦାଶିବ

Couplet 60

ହଳଦୀ ତେଲ ଘେନି ଥୋକେବୋଲନ୍ତି ଏକକୁ ଆରକେ

Couplet 61

ଖେମଟା ନାଦେ କରତାଳିଆନନ୍ଦେ ନାଚନ୍ତି ଗୁଆଳୀ

Couplet 62

କରେ ବଜାନ୍ତି କରତାଳିଢଗଢ଼ମାଳି ରଙ୍ଗକେଳି

Couplet 63

ବିଜୟ ପରମ ମଙ୍ଗଳଆନନ୍ଦମାନଙ୍କର ମୂଳ

Couplet 64

ଗୋପାଳେ ଏକକୁ ଆରକେସିଞ୍ଚନ୍ତି ଦୁଧଦଧି ଥୋକେ

Couplet 65

ଲବଣି ଘେନି ମରାମରିନାଚନ୍ତି ଏକୁ ଆରେ ଧରି

Couplet 66

ଆନନ୍ଦ ହୋଇ ନନ୍ଦରାୟେଭଣ୍ତାରେ ଫେଇଲେ ଥୋକାଏ

Couplet 67

ଅନେକ ଗୋରୁ ବସ୍ତ୍ର ଧନତୋଷିଲେ ଜଣେ ଜଣେ ମନ

Couplet 68

ରୋହିଣୀ ନିକଟେ ମିଳିଲେଅନେକ ଧନରତ୍ନ ଦେଲେ

Couplet 69

ଗୋପୀଙ୍କି କରାଇ ହରଷଭୋଜନ ଦେଲେ ଷଡ଼ରସ

Couplet 70

ଶ୍ରୀକୃଷ୍ଣ ଜନ୍ମ ମନେ ଗୁଣିଗୋପେ ବିଜୟ କମଳିନୀ

Couplet 71

କେ କହୁ ଗୋପର ସମ୍ପଦଯହିଁ ବିଜୟ ଆଦିକନ୍ଦ

Couplet 72

ଶୁଣ ହେ କୁରୁ ନୃପମଣିଜନ୍ମ ଉତ୍ସବ ଅନ୍ତେ ପୁଣି

Couplet 73

କଂସର ଆଡ଼ତିଆ ଥିଲାନନ୍ଦକୁ କ୍ଷଣେ ନଛାଡ଼ିଲା

Couplet 74

ଦଇବେ ଆକଟ ଅପାରନେବ ସେ ବରଷକ କର

Couplet 75

ଗୋପାଳମାନଙ୍କୁ ବସାଇନନ୍ଦ ବୋଲଇ ଶୋକ ବହି

Couplet 76

କଂସ ଆକଟ ମୋତେ କରିମୁଁ ଆଜି ଯିବି ମଧୁପୁରୀ

Couplet 77

ପୁତ୍ରର ଚିନ୍ତା ତୁମ୍ଭେ କରକହି ଚଳିଲା ଗୋପବୀର

Couplet 78

କଂସର ଛାମୁରେ ମିଳିଲାସୁନିଆଁ ଧନ ଗଣିଦେଲା

Couplet 79

ଆନନ୍ଦ ହୋଇ ଦଣ୍ତଧାରୀଦେଲା ସେ ଅଳଙ୍କାର ଭରି

Couplet 80

ମେଲାଣି ପାଇ ତତ୍‌କ୍ଷଣକିଣିଲା ନାନା ଦ୍ରବ୍ୟମାନ

Couplet 81

ଗୋପନବରେ ଯେତେ ଲୋଡ଼ାତାଳ ଜମ୍ବିଳ ଆମ୍ବସଢ଼ା

Couplet 82

ଶକଟେ ଭରି ମନ ତୋଷେଏମନ୍ତେ ଦିନ ଅବଶେଷେ

Couplet 83

ସାରିଲା ରନ୍ଧନ ଭୋଜନନିରତେ ପୁତ୍ର ତହିଁ ମନ

Couplet 84

ଏମନ୍ତେ ରଜନୀ ହୋଇଲାଘୋର ତିମିର ପ୍ରକାଶିଲା

Couplet 85

ନନ୍ଦର ଆଗମନ ଶୁଣିବସୁଦେବ ତା ମନେ ଗୁଣି

Couplet 86

ସ୍ୱଭାବେ ନନ୍ଦ ମିତ୍ର ମୋରତା'ଘରେ ବେନି ମୋ କୁମର

Couplet 87

ତା'ର କୁଶଳେ ମୋର ଇଷ୍ଟନ ପୁଣ ଜାଣେ କଂସ ଦୁଷ୍ଟ

Couplet 88

ଏମନ୍ତ ମନେ ବିଚାରିଲାନନ୍ଦର ନିକଟେ ମିଳିଲା

Couplet 89

ମିତ୍ର ଆଗମ ନନ୍ଦ ଦେଖିଉଠିଲା ଆସନ ଉପେକ୍ଷି

Couplet 90

ଆନନ୍ଦେ ହୋଇ କୋଳାକୋଳବସିଲେ ଯାଇ ଏକମେଳ

Couplet 91

ପୂର୍ବର କଥାମାନ କହିଏକ ଆରକେ ଭାବବହି

Couplet 92

ବୋଲନ୍ତି ବସୁଦେବ ହସିନନ୍ଦ କୁଶଳ ପରଶଂସି

Couplet 93

ବୃଦ୍ଧ ବୟସେ ତୋ'ର ସୁତଶୁଣି ହୋଇଲି କୃତକୃତ୍ୟ

Couplet 94

ମନୁଷ୍ୟ ଜନ୍ମର ଏ ସାରବୋଲନ୍ତି ସଂସାର ବେଭାର

Couplet 95

ଦାରା ତନୟ ବନ୍ଧୁଗଣଧନସମ୍ପଦ ଏ କାରଣ

Couplet 96

ଏତେ ନ ଥିଲେ ଦୁଃଖ ପାଇଉଭୟଲୋକେ ସୁଖ ନାହିଁ

Couplet 97

ଏ ପୁଣି ନୁହଁଇନା ସତ୍ୟଦର୍ପଣେ ପ୍ରତିମା ଯେମନ୍ତ

Couplet 98

ଚିତ୍ର ପ୍ରତିମା ପ୍ରାୟେ ଠୁଳଯେମନ୍ତେ ସମୁଦ୍ର ଉଲ୍ଲୋଳ

Couplet 99

ଭଲେ ଅଛନ୍ତି ନା ଗୋ-କୁଳତୃଣ ବୀରୁଧ କନ୍ଦମୂଳ

Couplet 100

ଗୋପୀଏ ଅଛନ୍ତି ନା ଭଲେରୋହିଣୀ ଯଶୋଦାର ତୁଲେ

Couplet 101

ମୋହର ରୋହିଣୀର ସୁତତୁମ୍ଭେ ତାହାର ତାତମାତ

Couplet 102

ପିତା ବିଚ୍ଛେଦେ ଅରକ୍ଷିତତୁମ୍ଭର ପାଳିବା ଉଚିତ

Couplet 103

ମୁଁ କି କରିବି ଉପକାରଏତେ ଅନ୍ତରେ ଗୃହ ମୋର

Couplet 104

ଜୀବନ୍ତେ ଏକୁ ଆର ସଖାମରଣେ ପରଲୋକେ ଦେଖା

Couplet 105

ଏମନ୍ତ ମିତ୍ରର ସ୍ୱଭାବଆନନ୍ଦେ କହେ ବସୁଦେବ

Couplet 106

ନନ୍ଦ ଯେ ବସୁଦେବ ଚାହିଁବୋଲଇ ଶୋକଭର ହୋଇ

Couplet 107

ଭୋ ମିତ୍ର ବଡ଼ାଇ ବିକଳନୟନୁ ବହେ ଅଶ୍ରୁଜଳ

Couplet 108

ଦେବକୀ କଲା କେତେ ପାପଅଳପ ଦିନେ ବହୁତାପ

Couplet 109

ପ୍ରସବେ ବରଷେ ବରଷଛ ପୁତ୍ର କଂସ କଲା ନାଶ

Couplet 110

ଏବେ ଦୁହିତାଏ ହୋଇଲାତାହା ମାରିବ ବୋଲି ଗଲା

Couplet 111

ଦେବକୀ ତା'ର ଧରି କରବୋଲଇ ଏହାକୁ ନ ମାର

Couplet 112

ସଙ୍ଖାଳି ହେଉ ବୃଦ୍ଧକାଳେପଡୁଛି ତୋ'ର ପାଦତଳେ

Couplet 113

ଦେବକୀ ବୋଲ ସେ ନ କଲାକୋଳରୁ ଛଡ଼ାଇ ଆଣିଲା

Couplet 114

ଚରଣ ଧରି କଚାଡ଼ନ୍ତେହସ୍ତରୁ ଗଲା ସେ ତୁରିତେ

Couplet 115

କଂସର ମୃତ୍ୟୁ ସେ କହିଲାଶୂନ୍ୟମାର୍ଗରେ ଚଳିଗଲା

Couplet 116

ଏ କଥା କର୍ମର ଆୟତ୍ତଜଗତ କର୍ମେ ଆତଯାତ

Couplet 117

ଏହା ଜାଣନ୍ତି ଜ୍ଞାନୀଲୋକତେଣୁ ନ ଲାଗେ ଦୁଃଖସୁଖ

Couplet 118

ବୋଲଇ ବସୁଦେବ ଶୋକେଯାହା ଅର୍ଜିଲି ପୂର୍ବଲୋକେ

Couplet 119

ସେ କଥା କର୍ମଟି ମୋହରଭୋ ମିତ୍ର ବେଗେ ଯାଅ ଘର

Couplet 120

କଂସ ଆଦେଶ ଘେନି ଶିରେଜଗତେ ବୁଲନ୍ତି ଅସୁରେ

Couplet 121

ମାରିବେ ଯେତେ ବାଳପୁଅଭୋ ମିତ୍ର ଦଣ୍ତେ ହେଁ ନ ରହ

Couplet 122

କହି ଚଳିଲେ ବସୁଦେବନନ୍ଦର ମନ ଉଦ୍‌ବେଗ

Couplet 123

ଶୁଣିଣ ମିତ୍ରର ବଚନନନ୍ଦର ମନ ଛନ୍ନ ଛନ୍ନ

Couplet 124

ଶକଟେ ନାନା ଦ୍ରବ୍ୟ ଭରିଭୟେ ସୁମରେ ନରହରି

Couplet 125

ବଜାଇ ଶଙ୍ଖ ଭେରୀ ତୁରନଗରୁ ହୋଇଲା ବାହାର

Couplet 126

କୃଷ୍ଣ ଆଦେଶ ଶିରେ ଘେନିକହନ୍ତି ଶୁକ ମହାମୁନି

Couplet 127

ସୁଜନେ ଶୁଣ କୃଷ୍ଣଲୀଳାଏ ଭଗସାଗରକୁ ଭେଳା

Couplet 128

ଏ ନାବେ ବସ ଭ୍ରାନ୍ତି ଛାଡ଼ିନ ମର ଭବଜଳେ ବୁଡ଼ି

Couplet 129

ପତ୍ନୀ ତନୟ ଗୃହବାସଏଣେ ନ କରିବ ବିଶ୍ୱାସ

Couplet 130

ସମ୍ପଦ ସ୍ୱପ୍ନ ପ୍ରାୟ ଦୃଶ୍ୟତେଣେ ନ କର ତୁମ୍ଭେ ଆଶ

Couplet 131

ନିରତେ ଚିନ୍ତ ନରହରିନ ମର ଶୂନ୍ୟେ କୋଳକରି

Couplet 132

ଗୋବିନ୍ଦ ନାମେ ଜ୍ଞାନରସକହଇ ଜଗନ୍ନାଥ ଦାସ