Skandha 10
Adhyaya 5
Couplet 1
ଶୁଣି ସାନନ୍ଦମନେ ରାଜାମୁନିଚରଣେ କଲେ ପୂଜା
Couplet 2
ଆନନ୍ଦେ ଲୋଟଇ ଧରଣୀକୁତାର୍ଥ କୃଷ୍ଣଜନ୍ମ ଶୁଣି
Couplet 3
ଭକତି ଦେଖିଣ ତାହାରକହନ୍ତି ବ୍ୟାସଙ୍କ କୁମର
Couplet 4
ଶୁଣ ପରୀକ୍ଷ ଦଣ୍ତଧାରୀଶିଶୁକୁମାରୀ ରାବ କରି
Couplet 5
ଶୁଣି ପ୍ରହରୀ ବେଗେ ଗଲେକଂସ ଛାମୁରେ ଜଣାଇଲେ
Couplet 6
ଶୁଣି ଅସୁର ମହାବଳବୋଲଇ ପୂରିଲା ମୋ' କାଳ
Couplet 7
ଶଯ୍ୟା ଉପେକ୍ଷି ବେଗେ ଉଠିଖଡ଼ଗ୍ କଲା ଦୃଢ଼ମୁଷ୍ଟି
Couplet 8
ଧାଇଁଲା ପବନହୁଁ ଖରେବେଗେ ମିଳିଲା ବନ୍ଦୀଘରେ
Couplet 9
ପିନ୍ଧିଲା ବସ୍ତ୍ର ଅସମ୍ଭାଳଫିଟିଲା ଦୃଢ଼ବନ୍ଧ ବାଳ
Couplet 10
କବାଟ ଫେଡ଼ାଇ ପଶିଲାଦେଖି ଦେବକୀ ଭୟ କଲା
Couplet 11
କଂସ କମ୍ପଇ କୋପଭରେରତ୍ନମୁକୁଟ ଅଛି ଶିରେ
Couplet 12
ଦେଖିଣ କମ୍ପଇ ଦେବକୀକାନ୍ଦଇ ଅତି ଦୁଃଖେ ଦୁଃଖୀ
Couplet 13
ବୋଲଇ ଶୁଣ ନରନାଥହୋଇଲା ଦୁହିତା ଏ ଜାତ
Couplet 14
ଏହାକୁ ସଂହାର ନ କରବଇରୀ ନୁହଁଇ ଏ ତୋ'ର
Couplet 15
ଯେବେ ତୁ କରିବୁ ସଂହାରପ୍ରାଣ ତେଜିବି ତୋ' ଉପର
Couplet 16
ଦୁହିତା ଦାନ ଦେଇ ରଖନୋହିଲେ ହୋଇବି ନିରେଖ
Couplet 17
ସଙ୍ଖାଳି ହେଉ ବୃଦ୍ଧକାଳେପଡୁଛି ତୋ'ର ପାଦତଳେ
Couplet 18
ତୋର ପୁତ୍ରକୁ ଏହା ଦେବିଆନନ୍ଦେ ବିଭା କରାଇବି
Couplet 19
ବହୁତ ଦେଲୁ ଗର୍ଭକଷ୍ଟପୋଡ଼ୁ ନିର୍ଲ୍ଲଜ ମୋର ପେଟ
Couplet 20
ଆଉ ବୟସ ମୋର କାହିଁପାରିବି ପୁତ୍ର ଉପୁଜାଇ
Couplet 21
ଶୁଣି ଦାନବ ମହାବଳୀକୋପେ କମ୍ପଇ ପରଜ୍ଜ୍ୱଳି
Couplet 22
ଦେଖିଣ ଚକିତ ଦେବକୀଭୟେ ବୁଜିଲା ବେନି ଆଖି
Couplet 23
କୋଳରେ ଲୁଚାଇ ଦୁହିତାଶରଣ ଗଲି ରଖ ଭ୍ରାତା
Couplet 24
କଂସ ବୋଲଇ ଶିର ଝୁଣିତୁ ଛାର ମୋହର ବହେଣୀ
Couplet 25
ବସୁଦେବର ଦୋଷ ନାହିଁତୁ ମୋତେ ଅଛୁ ବାଟ ଚାହିଁ
Couplet 26
ମୋର ମରଣ ତୋ'ର ସୁଖତେଣୁ ପାଉଛୁ ତୁହି ଦୁଃଖ
Couplet 27
ତୁ କାହିଁ ଜାଣୁ ହରିମାୟାଅସୁରେ ବଡ଼ ସେ ନିର୍ଦ୍ଦୟା
Couplet 28
ନାନା ରୂପରେ ହୋଇ ଜାତଅସୁର କରଇ ନିପାତ
Couplet 29
ବଇଲୋଚନ ବୀର ଥିଲାଭାରିଯା ରୂପେଣ ମାଇଲା
Couplet 30
ସ୍ତିରୀ ମୂରତି ଧରି ଚଣ୍ତୀଅନେକ ଦୈତ୍ୟ ଶିର ଖଣ୍ତି
Couplet 31
ମହିଷ ମାରି ଦୁର୍ଗା ହୋଇତା'ମାୟା ନ ଜାଣୁ ଲୋ ତୁହି
Couplet 32
ରକତବୀର୍ଯ୍ୟ ଚଣ୍ତମୁଣ୍ତଘୋଟନ୍ତି ମହୀ ନବଖଣ୍ତ
Couplet 33
ଦୁର୍ଗାର ହସ୍ତେ ପ୍ରାଣ ଦେଲେଆବର ଯେତେ ଦୈତ୍ୟ ଥିଲେ
Couplet 34
ଛ ପୁତ୍ର ଦେଇ ମୁରୁଛିଲୁଏବେ ତୁ ଦୁହିତା ଇଚ୍ଛିଲୁ
Couplet 35
ଦୁହିତା ଆଶ ଛାଡ଼ ଆଈଏ ମୋର ବଇରୀ ଅଟଇ
Couplet 36
ଯାହା କହିଲେ ବିଶ୍ୱକେତୁଅଷ୍ଟମ ଗର୍ଭ ମୋର ଶତ୍ରୁ
Couplet 37
ନାରଦ କହିଛନ୍ତି ମୋତେମରିବି ତୋ'ର ପୁତ୍ର ହସ୍ତେ
Couplet 38
ଅଷ୍ଟମଗର୍ଭ ମୋ' ବଇରୀଏହାକୁ ପକାଇବି ମାରି
Couplet 39
ଦେବକୀ ଦୁହିତା ସେନେହକଂସେ କରଇ ଗରୁ କୋହ
Couplet 40
ଚାହିଁଲା ଅଧର କାମୋଡ଼ିକୋଳରୁ ଆଣିଲା ଉଛୁଡ଼ି
Couplet 41
ବେନିଚରଣ ଧରି କରେବୁଲାଇ ପିଟିଲା ଶିଳାରେ
Couplet 42
ଯେ ଦେବୀ ଜଗତସଂହାରେକାହାର ବଳ ତା'କୁ ମାରେ
Couplet 43
କଂସର ହସ୍ତରୁ ଉଛୁଳିଆକାଶେ ଯେସନେ ବିଜୁଳି
Couplet 44
ତେଜେ ଦଶଦିଗ ବିରାଜେବେନିଚରଣ ଅଷ୍ଟଭୁଜେ
Couplet 45
କେ କହୁ ଦେବୀ ଆଭରଣଅଙ୍ଗଦ ନୂପୁର କଙ୍କଣ
Couplet 46
ଗନ୍ଧଚନ୍ଦନ-ପୁଷ୍ପମାଳୀତେତିଶ କୋଟି ଦେବେ ମିଳି
Couplet 47
ସ୍ତୁତି କରନ୍ତି ସୁର ମୁନିକଂସକୁ ବୋଲନ୍ତି ଭବାନୀ
Couplet 48
ରେ କଂସ ଶୁଣ ମୋ' ଉତ୍ତରତୋର ବଇରୀ ଚକ୍ରଧର
Couplet 49
ସେ ତୋତେ କରିବେ ସଂହାରଆବର ଯେତେକ ଅସୁର
Couplet 50
ତୋହର ପାଇଁ ଦେହ ବହିଜାତ ହୋଇଲେ ଯହିଁ ତହିଁ
Couplet 51
ତୁ ମୋତେ ନ ଜାଣି କଚାଡୁନିୟତ ପଥ କି କେ ହୁଡ଼ୁ
Couplet 52
ଦେବେ ଯେ ତୋହର ବଇରୀତାହାଙ୍କ ବୋଲକୁ ତୁ ଡରି
Couplet 53
ଛ ପୁତ୍ର ମାଇଲୁ ଏହାରଧର୍ମକୁ ଛାଡ଼ିଲୁ ଅସୁର
Couplet 54
ଏବେ ମୁଁ କହୁଅଛି ତୋତେହରିଙ୍କି ଭାବ ହୃଦଗତେ
Couplet 55
ସେ ବିଶ୍ୱମ୍ଭର ବିଶ୍ୱମୂର୍ତ୍ତିଭାବିଲେ ପାଇବୁ ମୁକତି
Couplet 56
ସେ ହରି ତୋହର ବଇରୀତୋ'ର ମରଣେ ଅବତରି
Couplet 57
ସେ ଶୂନ୍ୟପୁରୁଷ ଗୋସାଇଁତାହା ଭେଟିବୁ ଅବା କାହିଁ
Couplet 58
ଏବେ ତୁ ଶୁଣ କଂସ ବୀରଏ ତୋର ବହେଣୀ ସୋଦର
Couplet 59
ଏହାଙ୍କୁ ବନ୍ଦୀଘରୁ ଫେଡ଼ିବେନି ଚରଣତଳେ ପଡ଼ି
Couplet 60
ତୋଷିଣ ନିଅ ନିଜପୁରତୋ'ର ବଇରୀ ପିତାମ୍ବର
Couplet 61
କହି ଚଳିଲେ ନିଜସ୍ଥାନଉଚ୍ଚାଟ କରି କଂସ ମନ
Couplet 62
ଯାହା କହିଲେ ଜଗନ୍ମାଥଜଗତେ ହୋଇଲା ବିଖ୍ୟାତ
Couplet 63
ଦେବୀ ବଚନ କଂସ ଶୁଣିବିଚାର କଲା ମନେ ଗୁଣି
Couplet 64
ନ ଜାଣି ବିଧାତାର ଗତିସୋଦରେ କଲଇଁ ଅନୀତି
Couplet 65
ଅନେକ କଲଇଁ ମୁଁ ଦୋଷକେମନ୍ତେ ହୋଇବ ବିଶ୍ୱାସ
Couplet 66
କିସ କରିବି ବୋଲି ଭାଳିଚରଣୁଁ ଫେଡ଼ିଲା ଶାଙ୍କୋଳି
Couplet 67
ଚାହିଁଲା ଦେବକୀ ବଦନବୋଲଇ ମଧୁର ବଚନ
Couplet 68
ଦେବକୀ ବସୁଦେବ ଶୁଣତୁମ୍ଭରେ କଲି ଦ୍ରୋହପଣ
Couplet 69
ମୁହିଁ ତ ସ୍ୱଭାବେ ଅସୁରଭଣଜା ମାଇଲି ମୋହର
Couplet 70
ତୁମ୍ଭଙ୍କୁ ଦେଲି ପୁତ୍ରକଷ୍ଟମୋହର ଧର୍ମ କଲି ନଷ୍ଟ
Couplet 71
ସଂସାରେ କଲି ଅପଯଶନରକେ ହୋଇବି ପ୍ରବେଶ
Couplet 72
ଦେହ ବହିଲେ ନିଶ୍ଚେ ମରିସଂସାର ନୁହଁଇ କାହାରି
Couplet 73
ବୃକ୍ଷର ତଳେ ଯେହ୍ନେ ଆସିପଥୁକୀ ବିଶ୍ରାମନ୍ତି ବସି
Couplet 74
ପୁଣି ଚଳନ୍ତି ଶ୍ରମ ସାରିସେ ବୃକ୍ଷ ନୁହଁଇ କାହାରି
Couplet 75
ତେମନ୍ତ ମାୟା ଏ ସଂସାରକେ ମାତା କେ ପିତା କୁମର
Couplet 76
ଅର୍ଜିଲା କର୍ମେ ଆତଯାତମାୟାଭିଆଣ ତାତମାତ
Couplet 77
ବିଧି ବିଚାରେ ଯାହା କରିଭୁଞ୍ଜଇ ସେ ଫଳ ଆବୋରି
Couplet 78
ଦୋଷ କରିବା ମୋର କ୍ଷମାସ୍ୱଭାବେ ମୁହିଁ ଦୁରାତମା
Couplet 79
ଏମନ୍ତ ବୋଲି ଶୋକ କରିପାଦେ ପଡ଼ିଲା କରଯୋଡ଼ି
Couplet 80
ସହୃଦପଣ ଦେଖାଇଲାଅନେକ ଧନରତ୍ନ ଦେଲା
Couplet 81
ନିଜ ମନ୍ଦିରେ ଦେଲା ବାସଅନେକ କରାଇ ବିଶ୍ୱାସ
Couplet 82
କଂସ ଭକତିଭାବ ଦେଖିସନ୍ତାପ ଛାଡ଼ିଲା ଦେବକୀ
Couplet 83
ସନ୍ତୋଷ ହୋଇ ବସୁଦେବଦିନକୁ ଦିନ ବଡ଼ ଭାବ
Couplet 84
ଏମନ୍ତେ ରଜନୀ ପାହିଲାକଂସ ସଭାରେ ବିଜେକଲା
Couplet 85
ଅସୁରଗଣଙ୍କୁ ବସାଇକହଇ ବିଶ୍ୱାସ କରାଇ
Couplet 86
ଶୂନ୍ୟେ ଚଣ୍ତିକା ଯାହା ଭଣିସବୁ କହିଲା ପରିମାଣି
Couplet 87
କଂସର ଦେଖିଣ କାତରଅସୁରେ ବୋଲନ୍ତି ଉତ୍ତର
Couplet 88
ଶୁଣ ହୋ ଭୋଜନୃପମଣିଯାହା କହିଲେ ନାରାୟଣୀ
Couplet 89
ତୋହର ଆଜ୍ଞା ଘେନି ଶିରେବୁଲିବୁ ସକଳ ଦେଶରେ
Couplet 90
ଦିନକଠାରୁ ଯେତେ ବାଳସବୁରି ପୂରାଇବୁ କାଳ
Couplet 91
ଯେତେ ବାଳକ ବସୁନ୍ଧରୀସକଳ ପକାଇବୁ ମାରି
Couplet 92
ତୁ କିମ୍ବା ଡରୁ ଦେବଗଣେସେବନ୍ତି ତୋହର ଚରଣେ
Couplet 93
ତୋ ତୁଲେ କେ କରୁ ସଂଗ୍ରାମଦେବେ ନୁହଁନ୍ତି ସରିସମ
Couplet 94
ତୋହର ଶୁଣି ଧନୁଘୋଷେପଳାନ୍ତି ସଂଗ୍ରାମୁଁ ତରାସେ
Couplet 95
ଜୀବନ ପାଇଁ ଛାଡ଼ି ରଣବେଗେ ପଳାନ୍ତି ଦେବଗଣ
Couplet 96
କେ ପିନ୍ଧି ନ ପାରନ୍ତି ବାସକାହାର ଭୟେ ଫିଟେ କେଶ
Couplet 97
ନିସତେ ନ ପଳାନ୍ତି ଯେହୁନ ମାରି ତାଙ୍କୁ ଦୟା ବହୁ
Couplet 98
ଜୀବନ ପାଇଁ ଯା'ର ଆଶସେ ତୋ'ର କରିବେଟି କିସ
Couplet 99
ତହୁଁ ଅଧିକ ତିନି ଦେବବ୍ରହ୍ମା ଶଙ୍କର ପଦ୍ମନାଭ
Couplet 100
ଆତ୍ମାର ସୁଖେ ସେ ରମନ୍ତିସେ କିମ୍ବା ତୋତେ ବାଦ ଚିନ୍ତି
Couplet 101
ଅଗାଧ କ୍ଷୀରସିନ୍ଧୁ ଜଳେଶୟନ ଅନନ୍ତର କୋଳେ
Couplet 102
ପାଦେ ଖଟନ୍ତି ବେନି ନାରୀସୁଖେ ଶୟନ ଦେବ ହରି
Couplet 103
ସେ କାହିଁ ତୋ'ର ତୁଲେ ରଣମିଥ୍ୟା କହିଲେ ଦେବଗଣ
Couplet 104
ବ୍ରହ୍ମା ତ ଥାଇ ତା'ର ସୁଖେଚିନ୍ତା କରଇ ତିନିଲୋକେ
Couplet 105
ତପହୁଁ ନଜାଣଇ ଆନଚିନ୍ତଇ ପ୍ରଭୁ ଭଗବାନ
Couplet 106
କୃଷ୍ଣହୁଁ ନ ଜାଣଇ କିଛିସେ କିପାଁ ତୋତେ ବାଦ ଇଚ୍ଛି
Couplet 107
ଈଶ୍ୱର ରହେ ଭୂତମେଳେଅମ୍ବିକା ଥାଇ ତା'ର କୋଳେ
Couplet 108
ସେ କିପାଁ ସମର କରିବନିତ୍ୟେ ଉଦାସୀ ସଦାଶିବ
Couplet 109
ଇନ୍ଦ୍ର ତ ବଳେ ନୋହେ ସରିତୋତେ ତ ଦିଗପାଳେ ଡରି
Couplet 110
ତୋ'ର ବଇରୀ ଯେବେ ହରିସେ ଥାଇ ସର୍ବଘଟେ ପୂରି
Couplet 111
କେ ତା'କୁ ପାଇବ ତ୍ରିଲୋକେଶୁଣ କହିବା କଉତୁକେ
Couplet 112
ଦେବତାମାନେ ତା'ର ମୂଳଯେ ଧର୍ମ ଧରିଛି ଶୟଳ
Couplet 113
ଦେବେ ତାହାର ତହୁଁ ଜନ୍ମବେଦରୁ ଯେହ୍ନେ ନିତ୍ୟକର୍ମ
Couplet 114
ଗୋରୁ ବ୍ରାହ୍ମଣ ଯଜ୍ଞଦାନତୀର୍ଥ ଦକ୍ଷିଣା ତପ ଶ୍ରମ
Couplet 115
ତପ କରନ୍ତି ଯେତେ ଲୋକେବିଷ୍ଣୁଙ୍କୁ ଭଜନ୍ତି ଯେ ଥୋକେ
Couplet 116
ଶ୍ରଦ୍ଧା କରନ୍ତି ଯେହୁ ଧର୍ମେଦୟା କରନ୍ତି ଦୁଃଖୀଜନେ
Couplet 117
କରନ୍ତି ପର ଉପକାରଯମଲୋକକୁ ଯା'ର ଡ଼ର
Couplet 118
ଏହାଙ୍କ ଦେହେ ଥାଇ ହରିଏ ମଲେ ମରଇ ମୁରାରି
Couplet 119
ଏ ଆମ୍ଭ ଉଚିତ ବିଚାରଏମନ୍ତେ ଶତ୍ରୁଯିବ ମା'ର
Couplet 120
ଅଇରୀ ବାଳକାଳୁଁ ମାରିନ ମଲେ ଦିନୁ ଦିନ ବଢ଼ି
Couplet 121
ଦେହରେ ବ୍ୟାଧି ଜନ୍ମକାଳେହେଳା ଯେ କରେ ସୁଖଭୋଳେ
Couplet 122
ସେ ଯେହ୍ନେ ନିରତେ ବଢ଼ଇଶତ୍ରୁର ସ୍ୱଭାବଟି ଏହି
Couplet 123
ଆଜ୍ଞା ତୁ ଦିଅ ବେଗ କରିହରିଙ୍କି ପକାଇବୁ ମାରି
Couplet 124
ଭାଜିବୁ ପ୍ରସାଦ ଅଟ୍ଟାଳୀଗୋରୁ ବ୍ରାହ୍ମଣ ଆଦି ମାରି
Couplet 125
ଯଜ୍ଞ ଭାଙ୍ଗିବୁ ମୁନିଙ୍କରଯେ ଧର୍ମନୀତିର ବେଭାର
Couplet 126
ଦ୍ୱାଦଶ ଦିବସ ବାଳକଖୋଜି ମାରିବୁ ଲକ୍ଷ ଲକ୍ଷ
Couplet 127
ଧର୍ମ ବିଧ୍ୱଂସେ କର ଆଶଦେବେ କରିବେ ଆନ କିସ
Couplet 128
ଏବେ ତୁ କର ସ୍ନାନ କର୍ମକୁଳର ଯେ ବିଧିବିଧାନ
Couplet 129
ଅସୁରବଳ ବୋଲ ଶୁଣିକଂସ ଆନନ୍ଦମନେ ଗୁଣି
Couplet 130
ଅନେକ କଲା ପରଶଂସାହିତ ମଣିଲା ବିଷ୍ଣୁହିଂସା
Couplet 131
ଜଣ ଜଣକେ ଶାଢ଼ି ଦେଲାବଇରୀ ସଂହାର ବୋଇଲା
Couplet 132
ଅସୁରେ କଲାକ ବିଶ୍ୱାସଅମୃତ ମଣିଲାକ ବିଷ
Couplet 133
କଂସ ଆଦେଶ ଘେନି ବେଗେଅସୁରେ ଗଲେ ଦଶଦିଗେ
Couplet 134
ତକ୍ଷଣେ ହୋଇ କାମରୂପୀପଶିଲେ ବନ ଗିରିବ୍ୟାପୀ
Couplet 135
ଗ୍ରାମ ପାଟଣା ପୁର ଦେଶଅନେକ ଶିଶୁ କଲେ ନାଶ
Couplet 136
ଦାନବବୁଦ୍ଧି ମୂଢ଼ପଣସାଧୁଙ୍କୁ ଦିଅନ୍ତି କଷଣ
Couplet 137
କଂସ ବଇରୀ ଅଛି କାହିଁନିତ୍ୟେ ଖୋଜନ୍ତି ଭାବଗ୍ରାହୀ
Couplet 138
ତାମସ ଗୁଣ ଆଚରିଲେନିକଟେ ମରଣ ଲୋଡ଼ିଲେ
Couplet 139
ଆୟୁଷ ବଳ ଯଶ ଧର୍ମଲୋକ ଆଶିଷ ଶୁଭକର୍ମ
Couplet 140
ଏ ଆଦି ସର୍ବନାଶ କରେଯେ ହିଂସା କରିଥା'ନ୍ତି ପରେ
Couplet 141
ସୁଜନେ ଶୁଣ ହରିକଥାଫିଟିବ ଭବବନ୍ଧ ବ୍ୟଥା
Couplet 142
କୀଟରୁ ବ୍ରହ୍ମଲୋକ ଯାଏହିଂସ୍ରକ ହରିଙ୍କି ନ ପାଏ
Couplet 143
ସେ ହରି ଦୁଃଖୀଙ୍କ ସୋଦରହିଂସା ନାଶିବେ ପ୍ରଭୁ ମୋ'ର
Couplet 144
କୃଷ୍ଣର ପାଦେ ଦେଇ ଚିତ୍ତକହଇ ଦାସ ଜଗନ୍ନାଥ