Adhyaya 4

Couplet 1

କହନ୍ତି ଶୁକମୁନି ହସିକୃଷ୍ଣ ଚରିତ ପରଶଂସି

Couplet 2

ପରୀକ୍ଷ ମୁଖକୁ ଚାହିଁଲେଆନନ୍ଦେ ଲୋଚନ ବୁଜିଲେ

Couplet 3

ସମାଧି କରି ଯୋଗଧ୍ୟାୟିକୃଷ୍ଣ ପ୍ରସନ୍ନ ଲେଶ ପାଇ

Couplet 4

ପୁଣି କ୍ଷଣକେ ଚକ୍ଷୁ ଫେଇହସି କହନ୍ତି ରାଜା ଚାହିଁ

Couplet 5

ଶୁଣ ହୋ ଶ୍ରୀକୃଷ୍ଣର ଜନ୍ମଯେଣେ ଖଣ୍ତିବ ଭବଭ୍ରମ

Couplet 6

ଦେବକୀ ଦେବଗଣ ଦେଖିମନେ ବିଚାରେ ଶଶୀମୁଖୀ

Couplet 7

ମୁଁ ଅଟେ ମାନୁଷ ଯୁବତୀଦେବେ କରନ୍ତି ମୋତେ ସ୍ତୁତି

Couplet 8

କି ଅବା ଉଦରେ ମୋହରବିଜୟ କଲେ ଚକ୍ରଧର

Couplet 9

ଯାଦବକୁଳ ନିସ୍ତାରଣେପାପିଷ୍ଠ କଂସର ମରଣେ

Couplet 10

ଦେବଙ୍କ ଛଳେ ଅବତାରନାଶିବେ ଅବନୀର ଭାର

Couplet 11

ଏତେ ବିଚାରି ମହାମାୟାକ୍ଷଣକେ ପାସୋରିଲା ତାହା

Couplet 12

ଯୋଗମାୟାର ଯୋଗବଳେବିଷୟାରସ କାମଭୋଳେ

Couplet 13

ସୁତ ଲାଳସା ପରିବନ୍ଧେତ୍ରିଗୁଣ ଭେଦ କୂଟଛନ୍ଦେ

Couplet 14

ମନ ମୋହିଲା ରାଜସୁତାନ ଜାଣେ ଗର୍ଭର ବ୍ୟବସ୍ଥା

Couplet 15

ମନୁଷ୍ୟ ଜନ୍ମର ସ୍ୱଭାବଦେଖଇ ପତିବ୍ରତା ଗର୍ଭ

Couplet 16

ତଥ୍ୟ ନ କଲେ ରୂପ ହେଜିକ୍ଷଣ କ୍ଷଣକେ ଚକ୍ଷୁ ବୁଜି

Couplet 17

ଶୁଖିଲା ଅଧର ଦଶନଫିଟିଲା କଟୀ ପହରଣ

Couplet 18

ଶୁଖିଲା ପ୍ରାୟେ ବିମ୍ବାଧରକମ୍ପିତ ମୁଖ ଭୁଜ ଊର

Couplet 19

ନାଭି ଲେଉଟି ଦିଶେ ଝଳିଟାଙ୍କୋରେ ତନୁ ରୋମାବଳୀ

Couplet 20

କ୍ଷଣ କ୍ଷଣକେ ଯୋଗନିଦ୍ରାଛାଡ଼ିଲା ସୁଖ ଭୋଗ ସୁଧା

Couplet 21

ନିବିଡ଼େ ଅବନୀ ଶୟନକ୍ଷଣେ ମଳୟ ହୁତାଶନ

Couplet 22

ତପତ ନିଃଶ୍ୱାସ ସମୀରକର ଚରଣ ଥରହର

Couplet 23

କୋମଳପତ୍ର ଶଯ୍ୟା ଆଶେମଳୟ ଚନ୍ଦନ ପ୍ରକାଶେ

Couplet 24

ସକଳ ସୁଖଭୋଗ ମାନକରାନ୍ତି ପ୍ରଭୁ ଭଗବାନ

Couplet 25

ଯେ ହେବ ଗୋବିନ୍ଦର ଆଈତାହାର ପାପ-ବାଧା କାହିଁ

Couplet 26

ବିଚାର କରେ ଦେବୀ ମନେଏ ଗର୍ଭ ସହିବି କେସନେ

Couplet 27

ଛ ବେଳ ହେଲା ପରିହାରଏବେ ମୋ ପ୍ରକୃତି ଅନ୍ତର

Couplet 28

କି ଅବା କାଳଆଶ୍ରେ ମୋତେଜୀବନ ହରିବ ଯୁଗତେ

Couplet 29

ଏମନ୍ତେ ଦିବାରାତ୍ର ବସିମନେ ଭାଳଇ ଶୁଭ୍ରକେଶୀ

Couplet 30

ଏମନ୍ତେ ଦୁଃଖ ସୁଖ ମନେଦିନ ହରଇ ମନଛନ୍ନେ

Couplet 31

ଶୁଭେ ହୋଇଲା ଅଷ୍ଟମାସପୃଥ୍ୱୀ ମଣ୍ତିବେ ଶ୍ରୀନିବାସ

Couplet 32

ଶରଦ ହେମନ୍ତ ଅନ୍ତରେବସନ୍ତ ଗ୍ରୀଷମ ବେଭାରେ

Couplet 33

ସୂର୍ଯ୍ୟଙ୍କ ତହୁଁ ଷଡ଼ଋତୁପ୍ରକାଶ ଜନସୁଖ ହେତୁ

Couplet 34

ଋତୁଙ୍କ ମଧ୍ୟେ ଶ୍ରେଷ୍ଠବଳସଂପୂର୍ଣ୍ଣ ବରଷାର କାଳ

Couplet 35

ଭାଦ୍ରବ ମାସ କୃଷ୍ଣପକ୍ଷେସକଳ ଗ୍ରହେ ଛନ୍ତି ଉଚ୍ଚେ

Couplet 36

ଅଷ୍ଟମୀ ନିଶା ଅର୍ଦ୍ଧଭାଗେରୋହିଣୀ ନକ୍ଷତ୍ର ସଂଯୋଗେ

Couplet 37

ବୃଷ ରାଶିରେ ନିଶାକରନକ୍ଷତ୍ର ଗ୍ରହେ ବଳୀୟାର

Couplet 38

ଗଭୀର ଘୋର ମେଘ ଘୋଷବର୍ଗ ଉତ୍ତମ ନବଅଂଶ

Couplet 39

ଏହି ସମୟେ ସୁରରାୟେଆକାଶେ ଉତ୍ସ›ବ କରାଏ

Couplet 40

ଦୁନ୍ଦୁଭି-ବାଦ୍ୟ-ନାଦ ହେରିରଙ୍ଗେ ନାଚନ୍ତି ଅପସରୀ

Couplet 41

ଦେବେ କରନ୍ତି ପୁଷ୍ପବୃଷ୍ଟିଖଣ୍ତିବେ ଗୋବିନ୍ଦ ଅରିଷ୍ଟି

Couplet 42

ଇନ୍ଦ୍ର ପବନକୁ ହକାରିବୋଲଇ ଯାଅ ମଧୁପୁରୀ

Couplet 43

ତୋହର ଗନ୍ଧ ଗୁଣ ଘେନିଆନନ୍ଦେ ବହିବୁ ମେଦିନୀ

Couplet 44

କଂସର ବନ୍ଦୀଘରେ ଯାଇବହିବୁ ମଳୟ ପୁରାଇ

Couplet 45

ଦିଗେ ଦିଶନ୍ତୁ ପରିମଳବହିବୁ ସୁଗନ୍ଧ ଶୀତଳ

Couplet 46

ଇନ୍ଦ୍ରର ଆଜ୍ଞା ପାଇ ବେଗେସମୀର ଚଳିଗଲା ଆଗେ

Couplet 47

ପବନ ଗଲା ମଧୁ ପୁରେବହେ ସୁଗନ୍ଧ ରସଭରେ

Couplet 48

ନିର୍ମଳ ଦିଶିଲା ଗଗନମହୀ ମଙ୍ଗଳ ବିଦ୍ୟମାନ

Couplet 49

ଗ୍ରାମ ପାଟଣା ପୁର ଘୋଷମଙ୍ଗଳ ବାଦ୍ୟେ ଗୀତ ରସ

Couplet 50

ନଦୀଏ ଉଛୁଳିଲେ ଜଳେପକ୍ଷୀଙ୍କ ନାଦ ବୃକ୍ଷଡ଼ାଳେ

Couplet 51

ସ୍ତବକ ପୁଷ୍ପ ବନେ ଫୁଟିବାସ ପ୍ରସରଇ ପ୍ରକଟି

Couplet 52

ବିପ୍ରେ ମଙ୍ଗଳ ବେଦନାଦେଅନଳେ କ୍ଷେପନ୍ତି ସମିଧେ

Couplet 53

ଆନନ୍ଦ ହେଉଅଛି ମହୀକୃଷ୍ଣ ଜନ୍ମିବେ ଦେହ ବହି

Couplet 54

ବଥାଏ ଦେବକୀ ଉଦରସ୍ୱାମୀଙ୍କି ବୋଲନ୍ତି ଉତ୍ତର

Couplet 55

ଭୋ ନାଥ ଚିନ୍ତ ନାରାୟଣକେ ସହୁ ଗର୍ଭର କଷଣ

Couplet 56

ଶୁଣି ବସୁଦେବ ଉଠିଲାଦେବକୀ କଙ୍କାଳ ଧଇଲା

Couplet 57

ଆବୋରି ଗୋବିନ୍ଦ ସୁମରିଭୟେ ଚିନ୍ତଇ ନରହରି

Couplet 58

ଆକାଶେ ଉଦେ ନିଶାକରଦେବକୀ ଉଦରୁ ବାହାର

Couplet 59

ନୀଳ-ଜୀମୂତ ଦେହ କାନ୍ତିବଳୟ ମଣି ଝଟକନ୍ତି

Couplet 60

ପୀତବସନ କଟୀ ଶୋହେରୂପେ କୋଟିଏ କାମ ମୋହେ

Couplet 61

କଟୀ-ମେଖଳା ସୁନା-ସୂତାଉତ୍ତରୀ ସୁବର୍ଣ୍ଣ ପଇତା

Couplet 62

କିରୀଟ କୁଣ୍ତଳ କଙ୍କଣପାଦେ ନୂପୁର ରୁଣଝୁଣ

Couplet 63

ଦିଶଇ ଶଙ୍ଖ ଚକ୍ର ତେଜମର୍କତ ସ୍ତମ୍ଭ ଚାରିଭୁଜ

Couplet 64

ଗଦା କମଳ ଶଙ୍ଖଚକ୍ରଅଧର ଓଷ୍ଠ ରଙ୍ଗ ରେଖ

Couplet 65

ଶ୍ରୀବତ୍ସ› ଚିହ୍ନ ହୃଦେ ଶୋହେରତ୍ନପାଦୁକା ବେନି ପାୟେ

Couplet 66

ଅପୂର୍ବ ରୂପେ ଯୋଗେଶ୍ୱରଦେବ ମାନବେ ଅଗୋଚର

Couplet 67

ଦେବକୀ ପ୍ରସବିଣ ସୁତଶ୍ରମେ ହୋଇଲା ମୋହଗତ

Couplet 68

ପଛେ ଯେ ବସୁଦେବ ଥିଲାକୃଷ୍ଣ ରୂପକୁ ଅନାଇଲା

Couplet 69

ସ୍ଥିରେ ଚାହିଁଲା ବସୁଦେବଦେଖିଲା ଅନାଦି ମାଧବ

Couplet 70

କ୍ଷଣେ ରହିଲା ସ୍ଥିର ହୋଇକୃଷ୍ଣଙ୍କୁ ଚାହିଁ ବିଚାରଇ

Couplet 71

କୃଷ୍ଣ ହରିଲେ ପିତା ଜ୍ଞାନଚକିତେ ବିଚାରଇ ମନ

Couplet 72

ମନରେ ଗଙ୍ଗାସ୍ନାନ କଲାଅୟୁତେ ଧେନୁ ଉ›ତ୍ସର୍ଗିଲା

Couplet 73

ଏ ପୁତ୍ରେ କଂସ ନ ମାଇଲେଦେବଇଁ ଅଳଙ୍କାର ତୁଲେ

Couplet 74

ଏ ପୁତ୍ର ନମଲେ ମୋହରପୁଜିବି ବିପ୍ରଙ୍କ ପୟର

Couplet 75

ଚାହିଁଲା ଗୋବିନ୍ଦ ବଦନପୁଣି ପାଇଲା ଦିବ୍ୟଜ୍ଞାନ

Couplet 76

ଭୟେ କମ୍ପଇ ତା'ଶରୀରଏ ତ ଅନାଦି ଚକ୍ରଧର

Couplet 77

ମୁ ଛାର ମନୁଷ୍ୟ ଅଧମକିପାଁ ଏ ହୋଇଲା ପ୍ରସନ୍ନ

Couplet 78

କି ବୁଦ୍ଧି କରିବଇଁ ମୁହିଁକଂସକୁ ଡରେ ମୋର ଦେହୀ

Couplet 79

ବୋଲଇ ବସୁଦେବ ଶୋକେଏ କିମ୍ବା ଜାତ ମଞ୍ଚଲୋକେ

Couplet 80

ତେଜେ ଉଜ୍ଜ୍ୱଳ ବନ୍ଦୀଘରତିଳେ ହେଁ ନଦିଶେ ଅନ୍ଧାର

Couplet 81

କର ଅଞ୍ଜଳି ଶିରେ ଦେଇସ୍ତୁତି କରଇ କୃଷ୍ଣ ଚାହିଁ

Couplet 82

ତୋହର ଆଦି ଅନ୍ତ ନାହିଁପ୍ରକୃତି ତୋତେ ନଲାଗଇ

Couplet 83

କେବଳ ସୂକ୍ଷ୍ମ ରୂପେ ଶୂନ୍ୟମୁନିଙ୍କ ଚିତ୍ତେ ଜ୍ଞାନଗମ୍ୟ

Couplet 84

ତୋହର ମାୟାରେ ଜଗତମହତ ଆଦି ପଞ୍ଚଭୂତ

Couplet 85

ତହିଁରେ ନୋହୁ ତୁ ପ୍ରବେଶପ୍ରବେଶ ପ୍ରାୟ ତୋ' ପ୍ରକାଶ

Couplet 86

ବାହାର ଭିତରେ ଅନନ୍ତସୃଷ୍ଟି କରୁ ତୁ ଆତଯାତ

Couplet 87

ବୁଦ୍ଧି ଲକ୍ଷଣ ଗୁଣ ଘେନିତୋତେ ଚିନ୍ତନ୍ତି ଆତ୍ମଜ୍ଞାନୀ

Couplet 88

କାହୁଁ ଦେଖିବେ ଦେହବନ୍ତତୁ ଦେବ ଅନାଦି ଅଚ୍ୟୁତ

Couplet 89

ଜଗତ ତୋ'ର ତହୁଁ ଜାତପାଳିଣ ପୁଣି କରୁ ଅନ୍ତ

Couplet 90

ଜଗତ ଉପୁଜିବା କାଳେଅରୁଣ ବର୍ଣ୍ଣ ହେଉ ବେଳେ

Couplet 91

ପାଳିବା କାଳେ ଶୁକ୍ଳବର୍ଣ୍ଣଜଗତେ ବୋଲାଉ ତୁ ଧର୍ମ

Couplet 92

ସଂହାର କାଳେ କୃଷ୍ଣରୂପତୋର ବିହାର ମୋହକଳ୍ପ

Couplet 93

ତୁ ଏବେ ମୋରଘରେ ନାଥଅଂଶେ ହୋଇଲୁ ଦେହବନ୍ତ

Couplet 94

ଜାଣିଲି ଯେତେକ ଅସୁରମାରି କରିବୁ ମହୀ ସ୍ଥିର

Couplet 95

ତୋ'ର ଜନମ ମୋ'ର ଘରେଶୁଣିଣ କଂସ କୋପଭରେ

Couplet 96

ଛ ପୁତ୍ର ମାଇଲା ମୋହରତୁ କି ନ ଜାଣୁ ଚକ୍ରଧର

Couplet 97

ପ୍ରହରୀମାନେ ଜଗିଛନ୍ତିଶୁଣିବେ ବୋଲି ମନେ ଭୀତି

Couplet 98

କଂସକୁ କହିବେ ତୁରିତେସେ ଆସି ମାରିବଟି ତୋତେ

Couplet 99

ତୋତେ ହୋ ତୁହି ରକ୍ଷାକରମୁଁ ଛାର ମନୁଷ୍ୟ ମାତର

Couplet 100

ଏମନ୍ତେ ଗଡ଼ଘାଲି ଶୋଇକମ୍ପଇ କୃଷ୍ଣ ମୁଖ ଚାହିଁ

Couplet 101

ଶୀତଳ ବହଇ ପବନଦେବକୀ ପାଇଲା ଚେତନ

Couplet 102

ଚକ୍ଷୁ ଫେଇଣ ଚାହେଁ ଧୀରେଯେହ୍ନେ ଉଦୟ ଦିନକରେ

Couplet 103

ଚାହିଁଲା ପୁତ୍ରର ବଦନଚକିତେ ହୋଇ ଛନ୍ନଛନ୍ନ

Couplet 104

ଅପୂର୍ବ କାହୁଁ ଏ ଅଇଲାଜଗତେ ନାହିଁ ନା ଦେଖିଲା

Couplet 105

ଏ ତ ପୁରୁଷଙ୍କ ଉତ୍ତମକି ଅବା ପ୍ରଭୁ ଭଗବାନ

Couplet 106

ପୂର୍ଣ୍ଣ ଆନନ୍ଦ ଜ୍ଞାନମୟଦେଖି ପାଇଲା ଦେବୀ ଭୟ

Couplet 107

ବିକଳେ ବେନିକର ଯୋଡ଼ିହା କୃଷ୍ଣ ବୋଲି ପାୟେ ପଡ଼ି

Couplet 108

ଚଞ୍ଚଳ ମନ କରି ସ୍ଥିରଦେବକୀ ବୋଲଇ ଉତ୍ତର

Couplet 109

ଭୋ ନାଥ ନିସ୍ତରିଲି ମୁହିଁତୋହର ଆଦି ଅନ୍ତ ନାହିଁ

Couplet 110

ମନ ବଚନେ ହେଁ ନ ପାଇପ୍ରସନ୍ନ ହୁଅ ମୋତେ ତୁହି

Couplet 111

ଜ୍ୟୋତିସ୍ୱରୂପ ନିରଞ୍ଜନନିର୍ମଳ ପୁଣ୍ୟ ଦିବ୍ୟଜ୍ଞାନ

Couplet 112

ଦେବେ ଗୋଚର ନୋହେ ଯେହୁଅଧ୍ୟାତ୍ମଦୀପ ମହାବାହୁ

Couplet 113

ବ୍ରହ୍ମାର ଅନ୍ତେ ମହୀ ନାଶେବ୍ରହ୍ମାଣ୍ତ ଲୁଚନ୍ତି ଆକାଶେ

Couplet 114

ମନର ମୂଳେ ପଞ୍ଚଭୂତେତୋହର ଦେହେ ଲୀନହୋନ୍ତେ

Couplet 115

ରବି ଶଶାଙ୍କ ନାହିଁ କେହିତୁ ମାତ୍ର ରହୁ ଶେଷ ହୋଇ

Couplet 116

ନିମିଷ ଆଦି ଯେଉଁ କାଳତୋହର ଚେଷ୍ଟା ଅନ୍ତରାଳ

Couplet 117

ଏ ମର୍ତ୍ତ୍ୟେ ମୃତ୍ୟୁସର୍ପ ରୂପେଦଂଶିବ ବୋଲି ମହାକୋପେ

Couplet 118

ଦେଖଇଁ ପ୍ରାଣୀଙ୍କି ନିରତକରଇ କ୍ଷଣେ କ୍ଷଣେ ଗ୍ରସ୍ତ

Couplet 119

ଶରଣ ତୋ'ର ପାଦେ ଯେହୁସେ ମୃତ୍ୟୁ ପାଇବଟି କାହୁଁ

Couplet 120

ବାହୁଡ଼ି ହୋଏ ଯେ ନିରାଶସେ ପ୍ରାଣୀ ରହେ ତୋ'ର ପାଶ

Couplet 121

ତୁ ଏବେ ହରି ରଖ ତୋତେକଂସକୁ ନ ଯାଇ ପରତେ

Couplet 122

ମୋର ଉଦରୁ ତୋ'ର ଜାତଲୋକେ କରିବେ କାହୁଁ ସତ

Couplet 123

ତୋ' ରୂପ ନ ଜାଣନ୍ତି କେହିକଂସକୁ ଡରେ ମୋର ଦେହୀ

Couplet 124

ଶୁଣି ବୋଲନ୍ତି ନାରାୟଣଭୋ ତାତ ଶୁଣ ମୋ' ବଚନ

Couplet 125

ବ୍ରହ୍ମା ଯେ ସୃଷ୍ଟି ଭିଆଇଲାତୁମ୍ଭ ଦୁହିଁଙ୍କି ଜାତ କଲା

Couplet 126

ପୃଶ୍ନି ସୁତପା ନାମ ବହିଜନ୍ମ ହୋଇଲ ତୁମ୍ଭେ ଦୁଇ

Couplet 127

ତା'ର ଆଦେଶ ଘେନି ଶିରେମିଳିଲ ଗହନ ବନରେ

Couplet 128

ଅନେକ ଦୁଃଖେ ତପ କରିଜଳ ପବନ ପତ୍ର ଚରି

Couplet 129

ବରଷା ଗ୍ରୀଷ୍ମ ଶୀତ ହିମେଶ୍ୱାସ ନିରୋଧି ମହାଶ୍ରମେ

Couplet 130

ଶତେ ବରଷ ଦେବମତେତପ ସାଧିଲ ଦୃଢ଼ଚିତ୍ତେ

Couplet 131

ନିରତେ କଲ ମୋତେ ଧ୍ୟାନମୁଁ ପୁଣି ହୋଇଲି ପ୍ରସନ୍ନ

Couplet 132

ଆନନ୍ଦେ ଯାଚିଲି ମୁଁ ବରଜାଣିଲି ତୁମ୍ଭର ବିଚାର

Couplet 133

ମୋର ପ୍ରସନ୍ନ ଭାବ ଘେନିଭାବେ ବୋଇଲ ତୁମ୍ଭେ ବେନି

Couplet 134

ବୋଇଲ ଶୁଣ ଚକ୍ରଧରଆମ୍ଭର ହୋଇବ କୁମର

Couplet 135

ପ୍ରଥମେ ହୋଇଲି ମୁଁ ଜାତନାମ ମୋ' ପୃଶ୍ନିଗର୍ଭ ଖ୍ୟାତ

Couplet 136

ଦ୍ୱିତୀୟେ କଶ୍ୟପ ଅଦିତିରୂପରେ ତୁମ୍ଭ ଉତପତ୍ତି

Couplet 137

ମୁଁ ପୁଣି ତୁମ୍ଭ ଗର୍ଭେ ଜାତଉପେନ୍ଦ୍ର ବାମନ ବିଖ୍ୟାତ

Couplet 138

ମୋହର ନାମ ଭାବଗ୍ରାହୀଜନ୍ମିଲି ପୁଣି ଦେହ ବହି

Couplet 139

ପୁତ୍ର ଲାଳସେ ପାଳି ମୋତେପଶିବ ମୋ'ର ଦେହେ ଅନ୍ତେ

Couplet 140

ଦେବଙ୍କ ବଚନେ ମୁଁ ଜାତଅସୁର କରିବି ନିପାତ

Couplet 141

ଆଉ କହିତେ ନାହିଁ ବେଳମୋତେ ଘେନିଣ ବେଗେ ଚଳ

Couplet 142

ନନ୍ଦର ଘରେ ମୋତେ ଥୋଇକନ୍ୟାକୁ ଆଣ ପାଲଟାଇ

Couplet 143

ଏମନ୍ତ କହି ନରହରିନରବାଳୁତ ରୂପ ଧରି

Couplet 144

ଗୋବିନ୍ଦ ଆଜ୍ଞା ଘେନି ଶିରେକୋଳେ ଧଇଲା ଚକ୍ରଧରେ

Couplet 145

ଘେନିଣ ଦେବ ଚକ୍ରଧରଭୟେଣ ହୋଏ ଥରହର

Couplet 146

ଶ୍ରୀକୃଷ୍ଣ ଆଜ୍ଞା ପରମାଣେକବାଟ ଫିଟିଲା ତକ୍ଷଣେ

Couplet 147

ଫିଟିଲା ପୟର ଶାଙ୍କୋଳିପଥ କଢ଼ାଇଲା ବିଜୁଳି

Couplet 148

କୋଳରେ ଘେନି ନାରାୟଣବାହାର ହୋଏ ତତ୍‌କ୍ଷଣ

Couplet 149

ନିଦ୍ରାରେ ମୋହିତ ସକଳବୃଷ୍ଟି କରନ୍ତି ମେଘମାଳ

Couplet 150

ତିନ୍ତିବା ଦେଖି ଜଗନ୍ନାଥଫଣା ଉହାଡ଼ିଲା ଅନନ୍ତ

Couplet 151

ଯାଆନ୍ତେ କୃଷ୍ଣଙ୍କୁ ଘେନିଣପଥେ ଓଗାଳେ ଉଗ୍ରସେନ

Couplet 152

ବୋଲଇ କାହିଁରରେ ଚୋରନିଶାରେ ହୋଇଛୁ ବାହାର

Couplet 153

କଂସର ଜାଣିନାହୁଁ ବାନାଦେବଙ୍କ ଗର୍ବ କଲା ଚୂନା

Couplet 154

ମୁହିଁ ତାହାର ରିପୁ ମିତ୍ରଦେଖି ବୁଲଇ ରାତ୍ରେ ପଥ

Couplet 155

ଆଜ ହାଣିବି ତୋର ଶିରବନ୍ଧନ କରି ନେବି ଚୋର

Couplet 156

ଶୁଣି କମ୍ପଇ ବସୁଦେବବିପତ୍ତି ଦେଲୁ ହା ଦଇବ

Couplet 157

ହା କୃଷ୍ଣ ବୋଲିଣ ବିକଳନୟନୁ ବହେ ଅଶ୍ରୁଜଳ

Couplet 158

ବୋଲଇ ଉଗ୍ରସେନେ ଚାହିଁପୁତ୍ରକୁ ନେଉଅଛି ମୁହିଁ

Couplet 159

ବୋଲଇ ଉଗ୍ରସେନ ବୀରକାଲି ମାରିବ କଂସାସୁର

Couplet 160

ଯେତେ ବାଳକ ତୋ'ର ଜାତସବୁଙ୍କୁ କରଇ ସେ ହତ

Couplet 161

ମୁଁ କେହ୍ନେ ଛାଡ଼ିଦେବି ପଥଶୁଣିଲେ କୋପିବ ଦଇତ୍ୟ

Couplet 162

ଶୁଣି ଆରତ ବସୁଦେବବିକଳେ ଚିନ୍ତଇ ମାଧବ

Couplet 163

କମ୍ପଇ ବସୁଦେବ କାୟେବଚନ ନ କହଇ ଭୟେ

Couplet 164

ପିଅର ବିକଳ ଦେଖିଣବୋଲନ୍ତି ପ୍ରଭୁ ନାରାୟଣ

Couplet 165

ଶୁଣ ହୋ ବୀର ଉଗ୍ରସେନଆମ୍ଭେ ସେ ଦେବ ଭଗବାନ

Couplet 166

ଜନମ ହୋଇ ବନ୍ଦୀଘରେଦେବକୀ ଦେବୀଙ୍କ ଉଦରେ

Couplet 167

ଏବେ ଯାଉଛୁ ଗୋପପୁରଏ କଥା ପ୍ରଘଟ ନ କର

Couplet 168

ଭାରା ଯେ ନ ସହଇ ମହୀଉଶ୍ୱାସ କରିବଇଁ ମୁହିଁ

Couplet 169

ଶୁଣି ବୋଲଇ ଉଗ୍ରସେନତୁ ଯେବେ ଦେବ ଭଗବାନ

Couplet 170

ଦେଖାଅ ଶଙ୍ଖଚକ୍ର ଚିହ୍ନସଂପ୍ରତେ ଯିବ ମୋର ମନ

Couplet 171

ବେଦ ବଚନେ ଦେବମାନେକହନ୍ତି ଶାହାସ୍ର ପୁରାଣେ

Couplet 172

ତୋହର ଚତୁର୍ଭୁଜ କରଦେଖାଅ ନିଜରୂପ ତୋ'ର

Couplet 173

ଭୃତ୍ୟର ତୋଷେ ଭାବଗ୍ରାହୀଶଙ୍ଖଚକ୍ର ଚିହ୍ନ ଦେଖାଇ

Couplet 174

ଦେଖି ସାନନ୍ଦ ଉଗ୍ରସେନଖଡଗ ପକାଇ ବହନ

Couplet 175

ବୋଲଇ ନିସ୍ତରିଲି ମୁହିଁତୋ'ର ଶ୍ରୀମୁଖକୁ ଅନାଇଁ

Couplet 176

ଗୋପକୁ ଯିବ କିସ ଅର୍ଥେମଥୁରା ନରହିଲ ଏଥେ

Couplet 177

ବୋଲନ୍ତି ଭକତବ›ତ୍ସଳଗୋକୁଳେ ସେବକ ମୋହର

Couplet 178

ଗୋପୀ ଅଛନ୍ତି ଷୋଳସସ୍ରସେ ଆମ୍ଭ ନିଜ ପ୍ରାଣ ଗାତ୍ର

Couplet 179

ଅଷ୍ଟମ ବରଷ ସଂପୂର୍ଣ୍ଣକଂସକୁ କରିବୁ ନିଧନ

Couplet 180

ତୋତେ ଦେବଇଁ ଅଇଶ୍ୱର୍ଯ୍ୟଚିନ୍ତା ନ କର ଭୋଜରାଜ

Couplet 181

ଶୁଣି ସାନନ୍ଦ ଉଗ୍ରସେନଚରଣେ କଲାକ ପ୍ରଣାମ

Couplet 182

ମୁଁ ତୋ'ର ଦାସର ସେବକତେଣୁ ଦେଖିଲି ତୋ' ଶ୍ରୀମୁଖ

Couplet 183

ଅନେକମତେ ସ୍ତୁତି କରିପୁଣି ଚରଣ ତଳେ ପଡ଼ି

Couplet 184

ଶ୍ରୀମୁଖେ ତା'କୁ ଆଜ୍ଞା ଦେଲେନୃପତି ହୋଇବୁ ବୋଇଲେ

Couplet 185

ସନ୍ତୋଷ ହୋଇ ନରହରିଉଗ୍ରସେନକୁ ଦେଲେ ଶାଢ଼ୀ

Couplet 186

ଦେଇ ବୋଲନ୍ତି ଦେବରାଜଆଜହୁଁ ମଥୁରାରେ ରାଜ

Couplet 187

ଉଗ୍ରସେନକୁ ପୁଷ୍ଠମାଳୀହରଷେ କୃଷ୍ଣ ଦେଲେ ତୋଳି

Couplet 188

ପାଟେ ବାନ୍ଧିଲା ଉଗ୍ରସେନବୋଲଇ ଯାଅ ଭଗବାନ

Couplet 189

ଆନନ୍ଦେ ପଥ ଛାଡ଼ିଦେଇବୋଲଇ ନିସ୍ତରିଲି ମୁହିଁ

Couplet 190

ତହୁଁ ଚଳିଲେ ଚକ୍ରଧାରୀପାଛୋଟି ଯାଏ ଦଣ୍ତଧାରୀ

Couplet 191

ଏମନ୍ତେ କିଛି ଦୂର ଗଲାଆଜ୍ଞା ପାଇଣ ବାହୁଡ଼ିଲା

Couplet 192

ହରଷ ଚିତ୍ତେ ବସୁଦେବହୃଦେ ଚିନ୍ତଇ ପଦ୍ମନାଭ

Couplet 193

ନଦୀର ତୀରେ ଯାଇ ମିଳିଦେଖିଲା ଯମୁନା ଉଚ୍ଛୁଳି

Couplet 194

ଯମର ବହେଣୀ ଯୁକତଗଭୀର କେ କରିବ ଅନ୍ତ

Couplet 195

ବହଇ ଅତି ଖରତରଫେନ-ସ୍ରୋତରେ ଭୟଙ୍କର

Couplet 196

ନଦୀରେ ପଶିଲା ବହନକାତରେ ଅତି ଭୟମନ

Couplet 197

ନାସାରେ ପଶନ୍ତେଣ ପାଣିଶିରେ ବସାଇ ଚକ୍ରପାଣି

Couplet 198

ବୁଡ଼ିଣ ଯା'ନ୍ତେ ବସୁଦେବହୃଦେ ଚିନ୍ତଇ ବାସୁଦେବ

Couplet 199

ହରି ସୁମରେ ଯହୁଁ ଖରେଯମୁନା ଜାଣିଲା ନିର୍ଭରେ

Couplet 200

ମୋହର ସୌଭାଗ୍ୟ ହୋଇଲାମାଧବ ଏଥେ ବିହରିଲା

Couplet 201

ପୂର୍ବେ ମୋ' ଯେତେ ପାପ ଥିଲାଶ୍ରୀକୃଷ୍ଣ ଦର୍ଶନେ ଛାଡ଼ିଲା

Couplet 202

ନାନା ସ୍ତୁତିରେ ପାଦବନ୍ଦିକୃତାର୍ଥ ହୋଇଲା କାଳିନ୍ଦୀ

Couplet 203

ତକ୍ଷଣେ ଜଳ ଛାଡ଼ିଗଲାଗୋଡ଼ ଝୁଣ୍ଟିଆଣି ହୋଇଲା

Couplet 204

ହରିଙ୍କି ଦେଖି ଭୟ କଲାବାଲିବନ୍ତରେ ବାଟ ଦେଲା

Couplet 205

ଚଳିଲେ ନଦୀ ପାର ହୋଇକୃଷ୍ଣଙ୍କୁ ହୃଦରେ ଲଗାଇ

Couplet 206

ମିଳିଲେ ଯାଇ ଗୋପପୁରେସଭୟେ ନନ୍ଦର ମନ୍ଦିରେ

Couplet 207

ନିଦ୍ରା ମୋହିତ ସର୍ବଜନଭୟେ ଚାହଁଇ ଛନଛନ

Couplet 208

ପ୍ରସବ କରି ନନ୍ଦରାଣୀଅଚେତେ ଶୟନ ଧରଣୀ

Couplet 209

ଅମ୍ବିକା ହୋଇଛନ୍ତି ଜାତଜଗତ ନିଦ୍ରାରେ ମୋହିତ

Couplet 210

ଯଶୋଦା କୋଳେ କୃଷ୍ଣ ଥୋଇକନ୍ୟା ଆଣିଲା ପାଲଟାଇ

Couplet 211

ମିଳିଲା ଦେବକୀ ନିକଟତକ୍ଷଣେ ପଡ଼ିଲା କବାଟ

Couplet 212

ଲାଗିଲା ଚରଣେ ଶାଙ୍କୋଳିଦୁହିତା ଛାଡ଼ିଲା ବୋବାଳି

Couplet 213

ହରି ଚରିତ ସୁଧାବାଣୀଶୁଣି ନିର୍ମଳ ହୁଅ ପ୍ରାଣୀ

Couplet 214

ଶ୍ରୀକୃଷ୍ଣ ଜନ୍ମ ରସଭରଶୁଣି ସଂସାରୁ ହୁଅ ପାର

Couplet 215

ପରୀକ୍ଷେ କହେ ଶୁକମୁନିପୁରାଣ ରସଗୀତ ବାଣୀ

Couplet 216

ହରିଚରିତ ଭାଗବତକହଇ ଦାସ ଜଗନ୍ନାଥ