Adhyaya 58

Couplet 1

କହନ୍ତି ଶୁକ ରାଜା ଆଗେଏମନ୍ତ ବୋଲି ଚାରିଦିଗେ

Couplet 2

ଯେ ଯାହା ବାହାନ ଆବୋରିଅଙ୍ଗେ ସକଳେ ସ୍ନେହା ଭରି

Couplet 3

ସବୁ ସଇନ୍ୟ କରି ଆଗେଧାଇଁଲେ ଶସ୍ତ୍ର ଘେନି ବେଗେ

Couplet 4

ବୋଲନ୍ତି ମାର ମାର ବାଣୀଯାଦବବଳ ତାହା ଶୁଣି

Couplet 5

ଥିଲେ ଯେ ରାମ କୃଷ୍ଣ ପାଖେଆବୋରି ରହିଲେ ସମ୍ମୁଖେ

Couplet 6

କୋପେ କରନ୍ତି ଗୁଣଘୋଷଶବଦେ କମ୍ପେ ଦଶଦିଶ

Couplet 7

ଅଶ୍ୱ କୁଞ୍ଜର ରଥେ ଥାଇନିଜ କୋଦଣ୍ତ ଗୁଣ ଦେଇ

Couplet 8

ଶର ବିନ୍ଧନ୍ତି ମେଘ ପ୍ରାୟେପଡ଼ଇ ଯାଦବଙ୍କ ଦେହେ

Couplet 9

ଗିରିଶିଖରେ ଘୋଟି ଘନେବୃଷ୍ଟି କରନ୍ତି ଯେହ୍ନେ ବନେ

Couplet 10

ଯାଦବବଳେ ବାଣ ସୃଷ୍ଟିଦେଖି ରୁକ୍ମିଣୀ ଭୟଦୃଷ୍ଟି

Couplet 11

ଲଜ୍ଜାରେ ଜଡ଼ିତ ନୟନଚାହିଁଲା କୃଷ୍ଣର ବଦନ

Couplet 12

ବାଣବରଷଣେ ଅନାଇଁକମ୍ପଇ କୃଷ୍ଣକୋଳେ ଥାଇ

Couplet 13

ହାସବଦନେ ଭାଗଗ୍ରାହୀବୋଲନ୍ତି କନ୍ୟାମୁଖ ଚାହିଁ

Couplet 14

କିମ୍ପା ସୁନ୍ଦରୀ ପାଉ ତ୍ରାସହେଳେ ତୋ ରିପୁ ଯିବେ ନାଶ

Couplet 15

ମୋହର ବଳ ଦେଖ ଏବେଅକ୍ଷୟ ଅଟନ୍ତି ଯାଦବେ

Couplet 16

ଏମନ୍ତ ବୋଲୁ ବୋଲୁ ଭାବେସଂଗ୍ରାମେ ଧାଇଁଲେ ଯାଦବେ

Couplet 17

ଗଦ ସଙ୍କରଷଣ ଆଦିଯାଦବବଳେ ଏ ପ୍ରସିଦ୍ଧି

Couplet 18

କରିଣ ବାଣବୃଷ୍ଟି ଘୋରଦିବସ କଲେ ଅନ୍ଧକାର

Couplet 19

ରଥକୁଞ୍ଜର ଅଶ୍ୱ ତୁଲେତୀକ୍ଷ୍ମ ନାରାଚେ ସଂହାରିଲେ

Couplet 20

ରିପୁଙ୍କ ଶିର କୋଟି କୋଟିଛିଡ଼ି ପଡ଼ିଲେ ମହୀ ଘୋଟି

Couplet 21

କନ୍ଧ ସହିତେ ମୁଣ୍ତମାଳଲୋଟନ୍ତି କିରୀଟ କୁଣ୍ତଳ

Couplet 22

ଗଦା ଖଡ଼ଗ ବାଣ ହସ୍ତେଛିଡ଼ି ପଡ଼ିଲେ ମହୀଗତେ

Couplet 23

ହସ୍ତ ହୃଦୟ ଜାନୁ ଛିଡ଼ିପଡ଼ିଣେ ରଣଭୂମି ମାଡ଼ି

Couplet 24

ତୁରଙ୍ଗ ଅଶ୍ୱତର ନାଗଉଷ୍ଟ୍ର ଗର୍ଦ୍ଦଭ ଶିର ଭାଗ

Couplet 25

ମନୁଷ୍ୟ ଶିର ସଙ୍ଗେ ପଡ଼ିଭଲେ ନ ଦିଶେ ବସୁନ୍ଧରୀ

Couplet 26

ଦେଖି ଯାଦବବଳେ ତେଜରଣେ ଭାଜିଲେ ସର୍ବରାଜା

Couplet 27

ମାଗଧ ଆଦି ସର୍ବବୀରେମିଳିଲେ ବିଦର୍ଭ ନଗରେ

Couplet 28

ଦେଖିଲେ ଛାୟାବେଦୀ ମଧ୍ୟେବର ବସିଛି କନ୍ୟା ସଧେ

Couplet 29

ଦାରାହରଣ ଶୋକ ଦୁଃଖେଧୂଳି ପଡ଼ିଲା ପ୍ରାୟ ମୁଖେ

Couplet 30

ଲଜ୍ଜାରେ ଶୁଖିଲା ଅଧରସୁନ୍ଦରପଣ ହେଲା ଦୂର

Couplet 31

ଛାଡ଼ିଲା ବିବାହର ଆଶଲାଜେ ନ ଚାହେଁ ଦଶଦିଶ

Couplet 32

ବଚନ ନ ସ୍ପୁରଇ ମୁଖେରାଜାଏ ବସି କର ପାଖେ

Couplet 33

ବୋଲନ୍ତି ଶୁଣ ନରରାୟମନେ ନ କର ଦୁଃଖ ଭୟ

Couplet 34

ବିମନ ଛାଡ଼ ବେଗେ ତୁହିଶୁଣ ତୁ ଯାହା ଆମ୍ଭେ କହି

Couplet 35

ଅର୍ଜିଲା କର୍ମ ଭୁଞ୍ଜେ ଦେହୀଏହାର ପ୍ରିୟାପ୍ରିୟ ନାହିଁ

Couplet 36

ଏ ଦେହୀ ଈଶ୍ୱର ଆୟତ୍ତସ୍ୱକର୍ମ ପଥେ ଆତଯାତ

Couplet 37

କାଷ୍ଠପିତୁଳୀ ହସ୍ତେ ନେଇକୁହୁକୀ ଯେମନ୍ତ ନଚାଇ

Couplet 38

ପ୍ରତିମା ନାଚେ ସେହିମତସେ ଯେହ୍ନେ କୁହୁକୀ ଆୟତ୍ତ

Couplet 39

ଈଶ୍ୱର ଆୟତ୍ତ ଏ ଦେହୀଏହାର ଦୁଃଖ ସୁଖ ନାହିଁ

Couplet 40

ଜରା କହଇ ସାଧୁବାଣୀବିଧାତା ଗତିକୁ ନ ଜାଣି

Couplet 41

ଶୁଣ ମୋହର କର୍ମବାଣୀବଳ ଦେଇଣ ଅକ୍ଷୌହିଣୀ

Couplet 42

ସପତଦଶ ବାର ହାରିବେଳେ ଜିଣିଲି ରାମ ହରି

Couplet 43

ଏହା ମୁଁ ଅନୁଭବ କରିଜୟ ଅଜୟ ନ ବିଚାରି

Couplet 44

ହରଷ ଶୋକେ ନାହିଁ ଇଚ୍ଛାନିଜ କରମଫଳ ଦୀକ୍ଷା

Couplet 45

ଜୀବଟି କର୍ମେ ଆତଯାତକାଳର କ୍ରୀଡ଼ା ଏ ଜଗତ

Couplet 46

ଦେଖ ଏ କାଳର ମହିଁମାଆମ୍ଭେ ସକଳେ ବୀର ସିନା

Couplet 47

ହାରିଲୁ ନିଜ କର୍ମ ବଳେଯାଦବେ ଜିଣିଲେ ସମରେ

Couplet 48

ରିପୁଙ୍କ କାଳ ବଳୀୟାରଅଯଶ ଆମ୍ଭ କର୍ମ ଫଳ

Couplet 49

ଆମ୍ଭର ପୁଣ୍ୟଯଶ କାଳେରିପୁ ଜିଣିବା ଅବହେଳେ

Couplet 50

ଏମନ୍ତ ପ୍ରବୋଧ-ବଚନେହରଷ କଲା ତାର ମନେ

Couplet 51

ନିଜ ନଗରେ ତାକୁ ନେଇଅନେକ ପ୍ରବୋଧନ କହି

Couplet 52

ରାଜାଏ ଦୁଃଖ ଶୋକ ମନେମିଳିଲେ ଯେ ଯାହା ଭୁବନେ

Couplet 53

ରୁକ୍ମି ଯେ କୃଷ୍ଣର ବଇରୀଶିଶୁପାଳକୁ ଥିଲା ବରି

Couplet 54

କନ୍ୟା ଗୋବିନ୍ଦ ହରି ନେଲେଶତ୍ରୁଙ୍କ ଗର୍ବ ନାଶ କଲେ

Couplet 55

ମାଗଧ ଆଦି ମହୀପାଳେଯେ ଯାହା ଗୃହେ ଯିବାବେଳେ

Couplet 56

ସମସ୍ତ ରାଜା ମଧ୍ୟେ ଥାଇପ୍ରତିଜ୍ଞା କଲା ଗର୍ବ ବହି

Couplet 57

ଅଭେଦ ସ୍ନେହା ଦେହେ ଘେନିପିତାର ବଳ ଅକ୍ଷୌହିଣୀ

Couplet 58

ସଙ୍ଗତେ ଘେନି ମହାବୀରରାଜାଙ୍କୁ ବୋଲଇ ଉତ୍ତର

Couplet 59

ତୁମ୍ଭେତ ହୋଇଲ ନିରେଖମୋର ମହିମା ଆଜ ଦେଖ

Couplet 60

ସମରେ ରାମକୃଷ୍ଣ ମାରିବନ୍ଦୀରୁ ରୁକ୍ମିଣୀ ଉଦ୍ଧରି

Couplet 61

ଆଜ ଆଣିବି ବାହୁବଳେଯଶ ମୋ ଥିବ ମହୀତଳେ

Couplet 62

ଏହା ମୁଁ କରି ନ ପାରିଲେବାହୁଡ଼ି ନ ଆସିବି ଭଲେ

Couplet 63

ସତ୍ୟବଚନ ଏ ମୋହରନଗରୁ ହୋଇଲା ବାହାର

Couplet 64

ରଥେ ବସିଲା ବେଗେ ଯାଇବୋଲେ ସାରଥି ମୁଖ ଚାହିଁ

Couplet 65

ରଥ ତୁ ବାହା ବେଗେ କରିଯହିଁ ଅଛନ୍ତି ରାମହରି

Couplet 66

ରାମ-ଗୋବିନ୍ଦ ଯୁଦ୍ଧେ ମାରିରୁକ୍ମିଣୀ ଆଣିବି ଉଦ୍ଧରି

Couplet 67

ତୀକ୍ଷ୍ଣ ନାରାଚ ଦେଖ ମୋରହେଳେ ଜିଣିବି ଯଦୁବଳ

Couplet 68

ଗୋପାଳେ ବଳେ ବଳୀୟାରଆଜ କରିବି ଗର୍ବ ଚୂର

Couplet 69

ବଳେ ହରିଲା ମୋ ବହେଣୀଆଜ ଆଣିବି ଶିର ହାଣି

Couplet 70

ମୋତେ ଦେଖାଏ ବଳ-ଗର୍ବଅଜାତି ଗଉଡ଼ ସ୍ୱଭାବ

Couplet 71

ଏମନ୍ତ ଗର୍ବ ମନେ ବହିହରିମହିମା ନ ଜାଣଇ

Couplet 72

ବେଗେ ଧାଇଁଲା ଏକା ରଥେଡ଼ାକଇ ରହ ରହ ପଥେ

Couplet 73

ଗୁଣେ ବସାଇ ତିନିବାଣଶ୍ରବଣ ଯାଏଁ ଟାଣି ଗୁଣ

Couplet 74

ବିନ୍ଧିଲା ଗୋବିନ୍ଦ ଉପରେଡ଼ାକଇ କୁତ୍ସିତ ବେଭାରେ

Couplet 75

ଯାଦବ-କୁଳପାଂଶୁ ତୁହିମୋର ସଂଗ୍ରାମେ ଯିବୁ କାହିଁ

Couplet 76

କ୍ଷଣେକ ରହ ରଣ ମଧ୍ୟେରୁକ୍ମିଣୀ ହରିଲୁ ଯେ ସଧେ

Couplet 77

କାକ ଯେସନେ ମାୟା କରିଯଜ୍ଞର ଚରୁ ନିଏ ହରି

Couplet 78

ମନ୍ଦ ମାୟାବୀ କୂଟଯୋଦ୍ଧିଗୋପାଳେ ହୀନ ଦୁଷ୍ଟବୁଦ୍ଧି

Couplet 79

ଆଜ ଜିଣିବି ତୋତେ ହାଣିଯାବଦ ନ ଛାଡ଼ୁ ରୁକ୍ମିଣୀ

Couplet 80

ଶୁଣି ହସିଲେ ଦାମୋଦରସାରଙ୍ଗଧନୁ ଧରି କର

Couplet 81

ଈଷିତେ ଷଡ଼ବାଣ ବିନ୍ଧିତାହାର ହସ୍ତୁ ଧନୁ ଛେଦି

Couplet 82

ପୁଣ ବିନ୍ଧିଲେ ଅଷ୍ଟବାଣଲୀଳା ମାତ୍ରକେ ନାରାୟଣ

Couplet 83

ରଥର ଚାରି ଅଶ୍ୱ ହାଣିପୁଣି ବିନ୍ଧିଲେ ବାଣ ତିନି

Couplet 84

ରଥସାରଥୀ ମୁଣ୍ତ କାଟିତିନି ନାରାଚେ ଧ୍ୱଜ ଲୋଟି

Couplet 85

ଦେଖିଣ ରୁକ୍ମୀ ବହି ମନ୍ୟୁହସ୍ତେ ଘେନିଲା ଆର ଧନୁ

Couplet 86

ସେ ଧନୁ କାଟିଲେ ମୁରାରିଗୁଣ ଟଙ୍କାରନାଦ କରି

Couplet 87

ପୁଣ ଘେନିଲା ଆନ ଧନୁତାହା ଛେଦିଲେ ଦେବ କାହ୍ନୁ

Couplet 88

ପରିଘ ଖଡ଼୍ଗ ଶୂଳ ଚର୍ମଶକ୍ତି ତୋମର ତୀକ୍ଷ୍ଣ ମୁନ

Couplet 89

ଯେତେ ଆୟୁଧ କରେ ଧରିସବୁ ଛେଦିଲେ ନରହରି

Couplet 90

ତକ୍ଷଣେ ରଥୁଁ ଓହ୍ଲାଇଲାକୋପେ ଖଡ଼ଗ ହସ୍ତେ ନେଲା

Couplet 91

କୃଷ୍ଣଙ୍କୁ ମାରିବାର ଆଶେଡେ଼ଇଁ ଉଠିଲା ନନ୍ଦିଘୋଷେ

Couplet 92

ଗୋପେ ଗର୍ଜଇ କୃଷ୍ଣ ପାଖେପବନ ଯେସନେ ପାବକେ

Couplet 93

ଦେଖି ଗୋବିନ୍ଦ ବେଗେ ଉଠିତିଳ ପ୍ରମାଣେ ଶସ୍ତ୍ର କାଟି

Couplet 94

କୋପେ ଉଞ୍ଚାଇ ଅସିବରକେଶ ଧଇଲେ ସେ ରୁକ୍ମିର

Couplet 95

କୃଷ୍ଣର କୋପମୁଖ ଦେଖିଭୟେ କମ୍ପଇ ଶଶୀମୁଖୀ

Couplet 96

ଭାଇର ପ୍ରାଣନାଶ ଜାଣିଚରଣେ ପଡ଼ିଲା ରୁକ୍ମିଣୀ

Couplet 97

କାତରେ କରଇ କାରୁଣ୍ୟଭୋ ନାଥ ଯୋଗେଶ୍ୱର ଶୁଣ

Couplet 98

ଅନନ୍ତ ମହିମା ତୋହରଦୋଷ ଉପେକ୍ଷ ଦେବ ତାର

Couplet 99

ଜଗତପ୍ତି ନାରାୟଣମୁଁ ତୁମ୍ଭ ଚରଣେ ଶରଣ

Couplet 100

ନ ମାର ମୋର ଜ୍ୟେଷ୍ଠଭ୍ରାତପରମାନନ୍ଦ ଜଗନ୍ନାଥ

Couplet 101

ଶୁକ ବୋଲନ୍ତି ଶୁଣ ରାୟେଦୟା ବସିଲା କୃଷ୍ଣଦେହେ

Couplet 102

ଚାହିଁଲେ ରୁକ୍ମିଣୀ ଶରୀରଭୟେ କମ୍ପଇ ଥରହର

Couplet 103

ଶୋକେ ଶୁଖିଲା ଦେବୀ ଓଷ୍ଠବାକ୍ୟ ନ ସ୍ପୁରେ ରୁନ୍ଧି କଣ୍ଠ

Couplet 104

କାତରେ ହେମକଣ୍ଠୀମାଳପଡ଼ିଲା କୃଷ୍ଣପାଦତଳେ

Couplet 105

ରୁକ୍ମିଣୀ ଉଠି କରଯୋଡ଼ିପୁଣି କୃଷ୍ଣର ପାଦେ ପଡ଼ି

Couplet 106

ଅଶେଷ ବ୍ରହ୍ମାଣ୍ତ ଠାକୁରରଖିବା ଜୀବନ ଏହାର

Couplet 107

ଏମନ୍ତ ଦେଖି କନ୍ୟାଦୁଃଖକରୁଣା କଲେ ପଦ୍ମମୁଖ

Couplet 108

ଆକର୍ଷି ଧରି ତାର କରବସ୍ତ୍ରେ ବାନ୍ଧିଲେ ଦାମୋଦର

Couplet 109

ବିମାନ ଖମ୍ବେ ନେଇ ବାନ୍ଧିବେନିଚରଣ ତାର ଛନ୍ଦି

Couplet 110

ତୀକ୍ଷ୍ଣ ନାରାଚେ ହୃଷୀକେଶବିରୂପ କଲେ ତାର ବେଶ

Couplet 111

ସାତପ୍ରକାରେ କେଶ ଧରିକୋପେ କାଟିଲେ ଦେବହରି

Couplet 112

ସଙ୍ଗତେ ଯଦୁବଳ ଥିଲେରୁକ୍ମୀର ସୈନ୍ୟଙ୍କୁ ବେଢିଲେ

Couplet 113

ତକ୍ଷଣେ ସର୍ବ କଲେ ନାଶଅଳପ ରହେ ଅବଶେଷ

Couplet 114

ନଳିନୀବନେ ଗଜେ ପଶିକ୍ଷଣକେ ଯାନ୍ତି ଯେହ୍ନେ ଧ୍ୱଂସି

Couplet 115

ସୈନ୍ୟ ହୋଇଲେ ବଳ କ୍ଷୀଣରୁକ୍ମି ଯେ ପଡ଼ିଲା ବନ୍ଧନ

Couplet 116

ରଥ ନିକଟେ ରାମ ଯାଇବୋଲନ୍ତି କୃଷ୍ଣମୁଖ ଚାହିଁ

Couplet 117

ବନ୍ଧନ ଫେଡ଼ାଇ ବହନଚାହିଁଲେ ରୁକ୍ମୀର ବଦନ

Couplet 118

ବିରୂପ ଦେଖି ତାର ଦେହୀରାମ ବୋଲନ୍ତି କୃଷ୍ଣେ ଚାହିଁ

Couplet 119

ହେ କୃଷ୍ଣ କଲୁ ଦୁଷ୍ଟପଣଆପଣା ବନ୍ଧୁରେ କଷଣ

Couplet 120

ଅସାଧୁ କର୍ମ ଏ ତୋହରନିନ୍ଦା କରିବେ ତିନିପୁର

Couplet 121

ବିରୂପ କଲୁ କେଶ-ବେଶନାଶିଲୁ ସୁହୃଦ ବିଶ୍ୱାସ

Couplet 122

ନ ଜାଣି କଲୁ ଏଡେ଼ କାର୍ଯ୍ୟମରଣୁଁ ଅଧିକ ଏ ଲାଜ

Couplet 123

ଏମନ୍ତ କହି ବଳରାମଚାହିଁଲେ ରୁକ୍ମିଣୀ ବଦନ

Couplet 124

ବୋଲନ୍ତି ରେବତୀରମଣକୋମଳ ମଧୁର ବଚନ

Couplet 125

ଜ୍ୟେଷ୍ଠଭ୍ରାତର ରୂପ ଦେଖିକିମ୍ପାଇ ମନେ ହୁଅ ଦୁଃଖୀ

Couplet 126

ଆତ୍ମାକୁ ନିନ୍ଦିତ ନ କରଦଇବ ବଳ ବଳୀୟାର

Couplet 127

କର୍ମ ସେ ସୁଖ ଦୁଃଖ ଦେଇପୁରୁଷ ଅବଶ୍ୟ ଭୁଞ୍ଜଇ

Couplet 128

କୃଷ୍ଣଙ୍କୁ ଚାହିଁ ହଳଧରକହନ୍ତି ସଂସାର ବେଭାର

Couplet 129

ମରଣତୁଲ୍ୟ ଦୋଷ ଯେବେବନ୍ଧୁ କରଇ ମୂଢଭାବେ

Couplet 130

ତାହାକୁ ନ କରିବ ନାଶଆପଣା ଦୋଷେ ତା ଅଯଶ

Couplet 131

ତାହାର ଲାଜେ ସେ ମରଇପୁଣି କହନ୍ତି କନ୍ୟା ଚାହିଁ

Couplet 132

କ୍ଷତ୍ରିୟ ଧର୍ମର ଏ ଗତିଯାହା ସଂଚିଲା ପ୍ରଜାପତି

Couplet 133

ଅତି ଦାରୁଣ ତମଘୋରେଭାଇକି ଭାଇ ବଳେ ମାରେ

Couplet 134

ପୁଣି ଗୋବିନ୍ଦ ମୁଖ ଚାହିଁକହନ୍ତି ସ୍ୱଧର୍ମ ଦେଖାଇ

Couplet 135

ରାଜ୍ୟଧରଣୀ ବିତ୍ତ ଆଶେମାନ ସମ୍ପଦ ତେଜେ ବଶେ

Couplet 136

ଆପଣା ଅର୍ଥେ ମତ୍ତ ହୋଇପ୍ରାଣୀ ପୀଡ଼ନ୍ତି ଗର୍ବ ବହି

Couplet 137

ତୋର ବିଷମବୁଦ୍ଧି ଚିତ୍ତେମୁହିଁ ଦେଖିଲି ସର୍ବମତେ

Couplet 138

ରୁକ୍ମିଣୀମୁଖ ଚାହିଁ ପୁଣିବୋଲନ୍ତି ପ୍ରଭୁ ହଳପାଣି

Couplet 139

ଶତ୍ରୁର ଅମଙ୍ଗଳ ଦେଖିଆପଣା ଚିତ୍ତେ ହେଉ ସୁଖୀ

Couplet 140

ସୁହୃଦ ସ୍ନେହେ ମୂର୍ଖ ପଣୁଭଲକୁ ମନ୍ଦ ପ୍ରାୟ ମଣୁ

Couplet 141

ତାର ଉଚିତ ଦଣ୍ତ ଦେଖିଆପଣା ମନେ ହେଉ ଦୁଃଖୀ

Couplet 142

ଦଇବ ମାୟାବଳେ ଜନଆତ୍ମାରେ କଳ୍ପଇ ଅଜ୍ଞାନ

Couplet 143

ଆତ୍ମାରେ ଭେଦ ସେ କରନ୍ତିଉଦାସୀ ଶତ୍ରୁ ମିତ୍ର ହୋନ୍ତି

Couplet 144

ସକଳ ଦେହେ ଆତ୍ମା ଏକଅଜ୍ଞାନୀଜନଙ୍କୁ ଅନେକ

Couplet 145

ଯେହ୍ନେ ଗଗନ ଆର ଜ୍ୟୋତିଅନେକ ମତେ ଦୃଶ୍ୟ ହୋନ୍ତି

Couplet 146

ଜନ୍ମ ମରଣ ପଥେ ଦେହୀଦ୍ରବ୍ୟ ଇନ୍ଦ୍ରିୟ ଗୁଣ ବହି

Couplet 147

ଆତ୍ମା ଯେ ମୋହଜଡ଼ ହୋଇଜନ୍ମମରଣେ ଭ୍ରମୁ ଥାଇ

Couplet 148

ଆତ୍ମା ନିର୍ଗୁଣ ନିରଞ୍ଜନସଂଯୋଗ ବିଯୋଗୁଁ ଏ ଭିନ୍ନ

Couplet 149

ଆଦି କାରଣ ଆତ୍ମା ଯେଣୁଦୃଷ୍ଟି ରୂପକୁ ଯେହ୍ନେ ଭାନୁ

Couplet 150

ଜନ୍ମ ବିକାର ଷଡ଼ଗୁଣଏ ଆଦି ପିଣ୍ତର କାରଣ

Couplet 151

ଆତ୍ମାର ବିକାର ନୁହନ୍ତିକଳାରେ ଚନ୍ଦ୍ର ଯେହ୍ନେ ଥାନ୍ତି

Couplet 152

ଅମାନିଶାରେ କଳାହୀନବିଚାରେ ଶଶାଙ୍କ ନିର୍ଗୁଣ

Couplet 153

ଶୟନେ ପୁରୁଷ ଯେସନଦେଖନ୍ତି ବିଷୟ ସ୍ୱପନ

Couplet 154

ବାସନାବଳେ ଅନୁଭବକରି ଲଭନ୍ତି ଯେହ୍ନେ ଭୋଗ

Couplet 155

ଏଣୁ ଅଜ୍ଞାନୁ ଶୋକ ଜାତଆତ୍ମା ସେ ଶୋକ ମୋହଗ୍ରସ୍ତ

Couplet 156

ଏ ମାୟା ତତ୍ତ୍ୱଜ୍ଞାନେ ହରିନିର୍ମଳଜ୍ଞାନ ଚିତ୍ତେ ଧରି

Couplet 157

ସଂସାର ଭ୍ରମପ୍ରାୟ ଦେଖିଶୋକ ସଂହର ଚନ୍ଦ୍ରମୁଖି

Couplet 158

ଏମନ୍ତେ ଶ୍ରୀରାମର ବାଣୀଆଦରେ ଶୁଣିଲା ରୁକ୍ମିଣୀ

Couplet 159

ବିମନ ଛାଡ଼ି ଜ୍ଞାନ ପାଇଶୋକ ଛାଡ଼ିଲା ରାମେ ଚାହିଁ

Couplet 160

କହନ୍ତି ଶୁକମୁନି ତୋଷେରୁକ୍ମୀ ଯେ ଥିଲା ନନ୍ଦିଘୋଷେ

Couplet 161

କେବଳ ଅବଶେଷ ପ୍ରାଣରଥୁଁ ଓହ୍ଲାଇଲା ରୁକ୍ମଣ

Couplet 162

ବିଶେଷେ ହତବଳ ସର୍ବହରି ଗଞ୍ଜିଲେ ତାର ଗର୍ବ

Couplet 163

ସଙ୍କଳ୍ପ-ଭଙ୍ଗେ ପଳାଇଲାକୁଣ୍ତୀନଗରେ ନ ପଶିଲା

Couplet 164

ହରିଙ୍କି ମାରିଯିବା ବେଳେପ୍ରତିଜ୍ଞା କରିଥିଲା ବଳେ

Couplet 165

ଆଜ ଗୋବିନ୍ଦମୁଣ୍ତ ହାଣିଆଣି ନ ପାରିଲେ ରୁକ୍ମିଣୀ

Couplet 166

କୁଣ୍ତୀନଗରେ ନ ପଶିବିଜୀବନ୍ତେ ଯେତେକାଳ ଥିବି

Couplet 167

ଏମନ୍ତେ ପଶି ଘୋରବନେବୃକ୍ଷ କଟାଇ କୋପମନେ

Couplet 168

ବସାଇଲା ସେ ବହୁଗ୍ରାମନଗର ଭୋଜକଟ ନାମ

Couplet 169

ତହିଁ ରହିଲା ବାସକରିକୃଷ୍ଣ ବଇର ମନେ ଧରି

Couplet 170

ରୁକ୍ମିଣୀ ଘେନି ଭଗବାନପ୍ରବେଶ ଦ୍ୱାରକାଭୁବନ

Couplet 171

ସମରେ ଜିଣି ସର୍ବରାଜାଯାଦବେ କଲେ ପାଦପୂଜା

Couplet 172

ସ୍ତୁତି କରନ୍ତି ସୁରନରଆନନ୍ଦ ଦ୍ୱାରାବତୀପୁର

Couplet 173

ଗୋବିନ୍ଦ ବିଭାର ଉତ୍ସବେପୁରମଣ୍ତିଲେ ନାନାଭାବେ

Couplet 174

ଉତ୍ସବ କଲେ ସର୍ବପୁରେବାଦ୍ୟ ବଜାଇ ପଞ୍ଚସ୍ୱରେ

Couplet 175

ଦ୍ୱାରକାପୁର ନରନାରୀବିବିଧ ଅଳଙ୍କାର ଭରି

Couplet 176

କୃଷ୍ଣ ବିବାହେ ଉନମତ୍ତକାମିନୀ କଲେ ନୃତ୍ୟଗୀତ

Couplet 177

ମଙ୍ଗଳ ଦ୍ୱାରକାନଗରକି ଅବା ଦେବା ପଟାନ୍ତର

Couplet 178

ଧ୍ୱଜ ତୋରଣ ରତ୍ନମାଳପୂର୍ଣ୍ଣକଳସ ସୁମଙ୍ଗଳ

Couplet 179

ଅଗୁରୁ ଧୂପ ଦୀପାବଳୀପଥେ ସିଂଚନ୍ତି ଗନ୍ଧ ଗୋଳି

Couplet 180

ମାର୍ଜନା କରି ଦାଣ୍ତ କକ୍ଷଦ୍ୱାରେ ରୋପିଲେ ରମ୍ଭାବୃକ୍ଷ

Couplet 181

ବନ୍ଧୁବେଭାରେ ରାଜାଗଣେଆସି ମିଳିଲେ ଜଣେ ଜଣେ

Couplet 182

କୁରୁ ସୃଞ୍ଜୟ ଆଦି ରାଜବିଦର୍ଭ ଯଦୁ କୁନ୍ତି ଭୋଜ

Couplet 183

ଆରୋହି ଘୋଟକ-ବାରଣେପ୍ରବେଶ ଦ୍ୱାରକାଭୁବନେ

Couplet 184

ହସ୍ତୀଙ୍କ ମଦଜଳେ ମହୀବରଷାକାଳ ପ୍ରାୟ ହୋଇ

Couplet 185

ଏକ ଆରେକ ମତ୍ତ ହୋଇଆନନ୍ଦ କେ ପାରିବ କହି

Couplet 186

ମଙ୍ଗଳ କର୍ମମାନ କଲେଗୁରୁଦେବତା ଆରାଧିଲେ

Couplet 187

ରୁକ୍ମିଣୀହରଣର ବାଣୀଭରତଖଣ୍ତ ରାଜା ଶୁଣି

Couplet 188

ରାଜକୁମାରୀ ଯେତେ ଛନ୍ତିଭଲେ ପାଇଲେ ମନେ ଭ୍ରାନ୍ତି

Couplet 189

ଦ୍ୱାରକାପୁରେ ଯେତେ ନରକେ କହୁ ତପ ତାହାଙ୍କର

Couplet 190

ଆନନ୍ଦ କଲେ ପୁରେ ପୁରେନୟନେ ଦେଖି କନ୍ୟାବରେ

Couplet 191

ଲକ୍ଷ୍ମୀମାଧବ ବିଭାକାଳେବାନ୍ଧବେ ଯଉତୁକ ଦେଲେ

Couplet 192

ସେ ବରକନ୍ୟା ପାଦଗତନମଇଁ ଦାସ ଜଗନ୍ନାଥ