Adhyaya 57

Couplet 1

ଭୀଷ୍ମକ-ନନ୍ଦିନୀର ବାଣୀଗୋବିନ୍ଦ ବିପ୍ରମୁଖୁଁ ଶୁଣି

Couplet 2

ବ୍ରାହ୍ମଣ ହସ୍ତ କରେ ଧରିହସି ବୋଲନ୍ତି ନରହରି

Couplet 3

ମୋହର ତହିଁ ଚିତ୍ତେ ଦେଇରୁକ୍ମିଣୀ ନିଦ୍ରା ନ ଲଭଇ

Couplet 4

ମୋହର ମନ ସେହିମତରାତ୍ର ନୁହଇ ନିଦ୍ରାଗତ

Couplet 5

ଜାଣଇଁ ତାର ଜ୍ୟେଷ୍ଠ ଭାଇମୋର ବିଭାରେ ରୋଷ ହୋଇ

Couplet 6

ଅନେକ ନିନ୍ଦା ମୋତେ କଲାଶିଶୁପାଳକୁ ସେ ବରିଲା

Couplet 7

ମୁହିଁ ଆଣିବି ତାକୁ ହରିସଂଗ୍ରାମେ ରିପୁବଳ ମାରି

Couplet 8

ସେ କନ୍ୟା ଅନନ୍ଦିତା ଦେହୀଅନଳ ଶିଖା ପ୍ରାୟ ହୋଇ

Couplet 9

ମୋହର ପାଦେ ଧ୍ୟାନ କରିହୃଦରେ ମୋତେ ଅଛି ବରି

Couplet 10

ଏମନ୍ତେ ମଦନଗୋପାଳଜାଣିଣ ବିଭାଲଗ୍ନ ବେଳ

Couplet 11

ଦାରୁକେ ରାଇ ଦାମୋଦରବୋଇଲେ ରଥ ସଜ କର

Couplet 12

ଶୁଣି ଦାରୁକ ଯାଇ ବେଗେରଥ ସାଜିଲା ଅତି ବ୍ୟଗ୍ରେ

Couplet 13

ଶୈବ୍ୟ ସୁଗ୍ରୀବ ମେଘପୁଷ୍ପଯୋଚିଲା ବଳାହକ ଅଶ୍ୱ

Couplet 14

ଗୋବିନ୍ଦ ନିକଟେ ମିଳିଲାକରଅଞ୍ଜଳି ଶିରେ ଦେଲା

Couplet 15

ଆନନ୍ଦେ ବିପ୍ର କର ଧରିରଥେ ବସିଲେ ନରହରି

Couplet 16

ଦାରୁକ ରଥ ବାହେ ବଳେଶୂନ୍ୟେ ଗମିଲେ ରାତ୍ରକାଳେ

Couplet 17

କୁଣ୍ତୀ ନଗରେ ଏକାରାତ୍ରେମିଳିଲେ ଅଳପ ପ୍ରଭାତେ

Couplet 18

ଭୀଷ୍ମକ ପୁତ୍ରରବଶ ହୋଇଶିଶୁପାଳକୁ ବିଭାପାଇଁ

Couplet 19

ମଙ୍ଗଳକାର୍ଯ୍ୟେ ଦେଇ ଚିତ୍ତପୁରମଣ୍ତିଲା ନରନାଥ

Couplet 20

ଚନ୍ଦନଛେରା ରାଜପଥେମାର୍ଜନା କରି ନାନାମତେ

Couplet 21

ଚିତ୍ର ପତାକା ଧ୍ୱଜ ଦେଇପଲ୍ଲବ ତୋରଣ ଲମ୍ବାଇ

Couplet 22

ବିବିଧ ଅଳଙ୍କାର ଭରିରାଜ୍ୟରେ ଯେତେ ନରନାରୀ

Couplet 23

ଗନ୍ଧଚନ୍ଦନ ପୁଷ୍ପସାରବିବିଧ ନାନା ଉପହାର

Couplet 24

ନାରୀ ପୁରୁଷେ ସଜ ହୋଇଗୃହେ ଅଗୁରୁ ଧୂପ ଦେଇ

Couplet 25

ମଙ୍ଗଳ ଶ୍ରାଦ୍ଧେ ବିପ୍ରଜନରାଜା କରାଇଲେ ଭୋଜନ

Couplet 26

ପିତୃଦେବତା ପୂଜା ସାରିବ୍ରାହ୍ମଣେ ଶାନ୍ତିବାକ୍ୟ କରି

Couplet 27

ମଙ୍ଗଳଘୋଷ ନାନାବାଦ୍ୟବିପ୍ରେ ପଢନ୍ତି ଶୁଭବେଦ

Couplet 28

ଯୁବତୀଗଣେ ଗୀତରସଦ୍ୱିଜେ କରନ୍ତି ଅଧିବାସ

Couplet 29

ମଙ୍ଗଳଗୀତେ ବଧୂଜନକନ୍ୟାକୁ କରାଇଲେ ସ୍ନାନ

Couplet 30

କୁଙ୍କୁମ ଲେପି କଳେବରମଙ୍ଗଳସୂତ୍ର ବାନ୍ଧି କରେ

Couplet 31

ଉତ୍ତମ ଅଳଙ୍କାର ଦେଇମଙ୍ଗଳନାଦେ ଗୀତ ଗାଇ

Couplet 32

ବ୍ରାହ୍ମଣେ ବେଦମନ୍ତ୍ରେ ଦୀକ୍ଷାକନ୍ୟାକୁ କରାଇଲେ ରକ୍ଷା

Couplet 33

ଗୋଚରେ ଗ୍ରହଶାନ୍ତି ଅର୍ଥେଅଥର୍ବବେଦୀ ପୁରୋହିତେ

Couplet 34

ହୋମ କରାଇ ଗ୍ରହ ଶାନ୍ତିଆନନ୍ଦମନେ ମହୀପତି

Couplet 35

ହେମ ରଜତ ବସ୍ତ୍ର ତିଳଗୁଡେ଼ ମିଶାଇଣ ପ୍ରବାଳ

Couplet 36

ସୁବର୍ଣ୍ଣଶୃଙ୍ଗ ଧେନୁ ଦେଇବିପ୍ରଙ୍କୁ ସନ୍ତୋଷ କରାଇ

Couplet 37

ବେଦ ଆଗମ ପଥଭେଦିରାଜା ଜଣାଇ ସର୍ବବିଧି

Couplet 38

ଏମନ୍ତେ ରାଜା ଦମଘୋଷଉତ୍ସବ କଲା ନିଜ ଦେଶ

Couplet 39

ପୁତ୍ରର ଶୁଭଅର୍ଥେ ରାଜାପିତୃଦେବତା କଲା ପୂଜା

Couplet 40

ମଙ୍ଗଳସୂତ୍ର ବାନ୍ଧି ହସ୍ତେବସିଲା ଶିଶୁପାଳ ରଥେ

Couplet 41

ମତ୍ତକୁଞ୍ଜର ଅଶ୍ୱରଥୀପଦାତିତୁଲେ ନରପତି

Couplet 42

ଘେନାଇ ଚତୁରଙ୍ଗ ବଳବାଜଇ ବାଦ୍ୟ ସୁମଙ୍ଗଳ

Couplet 43

କୁଣ୍ତୀନଗରେ ବେଗେ ଗଲାହରଷେ ଦମଘୋଷ ବଳା

Couplet 44

ଭୀଷ୍ମକ ଆସି କିଛି ଦୂରପ୍ରବେଶ କରାଇଲା ପୁର

Couplet 45

ଉତ୍ତମ ଗୃହେ ବାସ ଦେଇପୂଜିଲା ଆସନେ ବସାଇ

Couplet 46

ଶିଶୁପାଳର ପକ୍ଷ ହୋଇରାଜାଏ ମିଳିଛନ୍ତି ଯାଇ

Couplet 47

ଶାଲ୍ୱ ମଗଧ ନରନାଥବିକଟ ଦନ୍ତ ବିଦୂରତ

Couplet 48

ପୌଣ୍ତ୍ରକ ଆଦି ଯେତେ ଥିଲେସହସ୍ର ସଂଖ୍ୟାରେ ମିଳିଲେ

Couplet 49

ସ୍ୱଭାବେ କୃଷ୍ଣର ବଇରିଶିଶୁପାଳର ହିତକାରୀ

Couplet 50

ବୋଲନ୍ତି ରାମକୃଷ୍ଣ ଆସିଗୁପତେ ସଭାମଧେ ବସି

Couplet 51

ନପୁଣ କନ୍ୟା ହରି ନ୍ୟନ୍ତିଏମନ୍ତ ଭାଳି କଲେ ଭ୍ରାନ୍ତି

Couplet 52

ମିଳିଲେ ଦଣ୍ତ ସଜକରିଯୁଦ୍ଧେ ମାରିବା ରାମହରି

Couplet 53

ଶିଶୁପାଳକୁ କନ୍ୟାଦେଇଧରଣୀ ମଧ୍ୟେ ଯଶ ଥାଇ

Couplet 54

ଏମନ୍ତ ଭାଳି ଦୃଢ କଲେବିଦର୍ଭ ଦେଶରେ ମିଳିଲେ

Couplet 55

ଯେ ଯାହା ଅଙ୍ଗ ବଳ ଘେନିଶବଦେ କମ୍ପାଇ ମେଦିନୀ

Couplet 56

ଏକଥା ଶୁଣି ବଳରାମବିପକ୍ଷ ନଡପତି ଆଗମ

Couplet 57

କୃଷ୍ଣ ଯେ ଗଲେ ଏକା ରଥେନପୁଣ ଗୋଳ ହୋଏ ରଥେ

Couplet 58

ଏମନ୍ତ ମନେ ଶଙ୍କା କରିସଜ ହୋଇଲେ ହଳଧାରୀ

Couplet 59

ଅନେକ ବଳ ଘେନି ପାଶେଧାଇଁଲେ ଭ୍ରାତୃସ୍ନେହ ବଶେ

Couplet 60

ଏମନ୍ତ ଶୁଣ ନୃପମଣୀଭବନେ ଭୀଷ୍ମକ ନନ୍ଦୀନୀ

Couplet 61

କୃଷ୍ଣ ଆଗମେ ଆଶା କରିଜୀବନେ ନ ପାରଇ ଧରି

Couplet 62

ନ ଦେଖି ବିପ୍ର ଆଗମନକାତରେ କମ୍ପଇ ଜୀବନ

Couplet 63

କାନ୍ଦଇ ଦଇବ ସୁମରିଧରଣୀ ଗତେ ଶିର ତାଡି

Couplet 64

ରାତ୍ର ପାଇଲେ ବିଭା ମୋରକିମ୍ପା ନଇଲେ ଦାମୋଦର

Couplet 65

ବ୍ରାହ୍ମଣ ନଇଲା ମୋହରକେମନ୍ତେ ଧରିବି ଶରୀର

Couplet 66

ସେ ହରି କୃପା-ପୟୋନିଧିମୁଁ ଅବା ପାପୀ ଅପରାଧୀ

Couplet 67

ନିନ୍ଦିତକର୍ମ ଦେଖି ମୋରକୋପ କି କଲେ ଚକ୍ରଧର

Couplet 68

ବିବାହ ଅର୍ଥେ ମୋ ନଇଲେଦଇବ ମୋତେ ମାୟା କଲେ

Couplet 69

ଈଶ୍ୱରସେବା ମୋର ନାହିଁକୃଷ୍ଣ ଦେଖିବି ଅବା କାହିଁ

Couplet 70

ମୋରେ ବା ବିମୁଖ ଭବାନୀଅନେକ ଅପରାଧ ଘେନି

Couplet 71

ଏମନ୍ତେ କୃଷ୍ଣ ଆଗମନେନିଶ୍ଚଳ-ଧ୍ୟାନ କଲା ମନେ

Couplet 72

ଅଶ୍ରୁପୂରିତ ବେନିଡୋଳେନିରାଶେ ରହିଲା ନିଶ୍ଚଳେ

Couplet 73

କୃଷ୍ଣ ଆଗମେ ମନ ଦେଲାଏମନ୍ତେ ଶୁଭ ପ୍ରକାଶିଲା

Couplet 74

ସ୍ପୁରଇ ବାମନେତ୍ର ତାରଜାନୁ କମ୍ପଇ ଥରହର

Couplet 75

କୃଷ୍ଣ ଯେ ଯାଉଥିଲେ ପଥେବ୍ରାହ୍ମଣ ଘେନି ନିଜ ରଥେ

Couplet 76

ବୋଇଲେ ବିପ୍ରମୁଖ ଚାହିଁକହ ରୁକ୍ମିଣୀ ଆଗେ ଯାଇ

Couplet 77

ଅଇଲୁ ବୋଲି ବେଗେ କହନୋହିଲେ ଛାଡ଼ିବଟି ଦେହ

Couplet 78

ଗୋବିନ୍ଦବାଣୀ ଶୁଣି କର୍ଣ୍ଣେବ୍ରାହ୍ମଣ ଗଲା ତୋଷମନେ

Couplet 79

ରାଜାର ଭୁବନେ ପଶିଲାରୁକ୍ମିଣୀ ନିକଟେ ମିଳିଲା

Couplet 80

ନୟନେ ଦେଖି ବିପ୍ରବରଚଞ୍ଚଳଚିତ୍ତ କଲା ସ୍ଥିର

Couplet 81

ବ୍ରାହ୍ମଣ ହରଷବଦନଦେଖିରୁକ୍ମିଣୀ ତୋଷମନ

Couplet 82

ଶୁଭଲକ୍ଷଣ ଦେଖି ତାରଚରଣେ କଲା ନମସ୍କାର

Couplet 83

ବେନିଚରଣେ କର ଦେଇପୁଚ୍ଛଇ ବିପ୍ରମୁଖ ଚାହିଁ

Couplet 84

ବ୍ରାହ୍ମଣ କହେ ଶୁଭବାଣୀବିଜୟ କଲେ ଚକ୍ରପାଣି

Couplet 85

ସତ୍ୟବଚନ ମୋତେ କହିକୃଷ୍ଣ ଅଇଲେ ତୋର ପାଇଁ

Couplet 86

ଲିଭିବୁ ତ୍ରୈଲୋକ୍ୟଠାକୁରଧନ୍ୟ ଗୋ ଜନନୀ ତୋହର

Couplet 87

କୃଷ୍ଣ ଆଗମ କଥା ଶୁଣିଆନନ୍ଦସାଗରେେ ରୁକ୍ମିଣୀ

Couplet 88

ବୁଡି ହୋଇଲା ଛନଛନନିକଟେ ନ ଦେଖଇ ଜନ

Couplet 89

ଅନ୍ୟ ପ୍ରିୟକୁ ନ ଗଣଇବ୍ରାହ୍ମଣ ଚରଣେ ପୂଜଇ

Couplet 90

ଏମନ୍ତେ ଶୁଣ ନରନାଥେକୃଷ୍ଣ ରହିଲେ ଏକା ରଥେ

Couplet 91

ଦୂତେ ଯେ ଜଗିଥିଲେ ପଥେକୃଷ୍ଣଙ୍କୁ ଦେଖିଲେ ସେ ରଥେ

Couplet 92

ରାମର ସଙ୍ଗେ ଯଦୁବଳଶୁଣିଲେ ମୁଖରାବର ରୋଳ

Couplet 93

ବେଗେ ଭୀଷ୍ମକ ଆଗେ ଯାଇକହିଲେ ଶିରେ କର ଦେଇ

Couplet 94

ଶୁଣ ଭୀଷ୍ମକ ମହୀପାଳଶୁଣିଲୁ ମୁଖରାବ ରୋଳ

Couplet 95

ରାମଗୋବିନ୍ଦ ସୈନ୍ୟ ଘେନିନଗ୍ରେ ପଶିଲେ ଏହିକ୍ଷଣି

Couplet 96

ଅନେକ ବଳ ତାଙ୍କ ସଙ୍ଗେବିବାହ ଦେଖିବାର ରଙ୍ଗେ

Couplet 97

ଆଗେ ଅଇଲେ ବେନିଭାଇକହିଲୁ ଆମ୍ଭ ଦୋଷ ନାହିଁ

Couplet 98

ଶୁଣି ସଂଭ୍ରମେ ନୃପବରଘେନାଇ ନାନା ଉପହାର

Couplet 99

ସୁବର୍ଣ୍ଣ ପାତ୍ରେ ମଧୁରସନୀଳଦୁକୂଳ ପୀତବାସ

Couplet 100

ବିବିଧ ଉପହାର ଘେନିଭାବେ ପୂଜିଲା ଭାଇ ବେନି

Couplet 101

ଉତ୍ତମପୁରେ ଦେଲା ସ୍ଥାନପୂଜିଲା ଯଥା ବିଧିବିଧାନ

Couplet 102

ରାଜାଏ ଆସିଛନ୍ତି ଯେତେପୂଜିଲା ଯଥାବିଧି ମତେ

Couplet 103

କୃଷ୍ଣଆଗମ କଥା ଶୁଣିବିଦର୍ଭପୁରେ ଯେତେ ପ୍ରାଣୀ

Couplet 104

ସକଳେ ନିଜପୁର ଛାଡ଼ିଧାଇଁଲେ ରାଜପଥ ମାଡ଼ି

Couplet 105

କୃଷ୍ଣଙ୍କୁ ଦେଖି ବେନିନେତ୍ରେଅଞ୍ଜଳି କରି ନେତ୍ର-ପାତ୍ରେ

Couplet 106

ଗୋବିନ୍ଦ-ମୁଖ-ପଦ୍ମ-ରସପିବନ୍ତେ ନୋହେ ମନତୋଷ

Couplet 107

ଆନନ୍ଦେ ବୋଲନ୍ତି ଯୁବତୀରୁକ୍ମିଣୀ ସଦୃଶ ଏ ପତି

Couplet 108

କନ୍ୟା ସଦୃଶ ଏହୁ ବରତୁଳନା ନାହିଁ ତିନିପୁର

Couplet 109

ଆମ୍ଭର ପୁଣ୍ୟବଳ ଯେତେତେଣୁ ଈଶ୍ୱର ତୋଷଚିତ୍ତେ

Couplet 110

ପ୍ରସନ୍ନ ହୋନ୍ତୁ ଶୂଳଧରରୁକ୍ମିଣୀ ଲଭୁ ଏହୁ ବର

Couplet 111

ଏମନ୍ତ ବୋଲୁ ବୋଲୁ ଜନଶୁଭିଲା ନାନାବାଦ୍ୟ ସ୍ୱନ

Couplet 112

ରୁକ୍ମିଣୀ ଘେନି ବିପ୍ରନାରୀସଙ୍ଗେ ଅଛନ୍ତି ପରିବାରୀ

Couplet 113

ଆବୋରି ଚତୁରଙ୍ଗ ବଳଶୂନ୍ୟେ ଦେଖନ୍ତି ଦିଗପାଳ

Couplet 114

ବୀରେ ଆବୋରି ଚଉପାଶେଗମନ୍ତି ରିପୁବଳ ତ୍ରାସେ

Couplet 115

ବେନିଚରଣେ ଚାଲେ ପଥେଅମ୍ବିକା ପୂଜିବା ନିମନ୍ତେ

Couplet 116

କୃଷ୍ଣଚରଣେ ମନ ଦେଇଚାଲଇ ଚଉଦିଗ ଚାହିଁ

Couplet 117

ମାତାଙ୍କ ସଙ୍ଗେ ଚାଲେ ପଥେକଥା ନ କହି ମୌନବ୍ରତେ

Couplet 118

ରାଜପୁରୁଷେ ଆଗସରିଚାଲନ୍ତି ନାନା ଶସ୍ତ୍ର ଧରି

Couplet 119

ମୃଦଙ୍ଗ ଶଙ୍ଖ ତୁରୀ ଭେରୀଶୁଭଇ ଦଶଦିଗ ପୂରି

Couplet 120

ଶତ ସହସ୍ର ପରିବାରୀକରେ ଚାମର ଛନ୍ତି ଧରି

Couplet 121

ଆଗେ ଖଟନ୍ତି ବେଶ୍ୟାନାରୀଚଳନ୍ତି ରଙ୍ଗେ ନୃତ୍ୟକରି

Couplet 122

ବ୍ରାହ୍ମଣନାରୀ କନ୍ୟା ସଙ୍ଗେପୁଷ୍ପଚନ୍ଦନ ରତ୍ନ ଅଙ୍ଗେ

Couplet 123

ସୂତ ମାଗଧ ସ୍ତୁତି ରଙ୍ଗେନାନା ସୁବାଦ୍ୟ ଗୀତ ସଙ୍ଗେ

Couplet 124

କନ୍ୟା ଆବୋରି ଯୂଥ ଯୂଥସୁନ୍ଦର ଦିଶେ ରାଜପଥ

Couplet 125

ଦେବୀଭୁବନେ ଯାଇ ମିଳିକାମିନୀ ଦ୍ୟନ୍ତି ହୁଳହୁଳି

Couplet 126

କର ଚରଣ ମୁଖ ଧୋଇରୁକ୍ମିଣୀ ହସ୍ତେ ପୁଷ୍ପ ଦେଇ

Couplet 127

ଦେବୀ ଅଗ୍ରତେ ନେଇ କରିପାଶେ ବସିଲେ ବିପ୍ରନାରୀ

Couplet 128

ବୟସେ ଅଧିକ ଖଟନ୍ତିସକଳ ବିଧି ସେ ଜାଣନ୍ତି

Couplet 129

କନ୍ୟାର ସ୍ୱାମୀ ହିତ ଅର୍ଥେପୂଜା କରାଇ ନାନାମତେ

Couplet 130

ବୋଇଲେ ନମସ୍କାର କରଯେମନ୍ତ ବାଞ୍ଛା ମନେ ତୋର

Couplet 131

ଆପଣା ସ୍ୱାମୀସୁଖ ଅର୍ଥେବର ତୁ ମାଗ ଶୁଦ୍ଧଚିତ୍ତେ

Couplet 132

ଶୁଣି ରୁକ୍ମିଣୀ କରଯୋଡ଼ିକହେ ଅମ୍ବିକା ପାଦେ ପଡ଼ି

Couplet 133

ନମଇ ଅମ୍ବିକାର ପାଦେସକଳ-ସୁଖ-ବରପ୍ରଦେ

Couplet 134

ପୁତ୍ର ଦୁହିତା ସୁଖ ଘେନିଈଶ୍ୱରି ହୁଅ ବରଦାନୀ

Couplet 135

ଭୋ ମାତ ତୋହର ପ୍ରସାଦେବର ମାଇଇ ଅପ୍ରମାଦେ

Couplet 136

କୃଷ୍ଣ ମୋହର ବର ହେଉତା ପାଦ ସେବି ଦିନ ଯାଉ

Couplet 137

ପବିତ୍ରଜଳ ଗନ୍ଧାକ୍ଷତବସ୍ତ୍ରଭୂଷଣ ନାନାମତ

Couplet 138

ଅନେକ ଉପହାର ଦେଇଧୂପ ପ୍ରଦୀପ ତଳେ ଥୋଇ

Couplet 139

ବ୍ରାହ୍ମଣନାରୀ ସୁଲକ୍ଷଣୀଦେବୀପ୍ରସାଦ ଦେଲେ ଆଣି

Couplet 140

ପ୍ରସାଦ ଘେନି କନ୍ୟା ହସ୍ତେନାରୀଙ୍କି ଦେଲା ନାନାମତେ

Couplet 141

ଶେଷେ ଘେନିଲା ନିଜ ଶିରେନମିଲା ନାରୀଙ୍କ ପୟରେ

Couplet 142

ମଉନବ୍ରତ କଲା ଦୂରମନ୍ଦିରୁ ହୋଇଲା ବାହାର

Couplet 143

ସଖୀଏ ବାମପାଶେ ଥିଲାତାହାର କନ୍ଧେ ହସ୍ତ ଦେଲା

Couplet 144

ରତ୍ନମୁଦ୍ରିକା ବିରାଜଇଚଞ୍ଚଳେ ଚଉଦିଗେ ଚାହିଁ

Couplet 145

ଅଂଶେ କମଳା ଅବତାରରୂପେ କି ଦେବା ପଟାନ୍ତର

Couplet 146

କିଏ ସ୍ୱରୂପେ ଦେବମାୟାବୀରମୋହିନୀ ରୂପ ଏହା

Couplet 147

ଦଇବ ଭିଆଇଲା ବାମାଜଗମୋହିନୀ ଏ ସୁଷମା

Couplet 148

ନବଯୁବତୀ ମଧ୍ୟେ ବାମାଚିତ୍ର କି କଲା ବିଶ୍ୱକର୍ମା

Couplet 149

ରତ୍ନକୁଣ୍ତଳ କର୍ଣ୍ଣେ ଶୋହେତିନିଭୁବନ ମନମୋହେ

Couplet 150

କଟିମେଖଳା କଣ୍ଠମାଳନାନାରତନେ କି ଉଜ୍ଜ୍ୱଳ

Couplet 151

ହୃଦୟ ଫୁଟି ବେନି ସ୍ତନକୁନ୍ତଳେ ଶଙ୍କିତ ନୟନ

Couplet 152

ଅଳପହାସେ ମୁଖରଙ୍ଗଓଷ୍ଠ ପାଚିଲା ଫଳ ବିମ୍ବ

Couplet 153

କୁନ୍ଦକୁଳିକା ଦନ୍ତପନ୍ତିଯେହ୍ନେ ସିନ୍ଦୂରେ ଗଜମୋତି

Couplet 154

ରାଜହଂସର ପ୍ରାୟେ ଧୀରେଚାଲଇ ନୂପୁର ପୟରେ

Couplet 155

ବିବାହଯାତ୍ରା ଛଳେ ଆସିଅନେକ ରାଜା ଥିଲେ ବସି

Couplet 156

ଏମନ୍ତେ ରୁକ୍ମିଣୀ ବଦନଦେଖି ହାରିଲେ ନିଜ ଜ୍ଞାନ

Couplet 157

ରୁକ୍ମିଣୀ ରୂପ ଦେଖି ବୀରେଜ୍ଞାନ ହାରିଲେ କାମଜ୍ୱରେ

Couplet 158

ଗଜ ତୁରଙ୍ଗ ରଥେ ଥାଇରୁକ୍ମିଣୀ ରୂପକୁ ଅନାଇଁ

Couplet 159

ହସ୍ତୁ ପଡ଼ିଲା ଶସ୍ତ୍ର ଝଡ଼ିଅଜ୍ଞାନ ହୋଇ ତଳେ ପଡ଼ି

Couplet 160

ଏମନ୍ତେ ଦେବୀଯାତ୍ରା ଛଳେଚାଲଇ ଯୁବତୀଙ୍କ ମେଳେ

Couplet 161

ଆପଣା ଦେହର ଯେ କାନ୍ତିଦେଖାଇ ଲୋଡ଼ଇ ଶ୍ରୀପତି

Couplet 162

ଗଗନେ ଟେକିଣ ବଦନଚିନ୍ତଇ କମଳଲୋଚନ

Couplet 163

କେତେହେଁ ଦୂର ପୁଣି ଯାଇବିକଳେ ଦଶଦିଗେ ଚାହିଁ

Couplet 164

ନୟନେ ନିରେଖି ସଧିରେଶୂନ୍ୟେ ଦେଖିଲା ଚକ୍ରଧରେ

Couplet 165

ନୟେନେ ଅନଳକୁ ଚାହିଁପତଙ୍ଗ ଯେହ୍ନେ ପଡେ଼ ଧାଇଁ

Couplet 166

ଗଗନେ ଦେଖି କୃଷ୍ଣରଥବେଗେ ତୋଳିଲା ବେନିହସ୍ତ

Couplet 167

ରଥେ ଉଠିଲା ପ୍ରାୟ ମଣିକର ଧଇଲେ ଚକ୍ରପାଣି

Couplet 168

ନେଇଣ ବସାଇଲେ କୋଳେଶୂନ୍ୟେ ଦେଖନ୍ତି ଦିଗପାଳେ

Couplet 169

ମାଗଧ ଆଦି ରିପୁ ଯେତେସକଳ ଦୃଷ୍ଟି କୃଷ୍ଣରଥେ

Couplet 170

ଗରୁଡ଼ଧ୍ୱଜ ରଥେ ଆଣିକୋଳେ ବସାଇ କମଳିନୀ

Couplet 171

କ୍ଷତ୍ରିୟବଳ ତୁଚ୍ଛ କରିସାରଙ୍ଗଧନୁ କରେ ଧରି

Couplet 172

ବିଜୟ କଲେ ଦାମୋଦରସଙ୍ଗେ ସାତ୍ୟକି ହଳଧର

Couplet 173

ଯାଦବବଳ ଅପ୍ରମିତଗହଳେ ନ ଦିଶଇ ପଥ

Couplet 174

ଶୃଗାଳ ମଧ୍ୟୁ ମାଂସଭାଗବଳେ ହରଇ ଯେହ୍ନେ ସିଂହ

Couplet 175

ଦେଖି ଚକିତ ସର୍ବଜନଥିଲେ ଯେ ଅନେକ ରାଜନ

Couplet 176

ଏକ ଆରେକ ମୁଖ ଚାହିଁବଦନୁ ବାକ୍ୟ ନ ସ୍ପୁରଇ

Couplet 177

ଶୁଭଇ ନେଲା ନେଲା ବାଣୀଚହଳେ କମ୍ପଇ ଧରଣୀ

Couplet 178

ଘଡ଼ିକେ ଜାଣିଲେ ସକଳେକନ୍ୟା ହରିଲେ କୃଷ୍ଣ ବଳେ

Couplet 179

କୃଷ୍ଣର ରିପୁରାଜା ଯେତେବିବିଧ ଶସ୍ତ୍ର ଘେନି ହସ୍ତେ

Couplet 180

ଶିଶୁପାଳର ସଭାତଳେପ୍ରତିଜ୍ଞା କଲେ ସେହୁବଳେ

Couplet 181

ଆମ୍ଭେ ଆଣିବୁ ତୋର ନାରୀସଂଗ୍ରାମେ ରାମକୃଷ୍ଣ ମାରି

Couplet 182

ଏବେ ହୋଇଲା ଯଶ ନାଶସମ୍ଭ୍ରମେ ଛାଡ଼ନ୍ତି ନିଃଶ୍ୱାସ

Couplet 183

ବୋଲନ୍ତି ଅଧର କାମୋଡ଼ିଆପଣା ଶିରେ କର ତାଡ଼ି

Couplet 184

ଆମ୍ଭର ବଳ ଧିକ୍ ହେଉଗୃଧ୍ର ଶୃଗାଳ ମାଂସ ଖାଉ

Couplet 185

ଗୋପାଳେ ନେଲେ ବଳ କରିଆମ୍ଭର ମଧ୍ୟୁ କନ୍ୟା ହରି

Couplet 186

ଶୃଗାଳ ସିଂହଭାଗ ନେଲାଏମନ୍ତ ଶବଦ ଶୁଭିଲା

Couplet 187

ରୁକ୍ମିଣୀ ହରଣ ଏ ବାଣୀଶୁଣି ସଂସାରୁ ତର ପ୍ରାଣୀ

Couplet 188

ବୋଲଇ ଦାସ ଜଗନ୍ନାଥସଜ ହୋଇଲେ ନୃପଯୂଥ