Adhyaya 56

Couplet 1

ଶୁକ ବୋଲନ୍ତି ଶୁଣ ରାୟେଏମନ୍ତେ କୃଷ୍ଣ ଅନୁଗ୍ରହେ

Couplet 2

ହୃଦ-ଉତ୍ସାହେ ମୁଚୁକୁନ୍ଦନିର୍ମଳେ ଚାହଁଇ ଗୋବିନ୍ଦ

Couplet 3

ଆନନ୍ଦେ ଶୋକ ଗଦ୍ଗଦେପ୍ରଣାମ କଲା କୃଷ୍ଣପାଦେ

Couplet 4

ଭୋ ନାଥ କର ପ୍ରତିକାରଏ ଭବସାଗରୁ ଉଦ୍ଧର

Couplet 5

ତପ କରିବି ଯେଉଁମତେକହ ତୁ ମୋତେ ଶୁଦ୍ଧଚିତ୍ତେ

Couplet 6

ହସି ବୋଲନ୍ତି ନାରାୟଣଯାଅ ତୁ ବଦରିକାଶ୍ରମ

Couplet 7

ତପ କରିବୁ ବନେପଶିନର-ନାରାୟଣ ବିଶ୍ୱାସି

Couplet 8

ଆସନେ ଶୁଦ୍ଧି କରି ମନେପବନ ଫଳମୂଳ ବନେ

Couplet 9

ଏହାନ୍ତ କରିବୁ ଆହାରମନେ ନ ଧରିବୁ ସଂସାର

Couplet 10

ଶୁଣି ହରଷ ନୃପବରଶିରେ ଯୋଡ଼ିଲା ବେନିକର

Couplet 11

ଶିର ଲଗାଇ କୃଷ୍ଣପାଦେଆନନ୍ଦେ ଶୋକ ଗଦଗଦେ

Couplet 12

ବାହାର ହୋଇ ମୁଚୁକୁନ୍ଦଚଳିଲା ଚାହାଁନ୍ତି ଗୋବିନ୍ଦ

Couplet 13

ଦେଖିଲା ସ୍ଥାବର ଜଙ୍ଗମବନ ଦୁର୍ଗମ ଗିରିମାନ

Couplet 14

ପଶୁଙ୍କୁ ଚାହିଁ ବିଚାରଇଏମନ୍ତ ଦେଖିଲାତ ନାହିଁ

Couplet 15

ଅଳପପ୍ରାୟେ ତ ଦିଶନ୍ତିଏମନ୍ତେ କଲା ମନେ ଭ୍ରାନ୍ତି

Couplet 16

ପୁଣି କ୍ଷଣକେ ଅନୁରାଗଏ କି ହୋଇଲା କଳିଯୁଗ

Couplet 17

ନିଦ୍ରାରେ ତିନିଯୁଗ ଗଲାଏମନ୍ତ ବୋଲି ବିଚାରିଲା

Couplet 18

ଉତ୍ତରଦିଗେ ନୃପବରଗଲା ଅନେକ ପଥଦୂର

Couplet 19

ସର୍ବସଂଶୟ ସଙ୍ଗ ଛାଡ଼ିତପ ସାଧନେ ଚିତ୍ତବୁଡ଼ି

Couplet 20

ସମାଧି କରି କୃଷ୍ଣପାଦେମନ ନିବେଶି ଅପ୍ରମାଦେ

Couplet 21

ଗନ୍ଧମାର୍ଦ୍ଦନ ମଧ୍ୟେ ଗଲାବଦ୍ରିକା ଆଶ୍ରମେ ମିଳିଲା

Couplet 22

ନରନାରାୟଣ ଆଶ୍ରମେଶୁଚି ପବିତ୍ର ପୁଣ୍ୟଧାମେ

Couplet 23

ସମାଧିବଳେ ତପ କରିମନପବନ ହୃଦେ ଧରି

Couplet 24

ସକଳ ଇନ୍ଦ୍ରି ଦୁଃଖ ସହିସମଦରଶୀ ଶୁଦ୍ଧଦେହୀ

Couplet 25

ହରି ଆରାଧି ଯୋଗବଳେବସିଲା ଆସନେ ନିଶ୍ଚଳେ

Couplet 26

ଏବେ ହୋ ଶୁଣ ନୃପବରମାୟା-ମନୁଷ୍ୟ ଚକ୍ରଧର

Couplet 27

କପଟେ ମରାଇ ଯବନମିଳିଲେ ମଥୁରାଭୁବନ

Couplet 28

ଯବନ ବଳ ତିନିକୋଟିମଥୁରାପୁର ଥିଲେ ଘୋଟି

Couplet 29

ତାହାଙ୍କୁ ମାରି ଭଗବାନଯୁଦ୍ଧେ ପାଇଲେ ଯେତେ ଧନ

Couplet 30

ଗୋରୁ ମହିଷ ବନମାଳୀଧରି ଦ୍ୱାରକାପୁରେ ଚଳି

Couplet 31

ବିଚାରି କାର୍ଯ୍ୟ ଅନୁବନ୍ଧଆସି ମିଳିଲା ଜରାସନ୍ଧ

Couplet 32

ତେଇଶ ଅକ୍ଷୌହିଣି ବଳଶୁଭଇ ମୁଖରାବ ଗୋଳ

Couplet 33

ସୈନ୍ୟର ଦେଖି ବ୍ୟଗ୍ରଗତିଭାଳନ୍ତି ରାମ ଯଦୁପତି

Couplet 34

ଆମ୍ଭେ ଏ ନଗରେ ନ ଥିବାପଳାଇ ପର୍ବତେ ଲୁଚିବା

Couplet 35

ମନୁଷ୍ୟ ଚେଷ୍ଟା ଆଶ୍ରେ କରିଛାଡ଼ି ମଥୁରାପୁର ଶିରୀ

Couplet 36

ଅଭୟଦାତା ଭୟ ପାଇପାଦେ ଚଳନ୍ତି ବେନିଭାଇ

Couplet 37

ଆକ୍ରମି ଅନେକ ଯୋଜନପଶିଲେ ଗହନକାନନ

Couplet 38

ଭାଜିବା ଦେଖି କୃଷ୍ଣରାମେପଛେ ଧାମଇଁ ଜରା ତମେ

Couplet 39

ରଥ କୁଞ୍ଜର ଘେନି ସଙ୍ଗେପଥେ ହସନ୍ତି ନବରଙ୍ଗେ

Couplet 40

ଆଜ କିଣିବି କରି ରଣନ ଜାଣେ ଈଶ୍ୱର ପ୍ରମାଣ

Couplet 41

ରାମକୃଷ୍ଣ ଯେ ବେନିଭାଇବନେ ଅନେକ ଶ୍ରମ ପାଇ

Couplet 42

ଏକ ଆରେକ ଧରି କରେଉଠିଲେ ପର୍ବତ ଶିଖରେ

Couplet 43

ନିତ୍ୟେ ବରଷେ ସୁନାସୀରପ୍ରବର୍ଷଣ ନାମ ତାହାର

Couplet 44

ଉଠନ୍ତେ ପର୍ବତ ଉପରେଜରା ଦେଖିଲା ଥାଇ ଦୂରେ

Couplet 45

ଅଧିକ ପାଦେ ହେଁ ନ ଗଲାପର୍ବତ ରୁନ୍ଧରେ ବୋଇଲା

Couplet 46

ବେଢି ପର୍ବତ ଚାରିଦେଗେଅନଳ ଲଗାଇଲେ ବେଗେ

Couplet 47

ଦହ୍ନ କରି ବନଘୋରଜାଣିଲା ଶତ୍ରୁ ଗଲା ମାର

Couplet 48

ଅନଳଯୋଗେ ମହୀଧରତାପିଲା ଅତ୍ୟନ୍ତ ପ୍ରଖର

Couplet 49

ତକ୍ଷଣେ ରାମ ନରହରିଗଗନଗତି ଅନୁସରି

Couplet 50

ପର୍ବତ ଶିଖ ଅତିଶେଷଉଚ୍ଚ ଯୋଜନ ଏକାଦଶ

Couplet 51

ରାମଗୋବିନ୍ଦ ବାହୁବଳେଡେ଼ଇଁ ପଡ଼ିଲେ ମହୀତଳେ

Couplet 52

ବଳ ସହିତେ ଜରା ଥିଲାରାମକୃଷ୍ଣଙ୍କୁ ନ ଦେଖିଲା

Couplet 53

ଲୁଚି ପଳାଇ ବେନିଭାଇମିଳିଲେ ନିଜ ପୁରେ ଯାଇ

Couplet 54

ଜଳଧିପରିଖା ଯାହାରଦେବମାନବେ ଅଗୋଚର

Couplet 55

ମିଥ୍ୟାକୁ ସତ୍ୟପ୍ରାୟ ମଣିମନେ ଆନନ୍ଦ ନୃପମଣି

Couplet 56

ବୋଲଇ ବଳଙ୍କୁ ଅନାଇପର୍ବତେ ମଲେ ବେନିଭାଇ

Couplet 57

ଭସ୍ମ ହୋଇଲେ ଅଗ୍ନିଯୋଗେଚାଲି ବାହୁଡ଼ିଯିବା ବେଗେ

Couplet 58

ବଳ ଆକର୍ଷି ମହାବଳୀନିଜ ଭୁବନେ ଯାଇ ମିଳି

Couplet 59

ସଂଗ୍ରାମେ ଜିଣି ଜୟବାଦ୍ୟବଜାଇ ହୋଇଲେ ଆନନ୍ଦ

Couplet 60

ଏବେ ହୋ ଶୁଣ ନରନାଥଆନର୍ତ୍ତପତି ରଇବତ

Couplet 61

ରେବତୀ ନାମେ କନ୍ୟା ଥିଲାବଳଦେବଙ୍କୁ ବିଭା ଦେଲା

Couplet 62

ବ୍ରହ୍ମାବଚନେ ଦେଲା ଆଣିନବମସ୍କନ୍ଧେ ଅଛୁ ଶୁଣି

Couplet 63

ଭୀଷ୍ମକ ନାମେ ମହାରାଜାରୁକ୍ମିଣୀ ତାହାର ତନୁଜା

Couplet 64

ଅଂଶେ କମଳା ଅବତାରକୁର୍ଣ୍ଣୀନଗର ନୃପବର

Couplet 65

ରୁକ୍ମିଣୀ ବିବାହ ବିଚାରେହରି ହରିଲେ ସ୍ୱୟମ୍ବରେ

Couplet 66

ରାଜାଏ ଥିଲେ ଯେ ପ୍ରତ୍ୟକ୍ଷେଆବୋରି ଶିଶୁପାଳ ପକ୍ଷେ

Couplet 67

ଶାଲ୍ୱ ମାଗଧ ଆଦି ଯେତେବଳ ହିଁ ଥିଲେ ଅପ୍ରମିତେ

Couplet 68

ତାହାଙ୍କ ଗର୍ବ କରି ଚୂରପଥେ ଦେଖନ୍ତି ସୁରନର

Couplet 69

କନ୍ୟା ହରିଲେ ଦାମୋଦରଅମୃତ ଯେହ୍ନେ ଖଗେଶ୍ୱର

Couplet 70

ତା ଶୁଣି ଅଭିମନ୍ୟୁବାଳାଶୁକମୁନିଙ୍କି ପଚାରିଲା

Couplet 71

ଭୋ ମୁନି ଭୀଷ୍କକନନ୍ଦିନୀରୁକ୍ମିଣୀ ରୁଚିରବଦନୀ

Couplet 72

କେମନ୍ତେ ପ୍ରଭୁ ନରହରିରାକ୍ଷସ ମତେ ବିଭାକରି

Couplet 73

ଶୁଣି ଚକିତ ମୋର ଚିତ୍ତଅସୁର ବଳ ଅପ୍ରମିତ

Couplet 74

କେମନ୍ତେ ଶିଶୁପାଳ ଆଦିପଥେ ତାହାଙ୍କ ବଳ ଛେଦି

Couplet 75

ଏକାକୀ ରଥେ ଚକ୍ରପାଣିକେମନ୍ତେ ହରିଲେ ରୁକ୍ମଣୀ

Couplet 76

କୃଷ୍ଣର କଥା ପୁଣ୍ୟମୟକର୍ଣ୍ଣ ବଚନେ ସୁଧାପ୍ରାୟ

Couplet 77

ଅଖିଳଜନ ପାପ ନାଶେପରମବ୍ରହ୍ମ ପରକାଶେ

Couplet 78

କାହାର ଚିତ୍ତ ଶୁଣି ଏହାସନ୍ତୋଷେ ନୋହିବ ଉତ୍ସାହା

Couplet 79

ନବୀନ ବସ୍ତୁ ପାଇ ଯେହ୍ନେଆଦରରେ ଆବୋରନ୍ତି ଜନେ

Couplet 80

କୃଷ୍ଣଚରିତ ସେହିମତେଭୋ ମୁନି କହ ଭାଗବତ

Couplet 81

ଶୁଣି ସନ୍ତୋଷଚିତ୍ତ ହୋଇଶୁକ କହନ୍ତି ରାଜା ଚାହିଁ

Couplet 82

ଭୀଷ୍ମକ ନାମେ ମହୀନାଥବିଦର୍ଭଗରେ ସମ୍ଭୂତ

Couplet 83

ତାହାର ପତ୍ନୀଗର୍ଭୁ ଜାତଏକ ଦୁହିତା ପାଞ୍ଚସୁତ

Couplet 84

ରୁକ୍ମୀ ଅଗ୍ରଜ ରୁକ୍ମରଥଏ ବେନି ବଳେ ଅପ୍ରମିତ

Couplet 85

ପୁଣ ହୋଇଲା ରୁକ୍ମବାହୁତାର ପ୍ରତାପ କେବା କହୁ

Couplet 86

ଚତୁର୍ଥ ପୁତ୍ର ରୁକ୍ମକେଶପଞ୍ଚମ ରୁକ୍ମମାଳୀ ଶେଷ

Couplet 87

ଏହାଙ୍କ ଶେଷେ କନ୍ୟାଜାତପ୍ରତ୍ୟକ୍ଷେ କମଳା ସମ୍ଭୂତ

Couplet 88

ରୁକ୍ମିଣୀ ନାମେ ବିଦ୍ୟମାନତାର ମହିମା ଏବେ ଶୁଣ

Couplet 89

କୃଷ୍ଣର ଗୁଣ କର୍ମ ଯେତେସେହୁ ଶୁଣଇ ହୃଷ୍ଟଚିତ୍ତେ

Couplet 90

ଦ୍ୱାରକାପୁର ଲୋକେ ଆସିକହନ୍ତି ତାର ପାଶେ ବସି

Couplet 91

ନିରତେ କୃଷ୍ଣକଥା ଶୁଣିରୁକ୍ମିଣୀ ମନେ ମନେ ଗୁଣି

Couplet 92

ଆତ୍ମ-ସଦୃଶେ ଶୁଣି ବରମନେ ବରିଲା ଚକ୍ରଧର

Couplet 93

ଗୋବିନ୍ଦ ତାର ମନ ଜାଣିସଙ୍କଳ୍ପେ ବରିଲେ ରୁକ୍ମିଣୀ

Couplet 94

ଅଂଶେ କମଳା ଦେହଧରିଆତ୍ମସଦୃଶେ କନ୍ୟା ବରି

Couplet 95

ବନ୍ଧୁବାନ୍ଧବଙ୍କର ମେତେଦୁହିତା ବିଭାର ଉଚିତେ

Couplet 96

ଭୀଷ୍ମକ କୃଷ୍ଣକୁ ବରିଲାତା ଶୁଣି ରୁକ୍ମୀ କୋପ କଲା

Couplet 97

ଅନେକ ନିନ୍ଦାବାକ୍ୟ କରିଶିଶୁପାଳକୁ ଗଲା ବରି

Couplet 98

ଶିଶୁପାଳକୁ ଦେବା ଶୁଣିଚକିତେ ଭାଳଇ ରୁକ୍ମିଣୀ

Couplet 99

ବିକଳଚିତ୍ତେ ବିଚାରିଲାବୃଦ୍ଧବ୍ରାହ୍ମଣ ହକାରିଲା

Couplet 100

ବିଶ୍ୱାସବାକ୍ୟ ତାଙ୍କୁ କହିଚରଣେ ବେନିକର ଦେଇ

Couplet 101

ବୋଲଇ ଶୁଣ ବିପ୍ରମଣିଦ୍ୱାରକା ଯାଅ ଏହିକ୍ଷଣି

Couplet 102

ଯେବେ ଆସିବେ ଚକ୍ରଧରତେବେ ସେ ଜୀବନ ମୋହର

Couplet 103

ଅଧିକ କହିବଇଁ କେତେକୃଷ୍ଣ ଜାଣନ୍ତି ଏହା ଚିତ୍ତେ

Couplet 104

ହେଉ ବୋଇଲେ ବିପ୍ରବରଦେଖିବି କୃଷ୍ଣର ପୟର

Couplet 105

କନ୍ୟା ବଚନେ ବିପ୍ର ଗଲେଦ୍ୱାରକାଭୁବନେ ମିଳିଲେ

Couplet 106

ଦ୍ୱାରେ ଯେ ଦ୍ୱାରପାଳ ଥିଲାକୃଷ୍ଣଙ୍କୁ ନେଇ ଭେଟାଇଲା

Couplet 107

ସୁବର୍ଣ୍ଣ ସିଂହାସନେ ହରିଯାଦବେ ଅଛନ୍ତି ଆବୋରି

Couplet 108

ଖଟନ୍ତି ଦଶଦିଗପାଳବିପ୍ର ଦେଖିଲେ ଚର୍ମଡେ଼ାଳେ

Couplet 109

ବିପ୍ରବତ୍ସଳ ନରହରିଉଠି ବ୍ରାହ୍ମଣ କର ଧରି

Couplet 110

ନିଜ ଆସନେ ବସାଇଲେଅନେକ ମତ ପୂଜା କଲେ

Couplet 111

ତାହାଙ୍କୁ ଯେହ୍ନେ ଦେବଗଣେବିଶ୍ୱାସେ ପୂଜନ୍ତି ଚରଣେ

Couplet 112

କୃଷ୍ଣ ପୂଜିଲେ ସେହିମତେଶୁଣ ରାଜନ ଏକଚିତ୍ତେ

Couplet 113

ବିପ୍ରଙ୍କୁ କରାଇ ଭୋଜନପାଶେ ବସିଲେ ଭଗବାନ

Couplet 114

ଶ୍ରମ ଦେଖିଣ ନରହରିବିପ୍ରଚରଣ କରେ ଧରି

Couplet 115

ଚାପନ୍ତେ ପ୍ରଭୁ ଭଗବାନବିପ୍ରଚରଣୁ ଗଲା ଶ୍ରମ

Couplet 116

ବିଶ୍ରାମ ଦେଖି ବିପ୍ରବରପୁଚ୍ଛନ୍ତି ବ୍ରହ୍ମାଣ୍ତଠାକୁର

Couplet 117

ଭୋ ବିପ୍ର ବଡ଼ଦୁଃଖ ପାଇଆସିଛ ପଥଶ୍ରମୀ ହୋଇ

Couplet 118

ବେଦ ଉଚିତ ହୋମକର୍ମଯଜନ ଆଦି ଷଟ୍କର୍ମ

Couplet 119

ସ୍ୱଧର୍ମେ ବଞ୍ଚଟିକି ସୁଖେସନ୍ତୋଷଚିତ୍ତେ ଗୃହଦୁଃଖେ

Couplet 120

ଧର୍ମେ ପ୍ରାପତ ଯେତେ ଧନତେଣେ ସନ୍ତୋଷ ଯାର ମନ

Couplet 121

ସେ ଦୁଃଖୀ ଦରିଦ୍ର ନୁହଁଇସ୍ୱଧର୍ମେ ବିପ୍ର ଶାନ୍ତ ହୋଇ

Couplet 122

ଦୁଃଖେ ଯେ ନ ଚଳନ୍ତି ଧର୍ମୁସେ ଧର୍ମ ବିପ୍ର କାମଧେନୁ

Couplet 123

ଅଖିଳ କାମ୍ୟଫଳ ଦେଇସ୍ୱଧର୍ମେ ବିପ୍ର ସେ ଜୀଅଇ

Couplet 124

ବହୁତ ଥାଇ ଯାର ଧନହେଳା କରଇ ନିଜ କର୍ମ

Couplet 125

ନିରେତେ ଚିତ୍ତ ଅସନ୍ତୋଷଉଭୟଲୋକେ ନାହିଁ ଯଶ

Couplet 126

ଦରିଦ୍ରପଣେ ଦୁଃଖ ସହିନିଜ ଧର୍ମକୁ ନ ଛାଡ଼ଇ

Couplet 127

ସେ ବିପ୍ର ହୋଇ ମୋର ସଙ୍ଗତରଇ ସଂସାର ତରଙ୍ଗ

Couplet 128

ଯଥାଲାଭରେ ଯେ ସନ୍ତୋଷଅଧର୍ମେ ନ କରନ୍ତି ଆଶ

Couplet 129

ସାଧୁ-ସୁହୃଦ ସର୍ବଭୂତସକଳ ଜୀବହିତେ ରତ

Couplet 130

ହୃଦେ ନ ବହେ ଅଳଙ୍କାରସମଦରଶୀ ଚିତ୍ତ ଯାର

Couplet 131

ତାହାଙ୍କୁ ମୋର ନମସ୍କାରବୋଲନ୍ତି ବ୍ରହ୍ମାଣ୍ତଠାକୁର

Couplet 132

ଭୋ ବିପ୍ର କୁଶଳ ତୁମ୍ଭରକହ କଲ୍ୟାଣ କ୍ଷେମସାର

Couplet 133

ରାଜାଏ ବସନ୍ତି ଜଗତେପ୍ରଜା ପାଳନ୍ତି ଧର୍ମମତେ

Couplet 134

ଯାହାର ରାଜ୍ୟେ ପ୍ରଜାଜନେସୁଖେ ବଞ୍ଚନ୍ତି ରାତ୍ରଦିନେ

Couplet 135

ସେ ରାଜା ମୋର ବଡ଼ ପ୍ରିୟଭୋ ବିପ୍ର ଆଗମନ କହ

Couplet 136

କେବଣ କାର୍ଯ୍ୟେ ଉପଗତଏଡେ଼ ଦୁର୍ଗମ ଜିଣି ପଥ

Couplet 137

ଗୁପତ ନୋହେ ଯେବେ ବାଣୀଭୋ ବିପ୍ର କହ ଏହିକ୍ଷଣି

Couplet 138

ମୁଁ ଅବା କି କହିବି ତୋତେସଂଶୟ ଫେଡ଼ି କହ ମୋତେ

Couplet 139

ଏମନ୍ତ କୃଷ୍ଣବାକ୍ୟ ଶୁଣିବ୍ରାହ୍ମଣ ବୋଲେ ସାଧୁବାଣୀ

Couplet 140

ରୁକ୍ମିଣୀ କହିଛନ୍ତି ଯାହାଭୋ ନାଥ ଶୁଣି ଚଉବାହା

Couplet 141

ହେ କୃଷ୍ଣ ଭୁବନସୁନ୍ଦରଶୁଣିଲି ଗୁଣକର୍ମ ତୋର

Couplet 142

ତୋହର ଗୁଣ-କର୍ମ-ଯଶଯାହାର ଶ୍ରବଣେ ପ୍ରବେଶ

Couplet 143

ହରେ ଅଶେଷ ଜନ୍ମ ପାପଆଧ୍ୟାତ୍ମଆଦି ତିନିତାପ

Couplet 144

ଚକ୍ଷୁ ବହନ୍ତି ଯେତେ ପ୍ରାଣୀତୋହର ରୂପ ପରିମାଣି

Couplet 145

ଅଖିଳ ଅର୍ଥଲାଭ ବଳେଲଭନ୍ତି ରୂପ ଦେଖି ଡେ଼ାଳେ

Couplet 146

ସେ ରୂପ କର୍ଣ୍ଣର୍ପଥେ ଶୁଣିମୋହର ଚିତ୍ତ ଚକ୍ରପାଣି

Couplet 147

ଲାଜ ଉପେକ୍ଷି ତୋ ଶରଣେପଶିଲା ଅଭୟ-ଚରଣେ

Couplet 148

କେଉଁ ଯୁବତୀ ଦେହ ବହିପିତା ଜନନୀ କୋଳେ ଥାଇ

Couplet 149

ବିବାହକାଳେ କନ୍ୟା ହୋଇଉତ୍ତମକୁଳେ ଜନ୍ମ ପାଇ

Couplet 150

ଶୀଳ ସ୍ୱରୂପ ବିଦ୍ୟାବଳଦ୍ରବିଣ ତେଜେ ଆତ୍ମା ତୁଲ୍ୟ

Couplet 151

ସୁଧୀର ସାଧୁ କୁଳବତୀତୋହର ପ୍ରାୟ ଥାଉଁ ପତି

Couplet 152

ହେ ନରସିଂହ ପୂର୍ଣ୍ଣକାମଜନଲୋଚନ ଅଭିରାମ

Couplet 153

ଶ୍ରବଣେ ଶୁଣି ତୋର ଭାବସେ କିମ୍ପା ଆନକୁ ବରିବ

Couplet 154

ଏବେ ବରିଲି ତୋତେ ମୁହିଁମନ ବଚନ ତନୁ ଦେଇ

Couplet 155

ତୋହର ଅର୍ଥେ ଏ ଶରୀରବିଚାରି ମୋତେ ତ୍ରାହି କର

Couplet 156

ଭୋ ନାଥ ବୀରଙ୍କର ବୀରମୁଁ ତୋ ଆମିଷ ଉପହାର

Couplet 157

ନିକଟେ ଶିଶୁପାଳ ଆସିନ ବସୁ ତୋର ବଳିଗ୍ରାସି

Couplet 158

ସିଂହର ବଳି ତଳେ ଚାହିଁଶୃଗାଳ ଯେସନେ ଧାମଇଁ

Couplet 159

ମୁଁ ଯେବେ ପୂର୍ବଜନ୍ମଗତେତପ ଆରାଧି ନାନାମତେ

Couplet 160

ତଡ଼ାଗ ଇଷ୍ଟ ଯଜ୍ଞ ଦାନନିୟମ ତୀର୍ଥ ବ୍ରତ ଧର୍ମ

Couplet 161

ଦେବତା ବିପ୍ର ଗୁରୁ ପୂଜିନିରତେ ବିଷ୍ଣୁପାଦେ ଭଜି

Couplet 162

ଏ ଯେବେ ପ୍ରମାଣ ମୋହରବେଗେ ଆସିବେ ଚକ୍ରଧର

Couplet 163

ମୋହର ହସ୍ତ ଆଗ ଧରୁଦଇବ ଏହି ବର କରୁ

Couplet 164

ଦମଘୋଷର ପୁତ୍ର ଆଦିଯେତେ ଅଛନ୍ତି ଅପରାଧୀ

Couplet 165

ଏମାନେ ନ ପାଇବେ ମୋତେପ୍ରମାଣ ଯେବେ ବେଦପଥେ

Couplet 166

ରାତ୍ର ପାହିଲେ ଅଧିବାସହୋଇବ ମଙ୍ଗଳ-ଦିବସ

Couplet 167

ତୁ ନାଥ ସାଜି ନନ୍ଦିଘୋଷେଘେନାଇ ଯଦୁବଳ ପାଶେ

Couplet 168

ମଙ୍ଗଳକାଳେ ଗୋପ୍ୟ ହୋଇଆସିବ ନ ଜାଣିବେ କେହି

Couplet 169

ଗୁପତେ ଗ୍ରାମ ଅନ୍ତେ ଥାଇମୋର ଗମନେ ବାଟ ଚାହିଁ

Couplet 170

ସଂଗ୍ରାମେ ରାଜା ଶିଶୁପାଳମୋର ପିତାର ଯେତେ ବଳ

Couplet 171

ଏହାଙ୍କ ଗର୍ବ ନାଶ କରିତୁ ମୋତେ ବଳେ ନିଅ ହରି

Couplet 172

ରାକ୍ଷସମତେ ବିଭାକରକିଣିଲା ସେବକୀ ମୁଁ ତୋର

Couplet 173

ତୁ ନାଥ ଭାଳୁ ଅବା ଚିତ୍ତେମୁଁ ତୋତେ ଆଣିବି କେମନ୍ତେ

Couplet 174

ରାଜାର ଅନ୍ତଃପୁରେ ଥାଉତୋତେ ପାଇବି ମୁହିଁ କାହୁଁ

Couplet 175

ତହିଁକି କହିବି ଉପାୟଶୁଣିମା ପ୍ରଭୁ ଦେବରାୟ

Couplet 176

ଆମ୍ଭର ଅଛି କୁଳାଚାରକନ୍ୟାକୁ କରନ୍ତି ବାହାର

Couplet 177

ଭବାନୀ ପୂଜିବା ନିମନ୍ତେଅମ୍ବିକା ଗୃହେ ଗ୍ରାମପ୍ରାନ୍ତେ

Couplet 178

ଯାତ୍ରା-ଉତ୍ସବେ ମୁହିଁ ଯିବିଭବାନୀ ଚରଣେ ପୂଜିବି

Couplet 179

ପଥେ ଆସିବା ବେଳେ ମୋତେପ୍ରଜାଏ ଦେଖିବେ ସମସ୍ତେ

Couplet 180

ଥିବି ମୁଁ ନାରୀଙ୍କର ମେଳେସେଠାରୁ ନିଅ ମୋତେ ବଳେ

Couplet 181

ଯାହାର ପାଦପଦ୍ମଧୂଳିମହତଜନେ ଶିରେ ବୋଳି

Couplet 182

ନୀଳଲୋହିତ କରେ ଆଶଏଣେ ହୋଇବ ତମ ନାଶ

Couplet 183

ସେ ପାଦପଦ୍ମ ମୁହିଁ ଯେବେଲଭି ନ ପାରିବି ପ୍ରସ୍ତାବେ

Couplet 184

ବ୍ରତେ ଶୁଖାଇ ପଞ୍ଚପ୍ରାଣନିଶ୍ଚେ ଛାଡ଼ିବି ନାରାୟଣ

Couplet 185

ଏମନ୍ତେ ଶତେଜନ୍ମ ଯାଏଁପ୍ରାଣ ଛାଡ଼ିବି ତୋର ପାୟେ

Couplet 186

ସତ୍ୟବଚନ ଏ ମୋହରତୁ କି ନ ଜାଣୁ ମାୟାଧର

Couplet 187

ବ୍ରାହ୍ମଣ କୃଷ୍ଣମୁଖ ଚାହିଁରୁକ୍ମିଣୀ ସନ୍ଦେଶ କହଇ

Couplet 188

ବୋଲଇ ଯୋଡ଼ି ବେନିକରଯେ ତୋର ଇଚ୍ଛା ଏବେ କର

Couplet 189

କହଇ ଦାସ ଜଗନ୍ନାଥକୃଷ୍ଣ ଧଇଲେ ବିପ୍ର ହସ୍ତ