Skandha 10
Adhyaya 55
Couplet 1
ନମଇଁ କୃଷ୍ଣର ଚରଣଅନାଦି ପୁରୁଷ ପୁରାଣ
Couplet 2
କହନ୍ତି ଶୁକ ମୁନିବରଶୁଣ ପରୀକ୍ଷ ନୃପବର
Couplet 3
ସକଳ ନିଯୋଜିତ କରିସୈନ୍ୟ ଆଗରେ ନରହରି
Couplet 4
ମଥୁରା ଗଡ଼ଦ୍ୱାର ମଧ୍ୟେକୃଷ୍ଣ ବିଜୟ ପଦ୍ମପାଦେ
Couplet 5
ଉଦୟଗିରି ମଧ୍ୟେ ଆସିଯେହ୍ନେ ବିରାଜେ ପୂର୍ଣ୍ଣଶଶୀ
Couplet 6
ଅତି ସୁନ୍ଦର ଶ୍ୟାମଦେହୀପୀତବସନ ବିରାଜଇ
Couplet 7
ଶ୍ରୀବତ୍ସଲାଞ୍ଚନ ସୁନ୍ଦରକୌସ୍ତୁଭମଣି ହୃଦେ ହାର
Couplet 8
ଆଜାନୁଲମ୍ବେ ଚାରିଭୁଜଅରୁଣ ଚକ୍ଷୁ ପଦ୍ମତେଜ
Couplet 9
ନିତ୍ୟ ଆନନ୍ଦ ହାସମୁଖସୁନ୍ଦର କପୋଳ ସୁରେଖ
Couplet 10
କର୍ଣ୍ଣେ ମକରାକାର ହୋଇରତ୍ନକୁଣ୍ତଳ ବିରାଜଇ
Couplet 11
କୋଟି କନ୍ଦର୍ପରୂପ ସାରରୂପକୁ ଚାହିଁ ପଟାନ୍ତର
Couplet 12
କାଳଯବନ କୃଷ୍ଣେ ଚାହିଁନାରଦ ବାକ୍ୟେ ମନ ଦେଇ
Couplet 13
ବୋଲଇ ବାସୁଦେବ ଏହିଶ୍ରୀବତ୍ସ ଚିହ୍ନ ହୃଦେ ଶୋହି
Couplet 14
ଆଜାନୁଲମ୍ବେ ଚାରିଭୁଜେକମଳନୟନ ବିରାଜେ
Couplet 15
ବନମାଳାଏ ଲମ୍ବେ ଉରଅପୂର୍ବ ମୋହନ ସୁନ୍ଦର
Couplet 16
ନାରଦ କହିଛନ୍ତି ଯେତେଚିହ୍ନ ଦେଖିଲି ଏହା ଗାତ୍ରେ
Couplet 17
କୃଷ୍ଣହୁଁ ନୋହଇ ଏ ଆନରୂପେ ମୋହିଲା ମୋର ମନ
Couplet 18
ଏହାର କରେ ଶସ୍ତ୍ର ନାହିଁଚରଣେ ଚାଲୁଅଛି ମହୀ
Couplet 19
ମୁଁ କିମ୍ପା କରେ ଶସ୍ତ୍ର ଧରିଏହାର ତୁଲେ ଯୁଦ୍ଧ କରି
Couplet 20
ନିନ୍ଦା ପାଇବି ଇହଲୋକେମରଣେ ପଡ଼ିବି ନରକେ
Couplet 21
ମୁହିଁ ହୋଇବି ନିରାୟୁଧତେବେଏହାର ତୁଲେ ଯୁଦ୍ଧ କରି
Couplet 22
ଏମନ୍ତ ଅସୁର ବିଚାରିତାହା ଜାଣିଲେ ନରହରି
Couplet 23
ମାୟାରେ ମୋହି ତାର ମନବେଗେ ଧାଇଁଲେ ଭଗବାନ
Couplet 24
କାଳଯବନ ବିଚାରଇଲୁଚିଣ ଯିବ ଏ ପଳାଇ
Couplet 25
ଯୁଦ୍ଧ ନ କରି ପଳାଇଲାଏମନ୍ତ ବୋଲି ଗୋଡ଼ାଇଲା
Couplet 26
ଯେ ହରି ଦେବଙ୍କୁ ଦୁର୍ଲ୍ଲଭତାହାଙ୍କୁ ମଣଇ ସୁଲଭ
Couplet 27
ଧରିବ ବୋଲି କୃଷ୍ଣ ପଛେଯବନ ଧାଇଁଲା ପ୍ରତ୍ୟକ୍ଷ
Couplet 28
ହସ୍ତ ଲାଗଇ କୃଷ୍ଣଦେହେପାଦ ବାଜଇ ବେନିପାୟେ
Couplet 29
ଏମନ୍ତେ ଦୂରପଥ ନେଇବନଗହନେ ଭାବଗ୍ରାହୀ
Couplet 30
କୃଷ୍ଣଙ୍କୁ ଗୋଡ଼ାଇ ଯବନବୋଲଇ ଝିଙ୍ଗାସ
Couplet 31
ଯାଦବକୁଳେ ଜାତ ହୋଇଡରେ ପଳାଉ କାହିଁପାଇଁ
Couplet 32
ଉଚିତ ନୁହଇ ତୋ ଯଶଲୋକେ କରିବେ ଉପହାସ
Couplet 33
କ୍ଷତ୍ରିୟଅଂଶେ ଜାତ ହୋଇଶୃଗାଳ ପ୍ରାୟ ତୁ ପଳାଇ
Couplet 34
ଏ ନୋହେ ତୋର କ୍ଷତ୍ରିଧର୍ମକିମ୍ପାଇ କରୁ ଏଡେ କର୍ମ
Couplet 35
ନିନ୍ଦଇ ଗୋବିନ୍ଦ ମହିମାଯେଣୁ ଅଟଇ ହୀନକର୍ମା
Couplet 36
ଏମନ୍ତ ବାକ୍ୟେ ଦେଇ ଗାଳିଗିରିଗହନେ ଯାଇ ମିଳି
Couplet 37
ପଶିଲେ ପର୍ବତକନ୍ଦରେଯବନ ଘେନି ଅନ୍ଧକାରେ
Couplet 38
ହରି ହୋଇଲେ ଅନ୍ତର୍ଦ୍ଧାନଭିତରେ ପଶିଲା ଯବନ
Couplet 39
ଚାହଁଇ ଚଉଦିଗେ କୋପେପୁରୁଷେ ଦେଖିଲା ସମୀପେ
Couplet 40
ଶୟନେ ନିଦ୍ରାଗତେ ହୋଇଉତ୍ତାନମତେ ଅଛି ଶୋଇ
Couplet 41
ଦେଖି ବୋଲଇ କୋପମନେନିନ୍ଦିତ-ପୁରୁଷ-ବଚନେ
Couplet 42
ଏତେ ଯୋଜନା ମୋତେ ଆଣିମୋହର ମହିମା ନ ଜାଣି
Couplet 43
ସାଧୁଙ୍କ ପ୍ରାୟ ଅଚି ଶୋଇମିଛେ ବୁଜିଣ ଚକ୍ଷୁ ଦୁଇ
Couplet 44
ମରଣକାଳେ ନିଦ୍ରା ଗଲେକାଳ କି ବଞ୍ଚାଇବ ଭଲେ
Couplet 45
ଏମନ୍ତେ କରି ଘୋରନାଦହୃଦେ ମାଇଲା ବେନିପାଦ
Couplet 46
ବଜ୍ର ସମାନ ପାଦ ବାଜିତାହାର ନିଦ୍ରା ଗଲା ଭାଜି
Couplet 47
ଉଠି ବସିଲା ମହାବଳୀଚାହଁଇ ନୟନ ନିରୋଳି
Couplet 48
ବେନିପାରୁଶ ଆଗପଛେଯବନେ ଦେଖିଲା ପ୍ରତ୍ୟକ୍ଷେ
Couplet 49
କୋପେ କମ୍ପଇ ତାର ଦେହୀଅନଳନୟନେ ଅନାଇଁ
Couplet 50
ଅଗ୍ନି ଉଠିଲା ମହାଘୋରପଡ଼ିଲା ଯବନ ଉପର
Couplet 51
ଦେଖନ୍ତି ପ୍ରଭୁ ନାରାୟଣଭସ୍ମ ହୋଇଲା ତତକ୍ଷଣ
Couplet 52
ଶୁଣି ପରୀକ୍ଷ ପଚାରଇବ୍ୟାସନନ୍ଦନ ମୁଖ ଚାହିଁ
Couplet 53
ଭୋ ମୁନି ଶୋଇଲା ପୁରୁଷକହ ତାହାର ନାମ କିସ
Couplet 54
କାହାର ପୁତ୍ର ଏଡେ଼ ବଳୀନୟନେ ଅଗ୍ନି ପରଜ୍ୱଳି
Couplet 55
କାଳଯବନ ଭସ୍ମଗଲାଏ ତପ କେମନ୍ତେ ସାଧିଲା
Couplet 56
ନିଦ୍ରାରେ ଗିରିମଧ୍ୟେ ଶୋଇକହ ସେ ପୂର୍ବେ ଥିଲା କାହିଁ
Couplet 57
କହନ୍ତି ବ୍ୟାସଙ୍କ କୁମରଇକ୍ଷାକୁବଂଶେ ନୃପବର
Couplet 58
ମାନଧାତା ନାମେ ମହେନ୍ଦ୍ରତାର କୁମର ମୁଚୁକୁନ୍ଦ
Couplet 59
ବିପ୍ର ସେବକ ସତ୍ୟବାଦୀସକଳ ଗୁଣେ ଗୁଣନିଧି
Couplet 60
ତାହାକୁ ଦେବଗଣେ ଆସିବଚନ କହିଲେ ବିଶ୍ୱାସି
Couplet 61
ତୋର ଶରଣ ନୃପବରଆମ୍ଭେ ଛାଡିଲୁ ସ୍ୱର୍ଗପୁର
Couplet 62
ହାରିଲୁ ଅସୁରଙ୍କୁ ରଣେପଶିଲୁ ତୋହର ଶରଣେ
Couplet 63
ତୁ ଏବେ କର ପ୍ରତିକାରଅସୁରବଳ ବେଗେ ମାର
Couplet 64
ଏମନ୍ତ କହି ସୁରବୃନ୍ଦଘେନାଇ ଗଲେ ମୁଚୁକୁନ୍ଦ
Couplet 65
ଦେବତାଗଣେ ଦୁଃଖ ଦେଖିସେ ମୁଚୁକୁନ୍ଦ ପଦ୍ମଆଖି
Couplet 66
ନିଜ ବିନାନେ ବିଜେ କଲାତେଜେ ବିରାଜେ ରବିକଳା
Couplet 67
ନାନା ଆୟୁଧ ଘେନି ହସ୍ତେବିଜୟ କଲେ ଶୂନ୍ୟ ପଥେ
Couplet 68
ଅସୁର ତୁଲେ କଲେ ରଣଗଗନ ପଥେ ଦେବଗଣ
Couplet 69
ତାହା ଦେଖିଣ ନୃପବରମିଳିଲା ସଂଗ୍ରାମ ମଧ୍ୟର
Couplet 70
ଦେବତା ଅସୁର-ସମରେକ୍ଷୋଭ ପାଇଲେ ତୀକ୍ଷ୍ଣ ଶରେ
Couplet 71
ଏମନ୍ତ ଦେଖି ନୃପବରକ୍ଷୁଦ୍ଧ କରଇ ମହାଘୋର
Couplet 72
ମୁଚୁକୁନ୍ଦର ତୀକ୍ଷଣ ବାଣେଅସୁରେ ପଳାଇଲେ ରଣେ
Couplet 73
ଅନେକ ହେଲେ ପ୍ରାଣେ ନାଶରହିଲେ ପାଞ୍ଚ ସାତ ଶେଷ
Couplet 74
ସେ ରାଜା ମହା ବଳୀୟାରଅନେକ କଲାକ ସମର
Couplet 75
ପୁଣି ଅନେକ ଯୁଦ୍ଧ କରିସକଳ ଅସୁର ସଂହାରି
Couplet 76
ଗଜର ସମରେ କେଶରୀଯେଉଁ ପ୍ରକାରେ ନାସ କରି
Couplet 77
ତେମନ୍ତ କରିଣ ସମରଅସୁର କଲାକ ସହାଂର
Couplet 78
ଅସୁର ସୈନ୍ୟ ନାଶ କରିଦେବଙ୍କୁ ଦେଲା ସ୍ୱର୍ଗପୁରୀ
Couplet 79
ଯୁଦ୍ଧରେ ତମ ଗୁଣ ଘେନିରାତ୍ର ଦିବସ ହିଁ ନ ଜାଣି
Couplet 80
ଏମନ୍ତ ତାର କାଳ ଗଲାଯୁଦ୍ଧରେ ନୃପତିର ବଳା
Couplet 81
କାର୍ତ୍ତିକେ ପାଇ ସେନାପତିଦେବତାମେଳେ ବୃହସ୍ପତି
Couplet 82
ବୋଲନ୍ତି ଚାହିଁ ମୁଚୁକୁନ୍ଦଆମ୍ଭେ ଯେ ହୋଇଲୁ ଆନନ୍ଦ
Couplet 83
ତୋ ଯଶ ପରଉପକାରସମ୍ପଦ ରଖିଲୁ ଆମ୍ଭର
Couplet 84
ତୁ ଆଉ ନ କର ସମରଅସୁର ଭୟ ଗଲା ଦୂର
Couplet 85
ତୁ ମର୍ତ୍ତ୍ୟପୁର ନୃପବରଏ ଯେ ଅମର ସ୍ୱର୍ଗପୁର
Couplet 86
ଆମ୍ଭେ ଆଣିଲୁ ତୋତେ ବରିତୁ ଏବେ ଏହାଙ୍କୁ ସଂହାରି
Couplet 87
ରଖିଲୁ ଦେବଙ୍କ ସମ୍ପଦଥିଲା ଯେ ତୋର ରାଦପଦ
Couplet 88
ସମରେ ତୋର ମନ ଥିଲାମଞ୍ଚେ ଅନେକ କାଳ ଗଲା
Couplet 89
ସୁତ କଳତ୍ର ବନ୍ଧୁ ଗୋତ୍ରସକଳେ ହେଲେ କାଳଗ୍ରସ୍ତ
Couplet 90
ପ୍ରଜା ଯେ ଥିଲେ ତୋର ତୁଲେକାଳେ ସକଲେ ନାଶ ଗଲେ
Couplet 91
ଦଇବବଳେ କାଳବଳୀଜନ୍ତୁଙ୍କୁ କର୍ମବଳେ ଗିଳି
Couplet 92
ଇଶ୍ୱର ଭାବେ ଖେଳେ କାଳପଶୁଙ୍କୁ ଯେହ୍ନେ ପଶୁପାଳ
Couplet 93
କିସ କରିବୁ ନର ଲୋକେପଡିବୁ ପୁତ୍ର ଦାରା ଶୋକେ
Couplet 94
ରାଜନ ଛାଡୁ ମନୁ ଚିନ୍ତାଆମ୍ଭେ ହୋଇଲୁ ବର ଦାତା
Couplet 95
ଧନ ସମ୍ପଦ କାମ ଯେତେମାଗ ତୁ ଦେବୁ ଅପ୍ରମିତେ
Couplet 96
ମୋକ୍ଷକୁ ନୋହୁଁ ଅଧିକାରୀଏଥକୁ ପ୍ରଭୁ ନରହରି
Couplet 97
ଦେବଙ୍କ ବାକ୍ୟ କର୍ଣ୍ଣେ ଶୁଣିରାଜମ ମନେ ମନେ ଗୁଣି
Couplet 98
ଦେବଙ୍କୁ କରି ନମସ୍କାରବୋଲଇ ଯୋଡି ବେନିକର
Couplet 99
ଯେବେ ମୋହର ମୋକ୍ଷ ନାହିଁବର ମାଗିବି କିସ ପାଇଁ
Couplet 100
ଯୁଦ୍ଧରେ ଗଲା ଏତେ ଦିନନିଦ୍ରା ତ ନାହିଁ ମୋ ନୟନ
Couplet 101
ଶୋଇବ ବରେ କାର୍ଯ୍ୟ ନାହିଁନିଦ୍ରା ପିଡୀତ ମୋର ଦେହୀ
Couplet 102
ଶୁଣି ସାନନ୍ଦ ଦେବେ ମନେମିଳିଲେ ଦୁର୍ଗମ କାନନେ
Couplet 103
ଗିରିକନ୍ଦରେ ଶଯ୍ୟା କରିତହିଂ ଶୁଆଇ ଦଣ୍ତଧାରୀ
Couplet 104
ବୋଇଲେ ଇନ୍ଦ୍ରାଆଦି ଦେବେତୋହର ନିଦ୍ରା ଯେ ଭାଙ୍ଗିବେ
Couplet 105
ତୋର-ନୟନ-ଅଗ୍ନି ବାଣେବସ୍ମ ହୋଇବ ତତକ୍ଷଣେ
Couplet 106
ତୋହର ନିଦ୍ରା ଅନ୍ତକାଳେଦେଖିବୁ ପ୍ରଭୁ ଆଦିମୂଳେ
Couplet 107
ଏମନ୍ତ କହି ଦେବେ ଗଲେକୃଷ୍ଣ ଜାଣନ୍ତି ତାହାଭଲେ
Couplet 108
ଯବନ ମରାଇଲେ ନେଇଶୁଣ ରାଜନ ମନଦେଇ
Couplet 109
କାଳଯବନ ନାଶ ଗଲାଶୁଣ ହୋ ଗୋବିନ୍ଦର ଲୀଳା
Couplet 110
କୃଷ୍ଣଶରୀର ତେଜ ରାଶିଗିରିକନ୍ଦର-ତମ ନାଶି
Couplet 111
ଚକିତେ ଚାହିଁ ନୃପବରଦେଖିଲା ବ୍ରହ୍ମାଣ୍ୟଠାକୁର
Couplet 112
ନୀଳଜଳଦ-ତନୁବର୍ଣ୍ଣପୀତ ବସନ ପରିଧାନ
Couplet 113
ଶ୍ରୀବତ୍ସ ଚିହ୍ନ ମଣି କଣ୍ଠେରତ୍ନମେଘଳା କଟିତଟେ
Couplet 114
ସୁନ୍ଦର ବନମାଳା ସାଜେନିଜ ଆୟୁଧ ଚାରିଭୁଜେ
Couplet 115
ପ୍ରସନ୍ନ ବଦନ ଗୋପାଳଶ୍ରବଣେ ମକରକୁଣ୍ତଳ
Couplet 116
ଅତି ସୁନ୍ଦର ହାସମୁଖକୁଟୀଳ କୁନ୍ତଳ ସୁରେଖ
Couplet 117
ଆଜାନୁଲମ୍ବେ ଚାରିଭୁଜବିକ୍ରମସିଂହ ପ୍ରାୟ ତେଜ
Couplet 118
ଏମନ୍ତ କୃଷ୍ଣଦେହେ ତେଜଦେଖି ଚକିତ ମହାରାଜ
Couplet 119
ଗୋବିନ୍ଦ ତେଜେ ହରଷିତଶଙ୍କିତେ ଯୋଡ଼ି ବେନିହସ୍ତ
Couplet 120
କୃଷ୍ଣବଦନ ଅରବିନ୍ଦଚାହିଁ ବୋଲାଇ ମୁଚୁକୁନ୍ଦ
Couplet 121
କହ ତୁ କାହାର ନନ୍ଦନକୁଳ ପ୍ରବର ନିଜ କାମ
Couplet 122
ଏମନ୍ତ ଦେଖିଲା ତ ନାହିଁଗିରିକନ୍ଦରେ ଥିଲୁ କାହିଁ
Couplet 123
କମଳ ପ୍ରାୟ ତୋ ଚରଣକିମ୍ପାଇ ବୁଲୁ ଘୋରବନ
Couplet 124
ତେଜସ୍ୱୀମାନଙ୍କର ତେଜକି ଅବା ପ୍ରଭୁ ଦେବରାଜ
Couplet 125
ସୂର୍ଯ୍ୟ ଶଶାଙ୍କ ଆଖଣ୍ତଳକି ଅବା କେଉଁ ଦିଗପାଳ
Couplet 126
ବିଷ୍ଣୁ ଶଙ୍କର ପଦ୍ମଯୋନିଦେବଙ୍କ ଦେବତା ଏ ତିନି
Couplet 127
ଏ ତିନିମଧ୍ୟେ ଏକ ତୁହିଗୋବିନ୍ଦପ୍ରାୟ ମୁଁ ମଣଇଁ
Couplet 128
ଶୟନକାଳେ ଦେବଗଣେବର ଯେ ଦେଲେ ଶୁଦ୍ଧମନେ
Couplet 129
ସେ କି ହୋଇଲା ପରାପତତୁମ୍ଭେ ବା ଅଟ ହେ ଅଚ୍ୟୁତ
Couplet 130
ତୋହର ତେଜେ ତମ ଗଲାପ୍ରଦୀପ ପ୍ରାୟ ପ୍ରକାଶିଲା
Couplet 131
ସତ୍ୟବଚନ କହ ମୋତେମୁଁ ତୋତେ ଜାଣଇଁ ଯେମନ୍ତେ
Couplet 132
ଦେବତାବରେ ନିଦ୍ରା ମୁହିଁଅନେକ କାଳୁ ଅଛି ଯାଇ
Couplet 133
ମୋହର ନିଦ୍ରା ଯେ ଭାଙ୍ଗିବଚକ୍ଷୁଅନଳେ ନାଶଯିବ
Couplet 134
କେ ମୋର କଲା ନିଦ୍ରା ଭଙ୍ଗତୁମ୍ଭେ କି ଥିଲ ତାର ସଙ୍ଗ
Couplet 135
ଦିଶୁଛ ଆଦିସୂର୍ଯ୍ୟ ପ୍ରାୟେଭୟେ କମ୍ପଇ ମୋର କାୟେ
Couplet 136
ଶ୍ରବଣେ ଯେବେ ମୁହିଁ ପାତ୍ରକହ ତୋହର ନାମ ଗୋତ୍ର
Couplet 137
ମୋହର କଥା ଶୁଣ ତୁହିଇକ୍ଷ୍ୱାକୁ ବଂଶେ ଜାତ ମୁହିଁ
Couplet 138
ମାନ୍ଧାତା ନୃପତି-ନନ୍ଦନମୋହର ମୁଚୁକୁନ୍ଦ ନାମ
Couplet 139
ଯୁଦ୍ଧେ ଉନ୍ନିଦ୍ର-ଶ୍ରମ ପାଇନିରୋଳେ ନିଦ୍ରାଗତ ହୋଇ
Couplet 140
ନିଦ୍ରା ଯେ ଭାଙ୍ଗିଲା ମୋହରଭସ୍ମ ହୋଇଲା ତା ଶରୀର
Couplet 141
ଏବେ ମୁଁ ତୋର ରୂପ ଦେଖିଚାହାନ୍ତେ ସ୍ପୁରେ ବେନିଆଖି
Couplet 142
ଦେଖି ତୋହର ରୂପ ତେଜହତ ମୋ ହେଲା ବଳବୀର୍ଯ୍ୟ
Couplet 143
ଏମନ୍ତ ରାଜାମୁଖୁଁ ଶୁଣିବୋଲନ୍ତି ପ୍ରଭୁ ଚକ୍ରପାଣି
Couplet 144
ଗଭୀର ମେଘପ୍ରାୟ ଘୋଷରଙ୍ଗଅଧରେ ମନ୍ଦହାସ
Couplet 145
ମୋତେ ତୁ ପଚାରିଲୁ ଯାହାଶୁଣ ରାଜନ ପୁଣ୍ୟଦେହା
Couplet 146
ମୋହର ଜନ୍ମ-କର୍ମ-ଗତିସହସ୍ର ସଂଖ୍ୟାଏ ଅଛନ୍ତି
Couplet 147
ନାମ ହିଁ ଅଛି ମୋର ଯେତେସଂଖ୍ୟା କରିବ କେହୁ କେତେ
Couplet 148
ଭୂମିରେ ଅଛି ରେଣୁ ଯେତେଅନନ୍ତସଂଖ୍ୟା ଅପ୍ରମିତ
Couplet 149
ଏମାନ ଗଣି କେ ପାରଇଅନେକ ଜନ୍ମେ ଦେହ ବହି
Couplet 150
ମୋହର ଜନ୍ମ-କର୍ମ ନାମଗଣି ନପାରେ କେହି ଜନ
Couplet 151
ମୋହର ଜନ୍ମ-କର୍ମ ଯେତେତ୍ରିକାଳବ୍ୟାପୀ ଏ ଜଗତେ
Couplet 152
ପରମଋଷି ଯେତେ ଛନ୍ତିକେହି ସେ ତତ୍ତ୍ୱ ନ ଜାଣନ୍ତି
Couplet 153
ଏବେ ମୁଁ କହୁଅଛି ଯେତେରାଜନ ଶୁଣ ଏକଚିତ୍ତେ
Couplet 154
ବ୍ରହ୍ମା ଶଙ୍କର ଦେବେ ଯାଇକ୍ଷୀରଜଳଧି ତଟେ ରହି
Couplet 155
ସ୍ତୁତି ସେ କଲେ ମୋ ଚରଣେମେଦିନୀଭାରା ନିବାରଣେ
Couplet 156
ଅସୁରବଳ କରି ନାଶସାଧୁଙ୍କୁ କରିବି ଆଶ୍ୱାସ
Couplet 157
ଏଣୁ ମୁଁ ବସୁଦେବ ଘରେଜନ୍ମିଲି ଦେବକୀ ଉଦରେ
Couplet 158
ବସୁଦେବର ପୁତ୍ରଭାବତେଣୁ ମୋ ନାମ ବାସୁଦେବ
Couplet 159
ରମିଲି ବୃନ୍ଦାବନେ ରହିକଂସକୁ ସଂହାରିଲି ମୁହିଁ
Couplet 160
ପ୍ରଳମ୍ବାଆଦି ୟେ ଦାନବେମୁହିଁ ମାଇଲି ବାଳଭାବେ
Couplet 161
କାଳଯବନ ଅଣାଇଲିତୋର ନୟନ ସଂହାରିଲି
Couplet 162
ତୋତେ ମୋ ଅନୁଗ୍ରହ ଚିତ୍ତେତେଣୁ ମିଳିଲି ତୋ ଅଗ୍ରତେ
Couplet 163
ପୂର୍ବେ ତୁ ଘୋରତପ କରିମନପବନ ହୃଦେ ଧରି
Couplet 164
ଦେବେ ତ ଦେଇଛନ୍ତି ବରଶୟନକାଳେ ନୃପବର
Couplet 165
ମୋତେ ଦେଖିବୁ ବୋଲି ଚିତ୍ତେଏବେ ପ୍ରସନ୍ନ ହେଲି ତୋତେ
Couplet 166
ଭକତ ବତ୍ସଳ ମୋ ନାମବର ତୁ ମାଗ ଇଚ୍ଛା କାମ
Couplet 167
ଯାହା ମାଗିବୁ ଶୁଦ୍ଧଚିତ୍ତେପ୍ରସନ୍ନେ ଦେବଇଁ ମୁଁ ତୋତେ
Couplet 168
ମୋରେ ଯେ ଶରଣ ପଶନ୍ତିସଂସାରେ ନାହିଁ ତାଙ୍କ ଭୀତି
Couplet 169
ଏମନ୍ତ କୃଷ୍ଣମୁଖୁଁ ଶୁଣିପ୍ରଣାମ କଲା ପୁଣପୁଣି
Couplet 170
ଗର୍ଗବଚନ ପରିମାଣିନିଶ୍ଚେ ଜାଣିଲା ଚକ୍ରପାଣି
Couplet 171
ଆନନ୍ଦେ ବେନିକର ଯୋଡିକହଇ କୃଷ୍ଣପାଦେ ପଡ଼ି
Couplet 172
ଭୋ ନାଥ ତୋର ମାୟାବଳେମୋହିତ ପ୍ରାଣୀଏ ଶୟଳେ
Couplet 173
ଅନର୍ଥ ଅର୍ଥ ପ୍ରାୟ ମଣେନଭଜେ ତୋହର ଚରଣେ
Couplet 174
ଦୁଃଖଗହନେ ସୁଖ ଆଶେପଡ଼ଇ ଦାରା ମୋହପାଶେ
Couplet 175
ମୈଥୁନସୁଖେ କାଳ ବଂଚେନଭୁଞ୍ଜି ନିତ୍ୟେ ଧନ ସଂଚେ
Couplet 176
ଅଶେଷ ଜନ୍ମ ପୁଣ୍ୟଫଳେମନୁଷ୍ୟଦେହ ମହୀତଳେ
Couplet 177
ଇନ୍ଦ୍ରିୟସୁଖେ ଦେଇ ମତିତୋର ଚରଣେ ନ ଭଜନ୍ତି
Couplet 178
ପଡ଼ନ୍ତି ଅନ୍ଧକୂପ-ଗୃହେପଶୁ ଯେସନେ ତୃଣ ମୋହେ
Couplet 179
ଶୁଣ ହେ ମଦନଗୋପାଳନିଷ୍ଫଳେ ଗଲା ଏତେ କାଳ
Couplet 180
ରାଜ୍ୟ ସମ୍ପଦେ ଭୋଳ ହୋଇଆତ୍ମାର ଗତି ନ ଜାଣଇ
Couplet 181
ଦେହାଭିମାନ ବୁଦ୍ଧିବଳେସୁତ କଳତ୍ର ମୋହଜାଲେ
Couplet 182
ଦୁରନ୍ତ ଚିନ୍ତା ପଥେ ମଜ୍ଜେତୋତେ ନ ଭଜି ଦେବରାଜେ
Couplet 183
ମୃତ୍ତିକାଘଟ ମଧ୍ୟେ ଥାଇବୋଲଇ ନରଦେବ ମୁହିଁ
Couplet 184
ରଥ କୁଞ୍ଜର ଅଶ୍ୱଯୂଥେପଦାତିବଳ ଅପ୍ରମିତେ
Couplet 185
ଖେଳଇ ଏ ମହୀମଣ୍ତଳେତୋତେ ନ ଜାଣି ମତିଭୋଳେ
Couplet 186
ପଶୁଙ୍କ ପ୍ରାୟେ ଏ ସଂସାରେପଶି ଗହନ ଚିନ୍ତାଘୋରେ
Couplet 187
ବିଷୟ ସୁଖ ଭୋଗେ ବଢିତୋ ପାଦପଦ୍ମ ଚିନ୍ତା ଛାଡ଼ି
Couplet 188
ପଡ଼ଇ ତୋର ମାୟାବଳେତୁ ତାକୁ ନାଶୁ ଅବହେଳେ
Couplet 189
ଗ୍ରାସଇ ତୋର କାଳରୂପଇନ୍ଦୁରେ ଯେହ୍ନେ କାଳସର୍ପ
Couplet 190
ପୂର୍ବେ ସୁବର୍ଣ୍ଣମୟ ରଥେକୁଞ୍ଜରକନ୍ଧେ ନାନାପଥେ
Couplet 191
ନରଦେବତା ନାମ ବହିଭ୍ରମଇଁ ମତ୍ତଭୋଳେ ମହୀ
Couplet 192
ସେ ଦେହ ତୋର ଅଂଶ କାଳକରଇ କୃମି ଭସ୍ମ ମଳ
Couplet 193
କେ ଅବା ନୃପ ଚୂଡ଼ାମଣିଅଶେଷ ଦିଗଭାଗ ଜିଣି
Couplet 194
ସଂଗ୍ରାମେ ଦଶଦିଗ ବାହିଅଭୂତ ବିଗ୍ରହ ବୋଲାଇ
Couplet 195
ଉତ୍ତମ ସିଂହାସନେ ପୂଜାପାଦେ ନମନ୍ତି ସର୍ବରାଜା
Couplet 196
ଏମନ୍ତ ପ୍ରାଣକୁ ଯେ ଧରିସ୍ତିରୀଏ କ୍ରୀଡ଼ାମୃଗ କରି
Couplet 197
ମୈଥୁନ ସୁଖ ଗୃହମଧ୍ୟେକରନ୍ତି ପରମଆନନ୍ଦେ
Couplet 198
ଯେ ପ୍ରାଣୀ ଦେବପୂଜା କରିବୋଲଇ ଭବୁ ଯିବି ତରି
Couplet 199
ନିବୃତ୍ତିମାର୍ଗେ ମହାଶ୍ରମେତପ ଆରାଧି ନାନାକର୍ମେ
Couplet 200
ଦେବତା ବରଦାନ କାଳେପୁଣ ମାଗଇ ସୁଖଭୋଳେ
Couplet 201
କରଇ ସ୍ୱର୍ଗଭୋଗ ବାଞ୍ଛାପରମସୁଖେ ନାହିଁ ଇଚ୍ଛା
Couplet 202
ଜନ୍ମମରଣ ବେନିପଥେସେ ପ୍ରାଣୀ ଭ୍ରମୁଥାଇ ନିତ୍ୟେ
Couplet 203
ତାହାର ଯେବେ ଭାଗ୍ୟ ଥାଇସୁସାଧୁ-ସଙ୍ଗତେ ମିଳଇ
Couplet 204
ସତ୍ସଙ୍ଗେ ହୋଇ ପାପ ନାଶନିର୍ମଳ ପ୍ରକାଶଇ ଯଶ
Couplet 205
ସୁସାଧୁ-ଯୋଗୀଙ୍କର ପ୍ରାୟେଶୁଦ୍ଧ ପ୍ରକାଶେ ତାର ଦେହେ
Couplet 206
ପରମବ୍ରହ୍ମ ତୋର ପାଦେସେ ପ୍ରାଣୀ ଭଜଇ ଆନନ୍ଦେ
Couplet 207
ତୋହର ମାର୍ଗେ ହୋଇ ଗତିତୁଟଇ ଭଜବନ୍ଧ-ଭ୍ରାନ୍ତି
Couplet 208
ଭୋ ନାଥ ଜାଣିଲି ମୁଁ ଚିତ୍ତେତୋହର ଅନୁଗ୍ରହ ମୋତେ
Couplet 209
ରାଜ୍ୟ-ସମ୍ପଦ-ବନ୍ଧ-ପାଶଏବେ ହୋଇଲା ମୋର ନାଶ
Couplet 210
ଅଖଣ୍ତ-ଅବନୀ-ମଣ୍ତଳେଅଶେଷ ଭୋଗ ମହୀତଳେ
Couplet 211
ଯେ ଛାଡ଼ି ଭଜେ ତୋ ଚରଣଏକା ବୁଲଇ ବନେବନ
Couplet 212
ଅଶେଷ ଘୋରାତପ କରିଯାହା ଚିନ୍ତନ୍ତି ବ୍ରହ୍ମଚାରୀ
Couplet 213
ଭୋ ନାଥ ପରମ ମଙ୍ଗଳଅନାଦିଧର୍ମ ଆଦିମୂଳ
Couplet 214
ତୋହର ଅଭୟଚରଣନିତ୍ୟେ ସେବିବି ନାରାୟଣ
Couplet 215
ଆନ ସମ୍ପଦେ କାର୍ଯ୍ୟ ନାହିଁଏ ବର ଦିଅ ମୋତେ ତୁହି
Couplet 216
ତୁ ନାଥ କଇବଲ୍ୟଦାତାଦୁଃଖୀଜନଙ୍କ ପିତାମାତା
Couplet 217
ତୋହର ଦରଶନ ପାଇଆତ୍ମାର ବନ୍ଧ ଯେ ମାଗଇ
Couplet 218
ତାହାକୁ ବୋଲି ଅପଣ୍ତିତତୋର ମାୟାରେ ଜ୍ଞାନହତ
Couplet 219
ଭୋ ନାଥ ପରମଈଶ୍ୱରତୁ ଯେ ଯାଚିଲୁ ମୋତେ ବର
Couplet 220
ତ୍ରିଗୁଣେ ବନ୍ଧ ମୋହପାଶସେ ବରେ ନାହିଁ ମୋର ଆଶ
Couplet 221
ନିର୍ଗୁଣ-ନିରଞ୍ଜନ-ପରକେବଳ ଆତ୍ମଜ୍ଞାନ ସାର
Couplet 222
ଏମନ୍ତ ପୁରୁଷର ପାଦେଶରଣ ଯିବି ଅପ୍ରମାଦେ
Couplet 223
ଏ ଭବସିନ୍ଧୁ ମଧ୍ୟେ ମୁହିଁଅଶେଷ ଜନ୍ମ ଦୁଃଖ ପାଇ
Couplet 224
ବାସନାବଳେ କରି ପାପସୁମରି ପଛେ ଅନୁତାପ
Couplet 225
ସେ ତାପେ ପୀଡ଼ିତ ଜୀବନେଭ୍ରମଇଁ ଦୁଃଖେ ପଥଶ୍ରମେ
Couplet 226
ଷଡ଼ଅଇରି ସଙ୍ଗେ ଭ୍ରମିନିଗମପଥେ ମହାଶ୍ରମୀ
Couplet 227
ତୃଷିତେ ଜଳପାନ ଚିନ୍ତିକେବେ ନୁହଇ ତୃଷା ଶାନ୍ତି
Couplet 228
ସେ ଜଳ ତୋର ପାଦେ ଥୋଇସଂସାର ତାପ ନିବାରଇ
Couplet 229
ନିର୍ଭୟ-ସତ୍ୟ-ଶୋକହରଭୋନାଥ ଶରଣ ତୋହର
Couplet 230
ଆପଦକଳେ ସୁଖ ଦେଇତୋ ପାଦେ ରଖ ଭାବଗ୍ରାହୀ
Couplet 231
ଏମନ୍ତ ରାଜାବାକ୍ୟ ଶୁଣିକୃଷ୍ଣ କହନ୍ତି ମୃଦୁବାଣୀ
Couplet 232
ତୁ ମହାଭାଗ ଚକ୍ରବର୍ତ୍ତୀନିର୍ମଳ-ନିଷ୍କାମ ତୋ ମତି
Couplet 233
ବରେ ମୋହିଲି ତୋର ଚିତ୍ତଲୋଭେ ନୋହିଲୁ ଅଭିଭୂତ
Couplet 234
ଏମନ୍ତ ବୁଦ୍ଧି ଯେବେ ତୋରନିଶ୍ଚେ ତରିବୁ ଭବଘୋର
Couplet 235
ଭକତଜନଙ୍କର ଚିତ୍ତସମ୍ପଦେ ନୋହେ ମୋହଗ୍ରସ୍ତ
Couplet 236
ଅଷ୍ଟାଙ୍ଗଯୋଗ ଲୟ କରିମୋତେ ଚିନ୍ତନ୍ତି ବ୍ରହ୍ମଚାରୀ
Couplet 237
ମୋର ଭକତି ନ ଜାଣନ୍ତିତାହାଙ୍କ ଚିତ୍ତେ ନାହିଁ ଶାନ୍ତି
Couplet 238
କର୍ମ-ବାସନା ରଜ୍ଜୁ-ବନ୍ଧୁଭାବେ ଭ୍ରମଇ ଯେହ୍ନେ ଅନ୍ଧ
Couplet 239
ମୋହର ପାଦେ ଚିତ୍ତ ଦେଇଏବେ ତୁ ସୁଖେ ଭ୍ରମ ମହୀ
Couplet 240
ନିଶ୍ଚଳ ହୋଇ ମୋର ପାଦେତୋର ଭକତି ଅପ୍ରମାଦେ
Couplet 241
ହେଉ ବୋଇଲେ ଚକ୍ରପାଣିଏବେ ହୋ ଶୁଣ ନୃପମଣି
Couplet 242
କ୍ଷତ୍ରିୟକୁଳେ ହୋଇ ଜାତଜୀବ ମାଇଲୁ ଅପ୍ରମିତ
Couplet 243
ମୃଗୟା କରି ମାଂସ ଖାଇଏ ଜନ୍ମେ ତୋର ଗତି ନାହିଁ
Couplet 244
ମୋହର ପାଦେ ଆଶ୍ରେ କରସାଧିବୁ ତପ ମହାଘୋର
Couplet 245
ତେବେ ହୋଇବ ପାପକ୍ଷୟେଭେଦିବୁ ବ୍ରହ୍ମଲୋକ ଯାଏ
Couplet 246
ପାପ-ଅନ୍ତରେ ଏ ସଂସାରେଜନ୍ମିବୁ ବ୍ରାହ୍ମଣୀ ଉଦରେ
Couplet 247
ସୁହୃଦ ହୋଇ ସର୍ବଭୂତେତୁ ମୋତେ ଚିହ୍ନିବୁ ଯୁକତେ
Couplet 248
ବ୍ରାହ୍ମଣକର୍ମ ସଦ୍ଭାବେକରିବୁ ଯଥାବିଧି ଲାଭେ
Couplet 249
ଷଡ଼କରମେ ଯୁତ ହୋଇମୋ ପାଦେ ସମର୍ପିବୁ ତୁହି
Couplet 250
ତେବେ ପାଇବୁ ମୋ ଚରଣହସି ବୋଲନ୍ତି ନାରାୟଣ
Couplet 251
ସେ ନାରାୟଣ ପାଦଗତନମଇଁ ଦାସ ଜଗନ୍ନାଥ